Blog

Ikipe y'igihugu y'u Rwanda yatangiye imyitozo yitegura imikino ibiri izakina n'ikipe y'igihugu ya Mozambique i Kigali ndetse n'ikipe ya Cameroun iwayo mu guhatanira itike y'igikombe cy'Afurika cya 2021 kizabera mu gihugu cya Cameroun.

Ikipe y'igihugu y'u Rwanda iyobowe na Mashami Vincent yatangiye imyitozo kuri uyu wa mbere tariki ya 8 Werurwe 2021, ni imyitozo yabere ku sitade ya Kigali i Nyamirambo aho yatangiye ku isaha ya 09:30 ndetse bakaba banagomba gukora ku gicamunsi cyo kuri uyu wa mbere dore ko umutoza yavuze ko bagomba gukora imyitozo ibiri ku munsi.

Ni imyitozo yitabiriwe n'abakinnyi bakinaga imbere mu Rwanda ubwo shampiyona yarimo ikinwa dore ko imaze hafi amezi abiri idakinwa kubera ko yari yasubitswe bitewe n'ubwandu bwa koronavirusi bwazamukaga umunsi ku munsi, ni mugihe abandi bakinnyi bakina hanze y'u Rwanda bari bahamagawe bazasanga bagenzi babo mu mwiherero ubwo amatariki yemewe naa FIFA azaba yageze.

Muri iyi mikino yo gushaka itike ya CAN 2021 izabera muri Cameroun mu 2022, u Rwanda ni urwa nyuma mu itsinda F n'amanota abiri ndetse rurasabwa gutsinda imikino ibiri isigaye ngo rugire amahirwe yo gusubira mu Gikombe cya Afurika ruherukamo mu 2004.

Cameroun iyoboye iri tsinda n'amanota 10, ikurikiwe na Mozambique inganya na Cp-Vert amanota ane.

Urutonde rw'abakinnyi 31 bahamagawe

Abanyezamu

Olivier Kwizera (Rayon Sports FC)
Emery Mvuyekure (Tusker FC, Kenya)
Eric Ndayishimiye (AS Kigali)
Yves Kimenyi (Kiyovu SC)
Ba myugariro

Ange Mutsinzi (APR FC)
Fitina Omborenga (APR FC)
Abdul Rwatubyaye (FK Shkupi, Macedonia)
Emery Bayisenge (AS Kigali)
Thierry Manzi (APR FC)
Salomon Nirisarike (Urartu FC, Armenia)
Faustin Usengimana (Police FC)
Hassan Rugirayabo (AS Kigali)
Eric Rutanga (Police FC)
Emmanuel Imanishimwe (APR FC)

Abo hagati

Yannick Mukunzi (Sandvikens IF, Suède)
Olivier Niyonzima (APR FC)
Steven Rubanguka (AE Karaiskakis Artas, Grèce)
Bosco Ruboneka (APR FC)
Martin Fabrice Twizeyimana (Police FC)
Djabel Manishimwe (APR FC)
Kevin Muhire (Sahama Club, Oman)
Muhadjir Hakizimana (AS Kigali)
Haruna Niyonzima (Young SC, Tanzania)
Eric Ngendahimana (Police FC)

Abataha izamu

Jean Bertrand Iradukunda (Gasogi United)
Meddie Kagere (Simba SC, Tanzania)
Dominique Savio Nshuti (Police FC)
Ernest Sugira (Rayon Sports FC)
Lague Byiringiro (APR FC)
Danny Usengimana (APR FC)
Osée Iyabivuze (Police FC)

The post AMAFOTO: Ikipe y'igihugu y'u Rwanda Amavubi yatangiye imyitozo n'abakinnyi bakina imbere mu gihugu appeared first on RUSHYASHYA.

Source : https://rushyashya.net/amafoto-ikipe-yigihugu-yu-rwanda-amavubi-yatangiye-imyitozo-nabakinnyi-bakina-imbere-mu-gihugu/

Ku wa Gatandatu tariki ya 27 Gashyantare 2021 nibwo aba bombi nyuma y'urugendo rutoroshye rw'urukundo bakoze ubukwe bahitamo kubana akaramata, Iminsi basigaje ku Isi bakayimara bari kumwe.

Ndayikingurukiye Fleury asanzwe akora akazi ko gufata no gutunganya amashasho ndetse akaba ari we muyobozi wa filime zirimo Impanga Series, Impanga Lockdown na Isi ya None ahuriyemo n'umugore we Bahavu Jeannette umukinnyi ukomeye wa filime nyarwanda.

Mu kiganiro n'ikinyamakuru ISIMBI, Legend yavuze ko bwa mbere ahura na Bahavu byari muri 2016 bahuriye ku nteko y'Ururimi n'Umuco.

