Blog

Utereye ijisho mu rusisiro cyangwa ahari umujyi kuva ku kabari, restaurant na hoteli ujya ku kandi nta minota bigusaba, ndetse nta gushidikanya ko ibi bikorwa biha akazi abantu benshi.

Raporo y'Ikigo cy'Igihugu cy'ibarurishamibare igaragaza uko umurimo mu Rwanda uhagaze, yerekana ko mu gihembwe cya mbere cya 2025, uru rwego rwahaye akazi abarenga 42% by'abafite akazi mu Rwanda.

Ibikorwa bijyanye no kwakira inama n'ibirori bitandukanye mu 2024 byinjirije u Rwanda miliyoni 84,4$. Abantu basuye igihugu bo bageze kuri miliyoni 1,3.

Uwamurera Grace ushinzwe amasuku n'ubwiza muri hotel ONOMO yabwiye IGIHE mu myaka irindwi amaze ahakora bahawe amaserano y'akazi n'umushahara mwiza.

Ati 'Numva ko abakozi ba hoteli hari ikintu bakwiriye guhabwa ku buryo umuntu avuga ngo uyu muntu akora aha hantu kuko kugeza ubu byinjiza amafaranga menshi cyane, rero numva ko mu kuyinjiza natwe bikwiye kutugaragaraho.'

Uwamurera yahamije ko abona umushahara kandi, buri kwezi we n'abandi bakozi bagahabwa amafaranga y'ishimwe ku buryo amake yakiriye yari ibihumbi 30 Frw mu gihe amenshi ari ibihumbi 100 Frw.

Mu bandi bahiriwe n'umwuga w'amahoteli n'ubukerarugendo harimo Ndacyayisenga Constantin ushinzwe ibinyobwa n'ibiribwa muri Lemigo Hotel. Yavuze ko akazi kamufashije kwiyubaka no gutangira ubucuruzi.

Ati 'Uyu munsi ndimo gutekereza kuba rwiyemezamirimo, mfite coffee shop Sonatubes'

Uyu mugabo watangiye akazi akiri ingaragu, yarubatse kandi atangira ibikorwa by'ubucuruzi byose bivuye mu gukora muri hoteli.

Abakora mu gikoni bahorana imvune

Chef Ramadhan Sindayigaya wamenyekanye nka Chef Rama yatangaje ko mu myaka 17 amaze muri uyu mwuga ntacyawumurutira.

Gusa yahamije ko kuwukora bisaba kwitanga kandi abakoresha bagaha agaciro aba-chefs kuko igikoni ari nk'urutirigongo rwa hoteli na restaurant.

Ati 'Hariho ibyiza abandi babona twebwe tutabona kubera ko mu gihe abandi bari mu byishimo twe ni bwo tuba dufite akazi haba mu mpera z'icyumweru mu gihe abandi baruhutse twe ni bwo tuba dufite akazi […] gusa ni ko akazi kubatse ntawavuga ngo ni ugufatwa nabi ahubwo icyo navuga, ibyo abandi babona mu bindi byiciro by'akazi abatetsi na bo barabibona?'

Chef Rama yavuze ko mbere abantu babonaga abatetsi nk'abakozi bo mu rugo ariko ubu ari umwuga buri wese yishimira kujya kwiga.

Hari abakicira isazi mu jisho…

Umunyarwanda yavuze ko bamwe baba barira abandi baseka. Uwimana Pascal ubu ukorera Ste Famille Hotel, yavuze ko aho yabanje gukorera hari ibibazo gusa ku buryo ntacyo umukozi yahasize azabasha kwigezaho.

Ati 'Hari aho nakoze usanga amafaranga amwe bayaguhembera mu ntoki andi ugasanga bayashyize kuri banki ku buryo usanga rimwe na rimwe umuntu ahomba na bya bintu bya ngombwa nko guteganyirizwa igihe cy'izabukuru, kumutangira ubwisungane mu kwivuza…hari aho usanga harimo isumbana ry'ishimwe ry'umukozi kandi bose bakora akazi kamwe. Urumva ko rero bituma hamwe hari abaseka ahandi ugasanga hari abaseka imbere y'umukiliya ariko bakagera mu rugo mu mufuka nta kintu kirimo.'

