Blog

Mu minsi ishize, Ingabire Victoire wahamijwe ibyaha byo guhungabanya umutekano w’igihugu, nyuma akaza guhabwa imbabazi na Perezida Paul Kagame, yatambukije inkuru mu kinyamakuru The Guardian iyobya uburari ku bijyanye n’igihano yahawe.

Inkuru ye ifite umutwe ugira uti ‘My story proves Rwanda’s lack of respect for good governance and human rights’ (Amateka yanjye yerekana ko u Rwanda rudaha agaciro imiyoborere myiza ndetse n’uburenganzira bwa muntu).

Iyi nkuru yasohotse mu gihe iki kinyamakuru cyari kimaze iminsi gitambutsa inkuru zishidikanya ku mateka ya Jenoside yakorewe Abatutsi mu 1994, ibintu byatumye Abanyarwanda benshi bibaza impamvu The Guardian yo mu Bwongereza isa nk’iri gutiza umurindi abahakana ndetse bagapfobya Jenoside yakorewe Abatutsi.

n’ubwo benshi bifuza kwizera ko ibitangazamakuru byo mu Burengerazuba bw’Isi birimo na The Guardian, bitanga ubwisanzure bwo gutanga ibitekerezo, ndetse bamwe bakanga kwemera ko abanyamakuru bo mu Burengerazuba bw’Isi batita ku bimenyetso bihamya ukuri iyo bari kuvuga kuri Afurika, u Rwanda kuri iyi ngingo, ntirunahabwa umwanya kugira ngo abashaka guhinyuza ibyo binyoma by’abaruharabika batambutse ibitekerezo byabo ahatambukijwe iby’abagoreka ukuri, ahubwo bagahitamo guha ijambo abarusebya gusa.

Niba koko ari ubwisanzure bwo gutanga ibitekerezo bushyirwa imbere, bagakwiye guha urubuga impande zombi. Ariko kuba banga gutangaza iby’abarwanya ibyo binyoma byandikwa n’Inyangarwanda, byerekana ko abanyamakuru ba The Guardian babikora nkana.

Ariko reka tunibaze ibibazo by’ingenzi abanyamakuru ba The Guardian bakabaye baribajije. Ingabire Victoire ni muntu ki, afite ayahe mateka?

Ingabire Victoire Umuhoza ni umukobwa wa Therese Dusabe, wahamijwe kugira uruhare muri Jenoside yakorewe Abatutsi ariko akaba akidegembya mu Buholandi.

Mubyo ashinjwa harimo kwica abagore b’Abatutsi babaga baje kubyara mu kigo nderabuzima cy’ahahoze ari muri Komine Butamwa [ubu ni mu Murenge wa Mageragere] aho yakoraga nk’umuforomo.

Muri Kanama 1998, nyuma y’amezi atanu gusa Perezida Bill Clinton wahoze ayobora Leta Zunze Ubumwe za Amerika agiriye uruzinduko mu Rwanda, Ingabire Victoire wateye ikirenge mu cya nyina, yayoboye ishyaka rya politiki ryitwaga RDR ryari rigizwe n’abasize bakoze Jenoside mu Rwanda, ndetse n’abahoze ari abasirikare ba FAR basize bakoze Jenoside mu 1994. Iri shyaka ryashingiwe mu nkambi babagamo ahitwa mu Mugunga hahoze ari muri Zaire.

Mu bandi bashinze iri shyaka rya RDR, harimo ba ruharwa bateguye bakanashyira mu bikorwa umugambi wa jenoside, barimo Theoneste Bagosora, Ferdinand Nahimana, n’abandi bari bayoboye ishami ry’iri shyaka muri Cameroun, ndetse nyuma bahamijwe ibyaha bya Jenoside n’Urukiko Mpuzamahanga Mpanabyaha Rwashyiriweho u Rwanda (ICTR).

Mu ruzinduko rwe, Bill Clinton yagize icyo avuga kuri iri shyaka rya RDR ryari rimaze amezi atanu. Yagize ati “Mu Majyaruguru y’Uburengerazuba bw’igihugu cyanyu, ibitero by’abasize bakoze amahano mu 1994 biracyakomeza n’uyu munsi.”