Ati'twahuye muri 2016, twahuriye ku Nteko y'umuco n'Ururimi(RALC), ku Gisiment hari nka saa kumi n'imwe n'igice(17h30'), oya uwo munsi nta nimero natwaye.'

Yakomeje avuga ko umushinga wa filime yari afite uhuza Abarundi n'Abanyarwanda ari wo wongeye kubahuza ndetse batangira kugenda biyumvanamo.

Ati'hari umushinga wa filime nari mfite yitwa 'Ca Inkoni Izamba' uhuza Abarundi n'Abanyarwanda, twarimo guhitamo abakinnyi(Casting), na we aza muri Casting mu bandi ariko nta by'urukundo byajemo kuko urumva ninjye muyobozi ariko yari mu mushinga wanjye byari byoroshye kubona nimero ye.'

Uko iminsi yagendaga niko Fleury Legend yarushagaho kugenda yiyumvamo Bahuavu cyane kugeza ubwo yagize igitekerezo cyo kuba yamwegera ngo amusabe urukundo.

Ati'igitekerezo cyaje turi mu gihe cyo gufata amashusho, nakomezaga mureba, nkavuga ngo uyu mwana ni mwiza, urumva na we yabaga ahari yaje turimo gufata mashusho ya filime, icyo gihe byari byoroshye ko musaba nimero akayimpa kuko umushinga wari uwanjye kandi twari dufite na gurupe duhuriramo yo gutanga amakuru.'

Muri uwo mwaka wa 2016 n'ubundi ntabwo Legend yapfushije ubusa kuko wagiye kurangira we na Bahavu Jeannette baramaze gukundana ndetse n'imiryango ibizi.

Ati'Muri icyo gihe nibwo twatangiye gusa n'abavugana, nyuma ariko umushinga w'iyo filime wararangiye, filime yaragiye hanze twakomeje kugirana ubucuti nyine twisanga byamaze kuba. Mu mpera za 2016 nibwo namubwiye ko mukunda, nibwo twatangiye kujya mu bintu by'urukundo, dutangiye gusohokana, tujya mu mamurikagurisha(festival), n'imiryango yari ibizi kuko iwabo ni hafi yaho mba, urumva najyagayo bakamenya.'

Kujya kumusaba urukundo ni uko yari yamaze kubona ko hari ibyihariye kuri we atandukaniyeho n'abandi bakobwa.

Ati'Icya mbere ni umukobwa mwiza, nicyo namukundiye afite ubwiza, ikindi ni uko akunda gusenga, ikindi namukundiye nabonye atandukaniyeho n'abandi bakobwa ni uko afungutse mu mutwe, azi icyo gukora utabwiriza ngo kora iki, ashobora kunyunganira mu bikorwa byanjye.'

Mbere y'uko barushinga, avuga ko Buhavu ari umukobwa wakomeje kumwitaho ndetse atakwibagirwa ukuntu yajyaga ateka ibiryo akamugemurira iwe mu rugo.

Ati'ikintu ntazibagirwa, we twamenyanye ntari mu kazi ndi kuri iyo mishinga yanjye gusa, namaze igihe ubuzima butameze neza, ikintu ntazibagirwa ni ukuntu yashoboraga kuva iwabo batetse akavuga ngo uyu munsi ngiye kukuzanira ibiryo, ni umuntu wambaye hafi cyane, icyo gihe nibwo nari nje mu Rwanda nta muryango nari mfite, yambereye umuryango.'

Kujya gufata umwanzuro wo kumusaba urukundo , nta bwoba yari afite yagiye kubimubwira yifitiye icyizere kinshi.

Avuga ko impamvu batabishyize hanze ari uko adakunda kujya mu itangazamakuru cyane ndetse akaba yari yaranabujije Bahavu kubishyiramo, bakaba barabivuzeho Ubukwe bugiye kuba.

Nyuma y'ubukwe ikintu cyamutunguye kuri Bahavu atari azi ni uko yasanze azinduka cyane kumurusha ndetse ngo ni nawe umubyutsa.

Ati'ikintu cyantunguye cyane arazinduka kundusha, arazinduka cyane arandusha, arambyutsa akambwira ngo amasaha y'akazi yageze, ibyo bintu sinari mbizi.'

Kuba bakundana, babana ari umugore n'umugore banakorana mu mushinga umwe wa filime ngo ntabwo byica akazi cyangwa ngo bihungabanye umubano wabo kuko iyo bari mu kazi aba ari akazi niyo akosheje aramurakarira nk'abandi ariko nyuma akamubwira ko byari akazi ubuzima bugakomeza.

Urukundo rwa Ndayikengurukiye Fleury[Legend] na Bahavu Jeannette rwatangiye mu mpera za 2020, tariki ya 17 Nyakanga 2020 nibwo yamwambitse impeta ya fiançailles, ni mu gihe tariki ya 17 Ukuboza 2020 basezeranye imbere y'amategeko n'aho ubukwe bwabo bukaba bwarabaye ku wa Gatandatu tariki ya 27 Gashyantare 2021.

