Webrwanda Backend

Blog

  • Umunyemari Nkubiri yahamijwe icyaha ariko ararekurwa #rwanda #RwOT

    Nkubiri Alfred aregwa hamwe na Nyiramahoro Théopiste bakurikiranyweho icyaha cyo guhimba inyandiko no kuzikoresha.

    Ubushinjacyaha bwaregaga Nkubiri kunyereza ifumbire mvaruganda binyuze mu Kigo cye cya ENAS, aho bwasobanuye ko yagiye ahimba imikono byitwa ko ari iy’abantu bafashe iriya fumbire ntibishyure, ashyiraho n’abatarayihawe kugira ngo ahabwe amafaranga na Minisiteri y’Ubuhinzi n’Ubworozi.

    Ubushinjacyaha bwari bwasabiye Nkuburi guhamywa icyaha n’Urukiko rukamuhanisha igifungo cy’imyaka itandatu n’ihazabu ya miliyoni 4Frw.

    Urukiko Rwisumbuye rwa Gasabo rwagombaga gusoma umwanzuro warwo tariki 19 Gicurasi ariko ariko biza gusubikwa kuko umwanditsi w’inteko yaburanishaga uru rubanza yari yitabiriye urundi rubanza.

    Kuri uyu wa Gatanu tariki 25 Kamena 2021, Urukiko Rwisumbuye rwa Gasabo rwasomye umwanzuro warwo ruvuga ko uyu munyemari ahamwa n’icyaha, rutegeka ko arekurwa agatanga ihazabu ya miliyoni 3 Frw akanasubiza Leta miliyari 1,9 Frw.

    Nyiramahoro Théopiste waregwaga hamwe nan KUBIRI we yagizwe umwere ku cyaha cy’ubufatancyaha mu guhindura inyandiko no gukoresha inyandiko mpimbano.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Umunyemari-Nkubiri-yahamijwe-icyaha-ariko-ararekurwa

  • Dj Princess Flor yavuze impamvu yahagaritse kuba yakora ubukwe(VIDEO) #rwanda #RwOT

    Hilde Flora Nyirimbabazi uzwi cyane ku mazina ya Dj Princess Flor, umunyarwandakazi wamenyekanye kubera kuvangavanga imiziki mu gihugu cy’u Bubiligi, avuga ko nubwo abantu bamubaza igihe azakorera ubukwe we yabaye afashe umwanzuro wo kudashaka umugabo ariko ngo bishobora kuzahinduka kuko abona atari ibintu byihutirwa.

    Uyu mukobwa amaze imyaka irenga 10 aba mu Bubiligi aho ubu akora akazi ko kuvanga vanga umuziki.

    Mu kiganiro n’ikinyamakuru ISIMBI, ku ngingo yerekeranye n’ubukwe, Dj Princess Flor yavuze ko abantu benshi bajya bamubaza igihe na we azakorera ubukwe ariko we akaba yumva nta gihe ntarengwa cyo gukora ubukwe.

    Ati'Ntabwo ugomba kugendera kuri gahunda z’abandi, numva ibyo bintu byo kuvuga ngo imyaka irageze, none se irageze ninde washyizeho iryo tegeko? Numva umuntu agomba kugendera kuri gahunda ze, ushobora no kubyanga ukavuga ngo sinzashaka kuko ntabwo ari byo nshyize imbere, ni nk’abantu bavuga ngo ngejeje imyaka 30 nta nzu mfite, nta bintu bifite bigatangira kubatesha umutwe bakibagirwa ko hari n’abantu bakomeye bagiye bagira icyo bageraho bakuze bafite nk’imyaka 60.'

    Yakomeje avuga ko we ku giti cye yabaye afashe umwanzuro wo kuba nta bukwe azakora kuko atari cyo kintu abona cyihutirwa mu buzima bwe.

