Webrwanda Backend

Blog

  • Ni ryari umupolisi ashobora kujya mu kazi atambaye impuzankano? –

    Aya mashusho yagaragazaga abantu bane bambaye imyenda ya gisivile bafata iyi mfungwa bivugwa ko yari yatorotse igafatirwa mu Mujyi wa Musanze mu Ntara y’Amajyaruguru, bashaka kumushyira mu modoka ari nako babiri muri bo bamukubita ibipfunsi.

    Byaje kumenyekana ko aba bantu babiri bari Abapolisi ndetse bari boherejwe mu nshingano zo gufata iyi mfungwa yari yatorotse kasho. Ku rundi ruhande ariko uwabatumye ntabwo yigeze ababwira ko bagomba gukubita umuturage ari nayo mpamvu bahise batabwa muri yombi.

    Icyo gihe Polisi y’u Rwanda ibinyujije kuri Twitter yavuze ko uwafashwe yafashwe n’abapolisi bambaye imyenda ya gisivile. Ngo yari umuturage witwa Nshimiyimana Jean Pierre wari watorotse kasho ya Polisi nyuma yo gufatwa akekwaho ibyaha byo gukoresha ibiyobyabwenge n’ubujura.

    Mu mategeko agenga imikorere y’akazi ka Polisi y’Igihugu, ngo birasanzwe ko umukozi w’uru rwego [Umupolisi] ashobora koherezwa mu kazi atambaye umwambaro w’akazi ahanini bitewe n’imiterere y’akazi agiyemo ndetse n’umurongo watanzwe n’abamukuriye w’uburyo ako kazi kagomba gukorwamo.

    Umuvugizi wa Polisi y’Igihugu, CP Kabera John Bosco, yasobanuye ko ari ibintu bisanzwe ko umupolisi yajya mu kazi atambaye umwambaro uriho ibirango bya Polisi, ibi bikajyana n’uko imodoka ashobora kwitwaza ishobora kuba ari isanzwe ya gisivile.

    Mu kiganiro yagiranye na RBA, CP Kabera yasobanuye ko bishoboka ko iyo bibaye ngombwa Umupolisi akuramo ikarita y’akazi akaba yayerekana mu gihe ageze mu kazi akayisabwa.

    Ati “Amategeko arabyemera. Umupolisi abiherewe uburenganzira n’umuyobora cyangwa umuyobozi w’umutwe we yakwambara sivile akajya mu kazi, gusa mu gihe ari muri ako kazi ashobora kuba yabona umuntu agakuramo ikarita akayimwereka cyangwa yanagufata akakubwira ko ari umupolisi ugufashe.”

    Yakomeje agira ati “Abantu babyumve, bumve ko byemewe. Ubundi Umupolisi arangwa n’umwenda w’akazi, ariko iyo bibaye ngombwa ko akoresha imyenda ya sivile n’imodoka ya sivile nabyo abihererwa uburenganzira kandi amategeko arabyemera.”

    Agaruka kuri aba Bapolisi bagaragaye bakubita umuturage, CP Kabera avuga ko icyaha bakoze ari ugukubita umuturage naho ibijyanye no kuba bamufata batambaye imyambaro y’akazi byo nta cyaha kirimo.

    Ati “Yego gufata umuturage wambaye imyenda ya gisivile biremewe, kumushyira mu modoka ya gisivile biremewe, ariko hari ibitemewe, ibyo nibyo tugomba gusobanura. Bari bane ariko twavuze babiri bagaragaye bamukubita, ariko ubundi nta cyaha bakoze.”

    Umuvugizi wa Polisi y’u Rwanda avuga kandi ko itegeko ritegeka umupolisi utambaye umwenda w’akazi kuba agomba kugira ikarita y’akazi ku buryo iyo umuturage ayimusabye agomba kuyerekana.

    Ibi ngo bituma habaho gutanga amakuru no gutahura abantu biyitirira inzego by’umwihariko izifite inshingano zifite aho zihurira n’umutekano nk’Urwego rw’Ubugenzacyaha, RIB ndetse na Polisi y’Igihugu.

    Umuvugizi wa Polisi y’Igihugu, CP Kabera John Bosco, yavuze ko mu gihe umupolisi yahawe uburenganzira n’umukuriye, ashobora kujya mu kazi yambaye imyenda ya gisivile

  • FC Barcelona yatangiye gushaka umutoza mushya usimbura Koeman #rwanda #RwOT

    FC Barcelona yaraye itsinzwe ibitego 2-1 na Celta Vigo bigatuma iva mu makipe ahatanira shampiyona uyu mwaka,ntiyashimye imikorere ya Ronald Koeman ariyo mpamvu ishaka kumusimbuza Xavi.

    Nubwo Koeman yagerageje kwitwara neza ugereranyije n'abakinnyi yari afite ndetse n'ibibazo byari mu ikipe,abayobozi b'ikipe ntibamushimye ariyo mpamvu bifuza kumwirukana muri iyi mpeshyi.

    Icyakora kubona Xavi bishobora kugorana kuko uyu munya Espagne aheruka gusinya amasezerano y'imyaka 2 mu ikipe ya Al Sadd yo muri Qatar muri iki cyumweru.

    Ikinyamakuru cyo muri Catalonia cyitwa ARA kivuga ko perezida Joan Laporta na komite ya Barca bateganya guhura na Xavi muri iki cyumweru kugira ngo bavugane ku bijyanye no gutoza iyi kipe.

    Ikindi aba bazavuganaho n'ibijyanye no kugura no kugurisha abakinnyi igihe cyose yaba yemeye kuza mu ikipe.

    Ahazaza ha Lionel Messi naho hazigwaho ubwo Xavi azaba yemeje kuva muri Al-Sadd akaza gutoza FC Barcelona itakiri ku rwego rwo hejuru nko mu myaka ishize.

    Xavi w'imyaka 41 yagaragaje ko ari umutoza ukomeye nyuma yo gufata Al Sadd muri 2019 akayihesha ibikombe birimo 2 yatwaye uyu mwaka nka Qatar Stars League na Qatar Cup.

    Amakuru avuga ko Xavi ariwe mutoza wa mbere Laporta yifuza ariyo mpamvu ahazaza ha Koeman muri FC Barcelona nta hakiriho.