Source : http://umuryango.rw/imyidagaduro/article/wa-musore-w-i-burundi-uherutse-gukora-ubukwe-na-diane-wamenyekaniye-muri-filime

Ikigo cy'Amerika cyo kurwanya no kwirinda indwara (CDC) cyatangaje ko Abanyamerika bakingiwe byuzuye bashobora gusubira mu gisa n'ubuzima busanzwe.

Abatewe inkingo zisabwa bashobora kujya gusura bagenzi babo na bo bakingiwe ndetse na bamwe batakingiwe, nkuko amabwiriza mashya y'iki kigo abivuga.

Ikigo CDC cyavuze ko bifatwa ko abantu bafite ubwirinzi bwa ngombwa iyo hashize ibyumweru bibiri bamaze guhabwa doze ya nyuma y'urukingo.

Kugeza ubu abaturage b'Amerika barenga miliyoni 30 bamaze gukingirwa Covid-19.

Abategetsi bo mu rwego rw'ubuzima batangaje aya mabwiriza mashya ku wa mbere ubwo bari bari mu kiganiro cy'itsinda ryo mu biro bya perezida bya White House rishinzwe guhangana n'iki cyorezo.

Ayo mabwiriza avuga ko Abanyamerika bakingiwe byuzuye bashobora:

•Guhurira mu nzu n'abandi bantu bakingiwe bisesuye batambaye udupfukamunwa kandi badahana intera

•Guhurira mu nzu n'abantu batakingiwe bo mu rugo rumwe, mu gihe bari mu bafite ibyago biri hasi byo kwibasirwa bikomeye na coronavirus

•Kureka gupimwa cyangwa kujya mu kato mu gihe bagize aho bahurira n'ufite Covid-19, keretse gusa ari uko bagaragaje ibimenyetso

Andy Slavitt, umujyanama mukuru, yabwiye abanyamakuru ati:

'Twatangiye gutanga ishusho y'uko isi isa mu gihe twerekeza mu kuva muri Covid-19.'Uko abantu barushaho gukingirwa…urutonde rw'ibikorwa ruzakomeza kwiyongera'.

BBC dukesha iyi nkuru ivuga ko abamaze gukingirwa baracyasabwa gukurikiza amabwiriza y'ibanze y'ubwirinzi, nko kwambara udupfukamunwa no guhana intera ahahurirwa n'abantu benshi ndetse no kwirinda kujya ahari abantu benshi n'ingendo.

Source : https://impanuro.rw/2021/03/09/amerika-ivuga-ko-abantu-bakingiwe-covid_19-bashobora-guhura-batambaye-udupfukamunwa/

Hari kuri uyu wa 08 Werurwe 2021, ku munsi mpuzamahanga wahariwe 'Abagore', ubwo intyoza yasuraga Gahongayire Farida mu Murenge wa Nyamiyaga. Ni Umugore uhamya ko ku munsi wamuhariwe ari umwe mu Bagore banezerewe ku bw'iterambere amaze kugeraho. Avuga ko yatangiye apima 'umusururu' ku gishoro cy'ibihumbi 25 by'u Rwanda, ariko nyuma yo gutinyuka gukoraba na SACCO, imitungo ye ayibarira muri Miliyoni 50 z'amafaranga y'u Rwanda.

Gahongayire Farida, afite umugabo ndetse bafitanye abana aho abakuru biga mu mashuri yisumbuye. Batuye mu Mudugudu wa Nyamiyaga, Akagari ka Kidahwe, Umurenge wa Nyamiyaga, Akarere ka Kamonyi, bakaba bakorera ibikorwa byabo mu nzu baguze ahazwi nko muri Arikide.

Ni umugore wabona ukagira ngo ntavuga, ariko umwegereye ni umwe mubakuganiriza ukaba wakwibagirwa aho wajyaga. Yatangiye abwira umunyamakuru wa intyoza.com ati ' Uyu munsi w'Abagore ndumva nkaze nanjye, nakwigurira n'akantu nkakagurira na Boss( avuga umugabo we), n'inshuti yaza itugana'.

Akomeza ati' Uyu munsi ni umunsi udasanzwe kuri njye kubera ko mbere numvaga ndi wa Mudamu utabasha no kugira icyo mvuga, kuko numvaga nta gaciro, nta jambo, kubaho mbese utifite. Mbere narakodeshaga ariko ubu aha hose ureba( aho akorera) ndabikesha SACCO'.

Avuga ko yabashije gukora akiteza imbere abikesheje gutinyuka akaka inguzanyo muri SACCO ya Nyamiyaga, agura ikibanza ku muhanda, abona igishoro gifatika. Ati ' Muri make nanjye ubu muri Nyamiyaga bambara mubakire'. Kandi koko ni ukuri.., akubita agatwenge!.

