Webrwanda Backend

Blog

  • Burera: Imiryango yakanguriwe gusigasira imikurire y’umwana #Rwanda #RwOT via @kigalitoday #rwanda #RwOT

    Ababyeyi bibukijwe ko kugaburira abana indyo yuzuye aribwo buryo bwonyine bwo gutegura imikurire yabo
    Ababyeyi bibukijwe ko kugaburira abana indyo yuzuye aribwo buryo bwonyine bwo gutegura imikurire yabo

    Ibyo yabitangarije mu Karere ka Burera, ku wa Gatatu tariki 16 Kamena 2021, mu gikorwa u Rwanda rwifatanyijemo n’isi yose, cyo kwizihiza Umunsi w’Umwana w’Umunyafurika ku nshuro ya 31.

    Minisitiri Bayisenge yagize ati “Ubuzima bw’umwana tuvuga ko bwitaweho mu buryo bufatika, igihe umugabo afatanyije n’umugore we kuva agisama; indyo ye ikitabwaho; aho igomba kuba ari indyo yuzuye irimo ibitera Ingufu, ibyubaka umubiri n’ibirinda indwara. Uru ruhare rwa bombi mu gufatanya ko bishyirwa mu bikorwa iyo rwitaweho, umwana ntiyigera apfapfana, bikoroshya ya mikurire ye myiza ituma azavamo umuntu uhamye”.

    Mu kwizihiza Umunsi w’Umwana w’Umunyafurika muri uyu mwaka wa 2021, u Rwanda rwahisemo Insanganyamatsiko igira iti “Isibo, Igicumbi cy’imikurire myiza y’umwana”.

    Ubutumwa bwahatangiwe, bwibanze cyane ku kwita ku mikurire y’umwana, abaturage bibutswa ko igihe umubyeyi utwite akwiriye kujya kwa muganga nibura inshuro enye, akirinda kunywa inzoga cyangwa itabi.

    Ababyeyi basabwa kwirinda intonganya kubera ko bigira ingaruka mbi ku myitwarire y’umwana n’igihe akuze akaba yabafatiraho urugero rw’iyo myitwarire.

    Ati “Murumva ko ibi umugore atabigeraho wenyine. Bisaba ubufatanye, ubwuzuzanye no gushyigikirwa n’uwo bashakanye. Ibi byose iyo byitaweho bifasha umwana uzavuka gukura neza haba ku mubiri, mu bwenge, no mu byiyumviro. Umwana witaweho gutyo ntagwingira; kandi akurana imbaraga n’ubwenge”.

    Abajyanama b
    Abajyanama b’Ubuzima bereka Minisitiri Bayisenge uko bapima imikurire y’abana

    Muri iki gikorwa, abatuye mu Kagari ka Nyanamo, Umurenge wa Rugengabari mu Karere ka Burera, bafashijwe gukora uturima tw’igikoni, haterwamo imboga z’ubwoko butandukanye ndetse n’imbuto. Abana bari munsi y’imyaka itanu, bagaburiwe indyo yuzuye nk’ikimenyetso cyo kwereka ababyeyi ko kwita ku mirire y’abana bishoboka kandi bidasaba amikoro ahambaye.

    Umuyobozi w’Akarere, Uwanyirigira Marie Chantal, agaragaza uko ikibazo cy’imirire mibi gihagaze mu Karere ka Burera n’ingamba bafashe mu kugikumira. Yemeje ko imiryango irangwamo imirire mibi n’igwingira atari uko ifite ubushobozi buke, ahubwo biterwa n’imyumvire iri hasi.

    Ati “Ingo nyinshi zitunze inkoko kandi zinatera amagi, ariko hari imwe mu miryango yirengagiza agaciro ayo magi yagirira abayigize mu gihe baba bayariyeho, igahitamo kuyagurisha. Abafite inka zikamwa na bo usanga hari abamarira amata ku Isoko, umuryango yaturutsemo ugasigarira aho. Iyo migirire ni yo itera imirire mibi n’igwingira mu miryango imwe n’imwe”.

