Webrwanda Backend

Blog

  • Ubuzima bushariye bwa Nzayisenga wabyaye afite imyaka 15 akayoboka uburaya –

    Mu kiganiro yagiranye na IGIHE, yavuze ko ubwo yari amaze guterwa inda, ubuzima bwarushijeho kumugora kuko n’ubusanzwe yari abayeho nabi.

    Ati “Ibyanjye ni birebire, byari ibintu bikomeye, natewe inda mfite imyaka 15, noneho umugabo wayinteye kuko yari umupolisi ansaba ko tubana ngo batazamufunga ndabyemera.”

    “Ntabwo twabanye igihe kinini kuko yapfuye ndi kwa muganga nagiye kubyara azize kanseri, iwabo baranyanga ngo ntitwabana umugabo wanjye yapfuye. Byaje kunyobera njye n’umwana tukajya turarana hanze biranga birakomera, nageze aho umwana mushyira mama nawe utishoboye kuko nawe abayeho aca inshuro, ngaruka mu mujyi nibwo natangiye gukora uburaya”

    Kubyara akiri muto byiyongereye ku rwango n’ubundi abo mu muryango we bari basanzwe bamufitiye kuko nawe nyina yari yaramubyariye iwabo, akaza kuhamusiga akajya gushaka undi mugabo.

    Ati “Aho ni ho nakuriye, baranyanga bikomeye kugeza ubwo sogokuru yari amaze gupfa ngeze mu mwaka wa kabiri. Bansabaga kuvoma amajerekani nk’icumi ku munsi ubundi ngo ndarya ari uko maze gutindurira inka, mbese bwari ubuzima bugoye cyane kandi si nari kujya no ku ishuri nabwiriwe, ubwo nahise ndivamo.”

    Uyu mubyeyi akomeza avuga ko ubuzima bwakomeje kumubera bubi ubwo yajyaga kubana na nyina umubyara kuko bwo yahohoterwaga n’umugabo wabanaga na nyina ndetse n’abandi bagore yari yarashatse.

    Ati “Maze kuva mu ishuri nahise njya aho mama yari yarashakiye ngezeyo naho biranga umugabo yari yarashatse akajya anyirukaho n’umuhoro ngo ntiyarera icyana atabyaye, mama yaje kungira inama ngo aho kugira ngo yahukane ninsubireyo azajya aza kundeba kandi n’abandi bagore uwo mugabo yari yarashatse baradutotezaga.”

    Yasubiye kwa se, naho bakajya bamutoteza, ubuzima bukomeza kuba bubi ahava yerekeza inzira y’uburaya.

    Ati “Sinabihisha nahise njya mu buraya, nkajya nsambana bakampa amafaranga nkoherereza mama n’umwana wanjye kuko nawe yageze aho yimuka aho yari yarashakiye kubera ko bamutotezaga ndetse batangiye no kujya bandogera umwana nawe yenda gupfa.”

    Nzayisenga yavuze ko nyuma yo kubyara imburagihe no kuyoboka uburaya, yahisemo kuboneza urubyaro yirinda ingaruka nyinshi yari guhura nazo.

    Ati “Nyuma yo kubyara no gukora uburaya, mama yangiriye inama yo kwambara agapira kugira ngo batazongera kuntera inda, kashira nkashyiramo akandi.”

    Nzayisenga yavuze kandi ko se umubyara yageze n’aho amwima isambu agakomeza kumunaniza amusaba ibirenze ubushobozi bwe.

    Yagize ati “Nagiye kumwaka isambu arambwira ngo nzabwire mama ajye kuyinsabira, mbibwiye mama arambira ngo yanyeretse kwa data nzage kumusaba isambu.”

    “Mu minsi ya vuba nibwo abandi bana ba papa bampamagaye barambwira ngo ko ntaza gusaba papa isambu nyobewe ko azana abagore benshi? Baramumpaye kuri telefoni arambwira ngo nzabanze muture inzoga.”

    Nzayisenga Angelique agira inama abakiri bato ndetse n’ababa bibwira ko gukora uburaya byabatunga bakabaho neza ko ari ukwibeshya no kwiyahura kuko bishyira ubuzima bwabo mu kaga kandi ko nawe abonye ubufasha yava mu buraya akiteza imbere.

    Ati “Mu buraya nahuriyemo n’ibibi byinshi bimwe ntanavugira ku karubanda, nahuriyemo n’indwara, imvune, agasuzuguro mbese ni ibibazo byinshi ubitekereza abyirinde cyane kuko nanjye mbonye ubufasha n’ubushobozi nabivamo nkajya hafi ya mama n’umwana wanjye nkava muri ubu buraya nta na kimwe kizima kibubamo uretse umubabaro gusa.”

    Bamwe mu bazi Nzayisenga bemeza ko ashishikariye gukora ngo yiteze imbere n’ubwo ubushobozi afite bukomeza kumuzitira.

    Uwamariya Gertulde ni umubyeyi umuzi, yagize ati” Ange, ndamuzi igihe kitari gito, twaraturanye ni inyangamugayo, ntiyiba, ntateza amahane pe, kuko duturanye imyaka irenga itatu.”

    Kuva mu 2017 kugeza muri Mutarama 2020, mu Karere ka Musanze hatewe inda abana 198 nyamara amadosiye yashyikirijwe Ubushinjacyaha ntiyageraga kuri 70 ibintu Minisiteri y’Uburinganire n’Iterambere ry’Umuryango n’izindi nzego bavuga ko batazihanganira bagasaba buri wese kubirwanya atizigamye.

    Nzayisenga asaba abagiraneza kumufasha akabona icyo akora akiteza imbere ari nako yita ku mwana we n’umubyeyi we

    Yabyaye akiri muto afite imyaka 15, umugabo babyaranye ahita apfa maze abura aho yerekeza

    Yagiriye inama abakiri bato ko bakwiriye kwirinda ikintu cyose cyabashora mu buraya kuko bugira ingaruka nyinshi mbi

  • Jordan Foundation igeze kure umushinga wo kubaka ishuri ry’abana bafite ubumuga bwo kutabona –

    Hashize igihe Bahati Vanessa washinze umuryango wita ku bana bafite ubumuga bwo kutabona baturuka mu miryango itifashije, Jordan Foundation, agaragaje ko afite inzozi zo kubaka ikigo cy’ishuri kizajya cyakira abana bafite ubu bumuga kugira ngo babashe kwitabwaho by’umwihariko ari nako bahabwa ubumenyi kimwe n’abandi bana bose.

    Kugeza ubu imirimo yo kubaka iri shuri rizaba ryitwa Jordan Special School rizaba riherereye mu Murenge wa Rutunga mu Karere ka Gasabo igeze kure ndetse ryari kuba ryaratangiye nubwo yaje gukomwa mu nkokora n’icyorezo cya COVID-19.

    Iri shuri rifite ubushobozi bwo kwakira abana bo mu mashuri y’incuke ndetse n’abanza, ndetse rizaba rifite n’ibibuga by’imikino itandukanye, isomero, amacumbi n’aho gufatira amafunguro. Abanyeshuri bose bazajya bacumbikirwa kandi bahabwe iby’ibanze bakenera mu buzima.

    Mu kwanga ko aba bana bafite ubumuga bwo kutabona bakwigunga bakumva ko atari nk’abandi, ubuyobozi bwa Jordan Foundation bwatangaje ko mu gihe iki kigo kizaba cyuzuye ko kizajya cyakira n’umubare muto w’abandi bana kugira ngo basabane n’aba bandi bafite ikibazo.

    Bahati Vanessa yabwiye IGIHE ko yagize igitekerezo cyo kubaka Jordan Special School nyuma yo kubona ko hari ikibazo cy’uko aho bakorera hadashobora kwakira umubare munini w’abana kandi bakabura aho babajyana igihe bagiye gutangira amashuri abanza.

    Ati “Umushinga wo kubaka Jordan Special School wavuye ku kuba tugitangira twarakiriye abana gusa uko iminsi igenda tugahura n’ababyeyi benshi cyane bashaka kuduha abana babo ariko tugasanga nta bushobozi dufite bwo kubafata kubera ko aho dukorera ubu ari hato.”

    “Byatumye tugira igitekerezo cyo gushyiraho Jordan Special School kugira ngo tujye twakira abo bana bose bakeneye ubufasha kugira ngo tujye twakira abana baturutse hirya no hino mu gihugu. Uretse ibyo twagiraga ikibazo cy’uko twakiraga abana ariko bageza igihe cyo gutangira amashuri abanza tukabura uko tubajyanayo kuko nta mashuri.”

    Bahati yakomeje avuga ko iki kigo kizaba gifite ubushobozi bwo kwakira abana 200.