    Source : http://umuryango.rw/imyidagaduro/imikino/article/fc-barcelona-yatangiye-gushaka-umutoza-mushya-usimbura-koeman

  • Muhanga: Abazunguzayi n'abashinzwe umutekano wa Gare baravugwaho gukorana mu bucuruzi butemewe #rwanda #RwOT

    Abacuruzi bakorera mu kigo gitegerwamo imodoka n'abagenzi cya Muhanga baravuga ko batakibona abaguzi biturutse ku bakorera ubucuruzi butemewe muri iki kigo bakorana n'abacunga umutekano, aho babareka bakikorera kubera amafaranga babaha ngo baborohereze.

    Bamwe mu bacuruza muri iki kigo gitegerwamo imodoka, bavuga ko aba bakorana n'abacunga umutekano bakabareka bagacuruza naho abishyura ubukode n'imisoro ntibabone abaguzi.

    Umwe muri aba bacuruzi utarashatse ko amazina ye atangazwa, avuga ko bidakwiye kubona abadatanga ubukode cyangwa ngo banishyure imisoro usanga bari mu kigo imbere ku mudoka bacuruza, bagatuma bo babura abaguzi.

    Yagize ati' Nawe reba muri iki kigo hari abazunguzayi benshi birirwa bacuruza badatanga ubukode ndetse ntibanatange imisoro birirwa batubuza gucuruza kubera ubu bucuruzi butemewe'.

    Undi mucuruzi, nawe avuga ko gucuruza kw'abakorera muri Gare ya Muhanga bimaze igihe byarasubiye inyuma kubera imikoranire y'abacunga umutekano n'abazwi nk'abazunguzayi bemererwa gucuruza nta kibazo.

    Yagize ati' Hashize nk'amezi 2 twebwe dukorera hano muri iyi Gare tutabona abatugurira kubera icyo tubona nk'imikoranire iri hagati y'abazunguzayi n'aba bacunga umutekano, ubona bafite ukuntu bakorana hafi cyane. Ubucuruzi butemewe bukorwa nk'ubwemewe hano muri iki kigo'.

    Akomeza avuga ko bakeka ko hari amafaranga baba bishyura aba bacunga umutekano kuko ubona babacungira kure kugirango babashe gucuruza neza ntawubakoma.

    Ati' Ubona ko ubufatanye bafitanye hari ikindi kintu buhishe kuko usanga iyo aba bacunga umutekano babonye aba binjiye nabo bigira nk'abatababona bakabirebera kure. Ubona ko harimo kubareka nkana bagakora neza nta kibazo ndetse hari n'abemeza ko aba baba bishyurwa amafaranga n'aba bazunguzayi'.

    Umuhuzabikorwa w'ikigo gitegerwamo imodoka n'abagenzi cya Muhanga, Hatangimana Samuel avuga ko bamenyesheje ubuyobozi bw'akarere ka Muhanga ikibazo cy'uko umutekano wiki kigo udashobora gucungwa gusa n'iki kigo ahubwo bakwiye kunganirwa, ndetse na polisi yahashyize ibiro ariko bikora rimwe na rimwe, iyo byakoze abakora ubucuruzi butemewe babukorera hakurya y'umuhanda.

    Yagize ati' Iki kibazo twakimenyesheje ubuyobozi bw'akarere, ko umutekano udashobora gucungwa natwe gusa, ahubwo bakwiye kutwunganira bakaduha abadufasha baba Dasso cyangwa n'abandi, ariko polisi yahashyize ibiro gusa bikora rimwe na rimwe ariko iyo abapolisi bahari barahunga nabo bagakorera hakurya y'umuhanda'.

    Umuyobozi w'Akarere ka Muhanga wungirije ushinzwe iterambere ry'Ubukungu, Kayiranga Innocent avuga ko iki kibazo kiri mu nzira yo gucyemuka ku bufatanye n'inzego z'umutekano kandi ko hari amasoko arimo kubakwa hagamijwe gushakira aba bakora ubucuruzi butemewe aho bakorera.

    Yagize ati' Iki kibazo kiri mu nzira zo gukemuka ku bufatanye n'inzego z'umutekano, haba kubaganiriza. Mu rwego rwo kubica burundu twatangiye kubaka amasoko mato mato hagamijwe kubegereza ayo mahirwe kugirango babone aho nabo bacururiza ndetse hari n'abandi bazimurirwa mu isoko rishya rya Muhanga kugirango abakora ubucuruzi butemewe bucibwe, hari isoko rya Kinini rizongererwa ingufu ndetse n'isoko rya Cyakabiri ririmo kubakwa'.

    Gusa nubwo havuga ibi, bigaragara ko ubuzunguzayi bukomeje kwiyongera ari nako bamwe bemeza ko hari intege nkeya z'ubuyobozi mu gukemura iki kibazo kuko usanga n'abafashwe bahita barekurwa bakagarukana ibindi bicuruzwa, aho hari abavuga ko bamwe mu bafite amaduka hanze aribo babibaha ngo bajye gucururiza muri Gare. Hari abasaba ko iki kibazo gishyirwamo imbaraga, hagafatwa ingamba zifatika zica ubuzunguzayi bubangamiye abakora ubucuruzi bwemewe.

    Iki kigo gitegerwamo imodoka, gitangira kubakwa akarere ka Muhanga katangazaga ko gafitemo imigabane ingana 15% ariko Gare imaze kuzura Kompanyi ya Jali Holding yavuze ko amafaranga batanze afite 6,6% bijyanye n'umushinga wose, ibintu bitumvikanyweho n'impande zombi ndetse bikaza gutuma ubuyobozi bw'intara y'amajyepfo ndetse n'Ikigo k'igihugu gishinzwe guteza imbere amakoperative mu Rwanda binjira mu kibazo.

    Akimana Jean de Dieu

    Source : https://www.intyoza.com/muhanga-abazunguzayi-nabashinzwe-umutekano-wa-gare-baravugwaho-gukorana-mu-bucuruzi-butemewe/

  • Imanza 2800, kongerera abacamanza ubushobozi: Inshingano zitegereje Perezida mushya w’Urukiko rw’Ubujurire –

    Ni ukuvuga ko kugeza ubu Urwego rw’Ubutabera mu Rwanda rufite Inkiko z’Ibanze, Inkiko zisumbuye, Urukiko Rukuru, Urukiko rw’Ubujurire n’Urukiko rw’Ikirenga. Ubwo rwatangiraga Urukiko rw’Ubujurire rwahawe Abacamanza bari bavuye mu Rukiko rw’Ikirenga.

