Webrwanda Backend

Blog

  • Abapolisi b’u Rwanda bari muri Centrafrique bahaye amazi meza abaturage –

    Amazi yahawe aba baturage ari mu byiciro bibiri, hari ari mu bigega Polisi y’u Rwanda ishyira abaturage aho batuye n’andi anyura mu miyoboro y’amazi (Nayikondo).

    Igikorwa cyo gushyikiriza aba baturage amazi cyari kiyobowe n’Umuyobozi w’Itsinda ry’Abapolisi b’u Rwanda bari mu Murwa Mukuru wa Centrafrique (FPU-1), CSP Claude Bizimana.

    CSP Bizimana yavuze ko Polisi y’u Rwanda kwegereza abaturage amazi biri muri gahunda yo kubacungira umutekano kugira ngo harindwe ingaruka zaterwa no kujya kuyashaka kure bakaba bagirirwa nabi.

    Ikindi kandi bijyanye no kurinda abana n’abagore kujya muri ibyo bikorwa bibashora mu mirimo yatuma bahura n’ihohoterwa.

    Ati “ Iki gikorwa cyo gutanga amazi kiri mu rwego rwo gukomeza gucungira umutekano aba baturage kuko byabasabaga kujya gushaka amazi kure nyamara bashobora kuhahurira n’inyeshyamba zikaba zabagirira nabi. Ni no mu rwego rwo kuzamura imibereho myiza yabo kuko ni meza aratuma bagira isuku.”

    CSP Bizimana yakomeje abwira aba baturage ko ibikorwa bya Polisi bitazajya bigarukira mu kurinda aba baturage gusa ko ahubwo bazakomeza gufatanya no mu bindi by’iterambere n’imibereho myiza birimo umuganda gufatanya mu burezi, kuboneza imirire bubaka uturima tw’igikoni, ubuvuzi n’ibindi.

    Yabasabye kuzajya bafata neza amazi bahawe ntibayapfushe ubusa kuko amazi ari ubuzima.

    Umwe mu bahawe amazi, Yvas Tarcosuss Kola, yashimiye Polisi y’u Rwanda uburyo ibitaho ntibagarukire mu kubacungira umutekano mu nkambi gusa ahubwo bakabafasha kwiyubaka mu bundi buzima.

    Yavuze ko bakoraga ibilometero byinshi bajya gushaka amazi kandi nayo atari meza.

    Ati “ Twari dufite ikibazo cy’amazi kidukomereye, byadusabaga kuva mu nkambi tukajya kuyashaka hanze kandi naho ni mu mugezi ntabwo ari meza. Twabaga dufite ibyago byo kuba twahurira mu nzira n’abagizi ba nabi bakatugirira nabi cyane cyane abagore n’abakobwa.”

    Yakomeje ashimira Abapolisi b’u Rwanda uburyo barangwa n’ikinyabupfura no gukora kinyamwuga kuko bazirikana ko impunzi bashinzwe kurinda zidakeneye umutekano gusa ahubwo bakagerekaho no kubagezaho ibikorwa bibahindurira ubuzima nko kubafasha kwicungira umutekano no kuzamura imibereho myiza.

    Si ubwa mbere Abapolisi b’u Rwanda bakoze igikorwa nk’iki cyo gushyikiriza abaturage amazi meza kuko no mu 2019 irindi tsinda ry’Abapolisi b’u Rwanda ryari ryahaye abaturage amazi meza impunzi ziri mu Murwa wa Bangui ahitwa ahitwa Saint Paul I.

    Mu 2020 nibwo Abapolisi b’u Rwanda bari mu butumwa bwo kubungabunga amahoro muri Centrafrique mu Mujyi wa Bangui batangiye umushinga mugari wo kwegereza abaturage amazi meza.

    Polisi y’u Rwanda igira uruhare mu bikorwa bitandukanye bigamije imibereho myiza y’abaturage

    Mu bice byinshi bya Centrafrique, abaturage nta mazi meza bagira

  • Ubufatanye mu by’umutekano, gushimira, kugira inama…-Ibyo Museveni yaganiriye na Evariste #rwanda #RwOT

    Perezida Evariste Ndayishimiye wagiye muri Uganda ku wa Kabiri w’iki cyumweru, yanitabiriye irahira rya Perezida Yoweri Kaguta Museveni warahiye tariki 12 Gicurasi.