    Ati'Icya ngombwa numva atari igihe ugereye ku kintu, ahubwo icya ngombwa ni uko ugera ku cyo wiyemeje, ngarutse ku bukwe rero nabishatse nayikora, sindi umukobwa mwiza cyane ariko sindi na mubi ku buryo nabura uwo tubukora, nabishatse ko abantu babona ko nashatse umugabo nabikora. Njye rero gahunda nabaye mfashe ni ukudashaka umugabo wenda ishobora kuzahinduka.'

    Dj Princess Flor yabaye imfubyi akiri muto, nyina yitabye Imana ubwo yari afite amezi ane gusa. Se na Nyirakuru wamureze mu cyimbo cya nyina, bishwe muri Jenoside yakorewe Abatutsi mu 1994.

    Uyu mukobwa yakuze arererwa mu muryango, mu mwaka wa 2003 aza kujya i Burayi mu buryo na we atabasha gusobanura neza.

    Dj Princess ngo gushaka umugabo yabaye abiretse

    Dj Princess Flor ngo ikintu kiba kigomba kuba igihe kigeze atari ukubera igitutu cy’abantu

    Source : http://isimbi.rw/imyidagaduro/article/dj-princess-flor-yavuze-impamvu-yahagaritse-kuba-yakora-ubukwe

  • Umuyobozi muri REB yahamagajwe gutanga ubuhamya kuri Dr Isaac Munyakazi ufungiye ruswa #rwanda #RwOT

    Urukiko Rukuru rwagombaga gusoma umwanzuro warwo ku bujurire bwa Dr Isaac Munyakazi wahamijwe icyaha cya ruswa agahanishwa gufungwa imyaka 10 no gutanga ihazabu ya Miliyoni 10.

    Gusoma iki cyemezo byagombaga kuba kuri uyu wa Gatanu tariki 25 Kamena 2021 ntibyabaye ahubwo Urukiko Rukuru rwahamagaje Dr Sebaganwa Alphonse nk’umutangabuhamya muri uru rubanza.

    Byavuzwe ko Dr Isaac Munyakazi yahuye na Dr Sebaganwa Alphonse akamusaba gufasha umuyobozi w’ishuri ushaka ko amufasha ko ikigo cye cyazaza mu myanya ya mbere ariko uriya muyobozi wari ushinzwe ibizamini muri REB yamubwiye ko bitashoboka.

    Bivugwa ko Dr Sebaganwa yabwiye Dr Isaac Munyakazi ko ibyo bishobora kugiraho ingaruka ariko we agakomeza kumuhatiriza amubwira ko agomba gufasha uriya muyobozi w’ishuri ari we Gahima Abdu washinze ikigo Good Harvest School.

    Nyuma ngo bose uko ari batatu, Dr Munyakazi, Dr Sebaganwa na Gahima baje guhurira kuri hoteli imwe yo mu Mujyi wa Kigali bakizeza Gahima ko nabafasha bazamugororera.

    Amanota yaje gusohoka kiriya kigo kiza mu myanya ya mbere, nyuma baza kongera guhurira i Nyarutarama, barasangira ubundi Gahima aza kwaka Dr Sebaganwa urufunguzo rw’imodoka ye, aragenda arafungura ashyiramo ibihumbi 500 Frw.

    Gahima Abdu we ahakana ibyo ashinjwa akavuga ko atigeze atanga iyo ruswa ndetse agasaba ko hazakorwa ibimenyetso bya gihanga ko yaba yarakoze kuri ariya mafaranga. Urukiko rwimuriye urubanza tariki 10 Nzeri 2021.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Umuyobozi-muri-REB-yahamagajwe-gutanga-ubuhamya-kuri-Dr-Isaac-Munyakazi-ufungiye-ruswa

  • Kwibuka27: Menya uko isanduku yo gushyingura mu cyubahiro igomba kuba iteye #Rwanda #RwOT via @kigalitoday #rwanda #RwOT

    Mu nama ubuyobozi bw’Umurenge wa Muhima n’ubwa IBUKA mu Karere ka Nyarugenge bwagiranye n’ubuyobozi bw’akarere, baganiriye ku bintu bimwe na bimwe byo kuzirikana kugira ngo icyo gikorwa kizagende neza.

