Webrwanda Backend

Blog

  • Abahoze muri RUD Urunana na P5 batangiye kwiregura, barimo uwashukiwe i Bujumbura –

    Ubushinjacyaha bwa Gisirikare bubakurikiranyeho ibyaha birimo kurema umutwe w’ingabo utemewe cyangwa kuwujyamo, kugirana umubano na leta z’amahanga bigiriwe gushoza intambara, gushyiraho cyangwa kujya mu mutwe w’abagizi ba nabi.

    Hari kandi icyaha cyo gushaka kugirira nabi ubutegetsi buriho, iterabwoba, ubwicanyi, kwiba hakoreshejwe intwaro ndetse n’ubufatanyacyaha mu gukubita no gukomeretsa ku bushake.

    Mu rubanza rwo kuri uyu wa Kabiri urukiko rwumvise ubwiregure bwa buri wese, hagamijwe kumenya uruhare yagize ari muri iyo mitwe.

    Abashinjwa bashyizwe mu byiciro bibiri bigizwe n’abantu bemera ibyaha baregwa n’abatabyemera.

    Ubushinjacyaha bwahawe ijambo buvuga ko ntaho abahakana bahera bavuga ko batagize ubushake mu gukora ibyaha bakurikiranyweho mu gihe bari bazi neza ko bari mu mitwe y’iterabwoba kandi bazi ko ari icyaha.

    Mu bahakana harimo n’uwajyanywe mu nyeshyamba akiri muto, akavuga ko ntaho yari ahuriye n’ibikorwa bigamije kugirira nabi u Rwanda ko ahubwo yajyanywe ku ngufu ndetse akaguma no guterwa ubwoba ngo atazatoroka.

    Niyonkuru Jean Baptiste, wavukiye mu Karere ka Gisagara, yavuze ko yinjiye muri P5 mu 2017 akiri muto. Ibyaha akurikiranyweho birimo kugirira nabi ubutegetsi bw’u Rwanda, kurema umutwe w’abagizi ba nabi, icyaha cy’iterabwoba no kugirana umubano na Leta z’amahanga.

    Yasobanuye ko yinjiye muri uwo mutwe aba i Bujumbura ahitwa Kinama, akorera umuntu muri Kiosk. Ngo haje kuza umuntu witwa Nshimiye ari na we wamujyanye muri Congo.

    Niyonkuru yavuze ko ku myaka afite nta kibi azi kuri Leta y’u Rwanda ku buryo yashaka kuyigirira nabi, ahubwo ko yahemukiwe n’abamujyanye muri Congo akisanga atakibasha gutoroka kuko yari mu mashyamba ya kure.

    Niyonkuru n’abandi mu byaha bahakana harimo kugirana umubano n’amahanga aho bagaragaza ko nubwo bakorerwaga ibyangombwa bihimbano, abenshi babishakirwaga batabanje kubonana n’inzego z’ibyo bihugu by’amahanga ahubwo ko byakorwaga n’ababashoraga muri byo bikorwa bababeshya akazi.

    Inkuru irambuye mu kanya….

    Abashinjwa batangiye kwiregura kuri uyu wa Kabiri

  • Umusirikare ukomeye muri FDLR yafatiwe mu rusengero i Masisi #rwanda #RwOT

    Ibiro Ntaramakuru by’Abafaransa (AFP) bitangaza ko umuvugizi w’uyu mutwe wa FDLR, yemeje ifatwa ry’uyu wari umwe mu basirikare bakuru b’uyu mutwe.

    Uyu muvugizi wa FDLR yabwiye AFP ko Colonel Nshimiyimana Augustin yafashwe ku Cyumweru tariki 06 Kamena ubwo yari yagiye mu birori byo kubatiza, akaba yarafashwe ari mu rusengero ruherereye mu gace kitwa Ngungu muri Masisi.

    Uwatanze amakuru kw’ifatwa rya Colonel Nshimiyimana Augustin yavuze ko yafashwe n’abantu bari bambaye imyenda ya gisirikare 'bari bazanye na moto esheshatu. Nyuma yo gufata Nshimiyimana Augustin bahise bamujyana.'

    Vincent Karega usanzwe ahagarariye u Rwanda muri Repubulika Iharanira Demokarasi ya Congo na we yemeje amakuru y’ifatwa rya Colonel Nshimiyimana Augustin.

