Webrwanda Backend

Blog

  • Myanmar: Abantu barenga 60 barimo n'abana biciwe mu myigaragambyo yo kwamagana abahiritse ubutegetsi #rwanda #RwOT

    Abantu batari munsi ya 60 kandi bishoboka ko barenga 90 bapfuye, nkuko amakuru abivuga, mu gihe barengaga ku byo bari baburiwe n'igisirikare bakigaragambya bamagana ihirikwa ry'ubutegetsi.

    Abigaragambya bagiye mu mihanda yo mu mujyi mukuru Yangon no mu yindi mijyi.

    Ambasade y'Amerika muri Myanmar yavuze ko abashinzwe umutekano “barimo kwica abasivile badafite intwaro”.

    Ikinyamakuru Dailymail cyo gitangaza ko mu barenga 60 bishwe harimo n'umwana muto w'umuhungu wari mu bigaragambya.

    Iyi mibare mishya yatuma umubare w'abamaze kwicwa kugeza ubu mu bikorwa byo kuburizamo imyigaragambyo y'abamagana ihirikwa ry'ubutegetsi ugera hafi ku bantu 400.Ibihumbi mirongo by'abantu nibo biroshye mu mihanda barigaragambya uyu munsi.

    Mbere yaho, umusirikare wafashe ubutegetsi muri Myanmar yasezeranyije “kubungabunga demokarasi”, mu gihe ubutegetsi bwe bwaburiye abigaragambya bamagana abahiritse ubutegetsi bwari busanzweho ngo ntibajye mu mihanda.

    Jenerali Min Aung Hlaing yabivugiye kuri televiziyo y'igihugu, mu ijambo rijyanye no kwizihiza umunsi w'ingabo. Yongeye gusezeranya ko hazabaho amatora, ariko ntiyavuga itariki azaberaho.

    Ku wa gatanu, mu kundi kuburira, televiziyo y'igihugu yavuze ko abigaragambya bafite ibyago byo kuraswa “mu mutwe no mu mugongo”.

    Ni iki kiri kuba mu mihanda?

    Aya makuru mashya y'impfu ava mu bitangazamakuru The Irrawaddy na Myanmar Now.

    Myanmar Now yatangaje ko abishwe ari 91 mu mijyi 40 itandukanye mu gihugu kugeza ku isaha ya saa kumi n'iminota 30 (16h30) zaho, ni ukuvuga saa sita (12h) ku isaha yo mu Rwanda no mu Burundi.

    Amakuru mashya y'igitangazamakuru Irrawaddy avuga ko abantu bapfuye ari 59, barimo n'abana batatu, biciwe ahantu 28 hatandukanye.

    Impirimbanyi zamagana ihirikwa ry'ubutegetsi zari zahamagariye abantu kwitabira imyigaragambyo ikomeye kuri uyu wa gatandatu, nubwo igisirikare cyari cyakangishije ko gikoresha imbaraga zishobora no kwica.

    Abapolisi bagabwe ku bwinshi, bagerageza kuburizamo imyigaragambyo, by'umwihariko mu mujyi mukuru Yangon.

    Ababibonye n'abandi bantu babwiye ishami rya BBC ritangaza ibiganiro mu rurimi rwa Burmese (Burma cyangwa Birmanie ni irindi zina rya Myanmar) ko abigaragambya bishwe mu mijyi ya Magway, Mogok, Kyaukpadaung na Mayangone.

    Abapfuye banatangajwe mu mujyi wa kabiri mu bunini wa Mandalay, aho abigaragambya bitwaje ibendera ry'ishyaka rya Madamu Suu Kyi.

    Umunyamakuru umwe yabwiye ibiro ntaramakuru AFP ko polisi yarashe amasasu nyamasasu ku bigaragambya mu mujyi wa Lashio uri mu majyaruguru ashyira uburasirazuba bw'igihugu.

    Dr Sasa, umuvugizi w'itsinda CRPH rirwanya agatsiko ka gisirikare kafashe ubutegetsi, yabwiye ibiro ntaramakuru Reuters ati:

    “Uyu ni umunsi wo gukorwa n'isoni ku ngabo. Abasirikare b'abajenerali barimo kwizihiza umunsi w'ingabo nyuma yo kwica inzirakarengane z'abasivile zirenga 300”.

    Min Aung Hlaing yavuze iki nyirizina?

    Mu ijambo ryanyuze kuri televiziyo ako kanya (mu buryo bwa 'live') kuri uyu wa gatandatu, Jenerali Min Aung Hlaing yagize ati: “Igisirikare kirashaka kwifatanya n'igihugu cyose mu kubungabunga demokarasi”.

    “Ibikorwa by'urugomo byibasira ituze n'umutekano bigamije kugira ibyo bisaba ntabwo bikwiye”.

    Yongeyeho ko igisirikare cyagombaga gufata ubutegetsi kubera “ibikorwa binyuranyije n'amategeko” by'umutegetsi wari watowe muri demokarasi, Aung San Suu Kyi, n'ishyaka rye rya National League for Democracy.