Mu 2009, ishyaka rishya rya Ingabire Victoire, FDU-Inkingi, ryari rishamikiye ku bakoze Jenoside, ryashyizwe mu majwi na raporo y’inzobere z’Umuryango w’Abibumbye ko rifitanye imikoranire ya hafi na FDLR, umutwe ugizwe n’interahamwe zasize zikoje Jenoside mu Rwanda, ukaba waranashyizwe ku rutonde rw’imitwe y’iterabwoba na Amerika.

Mu 2010, Visi Perezida wa FDU Inkingi, Joseph Ntawagundi yaje mu Rwanda aherekeje Ingabire, ariko yisanga agomba kubazwa n’amateka uruhare yagize muri Jenoside, maze nyuma yo kwerekwa ibimenyetso, ndetse no gushinjwa n’abarimo umugore we, yarabyemeye ndetse anasaba imbabazi zo kuba yaragize uruhare muri Jenoside yakorewe Abatutsi, kuko yicishije abantu umunani. Ni ngombwa kugaragaza ko ubwo Ntawagundi yatabwaga muri yombi, Ingabire yamuvugiye mu buryo bwose bushoboka agaragaza ko ari umwere, ahubwo ko ibyaha ashinjwa bifitanye isano na politiki.

Ku itariki 15 Ukwakira 2010, The New Times yatangaje ifungwa rya Ingabire Victoire, ivuga ko akekwako kwivanga mu bikorwa byo guhungubanya umutekano w’u Rwanda. Yafunzwe nyuma y’uko ashinjwe na Maj Vital Uwumuremyi, wahoze ari mu bayobozi b’umutwe wa FDLR, wafashwe ari kugeregeza kwinjira mu Rwanda avuye muri Repubulika Iharanira Demokarasi ya Congo mu buryo bunyuranyije n’amategeko.

Ibindi bimenyetso byerekana ko Ingabire yakoranaga bya hafi n’imitwe y’abasize bakoze Jenoside iri muri Congo byashyizwe hanze n’inzego z’umutekano mu Buholandi, nyuma y’iperereza ryakorewe mu rugo rwe ruherereye muri icyo gihugu.

Iri perereza kandi ryakozwe mu rugo rwe ryatumye umugabo we, Lin Muyizere, ashinjwa n’Urukiko rwo mu Buholandi kugerageza kubangamira umugambi wa Leta y’u Buholandi wo kohereza inyandiko n’ibindi bimenyetso bishinja Ingabire mu Rwanda. Gusa mu Ugushyingo 2011, icyemezo cyamenyeshejwe Minisiteri y’Ububanyi n’Amahanga y’u Rwanda kivuye muri Ambasade y’u Buholandi, cyemezaga ko ibirego by’uyu mugabo bidafite ishingiro.

Inyandiko y’urukiko yaragize iti “Abacamanza bameje ko nta bimenyetso simusiga byerekana ko ikirego cya Muyizere gifite ishingiro. Ibi bivuze ko impamvu zose mu buryo bw’amategeko zatuma ibimenyetso [bishinja Ingabire bitoherezwa mu Rwanda] zikuweho.”

Ku wa 13 Ukuboza mu 2013, Urukiko Rukuru rwongereye igihano cy’igifungo rwari rwarahaye Ingabire Victoire, rukivana ku myaka umunani rukigira 15 nyuma yo kumuhamya ibyaha yaregwagwa, birimo kurema umutwe w’iterabwoba ugamije guhungabanya umudendezo w’u Rwanda no gupfobya Jenoside yakorewe Abatutsi mu 1994.

Icyo Ingabire atigeze agarukaho mu nyandiko ye ni uko we n’ubushinjacyaha bajuririye Urukiko Rukuru, nyuma y’uko Ubushinjacyaha bubonye ko igihano yari yahawe cyari cyoroheje ugereranyije n’icyaha yakoze. Aya makuru aboneka ahantu hose ku buryo iyaba The Guardian ari ikinyamakuru cyandika ukuri koko, cyari kuba cyarayashatse.

