Webrwanda Backend

Blog

  • Minisitiri Busingye yanenze abari abakozi ba Leta bakoresheje umutungo wa rubanda mu gukora Jenoside – #rwanda #RwOT

    Yabitangaje kuri uyu wa Gatanu mu muhango wo kwibuka abahoze ari abakozi ba Minisiteri y'Ubutabera, Minisiteri y'Itumanaho no gutwara abantu n'ibintu (Minitransco) n'abari abakozi ba Minisiteri yari ishinzwe ibikorwa remezo (Minitrape) bazize Jenoside yakorewe Abatutsi.

    Nibura muri Minitransco na Minitrape abari abakozi bazo barenga 200 bazize Jenoside yakorewe Abatutsi. Minisitiri w'Ibikorwa Remezo Amb Gatete Claver, avuga ko ikibabaje ari uko abenshi mu bishe aba batutsi batarabiryozwa.

    Ati 'Birumvikana ko abishe abo bantu ari benshi, ariko ikibabaje ni uko ababishe baba abari abakozi b'ibi bigo cyangwa abakoraga ku kibuga cy'indege, abamaze gukatirwa n'inkiko ni 26 gusa, abandi nabo baracyashakishwa buhoro buhoro twizeye ko bazagenda bafatwa bose.'

    Minisitiri Busingye yavuze ko uyu munsi binyuze mu bushakashatsi bukorwa n'ibigo cyangwa abantu batandukanye, bimaze kugaragara uruhare rukomeye rw'abari abanyabwenge cyangwa abantu bize muri Jenoside.

    Ati 'Muri Jenoside mwabonye ukuntu abantu bicaga abantu, bakarya inka z'abantu kuva mu gitondo kugeza nimugoroba, ntabwo byakorwaga n'injiji. Ni abantu bagiye mu ishuri, bakarangiza bakaba abantu basobanutse. Uruhare rw'abanyabwenge muri Jenoside, ni igice gikomeye kandi simvuga abanyabwenge bo hejuru ahubwo umuntu wese usobanukiwe.'

    Yakomeje agira ati 'N'inyandiko zanditswe ntabwo ubona ko zanditswe n'umuntu udafite ubwenge cyangwa urakaye gusa, ni urwandiko umuntu yicaye agategura neza akabyandika ku buryo umuntu yumva igitekerezo cy'uwanditse.'

    Minisitiri Busingye avuga kandi ko kubiba urwango, amacakubiri n'urwikekwe byakozwe n'aba bantu n'ubundi bajijutse kandi by'umwihariko abari bafite akazi bahembwe bityo bagakoresha umutungo wa leta mu kugira nabi.

    Ati 'Abantu bari bari mu nzego za leta bahembwa bafite ubushobozi […] ariko ikintu cyo gukoresha umutungo wa rubanda mu kugira nabi. Ndakivuga kubera ko uko twicaye aha twese turi abayobozi, abantu bose bakwiye kumva icyo umutungo wa rubanda biba bivuze, ni ukuwukoresha mu byubaka.'

    Yavuze ko uyu ari umwanya ukwiye wo gufasha kongera gutekereza no gufata ingamba zo gukomeza kurwanya ingengabitekerezo ya Jenoside, ihakana ndetse n'ipfobya ryayo mu buryo bwose kandi aho ariho hose.

    Ati 'Turasabwa kwamagana abahakana Jenoside n'abagerageza bose gusibanganya ibimenyetso no kugoreka amateka. Tugomba kandi gushyira hamwe kurusha mbere, duharanira ukuri kandi dukora ku buryo guhakana jenoside bidashinga imizi. Uru rugamba rukaba rutureba twese.'

    Yakomeje agira ati 'Dukwiye guhaguruka twese uko habonetse uburyo ubwo aribwo bwose buganisha ku guhakana no gupfobya Jenoside, tukabirwanya, kuko ibi bikorwa byo guhakana no gupfobya ubwabyo ni kimwe mu bigize jenoside aho ari intambwe ya nyuma mu gukora icyaha cya jenoside, bigamije gukomeza gushinyagurira abarokotse jenoside. Ntabwo bikwiye rero gukorwa ngo natwe tubirebere.'

    Gisagara Andrew wakoreye Minitransco mbere ya Jenoside yatanze ubuhamya bw'uburyo abari abakozi bakoranaga aribo bafashe iya mbere mu kwica Abatutsi bakoranaga cyangwa kubarangira interahamwe kugira ngo abe arizo zibica.

    Minisitiri Busingye yanenze abakoresheje umutungo wa rubanda mu gukora Jenoside

    Minisitiri w’Ibikorwa Remezo Amb Gatete Claver yavuze ko hari abakoze amahano ya Jenoside batarashyikirizwa ubutabera

    Umunyamabanga Nshingwabikorwa wa CNLG, Dr Bizimana Jean Damascene yavuze ko umugambi wa Jenoside wateguwe igihe kirekire

    Abayobozi batandukanye bitabiriye umuhango wo kwibuka ku nshuro ya 27 abazize Jenoside yakorewe Abatutsi

    Abahoze ari abakozi ba Minisiteri y'Ubutabera, Minisiteri y'itumanaho no gutwara abantu n'ibintu (Minitransco) n'abari abakozi ba Minisiteri yari ishinzwe ibikorwa remezo (Minitrape) bazize Jenoside yakorewe Abatutsi

    Amafoto: Niyonzima Moïse

    Source : http://igihe.com/amakuru/u-rwanda/article/minisitiri-busingye-yanenze-abari-abakozi-ba-leta-bakoresheje-umutungo-wa

  • Minisitiri Busingye yanenze abari abakozi ba Leta bakoresheje umutungo wa rubanda mu gukora Jenoside –

    Yabitangaje kuri uyu wa Gatanu mu muhango wo kwibuka abahoze ari abakozi ba Minisiteri y’Ubutabera, Minisiteri y’Itumanaho no gutwara abantu n’ibintu (Minitransco) n’abari abakozi ba Minisiteri yari ishinzwe ibikorwa remezo (Minitrape) bazize Jenoside yakorewe Abatutsi.