    Yongeraho ati “Nk’Akarere dushyize imbaraga mu gukangurira abaturage bacu ngo babanze bihaze mu biribwa babone gusagurira amasoko. Ikindi ni uko Abajyanama b’Ubuzima n’izindi nzego zifite aho zihurira no kwita ku mwana, bashyira imbaraga mu kwigisha Abaturage ibigize indyo yuzuye, n’uburyo bwo kuyitegura. Ariko by’umwihariko tunabashishikariza kugira akarima k’agikoni no kuba kuri buri rugo nibura hateye ubwoko buri hejuru ya bubiri bw’imbuto, kugira ngo n’igihe bategura ya ndyo yuzuye, biborohere kubona ibikenerwa, kugira ngo iboneke”.

    Abaturage bafashijwe gukora Uturima tw
    Abaturage bafashijwe gukora Uturima tw’igikoni ngo bibunganire guca imirire mibi mu bana

    Mu bundi butumwa bwahatangiwe n’abayobozi batandukanye barimo n’Umuyobozi w’Intara y’Amajyaruguru, Nyirarugero Dancille, yashingiye ku nsanganyamatsiko y’uyu munsi, ashimangira ko bagiye kurushaho guharanira ko Isibo iba koko inkingi ya mwamba y’imikurire myiza y’umwana, binyuze mu gukangura imiryango kwirinda intonganya, amakimbirane n’ihohoterwa ririmo irishingiye ku gitsina, kubera ko bigira ingaruka mbi ku mwana, ku iterambere ry’umuryango n’igihugu muri rusange.


  • Uko wahangana n’indwara y’ubwandu bw’amaraso #rwanda #RwOT

    Ni kenshi muri iki gihe, umuntu arwara yajya kwa muganga bamusuzuma ukumva baramubwiye ngo ufite infection mu maraso, iyi rero niyo yitwa Ubwandu bw’amaraso (blood infection) ni indwara imaze kugenda yiyongera kandi ihitana benshi iyo itavuwe hakiri kare.

    Ese ubwandu bw’amaraso ni iki, buterwa n’iki ?

    Ubusanzwe tugira indwara nyinshi twandura zitewe na mikorobi, habaho iziterwa na bagiteri, imiyege (champignon) cyangwa virusi. Uko rero umubiri ugenda uhangana n’izi mikorobi, habaho igihe zimwe muri zo zinjira mu maraso atembera mu mubiri. Ibyo bishobora gutuma ibice by’inyama zo mu nda bibyimba cyangwa bikangirika bitewe n’izo mikorobi zinjiye mu maraso. Nibyo twita ubwandu bw’amaraso.

    Ese ni bande iyi ndwara yibasira cyane?

    Iyi ndwara nubwo ntawe itafata ariko hari abo yibasira cyane :

    Abantu bafite ikibazo cy’ubudahangarwa bw’umubiri bwagabanyutse.

    Abo ni abafite ubwandu bw’agakoko ka SIDA, abarwaye kanseri, kimwe n’abatewe izindi ngingo z’umubiri (impyiko, umutima,..)

    Abana bato. Abo ahanini ni abana bari munsi y’umwaka muri rusange, n’abari munsi y’amezi 6 by’umwihariko.

    Abantu bageze mu zabukuru by’umwihariko iyo bafite ubundi burwayi.

    Abarwayi ba diyabete.

    Imbagwa ziri mu bitaro cyangwa zivuyeyo vuba.

    Ese ni ibihe bimenyetso biranga iyi ndwara ?

    * Umuriro mwinshi cyane ujyana no gutengurwa no kubira ibyuya

    * Kugabanyuka kw’inshuro wihagarika

    * Isesemi no kuruka

    * Impiswi

    * Ukuyoba ubwenge

    * Guhumeka insigane.

    * Rimwe na rimwe gukonja bikabije.

    * Gucika intege cyane

    Ese iyi ndwara umuntu yabasha kuyirinda?

    Ku bana bato bisaba kubitaho no gukurikirana buri karwara kose barwaye ugahita umuvuza.Byaba ibicurane, inkorora, gusa ukibona agize umuriro ujyana no kuruka no guhitwa kandi hari indi ndwara yari afite cyangwa akirutse, mwihutane kwa muganga. Isuku ni isoko y’ubuzima. By’umwihariko ku bantu bari mu bitaro, gukaraba intoki no kwita ku isuku yaho uri byagufasha.