    Ati “Kizaba ari ikigo gicumbikira abana cyujuje ibyangombwa byose, icyo gihe noneho ntabwo tuzafata abana bafite ubumuga bwo kutabona gusa, ahubwo tuzakira n’abana 100 badafite ikibazo biyongere ku bandi 100 batabona, kugira ngo ba bandi bafite ikibazo batazajya baheranwa n’ubwigunge.”

    Jordan Foundation itangaza ko hatagize igihinduka iki kigo cy’amashuri cyaba cyuzuye mu 2022.

    COVID-19 yazanye imbogamizi

    Uretse ibijyanye no gukoma mu nkokora imirimo yo kubaka ‘Jordan Special School’, Bahati yavuze ko n’icyorezo cya COVID-19 cyabagizeho ingaruka zitandukanye zirimo n’uko bamwe mu bafatanyabikorwa bahagaritse kubafasha kuko nabo bagezweho n’ingaruka z’iki cyorezo.

    Ati “Imbogamizi dufite ziracyari nyinshi kuko nta muterankunga uhoraho dufite, ni ukuvuga ngo niba dutangiye kubaka bisaba ubundi bushobozi kandi nubundi dukeneye guha umwana bya bindi byose akeneye, urumva kubibangikanya ni ikibazo.”

    “Natwe nka Jordan Foundation ingaruka za COVID-19 zatugezeho, nanjye ubwanjye zangezeho ni nayo mpamvu zageze no kuri Jordan Foundation kuko ubu ntabufasha tubona bwo gutunga abana, kuko nanjye akazi nakoraga kahagaze kandi ibigo twakoranaga nabyo ibyinshi byarahungabanye.”

    Jordan Foundation itangaza ko igikeneye abafatanyabikorwa kugira ngo ibikorwa byayo bizabashe gukomeza bidakomwe mu nkokora na COVID-19 kandi igasaba Leta kuba haboneka ibigo byinshi byigisha abafite ubumuga butandukanye kugira ngo intego y’uburezi budaheza izagerweho neza.

    Kuva Jordan Foundation yashingwa mu 2016 kugeza ubu ikorana n’abana 120, uretse aba bana Jordan Foundation ifasha n’imiryango yabo kwiteza imbere borozwa amatungo atandukanye binyuze muri gahunda izwi nka Family empowerment.

    Bahati Vanessa yavuze ko afite intego yo kuba Jordan Special School yazaba ikigo gikomeye gikubiyemo amashuri y’incuke, abanza n’ayisumbuye ndetse na Kaminuza.

    Yavuze ko yifuza kandi kuzabona umunsi umwe umwana ufite ubumuga bwo kutabona ahabwa amahirwe nk’abandi bana ndetse agahabwa akazi atarobanuwe.

    Jordan Foundation yahisemo kubaka ishuri kuko aho ikorera ari hato hatabasha kwakira abana benshi

    Biteganyijwe ko Jordan Special School izuzura mu 2021

    Jordan Foundation ifasha abana bafite ubumuga bwo kutabona

    Bahati Vanessa washinze Jordan Foundation agaburira umwe mu bana bafashwa n’uyu muryango

    Bahati Vanessa ateruye umwana we witwa Jordan ari nawe witiriwe uyu muryango

    Abagize isabukuru bafashwa kuyizihiza

  • Kabuga ntagikurikiranyweho kwinjiza mu gihugu imihoro yakoreshejwe muri Jenoside; byagenze bite? –

    Urubanza rw’uyu mugabo ntiruratangira mu mizi, byitezwe ko icyo cyiciro gishobora kugerwaho mu mwaka utaha wa 2021, ubu ikiri gukorwa ni ugukusanya ibimenyetso byose, abatangabuhamya n’ibindi bikenewe.

    Uyu mugabo agiye kumara umwaka atawe muri yombi nyuma y’indi irenga 20 yihisha hirya no hino ku Isi. Bwa mbere hashyirwaho impapuro zisaba itabwa muri yombi rye, kimwe mu byaha yashinjwaga cyari icyo kwinjiza mu gihugu imihoro yifashishijwe mu kwica Abatutsi basaga miliyoni imwe.

    Bivugwa ko mu Ugushyingo 1993, abuga wari umucuruzi kabombo yinjije mu Rwanda imihoro. Icyo gihe sosiyete ye yinjije mu gihugu toni 25 z’imihoro ivuye mu Bushinwa, nyuma muri Werurwe 1994 agura indi ibihumbi 50.

    Iduka ry’imihoro ryari iry’umukobwa wa Kabuga?

    Ingingo ijyanye n’iyi mihoro yakunze kuvugwaho byinshi, abarokotse Jenoside n’uyu munsi bemeza ko ariyo yakoreshejwe mu kwica Abatutsi kandi ko aricyo yari yarinjirijwe mu gihugu. Mu ntangiriro z’uyu mwaka, mu kinyamakuru GQ Magazine hasohotsemo inkuru iva imuzi urugendo rwo guhiga Kabuga ndetse imihoro na none igarukwaho n’umwe mu bana be.

    Dafroza Gauthier, umwe mu baharanira uburenganzira bw’abarokotse Jenoside yakorewe Abatutsi, yavuzemo uburyo umunsi umwe yari yitabiriye urubanza rwa Kabuga i Paris akaza kuhahurira n’umukobwa we umwe witwa Winnie Musabeyezu.

    Ngo yaramubwiye ati “Ndi Umukobwa wa Kabuga, nakubaza ikibazo?”. Undi ati “cyane rwose”.

    Ati “Uratekereza mu by’ukuri ko data ashobora kuba yarakoze ibintu ashinjwa?” Undi ngo yaramusubije ati “Umva, ntabwo ndi umucamanza.”

    Winnie ngo yahise amubwira ati “Uziko ari njye wari ufite iduka i Kigali ryacuruzaga imihoro?” Ngo yakomeje avuga ko ubwo bucuruzi bwari bugenewe ibikorwa bijyanye n’ubuhinzi aho kuba ubwicanyi, ko inkuru z’uko Kabuga yakwirakwije imihoro ku Nterahamwe mbere y’ubwicanyi atari ukuri.

    Yakomeje agira ati “Ndakurahiye, nta muhoro n’umwe w’ubuntu nigeze ntanga.”

    Inyandiko y’ibirego ku mihoro yakunze guhinduka

    Mu nyandiko y’ibirego bya Kabuga yo ku wa 22 Kanama 1998, uwari Umushinjacyaha wungirije w’Urukiko Mpuzamahanga Mpanabyaha rwashyiriweho u Rwanda, ICTR, Umunya-Cameroon, Bernard Muna, yanditsemo ko “kuva mu 1992, Félicien Kabuga binyuze muri sosiyete ye ETS Kabuga yaguze imihoro myinshi, amasuka n’ibindi bikoresho byifashishwa mu buhinzi azi neza ko bishobora kuba intwaro mu gihe cy’ubwicanyi”.

    Mu Ukwakira 2004, inyandiko y’ibirego yaje guhindurwa n’Umushinjacyaha wa ICTR, Hassan Bubacar Jallow. Icyo gihe yavugaga iti “Félicien Kabuga yategetse abakozi ba Sosiyete ye Kabuga ETS kwinjiza imihoro myinshi mu Rwanda mu 1993. Muri Mata 1994, yategetse Interahamwe yari afiteho ububasha gutwara imihoro n’izindi ntwaro ku Gisenyi no kuyikwirakwiza cyo kimwe n’izindi ntwaro ku Nterahamwe zo muri Gisenyi”.

    Iyo nyandiko ikomeza ivuga ko Interahamwe zakoresheje iyo mihoro hagati y’itariki ya 7 Mata na 17 Kamena 1994 mu gutsemba abaturage b’ubwoko bw’Abatutsi. Binyuze mu gutumiza imihoro no kuyikwirakwiza, iyi nyandiko yavugaga ko “Kabuga yafashije kandi yashishikarije ubwicanyi bwakozwe n’Interahamwe”.

    Muri Mata 2011 nabwo hongeye gukorwa impinduka mu birego bya Kabuga kuri iyi ngingo y’imihoro, aho Jallow noneho yanditse ko muri Mata 1994 Félicien Kabuga yategetse Interahamwe yagenzuraga gutwara imihoro no kuyikwirakwiza i Gisenyi, zikayikwirakwiza ku zo muri ako gace hagati ya tariki 3 Mata n’iya 7 Mata 1994.

    Ati “Izo Nterahamwe zakoresheje izo ntwaro n’imihoro i Gisenyi hagati ya tariki ya 7 Mata n’iya 17 Nyakanga 1994 mu gutsemba no kwica Abatutsi bo muri Komine Rouge no mu bindi bice byo muri Perefegitura ya Gisenyi”.

    Kabuga ntagikurikiranyweho kwinjiza imihoro mu gihugu ku bwa Jenoside

    Ubwo Kabuga yari amaze gutabwa muri yombi, Ubushinjacyaha bwasubiye inyuma bureba neza imiterere y’ibirego bye, bwongera kuvugisha abatangabuhamya dore ko hari hashize imyaka 20 inyandiko z’ibirego bye zikozwe nubwo zagendaga zivugururwa uko ibimenyetso bishya byabonekaga.

