Blog

Ikipe y’Igihugu y’abatrengeje imyaka 20 yageze muri ¼ cy’Igikombe cya Afurika cya Handball kiri kubera muri Côte d’Ivoire, nyuma yo gutsinda Zimbabwe ibitego 32-16.

Wari umukino usoza Itsinda A wabereye muri Salle Polyvalente ya Abidjan ejo hashize ku wa Kabiri, tariki ya 8 Nzeri 2026.

Izi ngimbi z’u Rwanda nyuma yo gutsindwa na Guinea ibitego 36-25 zigatsinda Côte d’Ivoire ibitego 30-25 zasabwaga gutsinda uyu mukino kugira ngo zigere muri 1/4.

Baje kwitwara neza batsinda Zimbabwe ibitego 32-16 bahita babona itike ya 1/4 aho bazamutse ari aba kabiri n’amanota 4 muri iri tsinda A inyuma ya Côte d’Ivoire ifite 6.

Amavubi U23 yageze muri 1/4

Uyu munsi u Rwanda ruraza gukina umukino wa 1/4 na Angola saa 14h30′ ku isaha y’i Kigali mu Rwanda.

Umutoza w’abanyezamu, Ndayishimiye Eric Bakame n’umutoza wongereraga imbaraga abakinnyi, Niyonkuru Ramadhan Boateng bari mu ikipe y’igihugu y’abatarengeje imyaka 17, bakuwe mu mwiherero w’iyi kipe bitunguranye barasimbuzwa.

Ikipe y’Igihugu y’abatarengeje imyaka 17 imaze iminsi mu mwiherero aho barimo gushaka abakinnyi bazakina CECAFA y’abato izabera i Kigali mu Kwakira 2026.

Iyi kipe iyobowe na Jimmy Mulisa nk’umutoza mukuru na Alain Kirasa umwungirije, bari bamaranye igihe na Ndayishimiye Eric Bakame nk’umutoza w’abanyezamu na Niyonkuru Ramadhan benshi bazi nka Boateng nk’umutoza wongerera imbaraga abakinnyi, akazi asanzwe akora no muri Mukura VS.

Aba batoza bakaba basimbujwe aho Bakame yasimbujwe Amir Khan, umutoza w’abanyezamu b’Intare FC n’aho Boateng asimbuzwa Nshimiyimana Amdoun usanzwe ari umutoza wungirije muri Marine FC akaba ari bo bagiye gukomeza akazi batangiye.

Amakuru avuga ko aba batoza bongewemo bari basanzwe ari bo bahawe akazi ariko kuko umwiherero wari utaratangira ku buryo bwemewe bari basabye Boateng na Bakame kuba baza gufasha mu myitozo kuko abandi bari bataraboneka.

Boateng asanzwe ari umutoza wongerera imbaraga abakinnyi muri Mukura VS

Bakame bitunguranye yasimbujwe

Umuhanzi akaba na Producer, Element Eleéeh yateguje indirimbo nshya yise ‘My Dear’ avuga ko ari indirimbo ishingiye ku nkuru mpamo.

Abinyujije ku mbuga nkoranyambaga ze, uyu muhanzi umaze iminsi abarizwa muri Leta Zunze Ubumwe za Amerika yashyizeho ‘post’ abwira abakunzi be kuri iyi ndirimbo ya ‘My Dear.’

Element Eleéeh ‘post’ yayiherekeresheje amagambo asobanura byinshi kuri iyi ndirimbo avuga ko ishingiye ku nkuru mpamo.

Ati “Ishingiye ku nkuru mpamo. Hari ibintu bimwe byoroha kuvuga binyuze mu ndirimbo. Iyi nayegereje umutima.”

Element Eleéeh ni umwe mu bahanzi bakunzwe cyane bitewe n’indirimbo ze zanyuze benshi nka ‘Kashe’ bivugwa ko yasohoye ayikoreye uwo bakundanaga ariko mbere yo kuyisohora baza gutandukana, ariko n’ubundi ahitamo kuyisohora.