    Mu butumwa yanyujije kuri Twitter, Ambasaderi Vincent Karega, yavuze ko Colonel Nshimiyimana Augustin yafashwe na FARDC mu mukwabo wo guhashya imitwe yitwaje intwaro iri muri DRC.

    Mu minsi ishize, Perezida Antoine Félix Tshisekedi wa DRC, yatangaje ko ashyizeho iminsi 30 y’ibihe bidasanzwe mu Ntara za Kivu ya Ruguru na Ituri byo kurandura imitwe yitwaje intwaro iba mu mashyamba ya turiya duce.

    Muri biriya bice kandi habaye hashyizweho ubuyobozi bwa gisirikare kugira ngo kiriya gikorwa kigerweho.

    UKWEZI.RW

    Source : http://www.ukwezi.rw/Mu-mahanga/Umutekano/article/Umusirikare-ukomeye-muri-FDLR-yafatiwe-mu-rusengero-i-Masisi

  • Minisitiri Habyarimana yasanganijwe ibibazo by'abahombejwe na Covid-19 mu Burengerazuba – #rwanda #RwOT

    Muri uru ruzinduko, Minisitiri Habyarimana yaganiriye n'abacuruzi batandukanye barimo abakora ubucuruzi bwambukiranya imipaka, abacururiza mu masoko ndetse n'abakorera imyuga mu dukiriro dutandukanye.

    Mu bibazo byagaragajwe harimo ko bamwe mu bacuruzi batakaje igishoro cyabo kubera icyorezo cya Covid-19, bigatuma ubucuruzi bwabo buhungabana.

    Minisitiri Habyarimana yabashimiye umuhate bagaragaje, bagakomeza gukora nubwo ubucuruzi bwabo bwakomwe mu nkokora.Yabasabye kwishyira hamwe bagakorera mu matsinda, kugira ngo hazarebwe uburyo baterwamo inkunga, binyuze mu Kigo cy'Igihugu Gishinzwe Guteza Imbere Amakoperative (RCA).

    Mu bindi bibazo byagaragajwe harimo ikibazo kimaze iminsi kigaragara mu masoko yambukiranya imipaka aho usanga abayakoreramo ari bake ugereranyije n'imyanya y'ubucuruzi irimo.

    Minisitiri Habyarimana yabijeje ko hagiye gukorwa ibishoboka kugira ngo iki kibazo gikemuke. Ati 'Imyanya y'ubucuruzi iracyahari muri aya masoko yambukiranya imipaka ugereranyije n'abasanzwe bakoreramo, turi kugerageza gukorana n'inzego z'ibanze kugira ngo iki kibazo gikemuke kuko murabizi urujya n'uruza ntabwo rurongera gusubira ku rwego nk'urwo rwahozeho mbere y'uko icyorezo cya Covid—19 cyaduka.'

    Yakomeje avuga ko Minisiteri y'Ubucuruzi n'Inganda (Minicom) izakorana n'inzego z'ibanze kugira ngo hajye haboneka ibyangombwa by'abambuka imipaka, ku bagenda cyangwa abinjira, kugira ngo iyo myanya yose yuzure by'umwihariko iri mu masoko ari mu Karere ka Rusizi.

    Yasabye inzego zitandukanye mu Ntara y'Iburengerazuba kunoza imikorere mu bijyanye n'ubwikorezi, haba ubwo mu mazi ndetse n'ubwo ku butaka dore ko yanasuye ibyambu byose biri mu aka gace.

    Minisitiri Habyarimana yasuye isoko ryubatswe mu koroshya ubucuruzi bwo ku mipaka, avuga ko agiye gukora ibishoboka byose mu kongera abacuruzi barikoreramo

    Abacuruzi basanganije Minisitiri Habyarimana uruhuri rw’ibibazo bafite batewe n’icyorezo cya Covid-19

    Source : http://igihe.com/amakuru/u-rwanda/article/minisitiri-habyarimana-yasanganijwe-ibibazo-by-abahombejwe-na-covid-19-mu

  • Burundi : Bibutse Perezida Nkurunziza umaze umwaka apfuye…Visi Perezida wa Tanzania yagiyeyo #rwanda #RwOT

    Ni umuhango wabereye ahashyinguye Perezida Pierre Nkurunziza watabarutse tariki 08 Kamena 2020 azize indwara y’umutima nk’uko byatangajwe na Guverinoma ya kiriya gihugu cy’u Burundi.