    Src: http://www.horahoclinic.rw/

    [email protected]

    Source : https://agakiza.org/Uko-wahangana-n-indwara-y-ubwandu-bw-amaraso.html

  • Kimenyi Yves na Muyango bagiye kwibaruka imfura yabo – YEGOB #rwanda #RwOT

    Amakuru avuga ko umunyezamu w'ikipe y'igihugu Kimenyi Yves na Miss Photogenic 2019,Muyango Claudine biteguye kwibaruka imfura yabo mu minsi iri imbere mike cyane.

    Amakuru ahari YEGOB yamenyeye ku nshuti ya hafi y'aba bombi ni uko yaduhamirije ko Muyango Claudine atwite inda nkuru yitegura kwibaruka umwana we w'imfura.

    Ati 'Muyango rwose aratwite ndetse n'inda ye ubu imaze kuba nkuru, maze iminsi mbizi.'

    Muyango Claudine na Kimenyi Yves bamaze imyaka isaga ibiri bakundana, ndetse babihamije tariki 28 Gashyantare 2021, ubwo uyu musore yateraga ivi akamwambika impeta amusaba ko bazabana.

    Muri Kanama 2019 nibwo Kimenyi yahishuye ko ari mu rukundo n'umukunzi mushya yasimbuje Didy d'or.

    Kimenyi yabwiye itangazamakuru icyo gihe ko mubyara we ari we watumye amenyana na Miss Muyango.

     

     

    Source : https://yegob.rw/kimenyi-yves-na-muyango-bagiye-kwibaruka-imfura-yabo/

  • Abanyarwanda bajya kwiga muri Amerika biyongereye kuri 215% mu myaka 10 #Rwanda #RwOT via @kigalitoday #rwanda #RwOT

    Kaminiza ya Harvard muri USA
    Kaminiza ya Harvard muri USA

    Mu mwaka w’amashuri 2019/20, muri rusange USA zakiriye abanyeshuri b’Abanyarwanda bagera ku 1.444, uwo akaba ari wo mubare munini cyane icyo gihugu cyari cyakiriye uhereye mu myaka ya za 1960, aho abantu babiri gusa bavuye mu Rwanda bagiye kwiga muri Amerika nk’uko bitangazwa n’urubuga ‘Erudera.com’ rukora ubushakashatsi ku burezi.

    Nyuma y’ubwo byiyongere bwa 11.8 % mu mwaka w’amashuri wa 2019/20 ugereranyije n’imyaka yabanje, byatumye u Rwanda rushyirwa ku mwanya wa gatandatu mu bihugu by’Afurika yo munsi y’Ubutayu bwa Sahara, hagendewe ku mubare w’abanyeshuri bohereza kwiga muri Amerika.

    Dore imibare igaragaza uko abanyeshuri b’Abanyarwanda bagiye biyongera mu myaka y’amashuri yabanjirije 2019/20:

    Mu mwaka w’amashuri wa 2011/12, bari Abanyeshuri 465
    Mu mwaka w’amashuri wa 2012/13, bari Abanyeshuri 565
    Mu mwaka w’amashuri wa 2013/14, bari Abanyeshuri 720
    Mu mwaka w’amashuri wa 2014/15, bari Abanyeshuri 800
    Mu mwaka w’amashuri wa 2015/16, bari Abanyeshuri 928
    Mu mwaka w’amashuri wa 2016/17, bari Abanyeshuri 1,088
    Mu mwaka w’amashuri wa 2017/18, bari Abanyeshuri 1,232
    Mu mwaka w’amashuri wa 2018/19, bari Abanyeshuri 1,292

    Urubuga ‘Erudera’, ruvuga ko impamvu y’iyo mibare y’Abanyeshuri b’Abanyarwanda bajya kwiga muri Amerika, byaba biterwa n’uko Kaminuza zo muri Amerika zifite ubuhamya bwiza mu banyeshuri mpuzamahanga, hakiyongeraho imikoranire myiza hagati ya Guverinoma z’ibihugu byombi mu bijyanye n’uburezi bwo ku rwego rwa Kaminuza, kuko hari ‘Buruse’ nyinshi USA ziha Abanyeshuri b’Abanyarwanda.