    Umushinjacyaha Mukuru w’Urwego rwasigariyeho Urukiko Mpuzamahanga Mpanabyaha rwashyiriweho u Rwanda, IRMCT, Serge Brammertz, aherutse gutangaza ko ibimenyetso byose byakoreshwaga mu gukora inyandiko zisaba itabwa muri yombi rya Kabuga zari zimaze igihe, ati “rero byasabye ko dusubira inyuma tureba abatangabuhamya b’icyo gihe, tureba abahari”.

    Icyo gikorwa cyakozwe guhera muri Nzeri umwaka ushize, ibyavuyemo nibyo byashyikirijwe urukiko tariki ya 15 Mutarama byemezwa n’Umucamanza ku wa 24 Gashyantare. Ibirego byo kwinjiza mu gihugu imihoro mu mugambi wa Jenoside yakorewe Abatutsi byakuwemo burundu, gusa ibyo gutwara no gukwirakwiza imihoro mu bice bitandukanye bya Kigali no mu zindi perefegitura nka Gisenyi na Kibuye byo bigumishwamo.

    Ntabwo higeze hasobanurwa impamvu Kabuga adakurikiranyweho kwinjiza mu gihugu imihoro nk’uko inyandiko zindi z’ibirego zabivugaga. Justice Info yanditse ko ibiro bya Brammertz bitigeze bigira ibisobanuro bitanga kuri iyi ngingo.

    Hari indi mihoro yinjiye mu gihugu

    Ku rundi Stephen Rapp, Umunyamerika wahoze akurikiye ubushinjacyaha bwa ICTR, yatangarije Justice Info ko hari ibimenyetso bindi bigaragaza hari indi mihoro yaguzwe na sosiyete itandukanye n’iya Kabuga aho ngo yari yaguzwe nk’igikoresho cyo kwifashisha mu buhinzi mu Rwanda no muri Zaire.

    Ati “Twari dufite ibimenyetso by’imihoro myinshi yaguzwe na Sosiyete ya Kabuga iyikuye mu Bushinwa ikinjizwa mu Rwanda inyujijwe i Mombasa mu 1993. Imbogamizi yari ukwerekana ko iyi mihoro yakwirakwijwe ku bicanyi igakoreshwa muri Jenoside. Hari irindi sano kandi ry’imihoro myinshi yatumijwe icyo gihe n’indi sosiyete itandukanye, kandi hari hakenewe cyane “ibyo bikoresho” mu buhinzi mu Rwanda no muri Zaire.”

    Kabuga aregwa icyaha cya jenoside, kuba icyitso cy’abakoze jenoside, guhamagarira abantu ku mugaragaro kandi mu buryo butaziguye gukora jenoside, ubwinjiracyaha bwa jenoside, ubwumvikane bugamije gukora jenoside, itoteza n’itsembatsemba nk’ibyaha byibasiye inyokomuntu byakorewe mu Rwanda mu 1994.

    Mu nyandiko y’ibirego havugwa ko Kabuga, afatanyije n’abandi bantu, yakoresheje radiyo RTLM mu buryo bugamije gushimangira urwango rushingiye ku moko hagati y’Abahutu n’Abatutsi no gusakaza ubutumwa burwanya Abatutsi.

    Bivugwa kandi ko Kabuga yategetse, yafashije akanoshya Interahamwe zagize uruhare mu kwica no kugirira nabi Abatutsi muri Kigali, Kibuye na Gisenyi.

    Byongeye kandi, bivugwa ko, afatanyije n’abandi bantu, Kabuga yashyizeho ikigega cyo kurengera igihugu hagamijwe gukusanya amafaranga yo gushyigikira, mu rwego rw’imari n’ibikoresho, ibikorwa by’Interahamwe byo kwica no kugirira nabi Abatutsi n’ibindi.

    Mu byaha Kabuga akurikiranyweho, ikijyanye no kwinjiza mu gihugu imihoro yifashishijwe muri Jenoside cyakuwemo

  • Menya ubusobanuro bw’izina ryagaragaye kuri godiyo Kagere yakinanye umukino wa Cameroun na Mozambique iriho n’ibindera #rwanda #RwOT

    Ni kenshi inganda zikorera ibyamamare inkweto zo gukinana(godiyo) ziriho ibirango byabo nka CR7, Neymar Air Jordan … Gusa kuri Kagere Meddie siko bimeze kuko urukweto yakinanye umukino wa Mozambique na Cameroun ruriho ibendera ry’u Rwanda n’irindi zina bifite igisobanuro cyabyo.

    Meddie Kagere ni umwe mu bakinnyi bakinnye imikino 2 iheruka u Rwanda rwakinnyemo na Mozambique i Kigali na Cameroun muri Cameroun mu gushaka itike y’igikombe cy’Afurika cya 2021.

    Uretse ibendera ry’u Rwanda(nk’umunyarwanda) riri ku rukweto Kagere yakinanye iyi mikino rwakozwe n’uruganda rwa Nike, hariho n’izina ‘Aribar 14’.

    Aribar akaba ari umukobwa w’uyu rutahazamu wavutse muri 2017, akaba ndetse afite impanga ye, n’aho 14 akaba ari nimero amenyereweho mu ikipe ya Simba SC akinira aho anitwa MK14, abana be akaba abongereraho ako kazina ka 14. Uru kweto akaba we yararwitiririye umukobwa we.

    Si uru rukweto gusa kuko afite n’urundi(rwo ntiyarukinanye iyi mikino) ruriho izina ry’impanga ya Aribar ari we Arianah, na rwo akaba yararwitiriye umukobwa we.

    Uru rukweto yarwitiriye umukobwa we Aribar

    Niyo nkweto yakinanye umukino wa Cameroun

    Uru rwo rwanditseho Arianah impanga ya Aribar

    Source : http://isimbi.rw/siporo/article/menya-ubusobanuro-bw-izina-ryagaragaye-kuri-godiyo-kagere-yakinanye-umukino-wa-cameroun-na-mozambique-iriho-n-ibindera

  • Dore ubutumwa bushimisha cyane umukobwa mu gitondo akibyuka ,akarirwana akanyamuneza. – YEGOB #rwanda #RwOT

    Hari ubutumwa 8 waramutsamo umukunzi wawe mu gitondo ukibyuka bukamunezeza, maze bukamutera kwirirwana umutima mwiza ndetse n'umunezero:

    1.Ndakwizera

    Iyo uwo umusore mukundana akwandikiye ko akwizera aba akugaragariza ko agushaka buri gihe ukamubera inkoramutima ndetse kwizera n'ikintu cyiza cyane kuko kirema imbaraga utari ufite bityo rero nibyiza cyane kugirana icyizere mu rukundo rwanyu kandi bishimisha abakobwa kuba bagirirwa icyizere aho kubafata nk'aba bihemu. Iri Jambo ndakwizera rinezeza abakobwa cyane.

    2.Ndagukumbuye.

    Ni byiza ko umuhungu ukunda ahangayikishwa n'uko utari iruhande rwe. Ni na byiza kumenya ko umuhungu mukundana akwifuza iruhande rwe. Mu by'ukuri si uko ushaka ko ababara ariko kandi ni byiza mu rukundo, bituma wumva ukunzwe kandi ko uri uw'ingenzi muri byose atunze.

    Umuhungu uzindutse kare ntatekereze akazi, abo bararanye mu rugo, ntahite ateganya gahunda ye yumunsi cyangwa ibindi bimushishikaje ahubwo akabyuka atekereza wowe, agukumbuye, ni ikimenyetso cyuko agukunda. N'ubwo mwaba mwari kumwe nimugoroba, kukubwira ko agukumbuye muri icyo gitondo ni ikimenyetso cy'uko adashaka kukubura na gato. Ubutumwa nk'ubu buraryoha kandi butuma umukunzi wawe yirirwana ibyishimo na we akarushaho kugukumbura.

    3.Nzakwereka Ababyeyi,Inshuti n'Abavandimwe

    Iyo Umusore yandikiye umukobwa bakundana aya magambo ngo 'Nzakwereka Ababyeyi, Inshuti n'Abavandimwe', bishimisha abakobwa cyane kuko biba ari ikimenyetso kigaragaza ko amukunda by'ukuri ndetse yifuza kumugira umufasha w'ibihe byose.

    4.Waramutse umwiza wanjye

    Ibi birumvikana neza, ntibikeneye igisobanuro. Nta wutakifuza gukanguka ngo asange ubu butumwa muri telefoni ye. Nta wutakwishimira ko hari uwamufashe nk'umuntu we mwiza kurusha ibindi byose muri icyo gitondo. Iyo bivuye ku muhungu ukunda rero byo biba akarusho.

    5.Uri mu bitekerezo byanjye mukunzi, ubu ndakangutse.