Muri iyi nkuru kandi, Ingabire yagarutse ku cyaha yarezwe cyo gutesha agaciro Jenoside, kuko azi neza ko abo abwira bo mu Burengerazuba bw’Isi batarumva agahinda yateye Abanyarwanda nyuma y’amagambo yavugiye ku Rwibutso rwa Jenoside rwa Kigali ku Gisozi, aho yagereranyije ubwicanyi bwakorewe Abatutsi barenga miliyoni n’ibyaha byitirirwa FPR, bigaragaza ko habayeho jenoside ebyiri; imvugo yakoreshejwe n’abateguye bakanashyira mu bikorwa Jenoside yakorewe Abatutsi mbere yayo, mu gihe yabaga ndetse na nyuma yayo.

Mu bigaragara, iyo bigeze ku ngingo yo gukorana n’abakoze Jenoside ndetse no kurema umutwe witwaje intwaro ugamije gukuraho Guverinoma y’u Rwanda, Ingabire Victoire nta byireguro abona, araruca akarumira.

Iyi niyo mpamvu inkuru ye yo muri The Guardian itabigarukaho. Iyo uyisomye ugira ngo Ingabire yavutse mu 2010, cyangwa se yabujijwe ubwisanzure bwo gutanga ibitekerezo igihe yahamwagwa n’ibyaha agafungwa, ndetse akigira nk’utarigeze abazwa ibyaha mu nkiko.

Nta muntu n’umwe ushidikanya ko abanyamakuru ba The Guardian badafite ubushobozi bwo kugenzura ibyo Ingabire avuga, yaba ibyo anenga, ibyo avuga ku iterambere ry’u Rwanda nyuma ya Jenoside yakorewe Abatutsi mu 1994 ndetse n’uburenganzira bwa muntu.

Ariko nko ku ngingo y’uburenganzira bwa muntu, imvugo ihora ari imwe. Ibirego bishinja u Rwanda, n’ubwo bitaba bifite ibimenyetso, bifatwa nk’ukuri, ariko iyaba twari bushingire ku bimenyetso nk’uko amahame ya Commonwealth The Guardian ivuga ko ishyigikira abivuga, twese twari bwemeranye n’imvugo ya depite Andrew Mitchel, wavuze ati “U Bwongereza bubitse akwiye guhangayikisha buri wese wita ku miyoborere yabwo ku Isi.”

Niba kandi twita kuri ayo mahame ya Commonwealth, guhishira abakekwaho uruhare muri Jenoside nk’uko u Bwongereza bubikora, ntabwo ari ikintu twakirata, ahubwo ni ikintu buri wese yakagombye kugaya.

Niba koko Ingabire yita ku mahame ya Commonwealth, yagakwiye gukoresha umwanya abonye mu binyamakuru byo mu Bwongereza, agahamagarira icyo gihugu guta muri yombi abantu batanu bagize uruhare muri Jenoside bihishe muri icyo gihugu. Niba nawe yemera ko uburenganzira bwa muntu bukwiriye kwimakazwa, yagakwiye gusaba ko nyina afatwa kuko yagize uruhare muri Jenoside yakorewe Abatutsi, ndetse benshi bemeza ko Ingabire ari we wamufashije gucikira mu Buholandi.

Yagakwiye kandi gusaba imbabazi ku bwo kwifatanya n’abagize uruhare mu iyicwa ry’abantu ryatangijwe n’abayoboraga inkambi yo muri Zaire bateye u Rwanda. Gusa, ikigaragara ni uko ibyo avuga ntaho bihuriye n’amahame ya Commonwealth, ahubwo ari umugambi mugari wo kugoreka ukuri ku mateka y’u Rwanda, yitwikiriye ishusho y’uburenganzira bwa muntu. Muri uyu mugambi, Ingabire Victoire afatwa nk’indi “ntwali” irwanya ubutegetsi bw’igitugu mu Rwanda nyuma y’uko umushinga “w’intwari ya Hollywood” [Paul Rusesabagina] uburijwemo mu buryo buteye isoni.

Kuri iyi ngingo y’ubutwari bw’i Hollwood, Inkiko z’u Bwongereza zemeje ibitekerezo bihuriweho n’Abanyarwanda benshi ku bwireguro bwatanzwe na Paul Rusesabagina avuganira abantu bane bakekwaho uruhare muri jenoside bidegembya mu Bwongereza.