    Kuko umubare w’Abanyeshuri b’Abanyarwanda bajya kwiga muri Amerika wakomeje kwiyongera guhera mu 2006, Erudera ivuga ko umubare ushobora kuzamuka cyane kurushaho mu mwaka utaha, hashingiwe ku kuba 86 % bya Kaminuza zo muri Amerika zifite uburyo bushya zitangira kwigishamo mu mwaka utaha w’amashuri .

    Intego ya ‘Erudera’ ni uguhindura uburyo abanyeshuri bashakisha za Kaminuza, n’amasomo baziga bakoresheje ikoranabuhanga, ikaborohereza gukora amahitamo bagendeye ku makuru arambuye, ndetse igafasha n’abandi banyeshuri bafite inzozi zo kwiga mu mahanga zikaba impamo.

    Nk’uko bitangazwa na Erudera, “Mu gukoresha Erudera, abanyeshuri bazashobora kubona Kaminuza bifuza, kubona Porogaramu bahabwa kwiga hashingiwe ku byo bakunda, uko batsinze, ibyo bifuza kuzakora mu buzima n’ibindi. Yabafasha gushakisha no guhitamo neza, ugereranyije n’uburyo buhari muri iki gihe”.


  • Ikoranabuhanga rigiye guca ikibazo cy’isiragira ku byemezo by’irangamimerere #Rwanda #RwOT via @kigalitoday #rwanda #RwOT

    Uwitonze Innocent, avuga ko ikoranabuhanga mu birebana n
    Uwitonze Innocent, avuga ko ikoranabuhanga mu birebana n’irangamimerere rizoroshya uburyo ryakorwagamo

    Iyo ntambwe igezweho nyuma y’igihe kinini cyari gishize abaturage binubira gusiragizwa mu gihe basaba ibyemezo by’irangamimerere, kugeza ubwo bifuje kenshi ko inzira binyuramo n’ibisabwa kugira ngo umuntu yemererwe guhabwa icyo cyemezo, byakurwa mu buryo butakijyanye n’igihe hagakoreshwa ikoranabuhanga.

    Mutumwinka Delphine wo mu Karere ka Musanze, yigeze kumara amezi atanu ashaka icyemezo kigaragaza ko uwo bashakanye atakiriho, agaruka ku mvune byamuteye.

    Agira ati “Icyo cyemezo nagisabwe na SACCO yari igiye kumpa inguzanyo. Nagiye ku Murenge ngo bakimpe, mbabwira itariki n’umwaka nasezeraniyeho byemewe n’amategeko, banshakisha mu bitabo byose by’irangamimerere barambura. Nanatanze ikirego mu rukiko, n’ubwisobanuro bwinshi babona kumpa uburenganzira bwo kugihabwa na bwo bintwaye igihe. Muri macye cyambijije icyuya!”

    Ibyo bibazo kimwe n’ibindi byose byajyaga bigaragara muri serivisi z’irangamimerere, ngo bigiye gushyirwaho akadomo n’uburyo bushya bwo kwandika mu gitabo cy’irangamimerere cy’ikoranabuhanga, buteganywa gutangira gukoreshwa mu tugari n’Imirenge byo mu gihugu hose.

    Abanditsi b’irangamimerere mu Mirenge igize uturere tw’Intara y’Amajyaruguru, Kigali Today yavuganye na bo kuri iyi ngingo, na bo bahamya ko ikoranabuhanga rizaborohereza mu kazi, kimwe n’ababagana bakeneye izo serivisi.

    Nyinawumuntu Domitille, Umunyamabanga Nshingwabikorwa w’Umurenge wa Ngoma mu Karere ka Rulindo, akaba n’umwanditsi w’irangamimerere, avuga uburyo bwakoreshwaga bwatinzaga serivisi.