    Kimwe muri byo ni ugukomeza kubahiriza amabwiriza yo kwirinda icyorezo cya Covid 19, ikindi ni imiterere y’isanduku ishyirwamo imibiri y’abazashyingurwa mu rwibutso. Umuyobozi wa IBUKA muri Nyarugenge Rutayisire Masengo Gilbert arabisobanura.

    Agira ati “Umupfundikizo w’isanduku bashyinguramo abazize Jenoside ntabwo ugomba kuba wiburungushuye, ugomba kuba urambaraye kugira ngo hejuru yayo habashe kujyaho indi, kuko iyo utarambaraye, iri hejuru yayo ishobora guhirima ugasanga birateza ikibazo aho zigomba kuba ziri mu rwibutso”.

    Ku rwego rw’Umurenge wa Muhima, igikorwa bagitangiye ku wa kane tariki 24 Kamena 2021, aho bamaze kubona imibiri ine nk’uko byavuzwe n’umuyobozi wa IBUKA mu Murenge wa Muhima, Nizeyimana Olivier de Maurice, wasobanuye ko igikorwa kizakomeza kuko hakiri imibiri myinshi itaraboneka.

    Umunyamabanga Nshingwabikorwa w’Umurenge wa Muhima Mukandoli Grace, yashimiye abacitse ku icumu rya Jenoside uburyo babashije kwakira icyifuzo cya Leta y’u Rwanda isaba ko abazize Jenoside bose bagomba gushyingurwa mu cyubahiro mu nzibutso zabigenewe.

    Umwe mu mibiri yataburuwe mu Murenge wa Muhima ni uw’umwana witwa Mutangana Germain, wavutse ku itariki 7 Mata 1990, akicwa ku itariki 7 Mata 1994 afite imyaka ine gusa.

    Hodali Jean (nyirarume w’umwana) wavuze mu izina ry’ababyeyi ba nyakwigendera batari mu Rwanda, yavuze ko Mutangana Germain yabaye nk’igitambo cy’umuryango we wose.

    Hodali ati “Aho bari bihishe mu gisenge cy’inzu y’abaturanyi, interahamwe zasenye igice kimwe aho yari aherereye, arahanuka zihita zimutema arapfa, zijya gusahura zirangije zigenda zitarebye ko muri plafon harimo abandi bantu”.

    Abandi bose bo muryango wa Mutangana wari bucura mu muryango w’abana bane na se na nyina bararokotse, Jenoside irangiye bashakisha umubiri we bamushyingura mu itongo, bamaze gusana inzu batunganya imva barahamurekera kuko bifuzaga ko ahaguma nk’igitambo cy’umuryango wose.

    Ariko kubera ko Leta y’u Rwanda isaba ko abazize Jenoside yakorewe Abatutsi bose bagomba gushyingurwa mu cyubahiro, umuryango wa Mutangana wageze aho na wo urabyakira, akazashyingurwa mu cyubahiro hamwe n’abandi ku itariki 1 Nyakanga 2021, mu rwibutso rwa Jenoside rwa Nyanza ya Kicukiro.

  • Gushaka umugabo nabaye mbiretse| Dj Princess Flor yahishuye byinshi abantu batamenye – YEGOB #rwanda #RwOT

    Nyirimbabazi Flora wamamaye ku mazina ya Dj Princess Flor kubera umwuga wo kuvanga imiziki akorera mu gihugu cy'Ububiligi yahishuye byinshi byamubayeho birimo uko yahuye n'umuryango we ndetse anavuga ku bijyanye no kuba yakora ubukwe, agashaka umugabo nawe akagira urugo rwe. Ibi Dj Flor yabivugiye mu kiganiro yagiranye na ISIMBI TV.