    Aha habereye umuhango kandi hahise hagirwa ikicaro cy’ikirango cy’ikirenga cyo gukunda igihugu ndetse ubwo hibukwaga bwa mbere Nkurunziza hakaba ari na bwo hizihijwe bwa mbere umunsi wo gukunda igihugu.

    Uyu muhango witabiriwe n’abo mu muryango wa nyakwigendera Nkurunziza, babanje gushyira indabo ahashyinguye uyu wahoze ayobora u Burundi.

    Ni umuhango kandi witabiriwe na Perezida Evariste Ndayishimiye wasimbuye Nkurunziza ndetse wari umaze gutorerwa kuyobora u Burundi ariko Nkurunziza akaza kwitaba Imana atararahira.

    Uyu muhango kandi witabiriwe na Visi Perezida wa Tanzania, Philip Mpango, watangijwe n’isengesho ryo gusabira nyakwigendera Pierre Nkurunziza.

    Wanitabiriwe kandi n’abanyagihugu banyuranye mu Burundi baje bambaye imyenda iriho amafoto ya Nkurunziza n’amagambo avuga ko bamwibuka nka sekuru wabo.

    Itangazo ryasohowe na Guverinoma y’u Burundi tariki 08 Kamena 2020, ryamenyeshaga urupfu rwa Perezida Pierre Nkurunziza, ryavugaga ko yarwaye uburwayi butunguranye mu ijoro ryo ku ya 06 Kamena 2020 agahita ajyanwa mu bitaro byo mu Ntara ya Karusi.

    Iryo tangazo ryavugaga ko Perezida Nkurunziza yatabarutse kuri iriya tariki ya 08 Kamena 2020 azize indwara yateye guhagarika k’umutima.

    UKWEZI.RW

    Source : http://www.ukwezi.rw/Mu-mahanga/Politiki/article/Burundi-Bibutse-Perezida-Nkurunziza-umaze-umwaka-apfuye-Visi-Perezida-wa-Tanzania-yagiyeyo

  • Itegeko rigenga ingengo y'imari n'ajyanye na KIFC mu yitezwe mu gihembwe gishya cy'Inteko – #rwanda #RwOT

    Kigali International Finance Center (KIFC), igamije guhindura u Rwanda ahantu hakorerwa ishoramari riri ku rwego mpuzamahanga, ku buryo n'abifuza gushora imari yabo muri Afurika baruhitamo nk'ahantu h'ibanze batangirira urugendo rwo kwinjira ku isoko rya Afurika.

    Amategeko ayerekeyeho ni amwe mu azigwa n'Inteko Ishinga Amategeko mu gihembwe gishya yatangiye.

    Perezida w'Umutwe w'Abadepite, Mukabalisa Donatille, yagaragaje ko ibikorwa by'ingenzi bizakorwa birimo gutora itegeko rigenga ingengo y'imari ya 2021/2022, kwemeza ishingiro ry'amategeko, kwemeza imishinga y'amategeko, kumenya no kugenzura ibikorwa bya Guverinoma, kwegera abaturage n'ibindi.

    Mukabalisa yagize ati 'Tuzakomeza inshingano yo kumenya no kugenzura ibikorwa bya Guverinoma. Inteko Rusange izagezwaho raporo za Komisiyo zitandukanye. Tuzagezwaho ibikorwa bya Guverinoma na Minisitiri w'Intebe tunagezweho na Minisititeri y'Imari n'igenamigambi uko ubukungu rusange n'ingengo y'imari bihagaze”.

    Abagize Inteko Ishinga Amategeko muri iki gihembwe biyemeje gukomeza kumenya no gukurikirana ibibazo by'abaturage, hifashishijwe ikoranabuhanga n'ubundi buryo buzaba bwemewe hakurikijwe amabwiriza yo kwirinda covid-19.

    Visi Perezida wa Sena, Nyirasafari Esperance, we yagarutse ku mirimo Sena izibandaho irimo kugenzura imikorere y'imitwe ya Politiki, kwemeza ishyirwaho ry'abayobozi, gutora amategeko no kumenya no kugenzura ibikorwa bya Guverinoma.

    Inteko Ishinga Amategeko igira ibihembwe bitatu bisanzwe bimara amezi abiri buri kimwe ari nabwo haba Inteko Rusange, gusa mu gihe atari mu gihembwe hashobora gtumizwa igihembwe kidasanzwe bitewe n'ubwihutirwe bw'imirimo iteganyijwe.