    Nibura muri Minitransco na Minitrape abari abakozi bazo barenga 200 bazize Jenoside yakorewe Abatutsi. Minisitiri w’Ibikorwa Remezo Amb Gatete Claver, avuga ko ikibabaje ari uko abenshi mu bishe aba batutsi batarabiryozwa.

    Ati “Birumvikana ko abishe abo bantu ari benshi, ariko ikibabaje ni uko ababishe baba abari abakozi b’ibi bigo cyangwa abakoraga ku kibuga cy’indege, abamaze gukatirwa n’inkiko ni 26 gusa, abandi nabo baracyashakishwa buhoro buhoro twizeye ko bazagenda bafatwa bose.”

    Minisitiri Busingye yavuze ko uyu munsi binyuze mu bushakashatsi bukorwa n’ibigo cyangwa abantu batandukanye, bimaze kugaragara uruhare rukomeye rw’abari abanyabwenge cyangwa abantu bize muri Jenoside.

    Ati “Muri Jenoside mwabonye ukuntu abantu bicaga abantu, bakarya inka z’abantu kuva mu gitondo kugeza nimugoroba, ntabwo byakorwaga n’injiji. Ni abantu bagiye mu ishuri, bakarangiza bakaba abantu basobanutse. Uruhare rw’abanyabwenge muri Jenoside, ni igice gikomeye kandi simvuga abanyabwenge bo hejuru ahubwo umuntu wese usobanukiwe.”

    Yakomeje agira ati “N’inyandiko zanditswe ntabwo ubona ko zanditswe n’umuntu udafite ubwenge cyangwa urakaye gusa, ni urwandiko umuntu yicaye agategura neza akabyandika ku buryo umuntu yumva igitekerezo cy’uwanditse.”

    Minisitiri Busingye avuga kandi ko kubiba urwango, amacakubiri n’urwikekwe byakozwe n’aba bantu n’ubundi bajijutse kandi by’umwihariko abari bafite akazi bahembwe bityo bagakoresha umutungo wa leta mu kugira nabi.

    Ati “Abantu bari bari mu nzego za leta bahembwa bafite ubushobozi […] ariko ikintu cyo gukoresha umutungo wa rubanda mu kugira nabi. Ndakivuga kubera ko uko twicaye aha twese turi abayobozi, abantu bose bakwiye kumva icyo umutungo wa rubanda biba bivuze, ni ukuwukoresha mu byubaka.”

    Yavuze ko uyu ari umwanya ukwiye wo gufasha kongera gutekereza no gufata ingamba zo gukomeza kurwanya ingengabitekerezo ya Jenoside, ihakana ndetse n’ipfobya ryayo mu buryo bwose kandi aho ariho hose.

    Ati “Turasabwa kwamagana abahakana Jenoside n’abagerageza bose gusibanganya ibimenyetso no kugoreka amateka. Tugomba kandi gushyira hamwe kurusha mbere, duharanira ukuri kandi dukora ku buryo guhakana jenoside bidashinga imizi. Uru rugamba rukaba rutureba twese.”

    Yakomeje agira ati “Dukwiye guhaguruka twese uko habonetse uburyo ubwo aribwo bwose buganisha ku guhakana no gupfobya Jenoside, tukabirwanya, kuko ibi bikorwa byo guhakana no gupfobya ubwabyo ni kimwe mu bigize jenoside aho ari intambwe ya nyuma mu gukora icyaha cya jenoside, bigamije gukomeza gushinyagurira abarokotse jenoside. Ntabwo bikwiye rero gukorwa ngo natwe tubirebere.”

    Gisagara Andrew wakoreye Minitransco mbere ya Jenoside yatanze ubuhamya bw’uburyo abari abakozi bakoranaga aribo bafashe iya mbere mu kwica Abatutsi bakoranaga cyangwa kubarangira interahamwe kugira ngo abe arizo zibica.

    Minisitiri Busingye yanenze abakoresheje umutungo wa rubanda mu gukora Jenoside

    Minisitiri w’Ibikorwa Remezo Amb Gatete Claver yavuze ko hari abakoze amahano ya Jenoside batarashyikirizwa ubutabera

    Umunyamabanga Nshingwabikorwa wa CNLG, Dr Bizimana Jean Damascene yavuze ko umugambi wa Jenoside wateguwe igihe kirekire

    Abayobozi batandukanye bitabiriye umuhango wo kwibuka ku nshuro ya 27 abazize Jenoside yakorewe Abatutsi

    Abahoze ari abakozi ba Minisiteri y’Ubutabera, Minisiteri y’itumanaho no gutwara abantu n’ibintu (Minitransco) n’abari abakozi ba Minisiteri yari ishinzwe ibikorwa remezo (Minitrape) bazize Jenoside yakorewe Abatutsi

    Amafoto: Niyonzima Moïse

  • Lady Gaga 'yataye ubwenge' nyuma yo gufatwa ku ngufu agatwita #rwanda #RwOT

    Lady Gaga yahishuye ko yigeze guta ubwenge bivuye ku guhohoterwa gushingiye ku gitsina kwasize atwite.