Umucamanza Antony Evans yabivuzeho ati “Mu by’ukuri icyo ubuhamya bwa Rusesabagina bwerekanye inkomoko y’ibimenyetso ndetse no bwerekana ko ibimenyetso bitari iby’inzobere zigenga ahubwo byari iby’umugabo ufitanye isano rikomeye n’intangondwa z’Abahutu, bityo ko bidashobora gufatwa nk’ukuri gufite ishingiro.”

Umuntu yakwibaza ati: “Ese The Guardian n’abo bafatanyije bazigera bahindura umuvuno? “

Ingabire Victoire yanditse inyandiko zimugaragaza nk’impirimbanyi y’amahoro kandi yaragize uruhare mu kuyica

Umurambo we watoraguwe ku wa 6 Kamena 2021 ahagana saa Saba z’amanywa mu Karere ka Burera, mu Murenge wa Kivuye, Akagari ka Nyirataba mu mudugudu wa Kanyenzugi, aho abo bagizi ba nabi bamujugunye.

Virunga Post yatangaje ko uyu Bazambanza yagiye muri Uganda avuye n’ubundi mu Karere ka Burera. Yari atuye ahitwa Butandi i Kabale ari naho yakoreraga akazi ka buri munsi. Yari ahamaze imyaka irenga ine, kugeza ubwo yatewe mu rugo rwe n’abagizi ba nabi barimo sebuja, bakamukorera ibikorwa by’ubunyamaswa birimo kumukubita barangiza bakamutwika yambaye ubusa kugeza apfuye.

Umwe mu bayobozi baturiye umupaka utashatse ko amazina ye amenyekana yagize ati “Birababaje, ukuntu abayobozi bo muri Kabale batigeze bagira icyo bakora kugira ngo bakize ubuzima bw’uyu Munyarwanda cyangwa ngo bakore iperereza kugira ngo bamenye abamwishe.”

Umurambo we umaze gutoragurwa, wajyanywe mu buruhukiro bw’ibitaro bya Butaro biherereye mu Karere ka Burere kugira ngo hakorwe isuzuma ryimbitse ku rupfu rwe.

Si ubwa mbere Umunyarwanda yiciwe muri Uganda, kuko uretse no kwicwa, hakunze kumvikana amakuru y’Abanyarwanda benshi bafatwa n’inzego z’ubutasi za Uganda zikabafunga, zikabakubita ndetse zikabica urubozo bashinjwa kuba intasi z’u Rwanda, kugeza ubwo hari aboherezwa ku mupaka batabasha kugenda kubera gukubitwa, abandi bagapfirayo.

Inkuru iheruka y’Umunyarwanda wiciwe muri Uganda ni iy’uwitwa Felicien Mbonabaheka wishwe ari kugerageza gutabara Umunyarwanda wari wibasiwe n’abagizi ba nabi b’Abagande barimo kumukubita. Aba bagizi ba nabi bafashe Mbonabaheka bamukata umutwe n’amaguru ndetse n’urutirigongo, barangije bamushyingura batamenyesheje umuryango we cyangwa Leta y’u Rwanda.

Kugeza ubu, Leta ya Kampala ntacyo iravuga kuri uru rupfu rw’agashinyaguo rwishwe Mbonabaheka.

Leta y’u Rwanda ntihwema kugira inama Abanyarwanda ibabuze kujya muri Uganda kubera ko itizeye umutekano wabo, kuko abenshi bagiyeyo bakorerwa ibikorwa by’urugomo, barakubitwa, barafungwa abandi bakicwa.

Nyuma y’amasezerano ya Luanda yasinywe n’abakuru b’ibihugu bya Uganda n’u Rwanda mu 2019, yari akubiyemo ingingo zigamije gushyira akadomo ku bikorwa by’ihohoterwa bikorerewa Abanyarwanda no kugarura umubano w’ibihugu byombi, nta cyizere cy’uko ibi bizagerwaho kuko Leta ya Uganda idafite ubushake bwatuma bigerwaho.