    Ariko, ntabwo yavuze by'umwihariko ko igisirikare cyahawe amategeko yo kurasa cyica. Mbere, aka gatsiko k'abasirikare kari ku butegetsi kari kagerageje kuvuga ko kurasa kwaturutse imbere mu bigaragambya.

    Ku wa gatanu, televiziyo ya leta yaburiye ko abantu “bakwiye gukura isomo mu bwicanyi bwabayemo impfu mbi mbere ryuko ushobora kuba mu byago byo kuraswa mu mutwe no mu mugongo”.

    Umunsi w'ingabo ni uwo kuzirikana intangiriro mu 1945 y'ibikorwa by'igisirikare cya Myanmar byo guhangana no kwigarurirwa n'Ubuyapani.

    Akarasisi ka gisirikare akenshi kitabirwa n'abategetsi bo mu bindi bihugu. Ariko, bisa nkaho Minisitiri wungirije w'ingabo w'Uburusiya Alexander Fomin ari we mutegetsi wo mu mahanga wenyine wari uhari.

    Jenerali Min Aung Hlaing yongeyeho ati: “Uburusiya ni inshuti nyakuri [nyanshuti]”.

    Amerika, Ubwongereza n'umuryango w'Ubumwe bw'Uburayi (EU/UE) byose byafatiye ibihano Myanmar kubera ihirikwa ry'ubutegetsi ryakozwe n'igisirikare.

    Mu myaka ya vuba aha ishize, umubano wo mu rwego rwa gisirikare wateye imbere hagati ya Myanmar n'Uburusiya. Muri icyo gihe, Uburusiya bwahaye imyitozo abasirikare babarirwa mu bihumbi ba Myanmar, ndetse bwanayigurishijeho intwaro.



    BBC

    Source : http://umuryango.rw/amakuru/mu-mahanga/umutekano/article/myanmar-abantu-barenga-60-barimo-n-abana-biciwe-mu-myigaragambyo-yo-kwamagana

  • Mushikiwabo yakiriwe na Perezida wa Togo – #rwanda #RwOT

    Ibiganiro by'aba bombi byabereye mu Ngoro y'Umukuru w'Igihugu wa Togo ku wa Gatanu.

    Abicishije ku rukuta rwe rwa Twitter, Perezida wa Togo yavuze ko yishimiye kwakira Umunyamabanga Mukuru w'Umuryango w'Ibihugu bikoresha Igifaransa (OIF), baganiriye ku ngingo z'ingirakamaro, ibijyanye no kurwanya icyorezo cya Coronavirus no gukwiza inkingo.

    Togo ni kimwe mu bihugu 88 bigize Umuryango w'Ibihugu bikoresha Igifaransa, OIF.

    Je me suis entretenu ce jour avec Mme @LMushikiwabo, Secrétaire Générale de l’@OIFrancophonie en visite au #Togo.

    Nous avons abordé, entre autres sujets d’intérêt, la riposte contre la #Covid19 et les efforts à mener pour un accès équitable aux vaccins.

    FEG pic.twitter.com/vhUAAecMUm

    — Faure E. Gnassingbe (@FEGnassingbe) March 26, 2021

    Bombi baganiriye ku ngamba zo guhashya Covid-19 n’ibijyanye no gukwirakwiza inkingo

    Perezida Faure Gnassingbé yavuze ko yagiranye ibiganiro by’ingirakamaro na Louise Mushikiwabo

    Louise Mushikiwabo ubwo yaganiraga n’itangazamakuru nyuma yo guhura na Perezida wa Togo

    Source : http://igihe.com/amakuru/u-rwanda/article/mushikiwabo-yakiriwe-na-perezida-wa-togo

  • Hari ikigo cy’Abanyamerika kigiye kujya giha… – #rwanda #RwOT

    Kimwe n’izindi nkingo z’ibyorezo, n'urwa Covid-19 rwaherekejwe n’amakuru atandukanye yuzuyemo impungenge zitandukanye ariko nanone adafite igisobanuro gihamye mu bijyane n’ubuhanga mu by'ubuvuzi. Amakuru nk’ayo akomeza kuba inzitinzi ku mubare w’abavuga ko badashobora gufata urukingo. Kandi ni ku Isi hose.

    Muri Leta Zunze Ubumwe za Amerika mu rwego rwo gukangurira abantu kwitabira gufata urukingo rwa Covid-19, ikigo cya Krispy Kreme gikora ibijyanye no gutegura no gutanga amafunguro cyatangaje ko cyigiye kujya giha irindazi rimwe umuntu wese uzagaragaza ko yikingije Covid-19.

    Dave ashinzwe ubucuruzi muri icyo kigo aganira CNBC yagize ati “Ibi bizafasha kwihutisha iki gikorwa cy’ikingira, maze tube dutsinze Covid-19 mu gihe gito”.

