Webrwanda Backend

Blog

  • Mashami yahamagaye 31 b’Amavubi batarimo Jacques Tuyisenge #rwanda #RwOT

    Mu bandi batahamagawe kandi harimo Ally Niyonzima wahawe ikarita y’umutuku mu mukino Amavubi yakinnye na Cap-Vert, ndetse na Bizimana Djihad utarakunze kubura mu ikipe y’Igihugu.

    Ikipe y’Igihugu Amavubi ifite imikino ibiri muri uku kwezi irimo uwo izakina Mozambique tariki 24 Werurwe 2021 uzabera i Kigali n’undi uzaba tariki 30 Werurwe, uzayihuza na Cameroon wo ukazabera muri Cameroon.

    31 bahamagawe :

    Abanyezamu

    Olivier Kwizera (Rayon Sports FC)
    Emery Mvuyekure (Tusker FC, Kenya)
    Eric Ndayishimiye (AS Kigali)
    Yves Kimenyi (Kiyovu SC)

    Ba myugariro

    Ange Mutsinzi (APR FC)
    Fitina Omborenga (APR FC)
    Abdul Rwatubyaye (FK Shkupi, Armenia)
    Emery Bayisenge (AS Kigali)
    Thierry Manzi (APR FC)
    Salomon Nirisarike (Urartu FC, Armenia)
    Faustin Usengimana (Police FC)
    Hassan Rugirayabo (AS Kigali)
    Eric Rutanga (Police FC)
    Emmanuel Imanishimwe (APR FC)

    Abo hagati

    1. Yannick Mukunzi (Sandvikens IF, Sweden)
    2. Olivier Niyonzima (APR FC)
    3. Steven Rubanguka (AE Karaiskakis Artas, Greece)
    4. Bosco Ruboneka (APR FC)
    5. Martin Fabrice Twizeyimana (Police FC)
    6. Djabel Manishimwe (APR FC)
    7. Kevin Muhire (Sahama Club, Oman)
    8. Muhadjir Hakizimana (AS Kigali)
    9. Haruna Niyonzima (Young SC, Tanzania)
    10. Eric Ngendahimana (Police FC)

    Abataha izamu

    1. Jean Bertrand Iradukunda (Gasogi United)
    2. Meddie Kagere (Simba SC)
    3. Dominique Savio Nshuti (Police FC)
    4. Ernest Sugira (Rayon Sports FC)
    5. Lague Byiringiro (APR FC)
    6. Danny Usengimana (APR FC)
    7. Osée Iyabivuze (Police FC)

    UKWEZI.RW

    Source : http://www.ukwezi.rw/Imikino/article/Mashami-yahamagaye-31-b-Amavubi-batarimo-Jacques-Tuyisenge

  • Nyarugenge: Abagore barwanye inkundura bapfa imitungo y’umugabo wari umaze gutabwa muri yombi –

    Amakuru avuga ko uyu mugabo uri mu kigero cy’imyaka 35, yatawe muri yombi n’inzego z’umutekano zo mu Murenge wa Nyakabanda akekwaho gucuruza urumogi, cyane ko atari ku nshuro ya mbere yari afatiwe muri ibyo bikorwa.

    Nyuma y’uko afunzwe, nk’aho abagore be bagafashe umwanya wo gukurikirana ikirego cye no kumenya amakuru arambuye kuri cyo, bahisemo gutangira kwishakamo uzatwara imitungo isizwe n’uwo mugabo, n’ubwo ataranakatirwa n’inzego zibifitiye ububasha.

    Nyuma y’uko rubuze gica, abari aho batangajwe no kubona se w’uwo mugabo atungutse, aza nawe avuga ko aje gutwara imitungo y’umuhungu we, uretse ko inzego z’umutekano zari zamaze kuhagera, zikaburizamo uwo mugambi we.

    Izi nzego kandi ni na zo zaburijemo amakimbirane y’aba bagore babiri, nyuma y’uko zitabajwe n’abaturage bari batewe impungenge n’umutekano mucye wari muri ako gace.

    Nyuma y’itabwa muri yombi ry’uyu mugabo, abatuye muri aka gace babwiye IGIHE ko bishimiye ko yafashwe bitewe n’uko yari amaze kurarura abana bahaturiye.

    Uwitwa Mutuyimana Vincent ati “Yacuruzaga itabi akanasambanya abana b’abakobwa benshi ku buryo hari n’umudugudu bamwirukanyemo kubera ibyo byo kujya yiriza utwana tw’udukobwa mu nzu ye aduha urumogi, byadushimishije twese kuko yari afite imico mibi.”

