Blog

Inkubito y'Icyeza ni gahunda y'Umuryango Imbuto Foundation yatangiye mu 2005, igamije gushimira abana b'abakobwa baba batsinze neza ibizamini bya Leta bisoza icyiciro cy'amashuri abanza kugeza ku yisumbuye.

Muri gahunda yo guhugura no gufasha abanyuze muri iyo gahunda, abakobwa n'abagore b'Inkubito z'icyeza basabwe kubyaza umusaruro amahirwe bahura na yo, kugira amahitamo mazima, inshuti nziza ndetse no guharanira gukorera ku ntego.

Baho Hortense yagaragaje ko ari amahirwe uru rubyiruko rufite yo kuba rubasha kuganirizwa no kwerekwa inzira.

Yagaragaje ko mu rwego rwo kugera ku ntego no gutera intambwe bisaba kugira intego ihamye y'icyo wifuza kugeraho kandi ugaharanira kubigeraho.

Ati 'Ndashimangira ko udashobora kugera ku ntego nk'uko bikwiye udafite intumbero ugenderaho. Ikintu cya mbere ni ukugira ibintu ibyawe no kugira intego. Ntuzatekereze ngo uzagera ku kintu gikomeye mu buzima, utitaye cyane ku ntangiriro zacyo.'

Yerekanye ko inzira umwana anyuzemo akiri muto usanga ari yo akurikiza bityo ko bakwiye kwitoza gukora ibyiza mu buto bwabo no guharanira impinduka nziza.

Ukora Itumanaho muri IHS, Toni Martinez, yavuze ko mu gukora yabasabye ko bakwiye kugira amahitamo mazima yo kubasha guhuza akazi n'ubuzima bwa buri munsi cyane ko muri iki gihe cy'ikoranabuhanga bisaba buri wese gukoresha igihe cye neza.

Umwarimu muri Kaminuza y'u Rwanda, Nkingi Rosette, yavuze ko ibi biganiro bikwiye kugira uruhare rufatika mu guhindura urubyiruko, yemeza ko bakwiye guharanira kwirinda kubakira ubuzima bwabo ku bandi.

Ati 'Bakobwa bakiri hano ntimuzigera mwitesha agaciro, mumenye icyo mushaka mu buzima kandi mushake inshuti nziza. Kuko inshuti itagufasha iraguhamba. Usabwa kugira inshuti nziza, iri ku guhamba uyishyire ku ruhande. Buri munsi dukora amahitamo, rero uzakore amahitamo mazima. Kandi ukabaho mu buzima bufite intego, kuko ubudafite intego ni nk'umwanda.'

Yabasabye kurangwa n'indangagaciro nzima no guharanira gutanga umusanzu ufatika kuri sosiyete mu gukemura ibibazo bikigaragara.

Umwe mu bahuguwe, Mukanshimiyimana Olive, yagaragaje ko mu biganiro n'inama bahawe byabunguye ubumenyi kandi kuri we yakuyemo igitekerezo cy'umushinga ashobora gukora mu rwego rwo kwiteza imbere no gutanga umusanzu ku gihugu.

Ati 'Ubwo abaduhuguraga bavugaga nahise ntekereza mbona ko hari ibintu nakabaye nkorera abana cyangwa abari munsi yanjye. Nabonye ko nkwiye gukora umushinga ushobora gufasha abakiri bato nkabubakamo icyizere ku buryo bashobora gukura bafite intego kandi bumva ko bazavamo abantu bakomeye.'

Yashimangiye ko uwo mushinga azaharanira kuwushyira mu bikorwa bishingiye ku nama yahawe zizamufasha guharanira kugera ku ntego, kugira uruhare mu guhindura sosiyete ndetse no kuzana igisubizo ku kibazo runaka.

Abaganirijwe bagaragaje ko bungutse byinshi birimo inama zizabafasha kugera ku ntego z'ubuzima ndetse baniyemeza gutanga umusanzu mu gukemura ibibazo bikigaragara muri sosiyete.