    Iki kigo gikorera ahantu hagera kuri 375 muri Leta Zunze Ubumwe za Amerika, n’aharenga 1000 ku isi hose. Uwasoje gufata urukingo rwa Covid-19 ajya hamwe muri aho iki kigo gikorera akerekana ko koko yakingiwe agahabwa irindazi ry’ubuntu.

    Mu mategeko n’amabwiriza yashyizweho, kuba wasaba ko ugezwaho irindazi ryawe aho uherereye (home delivery) ntibyemewe. Ikindi kitemewe ni ugutumiza irindazi ryawe wifashishije murandasi (Online ordering).

    Ikigo cy’Abanyamerika Kripsy Kreme cyatangaje ko kizajya giha irindazi umuntu wikingije Covid-19

    Source : https://inyarwanda.com/inkuru/104321/hari-ikigo-cyabanyamerika-kigiye-kujya-giha-amandazi-umuntu-wese-wikingiwe-covid-19-104321.html

  • Pierre-Emerick Aubameyang yiyogosheje inyogosho idasanzwe [AMAFOTO] #rwanda #RwOT

    Pierre-Emerick Aubameyang abinyujije kuri Instagram ye,yashyize hanze amafoto agaragaza iyi nyogosho ye nshya yishyizeho yitegura umukino wa nyuma wo mu itsinda azakinira igihugu cye cya Gabon.

    Uyu rutahizamu amenyerewe cyane n'abakunzi ba ruhago ku bijyanye no guhindura umusatsi we awushyiramo amabara atandukanye cyangwa se akiyogoshesha bidasanzwe.

    Icyakora kuri iyi nshuro uyu mukinnyi yiganye umuhanzi mu njyana ya Rap witwa Travis Scott wo muri US.

    Aubameyang yashyize hanze iyi foto ari kumwe n'umuvandimwe we Willy Aubameyang arangije yandikaho ngo 'Indirimbo nshya iraje vuba.'

    Abafana batandukanye b'uyu mukinnyi bahise bacika ururondogoro aho bamwise Travis Scott mu gihe uyu muvandimwe we bamwise Sean Paul.

    Bamwe bashimye iyi nyogosho ya Aubameyang mu gihe abandi bamututse cyane ndetse bavuga ko uko yiyogoshesheje biteye umujinya.

    Aubameyang yiyogosheje nyuma yo kwigaragaza cyane mu mukino Gabon iherutse kwihaniza RD Congo mu gushaka itike ya AFCON2021 bahise banakatisha nyuma y'uyu mukino.

    Muri uyu mukino, Aubameyang yatsinze igitego ndetse anatanga umupira wavuyemo igitego ku ruhande rwa Gabon.

    Aubameyang aheutse kwicazwa n'umutoza Mikel Arteta ku mukino Arsenal yatsinzemo Tottenham ibitego 2-1 kubera gukererwa kugera mu nama itegura umukino.


    Source : http://umuryango.rw/imyidagaduro/imikino/article/pierre-emerick-aubameyang-yiyogosheje-inyogosho-idasanzwe-amafoto

  • Jesse Lingard watijwe na Manchester United muri West Ham United ashobora kugaruka yongererwa amasezerano. #rwanda #RwOT

    Nyuma yaho umukinnyi wa Manchester United Jesse Lingard ukina afasha ba rutahizamu atijwe mu ikipe ya West Ham United zose zo mu Bwongereza ashobora kugaruka muri United mu mpeshyi z'uyu mwaka yongererwa amasezerano amugumisha i Old Trafford.

    Jesse Lingard mbere y'uko atizwa

    Ibi bibaye nyuma yaho uyu mukinnyi wagiye agorwa no kubona umwanya ubanzamo muri Manchester United muri iyi imyaka ibiri iheruka bitewe nuko ku mwanya we Man U yahazanye abakinnyi bamurusha birangira atijwe muri West Ham United muri Mutarama 2021.

    Nyuma yo kugera muri iyi ikipe kwa Jesse Lingard yahagiriye ibihe byiza kuko mu mikino irindwi amaze gukinira iyi kipe yatsinzemo ibitego bitanu ndetse anatanga imipira ibiri yabyaye ibitego, bitewe no kwitwara neza muri iyo kipe byatumye ikipe ye ya Manchester United itekereza kuzamugarura mu mpeshyi z'uyu mwaka wa 2021 ndetse ikaba yanamuha andi masezerano mashya.

    Jesse Ellis Lingard w'imyaka 28 y'amavuko arimo kugana ku musozo w'amasezerano ye muri Manchester United kuko azarangira tariki ya 31 Kamena 2021 bityo ikipe ya United ikaba yifuza ko yamugumana mu yindi myaka iri imbere.

    Uyu mukinnyi wakuriye mu ikipe ya Manchester United, kuri ubu ari kumwe n'ikipe ye y'igihugu y'u Bwongereza aho irimo guhatanira itike y'ikikombe cy'isi cya 2022 kizabera muri Qatar.

    The post Jesse Lingard watijwe na Manchester United muri West Ham United ashobora kugaruka yongererwa amasezerano. appeared first on RUSHYASHYA.