    Muri uru ruzinduko rw’Iminsi itatu, Perezida Evariste Ndayishimiye wa Uganda yasuye ibikorwa binyuranye ndetse anaganira na mugenzi we Museveni.

    Aba bakuru b’ibihugu bombi baganiriye ku kongera imbaraga umubano n’imikoranire hagati y’ibihugu byombi mu nzego zinyuranye zirimo Ubuhinzi, ibijyanye n’ingufu, ubucuruzi, ubuzima, ubukungu, ubukerarugengo ndetse n’ishoraramari.

    Mu kiganiro bagiranye n’Itangazamakuru gisoza ruriya ruzinduko, Perezida Evaritse Ndayishimiye yashimiye mugenzi we Museveni yerura ko Igihugu cye gifata nk’umubyeyi Uganda kuko babafashije gutekana.

    Ubwo mu Burundi hari imvururu zatewe no kuba uwari Perezida Pierre Nkurunziza yarashakaga kwitoza muri manda ya gatatu muri 2015, Perezida Museveni yashyizweho nk’umuhuza w’abataravugaga rumwe n’ubutegetsi bwa Nkurunziza.

    Perezida Evariste Ndayishimiye wasimbuye Nkurunziza, yabwiye Museveni ko amufata nk’umubyeyi ndetse ko yari yagiye mu gihugu cye kumva inama amugira.

    Perezida Yoweri Kaguta Museveni na we yizeje ubufatanye mugenzi we Ndayishimiye mu ngeri zinyuranye.

    By’umwihariko yavuze ko igihugu cye kifuza gukorana n’u Burundi mu bijyanye n’ibya gisirikare. Perezida Museveni yavuze ko azohereza itsinda ryo mu nzego z’umutekano kugira ngo baganire na Leta y’u Burundi ibijyanye n’iyi mikoranire.

    Yamwizeje kandi ko bazakorana mu bijyanye n’ubukungu ndetse ko ashaka gufasha u Burundi kureba ko muri kiriya gihugu hari peteroli kugira ngo kirusheho gutera imbere.

    UKWEZI.RW

    Source : http://www.ukwezi.rw/Mu-mahanga/Politiki/article/Ubufatanye-mu-by-umutekano-gushimira-kugira-inama-Ibyo-Museveni-yaganiriye-na-Evariste

  • Abapolisi bambaye Sivile bagaragaye bakubita uwari watorotse Kasho batawe muri yombi #rwanda #RwOT

    Ni amashusho yashyizwe kuri Twitter n’umwe mu bakoresha uru urubuga agaragaza abagabo bane bateruye umuntu, bamwe bafashe amaboko abandi bafashe amaguru.

    Muri aya mashusho, aba bagabo baba birukankana uyu wafashwe shishi itabona bagahita bamugeza ahaparitse imodoka ubundi bamwe muri bo bakabanza kumukubira ingumi mbere yo kumwinjiza muri iyo modoka.

    Uwitwa Yusuf Sindeba washyize kuri Twitter aya mashusho akayasangiza Polisi y’u Rwanda, agira ati 'Mwiriweho sinzi niba Polisi y’u Rwanda na RIB mwabasha kumenya iby’iyo modoka kuko uwo muntu bayitwayemo bahondaguraga gutyo mu ruhame ubu aho bamujyanye sinzi uko bari kumugenza. Ntangiye amakuru ku gihe.'

    Nyuma y’amasaha macye uyu Yusuf atangaje ubu butumwa n’aya mashusho, Polisi y’u Rwanda imusubiza kuri Twitter na yo igira iti 'Uyu wafashwe n’abapolisi bambaye imyenda ya sivili ni uwitwa Nshimiyimana Jean Pierre wari watorotse kasho ya Polisi nyuma yo gufatwa akekwaho ibyaha byo gukoresha ibiyobyabwenge n’ubujura ubu akaba afungiye kuri sitasiyo ya Polisi ya Muhoza.'

    Ubutumwa bwa Polisi bukomeza bugira buti 'Abapolisi babiri (2) bigaragara ko bamukubise nabo bafashwe kandi bazahanwa hakurikijwe amategeko.'