    Nkuko Dj Princess Flor yabitangarije ISIMBI TV, yavuze ko nyuma y'ikiganiro cya mbere yagiranye na ISIMBI TV yahise agira amahirwe yo guhura n'umuryango we, ibintu avuga ko byamushimishije cyane ndetse bikanamuzamurira amarangamutima.

    Ku bijyanye n'ubukwe bwe, Dj Princess Flor yavuze ko igihe kitaragera kuko buri wese aba afite igihe cye cyo gukora ubukwe cyangwa se gushaka umugabo. Dj Flor yongeyeho kandi nta muntu ukwiye kugendera kuri pressure ko bagenzi be ndetse n'incuti ze zose zakoze ubukwe ibi bikaba byatuma ajya ku gitutu cyo gushaka umugabo ahubwo agomba gutegereza igihe cye kikagera agakora ubukwe bwe.

    Dj Princess Flor

    Source : https://yegob.rw/gushaka-umugabo-nabaye-mbiretse-dj-princess-flor-yahishuye-byinshi-abantu-batamenye/

  • 🔴 LIVE: Conference y’Abasore n’Abakobwa: Sex Management #rwanda #RwOT

    Source : https://agakiza.org/????-LIVE-Conference-y-Abasore-n-Abakobwa-Sex-Management-8077-8077-8077-8077.html

  • U Bwongereza bwakomanyirije abagenzi baturutse muri Uganda kwerecyezayo #rwanda #RwOT

    U Bwongereza bwashyize Uganda mu bihugu bitemerewe guturukamo abagenzi ngo bajye muri kiriya gihugu kubera ubwiyongere bukabije bw’ubwandu bwa COVID-19 bukomeje kugaragara muri Uganda.

    Muri kiriya gihugu ubu habarwa abantu ibihumbi 75 bamaze gusangwamo ubwandu bw’iki cyorezo ndetse imibare iboneka ku munsi ikaba yarazamutse cyane.

    Mu cyumweru gishize, Perezida Yoweri Kaguta Museveni wa Uganda yatangaje guma mu rugo y’iminsi 42 ndetse n’amasaha yo kugera mu rugo yigizwa imbere.

    Perezida Yoweri Kaguta Museveni yategetse ko kuri uyu wa Gatanu tariki 25 Kamena muri Uganda haba umunsi w’ikiruhuko w’amasengesho y’igihugu ku baganga bahanganye n’iki cyorezo n’imiryango kimaze gutwara ababo.

    U Bwongereza bwahagaritse abageni bava muri Uganda nyuma y’uko Leta Zunze Ubumwe z’Abarabu na zo zihagaritse abava muri iki gihugu.

    Abaturage bafite ubwenegihugu bw’u Bwongereza ni bo gusa bemerewe kuva muri Uganda berecyeza mu gihugu cyabo.

    Sosiyete y’Ingege y’u Rwanda RwandAir na yo iherutse guhagarika ingendo zerecyeza n’iziva i Entebbe muri Uganda.

    UKWEZI.RW

    Source : http://www.ukwezi.rw/Mu-mahanga/Amakuru-anyuranye/article/U-Bwongereza-bwakomanyirije-abagenzi-baturutse-muri-Uganda-kwerecyezayo

  • Ibitaramo bya Iwacu Muzika Festival byagarutse, umuhanzi wa mbere arataramira abanyarwanda kuri uyu wa Gatandatu #rwanda #RwOT

    Umuhanzi Nemeye Platini ni we muhanzi ugiye kubimburira abandi bahanzi ataramira abanyarwanda mu bitaramo bya Iwacu Muzika Festival bigomba gutangira ku munsi w’ejo ku wa Gatandatu tariki ya 26 Kamena 2021.

    Ibi bitaramo byari bisanzwe bizenguraka igihugu, ariko kubera icyorezo cya COVID-19, East African Promoters ibitegura yafashe umwanzuro ko bizakorwa hifashishijwe ikoranabuhanga nk’umwaka ushize.

