Webrwanda Backend

Blog

  • Perezida Kagame yasabye Afurika kwigira ku cyorezo cya Covid-19 , urwego rw’ubuzima rugahabwa umwihariko –

    Ibi Perezida Kagame yabigarutseho kuri uyu wa Kabiri, ubwo ikigo cya MasterCard Foundation cyatangizaga ubufatanye n’Ikigo cya Afurika Gishinzwe kurwanya Indwara z’Ibyorezo, African CDC.

    Ubu bufatanye buzamara imyaka itatu, bufite agaciro ka miliyari 1,3$, azakoreshwa mu gufasha Abanyafurika miliyoni 50 kubona inkingo za Covid-19. Aya mafaranga kandi azakoreshwa mu kuzahura ubukungu bw’uyu Mugabane bwashegeshwe ndetse no gutangiza ibikorwa byo kubaka inganda zizakora inkingo n’imiti kuri uyu Mugabane.

    Perezida Kagame yavuze ko uburyo urwego rw’ubuzima ku Mugabane wa Afurika rutitaweho nk’uko bikwiye mu myaka ishize bikagaragarira mu buryo wahungabanyijwe cyane na Covid-19, bikwiriye gusigira isomo Afurika igahindura imyumvire mu bijyanye no guteza imbere urwego rw’ubuzima.

    Yagize ati “Ntitugomba kuva muri iki cyorezo tugifite imyumvire yo gukora ibintu nk’uko twari dusanzwe tubikora. Ibyo bivuze ko tugomba gushora umutungo wacu mu bikorwa byo guteza imbere urwego rw’ubuzima mu bihugu byacu.”

    Perezida Kagame kandi yashimye ubu bufatanye, avuga ko iri shoramari ari intambwe nziza izashoboza Afurika kugera ku “Ntego y’igihe kirekire yo kubaka ubushobozi bwo gukora imiti n’inkingo bikorewe ku Mugabane wa Afurika.”

    Yagize ati “Ubu bufatanye hagati ya Mastercard na Africa CDC bwubakiye kuri iryo shoramari, kandi buzadufasha kugera kuri byinshi turi kumwe mu gihe kiri imbere.”

    Afurika ikataje urugendo rwo kwikorera inkingo

    Kugeza ubu Afurika ikoresha inkingo zingana na 25% by’inkingo zikorerwa ku Isi, ariko ikikorera 1% byazo.

    Umuyobozi wa Africa CDC, Dr. John Nkangasong, yavuze ko Afurika ifite intego y’uko mu mwaka wa 2040, uyu Mugabane uzaba wikorera 60% by’inkingo zose ukeneye, ibizatuma ugira ubushobozi bwo guhangana n’ibyorezo by’ahazaza.

    Uyu muyobozi yavuze ko ibiganiro byo kubaka inganda zizakorera inkingo ku Mugabane wa Afurika birimbanyije, aho bikiri mu cyiciro cy’ubujyanama muri rusange.

    Nkangasong yavuze u Rwanda rwagaragaje ubushake bwo kuba muri byo bihugu bya Afurika bizakorerwamo inkingo, ati “Perezida Kagame yagaragaje ubushake bw’uko u Rwanda rwiteguye kwinjira muri iyi gahunda yo gukorera inkingo ku Mugabane wa Afurika.”

    Perezida Kagame asanganywe inshingano zo gushishikariza ibindi bihugu bya Afurika kongera ingengo y’imari bishora mu rwego rw’ubuzima.

    Ibindi bihugu bya Afurika byagaragaje ubu bushake birimo Ghana, Tunisia, Morocco, Senegal, Afurika y’Epfo, Misiri n’ibindi bikirimo mu biganiro by’ibanze.

    Perezida Kagame yavuze ko Afurika ifite ubushobozi bwo kugera ku ntego yo kwikorera inkingo, ati “Umuryango wa Afurika Yunze Ubumwe na Nepad bafite ubushobozi bwo gufasha ibihugu bya Afurika kugera kuri iyi ntego.”

    Nkangasong yasabye ko ibihugu bikize bifite inkingo ziruta ibyo zikeneye, bikwiye gufasha Afurika kubona inkingo kuko ari bwo buryo bwiza bwo kurandura icyorezo cya Covid-19.