    Iyo igihembwe gisanzwe gisojwe, abagize Inteko Ishinga Amategeko bakomereza imirimo muri Komisiyo Zihoraho irimo gusuzuma amategeko, kugenzura ibikorwa bya Guverinoma, gusura abaturage bakakira ibibazo n'ibitekerezo byabo.

    Perezida w’Umutwe w’Abadepite, Mukabalisa Donatille, yagaragaje ko ibikorwa by’ingenzi bizakorwa birimo gutora itegeko rigenga ingengo y’imari ya 2021/2022

    Visi Perezida wa Sena, Nyirasafari Esperance, yatangaje ko mu mirimo sena izitaho muri iki gihembwe harimo no kugenzura imikorere y'imitwe ya Politiki

    Source : http://igihe.com/amakuru/u-rwanda/article/itegeko-rigenga-ingengo-y-imari-n-ajyanye-kifc-mu-yitezwe-mu-gihembwe-gishya-cy

  • Itegeko rigenga ingengo y’imari n’ajyanye na KIFC mu yitezwe mu gihembwe gishya cy’Inteko –

    Kigali International Finance Center (KIFC), igamije guhindura u Rwanda ahantu hakorerwa ishoramari riri ku rwego mpuzamahanga, ku buryo n’abifuza gushora imari yabo muri Afurika baruhitamo nk’ahantu h’ibanze batangirira urugendo rwo kwinjira ku isoko rya Afurika.

    Amategeko ayerekeyeho ni amwe mu azigwa n’Inteko Ishinga Amategeko mu gihembwe gishya yatangiye.

    Perezida w’Umutwe w’Abadepite, Mukabalisa Donatille, yagaragaje ko ibikorwa by’ingenzi bizakorwa birimo gutora itegeko rigenga ingengo y’imari ya 2021/2022, kwemeza ishingiro ry’amategeko, kwemeza imishinga y’amategeko, kumenya no kugenzura ibikorwa bya Guverinoma, kwegera abaturage n’ibindi.

    Mukabalisa yagize ati “Tuzakomeza inshingano yo kumenya no kugenzura ibikorwa bya Guverinoma. Inteko Rusange izagezwaho raporo za Komisiyo zitandukanye. Tuzagezwaho ibikorwa bya Guverinoma na Minisitiri w’Intebe tunagezweho na Minisititeri y’Imari n’igenamigambi uko ubukungu rusange n’ingengo y’imari bihagaze”.

    Abagize Inteko Ishinga Amategeko muri iki gihembwe biyemeje gukomeza kumenya no gukurikirana ibibazo by’abaturage, hifashishijwe ikoranabuhanga n’ubundi buryo buzaba bwemewe hakurikijwe amabwiriza yo kwirinda covid-19.

    Visi Perezida wa Sena, Nyirasafari Esperance, we yagarutse ku mirimo Sena izibandaho irimo kugenzura imikorere y’imitwe ya Politiki, kwemeza ishyirwaho ry’abayobozi, gutora amategeko no kumenya no kugenzura ibikorwa bya Guverinoma.

    Inteko Ishinga Amategeko igira ibihembwe bitatu bisanzwe bimara amezi abiri buri kimwe ari nabwo haba Inteko Rusange, gusa mu gihe atari mu gihembwe hashobora gtumizwa igihembwe kidasanzwe bitewe n’ubwihutirwe bw’imirimo iteganyijwe.

    Iyo igihembwe gisanzwe gisojwe, abagize Inteko Ishinga Amategeko bakomereza imirimo muri Komisiyo Zihoraho irimo gusuzuma amategeko, kugenzura ibikorwa bya Guverinoma, gusura abaturage bakakira ibibazo n’ibitekerezo byabo.

    Perezida w’Umutwe w’Abadepite, Mukabalisa Donatille, yagaragaje ko ibikorwa by’ingenzi bizakorwa birimo gutora itegeko rigenga ingengo y’imari ya 2021/2022

    Visi Perezida wa Sena, Nyirasafari Esperance, yatangaje ko mu mirimo sena izitaho muri iki gihembwe harimo no kugenzura imikorere y’imitwe ya Politiki

  • Col. Assimi Goita yarahiriye kuba Perezida wa Mali –

    Impungenge ni zose ko hashobora kuvuka ibibazo by’ubushyamire, mu gihe hari hateganyijwe amatora ya Perezida muri Gashyantare umwaka utaha ariko Goita yijeje abaturage ko ibintu byose bizagenda neza.

