Blog

Mu kiganiro twagiranye, Habimana yavuze ko iwabo mu rugo jenoside yahageze ku itariki ya 8 Mata 1994, kuva icyo gihe ubuzima bwe bwahise buhinduka. Iyi tariki, yahise atangira ubuzima bushaririye.

Ntiyari azi iyo ajya, yibazaga abanzi abo ari bo, akibaza impamvu umuryango we wagombaga kwicwa, akibaza n’ahantu bashoboraga guhungira n’uwari kubakira. Benshi, harimo na se, barishwe bazira uko bavutse.

Jean Paul avuga ko mu gitabo cye yibuka iminsi mibi yanyuzemo ariko kandi anavuga uko yabayeho nyuma yayo. Avuga amateka yo gusubira aho bari batuye hari huzuye amatongo gusa ndetse akanavuga inzira ndende y’ubwiyunge yanyuzemo.

Mu kiganiro twagiranye yanavuze uko yiyumvishaga ko abahutu bose ari interahamwe, nyamara hari umuryango w’abahutu wamuhishe akarokoka, nyuma bakaba baraje no kuwusura bakawugenera inka nk’ishimwe ryatanzwe n’abo uwo muryango wahishe bose.

REBA VIDEO Y’IKIGANIRO TWAGIRANYE HANO :

Iki gitabo kije nyuma yo gutsindira kuza mu bantu 8 bageze ku cyiciro cya nyuma cy’abantu 300 bitabira amarushanwa akorwa buri mwaka ku rwego rw’igihugu cy’u Butaliyani azwi nk’igihembo kitiriwe 'Pieve Saverio Tutino'.

Munyakazi Sadate wahoze ayobora Rayon Sports, yavuze ko atari we wirukanye Philippe Arthur Banen nk’uko akomeje kubishinjwa na benshi ahubwo yirukanywe na komite y’inzuubacyuho yari iyobowe na Murenzi Abdallah.

Philippe Arthur Banen yareze Rayon Sports kutubahiriza amasezerano bagiranye ubwo yayisinyiraga mu ntangiriro za Mutarama 2020 avuye muri Union de Douala muri Cameroun.

Uyu mukinnyi yaje kwirukanwa ahita yitabaza FIFA, impuzamashyirahamwe y’umupira w’amaguru ku Isi 'FIFA’ ikaba yarandikiye Rayon Sports iyimenyesha ko ifite iminsi 45 yo kuba yamaze kwishyura uyu rutahizamu ukomoka muri Cameroun amafaranga y’u Rwanda 12, 269,000, harimo 3,245,000 yagombaga kumuha agurwa(recruitment) ndetse na 9,024,000 y’amande.

Byatangiye kuvugwa ko uyu mukinnyi yirukanywe na Sadate Munyakazi(ni nawe wamuguze) wayoboraga iyi kipe akaza gukurwaho muri Nzeri 2020 ahita asimburwa na komite y’inzubacyuho ya Murenzi Abdallah.

Munyakazi Sadate abinyujije ku rukuta rwe rwa Twitter, yavuze ko atari we wirukanye uyu mukinnyi ahubwo yirukanywe na komite y’inzubacyuho yari iyobowe na Murenzi Abdallah.

Ati' Abantu benshi bakomeje kumbaza ku bijyanye n’umukinnyi witwa Arthur wirukanywe na Rayon Sports, icyo nzi ni uko yari umukinnyi wakomokaga muri Cameroun twasinyishije akaba yaraje kwirukanwa mu gihe cy’Inzibacyuho. Ntabwo ari njye wamwirukanye.'

Munyakazi Sadate yayoboye Rayon Sports kuva mu mpeshyi ya 2019 kugeza muri Nzeri 2020, yasimbuwe na Murenzi Abdallah wari uyoboye komite y’inzibacyuho waje gusimburwa na perezida uriho ubu, Uwayezu Jean Fidele watowe mu Kwakira 2020.

Philippe wishyuza arenga miliyoni 12, yasinye ku ngoma ya Sadate

Sadate yahakanye ko atari we wirukanye Philippe Arthur

Murenzi Abdallah ni we watunzwe agatoki kwirukana Philippe Arthur

Igikorwa cyo gutanga ubu bwiherero cyabaye ku wa 31 Werurwe 2021 cyitabirwa n'ubuyobozi bw'ishuri ribanza rya Gahanga II ndetse n'abayobozi ba SATO Rwanda.

Iyi misarane ikoze mu buryo yoroshya ibijyanye n'isuku, nk'aho iyo umuntu amaze kuyikoresha ihita yipfundikira kugira ngo umwuka mubi cyangwa isazi ziyivamo zitagira ingaruka mbi ku bandi.

Ni imisarane ikoze ku buryo kuyitunganya bitwara amezi make mu bwoko bwayo butandukanye burimo iyo kwicaraho cyangwa gusutamaho. Mu bijyanye no kuvidura ubwiherero, nabyo byorohera ababikora kuko abantu batabasha gushyiramo ibyo babonye byose.

Rubaduka Mathias uyobora Itorero ry'Abangilikani muri Paruwasi ya Gahanga iri shuri ryubatsemo, yavuze ko SATO Rwanda yafashije iki kigo mu guharanira isuku ndetse no kurwanya indwara zishobora guterwa n'umwanda.

Ati 'Aho ubu bwiherero bwagereye muri iki kigo, hari byinshi bwahinduye, nta mwanda buteza, nta sazi zitumuka mu bwiherero, ubona ko n'abana bajyamo mu buryo bworoshye. Nta munuko kubera ko zirifunga zikanifungura iyo bibaye ngombwa. Rero twashimira umuyobozi wa SATO Rwanda kubera uburyo yagiye atwitaho muri iki gihe tumaranye.'