    Nta kintu cyiza nko kumenya ko umukunzi wawe, agikanguka, agukangukanye mu bitekerezo. Ni ikimenyetso cy'uko atajya arekera kugutekereza n'ubwo yaba asinziriye kubera ko uri muri we na we akaba muri wowe. Ni byiza kandi kumenya ko ari wowe uganje mu bitekerezo bye, ukaba wihariye umwanya munini mu byo atekereza. Ni ha handi ateganya byinshi ariko na we akagushyira mu mishinga ye.

    6.Uhora uri mwiza cyane n'ubwo ntakubona nonaha.

    Nta mukobwa udakunda kubwirwa ko ari mwiza. Ariko kandi mukobwa, menya ko uko wakiriye ubu butumwa atari ko buri wese abwakiriye buturutse ku mukunzi wawe. Hari impamvu yaguhisemo adateze gutezukaho. Ni uko azi ko uri mwiza. Azi ko yaba akureba cyangwa atakureba uri mwiza. Ntabwo aba abivuze agendeye ku buryo atekereza ko umeze muri icyo gitondo, aba abivuze ashingiye ku bwiza yakubonanye kuva ku munsi wa mbere mujya mu rukundo. Ubu uri mwiza ibihe byose imbere ye yaba akubona cyangwa atakubona.

    7.Iyo mba nkangukiye iruhande rwawe.

    Umukobwa wohererejwe ubu butumwa bumugaragariza ko umuhungu atishimiye aho ari mu gihe atari kumwe na we. Ni ikimenyetso cy'uko umuhungu wihebeye n'ubwo yaba yaryamye mu gitanda cyiza ate mutari kumwe, ntacyo byamumariye. Icyakamubereye cyiza ni ukuza akaba aho uri mukaba mukangukanye. Bigaragariza umukobwa ko wamwihebeye kandi udashaka ko hashira n'isegonda mutari kumwe.

    8.Iyi filimi/ iyi ndirimbo yatumye ngukumbura nimugoroba.

    Mukobwa, niba ubonye ubu butumwa muri telefoni yawe, ni ukuvuga ko n'ubwo utari kumwe n'umusore mukundana, n'ubwo yari mu bindi bintu bidafite aho bihuriye n'urukundo mufitanye, ariko wagumye kwiganza mu bitekerezo bye. Ni ikimenyetso cy'uko akwitaho cyane.

    Ubu ni ubutumwa bugaragariza umukobwa ko n'ubwo mwaba mutakiri kumwe, atajya akuva mu bitekerezo. Ni ikimenyetso cy'uko umukunda kandi ufata umwanya munini umutekerezaho. Ni ikimenyetso cy'uko aza imbere mu buzimba bwawe mu bintu byose waba urimo ukora, utekereza cyangwa uteganya gukora. Ni ukuvuga ko ikintu cyose yaba arimo ahita agihuza nurukundo mufitanye bityo agakumbura umukobwa yihebeye.

    Niba ushaka umukunzi kanda kuri iyi link ukurikize ibisabwa:http://yegob.rw/dating

    Leave your vote

    Comments

    0 comments

    Source : https://yegob.rw/dore-ubutumwa-bushimisha-cyane-umukobwa-mu-gitondo-akibyuka-akarirwana-akanyamuneza/

  • Amavubi Stars yageze mu Rwanda(AMAFOTO) #rwanda #RwOT

    Ikipe y’igihugu y’u Rwanda yaraye igeze mu Rwanda, ni nyuma yo kunganyiriza na Cameroun iwayo ariko ikabura itike y’igikombe cy’Afurika cya 2021.

    Zari inzozi za buri bukinnyi kuba batsinda uyu mukino bakabona itike, gusa icyizere cyaje kuyoyoka nyuma yo kunganya ubusa ku busa na Cameroun mu mukino wabaye ku wa Kabiri w’iki cyumweru tariki ya 30 Werurwe 2021.

    Nyuma yo kunganya uyu mukino wabereye kuri Japoma Stadium, Caoe Verde igatsinda Mozambique, Amavubi yahise abura itike mu buryo budasubirwaho.

    Akaba yaraye agarutse mu Rwanda aho yahageze mu ijoro ryo ku wa Gatatu tariki ya 31 Werurwe 2021.

    Bakaba bari muri Hotel La Palisse Nyamata aho bategereje ibisubizo bya Coronavirus bakaba babona kubarekura.

    U Rwanda ruzongera gukina muri Kamena 2021 rukina imikino yo mu ijonjora ryo gushaka itike y’igikombe cy’Isi.

    Umuganga Rutamu Patrick n’umutoza wungirije Alain Kirasa

    Umunyezamu Bakame ni uko yururutse mu ndege

    Abarimo Kagere na Kwizera Olivier bamanuka mu ndege

    Kapiteni w’ikipe y’igihugu Haruna Niyonzima

    Yannick Mukunzi usanzwe ukinira Sandvikens IF muri Sweden

    Myugariro Usengimana Faustin

    Rutahizamu Sugira Ernest ntiyabashije kubonera igitego Amavubi

    Mutsinze Ange Jimmy amanuka mu ndege

    Rubanguka Steve

    Nta morale bari bafite

    Source : http://isimbi.rw/siporo/article/amavubi-stars-yageze-mu-rwanda-amafoto

  • Ijya kurisha ihera ku rugo! Abahanzi nyarwand… – #rwanda #RwOT

    Hari igihe umuhanzi akunda bya nyabyo ku buryo akoza ibaba muri wino umutima we ukavura amagambo aryohereye ku mukunzi we. Mu rwego rwo kugira ngo atagira igice cy'abantu aheza mu ndirimbo ye, abwira itangazamakuru ko yayikoreye abari mu rukundo.

    Iyo agitangira gutereta uwo mukobwa yirinda guhita abwira rubanda ko igihangano yasohoye yagikoreye we, urukundo rwamara gushinga imizi akabyerura, cyangwa agakora indi ndirimbo ikorera mu ngata iyabanje.

    Bibaho ko umuhanzi ashobora gukundana n'umukobwa ntamuhimbire indirimbo. Gusa, si ryo herezo kuko igihe kiba kizagera inganzo ikamutwara.

    Riderman umaze hafi imyaka itandatu arushinze na Nyampinga wa Kaminuza ya Mount Kenya, Agasaro Farid Nadia yabwiye INYARWANDA ko yamaze gufata amajwi y'indirimbo yakoreye umugore we iri kuri Album yise 'Kimirantare'.

    INYARWANDA igiye kugaruka ku bahanzi bafite indirimbo bakoreye abakunzi babo.

    1.Tom Close

    Umuhanzi akaba n'umuganga Tom Close yabwiye INYARWANDA ko kuva mu Ugushyingo 2013, arushinze na Niyonshuti Ange Tricia amaze kumukorera indirimbo eshatu harimo 'Umugabo Uhiriwe', 'Byararangiye' ndetse na 'Mama w'abana'.

    Indirimbo 'Umugabo uhiriwe' iri kuri Youtube kuva mu myaka irindwi ishize ifite iminota 04 n'amasegonda 01'. Mu gitero cya mbere cy'iyi ndirimbo, uyu muhanzi aririmba abwira Tricia ko kuba amufite ntacyo yabinganya.

    Akavuga ko ajya yibaza icyo yatanze kugira ngo Imana ibahuze. Avugamo ko Tricia amukunda nk'uko 'nifuza gukundwa' kandi ko ari Malayika murinzi.

    Akoresha imitoma idasanzwe mu matwi ya benshi nk'aho avugamo ati 'Ese ni ayahe maso y'inyana yaba meze kurusha aye! Nta bwoya bw'intama bwamurusha koroha! Ibuye ry'agaciro rihenze ntiryamundutira. Aho kuba atari imyaka igihumbi naba iruhande rwe umunsi umwe.' Tom Close asaba Tricia kutazatandukanywa n'iminsi mibi, ahubwo bazunge ubumwe. 

    Mu ndirimbo ya kabiri yakoreye umugore we yise 'Byararangiye' agaragazamo amafoto n'amashusho yaranze ubukwe bwabo bwitabiriwe n'abantu barenga 2,000 mu 2013.

    Uyu muhanzi aririmba yumvikanisha ko yamaze guhitamo, iminsi asigaje ku Isi azayimarana n'umukunzi we Tricia. Avuga ko umunsi wa mbere abona Tricia yahise yifuza kubana nawe, asenga ubutitsa asaba Imana kubana n'umuturatwa we.

    Yavuzemo ko igihe yigeze kwishima mu buzima ari igihe Tricia yamubwiraga 'Yego' ko yiteguye kubana nawe akaramata. Tom Close abwira Tricia ko 'Urupfu nirwo ruzadutandukanya.'