    Source : https://rushyashya.net/jesse-lingard-watijwe-na-manchester-united-muri-west-ham-united-ashobora-kugaruka-yongererwa-amasezerano/

  • Abafashamyumvire mu bworozi basabwe kurandura indwara y'ifumbi y'amabere yugarije inka mu Majyepfo – #rwanda #RwOT

    Byagarutsweho ubwo abafashamyumvire mu bworozi bagera kuri 28 basozaga igikorwa cyo kongererwa ubumenyi bamazemo igihe cy'ishuri ryo mu murima, bigishwa uko bakemura ibibazo bitandukanye bibangamiye ubworozi kandi bakajya no kubyigisha abandi.

    Umuyobozi Mukuru wungirije ushinzwe ibijyanye n'Ubworozi muri RAB, Dr Uwituze Solange, yavuze ko babitezeho byinshi birimo kuzamura umukamo w'amata, gutoza aborozi kugaburira inka neza, ariko by'umwihariko agaruka ku kibazo cy'indwara y'ifumbi y'amabere ikunze kwibasira inka.

    Yavuze ko hari intambwe yatewe mu kurwanya indwara y'ifumbi y'amabere y'inka ariko ikwiye gukumirwa igacika burundu.

    Ati 'Uyu mushinga ugitangira indwara twabonaga z'ifumbi muri rusange mu gihugu zari 75%. Ni ukuvuga ngo inka zose zakamwaga hafi 75% zabaga zifite ikibazo cy'ifumbi y'amabere.'

    'Uyu munsi tuvugana muri Gishwati 35% by'inka zikamwa ziracyafite ikibazo cy'ifumbi y'amabere naho Gicumbi ni 21%. Muri Nyanza turacyafite 49% by'inka zikamwa zikirwaye ifumbi y'amabere.'

    Yakomeje avuga ko icyo kibazo gikwiye gukemuka kikava mu nzira, yibaza impamvu mu duce tumwe cyagabanutse handi bigasa n'ibigenda biguruntege.

    Ati 'Kuki Gicumbi yavuye kuri 75% ikagera kuri 21% ; Gishwati ikava kuri 75% ikagera kuri 35% ; uyu munsi mu Majyepfo tukaba turi kuri 49% kandi hose hari abafashamyumvire, ni ukubera iki? Ni ukuvuga ko akazi ko gukora karacyahari kandi kenshi.'

    Dr Uwituze yavuze ko inka irwaye ifumbi y'amabere idatanga umukamo kandi n'amata ikamwa aba yanduye.

    Bamwe mu bafashamyumvire mu bworozi bavuze ko nyuma yo kongererwa ubumenyi, bagiye gutanga umusanzu wabo mu gukemura ibibazo bihari harimo n'icyo cy'indwara y'ifumbi y'amabere y'inka.

    Ntawuyigira Alphonse ati 'Twasobanuriwe ko indwara y'ifumbi y'amabere iterwa ahanini n'umwanda; iyo wakoze isuku mu kiraro buri munsi wajya gukama ugakaraba intoki kandi ukoza amabere, ifumbi iracika.'

    Abongerwe ubumenyi bavuze ko ibyo bamenye bagiye kubyigisha aborozi bakorana mu matsinda. Bahawe n'ibikoresho bifashisha mu gupima ifumbi y'amabere ku buryo igaragara hakiri kare, inka igahita ivurwa.

    Kuri uyu wa 26 Werurwe 2021 hasojwe icyiciro cy'abafashamyumvire mu bworozi bakuru 28 cyatangiye mu kuboza kwa 2017 bakaba biyongereye ku bandi 6 bari basanzwe bazafasha abandi gutanga amahugurwa ku bahagarariye amatsinda y'ubworozi, kuri ubu bamaze kugera kuri 765. Bamaze gushinga amatsinda 1647 yibumbiyemo aborozi 41 751, muri bo 39% ni abagore, 13% ni urubyiruko naho 61% ni abagabo.

    Umuyobozi Mukuru wungirije ushinzwe ibijyanye n’Ubworozi muri RAB, Dr Uwituze Solange, yavuze ko babitezeho byinshi birimo no kurandura indwara y’ifumbi y’amabere y’inka

    Abamaze igihe bongererwa ubumenyi bagaragaje ibyo bungutse

    Abagize uruhare mu kongera abandi ubumenyi nabo bashimiwe

    Bamwe mu bafashamyumvire mu bworozi bavuze ko nyuma yo kongererwa ubumenyi, bagiye gutanga umusanzu wabo mu gukemura ibibazo bihari

    [email protected]

    Source : http://igihe.com/amakuru/u-rwanda/article/abafashamyumvire-mu-bworozi-basabwe-kurandura-indwara-y-ifumbi-y-amabere

  • Akanyamuneza ku baturage bo mu nkambi ya Nyabiheke n’abaturanyi babo bahurijwe muri koperative na Croix Rouge Rwanda –

    Aba baturage bahurijwe muri koperative eshatu zitandukanye zirimo iy’ubudozi yitwa Twiteze imbere igizwe n’abanyamuryango 56 barimo 30 baturuka mu nkambi n’abandi basanzwe, harimo iy’ubuhinzi ihinga kuri hegitari zisaga eshatu igizwe n’abanyamuryango 71 barimo 15 bo mu nkambi n’abandi 56 bayituriye.