    Ibirori byo kurahirira inshingano z’umukuru w’igihugu nta munyacyubahiro uturutse hanze y’igihugu wigeze ubyitabira, haba n’abahagarariye ibihugu byabo muri Mali.

    Mu kwezi gushize nibwo uwari Perezida wa Mali, Bah Ndaw na Minisitiri w’Intebe, Moctar Ouane, batawe muri yombi n’igisirikare bakaza gutangaza ubwegure bwabo aho bari bafungiye mu kigo cya gisirikare.

    Assimi Goita ni umwe mu bahiritse ubutegetsi bwa Ibrahim Boubacar Keita muri Kanama umwaka ushize wa 2020.

    Goita arahiriye kuba Umukuru w’Igihugu nyuma y’uko amahanga akomeje gukomatanyiriza iki gihugu, harimo no guhagarikwa kw’amafaranga iki gihugu cyahabwaga na Banki y’Isi ndetse no gukurwa mu bihugu bigize Umuryango wa Afurika Yunze Ubumwe.

    Col Assimi Goita yarahiriye kuba Perezida wa Mali

  • Agasuzuguro k'Impuzamashyirahamwe y'abavoka bo mu Burayi karerekana imyumvire ishaje ya gikoloni. Ni gute bubahuka guha amabwiriza ubutabera bw'igihugu cyigenga? #rwanda #RwOT

    Mu mpera z'icyumweru gishize, hari inyandiko yakwirakwijwe ku mbuga nkoranyambaga, imaze gusinywa na Dominique ATTIAS, Perezida w'impuzamashyirahamwe y'abanyamategeko ku mugabane w'uburayi.

    Iyo nyandiko ikubiyemo amabwiriza ategeka u Rwanda '..kurekura Paul Rusesabagina bidatinze…', ngo kuko ari umutagatifu washimuswe, akaba afungiye mu Rwanda by'amaherere!

    Ababonye iyi nyandiko, barimo nka Amb. Olivier Nduhungirehe, bibajije uburyo mu gihe tugezemo itsinda ry'abantu bubahuka guha amabwiriza igihugu cyigenga, bikaba igitangaza noneho bikozwe n'abanyamategeko ubundi bagombye kuba bubaha amahame mpuzamahanga arengera ubwigenge bw'ubutabera.

    Tugerageje gushyira mu Kinyarwanda ibyo Amb. Olivier Nduhungirehe yatangaje mu cyongereza abinyujije ku rubuga rwa twitter, yagize ati:Twibutse Dominique Attias n'ishyirahamwe ategeka, ko uretse n'abo bombi, nta n'irindi shyirahamwe ry'abanyamategeko bo mu mahanga rishobora gutegeka ubutabera bw'uRwanda icyo bukora.

    Turi mu mwaka wa 2021, ubutabera bwa gikoloni nta jambo bugifite.'
    Hari n'abandi benshi bagarutse kuri iyi nyandiko ya Dominique Attias n'agatsiko ke, aho bibajije niba iyi mpuzamashyirahamwe ishobora gutinyuka kwandikira ibaruwa nk'iyi igihugu cyo mu burengerazuba bw'isi.

    Aha bakagaragaza ko ari agasuzuguro kavanze na ya myumvire y'irondaruhu, aho bamwe mu bazungu bakibwira ko Umunyafrika nta gaciro afite cyangwa ubwenge bwo kwikorere ibimunogeye.

    Dominique Attias avuga ko ngo Paul Russabagina yimwe uburenganzira bwo guhagararirwa n'umunyamategeko wo mu Bubiligi. Nyamara Perezida w'Ishyirahamwe Nyarwanda ry'Abanyamategeko , Me Guillaume Kavaruganda, yasobanuye neza ko nta masezerano u Rwanda rufitanye arebana no guhererekanya abanyamategeko.

    Nk'uko nta mwavoka wo mu Ishyirahamwe Nyarwanda wakwemererwa kuburana urubanza mu Bubiligi, kuki Ababiligi bo bumva bafite uburenganzira bwo kuza kuburana mu Rwanda? Ngiyo ya myumvire ya gikoloni yanze kubava mu mutwe.