Gahongayire, avuga ko mbere yari umugore wipimira umusururu agashakisha amaramuko, aho yatangije ibihumbi 25 by'u Rwanda akagura utubegeti nka 5 tw'amasaka akenga umusururu ari naho havaga ubukode n'indi mibereho.

Nyuma ngo Umukozi ukuriye SACCO ya Nyamiyaga( Manager) yaramwegereye, aramuganiriza amubwira ko muri duke abona mu kazi ko gupima umusururu hari uburyo yajya yizigama akazabasha gutera imbere kurusha ho. Yatangiye ubwo, afunguza Konti nyuma y'amezi arenga atatu asaba inguzanyo ya Miliyoni imwe arakora atera indi ntambwe yisumbuye kuyo yariho.

Gushyira amafaranga yose mu mushinga we byamurinze guhomba

Akibona inguzanyo ya Miliyoni imwe, amafaranga avuga ko kuri we yari menshi, yirinze kuyakoraho ngo agire ikindi kitari ukuyashora yose mu mushinga yari yateguye. Yarakoze yishyura neza kandi ku gihe, asaba indi nguzanyo yisumbuye arakora, arishyura, agura ikibaza, azamura inzu ndetse agura n'indi ari nako yongera ibikorwa bye.

Agira ati' Ubu ndi ku ntambwe inshimishije, mfite aho kuba hanejeje, mfite imikorere numva inejeje, iyo mbaze uko mpagaze, inzu yonyine mfite ntagiye mu yindi mitungo nayibarira amake Miliyoni 20, ariko nshyizemo n'ibindi, amake ni Miliyoni 50, ariko mfite intumbero yo gukomeza gukora ngatera imbere kurushaho nkagera n'ahandi ntashoboraga kugera'.

Gukora kwe, kwegera ikigo cy'imari byazamuye imibereho y'urugo birinda amakimbirane mu muryango

Gahongayire, ahamya ko imibanire mibi mu rugo akenshi ngo ituruka mu mibereho mibi no kuba kenshi mu babana hari umwe udaha undi agaciro, gusangira ubusa n'ibindi. Avuga ko mu gihe abantu babana, umwe ashobora kubona uburyo bw'imibereho bugafasha bombi mu mikorere n'iterambere ry'urugo kuko ngo intera agezeho n'umugabo byose byaturutse mu gishoro cye. Avuga ko yicaye n'umugabo biga uko buri wese yakora kandi bagahuriza hamwe mu kuzigamira urugo n'ahazaza ari nako bajya inama yatuma bagura ibikorwa bibateza imbere.

Mu gitwenge cye, Gahongayire abajijwe ibijyanye na Mituweli na Ejoheza ndetse n'izindi gahunda za Leta zigamije kurushaho gushyira umuturage mu buzima bwiza, yagize ati'…Mituweli byo ndumva ari ibintu byanjye, ni njye wishyura mbere kuko nziko ari ubwisungane mu kwivuza, ariko kandi bikora ku buzima bwanjye n'abanjye. Ejo Heza naho ndimo'.

Gahongayire, avuga ko iyo abona umugore wicaye adakora yumva amubabaje. Uwo abashije kuganira nawe wese, amugira inama yo kutagira akazi asuzugura ngo kuko nubwo kaba kamuzanira igihumbi, iyo akoze neza nubwo yakwizigama ijana rimwe nyuma y'igihe hari icyo yabyaza ubwo bwizigame, gahoro gahoro akazagera kuri byinshi!, ariko ngo ntawe ugera kuri byinshi atabanje ibikeya. Ikibazo ngo kiri ku bumva ko bazashaka gutangirira ku gishoro kinini kandi barananiwe no gucunga igito cyangwa se bagatinya umurimo muto ngo ni uko utabaha byinshi bashaka.

Avuga ku munsi wahariwe ' Abagore', yagize ati ' Uyu munsi ni mwiza, utuma abagore iyo batinyutse bakegerana bahana inama, bahana ubuhamya bwagira aho buvana umwe bukamugeza ahandi heza. Ni umunsi buri wese akwiye kwisuzuma, akisubiramo akareba icyo amaze gukeraho no kugeza ku muryango we n'abandi, akareba uruhare rwe mu iterambere ry'urugo n'Igihugu, akareba ku mibanire ye, mbese agakosora utunenge tumubuza kujya mbere haba mubyo akora no mu mibereho y'urugo'.