Agiye gusohora iyi ndirimbo mu gihe yaherukaga gusohora ‘Ayayaah’ mu mezi ane ashize yakoranya na Bien na Joshua Baraka.

Element agiye gusohora indirimbo My Dear

Umuhanzi w’indirimbo zo kuramya no guhimbaza Imana akaba n’umunyamakuru wa BTN TV, Elisa Tugirumukiza yasohoye indirimbo nshya yise Umugisha.

Elisa Tugirumukiza ni umwe mu banyamwuga bahuza itangazamakuru n’umuziki wo kuramya Imana. Usibye kuba akora umwuga w’itangazamakuru kuri BTN TV, afite n’impano yo kuririmba no kwandika indirimbo zihimbaza Imana, akaba amaze kumenyekana mu ndirimbo zitandukanye zirimo Mwuka Wera, Inzira y’Ukuri, Komeza Imbere, Ni Yesu Ugira Neza, Ibyiringiro na Cya Gitare.

Mu ndirimbo ye nshya, Elisa yibanze ku gisobanuro cy’umugisha w’Imana, avuga ko umugisha nyakuri udakwiye kureberwa gusa ku mutungo, amafaranga cyangwa ku ntsinzi umuntu aba yagezeho.

Ati 'Umugisha ni indirimbo yibutsa abantu ko umugisha nyakuri udashingiye gusa ku byo umuntu atunze cyangwa ku ntsinzi yo mu buzima, ahubwo ushingiye ku kuba umuntu afitanye umubano mwiza n’Imana.'

Elisa avuga ko ubutumwa buri muri iyi ndirimbo ari ubwo kwibutsa abantu ko Imana ishaka kubayobora, kubagirira neza no kubabera isoko y’ibyiringiro.

Elisa avuga ko ubuhamya yagiye ahabwa n’abakunzi b’indirimbo ze ari kimwe mu bintu byamwongereye imbaraga zo gukomeza gukora umuziki wo kuramya Imana.

Ati 'Ibyo byanyeretse ko ibyo turirimba atari amagambo gusa, ahubwo bishobora kuba igikoresho Imana ikoresha gukomeza no guhumuriza abantu.'

Yize amashuri yisumbuye muri Kampala Secondary School (KSS), akomeza kwiga Finance muri ULK, Theology and Leadership muri Africa College of Theology (ACT), ndetse aniga amasomo y’ubumisiyoneri muri YWAM Jinja Missionary School muri Uganda.

Yakoze kandi amasomo ajyanye n’umuziki muri Uganda n’andi mahugurwa yamufashije kurushaho guhuza ubumenyi bwe n’umurimo wo kuramya Imana.

Elisa Tugirumukiza yasohoye indirimbo nshya

Amakipe abiri ahagarariye u Rwanda mu mikino Nyafurika ya CAF Champions League na CAF Confederation Cup, APR FC na Rayon Sports zinjiye mu mwiherero zitegura imikino yo kwishyura y’ijonjora ry’ibanze.

APR FC izakina na Les Aigles du Congo mu mukino wo kwishyura wa CAF Champions League uzaba ku wa Gatanu tariki ya 11 Nzeri 2026 kuri Stade Amahoro.

Umukino ubanza wabereye muri Repubulika Iharanira Demokarasi ya Congo, Aigles du Congo yatsinze 1-0, APR FC ikaba isabwa gutsinda kugira ngo ikomeze mu kindi cyiciro.

APR FC ikaba irimo gukorera imyitozo i Shyorongi aho isanzwe ikorera ikaba yanatangiye umwiherero ejo hashize ari nabwo basubukuraga imyitozo.

Ku rundi ruhande, Rayon Sports na yo ejo hashize yasubukuye imyitozo yetegura umukino wo kwishyura izakina na Panthère Sportive du Ndé yo muri Cameroun.

Ni umukino uzaba tariki ya 12 Nzeri 2026 kuri Stade Amahoro aho nayo isabwa gutsinda kuko umukino ubanza banganyije 1-1.

Iyi kipe ikaba irimo gukorera imyitozo ku kibuga cya FERWAFA nayo ikaba yageze mu mwiherero yitegura uyu mukino.