    Mu ndirimbo eshatu Tom Close yahaye INYARWANDA yakoreye umukunzi we harimo 'Mama w'abana' yakoranye na Radio [witabye Imana] na Weasel. Iyi ndirimbo imaze imyaka 10 iri ku mbuga zitandukanye.

    Bisa n'aho Tom Close yakoze iyi ndirimbo amaze igihe ari mu rukundo na Tricia, kuko hashize imyaka itatu ari bwo barushinze.

    Tom Close aririmba inyikirizo y'iyi ndirimbo, avuga ko yakunze Umunyarwandakazi, umubyeyi w'abana be. Kandi ko yamukunze kubera ko 'azi ibanga ryanjye'. Avugamo ko uyu mukobwa yatojwe umuco n'ababyeyi be.

    2.Danny Vumbi

    Imyaka 16 irashize umuhanzi Semivumbi Daniel uzwi kandi nka Dannny Vumbi arushinze n'umugore we, Muhawenimana Jeannette. Iyi myaka yose ishize ayijyanisha no gukora umuziki, kwandika indirimbo z'abandi bahanzi n'ibindi bikorwa bishamikiye ku buhanzi.

    Akunze kwifashisha imbuga nkoranyambaga ze akoresha mu kugaragaza uburyo yishimira umuryango we. Ni umwe mu bahanzi bo mu Rwanda bafite ingo zitajegajega. Avuga ko ari umugisha yagize, ariko ko urugo rwe rukomejwe no koroherana no gukundana bya nyabyo.

    KANDA HANO WUMVE INDIRIMBO ‘URUKUNDO RWA MBERE’ YA DANNY VUMBI

    Tariki 25 Werurwe 2021, Danny Vumbi yasohoye amashusho y'indirimbo 'Urukundo rwa mbere' yifashishijemo umugore we agaragara akina inkuru y'ibyo aririmba.

    Vumbi yabwiye INYARWANDA ko ari yo ndirimbo akoreye umugore we kuva atangiye urugendo rw'umuziki, kandi ko iri kuri Album ye nshya yise 'Inkuru nziza'.

    Umugore wa Danny Vumbi usanzwe uba mu buzima buri kure y'umuziki, agaragara muri iyi ndirimbo yizihiwe.

    Uyu muhanzi aririmba avugamo ko umugore we yatumye amahirwe yivanga n'umugisha. Akavuga ko yamubereye urukingo rumurinda kwiheba no kwigunga.

    Vumbi avuga ko umugore we yamubereye urukundo rwa mbere 'kuko rwakuze nk'ibihe rucyeye nk'ibihe'. Kandi ko byanatumye yimenya.

    Mu nyikirizo y'iyi ndirimbo ati 'Ni wowe rukundo rwanjye nzi rwanteye kwimenya rukambera urukingo rukomeye rw'intimba, akababaro, kwigunga no kwiheba.'

    IBYO WAMENYA KU MUSORE WAMBITSE IMPETA UMUHANZIKAZI CLARISSE KARASIRA

    3.Clarisse Karasira

    Tariki 03 Kamena 2020, Clarisse Karasira yasohoye amashusho y'indirimbo ye yise 'Urungano'; bwari bwo bwa mbere aciye amarenga y'urukundo rwe na Ifashabayo Sylvain Dejoie ariko ntawabimenye kugeza ubwo bombi batangije umushinga w'ubukwe.

    Ni imwe mu ndirimbo ze zakunzwe iherekejwe n'ibitekerezo birenga 400. Ndetse imaze kurebwa n'abantu barenga ibihumbi 600. Mu mikarago yayo asoza iyi ndirimbo aririmba avuga ati 'Mbe Juru rya Kamonyi ese uriho nkubwire iby'umutware w'iwanyu wantwaye.'-Yavugaga umukunzi we Dejoie kuko niho avuka.

    Yasaye mu nyanja y'urukundo noneho arerura! Ku wa 07 Nyakanga 2020, yasohoye amashusho y'indirimbo ye yise 'Uwacu' abara inkuru y'umukobwa ukumbuye umukunzi we wagiye imahanga. Ni indirimbo yatuye abantu bose bava mu miryango yabo bakajya gushakira ubuzima ahandi cyane cyane hanze y'Igihugu.

    Nubwo abantu benshi bacyetse ko ari inganzo yamuraje ijoro abara inkuru yumvanye undi muntu siko biri!

    Kuko muri Mutarama 2021, Clarisse Karasira yabwiye INYARWANDA ko yahimbye iyi ndirimbo kubera ko yari akumbuye Ifashabayo wari umaze iminsi ari muri Leta Zunze Ubumwe za Amerika.

    Muri iyi ndirimbo, Clarisse Karasira aririmba abwira Dejoie kuzamuzanira impeta y'umuringa [Silver] kandi koko impeta y'urukundo yambitswe n’uyu musore ikoze muri iri buye.

    Asobanura ko umukunzi we atahise amenya ko ari we yaririmbye, ariko ko ubwo yajyaga gufata amashusho yayo Ifashabayo yari yaraje mu Rwanda, afata umwanya wo kuyumva bihagije ari nabwo yamenye ko ari we uvugwa mu nkuru.

    Soma: Ubukwe ni vuba,twahujwe na Kamaliza: Urugendo rw'urukundo rwa Clarisse na Dejoie, uko baciye amarenga n'ibyo kuba muri Amerika

    4.Ben Kayiranga

    Mu Ntangiriro za Gashyantare 2021, Ben Kayiranga ubarizwa mu Bufaransa yasohoye amashusho y'indirimbo ye nshya yise 'Fifi' yakoreye umugore we. Amashusho yayo yakozwe mu buryo bwihariye bujyanishije n'amagambo aririmba.

    Kuva ku isegonda rya mbere kugeza indirimbo irangiye; amafoto ya Ben Kayiranga n'umugore we, bari kumwe nabo mu bihe bitandukanye agaragara muri iyi ndirimbo uyu muhanzi yari amaze igihe ateguza abafana be n'abakunzi b'umuziki muri rusange.

    KANDA HANO WUMVE INDIRIMBO ‘FIFI’ YA BEN KAYIRANGA

    Iri mu ndirimbo zituje ariko zinyeganyeza ingoma z'amatwi. Yayise 'Fifi' nk'ababyiniriro ku mugore we, ndetse kuri nimero ye ya telefoni yamwise 'Fifi d'Amour'.

    Hari aho uyu muhanzi aririmba agira ati 'Ibinezaneza biransaga nkasesa urumeza. Nti aha narabahaye ariko iri ni itandukaniro. Ni akazuba karenga, ni urwererane, indoro yeza umutima, inono izira inenge.'

    Uwizeye Joséphine [Fifi], umugore wa Ben Kayiranga aherutse kubwira INYARWANDA ko yasazwe n'ibyishimo nyuma y'uko umugabo we amwumvishije ku mushinga w'iyi ndirimbo imucyeza.

    Ati 'Ntabwo yabimbwiye ko agiye kuyikora nabimenye ejobundi anyumvishije agace mbere yuko isohoka. Byarandenze mbura nicyo mvuga, gusa ubu nakubwira ko ari umunezero mwishi. Ni ikindi kimenyetso cy'urukundo. Bibaye agahebuzo.

    Uwizeye yavuze ko iyi ndirimbo ivuze byinshi, kuko ije gushimangira urukundo rwabo ikaba inamweretse ko Ben Kayiranga anezezwa 'n'urwo mukunda'. Ati 'Igisigaye Nyagasani akomeze adutize ubuzima nkomeze mwiture ibyiza ankorera.'

    Soma: Aririmba mu itsindarihimbaza Imana! Ikiganiro na Fifi, umugore wa Ben Kayiranga yakoreye indirimbo, ibanga ry'imyaka 7 bamaranye n'ibindi

    5.Yverry

    Mu gihe cya Guma mu Rugo ya mbere mu 2020, umuhanzi Rugamba Yverry [Yverry] yasohoye indirimbo yise 'Quaratine Love' yahimbye bitewe no gukumbura umukunzi we Vanessa bari bamaze igihe batabonana kubera icyorezo cya Covid-19.

    Icyo gihe hari hashize iminsi 40 hatangiye gahunda ya Guma mu Rugo mu rwego rwo kwirinda ikwirakwira ry'icyorezo cya Covid-19, gikomeje kwica ibihumbi by'abantu ku Isi.

    Asohora iyi ndirimbo yabwiye INYARWANDA ko yayikoze kubera gukumbura umukunzi we bavuganaga kuri telefoni ariko ko yanayigeneye n'abandi nkawe bari kure y'abakunzi babo n'abandi.

    Yverry ni umwe mu banyeshuri bari ku isoko ry'umuziki batanzwe n'ishuri rya muzika rya Nyundo. 

    Indirimbo ze zamuhesheje umugati mu bukwe yagiye aririmbamo ahanini bitewe n'amagambo y'urukundo azigize. Yamenyekanye binyuze mu ndirimbo 'Nkuko njya mbirota', 'Uragiye', 'Uzambabarire' n'izindi. 