Mu 2019, ubukerarugendo bwinjirije u Rwanda miliyoni zirenga 500$ mu gihe bwatanze imirimo ku bagera ku 164.000.

Mu guteza imbere uru rwego, igihugu cyashyize imbaraga mu kongera iyubakwa ry’imishinga y’ibikorwa remezo bifasha abakerarugendo kubona serivisi nziza no kugubwa neza mu gihe bari mu Rwanda.

Ibi bikorwa remezo birimo hoteli zigezweho zishobora kwakira ibiganiro, inama n’ibikorwa byo ku rwego mpuzamahanga, ibizwi nka MICE (Meetings, Incentives, Conferences and Events).

Muri uru rugendo u Rwanda rugiye kunguka hoteli y’akataraboneka yitwa Four Points by Sheraton, iri mu Karere ka Nyarugenge mu Mujyi wa Kigali rwagati, hafi ya hoteli ya Serena ndetse na Marriott.

Iyi hoteli y’inyenyeri enye iri gukorwaho imirimo ya nyuma ndetse nta gihindutse mu minsi itarenze 30 izaba yageze ku musozo.

Ni yo hoteli ya mbere yubatswe na Sosiyete y’amahoteli ya Four Points by Sheraton mu Rwanda, ikazaba ifite ibyumba 154 biri mu byiciro bitandukanye birimo n’igishobora kwakira Umukuru w’Igihugu.

Four Points by Sheraton ni ikigo gikomeye cyane ku rwego rw’Isi kuko gifite hoteli 295 ziri mu bihugu 45, ishami ryayo ry’i Kigali rigiye kwiyongera ku yo gifite mu Karere ka Afurika y’Iburasirazuba muri Kenya na Tanzania.

Iki kigo cyavutse mu 1995 kigenzurwa n’Ikigo cya Sheraton Hotels and Resorts. Mu 1998, yaguzwe na Starwood Hotels and Resorts Worldwide Inc. yaje no kuyivugurura mu 2000. Mu 2016, Marriott International yaguze Starwood Hotels and Resorts Worldwide Inc. bityo yongera izina rya Four Points by Sheraton mu yandi y’ibigo 32 ikuriye.

  Imiterere ya Four Points by Sheraton y’i Kigali

Four Points by Sheraton ni hoteli izaba iri ku rwego rw’inyenyeri enye, ikagira ibyumba 154 byubatse mu magorofa 10.

Igice cyo munsi y’ubutaka (basement) cy’iyi hoteli kirimo inzu z’ububiko bw’ibikoresho bizakenerwamo n’ahantu hazifashishwa mu mahugurwa y’abakozi bayo nkuko bigenda ku b’ibigo biri ku rwego rwo hejuru.

Nubwo ari hoteli iri ku rwego mpuzamahanga, yanahaye agaciro umuco w’igihugu yubatswemo kuko aho abashyitsi bazajya bakirirwa, hazaba hatatswe n’imitako ya Kinyarwanda.

Muri iki gice kandi hazaba hari restaurant, akabari kagezweho, igikoni kinini ndetse n’ikindi kizajya gitekerwamo ibiribwa bizajya bihita bitangwa ako kanya.

Muri iyi hoteli hashyizwemo ascenseur ebyiri z’abakiliya, hari n’igenewe abakozi bayo n’inyuzwamo ibicuruzwa n’ibindi bikoresho.

Ku igorofa rya mbere harimo igice kigizwe n’ibyumba byakira inama bitatu, bishobora guhuzwa bikaba icyumba kimwe kimwe cyakwakira abantu 60.

Umwihariko w’iyi hoteli ni uko ibikoresho birimo imbaho zikoze ameza n’inzugi z’icyumba cy’inama zakorewe muri iyi hoteli. Aha kandi hazaba hari ahantu abantu bitabiriye inama bashobora kunywera ikawa mu gihe cy’akaruhuko.

Mu igorofa rya kabiri harimo ibyumba byakira inama bitandatu, hakaba piscine igizwe n’ibice bibiri, birimo iy’abana ndetse n’iyagenewe abakuru.

