Webrwanda Backend

Blog

  • Abapolisi basoje ubutumwa bwa Loni Muri Sudani y'Epfo, inkuru irambuye #rwanda #RwOT

    Itsinda ry'Abapolisi b'u Rwanda bari mu butumwa bw'Umuryango w'Abibumbye bugamije kubungabunga amahoro muri Sudani y'Epfo (RWAFPU-2) ryasoje ubutumwa bari bamazemo igihe muri iki gihugu.

    Aba bapolisi bagarutse mu Rwanda kuri uyu wa Gatanu tariki ya 25 Kamena nyuma yo gusoza inshingano z'akazi muri Sudani y'Epfo.

    Iri tsinda ry'abapolisi 160 ryari riyobowe na CSP Carlos Kabayiza, bageze ku kibuga mpuzamahanga cy'indege cya Kigali i Kanombe ahagana saa saba z'amanywa.

    Bakiriwe n'Umuyobozi w'Ishami rya Polisi rishinzwe abakozi, ACP Yahaya Kamunuga, wari uhagarariye ubuyobozi bwa Polisi y'u Rwanda ari kumwe n'abandi bayobozi muri Polisi y'u Rwanda.

    RWAFPU-2 ni rimwe mu matsinda atatu y'Abapolisi b'u Rwanda bari mu butumwa bw'Umuryango w'Abibumbye bugamije kubungabunga amahoro muri Sudani y'Epfo, batangiye izi nshingano mu 2017.

    Ubwo yakiraga Abapolisi bagarutse mu Rwanda, ACP Kamunuga yabashimiye uko bakoze inshingano zari zarabajyanye muri kiriya gihugu ndetse bakaba barahagarariye neza u Rwanda.

    Ati 'Polisi y'u Rwanda irabashimira uko mwitwaye mugahagararira igihugu neza mu butumwa mwari murimo muri Sudani y'Epfo, tubahaye ikaze mu gihugu. Musize isura nziza n'umurage mwiza nk'abanyarwanda muri kirya gihugu. Muraje rero mufatanye n'abandi gukora akazi nk'uko bisanzwe kandi ari nako mukomeza kwirinda no kubahiriza amabwiriza yo kurwanya Covid-19.'

    CSP Kabayiza wari uyoboye iri tsinda ryasoje ubutumwa bw'amahoro, ubwo bageraga i Kanombe yabwiye itangazamakuru ko bakoze neza akazi bari bashinzwe.

    Yagize ati 'Twakoze neza akazi twari dushinzwe nk'uko abatubanjirije bagakoze neza bagahesha ishema igihugu cyacu, mu shingano twari dufite, twari dushinzwe kurinda umutekano w'abaturage bakuwe mu byabo n'intambara, twakoraga irondo ku manywa na n'ijoro mu Mujyi wa Juba, twarinda umutekano w'abayobozi n'abakozi b'ubumuryango w'abibumbye n'ibikoresho byabo n'ibindi bikorwa bitandukanye bimwe twafatanyaga n'abaturage baho bigamije imibereho myiza n'iterambere. '

    Umuyobozi w'iri tsinda ryagarutse yavuze ko bishimiye kuba bagarutse mu gihugu cyabo amahoro bakaba baniteguye gukora akazi nk'uko bisanzwe bafatanyije n'abagenzi babo no gukomeza gukangurira abaturarwanda kubahiriza amabwiriza yo kurwanya ikwirakwira rya Covid-19.

    Source : https://impanuro.rw/2021/06/26/abapolisi-basoje-ubutumwa-bwa-loni-muri-sudani-yepfo-inkuru-irambuye/

  • Muhanga : Abanyeshuri bane bakurikiranyweho gushyiraho umutwe w’abagizi ba nabi #rwanda #RwOT

    Aba banyeshuri kandi bakekwaho icyaha guteza imvururu cyangwa imidugararo muri rubanda, icy’ivangura n’ingengabitekerezo ya Jenoside ndetse no kwangiza cyangwa konona ikintu cy’undi.

    Aba banyeshuri batawe muri yombi ku wa Mbere w’iki cyumweru tariki 21 Kamena 2021.

    Umuvugizi wa RIB, Dr Murangira B. Thierry yagize ati 'Bakurikiranyweho ibyaha birimo kwangiza cyangwa konona ikintu cy’undi, gushyiraho umutwe w’abagizi ba nabi cyangwa kuwujyamo, guteza imvururu cyangwa imidugararo muri rubanda, icyaha cy’ivangura n’ ingengabitekerezo ya Jenoside.'

    Abatawe muri yombi ni abahungu bane barimo umwe w’imyaka 18 y’amavuko n’abandi babatu bafite 19.