    Ntabwo abahanzi bose bazaririmba muri ibi bitaramo baratangazwa kuko buri wese azajya agira icyumweru cye, gusa amakuru avuga ko ari abahanzi 10 bazaririmba barimo Riderman, Bruce Melodie, Mani Martin, Jules Sentore, Knowless, Alyn Sano Sano, Social Mula, Uncle Austin na Cyusa Ibrahim.

    Ibi bitaramo bizanyura kuri televiziyo y’u Rwanda, umwaka ushize byaririmbwemo n’abahanzi 15.

    Nemeye Platini arabimburira abandi muri Iwacu Muzika Festival

    Source : http://isimbi.rw/imyidagaduro/article/ibitaramo-bya-iwacu-muzika-festival-byagarutse-umuhanzi-wa-mbere-arataramira-abanyarwanda-kuri-uyu-wa-gatandatu

  • Perezida Kagame na Tshisekedi bagiye guhurira i Rubavu n’i Goma – #rwanda #RwOT

    Ibiro by’Umukuru w’Igihugu byatangaje ko kuri uyu wa Gatanu Perezida Kagame aza kwakira Tshisekedi ku mupaka wa La Corniche. Bombi baraza gusura Umujyi wa Rubavu bareba ingaruka z’iruka ry’ikirunga cya Nyiragongo.

    Ku wa Gatandatu, Perezida Kagame nawe azasura mugenzi we i Goma, azenguruke muri uyu mujyi areba ibikorwa remezo byangijwe n’iki kirunga mbere y’uko bagirana ibiganiro.

    Intumwa z’ibihugu byombi byitezwe ko zizashyira umukono ku masezerano agamije gushimangira umubano mwiza usanzwe hagati y’ibihugu.

    Ku rundi ruhande, hateganyijwe ikiganiro n’abanyamakuru kizasoza ibi bikorwa by’abakuru b’ibihugu byombi. Kizaba ku wa Gatandatu.

    Hashize iminsi itatu mu Mujyi wa Rubavu hari ibikorwa byo kwitegura uru ruzinduko. Umunyamakuru wa IGIHE uri i Rubavu yatangaje ko muri iyi minsi, muri uyu mujyi hari hakajijwe ibikorwa by’isuku bica amarenga ko hari igikorwa kidasanzwe cyiteguwe.

    Ni mu gihe kandi inzego zishinzwe umutekano nazo zagaragaraga muri uyu mujyi ku bwinshi zitegura uru ruzinduko rw’abakuru b’ibihugu byombi.

    Mu ijoro ryo ku wa 22 Gicurasi 2021 ni bwo ikirunga cya Nyiragongo cyongeye kuruka nyuma y’uko cyaherukaga mu 2002.

    Mu byangijwe n’iki kirunga ku ruhande rw’u Rwanda harimo inzu zirenga 267 zasenyutse kubera umutingito, izindi 859 zirangirika.

    Uretse inzu z’abaturage, umuhanda wa kaburimbo ugana ku mupaka uhuza u Rwanda na Repubulika Iharanira Demokarasi ya Congo warangiritse, umusigiti n’ibigo by’amashuri na byo birangirika n’ibindi.

    Ikindi ni uko hegitari eshatu zakorerwagaho imirimo y’ubuhinzi mu Karere ka Rubavu gahana imbibi na RDC zangiritse bikomeye.

    Ku ruhande rwa RDC, imwe mu miyoboro y’amashanyarazi yarangiritse bituma u Rwanda rugira uruhare mu gucanira uyu muturanyi warwo.

    Umuyobozi w’ishami rya REG i Rubavu, Butera Laurent, aherutse gutangaza ko bagobotse abatuye i Goma ubwo ikirunga cya Nyiragongo cyarukaga kikangiza ibikorwaremezo byaho.