    Mu mpera z'ukwezi gushize kwa Gicurasi, indege ya Rynair yari ivuye Athènes mu Bugereki yayoberejwe muri Belarus, bashobore gufata muri yombi umunyamakuru Roman Pratasevich wari muri iyo ndege, akaba yarahigwaga bukware n'ubutegetsi bwa Belarus. Kuberako Belarus ari igihugu cy'i Burayi, impuzamashyirahamwe y'abavoka bo ku mugabane w'Uburayi ntiyabyise ishimutwa, ahubwo yaruciye ikabarumira, iza gusakuriza u Rwanda rurimo kuburanisha Rusesabagina wishe akanakomeretsa inzirakarengane.

    Ni ya nsina ngufi icibwaho amakoma?URwanda ni ruto mu buso, ariko si ruto mu kumenya igikwiye mu nyungu z'Abanyarwanda bose.
    Urukiko ruburanisha Paul Rusesabagina ndetse n'isi yose basobanuriwe ko nta shimutwa ryamukorewe, ko ahubwo yibeshye inzira akisanga i Kigali aho kujya i Bujumbura nk'uko yabiteganyaga.

    Ibimenyetso simusiga biramuhamya ibyaha by'iterabwoba yakoze abinyujije mu mutwe w'inyeshyamba ze ,FLN, ndetse abonye ikinyoma kimushiranye yivana mu rubanza. Dominique Attias rero n'agatsiko kawe, muhumure rwose inshuti yanyu izahabwa ubutabera bunoze, kandi si uko mubisaba, ahubwo ni uko uRwanda rwiyemeje kugendera ku mategeko.

    The post Agasuzuguro k'Impuzamashyirahamwe y'abavoka bo mu Burayi karerekana imyumvire ishaje ya gikoloni. Ni gute bubahuka guha amabwiriza ubutabera bw'igihugu cyigenga? appeared first on RUSHYASHYA.

    Source : https://rushyashya.net/agasuzuguro-k-impuzamashyirahamwe-yabavoka-bo-mu-burayi-karerekana-ko-imyumvire-ishaje-ya-gikoloni-ni-gute-bubahuka-guha-amabwiriza-ubutabera-bwigihugu-cyigenga/?utm_source=rss&utm_medium=rss&utm_campaign=agasuzuguro-k-impuzamashyirahamwe-yabavoka-bo-mu-burayi-karerekana-ko-imyumvire-ishaje-ya-gikoloni-ni-gute-bubahuka-guha-amabwiriza-ubutabera-bwigihugu-cyigenga

  • Ubushinjacyaha bwasabiye Fireman gufungwa imyaka 15 we asaba kugirwa umwere #rwanda #RwOT

    Uwimana Fransis uzwi nka Fireman yongeye kugaragara mu rukiko kuri uyu wa Mbere asaba kugirwa umwere ku cyaha cyo gukubita no gukomeretsa, mu gihe ubushinjacyaha buri gusaba ko igihano yahawe cyongerwa.

    Fireman yongeye kwitaba Urukiko rukuru rwa gisirikare kuri uyu wa mbere tariki 7 Kamena 2021.

    Uwimana Francis benshi bazi nka Fireman, ari kuregwa mu itsinda ry'abantu 11 bakurikiranyweho icyaha cyo gukubita no gukomeretsa abanyeshuri bagororerwaga Iwawa.

    Mu mpera z'umwaka ushize Urukiko rwa Gisirikare rwari rwamukatiye igifungo cy'imyaka itatu n'ihazabu y'ibihumbi magana atanu y'amafaranga y'u Rwanda (500 000frw).

    Muri 11 bakurikiranywe n'urukiko rwa gisirikare, batatu nibo bagizwe abere hanyuma umunani barimo na Fireman bahabwa igihano cyo gufungwa imyaka itatu n'ihazabu y'amafaranga ibihumbi 500.

    Bitewe n'uko ibihano bahawe kimwe n'abagizwe abere bitanyuze Ubushinjacyaha bwa gisirikare, bwahise bujurira Urukiko rukuru rwa gisirikare.

    Ubushinjacyaha buvuga ko butumva impamvu Urukiko rwa gisirikare rwirengagije ibimenyetso byatanzwe, hakagira abagirwa abere naho abandi bagahabwa ibihano birimo inyoroshyacyaha kandi batarigeze bacyemera cyangwa ngo hagaragazwe ibyashingiweho bahabwa ibihano bito.