  • Tanzania: Mu nteko ishinga amategeko hisanzemo abagabo gusa. #rwanda #RwOT

    Nyuma y'iminsi micye humvikanye inkuru y'umugore wasohowe mu nteko azizwa kwambara ipantalo imwegereye, muri Tanzaniya noneho ibisa nk'akumiro ni uko inteko yisanzemo abagabo gusa.

    Amakuru dukesha Bwiza nuko uyu munsi noneho ubwo hari hateganijwe inama ya gatanu y'inteko ya 13 abagabo cg se igitsina gabo aribo bisanze mu cyuma intego iteraniramo.

    Impamvu nyamukuru yateye iki kibazo ni uko umukuru w'iki gihugu Samia Suluhu ari mu nama n'abagore basga ibihumbi 5 bityo bikaba byabaye ngombwa ko abagore bose bo mu nteko bisanga muri iyo nama ya perezida bakabererekera inteko.

    Source : https://impanuro.rw/2021/06/08/tanzania-mu-nteko-ishinga-amategeko-hisanzemo-abagabo-gusa/

  • Rusesabagina ni imfungwa nk'abandi bose – RCS – #rwanda #RwOT

    Rusesabagina Paul, akurikiranywe n'Urukiko Rukuru, Urugereko Rwihariye Ruburanisha Ibyaha Mpuzamahanga n'Ibyambuka Imbibi, ku byaha bifitanye isano n'ibitero byagabwe n'abarwanyi b'umutwe yashinze wa MRCD-FLN, byaguyemo Abanyarwanda mu bihe bitandukanye.

    Umuryango wa Rusesabagina wifashishije imbuga nkoranyambaga n'Ikinyamakuru The New York Times, batangaza ko Rusesabagina yamenyesheje umuryango we ko agiye guhagarikirwa ibiribwa, amazi n'imiti yahabwaga.

    Umuvugizi w'Urwego rw'Igihugu rushinzwe Imfungwa n'Abagororwa, RCS, SSP Gakwaya Pelly Uwera, mu kiganiro yagiranye na RBA, yavuze ko muri rusange abari muri gereza zo mu Rwanda bafatwa kimwe kandi na Rusesabagina ahabwa uburenganzira bwose yemererwa n'itegeko.

    Ati 'Imfungwa zose imbere y'amategeko zirangana, kandi uwo Rusesabagina ni umwe mu mfungwa nk'abandi bose […] kubera iki nk'Abanyamakuru b'abanyamwuga, Rusesabagina mumufata nk'igihangange mubizi neza ibyo yakoreye abaturage bene wacu b'i Nyabimata? Yishe abantu ariko [….] mu itangazamakuru murashaka kumugira icyamamare.'

    Yakomeje agira ati 'Sinashakaga kumuvugaho nk'umuntu ariko Rusesabagina ameze neza, arivuza n'ubushize mu itangazamakuru bavuze ngo ntabwo agera kwa muganga ngo arapfuye ariko twebwe tumubona umunsi ku munsi ameze neza.'

    SSP Uwera yavuze ko haba mu buryo bwo kugira ubuzima, Rusesabagina afite ubuzima buzira umuze, ndetse asa neza ugereranyije n'uko yaje ameze.

    Ati 'Arasa neza nkurikije uko namubonye aza nkamubona mu itangazamakuru kuri televiziyo. N'ubundi ni mwe mwamugaragaje, uko yari ameze ubu yabaye umuntu muzima kurushaho. Icyo nababwira ni uko ari imfungwa kimwe n'abandi kandi tumufata kimwe n'abandi.'

    Yongeyeho ati 'Wenda ni mwe mwambwira impamvu mushaka ko Rusesabagina agira umwihariko kandi ari umufungwa kimwe n'abandi bafungwa b'u Rwanda. Ko ntarumva mu bandi ibihumbi mirongo bafunzwe mutubaza uko bafunzwe?'

    Umuvugizi wa RCS yavuze ko Rusesabagina yitaweho neza nk'izindi mfungwa zose, kandi ko iyo hari icyo akeneye agihabwa.

    Ati 'Mukanya numvaga umukobwa we avuga ngo yaratubwiye ngo dusakuze! Ni ugusakuza nyine. Basakuze nta kibazo ariko ni umufungwa nk'abandi kandi yitaweho kimwe n'abandi. Ararya nk'abandi, iyo akeneye umuganga aramubona, nta na kimwe tumuhezaho.'