Gahongayire Farida, asaba buri mugore gutinyuka gukora kandi akumva ko ntawe ugera kuri byinshi yananiwe na bike, ko kandi nta kigo cy'imari cyaguha inguzanyo udakora. Avuga ko ka kazi gasuzugurwa, ka kazi uvuga ngo aka si akanjye, ako ngo niko kazakwinjiza mu kigo cy'imari. Ati ' Ushaka gukora wese agatera imbere aratinyuka kandi akamenya ibanga riri mu kwizigama no gukorana n'ibigo by'imari'.

Munyaneza Theogene / intyoza.com

 

Source : https://www.intyoza.com/kamonyi-nyamiyaga-umugore-yahereye-kumusururu-yapimaga-arabarirwa-muri-miliyoni-50/

Source : https://yegob.rw/ku-myaka-5-yamavuko-abana-bimpanga-bashyingiranyweababyeyi-babo-babihaye-umugisha/

Ku wa gatanu tariki ya 05 Werurwe nibwo umuhanzi Yverry yizihije isabukuru y'imyaka 27 y'amavuko. Kuri uwo munsi inshuti za hafi za Yverry, abo mu muryango we, abafana be ndetse n'abamukurikira ku mbuga nkoranyambaga ze bamwifurije isabukuru nziza y'amavuko. Mu bifurije Yverry isabukuru y'amavuko harimo n'umukunzi we, Vanessa Uwase uzwi cyane ku izina rya Vanillah, wakoresheje amagambo meza y'urukundo ashimangira urukundo akunda Yverry. Kuri uyu munsi nyirizina, Vanillah yakoreye udushya dutandukanye Yverry turimo nuko yapfumuye ipine ry'imodoka ye kugirango ataza kumucika akagenda. Nyuma Vanillah yahise asangira na Yverry ifunguro ry'umunsi we w'amavuko yari yamuteguriye.

Dore uko byagenze: Vanillah abifashijwemo n'undi musore babana witwa Yvan bajyanye muri parikingi aho Yverry araza imodoka ye maze bakuramo umwuka mu ipine ry'inyuma ry'imodoka ya Yverry. Vanillah amaze gukuramo umwuka muri iryo pine, yahise atereka umutsima (birthday cake) iruhande rw'ipine kugirango Yverry naza kureba uko byagenze ahite abona uwo mutsima hanyuma bahite bamuririmbira. Nyuma yo gukuramo umwuka muri iryo pine no gushyira umutsima iruhande rwaryo, Vanillah yasubiye muri salon. Muri icyo gihe Yverry yarari mu cyumba aho yararimo kwambara imyenda n'inkweto yitegura kugenda.

Yverry agisohoka mu cyumba ntabwo yari azi ibyo Vanillah yamuteguriye

Nyuma yuko arangije kwitegura, Yverry yasohotse mu cyumba ahita ajya muri parikingi akihagera yakubiswe n'inkuba abonye ipine ry'imodoka ye ritarimo umwuka. Yarababaye cyane arunama agiye kureba ko haba hari ikintu cyaripfumuye kiri munsi y'imodoka ye. Akimara kunama yahise akubita amaso ikarito irimo umutsima yari yateguriwe na Vanillah ku isabukuru ye y'amavuko. Akiwubona, Vanillah n'undi musore babana bahise bamuririmbira bati 'happy birthday to you…….', Yverry byaramurenze akanyamuneza kaba kenshi mu maso araseka. Ubwo gahunda yo kugenda yahise yibagirana.

Yverry areba uko ipine ry'imodoka ye rimeze

Yverry agikubita amaso uko ipine ry'imodoka ye rimeze yarababaye

Yverry yatunguwe no kubona umutsima wari iruhande rw'ipine ry'imodoka ye

Yverry, Vanillah ndetse n'undi musore babana witwa Yvan, bahise basubira muri salon maze Yverry abifashijwemo na Vanillah bafatanya umutsima (birthday cake) ndetse banasangira ifunguro ry'umunsi bari bateguriye Yverry. Ubwo Yverry yibagiwe atyo gahunda yari afite baba bamwemeje batyo.

 

Vanillah yafatanyije na Yverry gukata umutsima

Yverry akimara gukata umutsima

Yverry bahise bamuha aka jus

Yverry yatunguwe n'ifunguro bari bamuteguriye

Vanillah atamika Yverry

Ibyishimo byari byose kuri uyu munsi Yverry asangira n'umukunzi we, Vanillah

Leave your vote

0 Points

Upvote Downvote

• Click to share on Reddit (Opens in new window)
• Click to share on WhatsApp (Opens in new window)
• Click to share on Twitter (Opens in new window)
• Click to share on Telegram (Opens in new window)
• Click to share on Facebook (Opens in new window)
• More

• Click to share on Tumblr (Opens in new window)
• Click to share on Skype (Opens in new window)

Comments

0 comments

Source : https://yegob.rw/umukunzi-wa-yverry-yakoreye-agashya-yverry-ku-munsi-we-wamavuko-amubuza-kugenda-barasangira-byaramurenze-arishima-cyane/