    Ubu bujurire bw'Ubushinjacyaha bwahuriranye n'ubwabaregwa barimo na Fireman bagaragarije Urukiko ko batanyuzwe n'imikirize y'urubanza, kuko bahanwe kandi ku bwabo bumva ari abere.

    Fireman ari kuregwa muri dosiye imwe n'abayobozi batatu bahoze bayobora Ikigo ngororamuco cya Iwawa, abasirikare batanu n'abandi bahoze ari abayobozi b'abanyeshuri babiri.

    Ibyaha Fireman akurikiranyweho byari byagabanutse

    Fireman watangiye aregwa muri dosiye imwe na Cpl Murwanashyaka Modeste wigishaga Iwawa, bashinjwaga ubufatanyacyaha mu gukubita no gukomeretsa.

    Icyo gihe Ubushinjacyaha bwavugaga ko mu 2018, Fireman na Cpl Murwanashyaka bari Iwawa, ikigo kiri mu Murenge wa Boneza mu Karere ka Rutsiro.

    Uyu muhanzi wari Umuyobozi ushinzwe Umutekano na Cpl Murwanashyaka wari umwarimu bashinjwa gukubita inkoni zo mu mbavu no kuvuna igufa ry'ukuguru kw'iburyo uwitwa Gisubizo Fabien.

    Ngo bongeye kumukubita ahorwa kugenda nabi ku murongo, binamuviramo kuvunika no kugira ububabare akigendana.

    Icyakora kuri iyi nshuro iki cyaha nticyagarutsweho mu rukiko rukuru rwa Gisirikare ndetse na Cpl Murwanashyaka yakigizweho umwere.

    Imbere y'Urukiko rukuru rwa gisirikare Fireman yari akurikiranyweho ko mu 2019 yakubise Nkurikiyumukiza Vedaste akamuvuna ukuboko.

    Fireman yasabye kugirwa umwere, Ubushinjacyaha bumusabira gufungwa imyaka 15

    Nyuma yo kutanyurwa n'ibihano byafatiwe Uwimana Francis uzwi nka Fireman, Ubushinjacyaha bwa gisirikare bwajuririye ubuto bwacyo.

    Bugaragaza ko iki gihano ari inyoroshyacyaha nyamara uyu muhanzi atarigeze yemera icyaha cyangwa ngo agire uburyo bumwe cyangwa ubundi yoroherezamo Urukiko.

    Ubushinjacyaha bwagaragaje ko ko butumva icyo Urukiko rwagendeyeho rugira bamwe abere, abahamijwe ibyaha rukabakatira imyaka itatu y'igifungo n'ihazabu y'ibibumbi 500.

    Yaba Fireman na bagenzi be 10 bareganwa, Ubushinjacyaha bwabasabiye igihano cyo gufungwa imyaka 15 n'ihazabu y'amafaranga miliyoni 5 Frw.

    Ku rundi ruhande ariko Fireman wari wunganiwe na Me Bayisabe Irene uzwi cyane mu manza z'ibyamamare nka Bruce Melodie, Davis D n'abandi yagiye aburanira, yagaragarije Urukiko ko arengana ndetse ibyo aregwa ari ibyaha atigeze akora.

    Nkurikiyumukiza urega Fireman, nk'uko Ubushinjacyaha bwabigarutseho, agaragaza ko yakubiswe n'uyu muhanzi inkoni nyinshi, iyo yamukubise ku kuboko ikaba ariyo yahise imuvuna igufwa.

    Abagabo Nkurikiyumukiza yatanze mu rukiko, banyuranyije na nyiri ubwite bahamya ko uyu muhanzi yamukubise akikubita hasi, abagororwa bakamukandagira ukuboko akavunika.

    Ibi nibyo Fireman yubakiyeho ukwiregura kwe, aho yagaragarije Urukiko ko mu nyandiko mvugo y'uwo ashinjwa gukubita ndetse n'abatangabuhamya yitangiye harimo kuvuguruzanya gukomeye, bityo ko iki gikwiye gushingirwaho agirwa umwere.

    Ikindi yashingiyeho ni uko icyaha ashinjwa ko yakoze yamaze amezi arenga icyenda atarakiregerwa yaba mu buyobozi bw'Iwawa cyangwa ahandi aho ariho hose.