    Bamwe mu bapolisi b’u Rwanda mu minsi yashize bagiye bagaragaraho gukoresha ingufu z’umurengera ndetse byatumye bamwe mu baturage bahasiga ubuzima nko mu bihe byo kwirinda COVID-19 hakaba harabazwe abantu bane bishwe n’Abapolisi babasaba kubahiriza amabwiriza.

    Umuvugizi wa Polisi y’u Rwanda mu kiganiro aherutse kugirana na UKWEZI TV, yavuze ko umupolisi wese ugaragaweho imyitwarire mibi nk’iyo guhohotera umuturare, abiryozwa haba mu nkiko ariko n’uru rwego rukamugenera ibihano bijyanye n’amahame yarwo.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Abapolisi-bambaye-Sivile-bagaragaye-bakubita-uwari-watorotse-Kasho-batawe-muri-yombi

  • Korali Inyange za Mariya yo muri St Michel yasohoye indirimbo ya mbere bise izina ryabo #rwanda #RwOT

    Ni indirimbo yasohokanye n’amashusho yayo, ikaba ari indirimbo isanzwe iririmbwa mu kiliziya mu bihe byo gutura igitambo cy’Ukarisitiya.

    Iyi ndirimbo Inyange za Mariya yumvikanamo amagambo yo gukomeza Abakristu dore ko itangira igira iti 'Inyange za Mariya ntumukababare kandi amaherezo tuzamusanga…'

    Aka gace k’inyikirizo kumvikanamo amagambo yo kwizeza ko abazemera kwiragiza Umubyeyi Bikiramariya bamusaba kubahuza n’umuhungu we Yezu, atazigera abatenguha.

    Mu gitero cya mbere, igira iti 'Nimukunde gusenga mushishikaye mubyinire uwo mubyeyi ni nyina wa Jambo.'

    Ubuyobozi bw’iyi Korali iri mu za mbere zikunzwe mu Rwanda, buvuga ko bifuje kwitirira iyi ndirimbo yabo izina ryabo kuko ije ari urufunguzo rw’izindi ndirimbo bagiye gushyira hanze.

    Bagira bati 'Iyi ndirimbo kandi itangije urugendo rw’izindi ndirimbo nyinshi kandi nziza Korali Inyange za Mariya irajya ibagezaho mu minsi iri imbere. Mushonje muhishiwe.'

    Iyi Korali yari ifite indi Album y’izindi ndirimbo nyinshi z’amajwi ariko zitari zifite amashusho.

    Iyi ndirimbo ifite amashusho yayo, igaragaramo abasanzwe ari abaririmbyi bayo bo mu ngeri zose baba abasaza n’amajigija, Abasore n’inkumi n’abakecuru batega urugori bakaberwa.

    Irimo kandi Abanyamuziki b’indirimbo za Kiliziya barimo Muzehe Jean Marie Vianneye Ntabana n’umuhanzi Marius Bison wamenyekanye cyane nka Padiri wazutse.

    REBA INDIRIMBO YOSE

    Korali Inyange za Mariya imaze imyaka 24 kuko yavutse tariki 08 Ukuboza 1997, ivukira mu muryango-remezo wa Kinyange mu Gitega.

    Ni Korali Yisunze Bikiramariya Utasamanywe icyaha (Immaculée Conception) ubu ikaba iri mu rugendo rwa Yubile y’imyaka 25 izizihiza mu mwaka utaha wa 2022.

    Ibikorwa byabo mwabibona ku mbuga nkoranyambaga Zabo ari zo Youtube, Facebook ndetse na Instagram hose ni *Chorale INYANGE Za Mariya* no kuri Email : [email protected]

    UKWEZI.RW

    Source : http://www.ukwezi.rw/Imyidagaduro/article/Korali-Inyange-za-Mariya-yo-muri-St-Michel-yasohoye-indirimbo-ya-mbere-bise-izina-ryabo

  • Dore ibyiza bitandukanye massage yafasha umubiri #rwanda #RwOT

    Abenshi usanga bakoresha massage iyo bananiwe ndetse abandi bakayikora mu rwego rwo kwishimisha, akenshi nyuma ya sauna cyangwa siporo.