    Ni umwe mu bahanzi b'abahanga u Rwanda rufite. Amaze kuririmba mu bitaramo no mu birori bikomeye kandi yanakoranye indirimbo n'abahanzi batandukanye bo mu Rwanda.

    Yabwiye INYARWANDA ko mu minsi iri imbere asohora indi ndirimbo yahimbiye umukunzi we.

    6.Liza

    Muri Gashyantare 2021, umuhanzikazi mu ndirimbo zo kuramya no guhimbaza Mugisha Elisabeth uzwi kandi nka Liza, yasohoye amashusho y'indirimbo 'Urukundo', yanditse habura ukwezi kumwe ngo umugabo we Edman amwambike impeta y'icyizere.

    KANDA HANO WUMVE INDIRIMBO ‘URUKUNDO’ Y’UMUHANZIKAZI LIZA

    Icyo gihe, uyu mugore yabwiye INYARWANDA ko ijoro rimwe ryo muri Gicurasi 2020 yavuganye ku murongo wa telefoni n'umukunzi we Edman usanzwe ari Umunyamakuru Prime Tv, basoje kuvugana yumva ibinezaneza bitashye umutima we; amagambo arisukiranya.

    Liza yafashe ikayi n'ikaramu arandika, anifata amajwi yumvisha Producer we amugira inama yo kuyandika neza ubundi bakazayifatira amajwi n'amashusho.

    7.Kitoko

    Mu Ukuboza 2020, umuhanzi Kitoko Bibarwa ubarizwa mu Bwongereza yasohoye amashusho y'indirimbo ye yise 'Gahoro'. Ni yo ndirimbo yavuze ko yatuye umukunzi we bagombaga kurushinga mu Ukuboza 2020 nk'uko amakuru yabivugaga.

    Mu ntangiriro z'uyu mwaka, uyu muhanzi yasohoye ifoto yerekana ko umukobwa yanze impeta yamwambitse. Yanditse avuga ko umukobwa yamubwiye 'Oya',

    Iyi ndirimbo 'Gahoro' imaze kurebwa kuri Youtube n'abantu barenga ibihumbi 200. Ayisohora yavuze ko yayituye umukunzi we, ariko ko n'abandi bari mu rukundo bashobora kuyifashisha.

    Hari aho aririmba agira ati 'Rubavu rwanjye uzi icyo nshaka, umunezero wawe ni inshingano zanjye, urakaye ari njye ubiteye Imana yampana, uraseka nkabona mu kirere 'color', uburyo ngukunda n'iyo bavuga no wahala (nta kibazo).'

    Uyu muhanzi uri mu bamaze igihe mu muziki, aheruka mu Rwanda mu bikorwa by'amatora ya Perezida wa Repubulika y'u Rwanda, aho yamamazaga Umukandida w'Ishyaka FPR Inkotanyi, Paul Kagame.

    8.Emmy

    Muri Mutarama 2021, umuhanzi Emmy ukorera umuziki muri Leta Zunze Ubumwe za Amerika, yasohoye amashusho y'indirimbo yise 'Dokima'. Amashusho yayo yayafatiye mu Rwanda mbere na nyuma y'uko yambika impeta umukunzi we Umuhoza Joyce uzwi nka Hoza.

    KANDA HANO WUMVE INDIRIMBO ‘DOKIMA’ Y’UMUHANZI EMMY

    Mu kiganiro yagiranye na Radio Rwanda, Emmy yavuze ko muri iyi ndirimbo yavuzemo aho umukunzi we atuye [Kabeza], agaragaza ko aho yajishe igisabo atazahatera ibuye.

    Tariki 13 Mutarama 2021, ni bwo Emmy yatangaje ko yambitse impeta y'urukundo umukunzi we Umuhoza Joyce [Hoza] wizihiza isabukuru y'amavuko y'imyaka 25. Yanifashishije ifoto y'uyu mukobwa ateruye 'cake' amusaba kwishimira umunsi we w'amavuko.

    Emmy yanditse kuri konti ye ya instagram avuga ko yahisemo Hoza kandi ko intera ndende yari hagati yabo kwari 'ukugerageza aho urukundo rwacu rushobora kugera'. Yavuze ko we na Hoza bishimiye ko bateye indi ntambwe yindi mu buzima. Abwira Hoza ati 'Warakoze kunyizera.'

    9. Yves Kana Trezzor

    Umuhanzi Yves Kana Trezzor ageze kure imyiteguro y'ubukwe bwe n'umukunzi we Mugabekazi Diane baherutse gusezerana imbere y'amategeko. Agiye kurushinga na Diane nyuma y'uko mu myaka ibiri ishize amukoreye indirimbo yise 'Njyewe Nawe' yo kumushimira urukundo amukunda.

    Iyi ndirimbo igaragaramo umuraperi Karigombe ucuranga Saxophone na Bertrand ucuranga Piano. Amashusho y'iyi ndirimbo yafatiwe muri T2000.

    Yves Kana yavuze ko Trezzor yatangiye ari itsinda ariko akaba ari we muyobozi yayo. Yavuze ko yitaga Trezzo itsinda kubera ko habagamo hari abaririmbyi n'abacuranzi biyongereyemo. Yves Kana Trezzor na Mugabekazi Diane bazarushinga tariki 01 Gicurasi 2021.

    Source : https://inyarwanda.com/inkuru/104444/ijya-kurisha-ihera-ku-rugo-abahanzi-nyarwanda-bafite-indirimbo-bakoreye-abakunzi-babo-104444.html

  • Kwangizwa kw’ ibidukikije bitewe n udufukamunwa bikomeje gufata indi ntera #Rwanda #RwOT

     

    Large amounts of discarded PPE found polluting the planet, harming sea and wild life

    According to the report, volunteers through the International Coastal Cleanup network collected 107,219 items of PPE from July to December 2020–although experts believe that number is “a vast undercount.”

    Large amounts of discarded PPE found polluting the planet, harming sea and wild life

    Katie Daviscourt
    Katie Daviscourt Seattle, WA

    3 Mins Reading

    The Ocean Conservancy released a shocking report Tuesday that details the amount of pollution harming Oregon’s waterways from PPE that individuals use to combat the novel coronavirus.

    ADVERTISEMENT
    This photo shows a crab swimming out at sea entangled in a mask.

    Although the CDC recommended the use of PPE to help prevent the spread of COVID-19, the reported data reveals a brewing crisis as masks, gloves, face shield, and sanitary wipes create hazardous environments for sea-life and land-life.

    According to the report, volunteers through the International Coastal Cleanup network collected 107,219 items of PPE from July to December 2020–although experts believe that number is “a vast undercount.”

    ADVERTISEMENT
    This photo shows a mask wrapped around a fish, causing it harm as it failed to remove the mask on its’ own.

    On the west coast alone, more than 5,000 pieces of PPE were reported by 13,000 volunteers in the last six months of 2020, according to the senior director of Ocean Conservancy’s Trash Free Seas Program Nicholas Mallos.

    Volunteers recorded the data on the Conservancy’s Clean Swell app under the category ‘PPE,’ although these numbers don’t include the first six months of 2020 where data was being recorded under ‘personal hygiene.’

    ADVERTISEMENT
    This photo shows a mask wrapped around a seaguls feet, preventing it from flying.

    “Notably, the amount of personal hygiene litter recorded in the app between January and July 2020 was three times higher than what was recorded in that same time period for each of the previous three years,” said Mallos in an email.

    The Chief Executive Officer of Solve Oregon, Kris Carico, confirmed the vast increase in litter from PPE materials.

  • Niwe mu star nahisemo! Betty yakoze indirimbo… – #rwanda #RwOT

    Ni indirimbo ifite iminota 3 n’amasegonda 51. Betty Ganza yayisohoye mu buryo bw’amajwi, ifoto yakoresheje kuri iyi ndirimbo (Cover) ni ifoto ye yahuje n’iya Israel Mbonyi. Betty wakoze iyi ndirimbo ni umukobwa byumvikana ko afite ijwi ryiza cyane. Asanzwe ari umuhanzikazi aho kuri shene ye ya Youtube yitwa Ganza Betty afiteho indirimbo zigera kuri eshanu ari zo: Nabonye inshuti (imaze amezi 5), Nyobora Mana mu nzira yawe (imaze amezi 5 iri hanze), U Rwanda rwacu rurarinzwe, Nzagushima na Israel Mbonyi yashyize hanze mu masaha macye ashize.