    Dr. Muyoboke Aimé Karimunda wari umaze imyaka itatu ayobora uru rukiko avuga ko mu byakozwe harimo ukwihutisha guca imanza zari zaraheze mu Rukiko rw’Ikirenga ariko ngo bagiye bagira imbogamizi zirimo icyorezo cya Covid-19.

    Ati “Twarutangiye rufite inshingano zirimo guhangana n’ikibazo cy’imanza zari zarabaye ibirarane mu rukiko rw’ikirenga, icyo gihe twimukanye imanza 855, inshingano ya kabiri yari iyo guca imanza mu buryo butanga icyerekezo ndetse tugaha umurongo abacamanza bo mu rukiko rw’ubujurire n’abacamanza bo mu nkiko nkuru zose.”

    Yakomeje agira ati “Ni imirimo itari yoroshye ndetse haje no kuzamo icyorezo cya Covid-19, navuga ko abacamanza bo mu rukiko rw’ubujurire babyitwayemo neza, abashakashatsi twakoranye mu myaka itatu ishize bakoze akazi k’indashyikirwa. Muri uyu mwaka ubu nta manza zo mu 2018, zitaraburanishwa izo twatangiye ni iza 2020/2021. Ni ikintu kidasanzwe cyatumye havamo intera y’imyaka ine yo gutekereza iburanisha twari dufite mu rukiko rw’ubujurire.”

    Ku rundi ruhande ariko n’ubwo hari ibyakozwe, kugeza ubu muri uru rukiko harimo imanza 1400 z’inshinjabyaha zitegereje kuburanishwa ndetse n’izindi zirenga 400 z’imbonezamubano [izi zibamo iz’imbonezamubano nyir’izina, iz’ubucuruzi, iz’umurimo n’iz’ubutegetsi].

    Izo manza zose ariko ziyongeraho ibibazo byinshi by’akarengane abaturage bavuga ko bagiriwe n’inkiko nkuru kuko arizo zisuzumwa n’urukiko rw’ubujurire. Izi nazo zirenga 1000.

    Mu mpinduka zakozwe mu rwego rw’ubucamanza n’Umukuru w’Igihugu ku wa 21 Mata 2021, Rukundakuvuga François Regis yahawe kuyobora uru Rukiko rw’Ubujurire. Kuri uyu wa Mbere nibwo yahererekanyije ububasha na Dr Muyoboke asimbuye.

    Rukundakuvuga yashimye uwamusimbuye avuga ko imihigo ikomeje kandi ku bufatanye n’abacamanza asanze muri uru rukiko bazakora ibishoboka byose bagatanga serivisi nziza z’ubutabera ku banyarwanda.

    Yakomeje agira ati “Ni akazi gashoboka, imihigo irakomeye kandi irashoboka, turizera ko dufatanyije n’abacamanza dusanze muri uru rukiko, dufatanyije n’inzego zitandukanye z’iki gihugu cyane cyane izo tugenda dukorana, ubushinjacyaha, urugaga rw’abavoka, ubuyobozi bw’urukiko rw’ikirenga, byanze bikunze hazagira igihinduka kandi bizagenda neza ku batugana.”

    Bijejwe kongererwa ubushobozi

    Ubwo Urukiko rw’Ubujurire rwatangiraga rwari rufite inshingano ziremereye zo kuburanisha imanza ziba zaranyuze mu nkiko nkuru ziteye mu buryo bujyanye n’ibyo ziburanisha by’umwihariko. Ni ukuvuga izo nkiko ziba zifite abacamanza bamaze kubigiramo uburambe bitewe n’ibyo baburanisha.

    Nk’urugero, inkiko ziburanisha imanza z’inshinjabyaha ziba zifite abacamanza babirambyemo kandi babifitemo ubushobozi, bijyana n’ababuranisha iz’ubucuruzi, iz’imbonezamubano n’izindi.

    Perezida w’Urukiko rw’Ikirenga, Dr Nteziryayo Faustin, yavuze ko kugira ngo abacamanza bo mu Rukiko rw’Ubujurire babashe kuzuza inshingano zabo bagomba kuba bafite ubushobozi busabwa kuko rufite inshingano zo kuburanisha ubujurire buturutse mu nkiko nkuru zitandukanye.

    Ni ukuvuga ngo Urukiko Rukuru rusanzwe, Urukiko Rukuru Urugereko Rwihariye ruburanisha imanza Mpuzamahanga n’izambukiranya imipaka, Urukiko Rukuru rw’Ubucuruzi ndetse n’Urukiko Rukuru rwa Gisirikare.

    Ati “Ni inshingano zigaragaza ko bategerejwe n’imirimo ikomeye. Birasaba ko imanza ziba ziturutse muri izo nkiko, ziba zihariye iyo zigeze mu rukiko rw’ubujurire ziba zigomba gucibwa n’abacamanza baburanisha imanza zihariye.”

    Yakomeje agira ati “Birasaba ko […] natwe tuzabafasha ku buryo Urukiko rw’Ubujurire narwo rugira uburyo ruburanisha imanza zihariye n’abacamanza bihariye babifitemo ubumenyi bwihariye kubera ko niba urubanza rwazamutse ari urw’ubucuruzi rwakagombye kugera mu rukiko rw’ubujurire rugahura n’umenyereye kuburanisha izo manza.”

    Yakomeje avuga ko abakozi b’uru rukiko bafite indi nshingano ikomeye yo kwitwararika kuko uru arirwo rurangiriramo ibiburanwa byose kubera ko imanza zizamuka mu Rukiko rw’Ikirenga ntabwo zijya mu bujurire bwa Gatatu ariko zishobora kujyaho mu bijyanye n’akarengane ariko ntabwo aba ari ubujurire bwa gatatu.

    Ati “Ndagira ngo tuzafatanye muri ubwo buryo bwo kunoza imicire y’imanza cyane cyane muri izo manza zituruka mu nkiko zihariye kugira ngo Urukiko rw’Ubujurire rubashe gutanga ubutabera bunoze.”

    Yakomeje agira ati “Bizanasaba ko tunaganira n’uburyo bwakoresha kugira ngo biriya birego byinshi tubona bishobora kwihutishwa nanone tubiganire mu buryo bw’ubucamanza uko twabikemura kugira ngo tubashe gutanga ubutabera bwihuse kandi bunoze.”