    RCS ntikorera mu bwiru

    Imibare y'Urwego rw'Igihugu rushinzwe Imfungwa n'Amagereza mu Rwanda, RCS, igaragaza ko kugeza uyu munsi tariki 8 Kamena 2021, abantu bafungiye cyangwa bari kugororerwa muri gereza zose zo mu Rwanda ari 78 759.

    Mbere y'umwaduko w'icyorezo cya Covid-19, abafungwa n'abagororwa barasurwaga, ndetse n'ubundi burenganzira bemererwa n'itegeko bukubahirizwa. Muri rusange abafungiye muri izo gereza barya kimwe, bahabwa uburenganzira ku buvuzi mbese bafatwa kimwe.

    SSP Uwera yavuze ko RCS atari ikirwa ku buryo ibyo ikora bikorwa mu bwiru kuko hari izindi nzego zibagenzura umunsi ku munsi.

    Ati 'Hari Komisiyo y'Uburenganzira bwa Muntu, idukurikirana umunsi ku munsi, izo ni inzego leta yashyizeho zireberera ibyo twe dukora, hari kandi na Komisiyo ya Sena bose baraza bakadusura, bakareba bakagera n'aho dutekera bakareba niba koko isuku yubahirizwa ndetse burya n'ab'intege nke bafite ifunguro ribateganyirijwe, abarwaye indwara zidakira, byose hari ingengo y'imari iba ibigenewe.'

    RCS itangaza ko nko muri ibi bihe bya Covid-19, abagororwa cyangwa abafunzwe bashyiriweho uburyo bufasha abo mu miryango yabo aho bifashisha ikoranabuhanga rya Mobile Money na Airtel Money boherereza ababo amafaranga bashobora kwifashisha mu buryo butandukanye.

    RCS yavuze ko Rusesabagina ari nk’abandi bafungwa kandi ahabwa ibiteganywa n’amategeko byose

    Source : http://igihe.com/amakuru/u-rwanda/article/rusesabagina-ni-imfungwa-nk-abandi-bose-rcs

  • Yakiniye ikipe ye nyuma y’uko abwiye Amavubi ko yanduye COVID-19, ukuri kuri Rafael York #rwanda #RwOT

    Benshi bari baketse ko rutahizamu wa FC Eskilstuna mu cyiciro cya kabiri muri Sweden, Rafael York yanze kwitabira ubutumire bw’ikipe y’igihugu kuko yagaragaye akinira ikipe ye mu gihe yari yavuze ko yanduye COVID-19.

    Rutahizamu Rafael York yari mu bakinnyi 34 umutoza Mashami Vincent yahamagaye gukoresha mu mikino 2 yakinnye na gicuti.

    Uyu mukinnyi wari uhamagawe ku nshuro ya mbere, amakuru yabanje kuvuga ko bamubajije igihe azazira ngo bamwoherereze itike ariko ntiyasubiza, ni mu gihe nyuma yatangaje ko yanduye COVID-19 ariko ko azasubira kwipimisha basanga ntayo afite azahita aza akaba yakina umukino wa 2 wakinwe ku munsi w’ejo tariki ya 7 Kamena 2021 aho Amavubi yatsinze Centrafrique 5-0.

    Urujijo rwaje kuza ubwo uyu mukinnyi tariki ya 5 Kamena yari mu bakinnyi ikipe ye ya FC Eskilstuna yabanje mu kibuga ku mukino wa shampiyona batsinzwemo na Brage 1-0, York yavuye mu kibuga ku munota wa 69 asimbuwe na André Alsanati.

    Ibi byatumye abanyarwanda bakeka ko yaba yarabeshye ahubwo adashaka gukinira ikipe y’ighugu yarakwepye.

    Umutoza w’ikipe y’igihugu y’u Rwanda, Mashami Vincent yavuze ko uyu mukinnyi yifuza gukinira u Rwanda kandi atabeshye ahubwo bwa mbere baramupimye basanga yaranduye basubiyeyo basanga ari muzima.

    Ati'Rafael ni umukinnyi wifuzaga kuza koko 100% ariko iki cyorezo uburyo giteye ntumenya igihe wanduriye, ashobora kuba yari yaranduye atabizi ariko umunsi yagiye kwipimisha yasanze yaranduye COVID-19 ariko nyuma ho gato yaje kongera kwipimisha basanga ntayo.'