    Mu ndirimbo ze zose, iyakunzwe cyane ni iyitwa ‘U Rwanda rwacu rurarinzwe’ imaze kurebwa n’abarenga ibihumbi 24. Ni indirimbo aririmbamo ko abashatse gutera igihugu cy’u Rwanda bibeshye kuko batazabigeraho. Aririmbamo aya magambo “Umubyeyi wacu arinzwe n’Imana data, arinzwe n’umwuka wera atubereye maso”. Urebye ni agace gato k’indirimbo ye dore ko gafite umunota umwe gusa. Kuri ubu rero uyu muhanzikazi Ganza Betty afite indirimbo nshya yaciye ibintu ku mbuga nkoranyambaga, akaba ari indirimbo yise ‘Israel Mbonyi’.

    Ganza Betty yakoze indirimbo idasanzwe yise Israel Mbonyi

    Ni indirimbo yitiriye umuramyi ukunzwe cyane mu Rwanda, Israel Mbonyicyambu wamamaye nka Israel Mbonyi mu muziki usingiza Imana. Atangira amushimira uburyo akora indirimbo zihembura imitima ya benshi, akongeraho ko atari ukumurata ahubwo ko ibyo yaririmbye mu ndirimbo yamwitiriye hari benshi babihamya barimo abato n’abakuru. Ati “Israel Mbonyi mukozi w’Imana, wakoze indirimbo nziza zifasha abantu, si ukukurata ibyo wakoze biragaragara, abakuru n’abato bose barabihamya. Ndagushima Mana wowe utanga impano nzima ugatanga n’uburyo bwo kuzikoresha”.

    Ati “Njye ndashimira umubyeyi wakubyaye, yagutwite amezi 9 yose arashira, Imana yamurindiye intambwe z’ibirenge byose, umubyeyi ni urukundo, arigengesera amezi 9 yose agashira, umubyeyi ni urukundo. Yemwe babyeyi bacu dukunda, mwigishe abana banyu gukunda Imana,..ejo bazavamo Israel Mbonyi mushya”. Avuga ko nta muntu n’umwe utashima Imana ku bw’ibyo ikora igatanga impano nziza igatanga n’uburyo bwo kuzikoresha.

    Mbonyi arashimirwa kwicisha bugufi no gukora ibihangano bihembura abantu

    Mu kiganiro na InyaRwanda.com, Betty Ganza yadutangarije ko atuye mu Mujyi wa Kigali mu karere ka Kicukiro, Umurenge wa Kagarama. Yavuze ko yatangiye gukunda umuziki wa Israel Mbonyi kuva mu 2017. Ati “Impamvu nafashe kuri Israel Mbonyi, ndibuka muri 2017 indirimbo ze ni bwo natangiye kuzikunda cyane, nkumva indirimbo ye yose isohotse nayumva, bigenda bikura urabona nawe yagiye akura mu muziki, ariko ntabwo anzi nanjye simuzi”. Yavuze ko indirimbo zose za Mbonyi azikunda cyane ndetse ngo hari inshuti ye yari ifite ikibazo ariko imaze kumva indirimbo ya Mbonyi cya kibazo kirakemuka, iyo akaba ariyo mpamvu yamuteye gukora indirimbo yitwa Israel Mbonyi.

    Ati “Njyewe ndibuka ko hari umukobwa wari inshuti yanjye pe (barabanaga) wari ufite ikibazo, ariko yakumva indirimbo ya Mbonyi nyicuranze, ukabona ahise agira morale, byatumye ngenda nkunda indirimbo ze. Muri make rero ukuntu natekereje iriya ndirimbo ‘Israel Mbonyi’, urabona hari indirimbo ye yitwa ‘Kumigezi’ nanjye niyo nakunze cyane, noneho ejobundi agisohora indirimbo yitwa ‘Baho’ nabonye abantu barayikunze kurushaho, iba indirimbo y’umwaka. Mu matariki 20 Gashyantare nibwo nagiye mu cyumba numva ya ndirimbo ‘Baho’ ndavuga nti ese ko abandi bariye Selfie, njyewe ni iki nakora Mana? Ndavuga nti reka ndirimbe noneho njyewe basi nzamwoherereze indirimbo abone y’uko ndi umufana we n’ubwo ntariye selfie njyewe nakoze indirimbo”. 

    Ku bijyanye n’impamvu yaririmbye anashimira ababyeyi ba Israel Mbonyi, uyu muhanzikazi yavuze ko hari igihe ababyeyi batita uko bikwiriye ku bana babo kandi nyamara hari igihe bazavamo abantu bakomeye. Yavuze ko yabikoze mu rwego rwo gushimira ababyeyi bose baha abana babo uburere bwiza, bakabasha kwiga, bityo bakagirira abandi bantu akamaro n’igihugu muri rusange. Yikije kuri Mbonyi, ati “Akora indirimbo nziza kandi namwe murabibona, abantu bose barazikunda. Ikindi kintu nabonye, Israel simuzi sindanahura nawe, ni we mu star nahisemo kuko mbona aca bugufi, mu ba star bose aca bugufi, umuntu wese aramwumva”. Yavuze ko ataragira amahirwe yo kujya mu gitaramo cya Mbonyi, amubona gusa mu biganiro atanga ku mateleviziyo anyuranye. Betty ni umukristo muri ADEPR Gatare.

    UKO ISRAEL MBONYI YAKIRIYE INDIRIMBO YISWE ISRAEL MBONYI

    Mu kiganiro na InyaRwanda.com, Israel Mbonyi yadutangarije ko iyi ndirimbo yamwitiriwe yayumvise ndetse na mbere y’uko isohoka ngo hari umuntu bari bavuganye bwa mbere wamubwiye ko hari impano ashaka kumuha inyuze mu ndirimbo. Yavuze ko iyi ndirimbo yasanze yuzuyemo amashimwe ku Mana, bikaba byari kuba bibi iyo uyu muhanzikazi aririmba ataka umuntu mu cyimbo cyo gushima Imana. Yumvikanisha ko muri byose Imana ariyo yo gushimwa. Yashimiye Betty Ganza anamusabira umugisha ku Mana. Ati “Njyewe ntabwo ari ibintu natinzeho, numvise ari ugushima Imana, numvise ari ugushima cyane,..Imana imuhe umugisha”.

    Adrien Misigaro umuramyi uri mu bakunzwe cyane, ari mu byamamare byasamiye hejuru iyi ndirimbo ya Ganza Betty aho yahise ayisangiza abamukurikira kuri Instagram, arandika ati “Ku ivuko kwa ba Israel mbonyi naho bararirimba banezerewe. Warakoze Fabrice Nzeyimana watunganyije uyi muzigo #Sinzibagirwa”. Icyakora ibyo yatangaje harimo urwenya rwinshi kuko INYARWANDA ifite amakuru yizewe ahamya ko Fabrice Nzeyimana atari we watunganyije iyi ndirimbo, ahubwo yabikoze muri bwa buryo bwe amazemo iminsi na Mbonyi bwo guterana ubuse. 

    Ubutumwa bwa Adrien Misigaro ku ndirimbo yitiriwe Mbonyi, hari uwavuze ngo ‘yafushye kuko atari we witiriwe indirimbo’

    Mu minsi ishize Adrien aherutse gufatanya indirimbo ye ‘Nyibutsa’ na ‘Baho’ ya Israel, abaza Mbonyi niba hari icyo bapfa kuko we aririmba ati ‘Mbyutsa kare ntiwemere ko ndyamira’ ariko Mbonyi we akaririmba asaba abantu gusinzira kuko bafubitswe n’Imana. Israel Mbonyi akibona ubutumwa bwanditswe na Adrien Misigaro ku ndirimbo umuhanzikazi Betty Ganza yise Israel Mbonyi agashimira Imana yahaye impano nziza uyu muramyi ufatwa nka nimero ya mbere mu gihugu mu bahanzi ba Gospel bakunzwe cyane, yagize ati “Ni bwo namenye ko urugamba natangije ntazarusoza”. 

    Aha yavugaga ko urugamba yatangije rwo guterana ubuse na Adrien atazarusoza. Yirinze kugira byinshi avuga kuri iyi ndirimbo yamwitiriwe na n’icyo yavuze kuri uyu muhanzikazi. Adrien yahise yungamo ati “Humura si ukukurata natwe abana bato turabihamya”. Mu bandi bantu b’ibyamamare mu muziki wa Gospel bagaragaje kwishimira iyi ndirimbo ‘Israel Mbonyi’ harimo Prosper Nkomezi, Diane Nyirashimwe wo muri Healing Worship Team na True Promises Ministries, Miss Hirwa Honorine, Fabrice Nzeyimana, umuhanzikazi akaba n’umupasiteri Mucyo Diana n’abandi batandukanye. 

    Israel Mbonyi akunzwe cyane muri iyi minsi mu ndirimbo ‘Baho’ aherutse gushyira hanze ndetse iyi ndirimbo iherutse gushyirwa ku mwanya wa mbere na Trace Easter Africa mu zikunzwe cyane mu karere. Mu rugendo rwe mu muziki usingiza Imana, Mbonyi amaze gukora indirimbo zinyuranye zahembuye benshi kugeza n’uyu munsi zirimo; Nzibyo nibwira, Ku musaraba, Number One, Hari impamvu, Sinzibagirwa, Ku marembo y’ijuru, Hari ubuzima, Intashyo, Ibihe, Karame, Urwandiko, Baho n’izindi. Amaze guhabwa ibikombe byinshi mu marushanwa atandukanye yaba ayo mu gihugu no hanze ndetse amaze gutaramira ku migabane hafi yaho y’Isi.