    Ati “Uburyo twakoreshaga busanzwe twuzuza amakuru y’irangamimerere mu bitabo cyangwa tuyashakisha byatugoraga, bigacyerereza serivisi duha abatugana. Hari n’ubwo ayo makuru twayaburaga burundu kubera ko nk’ibitabo bya kera bitagihari n’ibibonetse ugasanga bibitse amakuru atuzuye. Ariko kubera ko tuzaba dufite ikigega nyacyo cy’ikoranabuhanga, n’ubwo twahura n’icyiza nk’inkongi cyangwa ikindi kibazo cyatuma bya bitabo twagendanaga bibura, sisiteme ubwayo izaba ifite ubushobozi bwo kuduha amakuru yose ashoboka”.

    Iryo koranabuhanga rizaba rifite ubushobozi bwo kubika amakuru yose y’inyandiko z’abavuka, abapfa, ishyingirwa, gusesa amasezerano yo gushyingirwa n’ubutane.

    Uwitonze innocent, Umuhuzabikorwa w’Ishami rishinzwe gucunga Imishinga muri Minisiteri y’Ubutegetsi bw’Igihugu, asobanura ko ingendo abantu bakoraga bashaka ibyemezo cyangwa kubibura bya hato na hato bitazongera kubaho.

    Yagize ati “Ikibazo cyari kimaze igihe kidukomereye, ni ukubura kw’amakuru y’irangamimerere ry’abantu bakuru. Kubera ko byakozwe cyera, ikoranabuhanga ritaratera imbere. Kubera n’amateka y’igihugu cyacu cyegiye kirangwa n’umutekano mucye, hari aho ibitabo byabuze burundu, ahandi impapuro zirangirika, bigatwara igihe kinini no kwiyambaza izindi nzego mu gusakisha ukuri kw’ayo makuru”.

    Yongeraho ati “Iri koranabuhanga rije gukemura ikibazo cyo gusiragira kw’abaturage. Ukeneye serivisi y’irangamimerere azaba abasha kubikorera aho ari, bitamusabye gukora urugendo. Ahubwo azajya akoresha ikoranabuhanga aciye ku Irembo, asabe icyangombwa yifuza, umukozi uri mu biro by’irangamimerere ubifitiye ububasha, abanze agenzure muri sisiteme ubusabe bwe bitabasabye ko bombi baba bari kumwe imbona nkubone.

    Ibyo ngo bizajya bifasha abakenera ibyangombwa by’irangamimerere kubibona byihuse kuko kubisaba bizaba byaciye mu buryo bw’ikoranabuhanga.

    Abanditsi b
    Abanditsi b’irangamimerere mu gihugu hose bamaze iminsi bongererwa ubumenyi mu gukoresha iryo koranabuhanga

    Ku kibazo cyakunze kugarukwaho kirebana n’ibitabo byujujwemo amakuru y’irangamimerere mu myaka yo hambere bikaba byaragiye bibura burundu, ababyiyandikishijemo bikabavutsa amahirwe yo kutabonera igihe ibyemezo by’irangamimirere; kuri ubu hari uturere twatangiye inzira yo gukora urutonde rw’abafite ibyo bibazo, bakazafashwa gutanga ibirego mu rukiko, ari narwo ruzatanga uburenganzira bwo kubasubiza mu bitabo by’irangamimerere.

    Mu kubaka ubushobozi bw’inzego zitanga serivisi z’irangamimerere, abanyamabanga nshingwabikorwa b’Imirenge n’abakozi mu biro by’irangamimerere bo hirya no hino mu gihugu bamaze iminsi bigishwa uko bazajya bakoresha iri koranabuhanga, bikaba biteganyijwe ko nibura guhera tariki 15 Nyakanga 2021, bazatangira gukoresha ubwo buryo.

    Buzaba bwiyongereye ku bumaze igihe gito butangijwe mu bigo by’ubuzima mu gihugu hose, aho abana bahavukira cyangwa abantu bahapfira, amakuru aberekeyeho, ahita ashyirwa mu bitabo by’irangamimerere hakoreshejwe ikoranabuhanga.


  • Kimenyi na Muyango baheruka kuvugwa cyane mu gutera ivi bagiye kwibaruka imfura yabo #rwanda #RwOT

    Bamaze igihe bavugwa mu rukundo ndetse bombi bakunze kubigarukaho byeruye banabigaragaza mu mafoto ndetse n’ubutumwa bakundaga kubwirana ku mbuga nkoranyambaga.