Toni Martinez yagaragaje ko bakwiye gukora neza kandi bakajyanisha akazi n’ubuzima busanzwe

Baho Hortense yasabye uru rubyiruko kugira intego no guhitamo neza

Toni Martinez yasabye urubyiruko gukoresha igihe uko bikwiye

Basabwe kugendera ku buzima bufite intego

Uru rubyiruko rwaganirijwe no ku buzima bw’imyororokere

Abitabiriye ayo mahugurwa bagaragaje ko bungutse ubumenyi bukwiye

Inkubito z’icyeza zagize igihe cyo kuganira no kungurana ibitekerezo

Amafoto: Nzayisingiza Fidel

---

Source : http://igihe.com/amakuru/u-rwanda/article/abakobwa-b-inkubito-z-icyeza-basabwe-kubyaza-umusaruro-amahirwe-igihugu

Umunyamabanga Nshingwabikorwa w'Umurenge wa Musambira, Christine Nyirandayisabye kuri uyu wa 15 Gicurasi 2025 yasanze imiryango 33 yabanaga nta sezerano rizwi n'itegeko, arabasezeranya. Nyuma yo gusezerana imbere y'amategeko, bahise bajya mu Kikiziya bahabwa Isakaramentu ryo Gushyingirwa n'andi masakaramentu, haba ku bana b'iyi miryango, ababatizwa barabatizwa, abakomezwa barakomezwa, ibyishimo bitaha imiryango n'abayiherekeje.

Twiringiyimana Jean Claude, atuye mu Kagari ka Kivumu muri Musambira akaba yari amaze imyaka 7 abana n'umugore we nta sezerano. Avuga ko kudasezerana muri iyo myaka ishize yari akishakisha ariko kandi ngo kwegerwa n'ubuyobozi byaramutinyuye afata icyemezo we n'umugore we.

Yagize kandi ati' Nafashe icyemezo cyo gusezerana n'umugore wanjye kuko mukunda kandi nagombaga kubimugaragariza mbihamiriza imbere y'amategeko. Ikindi kandi na Leta y'u Rwanda irabidushishikariza ngo tubane byemewe n'amategeko, ari nayo mpamvu abayobozi batwegereye bakatuganiriza, tugatinyuka, tugafata icyemezo'.

Ku kuba muri iyo myaka 7 yaba yarigeze akubita umugore we, amutuka cyangwa se bagirana amakimbirane mu buryo bumwe cyangwa ubundi, yagize ati' Turiya mu babana nti tujya tubura ariko ntabwo ari cyane, rimwe na rimwe ushiduka byabaye n'uwakubaza ikibiteye ukakibura ndetse na nyuma byabaye ukigaya ariko nafashe icyemezo, ntabwo bizongera'.

Akomeza ashishikariza imiryango ibana mu buryo butemewe n'amategeko gutinyuka kuko ngo n'ubuyobozi buborohereza bukabasanga badakoze urugendo rurerure kandi nta kiguzi kindi uretse gusa gufata icyemezo. Ati' Babyuke bajya k'ushinzwe irangamimerere( Etat Civil) babane byemewe n'amategeko. Bitinda nta mpamvu, ni bafate icyemezo!, kandi erega byongera no guhuza imiryango'.

Musengayezu Elizabeth, yashyingiranywe na Tuyizere Aimable babanaga bitazwi n'amategeko mu Mudugudu wa Nyerenga, Akagari ka Kivumu, Umurenge wa Musambira. Ahamya ko kuri we uyu ni umunsi udasanzwe, ko ari umunsi w'ibyishimo yari ategereje. Ati' Uyu munsi ni uwanjye. Ibyishimo mfite uyu munsi ni uko dusezeranye kandi nari mbitegereje igihe. Twabanaga bitemewe n'amategeko ariko ubu tugiye kubana nk'abantu bujuje ibyangombwa byose byemewe na Leta'.