Rayon Sports yasubukuye imyitozo ininjira mu mwiherero

APR FC nayo yasubukuye imyitozo

Ni umuhango wabaye ku wa 8 Nzeri 2026 mu Murenge wa Kinyinya, Akagari ka Murama.

Iki kigo cyubatswe na Imbuto Foundation ku bufatanye na Mount Kigali University. Gifite ibyumba bitatu by'amashuri, ndetse n'icyumba cyo kuryamishamo abana.

Umubyeyi urerera muri iki kigo, Mukeshimana Delphine, yagaragaje ko mbere ahari iki kigo hari ishuri rimwe ryigishirizwamo abana 80 icyarimwe ariko ubu byakemutse.

Ati 'Mbere abana ntibigaga neza rimwe na rimwe basibaga ishuri bakaza bakirirwana natwe mu mirimo yacu ya buri munsi bagasiba amasomo. Ariko ubu abana babonye ibyumba bihagije, bariga neza kandi bisanzuye ku buryo n'abarimu babona uko babakurikirana.'

Umuyobozi Mukuru wa Imbuto Foundation, Shami Elodie, yavuze ko uru rugo ruzabera ababyeyi umufatanyabikorwa mwiza mu rugendo rwo kurera abana.

Ati 'Dukomeze kurufata neza, turubungabunge kandi dufatanye n'abarezi kugira ngo abana bacu barukuriremo neza. Uruhare rwa buri wese ni ingenzi kugira ngo rukomeze kugirira akamaro abana n'imiryango yacu.'

Umuyobozi Mukuru w'Ikigo cy'Igihugu gishinzwe Imikurire no Kurengera Umwana (NCDA), Ingabire Assumpta, yagaragaje ko uru rugo ruje rwiyongera ku zindi 32.755 ziri hirya no hino mu gihugu aho muri zo 374 n'uru rurimo ari izi cyitegererezo.

Agaragaza ko ibi bigaragaza ko serivisi mbonezamikurire zitangwa mu buryo bukomatanyije ari umusingi wo kubakiraho imikurire myiza y'umwana mu buryo bwuzuye.

Ati 'Iyo umwana ahabwa serivisi mbonezamikurire zifite ireme harimo imirire, ubuzima, isuku, agakangurwa ubwonko, akarindwa, agahabwa uburere buboneye bimwubakira umusingi ukomeye w'ubuzima bwe aho akura neza haba mu gihagararo, mu bwenge, mu mibanire n'abandi ndetse no mu mivungire ye. Ni yo mpamvu gushora imari muri serivisi mbonezamikurire y'abana bato ari imwe mu nkingi z'ingenzi zo kubaka Igihugu gifite abaturage bafite ubuzima bwiza kandi bafite ubushobozi.'

Umuyobozi watangije Mount Kigali University, Prof Simon Gicharu, yagaragaje ko uru rugo rufite ubushobozi bwo gufasha umwana kwiga neza kandi mu buryo bugezweho kuko rufite ibikoresho byose umwana akenera ngo abone ubumenyi.

Ati 'Kubigishiriza mu mashuri agezweho bizatuma bakura bazi gukoresha ibikoresho by'ikoranabuhanga mu buryo bwiza kandi buboneye. Kubaka inyubako nk'izi ni kimwe, ariko gutuma zikoreshwa neza na byo ni ikindi. Tugomba gushaka uburyo n'ingamba byatuma ababyeyi bashishikarira kuzana abana muri izi ngo.'

Uru rugo kugeza uyu munsi rurimo abana 109 bigishwa guhera mu gitondo kugeza saa munani bagataha.

Ibi byagezweho nyuma y'ibiganiro bya dipolomasi hagati y'ibihugu byombi. Perezida w'Inteko Ishinga Amategeko ya Gabon, Michel Régis Onanga Ndiaye, yavuze ko Yembi yarekuwe n'ubutabera bw'u Rwanda, agashyikirizwa inzego za Gabon.