    Umunyamabanga Nshingwabikorwa w’Akagari ka Nyakabanda ya I, Clarisse Mbaza, yemeza ko umugore muto w’uyu mugabo ari we wasigaranye ibintu bye.

    Ati “Ibijyanye n’abagore be, uwo yasigiye urufunguzo muto niwe ukirimo, papa we n’undi mugore bagiriwe inama yo kwegera Tigo akabaha uburenganzira bwo kugira icyo bafata mu nzu nk’uko babishakaga”.

    Ubuyobozi bw’Umurenge wa Nyakabanda kimwe n’indi byegeranye bumaze iminsi mu bikorwa byo kurwanya abakora inzoga z’inkorano ndetse n’abacuruzi b’urumogi, mu rwego rwo kongera umutekano muri utwo duce.

    Aka gace kitwa Karabaye, akaba ari ko kabereyemo iri sanganya / Ifoto: Thamimu Hakizimana

  • RDF iherutse gukozanyaho n’ingabo z’u Burundi #rwanda #RwOT

    Iyi mirwano yabaye mu mpera z’icyumweru gishize, yabereye hafi y’umupaka uhuza ibihugu byombi, ku musozi witwa Twinyoni.

    Bivugwa ko Ingabo z’u Rwanda zari ziri gushushubikana abarwanyi ba FDLR n’aba FLN baba hafi aho mu ishyamba rya Kibira, bakunze kugaba ibitero mu Majyepfo y’u Rwanda mu minsi yashize.

    Abo barwanyi ngo bari barenze umusozi wa Marura binjira mu Rwanda mu Ishyamba rya Nyungwe, ako kanya Ingabo z’u Rwanda zibasubiza inyuma.

    Muri uko kubasubiza inyuma, ngo Abasirikare b’u Rwanda bageze ku musozi wa Twinyoni aho Ingabo z’u Burundi na zo zahise zitangira kubarasaho.

    Iki kinyamakuru cyavuze ko umwe mu basirikare b’u Burundi yavuze ko habayeho imirwano y’akanya gato hagati y’Abasikare b’u Rwanda bo muri Batayo ya 221 n’iya 411 mu Ngabo z’u Burundi.

    Bivugwa ko ubuyobozi bw’u Burundi bwahise bwohereza muri ako gace Ingabo zo muri Batayo ya 60 n’iya 61 zari hafi aho mu Ntara ya Cibitoke mu myiteguro yo kujya mu Butumwa bw’Amahoro bwa Amisom muri Somalia.

    Nyuma yo gukozanyaho akanya gato, ngo iyo mirwano yahise ihosha hatabaye ugushyamirana gukomeye. Bivugwa ko abakuru b’inzego z’ubutasi mu bihugu byombi baganiriye bagahosha ubwo bushyamirane.

    Nta mibare y’abakomeretse iramenyekana ariko ngo u Burundi bwakomerekeje abasirikare batandatu.

    Nyuma ngo Ingabo z’u Rwanda zasubiye mu birindiro byazo, mu gihe iz’u Burundi zo zakomeje guhiga FDLR na FLN muri iryo shyamba, aho 'bamwe bishwe' nk’uko byemejwe n’umwe mu basirikare b’u Burundi.

    UKWEZI.RW

    Source : http://www.ukwezi.rw/mu-rwanda/3/article/RDF-iherutse-gukozanyaho-n-ingabo-z-u-Burundi

  • Bitunguranye! Platin yagiye mu murenge (AMAFOTO) #rwanda #RwOT

    Bitunguranye kuri uyu wa Gatandatu tariki ya 06 Werurwe 2021, umuhanzi umaze kuba ikimenyabose Platin yagiye mu murenge aho yari aherekejwe na Ishimwe Clement ndetse ni inshuti ze za hafi.

    Ni umuhanzi wakunzwe kuvugwa murukundo nabakobwa benshi gusa kuri ubu yamaze guhitamo aho yanditse ku urukuta rwe rwa instagram ati Baba yemeyeye icyaha si ibi gusa kuko na Butera Knowless yamwifurije ishya ni ihirwe.

    Platin aherutse kwegukana igihembo muri The choice awards 2020 aho indirimbo ye Atensiyo yabaye video yahize izindi.

    Source : https://impanuro.rw/2021/03/06/bitunguranye-platin-yagiye-mu-murenge-amafoto/

  • Platini umaze iminsi ategura ubukwe mu ibanga yasezeranye mu mategeko (AMAFOTO) #rwanda #RwOT

    Uyu muhanzi utarakunze kuvuga byinshi ku rukundo rwe, yasezeranye n’uyu mukunzi we mu ibanga n’ubundi kuko byari bizwi n’inshuti ze za hafi.