    Ku rundi ruhande ariko Dr Nteziryayo yashimye akazi kamaze gukorwa n’Urukiko rw’Ubujurire asaba Rukundakuvuga gukomereza aho Dr Muyoboke yari ageze mu gukomeza gutanga ubutabera buciye mu mucyo.

    Rukundakuvuga uherutse guhabwa inshingano zo kuyobora Urukiko rw’Ubujurire yari umucamanza mu Rukuko rw’Ikirenga kuva muri Mata 2019.

    Mbere yo kuba umucamanza mu Rukiko rw’Ikirenga, Rukundakuvuga François Régis yabaye Umugenzuzi Mukuru w’Inkiko mu gihe k’imyaka cumi n’ibiri (2007 – 2019).

    Afite Impamyabumenyi Mbanzirizakirenga (Masters) mu Mategeko y’Ubucuruzi (Masters’ Degree in Business Law) yakuye muri Kaminuza ya Witwatersrand i Johannesburg muri Afurika y’Epfo.

    Dr. Muyoboke Aimé Karimunda we yagarutse mu Rukiko rw’Ikirenga nyuma y’imyaka itatu aho yavuye aba Perezida w’Urukiko rw’Ubujurire.

    Ni umwarimu udahoraho muri Kaminuza y’u Rwanda (UR) no mu Ishuri ryo Kwigisha no Guteza Imbere Amategeko (ILPD). Afite impamyabumenyi y’Ikirenga (PhD) mu Mategeko Mpuzamahanga Mpanabyaha.

    Uhereye ibumoso: Rukundakuvuga uyobora Urukiko rw’Ubujurire ; Perezida w’Urukiko rw’Ikirenga, Dr Nteziryayo Faustin na Dr Muyoboke Aimé Karimunda wasubiye kuba umucamanza mu Rukiko rw’Ikirenga

    Rukundakuvuga yavuze ko azashyira imbaraga mu gukorana n’abo asanze mu rukiko rw’ubujurire

    Amafoto: Igirubuntu Darcy

  • Twavuraga n’Interahamwe- Yolande wiciwe abe bose muri Jenoside #rwanda #RwOT

    Yolande Mukagasana wabaga mu Rwanda mbere ya Jenoside yize umwuga wo kuvura ari na wo yakoraga mbere ya Jenoside no mu gihe Jenoside yabaga akaba yari afite n’ivuriro mu Mujyi wa Kigali.

    Yolande Mukagasana avuga ko Jenoside Yakorewe Abatutsi, yamusize ari wenyine haba aho yashatse, aho yavutse ndetse n’abo yari yarabyaye bose barishwe.

    Yarokokeye i Nyamirambo ku Kivugiza ariko kubera ibyari bimaze kumubaho, yumvise ataguma mu Rwanda, ahita ajya i Burayi kuruhukirayo ariko yumvaga ko azagaruka mu Rwanda kuko yibazaga uko azabona abe akabashyingura ariko agezeyo ntiyahita agaruka kuko yahise yinjira mu kazi ko kwandika ibyo yabonye.

    Mbera ya Jenoside ubwo yari atarashinga ivuriro rye, yakoraga muri CHK atera ikinya ku buryo mu myaka y’ 1990 yakiraga abasirikare bo ku bwa Habyarimana babaga bakomerekeye ku rugamba.

    Yolande Mukagasana uvuga ko ubuvuzi yabuvuyemo akiyegurira iby’ubushakashatsi no kwandika, avuga ko akunda umwuga wo kuvura cyane ariko ko abo yavuye ari bo bamuhize kugira ngo bamwice.

    Aho FPR-Inkotanyi imaze guhagarika Jenoside, Yolande Mukagasana yifashishijwe mu kuvura inkomere aho yavuriraga mu ivuriro ryahoze ku Kimironko mu Mujyi wa Kigali.

    Ati 'Uzi ko twavuraga n’Interahamwe ! Muri Jenoside twavuye n’Interahamwe.' Umunyamakuru aramubaza ati 'Ukumva umeze ute', asubira agira ati 'Nabonaga ari abarwayi mbere yo kubabona ko ari Interahamwe.'

    Yolande Mukagasana ubu wanashinze Umuryango yitiriye amazina ye witwa 'Fondation Yolande Mukagasana' ugamije kugaragaza ukuri ku byabaye mu Rwanda, ni umwe mu banditsi bamaze kwandika ibitabo byinshi bivuga kuri Jenoside Yakorewe Abatutsi.

    KURIKIRA IKIGANIRO CYOSE

    UKWEZI.RW

    Source : http://www.ukwezi.rw/mu-rwanda/3/article/Twavuraga-n-Interahamwe-Yolande-wiciwe-abe-bose-muri-Jenoside

  • Imanza 2800, kongerera abacamanza ubushobozi: Inshingano zitegereje Perezida mushya w'Urukiko rw'Ubujurire – #rwanda #RwOT

    Ni ukuvuga ko kugeza ubu Urwego rw'Ubutabera mu Rwanda rufite Inkiko z'Ibanze, Inkiko zisumbuye, Urukiko Rukuru, Urukiko rw'Ubujurire n'Urukiko rw'Ikirenga. Ubwo rwatangiraga Urukiko rw'Ubujurire rwahawe Abacamanza bari bavuye mu Rukiko rw'Ikirenga.

    Dr. Muyoboke Aimé Karimunda wari umaze imyaka itatu ayobora uru rukiko avuga ko mu byakozwe harimo ukwihutisha guca imanza zari zaraheze mu Rukiko rw'Ikirenga ariko ngo bagiye bagira imbogamizi zirimo icyorezo cya Covid-19.

    Ati 'Twarutangiye rufite inshingano zirimo guhangana n'ikibazo cy'imanza zari zarabaye ibirarane mu rukiko rw'ikirenga, icyo gihe twimukanye imanza 855, inshingano ya kabiri yari iyo guca imanza mu buryo butanga icyerekezo ndetse tugaha umurongo abacamanza bo mu rukiko rw'ubujurire n'abacamanza bo mu nkiko nkuru zose.'

    Yakomeje agira ati 'Ni imirimo itari yoroshye ndetse haje no kuzamo icyorezo cya Covid-19, navuga ko abacamanza bo mu rukiko rw'ubujurire babyitwayemo neza, abashakashatsi twakoranye mu myaka itatu ishize bakoze akazi k'indashyikirwa. Muri uyu mwaka ubu nta manza zo mu 2018, zitaraburanishwa izo twatangiye ni iza 2020/2021. Ni ikintu kidasanzwe cyatumye havamo intera y'imyaka ine yo gutekereza iburanisha twari dufite mu rukiko rw'ubujurire.'