    Massage ikozwe neza, ishobora kuba uburyo bwiza bwo kubungabunga ubuzima bwawe no kongera muri rusange imikorere myiza y'umubiri.

    Ubusanzwe ifatwa nk'uburyo bwo kuvura no gufasha gukira vuba mu gihe urwaye. Ubushakashatsi bwerekana ko mu gihe ikozwe neza (aha turavuga ikorwa n'ababyigiye kugorora ingingo zitandukanye z'umubiri) igirira akamaro umubiri cyane.

    Massage ni iki?

    Ubu ni uburyo bwo kwagaza, gukandakanda no kugorora ingingo zitandukanye z'umubiri harimo; imikaya, uruhu, aho amagufa agiye ahurira n'ahandi. Hariho uburyo butandukanye bwo kumasa harimo; ubworoheje cg se hakoreshejwe imbaraga.

    Massage ifasha iki umubiri?

    Igabanya ububabare mu mikaya n'umugongo; Niba wumva ubabara mu ngingo zitandukanye, ishobora kuba uburyo bwiza bwo gukuraho no kurwanya ububabare, kuko yongera imitemberere myiza y'amaraso igakuraho ububabare. Niba ukunda kubabara umugongo wo hasi, ni umuti mwiza w'ubwo bubabare mu gihe ikozwe neza.

    Ituma usinzira neza: Mu gihe ikozwe neza igabanya ibibazo byo gusinzira nabi cg kubura ibitotsi. Ku bantu bakunda kugira ibibazo bitandukanye byo gusinzira, irafasha cyane

    Yongera akanyamuneza ikarwanya stress no guhangayika: Ubushakashatsi bwakozwe n'ikigo Touch Research Institute (TRI) bwerekana ko ifasha mu kurwanya stress no guhangayika kuko igabanya umusemburo witwa cortisol; uyu ni umusemburo ubwonko busohora mu gihe ugize ubwoba cg ufite ibibazo byinshi muri wowe ukongera dopamine na serotonin; imisemburo irekurwa iyo umuntu yishimye cg ageze kucyo ashaka

    Yongerera imbaraga ubudahangarwa bw'umubiri: Ubushakashatsi bwakozwe n'ikigo cy'abanyamerika Cedars-Sinai medical center bwerekanye ko ikozwe byibuze iminota 45 yongera ubudahangarwa bwawe; yongera imbaraga uturemangingo tw'umweru tw'amaraso (white blood cells) zo kurwanirira umubiri; utu turemangingo tuzwiho kurwanya indwara zose zishobora kwibasira umubiri.

    Yongera kumera neza k'uruhu rwawe muri rusange no kugubwa neza: Massage ituma amaraso atembera neza mu mubiri; bityo isuku n'isukura ryayo rigakorwa neza hasohoka imyanda n'ibindi bidakenewe mu maraso, bigatera uruhu rwawe guhumeka no kugubwa neza.

    Massage igabanya ububabare: Ku bantu bakunda kugira ububabare mu gice cy'umugongo hasi, kubabara umutwe muri rusange cg uruhande rumwe, uyu ni umuti mwiza.

    Ni ibihe bibi bya massage?

    Nubwo ifitiye akamaro kenshi umubiri, ariko ikozwe nabi nabwo ishobora kwangiza umubiri, ubusanzwe ntigomba kubabaza cg gutuma umererwa nabi, niba uri kuyikorerwa ukumva ubabara hita ubivuga ako kanya. Ibibazo byinshi biterwa na massage bituruka ku kubabara igihe kinini iyo hari gukoreshwa imbaraga.

    Hari abantu batemerewe gukorerwa massage, cyereka iyo wabigiriwemo inama na muganga. Niba ufite kimwe mu bibazo bikurikira banza ubaze muganga mbere yo kugana muri massage;

    •Ufite ibibazo byerekeranye n'urwungano rw'amaraso, harimo kuva cyane cg se kuvura kw'amaraso kutagenda neza

    •Ufite ibisebe cg se ubushye ku mubiri

    •Niba waravunitse cyane amagufa

    •Ufite izindi ndwara zikomeye zibasira amagufa

    •Niba ufite ikibazo gitera imitsi yawe kwifunga, ntibashe gutambutsa amaraso neza

    •Mu gihe utwite cg se urwaye kanseri, ni byiza kubanza kubaza muganga niba ushobora kuyikorerwa.