Umubare munini wa hoteli zikora nabi zitanga amasezerano y'akazi atanga amezi, umushahara w'intica ntikize n'ibindi bituma abakozi badashobora kwiteza imbere.

Umunyamabanga Mukuru wa Syndicat y'Abakozi bakora muri Hoteli, utubari na restaurant, Flora Nyiratsinda yavuze ko hakwiye gushyirwaho umushahara rusage ugenewe abantu bakora mu myanya imwe kuko usanga abakozi babiri bakora muri hoteli z'inyenyeri eshanu ariko badahabwa ibingana cyangwa n'uburenganzira bwabo ntibwubahirizwe kimwe.

Ati 'Mba numva RDB uko ishyira mu byiciro hoteli igendeye ku nyenyeri yakagiye ishyiraho n'imishahara y'abakozi. Niba ushinzwe abakozi aha ahembwa aya n'abandi bakayagenderaho utabishoboye akajya mu nyenyeri zo hasi.'

Ikindi kibangamiye abakora mu mahoteli, ni uko abigira ku murimo hashize imyaka ine batarahabwa 'certificat' nyamara mu zindi nzego Ikigo cy'igihugu gishinzwe imyuga n'ubumenyi ngiro.

Nyiratsinda yavuze ko batanze ibyangombwa byose ku nzego zishinzwe gukoresha ibizamini abigira ku murimo ariko ntibitange umusaruro, ahubwo bakabona itangazo risaba ko umunyeshuri kujya mu ishyirahamwe rya ba rwiyemezamirimo cyangwa mu ry'abakozi.

Ati 'Umukozi aba mu ishyirahamwe rya ba rwiyemezamirimo gute?'

Basaba kandi ko mu gihe umukoresha yemeye gutangira abakozi ubwishingizi bwo kwivuza buzwi nka RAMA bwagumishwaho kugira ngo abakozi barusheho kugira ubuzima bwiza.

Umwe muri aba baturage bashaka ko mugenzi wabo yimuka, mu kiganiro na IGIHE, yavuze ko 'Yahaye umwana uburozi baramumuzanira yanga kubumuvanamo, biba ngombwa ko tumujyana ku Murenge na Gitifu ahari yemera kubumuvanamo arikata amusiga amaraso ndetse amuvugiraho n'amagambo, umwana wari warabye arazanzamuka. Dusaba ubuyobozi ko nibatazadukiza umurozi tuzamutwikira mu nzu.'

Yakomeje avuga ko abarimo Gitifu w'Akagari baje bagakora inyandiko ko uyu muturage agomba gusubira iwabo, ariko ko arimo kwihishahisha ku manywa akitwikira ijoro akabagarukamo, kandi ko nihatagira igikorwa bazamwicisha amabuye.

Undi muturage witwa Mukaniyonsenga Adelphine ahamya ko haciyeho ukwezi umwana we ahawe uburozi, amera nk'uwapfuye kuko umwuka wari wahagaze biba ngombwa ko amumuzanira amubwira ko akeneye kubona umwana we ari muzima, agira ibyo amukoreraho umwana yongera guhaguruka aragenda.

Mukaniyonsenga yakomeje avuga ko umwana we iyo adakira, we n'abaturanyi be bari bafashe umwanzuro wo gutwikira mu nzu uyu mugenzi wabo bashinja kuroga.

Tuyishime Joshua ati 'Uyu mugore yaratuzambije cyane muri uyu mudugudu, nimba tuzamukubita tukamwica twarumiwe, kuko aroga n'amatungo (inka n'intama), turasaba ko yimuka muri uyu mudugudu kuko tutamushaka.'