    Ku rundi ruhande ariko n'ubwo hari ibyakozwe, kugeza ubu muri uru rukiko harimo imanza 1400 z'inshinjabyaha zitegereje kuburanishwa ndetse n'izindi zirenga 400 z'imbonezamubano [izi zibamo iz'imbonezamubano nyir'izina, iz'ubucuruzi, iz'umurimo n'iz'ubutegetsi].

    Izo manza zose ariko ziyongeraho ibibazo byinshi by'akarengane abaturage bavuga ko bagiriwe n'inkiko nkuru kuko arizo zisuzumwa n'urukiko rw'ubujurire. Izi nazo zirenga 1000.

    Mu mpinduka zakozwe mu rwego rw'ubucamanza n'Umukuru w'Igihugu ku wa 21 Mata 2021, Rukundakuvuga François Regis yahawe kuyobora uru Rukiko rw'Ubujurire. Kuri uyu wa Mbere nibwo yahererekanyije ububasha na Dr Muyoboke asimbuye.

    Rukundakuvuga yashimye uwamusimbuye avuga ko imihigo ikomeje kandi ku bufatanye n'abacamanza asanze muri uru rukiko bazakora ibishoboka byose bagatanga serivisi nziza z'ubutabera ku banyarwanda.

    Yakomeje agira ati 'Ni akazi gashoboka, imihigo irakomeye kandi irashoboka, turizera ko dufatanyije n'abacamanza dusanze muri uru rukiko, dufatanyije n'inzego zitandukanye z'iki gihugu cyane cyane izo tugenda dukorana, ubushinjacyaha, urugaga rw'abavoka, ubuyobozi bw'urukiko rw'ikirenga, byanze bikunze hazagira igihinduka kandi bizagenda neza ku batugana.'

    Bijejwe kongererwa ubushobozi

    Ubwo Urukiko rw'Ubujurire rwatangiraga rwari rufite inshingano ziremereye zo kuburanisha imanza ziba zaranyuze mu nkiko nkuru ziteye mu buryo bujyanye n'ibyo ziburanisha by'umwihariko. Ni ukuvuga izo nkiko ziba zifite abacamanza bamaze kubigiramo uburambe bitewe n'ibyo baburanisha.

    Nk'urugero, inkiko ziburanisha imanza z'inshinjabyaha ziba zifite abacamanza babirambyemo kandi babifitemo ubushobozi, bijyana n'ababuranisha iz'ubucuruzi, iz'imbonezamubano n'izindi.

    Perezida w'Urukiko rw'Ikirenga, Dr Nteziryayo Faustin, yavuze ko kugira ngo abacamanza bo mu Rukiko rw'Ubujurire babashe kuzuza inshingano zabo bagomba kuba bafite ubushobozi busabwa kuko rufite inshingano zo kuburanisha ubujurire buturutse mu nkiko nkuru zitandukanye.

    Ni ukuvuga ngo Urukiko Rukuru rusanzwe, Urukiko Rukuru Urugereko Rwihariye ruburanisha imanza Mpuzamahanga n'izambukiranya imipaka, Urukiko Rukuru rw'Ubucuruzi ndetse n'Urukiko Rukuru rwa Gisirikare.

    Ati 'Ni inshingano zigaragaza ko bategerejwe n'imirimo ikomeye. Birasaba ko imanza ziba ziturutse muri izo nkiko, ziba zihariye iyo zigeze mu rukiko rw'ubujurire ziba zigomba gucibwa n'abacamanza baburanisha imanza zihariye.'

    Yakomeje agira ati 'Birasaba ko […] natwe tuzabafasha ku buryo Urukiko rw'Ubujurire narwo rugira uburyo ruburanisha imanza zihariye n'abacamanza bihariye babifitemo ubumenyi bwihariye kubera ko niba urubanza rwazamutse ari urw'ubucuruzi rwakagombye kugera mu rukiko rw'ubujurire rugahura n'umenyereye kuburanisha izo manza.'

    Yakomeje avuga ko abakozi b'uru rukiko bafite indi nshingano ikomeye yo kwitwararika kuko uru arirwo rurangiriramo ibiburanwa byose kubera ko imanza zizamuka mu Rukiko rw'Ikirenga ntabwo zijya mu bujurire bwa Gatatu ariko zishobora kujyaho mu bijyanye n'akarengane ariko ntabwo aba ari ubujurire bwa gatatu.

    Ati 'Ndagira ngo tuzafatanye muri ubwo buryo bwo kunoza imicire y'imanza cyane cyane muri izo manza zituruka mu nkiko zihariye kugira ngo Urukiko rw'Ubujurire rubashe gutanga ubutabera bunoze.'

    Yakomeje agira ati 'Bizanasaba ko tunaganira n'uburyo bwakoresha kugira ngo biriya birego byinshi tubona bishobora kwihutishwa nanone tubiganire mu buryo bw'ubucamanza uko twabikemura kugira ngo tubashe gutanga ubutabera bwihuse kandi bunoze.'

    Ku rundi ruhande ariko Dr Nteziryayo yashimye akazi kamaze gukorwa n'Urukiko rw'Ubujurire asaba Rukundakuvuga gukomereza aho Dr Muyoboke yari ageze mu gukomeza gutanga ubutabera buciye mu mucyo.

    Rukundakuvuga uherutse guhabwa inshingano zo kuyobora Urukiko rw'Ubujurire yari umucamanza mu Rukuko rw'Ikirenga kuva muri Mata 2019.

    Mbere yo kuba umucamanza mu Rukiko rw'Ikirenga, Rukundakuvuga François Régis yabaye Umugenzuzi Mukuru w'Inkiko mu gihe k'imyaka cumi n'ibiri (2007 — 2019).

    Afite Impamyabumenyi Mbanzirizakirenga (Masters) mu Mategeko y'Ubucuruzi (Masters' Degree in Business Law) yakuye muri Kaminuza ya Witwatersrand i Johannesburg muri Afurika y'Epfo.

    Dr. Muyoboke Aimé Karimunda we yagarutse mu Rukiko rw'Ikirenga nyuma y'imyaka itatu aho yavuye aba Perezida w'Urukiko rw'Ubujurire.