    Gaga avuga ko yari afite imyaka 19 ubwo yakoreshwaga imibonano mpuzabitsina ku ngufu n'umugabo utunganya muzika, wamukangishije gutwika indirimbo ze.

    Avuga ko uwakoze ibyo yahise “antera inda…kuko naje kuruka no guhindurwa.”

    Haciye imyaka, yagize ikibazo cyo “guta ubwenge” kandi yinjira mu “buryo bukabije bwo kugira ubwoba” nk'ingaruka z'ihungabana yabikuyemo.

    Gaga, amazina ye nyayo Stefani Germanotta, yabivugaga mu gice cya mbere cy'ikiganiro cya Oprah Winfrey na Prince Harry bise 'The Me You Can't See', kivuga ku kato kava ku burwayi bwo mu mutwe.

    Yarize ubwo yavugaga ibyamubayeho, byabaye mu ntangiriro z'urugendo rwe rwa muzika.

    Ati: “Nari mfite imyaka 19, ndi muri iyo business [ya muzika], nuko uwo ukora muzika arambwira ngo 'vanamo imyanda'. Ndavuga nti 'Oya' mpita ngenda, bambwira ko bagiye gutwika muzika yanjye yose.

    “Ntibarekeye aho kunsaba, nageze aho ndakonja nda….Sinabyibuka.”

    Uyu muhanzikazi ubu w'imyaka 35, avuga ko atazigera avuga uwamukoreye ibyo.

    Ati: “Numva neza inkubiri ya #MeToo, numva neza ko abantu bumva ibyo bibafashije, njyewe si ko bimeze. Sinshaka na rimwe kongera kurebana n'uwo muntu.”

    Gaga bwa mbere yavuze kuri uku gufatwa ku ngufu mu 2014, abikomozaho mu ndirimbo ze nka Swine na 'Til It Happens To You, iyi yaje no gushyirwa mu zashoboraga guhabwa Oscar mu 2016.

    Yavuze ko ihungabana rikomeye yarigize nyuma hashize imyaka bibaye – kandi ryari rigikomeje igihe yafataga igihembo cya Oscar mu 2019 kubera indirimbo A Star Is Born.

    Byatangiye ubwo yashyirwaga mu bitaro kubera ububabare bukabije no kubura ibyiyumvo, atungurwa no koherezwa ku muvuzi w'indwara zo mu mutwe.

    Yagize ati: “Sinashoboraga kumva umubiri wanjye. Nabanje kumva uburibwe bukabije, nyuma mbura ibyiyumvo, nyuma narwaye mu gihe cy'ibyumweru.

    “Naje kubona ko ubwo aribwo buribwe numvise igihe uwo muntu wamfashe ku ngufu yanteraga inda ku ikorosi, ku nzu y'ababyeyi banjye, kuko naje kuruka ndanarwara. Kuko nagiriwe nabi, kandi nafungiwe muri studio igihe cy'amezi.”

    Ibisanzwe bizwi ni uko Lady Gaga nta mwana yabyaye, muri iki kiganiro ntiyasobanuye niba yarakuyemo iyo nda ku bushake cyangwa by'uburwayi.

    Gaga yongeyeho ko ibi byose byamuhinduye nk'umuntu, kandi bidashobora kumuvaho.

    Ati: “Nagize ibihe byo guta ubwenge burundu mu gihe cy'imyaka, ntabwo nari nkiri wa mukobwa. Uko niyumva iyo ngize ububabare niko niyumvaga nyuma yo gufatwa ku ngufu.

    “Nagiye nkora ibizami byinshi bya MRI na 'scans' aho ntacyo babonaga. Ariko umubiri wawe uribuka.”

    Byamufashe imyaka ibiri n'igice gukira ku mubiri, nk'uko abivuga, ariko “imbarutso rimwe gusa” iba ihagije kuri we ngo asubire muri ibyo bihe by'ububabare bw'umubiri n'intekerezo.

    Gusa, yarangije agaragaza icyizere, avuga ko, nyuma y'imyaka y'umuhate, “nize uburyo bwose bwo kubyikuramo. Byose bitangiye guhinduka buhoro buhoro.”

    Gaga ni umwe mu bantu bazwi cyane bazaboneka muri ibyo biganiro byiswe “The Me You Can't See”, abandi barimo umuteramakofe Glenn Close, umutetsi w'ibyamamare Rashad Armstead, Oprah Winfrey ubwe na Prince Harry.

    BBC

    Source : http://umuryango.rw/imyidagaduro/umuziki/article/lady-gaga-yataye-ubwenge-nyuma-yo-gufatwa-ku-ngufu-agatwita

  • Chelsea yahaye Tottenham abakinnyi 3 n'amafaranga kugira ngo yegukane Harry Kane #rwanda #RwOT

    Chelsea yahombejwe na Timo Werner yazanye izi ko azaziba icyuho cy'ibitego bikanga,yiyemeje gushaka rutahizamu wo gufatanya n'Abadage 2 yaguze ariyo mpamvu yatanze abakinnyi bayo 3 Callum Hudson-Odoi, Kepa Arrizabalaga na Tammy Abraham kugira ngo imubone.

    Ikinyamakuru Dailymail kivuga ko Chelsea ishaka gutanga Tammy Abraham, Kepa Arrizabalaga na Callum Hudson-Odoi muri Tottenham nayo ikabaha Harry Kane wifuzwa cyane na Manchester City na United.

    Chelsea yagowe cyane no kubura ibitego kubera ko Giroud na Abraham batayifashije ndetse Werner na Kai Havertz nabo ntibahise bisanga muri Premier League.