    Src: Umutihealth.com

    Source : https://impanuro.rw/2021/05/14/dore-ibyiza-bitandukanye-massage-yafasha-umubiri/

  • Perezida Kagame yakiriye mu Biro bye umuyobozi wa Africa CDC n'uwa Buffet Foundation – #rwanda #RwOT

    Ibiro by'Umukuru w'Igihugu byatangaje ko abo bayobozi yabakiriye kuri uyu wa Kane tariki 13 Gicurasi 2021, ariko ntibyatangaje ibyo baganiriyeho.

    Uruzinduko rwa Dr John Nkengasong mu Rwanda rwabaye mu gihe Afurika yugarijwe n'ibibazo byo guhangana na COVID-19 aho kugeza ubu kubona inkingo bikiyigoye, ndetse hakaba hatangiye kugaragara ubwandu bw'ubwoko bwabonetse mu Buhinde bikekwa ko ari bwo buri kuhoreka imbaga.

    Perezida Kagame ni umwe mu bakuru b'ibihugu bakomeje kugaruka kenshi ku mbogamizi Afurika ihura nazo mu guhashya Coronavirus, aho yasabye ko hakwigwa no ku buryo inkingo zatangira gukorerwa mu bihugu byayo kugira ngo izibone bitagoranye.

    U Rwanda rwo ubu ruri mu biganiro n'abakora inkingo ngo harebwe uko zatangira gukorerwa mu gihugu nk'uko Umunyamabanga wa Leta muri Minisiteri y'Ubuzima, Dr Mpunga Tharcisse, aheruka kubitangariza RBA.

    Urugendo rwa Dr Senait Fisseha uhagarariye Susan Thompson Buffet Foundation ku Isi narwo rubaye nyuma y'uko muri Kanama 2020 uwo muryango wari wasinyanye n'u Rwanda amasezerano yo kuhashyira icyicaro cyawo muri Afurika.

    Uwo muryango udaharanira inyungu usibye gufasha abanyeshuri bo muri Leta ya Nebraska mu myigire, usanzwe unashyigikira ibikorwa bigamije iterambere ry'abagore.

    Perezida Kagame yakiriye mu Biro bye umuyobozi wa Africa CDC, Dr John Nkengasong (iburyo) n'Umuyobozi wa Thompson Buffet Foundation, Dr Senait Fisseha

    Source : http://igihe.com/amakuru/u-rwanda/article/perezida-kagame-yakiriye-mu-biro-bye-umuyobozi-wa-africa-cdc-n-uwa-buffet

  • Cimerwa Plc yibutse abari abakozi bayo bishwe muri Jenoside yakorewe Abatutsi – #rwanda #RwOT

    Ibikorwa byo kwibuka byabanjirijwe no gusura Urwibutso rwa Jenoside rwa Kigali ruherereye ku Gisozi, aho bamwe mu bayobozi bakuru b'uruganda barangajwe imbere n'Umuyobozi Mukuru w'Ikigo cya PPC Ltd cyo muri Afurika y'Epfo, ari na cyo cyashoye imari muri Cimerwa Plc, Roland Van Wijnen, n'abandi barimo Umuyobozi wa PPC Ltd mu mashami yayo ari mu mahanga, Mokate Ramafoko ndetse n'Umuyobozi wa Cimerwa Plc mu Rwanda, Albert Sigei.

    Mu ijambo yavugiye ku rwibutso rwa Jenoside rwa Gisozi, Roland Van Wijnen, yavuze ko ibyabaye bikwiye kuvugwa uko biri, bityo ko ntawe ukwiye kugoreka amateka ya Jenoside yakorewe Abatutsi kandi byarabaye ku mugaragaro.

    Yagize ati 'Kuza aha bidufasha kongera kuzirikana ibyabaye, biduha kunguka ubumenyi ku mateka no kumenya ukuri, kubera ko ibyabaye hano usanga abantu benshi batabivuga uko biri. Ndahamagarira ko ibikorwa byo kubaka inzibutso byakomeza gushyirwamo imbaraga kubera ko ari ingenzi mu rugendo rw'ubumwe n'ubwiyunge.'