Source : https://agakiza.org/????-LIVE-IGITARAMO-06-Alexis-Dusabe-Pastor-KARAYENGA-Jean-Jacques-IMBARAGA-Z-7773-7773-7773-7773-7773-7773.html

Source : https://yegob.rw/ikanzu-mutesi-jolly-yambaye-mu-birori-bya-miss-rwanda-ikomeje-kuba-iciro-ryimigani-ku-mbuga-nkoranyambaga/

Ya minsi y'umunezero, ibyishimo bidashira, guterana imitoma, kwishimana bidasanzwe n'ibindi bihe byiza ubu byabaye amateka mu rukundo rwa Aurore Kayibanda na Mbabazi Egide babanye mu rugendo rw'umubano watangiye mu 2006 nyuma ukaza kuvamo urukundo rwanabyaye kubana nk'umugabo n'umugore kwa Aurore na Egide nyuma bakaza gutandukana. Umuhanzi Kitoko niwe waririmbye ati 'Urukundo ruryoha rugitangira mu minsi mike rukagenda rurangira. Urukundo burya ni nka bombo, isaza ishonga, urukundo burya ni nk'isabune, isaza ishonga!'

Ni nako byagenze kuri Miss Aurore Kayibanda na Mbabazi Egide mu bihe by'urukundo bya mbere, rwararyoshye karahava ariko nyuma rutangira gukonja rusharira  kugeza aho bafashe umwanzuro burundu.

Aurore Kayibanda mu kiganiro yagiranye na Dady de Maximo umwaka ushize, yavuze ko yahuye na Mbabazi mu 2006 iki gihe ari mu birori by'isabukuru y'inshuti yabo baramenyana ariko igihe kiragera ntibongera kuvugana. Mu 2009 Egide yandikiye Miss Aurore amubwira ko yagiye muri Leta Zunze Ubumwe za Amerika. Mu 2012 Mbabazi Egide yagarutse mu Rwanda baravugana ndetse barabonana.

Umubano wabo wagiye ukura kugera mu mpera za 2014 ubwo byatangiraga guhwihwiswa ko Miss Mutesi Aurore ari mu rukundo na Mbabazi Egide. Ntibigeze babihakana cyangwa ngo bihishire dore ko kenshi wasangaga amafoto yabo ku mbuga nkoranyambaga ndetse banabwirana amagambo meza y'urukundo.

Muri 2015 byaje gushimangirwa n'urugendo Egide yagiriye mu Rwanda nyuma y'imyaka myinshi yari amaze aba muri Amerika, akaboneraho gusangira ubuzima bwiza na Aurore bagatembera ahantu hari ubwiza nyaburanga ndetse n'ahandi hatandukanye.

Miss Mutesi Aurore na Mbabazi Egide mu bihe byiza by'urukundo…

Urukundo rw'aba bombi rugihehereye wasangaga badasiba gusangiza ababakurukira amarangamutima yabo, umunsi wundi bakerekana amafoto bari muri firingi ibyishimo ari byose.

Byabaga akarusho iyo umwe yagiraga isabukuru kuko mugenzi we yageragezaga kumwereka amarangamutima adasanzwe.

Nko ku wa 22 Gashyantare 2017 Miss Mutesi Aurore ubwo yizihizaga isabukuru y'imyaka 25 y'amavuko, Mbabazi Egide yamwandikiye kuri Instagram amusingiza mu buryo bukomeye amuvuga nk'umuntu ukomeye wamufashije kugera ku nzozi ze.

Ati 'Isabukuru nziza ku muntu w'uburanga kandi w'umunyamutima, wamfashije kugera ku nzozi zanjye ndetse ukabigiramo uruhare rukomeye. Ntewe ishema na we mu buryo butandukanye […] Ndakwifuriza indi myaka myinshi y'ibyiza mu buhangange bwawe'.

Miss Mutesi Aurore na we ntiyahwemaga kwereka Mbabazi Egide ko ari umuntu w'igitangaza mu buzima bwe. Yigeze kumwandikira agira ati 'Sinabona amagambo asobanura uwo uri we kuri njye kuko urihariye kandi ntabwo usanzwe gusa nkwifurije ibyiza byose.'

Ibyishimo bivanze n'amarira Miss Aurore yambikwa impeta!

Ku wa 1 Werurwe 2018, mu bitangazamakuru byo mu Rwanda nibwo hasakaye inkuru igaragaza ko Mutesi Aurore Kayibanda wabaye nyampinga w'u Rwanda mu 2012, yambitswe impeta na Mbabazi Egide amusaba kuzamubera umutoni mu bandi bakobwa bose, undi nawe ntiyazuyaza arabyemera.