    Kane w'imyaka 27 amaze imyaka 16 muri Tottenham ndetse mu myaka isaga 8 amaze akina mu ikipe ya mbere,yatsinze ibitego byinshi cyane ku buryo ntawamushidikanyaho.

    Muri iki cyumweru,Harry Kane yabwiye Tottenham ashaka kuva muri iyi kipe akajya ahandi ndetse mu kiganiro aherutse kugirana na Garry Neville,yahamije ko ashaka gukina ku rwego rwo hejuru nkuko Messi na Ronaldo byagenze.

    Kane yasembuye amakipe nka Manchester City, Manchester United, Chelsea na PSG amushaka niko kwiyemeza kumuhigisha uruhindu gusa bivugwa ko umuyobozi wa Tottenham, Daniel Levy amushakamo akayabo ka miliyoni 150 z'amapawundi.

    Kubera ko iki giciro kiri hejuru kandi Chelsea ifite abakinnyi benshi idakoresha,yahisemo gutanga bariya 3 n'ubundi batabanza mu kibuga hanyuma yongeraho n'amafaranga make atavuzwe kugira ngo ibone uyu rutahizamu wa mbere mu Bwongereza.

    Kane asigaje imyaka 3 ku masezerano afitanye na Tottenham ariyo mpamvu Chelsea itizeye neza Levy azemera kurekura uyu mukinnyi usanzwe ari kapiteni w'Ubwongereza.

    Abraham w'imyaka 23, yagaragaje ko ashoboye Premier League kuko mu mwaka w'imikino ushize yatsinze ibitego 15 ndetse uyu abarirwa agaciro ka miliyoni 40 z'amapawundi we na mugenzi we Odoi nubwo uyu yigeze gushakwa na Bayern Munich kuri miliyoni 70 z'amapawundi.

    Ku rundi ruhande,umunyezamu Arrizabalaga yahombeye Chelsea kuko yaguzwe miliyoni £72 avuye muri Athletic Bilbao muri 2018.

    Tottenham ikeneye aba basore bose uko ari 3 Chelsea kubaha kuko irashaka kuzana umunyezamu mushya wo gufatanya na Lloris,ikeneye umusimbura wa Kane bitakoroha ko yahita ibona.

    Icyakora,Kane ashobora kuba yifuza kwerekeza muri Manchester City kuko yabwiye itangazamakuru ko akunda imikinire ya Kevin de Bruyne ndetse buri rutahizamu wese yakwifuza guhabwa imipira myiza nkiyo atanga.

    Source : http://umuryango.rw/imyidagaduro/imikino/article/chelsea-yahaye-tottenham-abakinnyi-3-n-amafaranga-kugira-ngo-yegukane-harry

  • Nyuma ya Zanzibar, umuhanzi Platini arabarizwa Dar es Salaam aho ari bukore ikiganiro na radio ikomeye #rwanda #RwOT

    Umuhanzi Nemeye Platini wamamaye mu muziki nka Platini P ubu arabarizwa mu gihugu cya Tanzania mu mujyi wa Dar es Salaam aho ari buze kugirana ikiganiro na Radio ikomeye muri iki gihugu ya East African Radio.

    Mu ntangiriro z’iki cyumweru nibwo Platini yavuye mu Rwanda yerekeza muri Tanzania, uyu muhanzi akaba yaranyuze Zanzibar aho yabanje gufatira amashusho y’indirimbo ye nshya.

    Ubu uyu muhanzi akaba arimo abarizwa mu mujyi wa Dar es Salaam aho mu ijoro ryo kuri uyu wa Gatanu saa 21h zo muri Tanzania, saa 20h za hano i Kigali ari bugirane ikiganiro na East African Radio, ni mu rwego rwo gukomeza kumenyekanisha umuziki we muri aka karere k’Afurika y’Iburasirazuba.

    Abinyujije ku rukuta rwe rwa Instagram, uyu muhanzi yavuze ko ari buze kuba aganira n’abakunzi be Dar.

    Ati'uyu munsi turaza kumenaho abiri na bantu banjye ba Dar.'

    Platini uri mu bikorwa byo gukomeza kumenyekanisha umuziki we, aheruka gukora ubukwe na Ingabire Olivia muri Werurwe uku kwezi.

    Uyu muhanzi arabarizwa muri Tanzania mu kumenyekanisha ibikorwa bye

    Platini araganira na East Africa Radio

    Source : http://isimbi.rw/imyidagaduro/article/nyuma-ya-zanzibar-umuhanzi-platini-arabarizwa-dar-es-salaam-aho-ari-bukore-ikiganiro-na-radio-ikomeye

  • KERA HABAYEHO: Umugani wa Ngunda igice cya I #rwanda #RwOT

    Habayeho umugabo akitwa Ngunda. Uwo mugabo yari icyago, yari ishyano, yari igisahiranda ; uko yaryaga ni nako yahingaga. Yahingaga Rubona yose agakubitaho na Musasu. Iyo ni yo yari isambu ye. Ndetse ngo imisozi y’i Rwanda ni amabimba Ngunda yashingaga. Uwo mugabo yari afite n’imirima ku Nyundo ya Bugoyi.

    Arakunyarukira ashaka umugore, akaba, umukobwa wa Gacumu. Arongera ashaka undi, akaba umukobwa wa Mirenge ku Ntenyo. Ashakiraho n’abandi bane, bose bashyika batandatu. Ukuntu yaryaga, nta mugore umwe wajyaga kumubumba.