    Yakomeje avuga ko yifuzaga no kuza ariko basanga ataza bitewe n’umwanya kandi n’ikipe yari imukeneye.

    Ati'Yashakaga no kuza ariko ikipe ye itubwira ko urugendo uko rungana kugira ngo aze ahite asubirayo na none kandi ngira ngo bari bafitemo n’umukino bamukeneye, ntabwo byari bigikunze ariko we yarabishakaga, n’itike twari tugiye kuyohereza ariko we arabishaka cyane, nta kibazo na kimwe tumufiteho isaha n’isaha azahagera.'

    Rafael York ni rutahizamu wa AFC Eskilstuna mu cyiciro cya kabiri muri Sweden, ni ku nshuro ya mbere agiye gukinira u Rwanda, akaba avuka kuri nyina w’umunyarwandakazi na se ukomoka muri Portugal.

    Rafael York ngo ni umukinnyi w’Amavubi isaha n’isaha azaza

    Source : http://isimbi.rw/siporo/article/yakiniye-ikipe-ye-nyuma-y-uko-abwiye-amavubi-ko-yanduye-covid-19-ukuri-kuri-rafael-york

  • Biravugwa: Abakinnyi ba Rayon Sports biyemeje kutazakina imikino isigaye kubera kutishyurwa #rwanda #RwOT

    Mbere y'uko shampiyona itangira tariki ya 1 Gicurasi 2021, ubwo barimo bitegura shampiyona iyi kipe ikaba yari yarabwiye abakinnyi ko shampiyona izatangira baramaze kwishyurwa amafaranga yabo cyane cyane abo ifitiye amafaranga baguzwe itabahaye.

    Kuva icyo kugeza uyu munsi ubwo shampiyona iri mu mpera, ntabwo bigeze bahabwa amafaranga yabo ari nayo mpamvu bafashe umwanzuro wo guhagarika imyitozo guhera mu mpera z'icyumweru gishize.

    Amakuru dukesha Ikinyamakuru ISIMBI ni uko aba bakinnyi bayobowe n'abari ku mpera z'amasezerano yabo muri iyi kipe,babona ko nyuma ya shampiyona ntaho bazahera bishyuza iyi kipe, batangiye inzira zose zo kwishyuza iyi kipe.

    Ikindi ni uko benshi muri abo bakinnyi bamaze kumenya ko iyi kipe nta gahunda ifite yo kubongerera amasezerano,bityo nabo bakaba bahisemo gukoresha intwaro bafite hafi ari yo guhagarika imyitozo no kudakina imikino isigaye mu gihe baba batishyuwe amafaranga yabo.

    Abakinnyi bahagaritse imyitozo muri iki gitondo nubwo ku munsi w'ejo ku wa Mbere bari bayikoze ndetse ngo biyemeje ko nta mukino biteguye gukina batarishyurwa.

    Ati'Rayon Sports irimo ibibazo byinshi, ariko urebye abakinnyi bakina ntiwabikeka. Ibyo nibyo byabayeho ariko ejo barakoze n'uyu munsi nziko bari bukore.'

    Ikindi kandi ngo aba bakinnyi bababajwe n'uko ubuyobozi bw'iyi kipe butigeze bukora ibyo bumvikanye ndetse ntibunababwire impamvu byahindutse cyane ko badakunze no kubasura mu mwiherero mu Nzove ngo bumve ibibazo byabo.

    Benshi bishyuza iyi kipe ni abayijemo mu mpeshyi ya 2019 ni mu gihe nabayijemo muri uyu mwaka nabo batishyuwe yose nabo bakaba bishyuza.

    Iki kinyamakuru cyavuze ko Perezida w'ikipe Uwayezu Fidele yanze kugira icyo agitangariza kuri iki kibazo aho yababwiye ko nta mwanya afite.

    Mu mpera z'iki cyumweru,Rayon Sports izakina na Police FC mu gushaka igikombe cya shampiyona.Iyi kipe y'abashinzwe umutekano imaze iminsi mu myitozo aho yananyagiye Gasogi United mu mukino wa gicuti iheruka gukina ibitego 4-1.