    Hari kandi indi koperative yitwa Twiteze imbere mu bworozi igizwe n’abanyamuryango 53 barimo abaturuka mu nkambi barenga 32, ifite inka 15 ndetse n’ubundi butaka nabo bahingaho imyaka n’aho bahinga ubwatsi bw’inka.

    Abatuye mu nkengero z’inkambi bishishaga abazituyemo

    Mukagatare Generose yavuze ko ubusanzwe batarahuzwa n’abaturage bo mu nkambi bumvaga ari abo mu kindi gihugu, ariko ubu bamaze kumenyerana ku buryo basurana, ugize ibyago bagatabarana.

    Nshimiyimana Saidi uyobora Koperative Twisungane igizwe n’abanyamuryango 71, yavuze ko batarahuzwa na Croix Rouge y’u Rwanda babanaga bishishanya cyane ariko ngo ubu babaye umwe barasurana baragenderanirana.

    Ati “Ubu dufite umusaruro w’ibigori ungana na toni ebyiri n’indi toni imwe iri ku munyamuryango, mbere twarishishanyaga n’abanyenkambi kuko twumvaga bafata amafaranga twe tugashakisha, ntibari bazi guhingisha isuka ariko ubu bamenye guhinga ikindi turasurana haba hari uwagize ikibazo koperative ikagena impozamarira tumuha.”

    Ndangamirumukiza Etienne uyobora koperative y’ubworozi we yavuze ko bashimira Croix Rouge ku gitekerezo cyiza yagize cyo kubahuza n’abaturage bo mu nkambi ngo kuko byatumye biyumvanamo kandi baranafashanya cyane.

    Yavuze ko kuri ubu intego bafite ari ugutezanya imbere mu buhinzi n’ubworozi, abana babo bakanywa amata, imirima ikabona ifumbire ndetse n’abanyamuryango bose bakorozwa inka.

    Abaturuka mu nkambi ya Nyabiheke bamenye gukora

    Si kenshi cyane uzasanga abaturage babarizwa mu nkambi, bakora ibikorwa by’iterambere, abenshi bategereza amafaranga bahabwa n’Umuryango w’Abibumbye kugira ngo ariyo bifashisha mu kubona ibibatunga, imyambaro n’indi nkenerwa.

    Ku babarizwa mu Nkambi ya Nyabiheke ibi ntibakibikozwa kuko basigaye baramenye guhinga, kudoda, korora n’indi mirimo itandukanye yose bakesha Croix Rouge y’u Rwanda yabahuje n’abaturage basanzwe bakibumbira mu ma koperative.

    Ingabire Chance ufite imyaka 30 n’abana batatu yagize ati “Aho nabaga hariya mu kigo nari nigunze ntaramenya kudoda ariko aho nagereye muri koperative banyigishije kudoda ubu nsigaye ndi umutayeri udoda imyenda yose, mbere sinarinzi uko nahahira umuryango nategerezaga amafaranga bampa none ubu ndadoda nkatahana 2500 Frw bya buri munsi nkafasha umuryango wanjye.”

    Ingabire yavuze ko kuba muri koperative byatumye yisanzurana na bagenzi be mu gihe mbere ngo yumvaga abaturage basanzwe ari abenegihugu batapfa guhuza.

    Uwimana Immaculée we yavuze ko kuva yatangira gukorana n’abandi muri koperative twisungane ihinga ibigori n’ibishyimbo ngo yabonye inyungu nyinshi atari asanzwe abona.

    Yagize ati “Croix Rouge yaraje idufata mu nkambi iduhuza n’abantu bo hanze idusaba kwiteza imbere, muri Congo ntitwari tuzi ibintu byo kubitsa muri banki no kwizigamira ariko ubu twarabimenye, ubu twese turasurana ntakibazo.”

    Umuyobozi ushinzwe Itumanaho no gutsura umubano muri Croix Rouge y’u Rwanda, Mazimpaka Emmanuel, yavuze ko guhuza abatuye mu nkengero z’inkambi ya Nyabiheke n’abatuye mu nkambi babikoze kugira ngo aba baturage bafatanye mu bikorwa by’iterambere barusheho kugira imibereho myiza, yavuze ko Croix Rouge nk’umufasha wa leta bishimira iterambere aba baturage bamaze kugeraho.

    Ati “Icyo twari tugamije cyagezweho kuko imishinga uko abaturage bayifuje mu bufatanye n’ubuyobozi bwite bwa leta na Croix Rouge twumvikanye kuri iyi mishinga tubafasha kuyishyira mu bikorwa, abagenerwabikorwa tubashimira ku kuba barayishyize mu bikorwa kandi umusaruro ugenda urushaho kuboneka.”