Yembi yari afungiye mu Rwanda ategereje kuburanishwa ku byaha akekwaho by'urugomo ku mukozi wa RwandAir wo ku Kibuga Mpuzamahanga cy'Indege cya Kigali. Inzego z'u Rwanda zamwemereye kuva mu gihugu ku wa 6 Nzeri.

Inteko Ishinga Amategeko ya Gabon yavuze ko ibi byashobotse kubera imbaraga za dipolomasi zashyizwe mu kibazo n'ibihugu byombi, ndetse n'umubano uri hagati ya Perezida wa Gabon Brice Clotaire Oligui Nguema na Perezida w'u Rwanda Paul Kagame nk'uko ibinyamakuru byo muri Gabon bibitangaza.

Uko byagenze kugira ngo afungwe

Amashusho yakwirakwijwe n'ibinyamakuru byo muri Gabon agaragaza uyu mudepite akubita urushyi umukozi wo ku Kibuga cy'Indege. Ntabwo higeze hasobanurwa impamvu y'iyi myitwarire.

Bivugwa ko Depite Yembi yageze mu Rwanda ari mu rugendo rumwerekeza mu kindi gihugu (transit). Akigera i Kanombe, kuko yari afite amasaha menshi yo gutegereza indi ndege, yahisemo gusohoka ajya muri hoteli.

Igihe cy'urugendo rwe kigeze, yagarutse ku Kibuga cy'Indege nk'abandi bagenzi, arasakwa, ahabwa itike imwinjiza mu ndege (Boarding Pass). Hari amakuru avuga ko ubwo yari kuri hoteli, yafashe ibinyobwa bisembuye, agaruka ku Kibuga cy'Indege afite agasamusamu.

Nyuma yo guhabwa Boarding Pass, hakurikiyeho umwanya wo gutegereza kujya mu ndege, ageze ku muryango wa nyuma, ari na wo umuntu asohokamo yinjira mu kibuga cy'indege, yasabwe kwerekana Boarding Pass ye na Passport ariko arinangira ntiyabitanga.

Yashatse guhatiriza kugira ngo agende atabyerekanye, ni bwo guhita abirambika ku meza, akubita umukozi wo ku Kibuga cy'Indege urushyi.

Yahise afatwa arafungwa, inzego z'u Rwanda zibimenyesha iza Gabon, hatangira ibiganiro byanagejeje ku ifungurwa rye.

Gusubizwa muri Gabon kwa Yembi ntibisobanuye ko ikibazo cye kirangiye. Biteganyijwe ko ashyikirizwa ubutabera bwa Gabon, kugira ngo bugenzure uko ibyabaye byagenze kandi bugene ikizakurikiraho.

Inteko Ishinga Amategeko ya Gabon yatangaje ko igitegereje ko ishyikirizwa dosiye ku mugaragaro mbere yo gufata icyemezo ku byemezo bishobora gufatirwa Yembi ku bijyanye n'umwanya we nk'umudepite, by'umwihariko ku budahangarwa ahabwa n'amategeko.

Rwanda has released Gabonese MP Augustin Lobelle Yembi. He will face trial at home, not in Kigali.

On 3 September 2026, police stopped him at Kigali International Airport. Officials say he attacked a RwandAir supervisor in a sudden airport fight.

A video shared online appears… pic.twitter.com/239RgxAUcA

— 97.8 Kazo FM Omushomesa (@978KazoFM) September 8, 2026

Amakuru IGIHE yamenye ni uko Habimana n'umuryango we bari batuye mu Murenge wa Murunda, Akagari ka Rugeyo ho mu Mudugudu wa Rusongati. Ibura rye ryabaye ku Cyumweru tariki 6 Nzeri 2026, ubwo yavaga mu rugo agiye gusenga Misa ya mbere ariko birangira adatashye.

Ku munsi wakurikiyeho, ku wa Mber, mu Murenge wa Musasa, Akagari ka Nyarubuye ho mu Mudugudu wa Bwinyana ku masaha y'umugoroba ku nkengero z'Ikiyaga cya Kivu hatoraguwe imyambaro, irimo ipantaro, inkweto n'ishati.