Tuyishimire Jean Paul ukora akazi ko gutwara igare nawe ahamya ko nabo bahabwa uburozi butuma amagare abagusha hasi imbere y'urugo rw'uyu bita umurozi, agahamya ko amaze kuhagwa ubugira gatatu bamwe bagakeka ko arwaye igicuri.

Bosenibamwe Elayo ati 'Uyu mugore yaturutse ahandi, araza agafata uburozi akabuha abana, ku buryo hari n'abo amaze kwicira, abandi arabubaha ababyeyi bakurikirana akabubakuramo. Turasaba ko yavanwa muri uyu mudugudu akajya gutura ahandi mu gihe agikomeje ingeso zo guhekura abana.'

Yakomeje avuga ko uyu bita umurozi natimuka bizarangira bamwishe kuko batazakomeza kumurebera.

Umunyamabanga Nshingwabikorwa w'Umurenge wa Cyanzarwe mu kiganiro na IGIHE, yahakanye ibivugwa n'aba baturage ko uyu bita umurozi yakijije umwana yari yahaye uburozi mu maso ye.

Ati 'Abaturage bavuga ko nari mpari akuramo umuntu uburozi barabeshya, gusa abaturage bavuga yabarogeye abana nyuma akabakiza, iwabo ni Rutsiro kandi Umunyarwanda yemerewe gutura aho ashaka, yahise ajya iwabo gusa nimba azagumayo simbizi. Ibintu by'amarozi ntabwo tubyemera, kuko hari ubwo usanga ari inzangano.'

Tariki 02 Ukuboza 2023 abaturage bo mu Murenge wa Cyanzarwe, Akagari ka Makurizo bishe bateye amabuye umukecuru w'imyaka 60 bamukekaho amarozi, icyo gihe Polisi y'u Rwanda yafunze batanu bakekwagaho kugira uruhare muri urwo rupfu.

Ibi Umuvugizi wa RIB yabigarutseho mu kiganiro yahaye abanyeshuri n'abarezi ba Lycée de Kigali mu gikorwa cyo kwibuka ku nshuro ya 31 Jenoside yakorewe Abatutsi cyateguwe n'iri shuri.

Ikigo cya Lycée de Kigali cyahoze ari icy'abana b'abayobozi. Mu gihe cya jenoside cyari kirinzwe cyane bikaba byaratumye nta Mututsi washoboraga kugihungiramo nubwo hari mu gihe cy'ibiruhuko by'amashuri.

Amateka agaragaza ko mu cyumba mberabyombi cya Lycée de Kigali haberaga inama z'ibitero no gukora amalisiti y'Abatutsi bagombaga kwicwa.

Mu kiganiro cye cyibanze ku itegeko ryerekeranye n'icyaha cy'ingengabitekerezo ya jenoside n'ibyaha bifitanye isano nayo, Umuvugizi wa RIB, yibukije abanyeshuri n'abarezi ko kwibuka atari ukubika inzika, ahubwo bifasha kumenya amateka kandi bigatanga umukoro wo kurwanya no gukumira ihakana n'ipfobya rya jenoside.

Dr Murangira yanagaragaje ingaruka mbi ibi byaha bigira ku wabikoze ndetse n'uwabikorewe, asaba abanyeshuri ba Lycée de Kigali ubufatanye mu gukomeza guhangana n'abashaka kugarura amacakubiri mu Banyarwanda cyane cyane abifashisha imbuga nkoranyambaga.

Yatanze umukoro ku barimu n'abarezi wo gukomeza kwihugura ku mateka y'igihugu kugira ngo bitaba intandaro yo kuyobya abo barera.

Kwibuka byatangijwe n'urugendo ndetse no gucana urumuri rw'icyizere. Ibiganiro, ubuhamya ndetse n'ubutumwa bunyuze mu mivugo n'ikinamico byose byagarutse ku mateka yaranze igihugu n'ubutwari bw'ingabo zari iza RPA-Inkotanyi mu guhagarika jenoside.