    Mazimpaka yavuze ko bishimira ko abaturage bamaze kumenya agaciro k’ubutaka aho basigaye banikodeshereza ubundi butaka bakoreraho ibikorwa by’ubuhinzi abizeza ubufatanye mu gukomeza gucunga neza iyi mishinga kugira ngo ibahindurire ubuzima.

    Croix Rouge y’u Rwanda ivuga ko ibi bikorwa byose by’iterambere byatanzweho asaga miliyoni 50 z’amafaranga y’u Rwanda. Uretse aya makoperative atatu yatewe inkunga, hanatewe ibiti ku buso bungana na hegitari icumi, hanatangwa ibiti bivangwa n’imyaka ku baturage bo mu nkengero z’inkambi, hubatswe ubwiherero mu nkambi no hanze yayo hagamijwe kwimakaza isuku.

    Abaturutse mu nkambi ya Nyabiheke ibarizwamo abavuye muri Congo basigaye bazi kudoda

    Abaturage baturiye inkambi ya Nyabiheke hamwe n’abayibarizwamo basigaye bahurira mu bikorwa by’ubuhinzi bibateza imbere

    Hahinzwe koperative y’ubworozi aho yaguriwe inka 15 zizabafasha mu kurwanya imirire mibi baniteza imbere

    Umuyobozi w’Itumanaho no gutsura umubano muri Croix Rouge y’u Rwanda, Mazimpaka Emmanuel, avuga ko bishimira intambwe nziza impunzi n’abo baturanye bagezeho

  • Abafashamyumvire mu bworozi basabwe kurandura indwara y’ifumbi y’amabere yugarije inka mu Majyepfo –

    Byagarutsweho ubwo abafashamyumvire mu bworozi bagera kuri 28 basozaga igikorwa cyo kongererwa ubumenyi bamazemo igihe cy’ishuri ryo mu murima, bigishwa uko bakemura ibibazo bitandukanye bibangamiye ubworozi kandi bakajya no kubyigisha abandi.

    Umuyobozi Mukuru wungirije ushinzwe ibijyanye n’Ubworozi muri RAB, Dr Uwituze Solange, yavuze ko babitezeho byinshi birimo kuzamura umukamo w’amata, gutoza aborozi kugaburira inka neza, ariko by’umwihariko agaruka ku kibazo cy’indwara y’ifumbi y’amabere ikunze kwibasira inka.

    Yavuze ko hari intambwe yatewe mu kurwanya indwara y’ifumbi y’amabere y’inka ariko ikwiye gukumirwa igacika burundu.

    Ati “Uyu mushinga ugitangira indwara twabonaga z’ifumbi muri rusange mu gihugu zari 75%. Ni ukuvuga ngo inka zose zakamwaga hafi 75% zabaga zifite ikibazo cy’ifumbi y’amabere.”

    “Uyu munsi tuvugana muri Gishwati 35% by’inka zikamwa ziracyafite ikibazo cy’ifumbi y’amabere naho Gicumbi ni 21%. Muri Nyanza turacyafite 49% by’inka zikamwa zikirwaye ifumbi y’amabere.”

    Yakomeje avuga ko icyo kibazo gikwiye gukemuka kikava mu nzira, yibaza impamvu mu duce tumwe cyagabanutse handi bigasa n’ibigenda biguruntege.

    Ati “Kuki Gicumbi yavuye kuri 75% ikagera kuri 21% ; Gishwati ikava kuri 75% ikagera kuri 35% ; uyu munsi mu Majyepfo tukaba turi kuri 49% kandi hose hari abafashamyumvire, ni ukubera iki? Ni ukuvuga ko akazi ko gukora karacyahari kandi kenshi.”

    Dr Uwituze yavuze ko inka irwaye ifumbi y’amabere idatanga umukamo kandi n’amata ikamwa aba yanduye.

    Bamwe mu bafashamyumvire mu bworozi bavuze ko nyuma yo kongererwa ubumenyi, bagiye gutanga umusanzu wabo mu gukemura ibibazo bihari harimo n’icyo cy’indwara y’ifumbi y’amabere y’inka.

    Ntawuyigira Alphonse ati “Twasobanuriwe ko indwara y’ifumbi y’amabere iterwa ahanini n’umwanda; iyo wakoze isuku mu kiraro buri munsi wajya gukama ugakaraba intoki kandi ukoza amabere, ifumbi iracika.”

    Abongerwe ubumenyi bavuze ko ibyo bamenye bagiye kubyigisha aborozi bakorana mu matsinda. Bahawe n’ibikoresho bifashisha mu gupima ifumbi y’amabere ku buryo igaragara hakiri kare, inka igahita ivurwa.