Umurambo we waje kuboneka, kuri uyu wa Kabiri, mu Murenge wa Boneza, Akagari ka Remera ho mu Mudugudu wa Kinunga.

Umuvugizi wa Polisi mu Ntara y'Iburengerazuba, SP Sylvestre Twajamahoro, mu kiganiro na IGIHE yagaragaje inzego zibifitiye ububasha zatangiye iperereza.

Ati 'Amakuru y'urupfu rwa Habimana twayamenye, kandi inzego zibifitiye ububasha zatangiye iperereza ku cyateye urupfu rwe.'

Yanaboneyeho kwibutsa abaturage kwirinda kujya mu mazi batazi koga.

Umurambo wa nyakwigendera wajyanwe ku bitaro bya Murunda gukorerwa isuzumwa mbere y'uko ushyingurwa.

Ibi bikunze gutuma harangwamo n'ibinyabiziga byinshi, byahurirana n'imiterere y'uyu muhanda y'uko ari muto bigatuma habaho umuvundo w'imodoka, ibikunze kugira ingaruka ku bawukoresha bagiye mu bikorwa bitandukanye birimo akazi, kujyana abana ku ishuri ndetse n'ibindi.

Nyuma y'uko abaturage bagaragaje ibi bibazo, Guverinoma y'u Rwanda yashakishije uburyo bwo kwagura no kuvugurura uyu muhanda wa Prince House-Giporoso-Masaka.

Kuri uyu wa 8 Nzeri 2026, nibwo Minisiteri y'Ibikorwaremezo na Ambasade y'u Bushinwa mu Rwanda batangije kumugaragaro imirimo yo kwagura uyu muhanda ukunze gukoreshwa cyane.

Ubwo byatangizwaga IGIHE yegereye bamwe mu baturage baturiye ahagiye gukorwa uyu muhanda, bayibwira zimwe mu mbogamizi bakundaga guhura nazo kubera umuvundo w'imodoka zikunze kurangwa muri uyu muhanda ndetse banagaragaza inyungu biteze mu kuba ugiye gukorwa.

Nkundimana Innocent ukora mu i Garage yavuze ko yishimiye ko uyu muhanda ugiye gukorwa kuko bizafasha kugabanya imbogamizi n'ingorane bakundaga guhura nazo igihe babaga bari gusuzuma imodoka bakoze muri uyu muhanda.

Ati 'Hari igihe nakoze imodoka noneho ngiye kuyisuzuma inkwamiraho mu gihe Abapolisi n'abaturage bageragezaga kumfasha kuyisunika. Mu gihe turimo dusunika imodoka yahise inuruka inyuma ingoga ikirenge. Ibyo byose byabaye kubera umuvundo waruri muri uyu muhanda gusa kuba ugiye gukorwa umuvundo w'imodoka ugiye kugabanyuka kandi ube mwiza kurushaho.'

Yagaragaje ko nyuma yo gusobanukirwa uko uwo muhanda uzaba wubatsemo yabonye ko u Rwanda rugiye kuba rumeze nko mu bihugu bikomeye byo hanze.

Ati 'Sindagera Dubai ariko ndabona hano hagiye kuba nka Dubai, hazaba hakeye, umuhanda usobanutse, umubyigano w'imodoka wagabanyutse ku buryo abantu bazajya bajya mu kazi mu buryo bworoshye bitabagoye.'

Mucyo Denis utuye mu Murenge wa Niboye mu Karere ka Kicukiro ariko akaba akunda gukoresha uyu muhanda kubera akazi akora ko kurangira abantu ibibanza n'inzu zo guturamo muri Masaka, yavuze ko yigeze kubura ikiraka kubera umubyigano ukunze kurangwa muri uyu muhanda wa Prince House-Giporoso-Masaka.

Ati 'Hari ikibanza nari nabonye i Masaka noneho nyirangira umuntu ariko agezeyo asanga ngewe ntarahagera gusa yatangiye kumamagara ngeze muri uyu muhanda ariko hari habayemo umubyigano w'imodoka nyinshi. Nagezeyo nsanga uwo naringiye kurangira ikibanza bamurangiye undi kubera ko natinze kuhagera.'