    Yongeyeho ko u Rwanda rukwiye kubera ibindi bihugu urugero kubera ibyo rwigejejeho rusize inyuma amateka atoroshye.

    Yagize ati 'Ni inshuro ya gatatu nsuye u Rwanda ariko buri gihe uko ngarutse ntangazwa n'iterambere ridahwema kugaragara muri iki gihugu. U Rwanda nk' igihugu n'ibyo rwigejejeho bikwiye kubera ibindi bihugu isomo. Iki gihugu ni 'diamond' (ibuye ry'agaciro).''

    Nyuma yo kuva ku rwibutso rwa Gisozi, aba bayobozi bahise berekeza mu Karere ka Rusizi, mu Murenge wa Muganza ahubatswe Uruganda rwa Cimerwa Plc, hibukwa Abatutsi baho barimo n'abari abakozi b'uruganda n'imiryango yabo, bishwe muri Jenoside yakorewe Abatutsi.

    Mu muhango wo kwibuka, aba bakozi ba Cimerwa Plc n'abayobozi ba PPC Ltd, bashyize indabo ku hashyizwe ibuye ririho amazina y'abo bakozi mu rwego rwo kubazirikana no kubaha agaciro.

    Mu bakozi ba Cimerwa Plc bishwe, barimo n'abanyeshuri bo muri Kaminuza bishwe mu bihe by'ikiruhuko, ubwo babaga bagiye gukora muri Cimerwa Plc.

    CIMERWA ikomeje kuba hafi abarokotse Jenoside mu gace ka Bugarama ibafashisha imishinga itandukanye irimo kububakira no kubasanira inzu, kwishyurira abana amashuri no kubaha inka aho uyu mwaka hatanzwe ebyiri.

    Abasuye Urwibutso rwa Jenoside rwa Kigali ruri ku Gisozi barebye amashusho akubiyemo ubuhamya bw’abarokotse Jenoside

    Bahaye icyubahiro imibiri y’abashyinguye mu rwibutso rwa Jenoside rwa Kigali

    Ibikorwa byo kwibuka abari abakozi ba Cimerwa bishwe muri Jenoside byitabiriwe n’abantu bake hubahirizwa amabwiriza yo kwirinda Covid-19

    Hafashwe umunota wo kwibuka 58 bari abakozi ba Cimerwa n’imiryango yabo bishwe mu gihe cya Jenoside yakorewe Abatutsi

    Nyir’uruganda rutunganya sima, PPC, Roland Van Wijnen yakiriwe mu buryo budasanzwe n’abakozi ba Cimerwa

    Uhereye ibumoso: Uwashinze PPC, Roland Van Wijnen; Umuyobozi wa PPC ku rwego Mpuzamahanga, Mokate Ramafoko; Umuyobozi Mukuru wa CIMERWA, Albert Sigei n’Umuyobozi mukuru ushinzwe Imari muri CIMERWA, John Bugunya

    Hashyizwe indabo ku rukuta rwashyizweho amazina y’abishwe muri Jenoside mu rwego rwo kurushaho kubazirikana

    Source : http://igihe.com/amakuru/u-rwanda/article/cimerwa-plc-yibutse-abari-abakozi-bayo-bishwe-muri-jenoside-yakorewe-abatutsi

  • Cimerwa Plc yibutse abari abakozi bayo bishwe muri Jenoside yakorewe Abatutsi –

    Ibikorwa byo kwibuka byabanjirijwe no gusura Urwibutso rwa Jenoside rwa Kigali ruherereye ku Gisozi, aho bamwe mu bayobozi bakuru b’uruganda barangajwe imbere n’Umuyobozi Mukuru w’Ikigo cya PPC Ltd cyo muri Afurika y’Epfo, ari na cyo cyashoye imari muri Cimerwa Plc, Roland Van Wijnen, n’abandi barimo Umuyobozi wa PPC Ltd mu mashami yayo ari mu mahanga, Mokate Ramafoko ndetse n’Umuyobozi wa Cimerwa Plc mu Rwanda, Albert Sigei.

    Mu ijambo yavugiye ku rwibutso rwa Jenoside rwa Gisozi, Roland Van Wijnen, yavuze ko ibyabaye bikwiye kuvugwa uko biri, bityo ko ntawe ukwiye kugoreka amateka ya Jenoside yakorewe Abatutsi kandi byarabaye ku mugaragaro.