    Umunsi umwe Ngunda aribwira, ati ” ngiye kwa databukwe kumuha umubyizi. ” Ngunda arakugendera no ku Ntenyo, abwira kwa sebukwe ati “munkwikirire amasuka mirongo itanu njye kubaha umubyizi. ” Kwa sebukwe bakaba abakungu, amasuka barayakwikira, barayamuha, ajya guhinga.

    Atangirira mu Rugondo, ahinga Ntenyo yose, abirinduka mu Kinyoro kwa Byakuzacumu. Ngunda agakubita isuka hasi kabiri, ubwa gatatu akazamura agafuni. Ngunda amara atyo amasuka yose, ntiyasiga n’imwe, abona guhingura. Ni uko wa murima Ngunda ahinze, Mirenge awoherezamo abatezi. Abatezi bakorera kubura hasi no kubura hejuru, barihata cyane ariko ubuhinge burabananira.

    Mirenge abibonye ati ” uyu muntu waduhingiye atya, na twe tumuhembe. ” Babaga Ingumba kabombo, bashesha amafu, bavomesha amazi yo kuvuga imitsima, benga n’amayoga menshi ndetse n’ abaturanyi bazana amazimano.

    Inyama zimaze gushya n’imitsima imaze kuvugwa bazana ibidasesa badendezaho inyama, bazana n’imbehe nyinshi zuzuye umufa, bakwiza ibibindi by’inzoga mu nzu yose, amarobe y’imitsima bayuzuza ibyibo n’amakangara.

    Byose bamaze kubitunganya, bahamagara umukwe wabo ngo naze afungure. Maze bamuha amazi arakaraba, bamubisa mu nzu ararya.

    Muramu we abarira ko amaze kurya, amushyira amazi yo gukaraba. Ngunda amubonye aramubwira ati “jye nduzi ko iyi nka nyitonoye, abahungu bayiriye bariye inka iryoshye ! “

    Kwa Mirenge bumvise iryo jambo barumirwa. Mirenge abwira umugore we ati ” dore umukwe wacu ntaho atereye kandi yadukoreye. None tabaranya uzane akari gasigaye mumwongere n’izindi nzoga. Jye icyampa ngo yijute irya none. “

    Ni uko Ngunda bamushyira ukuguru kwari gusigaye bamuzanira n’inzoga. Koko rero ni ho yari akigera mu mahina yo kurya, agakaraga irobe ry’umutsima akariyongobeza. Imikarago y’umutsima ikabisikana n’intongo z’inyama n’umufa.

    Byose akabivundiranya akaroha mu nda. Ngunda akagira umuheha witwa Ruvunabataka; yaba awukubise mu kibindi cy’inzoga, akagisoma umusa umwe akaba arakonoje.

    Ni uko amaze kurya arasohoka; asohoka yimyoza ngo ntacyo ariye. Nyamara ubwo yari amaze ingumba yose wenyine kandi bamuhaye n’ibibindi by’inzoga na byo biguze inka, byose arabitsemba, agenda abibogekeye mu ibondo rimwe. Nuko kwa sebukwe baramuherekeza arataha. Basigara batangarira inda nini ya Ngunda.

    Ngo yakubitaga isuka hasi akazamura ifuni

    Ngunda yararyaga cyane

    Igice cya kabiri nacyo tukizane???

    Source : http://isimbi.rw/andi-makuru/article/kera-habayeho-umugani-wa-ngunda-igice-cya-i

  • Bafatanye imyanya yabo y'ibanga bari mu buriri| Ibyo mutamenye kuribo| Uwabaroze baramumenye – YEGOB #rwanda #RwOT

    Uwajeneza Alice na Hakizimana John bavuze uburyo imyanya yabo y'ibanga (ibitsina) yafatanye mu gihe bari bari mu busambanyi. Ni mu gihe Uwajeneza na Hakizimana bari baciye inyuma abo bashakanye aho Uwajeneza yari yaciye inyuma umugabo we nabo Hakizimana yaciye inyuma umugore we. Mu kiganiro Uwajeneza na Hakizimana bagiranye na Afrimax Tv bavuze byinshi kuri ibi byababayeho ndetse banavuga umuganga wabafashije kwikura mu kimwaro igihe bari bandagajwe nyuma yuko ibitsina byabo bifatanye barimo gusambana.

    Hakizimana yavuze ko we na Uwajeneza bahuriye mu modoka bagahana nimero za terefone bakajya bavugana nyuma baza gupanga gahunda barahura. Yavuze ko ku nshuro ya mbere bahuye bakaganira gusa. Ku nshuro ya 2 Uwajeneza na Hakizimana bahura nibwo bwa mbere basambanye. Icyo gihe nta kibazo cyabaye nyamara nyuma yaho gato umufasha wa Hakizimana yaje gutahura ko umugabo we amuca inyuma. Ubwa kabiri Uwajeneza na Hakizimana basambana baje guhura n'insanganya kubera ko ibitsina byabo byarafatanye barabaza abantu barahurura. Mu guhurura, umwe mu bantu bari baje kureba ibyabaye yari aziranye n'umugabo wa Uwajeneza maze amuhamagara amubwira ko umugore we yafashwe amuca inyuma. Umugabo wa Uwajeneza kwihangana byaramunaniye nyuma yuko ageze aho ibi byabereye ahita yanzura ko we na Uwajeneza batandukanye.

    Hakizimana yavuze ko mu bari baje guhurura icyo gihe hari umuntu wamubwiye ko ashobora kubafasha niko guhamagara umuvuzi witwa Waswa abafasha gutandukana. Waswa, waganiriye na Afrimax Tv, yavuze ko akoresha imbaraga z'amahembe, mu guhana abakoze ibikorwa bibi. Yavuze ko umugore wa Hakizimana ariwe waje kumureba amubwira ko afite ikibazo cy'uko umugabo we amuca inyuma niko kumuha kiriya gihano.