    Ni umwarimu udahoraho muri Kaminuza y'u Rwanda (UR) no mu Ishuri ryo Kwigisha no Guteza Imbere Amategeko (ILPD). Afite impamyabumenyi y'Ikirenga (PhD) mu Mategeko Mpuzamahanga Mpanabyaha.

    Uhereye ibumoso: Rukundakuvuga uyobora Urukiko rw’Ubujurire ; Perezida w’Urukiko rw’Ikirenga, Dr Nteziryayo Faustin na Dr Muyoboke Aimé Karimunda wasubiye kuba umucamanza mu Rukiko rw’Ikirenga

    Rukundakuvuga yavuze ko azashyira imbaraga mu gukorana n’abo asanze mu rukiko rw’ubujurire

    Amafoto: Igirubuntu Darcy

    Source : http://igihe.com/amakuru/u-rwanda/article/imanza-2800-kongerera-abacamanza-ubushobozi-inshingano-zitegereje-perezida

  • Inkuru zincira imanza zangize ruharwa- Davis D mu ndirimbo asohoye agifungurwa #rwanda #RwOT

    Iyi ndirimbo Itara, atangira asaba ko yarenga iki gikombe, ndetse akagaruka no ku kuba hari 'inkuru zincira imanza zangize ruharwa.'

    Iyi ndirimbo yasohotse ara amajwi, Davis D ashimiramo abantu bamubaye hafi mu bihe bitoroshye yari amazemo iminsi ubwo yari afunzwe akekwaho icyaha cyo kuba ikitso mu gusambanya umukobwa w’imyaka 17.

    Mu bo ashimiramo harimo umubyeyi we (se) ukunze no kumuba hafi mu bikorwa bye bya muzika.

    Ashimiramo kandi abahani barimo Tizzo wahoze mu itsinda rya Active, Christopher, Mani Martin ndetse na Bushali.

    Ashimiramo kandi Bagenzi Bernard usazwe ari umujyanama we na Producer Element wanakoze iyi ndirimo Itara.

    David D umaze iminsi ari mu bahanzi bakunzwe mu Rwanda, yafunguwe ku wa gatanu w’icyumweru gishize ubwo Urukiko rw’Ibanze rwa Nyarugenge rwamufunguraga we na bagenzi be ngo kuko nta bimenyetso bifatika bibashinja byatanzwe.

    UKWEZI.RW

    Source : http://www.ukwezi.rw/Imyidagaduro/article/Inkuru-zincira-imanza-zangize-ruharwa-Davis-D-mu-ndirimbo-asohoye-agifungurwa

  • Senateri Nyirasafari yanenze ubugwari bwaranze Sindikubwabo washyize imbere ubwicanyi nyamara yari Umukuru w'Igihugu – #rwanda #RwOT

    Yabigarutseho ku wa Gatandatu tariki ya 15 Gicurasi 2021 ubwo yari yifatanyije n'abatuye mu Karere ka Huye kwibuka ku nshuro ya 27 Jenoside yakorewe Abatutsi no gushyingura mu cyubahiro imibiri 48 y'Abatutsi bazize Jenoside iherutse kuboneka mu Kagari ka Cyimana.

    Senateri Nyirasafari yavuze ko kuba Jenoside yarakoranwe ubugome n'ubukana muri Butare hakicwa Abatutsi benshi, byatewe na Sindikubwabo wahaje akangurira Abahutu kwica Abatutsi.

    Yagize ati 'Ibaze Umukuru w'Igihugu kuza aho kuvuga ijambo rihumuriza abaturage ribashyira hamwe, ahubwo agakungura igice kimwe kwica abandi, ni ishyano ryaguye, rwose ijambo rye ryatumye haba ingaruka nyinshi cyane.'

    Yakomeje avuga ko Sindikubwabo akimara kuvuga ijambo rikangurira Abahutu kwica Abatutsi, abandi bayobozi bahise batangira kujya hirya no hino gutangiza ubwicanyi no kubuhagarikira. By'umwihariko yagarutse kuri Nyiramasuhuko Pauline wari Minisitiri ushinzwe umuryango wagenzuraga uko Jenoside ikorwa muri Butare.

    Ati 'N'abandi bayobozi rero nk'uko tubyibukiranya, harimo n'uriya Minisiteri wari ushinzwe umuryango, Nyiramasuhuko Pauline, wari ushinzwe kureba ibya Jenoside uko bigenda muri Butare byose byatumye ubwicanyi bukomera kuko iyo umuyobozi avuze abantu benshi barumva.'

    Yabwiye abaturage ko bakwiye kujya bashishoza kandi bakirinda kumvira umuntu wese wabashuka abashora mu bikorwa bibi n'ubwo yaba ari umuyobozi.

    Ati 'Ikibazo gikomeye ni uko yavuze ibi abantu bakabyumva, ubundi ntabwo umutarage yakagombye kwica ngo ni uko umuyobozi yabivuze ariko kuko bari baratojwe bihagije barabwiwe ko Umututsi atari umuntu, atari Umunyarwanda ari inzoka.'

    'Bumvaga kumwica kandi babona bashyigikiwe na Perezida w'Igihugu, ba Minisitiri bose, Abasirikare bishimangira uruhare abayobozi bagize ni yo mpamvu Jenoside yashobotse.'

    Senateri Nyirasafari yavuze ko biteye isoni n'agahinda kubona abarimu baminuje bica abanyeshuri babo cyangwa abanyeshuri bakica bagenzi babo.

    By'umwihariko yasabye Abanyabutare guharanira gukora ibyiza no kunga ubumwe kugira ngo bitandukanye n'amateka mabi yahabereye.

    Jenoside ikwiye kutubera isomo

    Senateri Nyirasafari yavuze ko Jenoside yakorewe Abatutsi ikwiye kubera isomo Abanyarwanda bose bagaharanira kunga ubumwe birinda amacakubiri.

    Ati 'Dukwiriye gukura amasomo muri ibyo ngibyo abantu bakemenya kubaha ikiremwamuntu bakamenya ko umuntu ari nk'undi cyane ko noneho dufite abayobozi beza bakangurira abantu kunga ubumwe.'

    Yavuze ko kuri ubu u Rwanda rufite ubuyobozi bwiza kandi bwashyize imbere ubumwe, asaba umusanzu wa buri wese mu kwamagana ababiba ingengabitekerezo ya Jenoside n'amacakubiri.