    Mu mpera za Gashyantare uyu mwaka wa 2021 hari tariki 28, Kimenyi Yves yari yateye ivi yambika impeta Miss Muyango amusaba ko bazabana nk’umugore n’umugabo ndetse undi arabimwemerera.

    Iki gikorwa gisanzwe gikurikirwa n’indi mihango iganisha umusore n’inkumi gushyingiranwa, gusa kuva icyo gihe nta bindi byigeze bivugwa.

    Ubu hari amakuru yizewe avuga ko Muyango Claudine wabaye Miss Photogenic 2019, yitegura kwibaruka imfura kandi ko ari urubuto rw’urukundo rwe na Kimenyi Yves.

    Umwe mu nshuti za hafi z’aba bombi, yabwiye Ikinyamakuru HOSE ko 'Muyango rwose aratwite ndetse n’inda ye ubu imaze kuba nkuru, maze iminsi mbizi.'

    Hari amakuru yakunze kuvugwa ko aba bombi n’ubundi babana mu nzu imwe gusa bo ntibakunze kubyerura ariko mu minsi ishize byavuzwe ko hari igikorwa cy’ubucuruzi bahuriyeho.

    UKWEZI.RW

    Source : http://www.ukwezi.rw/Imyidagaduro/article/Kimenyi-na-Muyango-baheruka-kuvugwa-cyane-mu-gutera-ivi-bagiye-kwibaruka-imfura-yabo

  • U Rwanda rwahawe kwakira imikino y'akarere ka gatanu mu gushaka itike y'igikombe cya Afurika cy'abagore muri Basketball. #rwanda #RwOT

    Nkuko ishyirahamwe ry'umukino w'intoki ku mugabane wa Afurika FIBA Afrika ryamaze kubitangaza, igihugu cy'u Rwanda cyahawe kwakira imikino y'akarere ka Gatanu yo guhatanira itike y'igikombe cya Afurika mu mukino w'intoki wa Basketball by'umwihariko mu kiciro cy'abagore.

    Ibi bibaye nyuma yaho igihugu cya Misiri aricyo cyagombaga kwakira iyi mikino y'aka karere ariko iki gihugu kikaza gutangaza ko kitabasha kwakira iri rushanwa kubera icyorezo cya Koronavirusi gikomeje gukaza umurego mu bice bitandukanye by'Afurika, bityo FIBA ikaba yamaze kwemeza ko iyi mikino igomba kubera i Kigali.

    Nkuko byatangajwe n'ishyirahamwe ry'umukino w'intoki wa Basket mu Rwanda FERWABA, ryemeje ko iri rushanwa rizabera mu Rwanda mu nyubako ya Kigali Arena guhera tariki ya 12 kugeza kuya 17 Nyakanga 2021.
    Irushanwa rya Zone 5 rigiye kubera mu Rwanda rizahuza ibihugu 11 byo muri aka karere, aribyo Burundi, Misiri, Ethiopia, Erithrea, Kenya, Rwanda, Somalia, South Sudan, Tanzania ndetse n'igihugu cya Uganda.

    Iri rushanwa ry'imikino ya nyuma y'igikombe cya Afurika cy'ibihugu biteganyijwe ko izaba hagati ya tariki ya 17 na 26 Nzeri 2021, ni imikino igiye kuba ku ncuro ya 27 ikazabera mu gihugu cya Cameroon.

    The post U Rwanda rwahawe kwakira imikino y'akarere ka gatanu mu gushaka itike y'igikombe cya Afurika cy'abagore muri Basketball. appeared first on RUSHYASHYA.

    Source : https://rushyashya.net/u-rwanda-rwahawe-kwakira-imikino-yakarere-ka-gatanu-mu-gushaka-itike-yigikombe-cya-afurika-cyabagore-muri-basketball/?utm_source=rss&utm_medium=rss&utm_campaign=u-rwanda-rwahawe-kwakira-imikino-yakarere-ka-gatanu-mu-gushaka-itike-yigikombe-cya-afurika-cyabagore-muri-basketball

  • Shampiyona y'u Rwanda yo gusiganwa ku magare yari iteganyijwe mu mpera z'iki cyumweru yasubitswe kubera Koronavirusi. #rwanda #RwOT

    Kuri uyu wa kane tariki ya 17 Kamena 2021 nibwo ishyirahamwe ry'umukino wo gusihanwa ku magare mu Rwanda FERWACY,ryatangaje ko imikino ya shampiyona y'igihugu yari iteganyijwe mu mpera z'iki cyumweru ikabera mu ntara y'amajyaruguru ndetse no mu mujyi wa Kigali ritakibaye kubera ubwandu bwa Koronavirusi bukomeje kugaragara muri ibyo bice.