    Ati “Ikirunga cyasenye imiyoboro myinshi ijyana amashanyarazi mu gice kinini cy’Umujyi wa Goma. Badusabye ubutabazi bwihuse bwo kugira ngo tube tubacaniye mu gihe bagitegereje gusana imiyoboro yangiritse. Twahise tubacanira byihuse twifashishije umuyoboro wacu ugera ku mupaka wa “petite barrière”.

    Uko kugoboka Goma kwatumye ibikorwa byinshi bidahagarara nk’aho amahoteli yakomeje imirimo yayo, ibitaro bigakomeza gukora, iminara y’itumanaho n’ibindi byinshi.

    Ubwo iki kirunga cyarukaga, Abanye-Congo barenga ibihumbi 10 bahungiye mu Rwanda, bakihagera bakirwa neza, barafashwa bahabwa ibyo kurya, bashyirirwaho inkambi, banarindwa icyorezo cya Covid-19 gikomeje guca ibintu.

    Perezida Tshisekedi yaherukaga mu Rwanda ku wa 21 Gashyantare 2020 ubwo yitabiraga Inama y’ubuhuza yari irimo na mugenzi we wa Angola ku kibazo cy’u Rwanda na Uganda. Ni bwo bwa mbere abakuru b’ibihugu byombi bagiye guhurira ku mupaka y’ibihugu byabo.

    Hashize iminsi mu Mujyi wa Rubavu harakajijwe ibikorwa by’isuku, ibintu byacaga amarenga ku ruzinduko rw’umuyobozi ukomeye

    Mu duce dutandukanye twa Rubavu hakorwaga isuku kuva ku wa Kabiri

  • Kayonza: Umusore w’imyaka 35 yapfuye urupfu rudasobanutse – #rwanda #RwOT

    Byabereye mu Mudugudu wa Bitoma mu Kagari ka Cyinzovu mu Murenge wa Kabarondo mu ijoro ryakeye ariko bimenyekana mu gitondo cyo kuri uyu wa Gatanu.

    Umunyamabanga Nshingwabikorwa w’Umurenge wa Kabarondo, Kagabo Jean Paul, yabwiye IGIHE ko byamenyekanye ubwo undi munyonzi mugenzi we yajyaga kumukomangira ngo bajye mu kazi agasanga urugi rufungiwemo imbere yahamagara uwo musore ntamwitabe ni ko gushaka abayobozi bo ku Mudugudu bafatanya kwica urugi.

    Ati “ Ni umusore uri mu kigero cy’imyaka nka 35 yatashye rero ku mugoroba ajya guteka kuko aribana asanzwe ari umunyonzi, iwe mu rugo afite imbabura ikoreshwa n’amashanyarazi ubundi ikanajyaho amakara, yatashye rero ateka akinze ku nzu, twasanze umuceri wahiye, yari atetse imboga, uko bigaragara ko ashobora kuba yirambitse akabura umwuka.”

    Gitifu Kagabo yavuze ko mu bigaragara iyi mbabura ishobora kuba ariyo yamucuze umwuka ngo kuko basanze yari yirambitse ku buriri imbabura icyaka.

    Uyu muyobozi yagiriye inama abaturage kwirinda gutekera mu nzu bararamo ngo kuko akenshi usanga umwuka ubura aho uca bikaba byateza ibibazo nk’ibyabaye kuri uyu musore.

    Ati “ Abantu nibirinde gutekera mu nzu babamo, batekere mu bikoni byabugenewe, ikindi birinde kuzana imbabura mu cyumba bararamo hari ubwo umuntu ashobora kuba yakonje akayijyana mu cyumba, birinde kandi kuryama buji yaka kuko nayo yabakururira ibibazo.”

    Kuri ubu umurambo wa nyakwigendera ugiye kujyanwa mu bitaro bya Rwinkwavu kugira ngo ukorerwe isuzuma mbere yo gushyingurwa.