Avuga ku gihombo cyo kubana utarasezeranye byemewe n'amategeko, yagize ati' Igihombo kiba gihari kuko nk'umwana wanyu mwembi ntagira uburengenzira buhagije. Nanjye kandi nk'umugore mba mu rugo meze nk'umucanshuro kuko mba ndi mu rugo rutari urwanjye, nta burengenzira busesuye mfite ndetse hanagira akantu k'agatotsi kazamo nti babura ku kubwira ko uri indaya, mbese ntukorana umutima mwiza, ariko nk'ubu ni ugukora nk'uwikorera kuko nzi neza ko nubaka ahacu twembi n'abacu'.

Christine Nyirandayisabye, Umunyamabanga Nshingwabikorwa w'Umurenge wa Musambira aganira na intyoza.com yavuze ko iki ari igikorwa bakoze ariko kandi kiri no mu mihigo bafite nk'Umurenge wa Musambira ku gusezeranya Imiryango ibana itarasezeranye byemewe n'amategeko.

Avuga ko ku bufatanye na Kiliziya Gatolika Paruwase ya Kivumu, bafatanije bakegera abaturage, barabigisha ndetse bafata icyemezo cyo guhuza iki gikorwa n'Umunsi w'Umuryango ndetse no kuba bavuye gusezerana imbere y'amategeko bahita bakirwa mu Kiriziya bagasezerana imbere y'Imana n'abakeneye andi Masakaramentu bakayahabwa.

Yakomeje avuga ko kuba bemerewe kwimura Site yo gushyingiriraho byatumye bafata icyemezo cyorohereza abaturage, aho gukora ingendo baza ku Murenge ahubwo nk'Ubuyobozi buva ku Murenge burabegera, burabashyingira cyane ko bari umubare munini(abagore 33 n'abagabo babo 33) bo mu Kagari ka Kivumu na Mpushi. Ibyo kandi ngo biri no mu rwego rwo kwereka abaturage ko Ubuyobozi bubashyigikiye ariko kandi ko n'abandi bakwiye gufata icyemezo.Giti

Gitifu Christine Nyirandayisabye yavuze icyo nk'Ubuyobozi bifuza ku muryango, ati' Turifuza Umuryango utekanye kandi ushoboye. Mariyaje burya izana umutekano mu rugo kandi bagakomeza gushyira hamwe kugira ngo bagire iterambere ry'urugo rwabo kuko iyo abantu babana badasezeranye burya haba harimo n'urwikekwe. Iyo rero dushyingiye imiryango nk'iyi ng'iyi bidutera ishema ariko tukaba tunizeye ko mu rwego rw'imiyoborere, mu rwego rw'imibanire bizagenda neza'.

Nkuko Gitifu Christine Nyirandayisabye yabibwiye intyoza.com, Umuhigo w'Umurenge wa Musambira ku gushyingira Imiryango ibana itarasezeranye byemewe n'amategeko, uyu mwaka wari ugusezeranya imiryango 60. Ahamya ko gusezeranya iyi miryango 33 bije bisanga imibare y'indi bari baramaze gusezeranya, bityo bakaba umuhigo bawesheje ndetse bakawurenza ariko kandi ngo bikanabaha kuba begereye abaturage aho bari. Ati' Umuturage akwiye kuba ku isonga muri byose, aho bikunda Serivise akeneye ikamusanga aho ari'.

Munyaneza Théogène

Source : https://www.intyoza.com/2025/05/15/kamonyi-musambira-imiryango-33-irimo-10-yabanaga-mu-makimbirane-yasezeranijwe-ihitira-mukikiziya/

Minisitiri wa Siporo, Nelly Mukazayire, yatangaje ko uru rwego rwiteguye gukurikirana ikibazo cy'imvururu cyagaragaye ku mukino wa Bugesera FC na Rayon Sports kuri uyu wa Gatandatu.

Hari mu mukino w'Umunsi wa 28 wa Shampiyona wabereye mu Bugesera, wahagaze ku munota wa 52 ubwo Bugesera FC yari ifite ibitego 2-0.

Ni nyuma ya penaliti itavugwaho rumwe yahawe iyi kipe yari mu rugo, mu gihe na Rayon Sports yagaragazaga ko hari penaliti itahawe ku buryo bwabanjirije ubwo.