Icyo gihe, Grace Kamuronsi, umuvandimwe wa Miss Mutesi Aurore, abinyujije kuri Instagram yahishuye ibihe by'umunezero w'ikirenga murumuna we yagize ubwo yambikwaga impeta na Mbabazi Egide.

Icyo gihe yagize ati 'Ibyishimo ni ukubona murumuna wanjye yishimye nk'uku. Ku bw'urugendo rushya mwembi mutangiye, Imana yonyine niyo yabasha kugera ku mutima wanjye ngo imenye ibyiyumviro mbafiteho.'

Mbabazi Egide yambikiye impeta Miss Mutesi Aurore muri Pariki ya Grand Canyon iherereye i Las Vegas muri Leta ya Nevada muri Leta Zunze Ubumwe za Amerika nubwo bo ubwabo bataragira icyo batangaza kuri aya makuru.

Aba bombi bahanye isezerano imbere y'amategeko ku wa 29 Nyakanga 2018 ku nkombe z'inyanja mu Mujyi wa Portland wo muri Leta ya Maine, bemeranya kubana ubudahemukirana haba mu byiza no mu makuba.

Amafoto y'uwo muhango yabanje gusohorwa cyane cyane n'inshuti zabo nyuma na bo ubwabo bayashyira ku mbuga nkoranyambaga bakoresha, anaherekejwe n'amagambo ashimangira uburyohe bw'urukundo bimitse mu myiteguro yo kuzabana nk'umugore n'umugabo.

Miss Mutesi Aurore yayasohoye aherekejwe n'ijambo riboneka muri Bibiliya mu gitabo cya Yakobo 1:16-18 rigira riti 'Ntimukayobe bene Data bakundwa. 17. Gutanga kose kwiza n'impano yose itunganye rwose ni byo biva mu ijuru, bimanuka bituruka kuri Se w'imicyo udahinduka, cyangwa ngo agire n'igicucu cyo guhinduka.'

Yakurikijeho akajambo #Auride gahuza izina rye n'irya Egide mu gushimangira ubumwe bwabo, arongera ati 'Imana ni nziza,' aherutsa akamenyetso k'ibiganza bishimira.

Urukundo rwaje kuyoyoka…

Kuva ku wa ku 8 Ukuboza 2018 abakunzi ba couple ya Miss Mutesi Aurore Kayibanda na Egide Mbabazi bacitsemo igikuba bitewe n'amakuru yavugaga ko bamaze guca ukubiri. Nyuma baje kongera kunga ubumwe bugamije kujijisha bongera gukurikirana.

Muri Gashyantare uyu mwaka, ni bwo urukundo rwa Mbabazi Egide na Aurore Kayibanda rwatangiye kongera gukemangwa, bamwe batangira kuvuga ko baba baratandukanye.

Byatewe n'uko bose nta n'umwe wari ugikurikira undi ku mbuga nkoranyambaga, ndetse nabwo amafoto bari barashyizeho bahuriyeho bakaba barayasibye.

Mu kiganiro kirekire yagiranye na Ally Soudy mu minsi ishize, Miss Mutesi Aurore Kayibanda yavuze ko bamaze gutandukana.

Ati 'Ukuri guhari twaratandukanye, urugendo rwacu rwageze ku iherezo. Ndumva ari icyo cyonyine nabivugaho. Reka nzandike igitabo kirimo ibirambuye byose. Nigisohoka nzababwira'.

Yakomeje avuga ko ahubwo hari igitabo ari kwandika, kizaba kirimo kirimo ibijyanye n'amateka y'urukundo rwe na Mbabazi Egide.

Amafoto ya Kayibanda na Mbabazi mu bihe bitandukanye by'urukundo rwabo

 

Basangiye akabisi n'agahiye

 

Mbabazi Egide na Miss Aurore mu birunga bagiye gusura ingagi

 

Mbere y'uko Mutesi Aurore ajya muri Amerika babanje kujya gutemberera mu birunga

 

Miss Aurore akenshi yohererezwaga indabo n'umukunzi we

 

Bakundaga kwambara bakajyanisha

 

Basangiye ibihe byiza n'ibibi

 

Mutesi Aurore na Egide Mbabazi bakundaga kwifatanya n'inshuti zabo mu birori bitandukanye

 

Mbabazi Egide na Miss Mutesi Aurore bakundaga gutemberana muri Amerika

Muri Werurwe 2018 nibwo umuvandimwe wa Miss Mutesi Aurore abinyujije kuri Instagram [@gracekamu] yahishuye ibihe by'umunezero w'ikirenga uyu Nyampinga yagize ubwo yambikwaga impeta na Mbabazi Egide

 

Egide Mbabazi yashinze ivi asaba Miss Mutesi Aurore kumubera umugore, undi arabyemera

 

Inshuti z'aba bombi zari zahateye amatako

 

Miss Aurore ku munsi yambikiweho impeta

 