    Hakizimana yavuze ko nyuma yaho we n'umugore we bashwanye ndetse na Uwajeneza agashwana n'umugabo we, kuri ubu we na Uwajeneza bafashe icyemezo cyo kubana nk'umugabo n'umugore ndetse bamaranye imyaka ibiri babana.

    Hakizimana na Uwajeneza kuri ubu babana nk'umugabo n'umugore

    Leave your vote

    Comments

    0 comments

    Source : https://yegob.rw/bafatanye-imyanya-yabo-yibanga-bari-mu-buriri-ibyo-mutamenye-kuribo-uwabaroze-baramumenye/

  • Lady Gaga yahishuye uko yafashwe ku ngufu agaterwa inda #rwanda #RwOT

    Lady Gaga yahishuye ko yigeze guta ubwenge bivuye ku guhohoterwa gushingiye ku gitsina kwasize atwite.Gaga avuga ko yari afite imyaka 19 ubwo yakoreshwaga imibonano mpuzabitsina ku ngufu n'umugabo utunganya muzika, wamukangishije gutwika indirimbo ze. Avuga ko uwakoze ibyo yahise 'antera inda…kuko naje kuruka no guhindurwa'.

    Haciye imyaka, yagize ikibazo cyo 'guta ubwenge' kandi yinjira mu 'buryo bukabije bwo kugira ubwoba' nk'ingaruka z'ihungabana yabikuyemo.Gaga, amazina ye nyayo ni Stefani Germanotta, yabivugaga mu gice cya mbere cy'ikiganiro cya Oprah Winfrey na Prince Harry bise 'The Me You Can't See', kivuga ku kato kava ku burwayi bwo mu mutwe.

    Yarize ubwo yavugaga ibyamubayeho, byabaye mu ntangiriro z'urugendo rwe rwa muzika. Ati: 'Nari mfite imyaka 19, ndi muri iyo business [ya muzika], nuko uwo ukora muzika arambwira ngo 'vanamo imyenda'. Ndavuga nti 'Oya' mpita ngenda, bambwira ko bagiye gutwika muzika yanjye yose. Ntibarekeye aho kunsaba, nageze aho ndakonja nda….Sinabyibuka'.

    Uyu muhanzikazi ubu w'imyaka 35, avuga ko atazigera avuga uwamukoreye ibyo.
    Ati: 'Numva neza inkubiri ya #MeToo, numva neza ko abantu bumva ibyo bibafashije, njyewe si ko bimeze. Sinshaka na rimwe kongera kurebana n'uwo muntu'.

    Gaga bwa mbere yavuze kuri uku gufatwa ku ngufu mu 2014, abikomozaho mu ndirimbo ze nka Swine na 'Til It Happens To You, iyi yaje no gushyirwa mu zashoboraga guhabwa Oscar mu 2016.

    Yavuze ko ihungabana rikomeye yarigize nyuma hashize imyaka bibaye — kandi ryari rigikomeje igihe yafataga igihembo cya Oscar mu 2019 kubera filime A Star Is Born.

    Byatangiye ubwo yashyirwaga mu bitaro kubera ububabare bukabije no kubura ibyiyumvo, atungurwa no koherezwa ku muvuzi w'indwara zo mu mutwe.

    Yagize ati: 'Sinashoboraga kumva umubiri wanjye. Nabanje kumva uburibwe bukabije, nyuma mbura ibyiyumvo, nyuma narwaye mu gihe cy'ibyumweru. Naje kubona ko ubwo aribwo buribwe numvise igihe uwo muntu wamfashe ku ngufu yanteraga inda ku ikorosi, ku nzu y'ababyeyi banjye, kuko naje kuruka ndanarwara. Kuko nagiriwe nabi, kandi nafungiwe muri studio igihe cy'amezi'.

    Ibisanzwe bizwi ni uko Lady Gaga nta mwana yabyaye, muri iki kiganiro ntiyasobanuye niba yarakuyemo iyo nda ku bushake cyangwa by'uburwayi.
    Gaga yongeyeho ko ibi byose byamuhinduye nk'umuntu, kandi bidashobora kumuvaho.
    Ati: 'Nagize ibihe byo guta ubwenge burundu mu gihe cy'imyaka, ntabwo nari nkiri wa mukobwa. Uko niyumva iyo ngize ububabare niko niyumvaga nyuma yo gufatwa ku ngufu. Nagiye nkora ibizami byinshi bya MRI na 'scans' aho ntacyo babonaga. Ariko umubiri wawe uribuka'.

    Byamufashe imyaka ibiri n'igice gukira ku mubiri, nk'uko abivuga, ariko 'imbarutso rimwe gusa' iba ihagije kuri we ngo asubire muri ibyo bihe by'ububabare bw'umubiri n'intekerezo.Gusa, yarangije agaragaza icyizere, avuga ko, nyuma y'imyaka y'umuhate, 'nize uburyo bwose bwo kubyikuramo. Byose bitangiye guhinduka buhoro buhoro'.

    Gaga ni umwe mu bantu bazwi cyane bazaboneka muri ibyo biganiro byiswe 'The Me You Can't See', abandi barimo umuteramakofe Glenn Close, umutetsi w'ibyamamare Rashad Armstead, Oprah Winfrey ubwe na Prince Harry.