Umuvugizi wa RIB, Dr. Murangira B. Thierry, yasabye abanyeshuri n'abarimu kwirinda icyaha cy'ingengabitekerezo ya Jenoside

Aba bakozi basobanuriwe amateka yaranze aka gace kuva mu 1959 kugeza ubwo Jenoside yashyizwe mu bikorwa muri Mata 1994.

Basangijwe kandi amateka yihariye y'uko Abatutsi bari bahungiye kuri Kiliziya ya Ntarama bishwe urw'agashinyaguro kandi bari bizeye ko ari ho barabona amakiriro.

Nyinawumuntu Clementine wo mu Karere ka Bugesera, Umurenge wa Ntarama, yatanze ubuhamya bw'uburyo yarokotse ari umwe mu bana barindwi bavukanaga ndetse na we agasigarana ubumuga.

Ati 'Twari twahungiye hano kuri Kiliziya ya Ntarama twizeye ko byibura Interahanwe zihatinya kuko ari mu nzu y'Imana ariko byarangiye bahagize ibagiro ry'Abatutsi.'

Visi Perezida w'Inama y'Ubutegetsi ya COPEDU Plc, Ntabwoba Joseph, yihanganishije abarokotse Jenoside yakorewe Abatutsi, ababwira ko bari kumwe na bo ndetse bazahora hafi.

Ati 'Abateguye n'abakoze Jenoside bashatse kubamara ariko ntimwashize. Icyiza cyatsinze ikibi, umucyo watsinze umwijima ndetse ubuzima bwatsinze urupfu mukomere kandi mukomeze Kwibuka mwiyubaka.'

Ntabwoba yasabye urubyiruko kuba imbere mu guharanira ko ibyabaye bitazongera kubaho ukundi, barwanya ingengabitekerezo ya Jenoside ndetse baharanira kumenya amateka kugira ngo bazakomeze guhangana n'abakomeza kuyayagoreka.

Umuyobozi Wungirije w’Inama y’Ubutegetsi ya COPEDU PLC, Ntabwoba Joseph, yasabye urubyiruko kuba umusemburo w’impinduka bagaharanira kumenya amateka kugira ngo bahangane n’abayagoreka

Nyinawumuntu Clementine warokotse Jenoside yakorewe Abatutsi mu 1994 ni we wenyine warokotse mu bana barindwi bavukanaga

Hacanywe urumuri rw’icyizere

Abakozi ba COPEDU Plc batemberejwe Urwibutso rwa Jenoside rwa Ntarama

Abayobozi n'abakozi ba COPEDU PLC baganirijwe amateka mabi yagejeje kuri Jenoside yakorewe Abatutsi mu 1994

Abayobozi n’abakozi ba COPEDU Plc bashyira indabo ku mva ishyinguwemo imibiri y’Abatutsi bishwe muri Jenoside

Abayobozi ba COPEDU Plc bunamiye Abatutsi bishwe muri Jenoside bashyinguwe mu Rwibutso rwa Ntarama

Ubuyobozi bwa BPR Bank Rwanda Plc bwatangaje ko bugiye kugabanya abanyamigabane urwo rwunguko kuko mu mwaka wa 2024 yagize inyungu ishimishije bityo n'abanyamigabane bayo bakwiye kuyibonaho.

Umuyobozi wa BPR Bank Rwanda Plc, Mutesi Patience, yagaragaje ko iyi banki yagize urwunguko rwa miliyari zirenga 29 Frw mu 2024.

Yavuze ko nyuma yo kubona inyungu basabye ko abanyamigabane bayihababwa ndetse Inteko Rusange yateranye ku wa 10 Gicurasi 2025, yemeje ko bazagabanywa 13,7% by'inyungu yabonetse.

Ati 'Gahunda twari dufite uyu munsi ni yo guha Inteko Rusange uburenganzira bwo kugabanya abanyamigabane bacu inyungu ku mugabane ingana na 13,7%, ni amafaranga angana na miliyari 4 Frw. Twabyemerewe, Inama rusange yemeje ko izo miliyari 4 Frw zizishyurwa abanyamigabane.'