    Source : http://umuryango.rw/imyidagaduro/imikino/article/biravugwa-abakinnyi-ba-rayon-sports-biyemeje-kutazakina-imikino-isigaye-kubera

  • Rusesabagina ni imfungwa nk’abandi bose – RCS –

    Rusesabagina Paul, akurikiranywe n’Urukiko Rukuru, Urugereko Rwihariye Ruburanisha Ibyaha Mpuzamahanga n’Ibyambuka Imbibi, ku byaha bifitanye isano n’ibitero byagabwe n’abarwanyi b’umutwe yashinze wa MRCD-FLN, byaguyemo Abanyarwanda mu bihe bitandukanye.

    Umuryango wa Rusesabagina wifashishije imbuga nkoranyambaga n’Ikinyamakuru The New York Times, batangaza ko Rusesabagina yamenyesheje umuryango we ko agiye guhagarikirwa ibiribwa, amazi n’imiti yahabwaga.

    Umuvugizi w’Urwego rw’Igihugu rushinzwe Imfungwa n’Abagororwa, RCS, SSP Gakwaya Pelly Uwera, mu kiganiro yagiranye na RBA, yavuze ko muri rusange abari muri gereza zo mu Rwanda bafatwa kimwe kandi na Rusesabagina ahabwa uburenganzira bwose yemererwa n’itegeko.

    Ati “Imfungwa zose imbere y’amategeko zirangana, kandi uwo Rusesabagina ni umwe mu mfungwa nk’abandi bose […] kubera iki nk’Abanyamakuru b’abanyamwuga, Rusesabagina mumufata nk’igihangange mubizi neza ibyo yakoreye abaturage bene wacu b’i Nyabimata? Yishe abantu ariko [….] mu itangazamakuru murashaka kumugira icyamamare.”

    Yakomeje agira ati “Sinashakaga kumuvugaho nk’umuntu ariko Rusesabagina ameze neza, arivuza n’ubushize mu itangazamakuru bavuze ngo ntabwo agera kwa muganga ngo arapfuye ariko twebwe tumubona umunsi ku munsi ameze neza.”

    SSP Uwera yavuze ko haba mu buryo bwo kugira ubuzima, Rusesabagina afite ubuzima buzira umuze, ndetse asa neza ugereranyije n’uko yaje ameze.

    Ati “Arasa neza nkurikije uko namubonye aza nkamubona mu itangazamakuru kuri televiziyo. N’ubundi ni mwe mwamugaragaje, uko yari ameze ubu yabaye umuntu muzima kurushaho. Icyo nababwira ni uko ari imfungwa kimwe n’abandi kandi tumufata kimwe n’abandi.”

    Yongeyeho ati “Wenda ni mwe mwambwira impamvu mushaka ko Rusesabagina agira umwihariko kandi ari umufungwa kimwe n’abandi bafungwa b’u Rwanda. Ko ntarumva mu bandi ibihumbi mirongo bafunzwe mutubaza uko bafunzwe?”

    Umuvugizi wa RCS yavuze ko Rusesabagina yitaweho neza nk’izindi mfungwa zose, kandi ko iyo hari icyo akeneye agihabwa.

    Ati “Mukanya numvaga umukobwa we avuga ngo yaratubwiye ngo dusakuze! Ni ugusakuza nyine. Basakuze nta kibazo ariko ni umufungwa nk’abandi kandi yitaweho kimwe n’abandi. Ararya nk’abandi, iyo akeneye umuganga aramubona, nta na kimwe tumuhezaho.”

    RCS ntikorera mu bwiru

    Imibare y’Urwego rw’Igihugu rushinzwe Imfungwa n’Amagereza mu Rwanda, RCS, igaragaza ko kugeza uyu munsi tariki 8 Kamena 2021, abantu bafungiye cyangwa bari kugororerwa muri gereza zose zo mu Rwanda ari 78 759.

    Mbere y’umwaduko w’icyorezo cya Covid-19, abafungwa n’abagororwa barasurwaga, ndetse n’ubundi burenganzira bemererwa n’itegeko bukubahirizwa. Muri rusange abafungiye muri izo gereza barya kimwe, bahabwa uburenganzira ku buvuzi mbese bafatwa kimwe.