Iruhande rw’iyi piscine hari gym yo ku rwego rwo hejuru, izaba ifite umwihariko w’uko abantu bazajya bakora imyitozo bareba hanze, kuko idakingiwe n’inkuta ahubwo ari ibirahuri. Kimwe n’izindi gym zikomeye ku rwego rw’Isi, ikoze ku buryo umuntu wituye hasi mu buryo bw’impanuka, adashobora gukomereka.

Amafunguro azaba afite gitereka

Kimwe mu bituma hoteli ikundwa harimo serivisi nziza ariko ziba akarusho iyo ziherekejwe n’amafunguro ateye amabengeza.

Muri iyi hotel hateganyijwe ibyumba bibikwamo inyama, imboga n’izindi mbuto ndetse ifite umwihariko wo kugira ibyumba umunani bikonjesha ibirimo imboga n’inyama.

Four Points by Sheraton inafite ahantu hihariye hazakorerwa imigati ndetse n’ahazajya hatunganyirizwa inyama. Inafite igikoni kizajya gikorerwamo pizza, kikazaba cyitegeye ahari piscine.

Inyubako ya Four Points by Sheraton yubatswe na Canon Construction Ltd, iyoborwa na Jack Arslanian akaba akorana na New Century Development ya Hatari Sekoko.

Mu iyubakwa ry’iyi hoteli, ibikoresho byinshi byifashishijwe ni ibyo mu Rwanda mu gihe mu mirimo yo gusoza ariho hatumijwe ibikenerwa hanze y’igihugu nk’ibyo mu gikoni.

Jack Arslanian yabwiye IGIHE ko yubatswe hakurikijwe ibipimo mpuzamahanga bigenwa n’izi hoteli.

Ati “Bitwararika ku bintu byose ku buryo bufasha abakiliya kunogerwa na serivisi babona.’’

Iyi hoteli ifite ibyumba 20 bisanzwe, hari n’ibirimo ibikoni imbere n’igishobora kwakira Umukuru w’Igihugu kimwe.

Mu minsi 30 isigaye hari kugenzurwa uko ibyuma bitanga amahuhwezi (air conditioners), umuriro, moteri, amazi n’ibindi byose niba bikora neza.

Imwe mu nyungu ibikorwa remezo bigira ku gihugu harimo no gutanga imirimo ku baturage. Mu kubaka iyi hoteli hatanzwe imirimo ku barimo abafundi, abayede, abenjeniyeri biganjemo Abanyarwanda.

Jack Arslanian wagize uruhare mu kuyubaka, hari n’izindi hoteli zo mu Rwanda yakozeho. Yubatse Bisate Lodge mu Majyaruguru, Ubumwe Grande Hotel, Marriott Hotel ndetse yagize uruhare mu kuvugurura One & Only Nyungwe House.

Uyu mwenjeniyeri umaze imyaka itandatu mu Rwanda yishimira ko inyubako zigezweho z’amahoteli zikomeje kwiyongera kandi ziri ku rwego rushimishije.

Yuzuye mu Mujyi hafi ya Serena Hotel na Marriott

Izaba ifite inyenyeri enye iri mu izina rya Sosiyete Mpuzamahanga mu by’amahoteli ya Four Points by Sheraton

Imirimo ya nyuma ni yo iri gukorwa kandi byitezwe ko mu minsi 30 izaba yageze ku musozo

Ibikoresho by’ibanze byamaze gushyirwamo ku buryo mu minsi mike izaba yatangiye imirimo

Abayubatse ni nabo bagize uruhare mu kubaka izindi hoteli zikomeye mu Rwanda zirimo nka Ubumwe Grande Hotel

Byinshi mu bikoresho byakoreshejwe mu kuyubaka, byakorewe mu Rwanda mu guteza imbere gahunda ya Made in Rwanda

Ubwogero bwayo bwamaze gutunganywa

Izaba ifite ibyumba byisanzuye birimo n’igishobora kwakira Umukuru w’Igihugu

Ibitanda byamaze gushyirwamo

Mu byumba bimwe na bimwe, intebe nazo zashyizwemo hamwe na televiziyo

Iyi hoteli yitezweho gufasha u Rwanda kuba igicumbi cyakira inama mpuzamahanga n’iwabo wa ba mukerarugendo

Amafoto: Igirubuntu Darcy