    Kuri uyu wa 26 Werurwe 2021 hasojwe icyiciro cy’abafashamyumvire mu bworozi bakuru 28 cyatangiye mu kuboza kwa 2017 bakaba biyongereye ku bandi 6 bari basanzwe bazafasha abandi gutanga amahugurwa ku bahagarariye amatsinda y’ubworozi, kuri ubu bamaze kugera kuri 765. Bamaze gushinga amatsinda 1647 yibumbiyemo aborozi 41 751, muri bo 39% ni abagore, 13% ni urubyiruko naho 61% ni abagabo.

    Umuyobozi Mukuru wungirije ushinzwe ibijyanye n’Ubworozi muri RAB, Dr Uwituze Solange, yavuze ko babitezeho byinshi birimo no kurandura indwara y’ifumbi y’amabere y’inka

    Abamaze igihe bongererwa ubumenyi bagaragaje ibyo bungutse

    Abagize uruhare mu kongera abandi ubumenyi nabo bashimiwe

    Bamwe mu bafashamyumvire mu bworozi bavuze ko nyuma yo kongererwa ubumenyi, bagiye gutanga umusanzu wabo mu gukemura ibibazo bihari

    [email protected]

  • Akanyamuneza ku baturage bo mu nkambi ya Nyabiheke n'abaturanyi babo bahurijwe muri koperative na Croix Rouge Rwanda – #rwanda #RwOT

    Aba baturage bahurijwe muri koperative eshatu zitandukanye zirimo iy'ubudozi yitwa Twiteze imbere igizwe n'abanyamuryango 56 barimo 30 baturuka mu nkambi n'abandi basanzwe, harimo iy'ubuhinzi ihinga kuri hegitari zisaga eshatu igizwe n'abanyamuryango 71 barimo 15 bo mu nkambi n'abandi 56 bayituriye.

    Hari kandi indi koperative yitwa Twiteze imbere mu bworozi igizwe n'abanyamuryango 53 barimo abaturuka mu nkambi barenga 32, ifite inka 15 ndetse n'ubundi butaka nabo bahingaho imyaka n'aho bahinga ubwatsi bw'inka.

    Abatuye mu nkengero z'inkambi bishishaga abazituyemo

    Mukagatare Generose yavuze ko ubusanzwe batarahuzwa n'abaturage bo mu nkambi bumvaga ari abo mu kindi gihugu, ariko ubu bamaze kumenyerana ku buryo basurana, ugize ibyago bagatabarana.

    Nshimiyimana Saidi uyobora Koperative Twisungane igizwe n'abanyamuryango 71, yavuze ko batarahuzwa na Croix Rouge y'u Rwanda babanaga bishishanya cyane ariko ngo ubu babaye umwe barasurana baragenderanirana.

    Ati 'Ubu dufite umusaruro w'ibigori ungana na toni ebyiri n'indi toni imwe iri ku munyamuryango, mbere twarishishanyaga n'abanyenkambi kuko twumvaga bafata amafaranga twe tugashakisha, ntibari bazi guhingisha isuka ariko ubu bamenye guhinga ikindi turasurana haba hari uwagize ikibazo koperative ikagena impozamarira tumuha.'

    Ndangamirumukiza Etienne uyobora koperative y'ubworozi we yavuze ko bashimira Croix Rouge ku gitekerezo cyiza yagize cyo kubahuza n'abaturage bo mu nkambi ngo kuko byatumye biyumvanamo kandi baranafashanya cyane.

    Yavuze ko kuri ubu intego bafite ari ugutezanya imbere mu buhinzi n'ubworozi, abana babo bakanywa amata, imirima ikabona ifumbire ndetse n'abanyamuryango bose bakorozwa inka.

    Abaturuka mu nkambi ya Nyabiheke bamenye gukora

    Si kenshi cyane uzasanga abaturage babarizwa mu nkambi, bakora ibikorwa by'iterambere, abenshi bategereza amafaranga bahabwa n'Umuryango w'Abibumbye kugira ngo ariyo bifashisha mu kubona ibibatunga, imyambaro n'indi nkenerwa.

    Ku babarizwa mu Nkambi ya Nyabiheke ibi ntibakibikozwa kuko basigaye baramenye guhinga, kudoda, korora n'indi mirimo itandukanye yose bakesha Croix Rouge y'u Rwanda yabahuje n'abaturage basanzwe bakibumbira mu ma koperative.

    Ingabire Chance ufite imyaka 30 n'abana batatu yagize ati 'Aho nabaga hariya mu kigo nari nigunze ntaramenya kudoda ariko aho nagereye muri koperative banyigishije kudoda ubu nsigaye ndi umutayeri udoda imyenda yose, mbere sinarinzi uko nahahira umuryango nategerezaga amafaranga bampa none ubu ndadoda nkatahana 2500 Frw bya buri munsi nkafasha umuryango wanjye.'

    Ingabire yavuze ko kuba muri koperative byatumye yisanzurana na bagenzi be mu gihe mbere ngo yumvaga abaturage basanzwe ari abenegihugu batapfa guhuza.