    Src: BBC

    Source : https://impanuro.rw/2021/05/21/lady-gaga-yahishuye-uko-yafashwe-ku-ngufu-agaterwa-inda/

  • Icyamamare muri muzika, Lady Gaga yahishuye uko yafashwe ku ngufu agaterwa inda #rwanda #RwOT

    Lady Gaga yahishuye ko yigize guta ubwenge bivuye ku guhohoterwa gushingiye ku gitsina kwasize atwite. Gaga avuga ko yari afite imyaka 19 ubwo yakoreshwaga imibonano mpuzabitsina ku ngufu n'umugabo utunganya muzika, wamukangishije gutwika indirimbo ze. Avuga ko uwakoze ibyo yahise 'antera inda…kuko naje kuruka no guhindurwa'.

    Haciye imyaka, yagize ikibazo cyo 'guta ubwenge' kandi yinjira mu 'buryo bukabije bwo kugira ubwoba' nk'ingaruka z'ihungabana yabikuyemo.

    Gaga, amazina ye nyayo ni Stefani Germanotta, yabivugaga mu gice cya mbere cy'ikiganiro cya Oprah Winfrey na Prince Harry bise 'The Me You Can't See', kivuga ku kato kava ku burwayi bwo mu mutwe.

    Yarize ubwo yavugaga ibyamubayeho, byabaye mu ntangiriro z'urugendo rwe rwa muzika. Ati: 'Nari mfite imyaka 19, ndi muri iyo business [ya muzika], nuko uwo ukora muzika arambwira ngo 'vanamo imyenda'. Ndavuga nti 'Oya' mpita ngenda, bambwira ko bagiye gutwika muzika yanjye yose. Ntibarekeye aho kunsaba, nageze aho ndakonja nda….Sinabyibuka'.

    Uyu muhanzikazi ubu w'imyaka 35, avuga ko atazigera avuga uwamukoreye ibyo.
    Ati: 'Numva neza inkubiri ya #MeToo, numva neza ko abantu bumva ibyo bibafashije, njyewe si ko bimeze. Sinshaka na rimwe kongera kurebana n'uwo muntu'.

    Gaga bwa mbere yavuze kuri uku gufatwa ku ngufu mu 2014, abikomozaho mu ndirimbo ze nka Swine na 'Til It Happens To You, iyi yaje no gushyirwa mu zashoboraga guhabwa Oscar mu 2016.

    Yavuze ko ihungabana rikomeye yarigize nyuma hashize imyaka bibaye — kandi ryari rigikomeje igihe yafataga igihembo cya Oscar mu 2019 kubera filime A Star Is Born.

    Byatangiye ubwo yashyirwaga mu bitaro kubera ububabare bukabije no kubura ibyiyumvo, atungurwa no koherezwa ku muvuzi w'indwara zo mu mutwe.

    Yagize ati: 'Sinashoboraga kumva umubiri wanjye. Nabanje kumva uburibwe bukabije, nyuma mbura ibyiyumvo, nyuma narwaye mu gihe cy'ibyumweru. Naje kubona ko ubwo aribwo buribwe numvise igihe uwo muntu wamfashe ku ngufu yanteraga inda ku ikorosi, ku nzu y'ababyeyi banjye, kuko naje kuruka ndanarwara. Kuko nagiriwe nabi, kandi nafungiwe muri studio igihe cy'amezi'.

    Ibisanzwe bizwi ni uko Lady Gaga nta mwana yabyaye, muri iki kiganiro ntiyasobanuye niba yarakuyemo iyo nda ku bushake cyangwa by'uburwayi.
    Gaga yongeyeho ko ibi byose byamuhinduye nk'umuntu, kandi bidashobora kumuvaho.
    Ati: 'Nagize ibihe byo guta ubwenge burundu mu gihe cy'imyaka, ntabwo nari nkiri wa mukobwa. Uko niyumva iyo ngize ububabare niko niyumvaga nyuma yo gufatwa ku ngufu. Nagiye nkora ibizami byinshi bya MRI na 'scans' aho ntacyo babonaga. Ariko umubiri wawe uribuka'.

    Byamufashe imyaka ibiri n'igice gukira ku mubiri, nk'uko abivuga, ariko 'imbarutso rimwe gusa' iba ihagije kuri we ngo asubire muri ibyo bihe by'ububabare bw'umubiri n'intekerezo.

    Gusa, yarangije agaragaza icyizere, avuga ko, nyuma y'imyaka y'umuhate, 'nize uburyo bwose bwo kubyikuramo. Byose bitangiye guhinduka buhoro buhoro'.

    Gaga nkuko BBC ibitangaza, ni umwe mu bantu bazwi cyane bazaboneka muri ibyo biganiro byiswe 'The Me You Can't See', abandi barimo umuteramakofe Glenn Close, umutetsi w'ibyamamare Rashad Armstead, Oprah Winfrey ubwe na Prince Harry.

    Munyaneza Theogene / intyoza.com

    Source : https://www.intyoza.com/icyamamare-muri-muzika-lady-gaga-yahishuye-uko-yafashwe-ku-ngufu-agaterwa-inda/

  • REG yaburiye abiba amashanyarazi n'abangiza imiyoboro yayo – #rwanda #RwOT

    Mu bugenzuzi busanzwe bukorwa na REG ifatanyije n'Inzego z'umutekano ndetse n'abaturage, mu Cyumweru gishize gusa uhereye tariki 11-17 Gicurasi 2021 abantu batanu barafashwe muri Gicumbi na Kicukiro bakekwaho ubujura bw'amashanyarazi.

    Tariki 12 na 13 Gicurasi babiri bafatiwe mu cyuho i Gicumbi bakoresha mubazi (Electrical meter) itishyura amashanyarazi, naho tariki 14 Gicurasi abandi batatu barafatwa muri Kicukiro nabo bakoresha amashanyarazi atanyura muri mubazi.