Yerekanye ko inyungu yagejejwe ku 50 Frw ku mugabane umwe kandi ko izatangwa bitarenze ku wa 15 Nyakanga 2025.

Yavuze ko kugeza ubu KCB Bank ari yo ifite imigabane myinshi muri iyi banki ingana 87% mu gihe imigabane y'Abanyarwanda ingana na 12,4%.

Kuva mu myaka 50 ishize itangiye gukora, Abanyarwanda bafitemo imigabane barenga ibihumbi 576 ariko mu gikorwa cyatangiye cyo kongera kwibaruza hamaze kwakirwa abarenga ibihumbi 238 bangana na 41,5%.

Umuyobozi Mukuru w'Inama y'Ubutegetsi, George Rubagumya, yavuze ko abanyamigabane ba BPR Bank Rwanda batariyandikisha bari bakwiye kubyitabira kugira ngo hamenyekane imyirondoro yabo kuko ari uburenganzira bwabo kubona inyungu ku migabane bashoye.

Ati 'Abantu bose bafite uburenganzira ku migabane yabo. Abitabye Imana, bafite abana, abuzukuru cyangwa abo mu miryango yabo. Amategeko y'u Rwanda avuga uburyo umuntu wapfuye azungurwa. Ni yo waba nta byangombwa ugifite, ujye ku ishami ryacu ubabwire imyirondoro yawe, n'uko wari umunyamigabane. Biradufasha kumenya imyirondoro y'ukuri y'abanyamigabane bacu, tubashe kubatandukanya.'

Yagaragaje ko hari gukorwa isuzuma rigamije kugena agaciro k'umugabane muri iyo banki ku buryo na banyirayo bazoroherwa no kuba bayigura cyangwa bakayigurisha.

Perezida w'Abanyamigabane b'Abanyarwanda, Munyazikwiye, yashimye intambwe imaze guterwa na banki mu guha agaciro abanyamigabane.

Ati 'Nkurikije urugendo tumaze gukora ni ugushima aho ibintu bigeze, nshima ubuyobozi bwacu dufite uyu munsi. Twagize ibibazo byinshi mu bihe byatambutse, ibibazo byo guhomba, ibyo kutagira amakuru kuri banki n'ibibazo abanyamigabane batubazaga by'amakuru y'imigabane yabo. Uyu munsi byose birahari. Igishimishije rero ni ukugira amakuru yuzuye ku migabane yacu.'

Nyiringango Pascal yagaragaje ko amafaranga make y'imigabane yashyizwemo atari munsi ya 15000 Frw mu gihe uwashoye menshi yari afitemo miliyoni 10 Frw.

Mu kwiyandikisha ku banyamigabane barasabwa kwitwaza udutabo tugaragaza imigabane batanze, inyandiko igaragaza ko ari abanyamigabane ariko n'abatabifite bashobora gufashwa mu gihe bakegera ubuyobozi bwa BPR Bank Rwanda Plc.

Abanyamigabane ba BPR Bank Rwanda Plc bagiye kugabana arenga miliyari 4 Frw

Umuyobozi Mukuru wa BPR Bank Rwanda Plc, Patience Mutesi, yavuze ko abanyamigabane bayo bagiye guhabwa inyungu ku migabane

Umuyobozi w'Inama y'Ubutegetsi ya BPR Bank Rwanda Plc, George Rubagumya, yasabye abanyamigabane batariyandikisha kubikora

Ubuyobozi bwa BPR Bank Rwanda Plc bwatangaje ko bugiye guha abakiliya bayo inyungu kuko iyi banki yagize urwunguko rushimishije

Nyiringango Pascal yagaragaje ko amafaranga make y'imigabane yashyizwemo atari munsi ya 15000 Frw

RDF yatangaje ko ibiganiro bya Gen. Mubarakh Muganga yatanze ikiganiro, yifashishije urugero rw'u Rwanda n'uburyo rugira uruhare mu gushakira umuti ibibazo by'umutekano ku mugabane wa Afurika binyuze mu masezerano y'ubufatanye.