Mbabazi Egide yambikiye impeta Miss Mutesi Aurore muri Pariki ya Grand Canyon muri Leta ya Nevada mu Mujyi wa Las Vegas

 

Ubwo Aurore yambikwaga impeta yaraturitse ararira

 

Wari umunsi w'umunezero kuri Miss Aurore na Mbabazi Egide ubwo Kayibanda yambikwaga impeta

 

Ibyishimo byari byose ku nshuti n'imiryango

 

Bari babukereye kuri uyu munsi basezeraniyeho mu mategeko

 

Basezerana bacurangiwe na Dj Innox

 

Basezeraniye ku nkombe z'inyanja muri mu Mujyi wa Portland wo muri Leta ya Maine

 

 

Ubwo bahanaga isezerano

 

Kuva igihe batangiriye gukundana, kuri Instagram Egide yakurikiraga Mutesi Aurore gusa

 

Mu Ukuboza 2018 Miss Aurore yavuye kuri Instagram, bikekwa ko byatewe n'umubano we na Egide wari wifashe nabi

 

Mu 2018 mu gihe konti ya Miss Mutesi yari yarasibwe, Mbabazi nta muntu n'umwe yakurikiraga

 

Mbabazi Egide asigaye akurikira umwana wa mukuru we

 

Nyuma yo gutandukana n'umugabo we kuri ubu Aurore nta muntu n'umwe akurikira

SRC: IGIHE

 

 

Leave your vote

0 Points

Upvote Downvote

• Click to share on Reddit (Opens in new window)
• Click to share on WhatsApp (Opens in new window)
• Click to share on Twitter (Opens in new window)
• Click to share on Telegram (Opens in new window)
• Click to share on Facebook (Opens in new window)
• More

• Click to share on Tumblr (Opens in new window)
• Click to share on Skype (Opens in new window)

Comments

0 comments

Source : https://yegob.rw/ibitazibagirana-mu-rukundo-rwa-miss-aurore-na-egide-mbabazi-batandukanye-nyuma-yimyaka-isaga-10-bakundana/

Abana binjijwe mu gisirikare hamwe n'abandi bantu bahohotewe n'uwahoze ari umukuru w'abarwanyi Bosco Ntaganda, bagenewe inshumbusho/impozamarira ya miriyoni 30 z'amadolari ya Amerika.

Ni ingingo yafashwe n'abacamanza b'urukiko Mpuzamahanga Mpanabyaha, ikaba ari yo nshumbusho/mpozamarira nini kurusha izindi igenywe n'uru rukiko kuva rubayeho.

Abacamanza bavuze ko Bosco Ntaganda adafite ayo mafaranga kugira ngo yishyure iyo mpozamarira, ko ahubwo azakurwa mu kigega bwite cy'urukiko, akoreshwe mu migambi yo gufasha abakozweko n'ibyaha bye.

Bosco Ntaganda, ubwe yari mu rukiko igihe hafatwaga iyo ngingo, akaba asanzwe yarakatiwe imyaka 30 y'igifungo ku byaha by'ubwicanyi, gusambanya ku ngufu hamwe n'ayandi mabi.

Abanyagihugu amajana barishwe abandi ibihumbi bateshwa izabo n'intambara muri Republika ya Demokarasi ya Kongo(DR Congo).

Abemerewe kuzafashwa mu migambi yo gufasha abahohotewe barimo abagabweho ibitero byari biyobowe n'uyu mugabo bahimbye akazina ka 'terminator', abana yinjije mu gisirikare cye, abagore basambanijwe ku ngufu hamwe n'abana bavutse nyuma y'uko gufatwa ku ngufu.

Abacamanza bagennye inshumbusho/impozamarira y'ikivunga cyangwa se iri rusange, bisobanuye ko nta muntu uzahabwa amafaranga ku giti cye. Ahubwo amafaranga azahabwa amashyirahamwe y'abagiraneza cyangwa se ibigega byashyiriweho gufasha abahuye n'amakuba kubera ibikorwa bya Bosco Ntaganda.

Uyu mugabo Bosco Ntaganda nkuko BBC ibitangaza, yishyikirije ibiro bihagarariye(Ambasade) Leta Zunze Ubumwe za Amerika mu Rwanda mu kwezi kwa munani 2013, asaba kugezwa ku rukiko Mpuzamahanga Mpanabyaha, rwari rusanzwe rumushakisha.

Hari nyuma y'aho umugwi/itsinda ry'abarwanyi yari ayoboye rya M23, ritsindiwe n'ingabo Mpuzamahanga muri Kongo, abasirikare be bahungira mu Rwanda abandi muri Uganda.

Munyaneza Theogene / intyoza.com

Source : https://www.intyoza.com/bosco-ntaganda-yaciwe-miliyoni-30-zimpozamarira-zo-guha-abo-yahohoteye/