    By'umwihariko yasabye ababyeyi gutoza abana babo indangagaciro zo gukunda igihugu, kuko iyo ukunze igihugu ukunda abagituye bose nta vangura.

    Ati 'Tubatoze indagagiciro zo gukunda umurimo kuko ntiwavuga ko ugikunda udakora, ibyo rero ababyeyi babyumve babiharanire batoze abana babo inzira nziza duhora twibutswa n'ubuyobozi bwacu bwiza burangajwe imbere na Nyakubahwa Perezida Paul Kagame.'

    Imibiri yashyinguwe mu cyubahiro irimo 47 yabonetse mu cyobo cy'umusarani mu Mudugudu wa Akamuhoza mu Kagari ka Cyimana mu matariki ya 26 kugeza ku ya 28 Werurwe 2021 n'undi umwe wabonetse mu Murenge wa Ngoma.

    Karongozi André Martin wari uhagarariye imiryango yashyinguye mu cyubahiro yashimye umuturage watanze amakuru kugira ngo iboneke.

    Gusa yanenze bamwe mu baturage binangira bakanga gutanga amakuru y'ahajugunywe imibiri ngo nayo ishyingurwe mu cyubahiro, avuga ko ari kimwe mu bikomeretsa abarokotse Jenoside yakorewe Abatutsi mu 1994.

    Yagize ati 'Ibyo rero byamusabye ingufu nyinshi ariko bitumye tumenya y'uko ntaho turagera, urwo rugo rugo [aho imibiri yakuwe mu musarani] rukikijwe n'abantu benshi biyemeje kutagira icyo bavuga. Urumva ingufu bafite zo guhisha amakuru kugeza magingo aya, bijyana rero no guhakana Jenoside, kuko jenoside irakorwa igakomereza mu kuyihakana.'

    Inzego za Leta, imiryango itandukanye n'amadini zasabwe ubufatanye mu gukangurira abafite amakuru y'ahakiri imibiri y'Abatutsi bishwe muri Jenoside kugira ngo ishyingurwe mu cyubahiro.

    Abashyinguye ababo mu cyubahiro bashimiye umuturage watanze amakuru kugira ngo imibiri iboneke

    Abashyinguye ababo mu cyubahiro bavuze ko byabaruhuye ku mutima

    I Huye hashyinguwe mu cyubahiro imibiri 48 y'abishwe muri Jenoside yakorewe Abatutsi

    Ni imibiri 47 yabonetse mu Mudugudu wa Akamuhoza mu matariki ya 26 kugeza ku ya 28 Werurwe 2021 n'undi umwe wabonetse mu Murenge wa Ngoma

    Senateri Nyirasafari yanenze ubugwari bwaranze Sindikubwaho washyize imbere ubwicanyi nyamara yari Umukuru w'Igihugu

    [email protected]

    Source : http://igihe.com/amakuru/u-rwanda/article/senateri-nyirasafari-yanenze-ubugwari-bwaranze-sindikubwabo-washyize-imbere

  • Senateri Nyirasafari yanenze ubugwari bwaranze Sindikubwabo washyize imbere ubwicanyi nyamara yari Umukuru w’Igihugu –

    Yabigarutseho ku wa Gatandatu tariki ya 15 Gicurasi 2021 ubwo yari yifatanyije n’abatuye mu Karere ka Huye kwibuka ku nshuro ya 27 Jenoside yakorewe Abatutsi no gushyingura mu cyubahiro imibiri 48 y’Abatutsi bazize Jenoside iherutse kuboneka mu Kagari ka Cyimana.

    Senateri Nyirasafari yavuze ko kuba Jenoside yarakoranwe ubugome n’ubukana muri Butare hakicwa Abatutsi benshi, byatewe na Sindikubwabo wahaje akangurira Abahutu kwica Abatutsi.

    Yagize ati “Ibaze Umukuru w’Igihugu kuza aho kuvuga ijambo rihumuriza abaturage ribashyira hamwe, ahubwo agakungura igice kimwe kwica abandi, ni ishyano ryaguye, rwose ijambo rye ryatumye haba ingaruka nyinshi cyane.”

    Yakomeje avuga ko Sindikubwabo akimara kuvuga ijambo rikangurira Abahutu kwica Abatutsi, abandi bayobozi bahise batangira kujya hirya no hino gutangiza ubwicanyi no kubuhagarikira. By’umwihariko yagarutse kuri Nyiramasuhuko Pauline wari Minisitiri ushinzwe umuryango wagenzuraga uko Jenoside ikorwa muri Butare.

    Ati “N’abandi bayobozi rero nk’uko tubyibukiranya, harimo n’uriya Minisiteri wari ushinzwe umuryango, Nyiramasuhuko Pauline, wari ushinzwe kureba ibya Jenoside uko bigenda muri Butare byose byatumye ubwicanyi bukomera kuko iyo umuyobozi avuze abantu benshi barumva.”

    Yabwiye abaturage ko bakwiye kujya bashishoza kandi bakirinda kumvira umuntu wese wabashuka abashora mu bikorwa bibi n’ubwo yaba ari umuyobozi.

    Ati “Ikibazo gikomeye ni uko yavuze ibi abantu bakabyumva, ubundi ntabwo umutarage yakagombye kwica ngo ni uko umuyobozi yabivuze ariko kuko bari baratojwe bihagije barabwiwe ko Umututsi atari umuntu, atari Umunyarwanda ari inzoka.”

    “Bumvaga kumwica kandi babona bashyigikiwe na Perezida w’Igihugu, ba Minisitiri bose, Abasirikare bishimangira uruhare abayobozi bagize ni yo mpamvu Jenoside yashobotse.”

    Senateri Nyirasafari yavuze ko biteye isoni n’agahinda kubona abarimu baminuje bica abanyeshuri babo cyangwa abanyeshuri bakica bagenzi babo.

    By’umwihariko yasabye Abanyabutare guharanira gukora ibyiza no kunga ubumwe kugira ngo bitandukanye n’amateka mabi yahabereye.

    Jenoside ikwiye kutubera isomo

    Senateri Nyirasafari yavuze ko Jenoside yakorewe Abatutsi ikwiye kubera isomo Abanyarwanda bose bagaharanira kunga ubumwe birinda amacakubiri.

    Ati “Dukwiriye gukura amasomo muri ibyo ngibyo abantu bakemenya kubaha ikiremwamuntu bakamenya ko umuntu ari nk’undi cyane ko noneho dufite abayobozi beza bakangurira abantu kunga ubumwe.”