    Uwimana Immaculée we yavuze ko kuva yatangira gukorana n'abandi muri koperative twisungane ihinga ibigori n'ibishyimbo ngo yabonye inyungu nyinshi atari asanzwe abona.

    Yagize ati 'Croix Rouge yaraje idufata mu nkambi iduhuza n'abantu bo hanze idusaba kwiteza imbere, muri Congo ntitwari tuzi ibintu byo kubitsa muri banki no kwizigamira ariko ubu twarabimenye, ubu twese turasurana ntakibazo.'

    Umuyobozi ushinzwe Itumanaho no gutsura umubano muri Croix Rouge y'u Rwanda, Mazimpaka Emmanuel, yavuze ko guhuza abatuye mu nkengero z'inkambi ya Nyabiheke n'abatuye mu nkambi babikoze kugira ngo aba baturage bafatanye mu bikorwa by'iterambere barusheho kugira imibereho myiza, yavuze ko Croix Rouge nk'umufasha wa leta bishimira iterambere aba baturage bamaze kugeraho.

    Ati 'Icyo twari tugamije cyagezweho kuko imishinga uko abaturage bayifuje mu bufatanye n'ubuyobozi bwite bwa leta na Croix Rouge twumvikanye kuri iyi mishinga tubafasha kuyishyira mu bikorwa, abagenerwabikorwa tubashimira ku kuba barayishyize mu bikorwa kandi umusaruro ugenda urushaho kuboneka.'

    Mazimpaka yavuze ko bishimira ko abaturage bamaze kumenya agaciro k'ubutaka aho basigaye banikodeshereza ubundi butaka bakoreraho ibikorwa by'ubuhinzi abizeza ubufatanye mu gukomeza gucunga neza iyi mishinga kugira ngo ibahindurire ubuzima.

    Croix Rouge y'u Rwanda ivuga ko ibi bikorwa byose by'iterambere byatanzweho asaga miliyoni 50 z'amafaranga y'u Rwanda. Uretse aya makoperative atatu yatewe inkunga, hanatewe ibiti ku buso bungana na hegitari icumi, hanatangwa ibiti bivangwa n'imyaka ku baturage bo mu nkengero z'inkambi, hubatswe ubwiherero mu nkambi no hanze yayo hagamijwe kwimakaza isuku.

    Abaturutse mu nkambi ya Nyabiheke ibarizwamo abavuye muri Congo basigaye bazi kudoda

    Abaturage baturiye inkambi ya Nyabiheke hamwe n’abayibarizwamo basigaye bahurira mu bikorwa by’ubuhinzi bibateza imbere

    Hahinzwe koperative y’ubworozi aho yaguriwe inka 15 zizabafasha mu kurwanya imirire mibi baniteza imbere

    Umuyobozi w’Itumanaho no gutsura umubano muri Croix Rouge y’u Rwanda, Mazimpaka Emmanuel, avuga ko bishimira intambwe nziza impunzi n’abo baturanye bagezeho

    Source : http://igihe.com/amakuru/u-rwanda/article/akanyamuneza-ku-baturage-bo-mu-nkambi-ya-nyabiheke-n-abaturanyi-babo-bahurijwe

  • Reba ikiraro cyubatswe bitangaje gikurura ba mukerarugendo ibihumbi 200.000 buri mwaka mu Bushinwa #rwanda #RwOT

    Kubera iki kiraro cyubatswe mu buryo butangaje,abakerarugendo barenga ibihumbi 200.000 buri mwaka berekeza mu Bushinwa bagiye kukireba.

    Iki kiraro cyitwa Ruyi giherereye mu ntara ya Zhejiang cyubatswe muri 2017, ariko gifungurwa muri 2020.

    Iki kiraro cyubatswe neza cyane,cyashushanyijwe n'umuhanga kirubakwa byatumye bamwe mu bakirebye mu mafoto bavuga ko kitabaho niko kwiyemeza kujya kukireba.

    Benshi baratunguwe byatumwe umwe yandika ati 'Nakenera ibyuma byinshi byo gufataho mpageze.Undi yagize ati 'Ndabona ari ukubeshya.'

    Iki kiraro n'uruganda rukomeye rw'ubukerarugendo Ubushinwa bwakoze kuko ubu gisurwa n'abantu basaga 200,000 buri mwaka bashaka kujya ku misozi 2 gihuza.

    Uwashushanyije iki kiraro yitwa jade ruyi, ndetse ngo yagikoze kugira ngo kibe ikimenyetso cy'ubukungu bw'Ubushinwa.

    Iki kiraro gishushanyije gikoze ijisho ndetse gihuza umuhanda wo hasi n'uwo hejuru zimeze nk'uruziga.

    Ubushinwa nicyo gihugu gifite agahigo k'ikiraro kirekire kiri no mu kirere cyane kurusha ibindi byose ku isi.






    Source : http://umuryango.rw/ubuzima-115/udushya/article/reba-ikiraro-cyubatswe-bitangaje-gikurura-ba-mukerarugendo-ibihumbi-200-000