Umukino wabanje guhagarara iminota irenga 15, abawuyoboye bemeza ko usubikwa kubera ko abafana bateraga amabuye mu kibuga aho amwe yafashe abasifuzi.

Mu butumwa yashyize ku rubuga rwa X, Minisitiri wa Siporo, Nelly Mukazayire, yavuze ko amakuru y'ibyabaye bayamenye ndetse bagiye gukurikirana iki kibazo.

Ati 'Mwiriwe neza! Hari amakuru twakomeje kubona ajyanye n'umukino wahuje Rayon Sports na Bugesera FC, cyane cyane imvururu zahabaye, tukaba twibutsa abakunzi ba ruhago ndetse n'Abanyarwanda bose ko imyitwarire irimo imvururu mu bikorwa bya siporo itemewe kandi ihanwa n'amategeko.'

Yongeyeho ati 'Ibijyanye n'uko umukino wagenze n'ibyo amakipe yaba afiteho ingingimira, hari inzego ziteganywa n'amategeko bigomba kunyuramo muri FERWAFA no muri Rwanda Premier League bigahabwa umurongo.

Natwe nka Minisiteri ya Siporo mu nshingano dufite no mu buryo dukorana n' izindi nzego tuzabikurikirana.'

Urwego rutegura Shampiyona y'Icyiciro cya Mbere 'Rwanda Premier League' rwatangaje ko 'impamvu zatumye umukino utarangira ababishinzwe bari kuzigaho', bityo umwanzuro uzamenyekana mu gihe kitarambiranye.

Mu yindi mikino yabaye uyu munsi, ikipe ya APR FC yatsinze Gorilla FC igitego kimwe ku busa cyatsinzwe na Cheick Outarra, ibi bikaba byatumye iyi kipe ifata umwanya wa mbere w'agateganyo.

Undi mukino ni uwahuje Mukura VS yanganyije n'Amagaju 1-1, Marines FC itsinda Musanze FC 3-0 naho Gasogi United itsinda Muhazi United 1-0.

The post Minisitiri wa Siporo, Nelly Mukazayire yavuze ku mvururu zatumye umukino wa Bugesera na Rayon Sports uhagararira ku munota wa 52 appeared first on RUSHYASHYA.

Source : https://rushyashya.net/minisitiri-wa-siporo-nelly-mukazayire-yavuze-ku-mvururu-zatumye-umukino-wa-bugesera-na-rayon-sports-uhagararira-ku-munota-wa-52/?utm_source=rss&utm_medium=rss&utm_campaign=minisitiri-wa-siporo-nelly-mukazayire-yavuze-ku-mvururu-zatumye-umukino-wa-bugesera-na-rayon-sports-uhagararira-ku-munota-wa-52

Kuri uyu wa kane tariki ya 15 Gicurasi 2025, nibwo Rwanda Premier League yatangaje ku mugaragaro ko izahemba abahize abandi muri shampiyona ya 2024/2025, binyuze mu birori bizwi nka 'Rwanda Premier League Awards 2025'.

Ibi birori bitegerejwe na benshi bizaba ku wa Gatanu, tariki ya 30 Gicurasi 2025, bikazabera muri Kigali Convention Center guhera saa kumi n'imwe z'umugoroba (5:00 PM).

Ni umuhango uzahuza ibyamamare byagaragaye muri shampiyona, barimo abakinnyi beza, abatoza b'indashyikirwa, abafana, abayobozi b'amakipe ya RPL, abikorera ndetse n'abatumirwa muri ibi birori.

Nk'uko byatangajwe na Perezida w'Inama y'Ubutegetsi ya RPL, Hadji Yusuf Mudaheranwa yemeje ko ibi birori biziye igihe kuko aribyo gushimira abitwaye neza  muri uyu mwaka w'imikino.

Yagize ati 'Turishimye cyane kwakira ibirori bya Rwanda Premier League Awards 2025, kuko ari umwanya wo guha agaciro umuhate, ubwitange n'impano byagize uruhare mu gutuma shampiyona yacu irushaho kuba nziza kandi harimo no guhatana.'