    Yavuze ko kuri ubu u Rwanda rufite ubuyobozi bwiza kandi bwashyize imbere ubumwe, asaba umusanzu wa buri wese mu kwamagana ababiba ingengabitekerezo ya Jenoside n’amacakubiri.

    By’umwihariko yasabye ababyeyi gutoza abana babo indangagaciro zo gukunda igihugu, kuko iyo ukunze igihugu ukunda abagituye bose nta vangura.

    Ati “Tubatoze indagagiciro zo gukunda umurimo kuko ntiwavuga ko ugikunda udakora, ibyo rero ababyeyi babyumve babiharanire batoze abana babo inzira nziza duhora twibutswa n’ubuyobozi bwacu bwiza burangajwe imbere na Nyakubahwa Perezida Paul Kagame.”

    Imibiri yashyinguwe mu cyubahiro irimo 47 yabonetse mu cyobo cy’umusarani mu Mudugudu wa Akamuhoza mu Kagari ka Cyimana mu matariki ya 26 kugeza ku ya 28 Werurwe 2021 n’undi umwe wabonetse mu Murenge wa Ngoma.

    Karongozi André Martin wari uhagarariye imiryango yashyinguye mu cyubahiro yashimye umuturage watanze amakuru kugira ngo iboneke.

    Gusa yanenze bamwe mu baturage binangira bakanga gutanga amakuru y’ahajugunywe imibiri ngo nayo ishyingurwe mu cyubahiro, avuga ko ari kimwe mu bikomeretsa abarokotse Jenoside yakorewe Abatutsi mu 1994.

    Yagize ati “Ibyo rero byamusabye ingufu nyinshi ariko bitumye tumenya y’uko ntaho turagera, urwo rugo rugo [aho imibiri yakuwe mu musarani] rukikijwe n’abantu benshi biyemeje kutagira icyo bavuga. Urumva ingufu bafite zo guhisha amakuru kugeza magingo aya, bijyana rero no guhakana Jenoside, kuko jenoside irakorwa igakomereza mu kuyihakana.”

    Inzego za Leta, imiryango itandukanye n’amadini zasabwe ubufatanye mu gukangurira abafite amakuru y’ahakiri imibiri y’Abatutsi bishwe muri Jenoside kugira ngo ishyingurwe mu cyubahiro.

    Abashyinguye ababo mu cyubahiro bashimiye umuturage watanze amakuru kugira ngo imibiri iboneke

    Abashyinguye ababo mu cyubahiro bavuze ko byabaruhuye ku mutima

    I Huye hashyinguwe mu cyubahiro imibiri 48 y’abishwe muri Jenoside yakorewe Abatutsi

    Ni imibiri 47 yabonetse mu Mudugudu wa Akamuhoza mu matariki ya 26 kugeza ku ya 28 Werurwe 2021 n’undi umwe wabonetse mu Murenge wa Ngoma

    Senateri Nyirasafari yanenze ubugwari bwaranze Sindikubwaho washyize imbere ubwicanyi nyamara yari Umukuru w’Igihugu

    [email protected]

  • Abagore 50 b’i Rusizi bafashwe bari muri Bridal Shower –

    Mu Murenge wa Kamembe mu Kagari ka Ruganda, Umudugudu wa Kadashya hafatiwe abagore n’abakobwa 50 bari mu cyumba cy’uruganiriro mu birori byo gutegura umugeni witegura gushyingirwa, Bridal Shower.

    Mu murenge wa Mururu muri Hotel du Lac ho hafatiwe abantu 30 bari kunywa inzoga abandi barimo gukina Billard.

    Umuvugizi wa Polisi mu Ntara y’Iburengerazuba, CIP Bonaventure Twizere Karekezi, yashimiye abaturage bagize uruhare mu gutanga amakuru bariya bantu bagafatwa.

    Ati “Saa kumi z’umugoroba abaturage bahamagaye Polisi bavuga ko mu Murenge wa Kamembe hateraniye abagore n’abakobwa benshi bari mu birori. Abapolisi bagiye yo basanga koko abo bantu bicaye mu cyumba cy’uruganiriro ari 50 bicaye begeranye cyane bakoze ibirori banywa barya mbese nta bwiriza na rimwe bubahirije ryo kurwanya COVID-19.”

    “Nyuma yaho saa moya n’igice twumva andi makuru ko muri Hotel du Lac iri mu Murenge wa Mururu mu kagari Gahinga harimo abantu barimo gusakuza cyane Abapolisi bagezeyo basanga ni abantu 30 barimo kunywa inzoga abandi barimo gukina umukino wa Billard.”

    CIP Karekezi yongeye kwibutsa abantu ko amabwiriza yo kurwanya COVID-19 atemerera abantu gukoresha ibirori n’andi makoraniro atubahirije amabwiriza ndetse n’utubari ntitwemewe.

    Yibukije abafite amahoteli ko nabo bafite amabwiriza bagomba kugenderaho bayarengaho bakabihanirwa.

    Ati “Ikigaragara ni uko abantu barimo kurenga ku mabwiriza yo kurwanya COVID-19 nkana kuko abafatwa bose basaba imbabazi bavuga ko bacitswe.”

    “Abafatiwe mu birori byo gusezera ku mukobwa ugiye gushyingirwa bavugaga ko batari bazi ko haza abantu bangana kuriya 50. Abo muri Hotel nabo bari barenze ku mabwiriza amahoteli agomba kugenderaho mu kwakira abakiriya kuko bari babigize nk’abari.”

    Umuvugizi wa Polisi mu Ntara y’Iburengerazuba yibukije abaturage ko COVID-19 ntaho yagiye abasaba kudakomeza kurenga nkana ku mabwiriza yo kuyirinda.

    Yavuze ko ku bufatanye n’abaturage n’izindi nzego Polisi y’u Rwanda itazarambirwa gukurikirana abarenga ku mabwiriza kugira ngo baganirizwe kandi banahanirwe kurenga ku mabwiriza.

    Abafashwe bose uko ari 80 baganirijwe n’ubuyobozi bw’Akarere ka Rusizi na Polisi nyuma inzego zibishinzwe zibaca amande buri muntu yiyishyurira ikiguzi cyo kwipimisha COVID-19.

    Abagore 50 b’i Rusizi bafashwe bari muri Bridal Shower