    Mbonyi akunzwe cyane muri iyi minsi mu ndirimbo ‘Baho’

    Israel Mbonyi yavuze ku yabuze amagambo yandika kuri iyi ndirimbo yitiriwe

    Ganza Betty avuga ko yatangiye gukunda indirimbo za Mbonyi mu 2017

    UMVA HANO INDIRIMBO ‘ISRAEL MBONYI’ YA BETTY GANZA

    REBA HANO ‘BAHO’ YA ISRAEL MBONYI IKUNZWE CYANE MURI IYI MINSI

    Source : https://inyarwanda.com/inkuru/104437/niwe-mu-star-nahisemo-betty-yakoze-indirimbo-yise-israel-mbonyi-mu-gushimira-imana-nababye-104437.html

  • Dominic Ashimwe, Symphony&Alyn Sano, Kayihura… – #rwanda #RwOT

    Izi ndirimbo zifite hagati y'umunsi umwe n'iminsi ine. Dj Marnaud ni we wasohoye nyinshi, kuko yashyize kuri Youtube ye Ep y'indirimbo yise 'Son of Rwanda' yatuye umwana w'imfura ye wizihiza isabukuru y'amavuko.

    Muri aba bahanzi, Dominic Ashimwe ni we utari uherutse kumvikana mu itangazamakuru, kuko yari amaze igihe ahugiye mu masomo ari nako ategurira hamwe indirimbo azagenda asohora mu bihe bitandukanye.

    Undi muhanzi utari uherutse gusohora indirimbo uri muri aba, ni Alto wari umaze igihe acecetse bitewe n'uko imishinga yari afite muri Label ya Ladies Empire yabarizwagamo yasinzirijwe.

    1.Symphony Band&Alyn Sano

    KANDA HANO WUMVE INDIRIMBO ‘IDE’ YA SYMPHONY BAND NA ALYN SANO

    Itsinda ry'abacuranzi n'abaririmbyi rya Symphony Band ryasohoye amashusho y'indirimbo nshya bise 'Ide' bakoranye n'umuhanzikazi w'umuhanga Alyn Sano.

    Iyi ndirimbo ivuga ku muntu uri mu rukundo wishimira mugenzi we, akamubwira iyo ari mu nzozi urukundo rumutera akamwegera.

    Alyn Sano aririmba yishyize mu mwanya w'ukunzwe, akavuga ko azamukunda iteka kandi ko ntawundi ateze gukunda mu buzima bwe.

    Symphony yaherukaga gusohora indirimbo 'Crazy', 'Follow', 'Respect' bakoranye na Nel Ngabo na Igor Mabano n'izindi.

    2.Dj Marnaud

    KANDA HANO WUMVE INDIRIMBO ‘IBIHE’ MARNAUD YAKORANYE NA UNCLE AUSTIN

    Dj Marnaud uri mu ba Dj bakomeye mu Rwanda yasohoye indirimbo umunani yakubiye kuri EP ye yise 'Son of Rwanda'. Yayituye imfura ye yujuje imyaka itanu y'amavuko kuri uyu wa kabiri tariki 30 Werurwe 2021.

    Iriho indirimbo yakoranye n'abahanzi babiri gusa, Uncle Austin ndetse n'umuraperi Bushali.

    Yafashije Uncle Austin gusubiramo indirimbo ye yise 'Ibihe byose' iri ku ndirimbo z'uyu muhanzi zakunzwe mu buryo bukomeye.

    Ep ye yakozweho na ba Producer batandukanye barimo Kevin Klein, Made Beats na Element. Yabanje gushyira kuri Youtube icyo yise 'Freestyle' yivuzemo ibigwi.

    Dj Marnaud yasohoye indirimbo 'Bahabe' yakoranye na Bushali, 'Mundemere', 'Erima', 'Ibihe byose' yakoranye na Uncle Austin, 'Mukube (Amapiano), 'Super Star' n'izindi.

    3.Mike Kayihura

    KANDA HANO WUMVE INDIRIMBO ‘ANY TIME’ YA MIKE KAYIHURA

    Umuhanzi Mike Kayihura uherutse kwitabira irushanwa ry'umuziki rya Prix Decouvertes RFI ahagarariye u Rwanda yasohoye amashusho y'indiirimbo ye nshya yise 'Anytime'.

    Kuva ku gicamunsi cy'uyu wa Kabiri tariki 30 Werurwe 2021, yari yateguje abafana be n'abakunzi b'umuziki ko agiye gusohora indirimbo nshya.

    'Anytime' yabaye indirimbo ya kabiri uyu muhanzi ashyzie kuri EP ye nshya yise 'Zuba Ep'. Yaherukaga gusohora indirimbo 'Jaribu' yabaye iya mbere kuri iyi Ep.

    Muri iyi ndirimbo, Mike aririmba yishyize mu mwanya w'umusore ugaragariza umukobwa ko ashaka kumwikubira mu rukundo.

    Mu buryo bw'amajwi, iyi ndirimbo 'Anytime' yakozwe na Producer MadeBeats n'aho amashusho yatunganyijwe na Serge Girishya.

    4.Dominic Ashimwe

    KANDA HANO WUMVE INDIRIMBO ‘GWIZA IMBARAGA’ YA DOMINIC ASHIMWE

    Umuhanzi mu ndirimbo zo kuramya no guhimbaza Imana uri mu bakomeye mu Rwanda, Dominic Ashimwe aherutse gusohora amashusho y'indirimbo ye nshya yise 'Gwiza Imbaraga' ivuga ku kugira neza kw'Imana.

    Uyu muhanzi wakunzwe mu ndirimbo 'Ashimwe' amaze iminsi atangiye urugendo ruvuguruye rwo gukora indirimbo zihimbaza Imana, nyuma y'igihe yari amaze acecetse ategurira ibyiza abakunzi be.

    Amashusho y'indirimbo 'Gwiza Imbaraga' yayafatiye ahameze nko mu rusengero. Ayisohora yabwiye abafana be n'abakunzi b'umuziki ko ari nziza, abasaba kuyumva.

    Dominic kandi yashimye Abakristu, Abashumba, abafana n'abandi banyamwuka bafatanya nawe mu rugendo rw'umuziki n'urw'ubuzima.

    Yavuze ko atazava ku Mana yemeye, kandi ko atazigera yicisha irungu abakunzi be.

    Dominic Ashimwe aritegura gusoza amasomo y'icyiciro cya kabiri cya Kaminuza mu Ishami ry'itangazamakuru n'itumanaho. Mu gihe cy'imyaka irenga 10 amaze yahembuye imitima ya benshi mu bitaramo no mu birori.

    5.Alto

    KANDA HANO WUMVE INDIRIMBO ‘UMUZIGO’ YA ALTO

    Umuhanzi Dusengimana Eric uzwi nka Alto yasohoye amashusho y'indirimbo ye nshya yise 'Umuzigo' ivuga ku musore ubwira umukobwa bakundana kwirinda gushidukira abasore bagikwepena na ba nyirinzu bakodesha.

    Yivugamo nk'umusore ufite buri kimwe witeguye kumuhindurira ubuzima, akamubuza kujarajara mu basore ba ntaho nikora.

    Niyo ndirimbo ya mbere uyu muhanzi asohoye kuva asinya amasezerano muri Label nshya yitwa TB Music Entertainment. Ni nyuma y'uko avuye muri Ladies Empire ya Oda Paccy.

    Iyi ndirimbo ye yatunganyijwe mu buryo bw'amajwi na X on Beat wanakoze indirimbo 'Ndaryohewe' uyu muhanzi yaririmbyemo.

    KANDA HANO UREBE AMASHUSHO Y’INDIRIMBO ‘IDE’ YA SYMPHONY BAND NA ALY SANO

    “>

    KANDA HANO UREBE AMASHUSHO Y’INDIRIMBO ‘UMUZIGO’ YA ALTO

    “>

    KANDA HANO UREBE AMASHUSHO Y’INDIRIMBO ‘GWIZA’ YA DOMINIC ASHIMWE

    “>

    KANDA HANO UREBE INDIRIMBO ‘SON OF RWANDA (FREESTYLE’  YA DJ MARNAUD

    “>

    KANDA HANO UREBE AMASHUSHO Y’INDIRIMBO ‘ANY TIME’ YA MIKE KAYIHURA

    “>

    Source : https://inyarwanda.com/inkuru/104424/dominic-ashimwe-symphonyalyn-sano-kayihura-mu-bafite-indirimbo-nshya-video-104424.html