Yagaragaje ko kuba hagiye kwagurwa no kuvugurura uyu muhanda hari inyungu nyinshi bazungukiramo nk'abaturage bahatuye.

Ati 'Inyungu zizagaragara mu kubaka uyu muhanda ni nyinshi kubera ko hazaba harimo ibyiciro byinshi by'imihanda. Wasangaga bamwe bashaka kujya i Masaka bakoresha umuhanda umwe ugasanga umuvundo w'imodoka wabaye mwinshi ariko nishimiye ko ugiye kubakwa mu buryo bugezweho ku buryo uzaba ujyanye n'icyitegererezo tugezemo.'

Kubaka umuhanda Prince House-Giporoso-Masaka bishobora kumara amezi 15 gusa

Ubundi imirimo yo kwagura no kuvugurura umuhanda Prince House-Giporoso-Masaka yatangiye ku wa 30 Kanama 2026, izamara amezi 30, ni ukuvuga imyaka ibiri n'igice.

Umunyabanga wa Leta muri Minisiteri y'Ibikorwaremezo, Col Claudien Bizimungu yasabye
abazagira uruhare mu kwagura no kuvugurura uyu muhanda gushyiramo imbaraga ku buryo bashobora gusoza iyi mirimo mbere y'amezi 20 cyangwa 15.

Ati 'Hari ibiteganywa mu masezerano y'uko umuhanda ugomba kurangira mu mezi 30 ariko turasaba kandi birashoboka mu bufatanye bwacu n'abagiye kutwubakira y'uko byihutirwa abantu bakabirangiza mu gihe gito gishoboka kugira ngo abaturage, abakoresha uyu muhanda haba abajya ku kazi, abajyana abana ku ishuri n'abandi bongere kuwukoresha.'

Ambasaderi w'u Bushinwa mu Rwanda, Gao Wenqi yavuze ko yishimiye ko ubufatanye hagati ya Guverinoma y'u Rwanda n'iyu Bushinwa mu guteza imbere ibikorwaremezo by'ubwikorezi no gushyigikira iterambere rirambye ry'igihugu bukomeje gukomera binyuze mu mishinga itandukanye.

Mu minsi ishize Ambasade y'u Bushinwa mu Rwanda yashyikirije Minisiteri y'Ubuzima Ibitaro bya Masaka bivuguruye, bizimukiramo Ibitaro bya Kaminuza bya Kigali.

Ati 'Mu bitaro niho abantu bivuriza indwara zitandukanye bikaba byabafasha kurinda ubuzima bwabo ikindi ni uyu muhanda twatangije kumugaragaro ibikorwa byo kuwubaka ukaba uteganyijwe ko uzagira uruhare mu izamuka ry'ubukungu bw'igihugu.'

Yagaragaje ko impamvu ubu bufatanye hagati y'u Bushinwa n'u Rwanda bukomeza gutera imbere uko bwije n'uko bukeye ahanini bishingira ku kuba ibihugu byombi bihuriye ku ntego zo guteza imbere abaturage babituye.

Uyu mushinga uzatwara amafaranga arenga miliyari 130 Frw, harimo miliyari 95 Frw zizatangwa na Guverinoma ya Repubulika y'Abaturage y'u Bushinwa, mu gihe Guverinoma y'u Rwanda yo izatanga miliyari 35 Frw.

Uyu muhanda ureshya n'ibilometero 10,3 uzahabwa ibice bine. Ubusanzwe wari ufite ibice bibiri binyuramo ibinyabiziga bijya mu byerekezo binyuranye.

Uzashyirwaho igice cyo hejuru mu rwego rwo kugabanya umuvundo uwugaragaramo. Ni igice kizaba kireshya na kilometero 1,3.

Biteganyijwe ko hazakorwamo ibikorwa binyuranye kubaka ibiraro bica hejuru y'indi mihanda, kuvugurura amasangano y'imihanda, inzira zica munsi y'imihanda n'ibindi.

Amafoto: Elie Ntirenganya