    Prosper Mubera, ushinzwe guhuza ibikorwa bya REG n'afatanyabikorwa, avuga ko mu gihe REG ikomeje kugenda igera ku ntego zayo zo kugeza amashanyarazi kuri bose, hakiri igihombo iterwa n'abakomeje kwangiza ibikorwaremezo yubaka.

    Ati 'hari aho mujya mwumva bitwikira ijoro bagakata insinga, abandi bakangiza ibyuma bigize amapiloni, hakaba yewe n'abica ingufuri za 'cabines' bakiba ibikoresho bizigize. Ibi uretse kuba bituma amashanyarazi abura mu gace byakozwemo, ariko binateza igihombo kuko tuba tugomba kubisimbuza kugira ngo abafatabuguzi bacu basubirane umuriro'.

    Avuga ko hari benshi bamaze gufatwa kandi ko ubu bujura buhanwa n'Itegeko N°52/2018 ryo ku wa 13/08/2018 rihindura itegeko Nº 21/2011 ryo kuwa 23/06/2011 rigenga amashanyarazi mu Rwanda nk'uko ryahinduwe kugeza ubu.

    Ati 'Hari n'abo tujya dufata dufatanyije n'inzego z'umutekano harimo n'abo duheruka gufata muri Gicumbi na Kicukiro bakoresha amashanyarazi atishyurwa, hari n'abandi bajya aho turimo kubaka imiyoboro bakiba ibikoresho bibitse hafi aho abatekinisiye bacu baba bifashisha bubaka. Abo bose barahagurukiwe kandi bazajya bahanwa nk'uko amategeko abiteganya'.

    Ababyiba akenshi babigurisha mu 'nyuma'

    Mubera yavuze ko abiba ibi bikoresho akenshi babijyana kubigurisha ku maduka agura ibyuma bishaje bizwi ku izina ry'inyuma.

    Ati 'Tugura insinga zimeze neza abo bajura bakaziba, bakazishishura bakajya kugurisha umuringa w'imbere (copper) mu nyuma. Aha ni naho duhera dusaba abagura izi nsinga ko nabo bareka gutiza umurindi ibikorwa bigayitse. Uwabona umuntu wese azanye umuringa wavuye ku nsinga akwiye kugira amakenga akatumenyesha tugakurikirana.'

    Yavuze ko abiba izi nsinga biba izimanitse ku miyoboro ndetse bagacukura n'iziri munsi y'ubutaka. Avuga kandi ko hari n'abadatinya kujya ku nkingi mwikorezi (piloni) bagakata ibyuma bizigize.
    Mubera yavuze ko ipiloni imwe iba ifite agaciro k'amafaranga angana na miriyoni 50 kugeza kuri 60 ariko ngo iyo bayishenye amashanyarazi anyuzwa kuri iyo piloni arahagarara, ndetse n'imirimo ikenera ingufu z'amashanyarazi igahagarara.

    Ati 'Iriya piloni ifashe umuyoboro urimo amashanyarazi iramutse ihirimye, byakwangiza byinshi ndetse bigateza n'impanuka zavamo inkongi n'urupfu. Ziriya nsinga ziba zirimo amashanyarazi menshi ku buryo aho zagwa zateza ibibazo. Turasaba umuntu wese wabona abakata ibyuma byo ku mapiloni asabwa kwihutira kutumenyesha cyangwa akabwira inzego z'umutekano, kuko uretse kuba yibye, aba ashyize abaturage bari hafi aho mu kaga gakomeye'.

    Uruhare rwa buri wese rurakenewe mu kurwanya ibi bikorwa bibi

    Mubera avuga ko hakenewe uruhare rwa buri wese mu kurwanya ibi bikorwa byangiza umutungo w'igihugu kuko uretse kuba bidindiza iterambere bikanateza igihombo, bishobora no kuvamo impanuka zikomeye.

    Ati'Umuntu wibye urusinga arusiga rushinyitse ku buryo uwakoraho cyangwa uwakandagiraho umuriro wamufata. Uretse n'ibyo kandi, bituma abantu babura umuriro. Buri wese afite uruhare mu kurwanya ibi bikorwa, akatumenyesha cyangwa akamenyesha inzego z'umutekano zimwegereye'.

    Yasabye abaturage kutareberera ngo batize umurindi cyangwa ngo bifatanye n'abakora ibyaha nk'ibyo, ahubwo ko bagomba kwirinda ubujura bakitandukanya n'ababikora ndetse bakagaragaza aho bikorerwa n'aho babihisha.

    Ati 'Uwabona umuntu wese ari mu muyoboro cyangwa afite ibikoresho byakuwe ku muyoboro w'amashanyarazi akamukemanga azihutire kutumenyesha cyangwa kumenyesha inzego z'umutekano n'iz'ubuyobozi zimwegereye. Dusigasire ibikorwaremezo Leta yubatse kuko nitwe bifitiye akamaro'.

    Abibye insinga barazishishura bakagurisha umuringa w’imbere

    Ibi byumva bifata insinga ku miyoboro nabyo biri mu bikunze kwibwa

    Imwe muri cabines zibwemo ibikoresho

    Insinga zo munsi y’ubutaka nazo hari abitwikira ijoro bagacukura bakazikata

    Ipiloni imaze gukatwaho ibyuma isigara inaganitse hejuru

    Izi piloni hari abitwikira ijoro bagakata ibyuma bizigize

    Source : http://igihe.com/amakuru/u-rwanda/article/reg-yaburiye-abiba-amashanyarazi-n-abangiza-imiyoboro-yayo