    SSP Uwera yavuze ko RCS atari ikirwa ku buryo ibyo ikora bikorwa mu bwiru kuko hari izindi nzego zibagenzura umunsi ku munsi.

    Ati “Hari Komisiyo y’Uburenganzira bwa Muntu, idukurikirana umunsi ku munsi, izo ni inzego leta yashyizeho zireberera ibyo twe dukora, hari kandi na Komisiyo ya Sena bose baraza bakadusura, bakareba bakagera n’aho dutekera bakareba niba koko isuku yubahirizwa ndetse burya n’ab’intege nke bafite ifunguro ribateganyirijwe, abarwaye indwara zidakira, byose hari ingengo y’imari iba ibigenewe.”

    RCS itangaza ko nko muri ibi bihe bya Covid-19, abagororwa cyangwa abafunzwe bashyiriweho uburyo bufasha abo mu miryango yabo aho bifashisha ikoranabuhanga rya Mobile Money na Airtel Money boherereza ababo amafaranga bashobora kwifashisha mu buryo butandukanye.

    RCS yavuze ko Rusesabagina ari nk’abandi bafungwa kandi ahabwa ibiteganywa n’amategeko byose

  • Perezida Kagame yasabye Afurika kwigira ku cyorezo cya Covid-19 , urwego rw’ubuzima rugahabwa umwihariko –

    Ibi Perezida Kagame yabigarutseho kuri uyu wa Kabiri, ubwo ikigo cya MasterCard Foundation cyatangizaga ubufatanye n’Ikigo cya Afurika Gishinzwe kurwanya Indwara z’Ibyorezo, African CDC.

    Ubu bufatanye buzamara imyaka itatu, bufite agaciro ka miliyari 1,3$, azakoreshwa mu gufasha Abanyafurika miliyoni 50 kubona inkingo za Covid-19. Aya mafaranga kandi azakoreshwa mu kuzahura ubukungu bw’uyu Mugabane bwashegeshwe ndetse no gutangiza ibikorwa byo kubaka inganda zizakora inkingo n’imiti kuri uyu Mugabane.

    Perezida Kagame yavuze ko uburyo urwego rw’ubuzima ku Mugabane wa Afurika rutitaweho nk’uko bikwiye mu myaka ishize bikagaragarira mu buryo wahungabanyijwe cyane na Covid-19, bikwiriye gusigira isomo Afurika igahindura imyumvire mu bijyanye no guteza imbere urwego rw’ubuzima.

    Yagize ati “Ntitugomba kuva muri iki cyorezo tugifite imyumvire yo gukora ibintu nk’uko twari dusanzwe tubikora. Ibyo bivuze ko tugomba gushora umutungo wacu mu bikorwa byo guteza imbere urwego rw’ubuzima mu bihugu byacu.”

  • Burundi: Pierre Nkurunziza 'ntiyadupfiriye nabi' – Umugore we mu kumwibuka #rwanda #RwOT

    Bwana Nkurunziza yapfuye ari kuwa mbere ku itariki nk'iyi umwaka ushize, ni inkuru yatangajwe bucyeye bwaho kuwa kabiri mu itangazo rya leta rivuga ko yishwe n'umutima.

    Yari amaze iminsi ibiri arwariye mu bitaro bya Karusi ubutegetsi bwaranze gutangaza amakuru ku burwayi bwe, bityo havugwaga ibitandukanye ku ndwara arwaye.

    Uyu munsi, Denise Nkurunziza yatangaje kuri Twitter ati: “Turashimiye Imana kuba yagiye amahoro asigiye iragi ryiza Abarundi. Natwe nk'Umuryango dusubiriye kuvuga ngo niyiruhukire amahoro kuko ntiyadupfiriye nabi”.

    Nkurunziza ntavugwaho rumwe, bamwe bavuga ko ubutgetsi bwe kuva mu 2015 bwaranzwe n'ubwicanyi, kwibasira abatavuga rumwe na we, no gusubira inyuma k'ubukungu n'ububanyi n'amahanga.

    Abamushyigikiye bavuga ko yaharaniye ko u Burundi bwigenga imbere y'abo yitaga 'Abakoloni', kandi yakoze ibikorwa bitandukanye by'iterambere no kuvugurura imibereho myiza n'ubuvuzi ku baturage.