    Ati 'Umuntu avuga ko namukubise tariki 20 Gashyantare 2019, baza kumfata tariki 19 Ugushyingo 2019 nyuma y'amezi abiri njye naravuye Iwawa. None se nari igiki ku buryo nakubita umuntu nkamuvuna ukuboko njye simpanwe? Nanjye nari umugororwa erega.'

    Uyu muhanzi avuga ko igihe bavuga ko yakubitiye uyu mugororwa hari abandi bayobozi bari bahari, bityo akavuga ko atiyumvisha ukuntu yavunnye umuntu ukuboko bikarangirira aho we ntabiryozwe kandi yari umugororwa nk'abandi.

    Ashingiye kuri uku kwivuguruza, kuba hatarakozwe iperereza ryimbitse ngo hagire n'abayobozi b'Iwawa babazwa kuri iki kibazo, Fireman avuga ko byabaye ku burangare bw'Ubushinjacyaha bwa gisirikare bityo atabizira ahubwo akwiye kugirwa umwere.

    Nyuma yo kumva impande zombi mu rubanza rwamaze hafi amasaha umunani, umucamanza yamenyesheje ababurana ko urubanza rwabo ruzasomwa tariki 2 Nyakanga 2021.

    Inkuru ya IGIHE

    Source : http://umuryango.rw/amakuru/mu-rwanda/ubutabera/article/ubushinjacyaha-bwasabiye-fireman-gufungwa-imyaka-15-we-asaba-kugirwa-umwere

  • Uko Habanabakize yiteje imbere abikesha umwuga yigiye Iwawa –

    Uyu mugabo uri mu kigero cy’imyaka 37 y’amavuko igihe yamaze Iwawa nticyamupfiriye ubusa kuko usibye kugororwa akahava yitandukanyije no kunywa ibiyobyabwenge yanahigiye imyuga irimo ububaji.

    Yemeza ko mbere yanywaga urumogi rwinshi ndetse atashoboraga kuba yamara amasaha abiri atarubonye kikaba ari kimwe mu byatumye ajyanwa mu Kigo Ngororamuco cya Iwawa mu 2007.

    Iki kigo ngo cyaramufashije ndetse cyamuteguriye guhindura ubuzima kuko nyuma yo kureka ibiyobyabwenge amaze kugera ku bikorwa yishimira birimo kuba yarubatse inzu n’ibindi bimufasha kubeshaho neza umuryango we.

    Ibikorwa by’iterambere agezeho abikesha umwuga w’ububaji bw’ibikoresho bitandukanye byo mu nzu afatanya na bagenzi be bagera kuri 21bavuye Iwawa.

    Yagize ati “Narubatse kandi nanakuyemo amafaranga ngura ikibanza i Gicumbi. Ubu njye n’abo dukorana tubayeho neza kuko buri muntu abasha kwigurira icyo ashatse. Ikindi kandi abakobwa bahoze mu buraya nazanye ngo dukorane ubu babuvuyemo kuko bahabonera ibibatunga.”

    Yongeyeho ko ubu amaze kwizigamira ndetse afite imitungo ifite agaciro k’arenga miliyoni ebyiri mu bikoresho bitandukanye yagiye agura akoresha mu kazi ka buri munsi.

    Tugirinama Leonard, yemeza ko kuva yatangira gukorana na Habanabakize ubuzima bwe bwahindutse ku buryo bugaragara.

    Ati “Mbere tukiva Iwawa twagowe no kubona ahantu dukorera kubera ko ahanini nta n’igishoro twari dufite ariko Habanabakize yadushyize hamwe dutangira kubona ibiraka ubu tubayeho neza kuko buri muntu wese wakoze hari amafaranga abasha atahana ku munsi.”

    Mihigo Hussein na we we yemeza ko ku munsi iyo yabonye ibiraka ashobora gukorera ibihumbi bine by’amafaranga y’u Rwanda.

    Hbanabakize avuga ko ibikorwa by’ububaji bimuhesha ubushobozi bwo gutunga umuryango we no gushyira mu bikorwa indi mishinga

    Ibikorwa by’ububaji Habanabakize akesha imibereho yabyigiye Iwawa ubwo yajyaga kugororerwayo

    Habanabakize yemeza ko yaretse ibiyobyabwenge ubu arangamiye ibikorwa bimuteza imbere