Umuyobozi wa SATO mu Rwanda, Ntaganira Cyrus, yavuze ko ubwiherero bwa SATO bufite umwihariko wo kugabanya amazi abantu bakoreshaga babusukurura.

Ati 'Ubwiherero bwa SATO bukozwe muri Pulasitiki, bufite umwihariko wo kwipfundura bukanipfundikira igihe bumaze gukoreshwa. Ikindi ni uko uburyo ubwiherero bwa SATO bukoze muri wa mubiri wabwo, umwanda iyo ugiyeho uhita ugenda, ikindi bikanafasha mu kubusukura kubera ko busukurwa n'amazi make, ni ukuvuga igikombe kimwe cy'amazi gishobora kuwusukura.'

Yavuze ko bahisemo guha iri shuri ubwiherero kuko ubwo ryari risanganywe bw'umwobo buteza ibibazo bitandukanye.

Ati “Iriya misarani yatezaga ikibazo cyane cyane nk'aho idapfundikiye kuko ubona amasazi ajyamo akaba yateza umwanda ku bintu ndetse abantu bakandura indwara zitandukanye zirimo izimpiswi, inzoka.'

Ntaganira yavuze ko n'abana babukoresha nta mpungenge ababyeyi bakwiye kugira z'uko bashobora kugwamo nk'uko bigenda ku isanzwe y'ibyobo.

Mu gukomeza kurwanya icyorezo cya COVID-19, hanatanzwe robine ebyiri za SATO zifite umwihariko wo gukoresha amazi make kandi umuntu agakaraba neza uko abyifuza.

SATO ikomoka mu Buyapani, mu Rwanda ikaba ikorera mu Gakiriro ka Gisozi mu nyubako ya Ecomem Co Ltd.

Ikora imisarane irimo iyo gusutama, igura 8000 Frw na 12 000 Frw n'iyo kwicaraho igura 15 000 Frw iboneka mu nyubako zose zo mu Rwanda zicuruza ibikoresho by'ubwubatsi.

Ubwiherero bwa Sato bufasha kurwanya umwanda n’indwara zishobora guterwa nawo

SATO Rwanda yanahaye iki kigo cy’ishuri robine

Abarimu b’Ikigo cy’amashuri abanza cya Gahanga ya Kabiri bashimiye ubuyobozi bwa SATO Rwanda bwabahaye ubwiherero bwiza

Ni umwanya bari guhatana kugira ngo haboneke usimbura Habimana Hussein warangije amasezerano y’akazi ariko ntiyongererwe andi.

Uretse uyu Mubiligi Jacky Ivan Minnaert unaba mu Rwanda, mu bandi bari guhatanira uyu mwanya, harimo umutoza Seninga Innocent ubu utoza Musanze FC.

Seninga Innocent na we ufite izina rikomeye muri Football mu Rwanda, yanatoje amakipe akomeye mu Rwanda arimo Kiyovu Sports na Police FC.

Undi mukandida ni Hitimana Thierry watoje ikipe ya Rayon Sports akaba yaranatoje amakipe yo mu karere nka Namungo yo muri Tanzania.

Ivan Minnaert wari umaze iminsi anafitanye ibibazo n’ubuyobozi bwa Rayon Sports, yemeje ko yamaze gutanga ibyangombwa byo guhatanira uriya mwanya ndetse ko afite icyizere cyo kuwegukana.

Aganira na Flash, yagize ati 'Buri wese arabizi ko mfite uburambe bw’igihe kirekire mu bintu binyuranye. Kandi nzi neza cyane umupira wo mu Rwanda ariko mu gihe FERWAFA itaratanga amakuru ni ugutegereza icyo bazavuga.'

UKWEZI.RW

Ubu butumwa bwa Ingabire Marie Immaculee, yabunyujije kuri Twitter, ashimira Umunyamabanga wa Leta muri Minisiteri y’Urubyiruko n’umuco, Hon Edouard Bamporiki.

Ni ubutumwa bwuzuye ishimwe ryumvikana ko Ingabire Marie Immaculee yagejeje kuri Bamporiki.

Ingabire Marie Immaculee yagize ati 'Mbikuye ku mutima nshimiye cyane inka mwangabiye. Murakagira izo Mugabo, abo muzigabira n’izo mudigarana.'

Ingabire Marie Immaculee yakomeje agira ati 'Mwangabiye inka y’urukundo n’urukundo, kuva uyu munsi ndi umugaragu kandi uzayoboka atiganda.'

Ni ubutumwa bwakiriwe neza n’abakunze gukoresha uru rubuga rwa Twitter, gusa biragoye kumenya igihe iriya nka yagabiwe.

Ubusanzwe kugabirana ni umuco usa nk’uhatse indi mu basokoruza bo hambere kuko iyo umuntu yakugabiraga, yabaga akweretse urukundo ruhambaye kandi imiryango yanyu igahita igirana igihango ku buryo kizakurikirana abazabakomokaho baba abana banyu, abuzukuru, ubuvivi n’ubuvuvure.

Iyo umuntu yaguhaga Inka kandi, byafatwaga nk’aho aguhaye ubukire kuko iri tungo ryafatwaga nk’umutungo utagira ingurano mu butunzi bwo muri ibyo bihe.

Iyo wahabwaga inka, wafataga igihe cyo kujya kuyicyura no gukura ubwatsi no kwitura uwayikugabiye.

Ingabire Marie Immaculee

Hon Bamporiki Edouard

UKWEZI.RW