    Nk'uko bigaragara mu nyandiko igenewe itangazamakuru, FERWACY yavuze ko nyuma yo kuganira n'inzego z'ubuyobozi bw'igihugu iyo shampiyona isubitswe kugirango hubahirizwe ingamba zo kwirinda ikwirakwiza ry'icyorezo cya COVID 19 bigaragara ko cyongereye ubukana mu gihugu.

    Bakomeza bavuga kandi ko kubera ubwo bukana bwiyongere byanatumye ndetse hari uduce turimo kubahiriza ingamba zihariye.

    Muri iyi nyandiko iri shyirahamwe ry'umukino wo gusiganwa ku magare mu Rwanda, ryasoje rivuga ko igihe iyi mikino izasubukurirwa kizamenyeshwa nyuma.

    Byari biteganyijwe ko iyi shampiyona izakinwa guhera ku wa gatandatu tariki ya 19 ndetse no ku cyumweru kuya 20 Kamena 2021, ni iruhanwa ryagombaga kunyura mur turere dutandukanye tw'intara y'Amajyruguru by'umwihariko mu karere ka Rulindo na Gicumbi rigasorezwa mu karere ka Gasabo ko mu mujyi wa Kigali.

    Ni irushanwa kandi byari biteganyijwe ko rizitabirwa n'amakipe atandukanye yo ku rwego rwa Afurika ndetse n'andi ya hano imbere mu gihugu mu byiciro byombi haba mu bagabo ndetse n'abagore.

    The post Shampiyona y'u Rwanda yo gusiganwa ku magare yari iteganyijwe mu mpera z'iki cyumweru yasubitswe kubera Koronavirusi. appeared first on RUSHYASHYA.

    Source : https://rushyashya.net/shampiyona-yu-rwanda-yo-gusiganwa-ku-magare-yari-iteganyijwe-mu-mpera-ziki-cyumweru-yasubitswe-kubera-koronavirusi/?utm_source=rss&utm_medium=rss&utm_campaign=shampiyona-yu-rwanda-yo-gusiganwa-ku-magare-yari-iteganyijwe-mu-mpera-ziki-cyumweru-yasubitswe-kubera-koronavirusi

  • Mugabo, menya ibintu bitangaje wakora niba ushaka gushimisha umukunzi wawe. – YEGOB #rwanda #RwOT

    Kugira ngo umubano w'umugabo/umusore n'umugore/umukobwa ukomere ugomba gukora ibi bintu kugira ngo umugore ahore yishimye.

    1.Mutege amatwi

    Umugore wese akunda kumvwa no kwerekwa ko ibyo avuga bihabwa agaciro, mu gihe uzamuha umwanya ukamwumva bizafasha umubano wanyu gukomera ndetse anagire ibyishimo byuzuye muri we.

    2.Mwereke ko umwitayeho

    Igitsinagore gikunda kwitabwaho cyane niba koko mukundana uzirinde kumwereka ko utamwitayeho ahubwo umunsi ku wundi ujye umuba hafi. mu buzima uzaba umuremyemo icyizere ndetse no kumva ko nta wundi mukobwa/mugore ubayeho neza nka we kubera kumuhata umunezero.

    3.Reka kumwicira gahunda

    Mu gihe bibaye ngombwa ko hari icyo umusezeranya reka kugaragara nk'umubeshyi mu maso ye ahubwo ba indakemwa kandi abone ko uri umugabo w'ikirenga. Ibi bizamunezeza.

    4.Buri munsi mwibutse ko ari mwiza

    Mugabo/musore Burya kubwira umukunzi wawe ko ari mwiza bizabafasha mwembi mu mubano wanyu, bizatuma yiyumva nk'umugore w'ikirenga kandi ahorane ibyishimo. Ibi bizatuma umubano wanyu uramba ndetse muhorane ibyishimo.