    Yagize ati “Kuza aha bidufasha kongera kuzirikana ibyabaye, biduha kunguka ubumenyi ku mateka no kumenya ukuri, kubera ko ibyabaye hano usanga abantu benshi batabivuga uko biri. Ndahamagarira ko ibikorwa byo kubaka inzibutso byakomeza gushyirwamo imbaraga kubera ko ari ingenzi mu rugendo rw’ubumwe n’ubwiyunge.”

    Yongeyeho ko u Rwanda rukwiye kubera ibindi bihugu urugero kubera ibyo rwigejejeho rusize inyuma amateka atoroshye.

    Yagize ati “Ni inshuro ya gatatu nsuye u Rwanda ariko buri gihe uko ngarutse ntangazwa n’iterambere ridahwema kugaragara muri iki gihugu. U Rwanda nk’ igihugu n’ibyo rwigejejeho bikwiye kubera ibindi bihugu isomo. Iki gihugu ni ‘diamond’ (ibuye ry’agaciro).’’

    Nyuma yo kuva ku rwibutso rwa Gisozi, aba bayobozi bahise berekeza mu Karere ka Rusizi, mu Murenge wa Muganza ahubatswe Uruganda rwa Cimerwa Plc, hibukwa Abatutsi baho barimo n’abari abakozi b’uruganda n’imiryango yabo, bishwe muri Jenoside yakorewe Abatutsi.

    Mu muhango wo kwibuka, aba bakozi ba Cimerwa Plc n’abayobozi ba PPC Ltd, bashyize indabo ku hashyizwe ibuye ririho amazina y’abo bakozi mu rwego rwo kubazirikana no kubaha agaciro.

    Mu bakozi ba Cimerwa Plc bishwe, barimo n’abanyeshuri bo muri Kaminuza bishwe mu bihe by’ikiruhuko, ubwo babaga bagiye gukora muri Cimerwa Plc.

    CIMERWA ikomeje kuba hafi abarokotse Jenoside mu gace ka Bugarama ibafashisha imishinga itandukanye irimo kububakira no kubasanira inzu, kwishyurira abana amashuri no kubaha inka aho uyu mwaka hatanzwe ebyiri.

    Abasuye Urwibutso rwa Jenoside rwa Kigali ruri ku Gisozi barebye amashusho akubiyemo ubuhamya bw’abarokotse Jenoside

    Bahaye icyubahiro imibiri y’abashyinguye mu rwibutso rwa Jenoside rwa Kigali

    Ibikorwa byo kwibuka abari abakozi ba Cimerwa bishwe muri Jenoside byitabiriwe n’abantu bake hubahirizwa amabwiriza yo kwirinda Covid-19

    Hafashwe umunota wo kwibuka 58 bari abakozi ba Cimerwa n’imiryango yabo bishwe mu gihe cya Jenoside yakorewe Abatutsi

    Nyir’uruganda rutunganya sima, PPC, Roland Van Wijnen yakiriwe mu buryo budasanzwe n’abakozi ba Cimerwa

    Uhereye ibumoso: Uwashinze PPC, Roland Van Wijnen; Umuyobozi wa PPC ku rwego Mpuzamahanga, Mokate Ramafoko; Umuyobozi Mukuru wa CIMERWA, Albert Sigei n’Umuyobozi mukuru ushinzwe Imari muri CIMERWA, John Bugunya

    Hashyizwe indabo ku rukuta rwashyizweho amazina y’abishwe muri Jenoside mu rwego rwo kurushaho kubazirikana

  • Perezida Kagame yakiriye mu Biro bye umuyobozi wa Africa CDC n’uwa Buffet Foundation –

    Ibiro by’Umukuru w’Igihugu byatangaje ko abo bayobozi yabakiriye kuri uyu wa Kane tariki 13 Gicurasi 2021, ariko ntibyatangaje ibyo baganiriyeho.

    Uruzinduko rwa Dr John Nkengasong mu Rwanda rwabaye mu gihe Afurika yugarijwe n’ibibazo byo guhangana na COVID-19 aho kugeza ubu kubona inkingo bikiyigoye, ndetse hakaba hatangiye kugaragara ubwandu bw’ubwoko bwabonetse mu Buhinde bikekwa ko ari bwo buri kuhoreka imbaga.