Ibihembo bizatangwa bizaba bigamije gushimira abagize uruhare rugaragara muri shampiyona, birimo:

1. Umukinnyi w'umwaka (Player of the Season)
2. Umutoza w'umwaka (Best Coach)
3. Umukinnyi muto w'umwaka (Young Player of the Season)
4. Uwarushije abandi gutsinda ibitego (Top Scorer)
5. Umunyezamu mwiza w'umwaka (Best Goalkeeper)
6. Igitego cy'Umwaka (Best Goal of the Season)
7. Abakinnyi 11 beza b'umwaka (Best XI)

Ibirori bya Rwanda Premier League Awards 2025 bibaye mu bufatanye n'abaterankunga b'ingenzi barimo: Rwanda Airports Company Ltd, Rwanda Forensic Institute, Skol Brewery Ltd, Centrika, Be One Gin, Kwesa Collection, StarTimes, ndetse na 2000 Hotel Downtown Kigali.

The post Rwanda Premier league igiye guhemba abahize abandi Muri shampiyona y'u Rwanda 2024-2025 appeared first on RUSHYASHYA.

Source : https://rushyashya.net/rwanda-premier-league-igiye-guhemba-abahize-abandi-muri-shampiyona-yu-rwanda-2024-2025/?utm_source=rss&utm_medium=rss&utm_campaign=rwanda-premier-league-igiye-guhemba-abahize-abandi-muri-shampiyona-yu-rwanda-2024-2025

Kwambura ubudahangarwa Joseph Kabila wahoze ari Perezida wa Repubulika Iharanira Demokarasi ya Congo (RDC) byateje impaka zikomeye mu Nteko Ishinga Amategeko ya Sena, kugeza ubwo hafashwe umwanzuro wo gushyiraho komisiyo igomba gusuzuma icyo cyemezo n'ibikwiye gukurikizwa.

Uyu mwanzuro wafatiwe mu nama yabaye ku wa Kane tariki 15 Gicurasi 2025, ikabera mu muhezo. Iyi nama yaranzwe n'imvururu z'amagambo n'amakimbirane hagati y'abasenateri bashyigikiye ko Kabila yamburwa ubudahangarwa n'abatabyemera, aho bamwe bitandukanyije n'ibiganiro, bagasaba ijambo buri kanya abandi bagahitamo kwisohokera inama itararangira.

Impaka z'urudaca zatangijwe n'icyifuzo cya Senateri Christine Mwando Katempa wasabye ko ikibazo cyo kwambura ubudahangarwa Kabila kijyanwa mu nteko rusange ya Kongere nk'uko biteganywa n'ingingo ya 2024 y'amategeko agenga imikorere ya Sena, aho kuba icyemezo cyafatirwa mu nama rusange ya Sena yonyine.

Leta ya RDC, ibinyujije mu bushinjacyaha, ishinja Kabila ibyaha bikomeye birimo: ubugambanyi, ubwicanyi, kugira uruhare mu mutwe w'iterabwoba, ibyaha by'intambara n'ibyibasira inyokomuntu. Ibi byaha bivugwa ko bifitanye isano n'imirwano ikomeje kubera mu burasirazuba bwa Congo.

Perezida Félix Tshisekedi akunze kuvuga ko Kabila ari we muterankunga mukuru w'umutwe wa M23 ubarizwa mu ihuriro rya Alliance Fleuve Congo (AFC), ushinjwa guhungabanya umutekano no gushaka guhirika ubutegetsi buriho.

Mu kwezi gushize, ubucamanza bwari bwatangaje ko bwafatiye imitungo ya Kabila nyuma y'amakuru yavugaga ko aheruka kugaragara mu Burasirazuba bwa Congo, mu duce tugenzurwa n'ihuriro rya AFC/M23.