    Yibukwa kandi nk'umutegetsi wavuze ko “Imana yakijije u Burundi coronavirus” ndetse utaremeraga ingamba zafashwe na WHO/OMS zo kuyirwanya, ibyo uwamusimbuye yaje guhindura akavuga ko Covid-19 ari “umwanzi wa mbere”.

    Ishyaka rye CNDD-FDD n'ubu rikiri ku butegetsi ryashyigikiye ko ahabwa izina ry'icyubahiro rya “Imboneza ihoraho mu gukunda igihugu” ndetse iyi tariki y'urupfu rwe yagizwe umunsi w'ikiruhuko.

    Pierre Nkurunziza azakomeza kuba perezida utavugwaho rumwe ku Barundi, byongeye kuboneka ubwo hemezwaga amazina y'icyubahiro kuri we n'uko iyi tariki iba umunsi w'ikiruhuko, aho bagaragaje ibitekerezo bitandukanye ku murage we.

    Nkurunziza yari muntu ki?

    Pierre Nkurunziza wari ufite imyaka 55, se yabaye umudepite mu Burundi yicwa mu bwicanyi bwo mu 1972, nyina aracyariho aba mu Burundi.

    Nkurunziza nawe yarokotse ubwicanyi bwo mu 1993, icyo gihe akaba yari umwalimu muri kaminuza y'u Burundi, maze ahita yinjira mu nyeshamba zitwaga FDD z'ishyaka CNDD.

    Mu 2003 izi nyeshamba zasinye amasezerano y'amahoro na leta i Arusha yumvikanyweho mu 2000. Ayo masezerano yagize Nkurunziza minisitiri w'intwaro ibereye.

    Mu kwa munani 2005 yatowe ku bwiganze n'abari bagize inteko ishingamategeko ngo abe perezida, arahira tariki 26 z'uko kwezi nyine, aba perezida wa munani w'u Burundi.

    Nkurunziza na Denise Bucumi bafitanye abana batanu.

    BBC

    Source : http://umuryango.rw/amakuru/mu-mahanga/ubuzima/article/burundi-pierre-nkurunziza-ntiyadupfiriye-nabi-umugore-we-mu-kumwibuka

  • Munyenyezi wamaze kwambara iroza ngo Ikinyarwanda cyaramunaniye arashaka kuburana mu Cyongereza #rwanda #RwOT

    Uyu mugore uherutse koherezwa na Leta Zunze Ubumwe za America nyuma yo kurangiza igihano, akurikiranyweho kugira uruhare rukomeye muri Jenoside Yakorewe Abatutsi yakoreye mu cyahoze ari Perefegitura ya Butare.

    Urukiko rw’ibanze rwa Kicukiro rwamuburanishije ku ifunga n’ifungurwa by’agateganyo, rwafashe icyemezo cyo gufungwa iminsi 30 kuko ibyo akurikiranyweho ari ibyaha bikomeye.

    Yahise ajurira iki cyemezo mu rukiko Rwisumbuye rwa Nyarugenge ari na rwo rwamuburanishije uyu munsi.

    Mu iburanisha ryo kuri uyu wa Kabiri tariki 08 Kamena 2021 ryabaye hifashishijwe Ikoranabuhanga ry’iya kure, Munyenyezi yaburanye ari kuri Gereza afungiyemo i Mageragere mu gihe Inteko yamuburanishije yari iri ku kicaro cy’urukiko.

    Munyenyezi wagaragaraga mu mpuzankano y’iroza yambarwa n’imfungwa zitarakatirwa, yazamuye inzitizi zo kuba atisanzura kuburana mu Kinyarwanda kuko cyamunaniye, asaba ko yakwemererwa kujya yiregura mu Cyongereza kuko ari cyo yisanzuramo.

    Mu magambo macye, yagize ati 'Ikinyarwanda cyarananiye.'

    Umucamanza yamubwiye ko yazihangana akaburana mu Kinyarwanda kuko ari rwo rurimi rukoreshwa mu miburanishize y’Imanza z’Inshinjabyaha mu Rwanda gusa amusezeranya ko mu gihe haba hari inyandiko y’Ikinyarwanda ashaka ko ishyirwa mu cyongereza, byajya bikorwa.

    Mu iburanisha ry’uyu munsi kandi, hagaragaye Me Buhuru Pierre Celestine umwunganira mu gihe Me Gatera Gashabana we atari ahari.