    Platini usigaye witwa P. yatangaje ko uyu mukunzi we bamaze imyaka bari mu rukundo rufite intego rwo kuzabana nk’umugore n’umugabo.

    Avuga kandi ko uku kwezi kuzasiga n’indi mihango ibaye, kuko bateganya gukora ubukwe tariki 27 z’uku kwezi.

    Nemeye Platini wamenyekaniye mu itsinda rya Dream Boyz ubwo yaririmbanaga na mugenzi we Mujyanama Jean Claude uzwi nka TMC ubu uzigaye uba muri Leta Zunze Ubumwe za America.

    Platini yakunze kuvugwaho urukundo n’abakobwa banyuranye ariko we akabihakana gusa akavuga ko igihe nikigera abantu bazamenya ukuri k’uwo yihebeye.

    UKWEZI.RW

    Source : http://www.ukwezi.rw/Imyidagaduro/Platini-umaze-iminsi-ategura-ubukwe-mu-ibanga-yasezeranye-mu-mategeko-AMAFOTO

  • Monnet- Paquet, Djihad Bizimana na Ally Niyonzima ntibari mu bakinnyi 31 b’Amavubi bahamagawe n’umutoza #rwanda #RwOT

    Umutoza w’Ikipe y’Igihugu, MASHAMI Vincent yahamagaye abakinnyi bagomba gutangira imyiteguro mu rwego rwo guhatanira itike y’Igikombe cya Afurika.

    U Rwanda rufite imikino ibiri mu minsi iri imbere harimo uwo rugomba guhuramo na Mozambique i Kigali ku wa 24 Werurwe 2021 ndetse n’uzaruhuza na Cameroon ku wa 30 Werurwe 2021 muri Cameroon. Ni muri urwo rwego umutoza yakoze urutonde rw’abakinnyi 31; abakina imbere mu gihugu bakaba bagomba guhita batangira umwiherero kuri iki cyumweru tariki 7 Werurwe 2021 I Nyamata kuri La Palisse Hotel.

    Abakinnyi n’abatoza b’Ikipe y’Igihugu '’Amavubi Stars” bazapimwa Covid-19 kuri iki cyumweru tariki 7 Werurwe 2021 maze nyuma yo kubona ibisubizo Ikipe yose yerekeze I Nyamata ahagomba gukomereza umwiherero.

    Imyitozo yo ikaba igomba gutangira ku wa mbere tariki 8 Werurwe 2021 ikazajya ibera kuri Stade ya Kigali ndetse na Stade Amahoro. Amavubi azajya akora imyitozo inshuro ebyiri ku munsi.

    Urutonde rw’abakinnyi bahamagawe

    Abanyezamu

    Olivier Kwizera (Rayon Sports FC)
    Emery Mvuyekure (Tusker FC, Kenya)
    Eric Ndayishimiye (AS Kigali)
    Yves Kimenyi (Kiyovu SC)

    Ba Myugariro

    Ange Mutsinzi (APR FC)
    Fitina Omborenga (APR FC)
    Abdul Rwatubyaye (FK Shkupi, Armenia)
    Emery Bayisenge (AS Kigali)
    Thierry Manzi (APR FC)
    Salomon Nirisarike (Urartu FC, Armenia)
    Faustin Usengimana (Police FC)
    Hassan Rugirayabo (AS Kigali)
    9. Eric Rutanga (Police FC)
    10. Emmanuel Imanishimwe (APR FC)

    Abo Hagati

    1. Yannick Mukunzi (Sandvikens IF, Sweden)
    2. Olivier Niyonzima (APR FC)
    3. Steven Rubanguka (AE Karaiskakis Artas, Greece)
    4. Bosco Ruboneka (APR FC)
    5. Martin Fabrice Twizeyimana (Police FC)
    6. Djabel Manishimwe (APR FC)
    7. Kevin Muhire (Sahama Club, Oman)
    8. Muhadjir Hakizimana (AS Kigali)
    9. Haruna Niyonzima (Young SC, Tanzania)
    10. Eric Ngendahimana (Police FC)

    Abataha Izamu

    1. Jean Bertrand Iradukunda (Gasogi United)
    2. Meddie Kagere (Simba SC)
    3. Dominique Savio Nshuti (Police FC)
    4. Ernest Sugira (Rayon Sports FC)
    5. Lague Byiringiro (APR FC)
    6. Danny Usengimana (APR FC)
    7. Osée Iyabivuze (Police FC)

    Umutoza yahamagaye abakinnyi azifashisha ku mukino wa Mozambique na Cameroun

    Source : http://isimbi.rw/siporo/article/monnet-paquet-djihad-bizimana-na-ally-niyonzima-ntibari-mu-bakinnyi-31-b-amavubi-bahamagawe-n-umutoza

  • Mu buryo butunguranye umuhanzi Platini P yasezereranye n’umukunzi we(AMAFOTO) #rwanda #RwOT

    Umuhanzi nyarwanda wahoze mu itsinda rya Dream Boys, Platini P yasezeranye imbere y’amategeko n’umukunzi we Ingabire Olivier.