Source : https://kasukumedia.com/sena-ya-rdc-mu-makimbirane-akomeye-ku-cyemezo-cyo-kwambura-ubudahangarwa-joseph-kabila/

Abarwanyi b'umutwe wa M23 urwanya ubutegetsi bwa Perezida Félix Tshisekedi, barashe bakanashwanyaguza drone y'Ingabo za Leta ya Repubulika Iharanira Demokarasi ya Congo (FARDC) mu gace ka Ndolo gaherereye muri cheferi ya Luhwinja, muri teritwari ya Walungu, Intara ya Kivu y'Amajyepfo.

Amakuru yatangajwe n'abaturage bo muri ako gace avuga ko iyi drone yarashwe mu rukerera rwo ku wa Kane, tariki ya 15 Gicurasi 2025, ahagana saa cyenda z'ijoro. Aba baturage bemeza ko abarwanyi ba M23 bayihanuriye neza i Ndolo.

Mu gitondo cyo kuri uwo munsi, abaturage babyutse basanga ibisigazwa bya drone biri aho yaguye, ndetse bamwe bari kuyikoranaho bareba ibice byayo, abandi barimo gusuzuma insinga zayo no kuzihambura.

Amashusho yakwirakwijwe ku mbuga nkoranyambaga yagaragaje abaturage bazengurutse ibisigazwa bya drone, bamwe bayikoraho, abandi bayitegereza bashishikaye.

Ni ubwa mbere muri uyu mwaka wa 2025 humvikanye amakuru y'ihanurwa rya drone ya FARDC muri ako gace.

FARDC yaherukaga gukoresha drones mu mirwano yo muri Werurwe uyu mwaka i Walikale, aho ibitero byabaye bikurikirana umunsi ku wundi. Icyo gihe na bwo M23 yagaragaje ubushobozi bwo kuzihanura, ndetse bivugwa ko hari nyinshi zahanuwe.

Mu mpera z'umwaka ushize wa 2024, Ingabo za Leta ya Congo zongeye gukoresha drones mu bice byegereye M23, ariko na bwo bivugwa ko izigera kuri icyenda zahanuwe.

Aka gace ka Luhwinja karimo ingabo za Leta zari ziherutse kugatera ibitero bya drone, nyuma y'uko kari kagiye mu maboko ya M23 binyuze mu mirwano ikaze. Uyu mutwe wa M23 waje gufata n'ibice byegereye Luhwinja, birimo n'isantire ya Luciga izwi nk'umutima w'iyo cheferi.

Source : https://kasukumedia.com/m23-yarashe-drone-ya-fardc-muri-walungu-abaturage-batungurwa-nibisasira-byayo/

Ihuriro ry'ingabo za Congo rigizwe na FARDC, FDNB, Imbonerakure, FDLR na Wazalendo, ryahuye n'akaga nyuma yo kugaba ibitero bigamije kwisubiza tumwe mu duce two muri teritware ya Rutshuru, ariko rikaza guhura n'inkundura y'ibitutu by'imbunda byarashwe n'abarwanyi b'umutwe wa M23 wari usanzwe ugenzura ako karere.

Imirwano yatangiye mu rukerera rwo ku wa 15 Gicurasi 2025, igera ku gicamunsi cy'uwo munsi, ibera ahanini mu bice byo muri grupema ya Bambo na Banyungu, aho ubukana bwayo bwari bwose.

Amakuru aturuka aho imirwano yabereye avuga ko abarwanyi ba M23 bateze umutego ingabo zari muri iryo huriro, maze bagatangira kubarasa bivuye inyuma, bituma ihuriro ry'ingabo rihungira ku maguru, risiga byinshi mu maboko y'abo barwanyi.

Uhereye mu masaha ya saa kumi z'urukerera, muri utwo duce humvikanye urusaku rw'imbunda nyinshi, harimo iziremereye n'izoroheje.

Uko amasaha yagendaga yicuma, byagaragaye ko imirwano ikomeye yabereye ku misozi ya Showa, muri grupema ya Banyungu, n'ahandi hagerageje gufatwa harimo imisozi ya Ngwaki na Lwansihe, muri grupema ya Bambo.