    Me Buhuru Pierre Celestin na we yahise azamura inzitizi avuga ko uyu munsi atari wo bamenyeshejwe ko bazaburaniraho kuko bari bazi tariki 11 Kamena mu gihe iyi tariki ya 08 Kamena yazanywe n’Ubushinjacyaha.

    Me Buhuru kandi yavuze ko Umukiliya we yifuza kuburana ari mu rukiko aho kuba ari kuri Gereza ndetse ko ibisubizo by’ibipimo bya COVID-19 biboneka bitize kandi ko babanza gusabwa gupimwa.

    Gusa Ubushinjacyaha bwo bwavuze ko kuva tariki 03 Kamena 2021 bari bazi neza ko itariki yo kuburanira aho uyu munsi tariki 08 Kamena bityo ko bakagombye kuba baripimishije.

    Ubushinjacyaha bwo bwavuze ko ibyatangajwe n’uruhande rw’Uregwa ari impamvu zo gutinza urubanza nyamara ari bo bajuriye.

    Urukiko rwumvise icyifuzo cy’uregwa ndetse n’ibyatangajwe n’Ubushinjacyaha, rwahise rusubika urubanza rurwimurira ku wa Gatanu tariki 11 Kamena 2021.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Munyenyezi-wamaze-kwambara-iroza-ngo-Ikinyarwanda-cyaramunaniye-arashaka-kuburana-mu-Cyongereza

  • Minisitiri Habyarimana yasanganijwe ibibazo by’abahombejwe na Covid-19 mu Burengerazuba –

    Muri uru ruzinduko, Minisitiri Habyarimana yaganiriye n’abacuruzi batandukanye barimo abakora ubucuruzi bwambukiranya imipaka, abacururiza mu masoko ndetse n’abakorera imyuga mu dukiriro dutandukanye.

    Mu bibazo byagaragajwe harimo ko bamwe mu bacuruzi batakaje igishoro cyabo kubera icyorezo cya Covid-19, bigatuma ubucuruzi bwabo buhungabana.

    Minisitiri Habyarimana yabashimiye umuhate bagaragaje, bagakomeza gukora nubwo ubucuruzi bwabo bwakomwe mu nkokora.Yabasabye kwishyira hamwe bagakorera mu matsinda, kugira ngo hazarebwe uburyo baterwamo inkunga, binyuze mu Kigo cy’Igihugu Gishinzwe Guteza Imbere Amakoperative (RCA).

    Mu bindi bibazo byagaragajwe harimo ikibazo kimaze iminsi kigaragara mu masoko yambukiranya imipaka aho usanga abayakoreramo ari bake ugereranyije n’imyanya y’ubucuruzi irimo.

    Minisitiri Habyarimana yabijeje ko hagiye gukorwa ibishoboka kugira ngo iki kibazo gikemuke. Ati “Imyanya y’ubucuruzi iracyahari muri aya masoko yambukiranya imipaka ugereranyije n’abasanzwe bakoreramo, turi kugerageza gukorana n’inzego z’ibanze kugira ngo iki kibazo gikemuke kuko murabizi urujya n’uruza ntabwo rurongera gusubira ku rwego nk’urwo rwahozeho mbere y’uko icyorezo cya Covid—19 cyaduka.”

    Yakomeje avuga ko Minisiteri y’Ubucuruzi n’Inganda (Minicom) izakorana n’inzego z’ibanze kugira ngo hajye haboneka ibyangombwa by’abambuka imipaka, ku bagenda cyangwa abinjira, kugira ngo iyo myanya yose yuzure by’umwihariko iri mu masoko ari mu Karere ka Rusizi.

    Yasabye inzego zitandukanye mu Ntara y’Iburengerazuba kunoza imikorere mu bijyanye n’ubwikorezi, haba ubwo mu mazi ndetse n’ubwo ku butaka dore ko yanasuye ibyambu byose biri mu aka gace.

    Minisitiri Habyarimana yasuye isoko ryubatswe mu koroshya ubucuruzi bwo ku mipaka, avuga ko agiye gukora ibishoboka byose mu kongera abacuruzi barikoreramo

    Abacuruzi basanganije Minisitiri Habyarimana uruhuri rw’ibibazo bafite batewe n’icyorezo cya Covid-19