Iki kiganiro cyabaye kuri uyu wa Gatandatu tariki ya 10 Gicurasi 2025, kuri iryo shuri riherereye i Kimaka muri Uganda cyari gifite insanganyamatsiko igira iti 'Guharanira ibisubizo by'Abanyafurika ku bibazo byugarije Afurika: Ingero z'uruhare rw'u Rwanda mu bufatanye ku mugabane wa Afurika.'

Ni ikiganiro cyibanze ku kugaragaza uruhare rw'u Rwanda mu gushakira ibisubizo ibibazo by'umutekano bihangayikishije ibihugu by'inshuti n'abafatanyabikorwa kuri uwo mugabane.

Gen. Mubarakh yashimangiye ko ibihugu bya Afurika bifite ubushobozi bwo kwikemurira ibibazo by'umutekano bikibangamiye, binyuze mu gukoresha neza amahirwe y'ubufatanye hagati y'ibihugu (bilateral) ndetse n'ubufatanye busesuye bw'ibihugu byinshi (multilateral).

Ingabo z'u Rwanda (RDF) zimaze imyaka igera kuri 20 zitanga umusanzu mu bikorwa byo kugarura amahoro no kubungabunga umutekano ku mugabane wa Afurika, binyuze mu butumwa bw'amahoro bw'Umuryango w'Abibumbye (UN), Umuryango wa Afurika yunze Ubumwe (AU), ndetse no ku bufatanye n'ibihugu by'inshuti.

U Rwanda ni kimwe mu bihugu 10 bya mbere ku Isi bitanga ingabo nyinshi mu bikorwa by'amahoro bya Loni.

Ingabo zarwo zagiye zoherezwa mu bihugu nka Sudani y'Epfo mu butumwa bwa Loni (UNMISS) ndetse hakaba n'abapolisi bafasha abaturage.

U Rwanda kandi rufite ingabo muri Centrafrique mu butumwa bwiswe (MINUSCA), RDF ihafite ingabo zifasha mu kurinda abaturage no gushyigikira ibikorwa bya Guverinoma aho zinacungira umutekano abayobozi bakuru b'icyo gihugu.

U Rwanda rujya kohereza ingabo ku busabe bw'ibindi bihugu byahuye n'ibibazo bikomeye by'umutekano nka Mozambique.

Mozambique kuva mu 2021 kugeza ubu, RDF yoherejwe mu ntara ya Cabo Delgado mu bufatanye na Mozambique, aho ifasha ingabo z'icyo gihugu kurwanya ibikorwa by'iterabwoba.

Muri ibyo bikorwa kandi ingabo z'u Rwanda, zitanga ubuvuzi n'ubutabazi (Humanitarian Assistance) aho zitanga serivisi z'ubuvuzi ku baturage muri ibi bihugu, harimo kubaga, kuvura indwara z'ibanze no gutanga inkingo.

Zinafasha mu kubaka ibikorwa remezo, harimo imihanda, ibitaro, amashuri n'ibindi bikorwa bituma abaturage bongera kwizera Leta zabo.

RDF kandi itanga amahugurwa y'ingabo n'abapolisi b'ibindi bihugu, by'umwihariko mu bijyanye no kubungabunga amahoro no guhangana n'iterabwoba.

U Rwanda rutanga uwo musanzu nk'imbaraga zikomoka ku mateka ya Jenoside yakorewe Abatutsi mu 1994, aho rwiyemeje kutarebera izindi Jenoside n'ibikorwa byibasira abaturage.

Ubwo Gen Mubarakh Muganga yageraga ku Ishuri Rikuru rya Gisirikare muri Uganda

Gen Mubarakh Muganga yagaragaje umwihariko w’u Rwanda mu gukemura ibibazo by’umutekano muri Afurika

Gen. Mubarakh Muganga yatanze amasomo mu Ishuri Rikuru rya Gisirikare muri Uganda