Andi makuru avuga ko umutwe wa M23 waje kunganirwa n'abarwanyi bavuye mu gace ka Masisi, maze bafatanya guhiga ihuriro ry'ingabo, birukana burundu muri utu duce, ku buryo bivugwa ko iryo huriro rishobora kutazongera kongera kugaba ibitero muri ako karere.

Ibi byabaye nyuma y'uko mu cyumweru gishize, iryo huriro ryari ryagerageje kugaba ibitero muri utu duce ariko n'icyo gihe rikaba ryarasubijwe inyuma n'ubwihagaze bw'abarwanyi ba M23.

Source : https://kasukumedia.com/ihuriro-ryingabo-za-congo-ryahaboneye-akaga-nyuma-yo-kugabwaho-ibitero-numutwe-wa-m23/

Mupenzi Etoo yongeye kuvugisha abantu nyuma yo kugaragara mu Karere ka Bugesera, aho amafoto ye yakwirakwiye ku mbuga nkoranyambaga amwerekana ari kumwe na Ndoli Jean Claude wahoze ari umunyezamu wa APR FC.

Etoo asanzwe azwi cyane mu itegurwa ry'imikino ya APR FC, ndetse umwaka ushize yigeze no gufungwa akekwaho guha amarozi abakinnyi ba Kiyovu Sports mbere y'uko bakina na APR FC, ibyo byavugishije abantu benshi mu gihe runaka.

Ubu noneho yagaragaye kuri imwe muri hoteli zo mu Bugesera, bikekwa ko yaba yari mu nzira yo guhura n'abakinnyi ba Bugesera FC. Ibi byahuriranye n'uko Bugesera FC igiye gukina umukino ukomeye na Rayon Sports, mu gihe APR FC na Rayon Sports bari mu ntambara yo guhatanira igikombe cya shampiyona.

Rayon Sports irusha APR FC inota rimwe gusa, ibintu bituma buri mukino Rayon ikina ugenzurwa cyane. Ibi byatumye abantu bibaza niba Etoo yaba yaragiye i Bugesera mu rwego rwo kugira uruhare mu itegurwa ry'uyu mukino, ashaka ko Bugesera FC yabera imbogamizi Rayon Sports.

Nubwo nta kintu na kimwe kiragaragazwa nk'icyemeza ko Etoo yari yagiye mu bikorwa bifite aho bihuriye n'umukino wa shampiyona, gusa kugenda kwe i Bugesera byateje impaka nyinshi mu bakunzi b'umupira. Abakurikirana shampiyona baracyategereje kureba uko uyu mukino uzagenda, ndetse n'ingaruka zishobora kuzanwa n'iyi 'surprise' ya Etoo i Bugesera.

Source : https://yegob.rw/yimanukiye-mupenzi-etoo-wo-muri-apr-fc-yagaragaye-i-bugesera-mu-rujijo-rushingiye-ku-mukino-wa-rayon-sports-amafoto/

Minisitiri wa Siporo, Nelly Mukazayire, yatangaje ko uru rwego rwiteguye gukurikirana ikibazo cy'imvururu cyagaragaye ku mukino wa Bugesera FC na Rayon Sports kuri uyu wa Gatandatu.

Hari mu mukino w'Umunsi wa 28 wa Shampiyona wabereye mu Bugesera, wahagaze ku munota wa 52 ubwo Bugesera FC yari ifite ibitego 2-0.

Ni nyuma ya penaliti itavugwaho rumwe yahawe iyi kipe yari mu rugo, mu gihe na Rayon Sports yagaragazaga ko hari penaliti itahawe ku buryo bwabanjirije ubwo.

Umukino wabanje guhagarara iminota irenga 15, abawuyoboye bemeza ko usubikwa kubera ko abafana bateraga amabuye mu kibuga aho amwe yafashe abasifuzi.

Mu butumwa yashyize ku rubuga rwa X, Minisitiri wa Siporo, Nelly Mukazayire, yavuze ko amakuru y'ibyabaye bayamenye ndetse bagiye gukurikirana iki kibazo.