    Mu minsi ishize nibwo haje inkuru y’uko Platini arimo ategura ubukwe mu ibanga aho byavugwaga ko buzaba muri Mata uyu mwaka.

    Kuri uyu wa Gatatandatu nibwo Platini yasezeranye imbere y’amategeko na Olivia Ingabire biyemeza kubana akaramata.

    Uyu muhango ukaba wabereye mu murenge wa Remera mu karere ka Gasabo mu Mujyi wa Kigali.

    Platini watunguye benshi, abinyujije ku rukuta rwe rwa Instagram, yashyizeho ifoto nyuma yo gusezerana iherekezwa n’amagambo agira ati“Baba yemeye icyaha.”

    Kuva muri 2017 yatandukana na Diane, ntabwo yigeze avugwa cyane mu rukundo uretse muri 2019 ubwo byavuzwe ko ari mu rukundo na Umukundwa Clemence witabiriye Miss Rwanda 2019 ariko aza kubitera utwatsi.

    Source : http://isimbi.rw/imyidagaduro/article/mu-buryo-butunguranye-umuhanzi-platini-p-yasezereranye-n-umukunzi-we-amafoto

  • Umusore wihinduye umukobwa akomeje guca ibintu kubera amafoto ashotora abagabo ashyira hanze. – YEGOB #rwanda #RwOT

    Uyu musore wahoze witwa Nicholas akaza kwihindura umukobwa ,aho asigaye yitwa Nikita Dragun akomeje gushyira hanze amafoto ashotora ab'igitsinagabo nyuma yo guhinduka umukobwa neza neza.

    Ni ibintu bitari byamenyerwa ndetse bidapfa kumvikana mu matwi yabantu uburyo ushobora guhindura imiterere karemano ya we ugahinduka umukobwa wari umuhungu.Ibi rero ,mu bihugu byateye imbere byarashobotse.Uyu musore Nicholas ubusanzwe ni umudage wavukiye muri Leta Zunze Ubumwe za Amerika, aho kuri ubu yamaze kuba umukobwa ndetse ahindura amazina yitwa Nikita Dragun .Uyu mukobwa kuri ubu akaba agenda yifashisha Instagram ye agashyiraho amafoto agaragaza imiterere ye ndetse ishotorana.Witegereje amafoto ntiwamenya ko yigeze kuba umuhungu kuko afite ikibuno, amabere,imisatsi ndetse n'imiterere nk'iy'abakobwa neza neza.

    Like this:

    Like Loading…

    Source : https://yegob.rw/umusore-wihinduye-umukobwa-akomeje-guca-ibintu-kubera-amafoto-ashotora-abagabo-ashyira-hanze/

  • Kamonyi: Abayobozi bane bakurikiranyweho guhishira umwarimu ukekwaho gusambanya abanyeshuri babiri –

    Uyu mwarimu w’imyaka 39 yatawe muri yombi ku wa 26 Gashyantare 2021, aho akekwaho gusambanya abanyeshuri babiri barimo uw’imyaka 17 n’uwa 15.

    Iperereza ry’ibanze ryakozwe na RIB, ryagaragaje ko abayobozi bane muri iri shuri bagomba gukurikiranwa ku cyaha cyo guhishira uyu mwarimu.

    Abakurikiranywe ni Umuyobozi Mukuru w’iri shuri, Umuyobozi waryo, ushinzwe imyitwarire ndetse n’ukuriye komite y’ababyeyi barerera muri GS Ruyumba. Bari gukorwaho iperereza bari hanze mu gihe umwarimu we afungiye kuri station ya RIB ya Mugina.

    Bose bakurikiranyweho icyaha cyo kutamenyekanisha icyaha cy’ubugome cyangwa gikomeye, gishingiye ku kuba abana b’abakobwa barasambanyijwe n’umwarimu bo bagahitamo kubihishira.

    Ni icyaha kigengwa n’ingingo ya 243 y’itegeko riteganya ibyaha n’ibihano muri rusange, iteganya ko kibahamye bahanishwa igifungo cy’amezi atandatu ariko kitarenze umwaka n’ihazabu y’ibihumbi 100 Frw ariko itarenze ibihumbi 300 Frw.