    Perezida Kagame ni umwe mu bakuru b’ibihugu bakomeje kugaruka kenshi ku mbogamizi Afurika ihura nazo mu guhashya Coronavirus, aho yasabye ko hakwigwa no ku buryo inkingo zatangira gukorerwa mu bihugu byayo kugira ngo izibone bitagoranye.

    U Rwanda rwo ubu ruri mu biganiro n’abakora inkingo ngo harebwe uko zatangira gukorerwa mu gihugu nk’uko Umunyamabanga wa Leta muri Minisiteri y’Ubuzima, Dr Mpunga Tharcisse, aheruka kubitangariza RBA.

    Urugendo rwa Dr Senait Fisseha uhagarariye Susan Thompson Buffet Foundation ku Isi narwo rubaye nyuma y’uko muri Kanama 2020 uwo muryango wari wasinyanye n’u Rwanda amasezerano yo kuhashyira icyicaro cyawo muri Afurika.

    Uwo muryango udaharanira inyungu usibye gufasha abanyeshuri bo muri Leta ya Nebraska mu myigire, usanzwe unashyigikira ibikorwa bigamije iterambere ry’abagore.

    Perezida Kagame yakiriye mu Biro bye umuyobozi wa Africa CDC, Dr John Nkengasong (iburyo) n’Umuyobozi wa Thompson Buffet Foundation, Dr Senait Fisseha

  • Abantu 2 bahitanwe na Covid-19 mu Rwanda abandi 88 barayandura #rwanda #RwOT

    Kuri uyu wa Kane, Minisiteri y'Ubuzima yatangaje ko COVID-19 yahitanye y'umugore w'imyaka 69 i Kigali, n'umugabo w'imyaka 48 w'i Nyamagabe, abamaze gupfa bose ni 342.Abarwayi bashya babaye 88 mu gihe abakize ari 75. Abakirimo kuvurwa ni 1,106 barimo urembye umwe.

    Ubwoko bwa Coronavirus nshya yihinduranya buzwi nka B.1.617 bwagaragaye mu Buhinde kuva mu Ukwakira 2020, bwabonetse no muri Algerie, Repubulika Iharanira Demokarasi ya Congo na Nigeria, nyuma y'ibindi bihugu bine bya Afurika bwari bwamaze kubonekamo.

    Ubwo bwoko bikekwa ko ari bwo buri gutuma abandura n'abahitanywa na COVID-19 uko bukeye n'uko bwije mu Buhinde biyongera; bumaze kugaragara ku bantu bane muri Afurika y'Epfo, batanu muri Kenya, babiri muri Maroc n'undi umwe muri Uganda.

    BBC yatangaje ko Umuyobozi w'Itsinda rya OMS rishinzwe Ibiza mu Burasirazuba n'Amajyepfo ya Afurika akaba n'ushinzwe gukusanyiriza iryo shami amakuru ya COVID-19 muri Afurika, Dr Ngoy Nsenga, yayihamirije ko no muri Algeria, Nigeria na RDC ubwo bwoko bwahagaragaye.

    Dr Nsenga yavuze ko nta makuru yimbitse ku bwandu bwagaragaye muri ibyo bihugu yari yamenyekana.

    Ubwo bwoko OMS iherutse kuvuga ko ari ikibazo gihangayikishije Isi kuko magingo aya ibihugu byose biratabariza u Buhinde bugeze aho gupfusha abarenga ibihumbi bine mu masaha 24 bazize icyorezo. Amarimbi yuzuye imirambo, inkwi zo kuyitwikisha zarabuze, mu bitaro bitandukanye abarwayi babuze Oxygène abandi barwariye mu ngo zabo.

    Nubwo hari ubundi bwoko bwihinduranya bwabonetse muri Afurika y'Epfo no mu Bwongereza, ubwo mu Buhinde nibwo buteye inkeke cyane.

    Umubare w'abamaze kwandura ugera kuri 23.702.832 mu gihe impfu zatangajwe ari 258.351.


    Source : http://umuryango.rw/amakuru/mu-rwanda/ubuzima/article/abantu-2-bahitanwe-na-covid-19-mu-rwanda-abandi-88-barayandura