Ati 'Mwiriwe neza! Hari amakuru twakomeje kubona ajyanye n'umukino wahuje Rayon Sports na Bugesera FC, cyane cyane imvururu zahabaye, tukaba twibutsa abakunzi ba ruhago ndetse n'Abanyarwanda bose ko imyitwarire irimo imvururu mu bikorwa bya siporo itemewe kandi ihanwa n'amategeko.'

Yongeyeho ati 'Ibijyanye n'uko umukino wagenze n'ibyo amakipe yaba afiteho ingingimira, hari inzego ziteganywa n'amategeko bigomba kunyuramo muri FERWAFA no muri Rwanda Premier League bigahabwa umurongo.

Natwe nka Minisiteri ya Siporo mu nshingano dufite no mu buryo dukorana n' izindi nzego tuzabikurikirana.'

Urwego rutegura Shampiyona y'Icyiciro cya Mbere 'Rwanda Premier League' rwatangaje ko 'impamvu zatumye umukino utarangira ababishinzwe bari kuzigaho', bityo umwanzuro uzamenyekana mu gihe kitarambiranye.

Mu yindi mikino yabaye uyu munsi, ikipe ya APR FC yatsinze Gorilla FC igitego kimwe ku busa cyatsinzwe na Cheick Outarra, ibi bikaba byatumye iyi kipe ifata umwanya wa mbere w'agateganyo.

Undi mukino ni uwahuje Mukura VS yanganyije n'Amagaju 1-1, Marines FC itsinda Musanze FC 3-0 naho Gasogi United itsinda Muhazi United 1-0.

The post Minisitiri wa Siporo, Nelly Mukazayire yavuze ku mvururu zatumye umukino wa Bugesera na Rayon Sports uhagararira ku munota wa 52 appeared first on RUSHYASHYA.

Source : https://rushyashya.net/minisitiri-wa-siporo-nelly-mukazayire-yavuze-ku-mvururu-zatumye-umukino-wa-bugesera-na-rayon-sports-uhagararira-ku-munota-wa-52/?utm_source=rss&utm_medium=rss&utm_campaign=minisitiri-wa-siporo-nelly-mukazayire-yavuze-ku-mvururu-zatumye-umukino-wa-bugesera-na-rayon-sports-uhagararira-ku-munota-wa-52

Saa sita z'ijoro ryo ku wa 16 rishyira ku wa 17 Gicurasi 2025, ni bwo hamenyekanye ko uyu mukecuru wibanaga ariko afite abana bubatse ingo zabo yatewe n'abagizi ba nabi bamutema mu misaya yombi bimuviramo urupfu.

Aya makuru akimenyekana, inzego z'umutekano n'iz'ubuyobozi zihutiye kugera aho byabereye bahumuriza abaturage by'umwihariko abarokotse Jenoside yakorewe Abatutsi batuye muri aka gace.

Umuyobozi Wungirije w'Akarere ka Nyamasheke, ushinzwe Imibereho myiza y'Abaturage, Mukankusi Athanasie yavuze ko inzego zibishinzwe zahise zitangira iperereza ndetse ko hari abantu bane batawe muri yombi bakekwaho iki cyaha.

Ati “Iperereza rirakomeje. Bamutemye mu maso mu misaya yombi. Twakoranye inama n'abaturage turabahumuriza. Turi kumwe n'inzego dukorana dukomeza gufata mu mugongo abaturage b'uyu mudugudu, by'umwihariko turacyari mu minsi 100, birumvikana ko atari ikintu cyoroshye ku barokotse Jenoside yakorewe Abatutsi mu 1994”.

Urwego rw'Igihugu rw'Ubugenzacyaha rwatangaje ko mu cyumweru cy'icyunamo gusa rwakurikiranye amadosiye 82 y'ibyaha by'ingengabitekerezo ya Jenoside n'ibifitanye isano na yo byarimo abantu 87.

Umukecuru warokotse Jenoside mu Karere ka Nyamasheke yishwe atemwe

---

Source : http://igihe.com/amakuru/u-rwanda/article/nyamasheke-umukecuru-warokotse-jenoside-yakorewe-abatutsi-yishwe-atemwe