    Umuvugizi wa RIB, Dr Murangira B. Thierry, yabwiye IGIHE ko abantu bakwiye kumenya ko iki cyaha cyo gusambanya abana gikomeye ku buryo ntawe ugomba kunga uwagikoze n’uwagikorewe ahubwo buri wese agomba kukimenyekanisha mu nzego zibishinzwe.

    Ati “Ni icyaha kitagomba guhishirwa haba mu buyobozi bw’ibigo runaka cyangwa ubw’inzego z’ibanze. Umuyobozi agomba kumenyekanisha igihe cyose akibonye, agomba kubimenyesha RIB. Ntawe ufite uburenganzira bwo kugiceceka ngo kirangirire aho bitamenyeshejwe ubutabera.”

    RIB yihanangirije abantu bose bafite umuco wo guhishira abasambanya abana, bitwaje inyungu zabo bwite cyangwa izindi izo arizo zose.

  • Umuhanzi Cyusa kuvuga kuri nyina byamugoye asuka amarira menshi(VIDEO) #rwanda #RwOT

    Umuhanzi Cyusa Ibarahim yasutse amarira menshi ubwo yari yibutse ibyo nyina yanyuzemo akamurera mu bihe bigoye kandi ntagire ikintu na kimwe amuburana.

    Mu Kiganiro n’ikinyamakuru ISIMBI, Cyusa yavuze ko nyina yanyuze muri byinshi bigoye aramurera nyamara hari abamwirengangije batangira kumwibuka ko bafitanye isano amaze gukura.

    Yagize ati'uzi kubaho hari abantu bakabaye banakurera babifitiye ubushobozi, ariko bakakureba nk’aho udahari batanakuzi? Ariko mama yaranduhanye arababwira ati mumureke ni uwanjye azabaho, azakura kandi mpamya ko nakuze, ariko ubu babaye inshuti zanjye turaganira nabaye umwana wabo, bati Cyusa ni umwana wacu.'

    Mu busanzwe Cyusa avuga ko yaburanye na nyina muri Jenoside yakorewe Abatutsi mu 1994, icyo gihe yamuhaye umuntu utarahigwaga kugira ngo atazapfa amureba byibuze ngo azabyumve ahandi, uwo mugabo yitwaga Aimable yarinze Cyusa aramuhungana bagera muri Congo.

    Nyuma ya Jenoside, nyina wa Cyusa yaje guhura n’ihungabana kubera kubura umwana we aho yirirwaga azenguruka amubaririrza ahantu hose.

    Ati'Mama ni Intwari kuri njye(…)nahunganye na Aimable, mama nyuma ya Jenoside amera nk’urwaye ihungabana, akajya azenguruka buri rugo ngo nta mwana w’inzobe, nta mwana w’inzobe mwamboneye? Nyuma twaje kongera kubonana.'

    Avuga ko hari umugabo witwa Francois ubwo bari muri Congo yabasabye ko bamuha Cyusa akamugarura mu Rwanda kuko ari amahoro, baraje bajya muri HCR ari n’aho nyina yamusanze.

    Ati'baramuhamagaye bamubwira ko turi ku Gikongoro, hari uburyo HCR yagendaga ibaza bahuza abantu n’imiryango yabo, njye nari nziko ababyeyi bose bapfuye ariko nkajya mbona umuntu w’inzobe arimo kunyitaho, ageze aho arambwira ngo ni njyewe mama wawe, twari tumaranye nk’ukwezi ariko ntabizi, hari n’igihe yambazaga ngo mama wawe uramuzi? Nkamubwira ngo yarapfuye, uribaza na we umwana wawe akubwiye ngo nyina yarapfuye.'

    Uyu muhanzi aherutse gusohora indirimbo yitwa 'Mama’, ikubiyemo ubutwari bw’ababyeyi by’umwihariko yavugaga kuri nyina uburyo yamureze mu bihe bigoye nta mafaranga ari umukene, akamwitangira, ngo yakundaga kumubwira ngo uzabe umugabo nka se.

    Cyusa Ibrahim yirangegijwe n’abo mu muryango we

    Kuvuga ibyo nyina yamunyuranyemo ntabwo bimworohera

    Ngo n’ubwo ari umugabo ariko byose abikesha nyina witanze ku bwe

    Source : http://isimbi.rw/imyidagaduro/article/umuhanzi-cyusa-kuvuga-kuri-nyina-byamugoye-asuka-amarira-menshi-video