    5.Mube hafi igihe cyose

    Buriya abagore bakunda umuntu ubereka ko abari iruhande mu bihe by'umunezero cyangwa by'umubabaro. wowe mugabo/musore Igihe uzabaho umukorera ibi bintu umukunzi azahora akwirahira kandi abeho yishimye kubera uburyo umwitaho.

    6.Emera kumva inama ze

    Kumva inama z'umugore/umukobwa biba byiza kandi bikamwubaka, bituma yishima mu buzima agahorana umunezero udasanzwe.

    7.Ntuzigere umufata uko wishakiye

    Gufata umugore/umukobwa uko wishakiye uzashiduka abandi bagabo baramutwaye kera, gusa n'umwitaho ukamuba hafi umunsi ku wundi bizatuma yishima kandi yiyumve nk'ufite umukunzi koko.

    8.Ntuzigere umuca inyuma

    Guca inyuma uwo mwashakanye cyangwa uwo mukundana ni kimwe mu bintu bituma akuzinukwa ndetse bikaba byatuma umunzero we ukama.

    9.Mubwire buri munsi ko umukunda.

    Kwibutsa umugore/umukobwa ko umukunda ni kimwe mu bituma yishima akumva ko koko afite uhamye kandi umwitayeho.

    Source : https://yegob.rw/mugabo-menya-ibintu-bitangaje-wakora-niba-ushaka-gushimisha-umukunzi-wawe/

  • Ngororero: Umusore n' umukobwa bakundanaga bafashe umwanzuro wo kwiyahura_ inkuru irambuye #rwanda #RwOT

    Ku wa Mbere tariki ya 14 Kamena 2021, nibwo hasakaye inkuru y' umukobwa n' umusore bakundanaga bivugwa ko aba bombi biyahuriye mu mugezi wa Nyabarongo bazirikanyije amaboko nk' uko igihe ibivuga.

    Umusore yitwa Mbitsemunda Jean Baptiste ufite imyaka 25 y' amavuko , umukobwa akitwa Mukarukundo Sandrine ufite imyaka 20 y ' amavuko, aba bombi bahuriye mu Karere ka Rubavu ubwo bakoraga akazi ko mu rugo.

    Aba bombi ubwo bahuriraga muri ako kazi twavuze bivugwa ko baje gukundana urukundo rukagera kure dore ko byagezeho biza kurangira baryamanye , hanyuma nyamuhungu aza gutera inda uwo mwana w' umukobwa.

    Amakuru dukura kuri kiriya kinyamakuru twavuze haruguru avuga ko umukobwa ubwo yari amaze kuryamana n' uwo muhungu hashize igihe gito ajya kwa muganga kwisuzumisha asanga aratwite , hanyuma asubira iwabo ku ivuko , aza kubibwira ababyeyi be ntibabyakira neza.

    Umuhungu akomoka mu Murenge wa Bwira naho umukobwa akomoka mu Murenge wa Ndaro.Ngo umunsi biyahura, abaturage bari bababonye bazenguruka hafi aho, mu gitondo baza kubona imirambo.

    Umusore ngo yafashe umushumi w'urukweto rwe, yizirika akaboko k'iburyo anazirika ak'ibumoso k'umukobwa hanyuma binaga mu mazi barapfa.Hafi y'aho basimbukiye binaga mu mazi, bahasize igikapu kirimo imyenda, telefoni n'impapuro zigaragaza ko umukobwa atwite.

    Amafoto agaragaza umurambo w'umusore nta rukweto rumwe yambaye aho bikekwa ko rwari rwavuyemo cyane ko nta mushumi wari urimo.Imirambo y' aba bombi yoherejwe muri Laboratoure y' ibimenyetso bya gihanga kugira ngo ikorerwe isuzuma nk' uko RIB yabitangaje.

    Ifoto: Igihe.com

    Source : https://impanuro.rw/2021/06/17/ngororero-umusore-n-umukobwa-bakundanaga-bafashe-umwanzuro-wo-kwiyahura_-inkuru-irambuye/