    Yavuze ko bakoze ibyo byaha mu gihe bari basoje igihembwe cya kabiri muri Werurwe 2021 aho bamenaguye ibikoresho by’ishuri bitandukanye bangiza n’amashuri.

    Abo banyeshuri bari barakoze itsinda bise 'Abapower’ uko ari bane bakaba bafungiye kuri Sitasiyo ya RIB ya Nyamabuye mu gihe iperereza rikomeje kugira ngo hakorwe dosiye ishyikirizwe Ubushinjacyaha.

    Urwunge rw’Amashuri rwa Kabgayi bakoreyeho ibyo byaha bakekwaho ruherereye mu Mudugudu wa Kamazuru mu Kagari ka Gahogo mu Murenge wa Nyamabuye.

    Hamaze iminsi havugwa imyitwarire idahwitse mu banyeshuri bo mu bigo by’amashuri bitandukanye aho bamwe bashinja imiterere ya Politiki y’uburezi kubitiza umurindi kuko abana batagishyirwaho igitsure gihagije.

    Hari n’abavuga ko cyera iyo umwana yagaragazaga imyitwarire mibi, bamucishagaho akanyafu ariko ko ubu hari ibihano byinshi byagiye bicibwa mu rwego rwo kubahiriza uburenganzira bw’abana.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Muhanga-Abanyeshuri-bane-bakurikiranyweho-gushyiraho-umutwe-w-abagizi-ba-nabi

  • Umubano wa Diamond na Zari uhagaze neza: Igik… – #rwanda #RwOT


    Kuri uyu wa Karibi tariki 22 Kamena 2021, umuherwekazi Zari Hassan wabyariye Diamond abana babiri anyuze ku mbuga nkoranyambaga yatangaje ko agiye kujya agaragara mu kiganiro kivuga ku buzima buhari kitwa '''Young Famous and Africa' kizajya kinyura ku mbuga zikomeye zicuruza ama filime ku Isi nka Netflix na Naijaonnetflix.

    Aya amakuru yahise yemezwa na Netflix ishami rikorera muri Africa y’epfo. Mu butumwa zari yashyize ku mbuga nkoranyambaga ze yagize ati 'Ubu turi kuganira na Netflix! Murambona ntumbagira kuri @netflixsa na @naijaonnetflix mu kiganiro cya mbere kivuga ubuzima buhari vuba aha #YoungFamousAndAfrican#'.

    Mu ifoto yaherekeje aya magambo ye handitseho ko ari umubyeyi w'imiterere myiza wageze ku nzozi ze akaba adahisha kuvuga ko ari umuherwekazi. Nyuma y’aho Diamond nawe yanyuze ku mbuga nkoranyambaga ze maze agaragaza ko nazwe  azahurira na Zari muri iki kiganiro kigiye gutangira vuba abisangiza abakunzi be  anashimangira ko kizaba ari cyo kiganiro cya mbere kiza muri Africa kivuga ku buzima buhari.

    Mu gusa n’utekera amatsiko abantu ku bizavugirwa muri iki kiganiro ifoto yaherekeje ubu butumwa iriho amagambo avuga ko mu rukundo agira amarangamutima aryohereza ubuzima uwo yaruhaye kandi ko umwana we w’umukobwa amwitaho nk'umugore we.

    Iki kiganiro byanga bikunda ni ubucuruzi buzabinjiriza akayabo. Abatari bake cyabavugishije, bakaba bakibonera mu ndererwamo yo kongera guhuza urugwiro n'umubano hagati ya Zari na Diamond, kandi koko birashoboka.

    Bazajya bavuga ukuri ku rukundo rwabo abantu batamenye n'ibindi byinshi ku buryo bishobora kongera kunga ubumwe. Zari na Diamond n'ubundi bafitanye umubano usa n’aho utandukanye n'abandi bagore bamubyariye kuko barasurana ndetse no ku munsi w'ababyeyi b'abagabo, Zari ni we wenyine wamwoherereje ubutumwa bumwifuriza umunsi mwiza muri batatu bazwi yabyaranye nabo.


    Diamond yabyaranye na Diamond abana babiri 

    Ese koko iki kiganiro kirabyutsa urukundo?

    Ku rundi ruhande Zari mu minsi ishize yareruye avuga ko afite umukuzi mushya yise Dark stallion. Diamond nawe aherutse gutangaza ko ari mu rukundo n'inkumi y'ikimero, umunyamideri wo muri Afrika y’Epfo witwa Andréa Abrahams yaterese mu gihe kingana n'imyaka 9.

    Source : https://inyarwanda.com/inkuru/106936/umubano-wa-diamond-na-zari-uhagaze-neza-igikorwa-bagiye-guhuriramo-cyavugishije-abantu-106936.html

  • Chia, igihingwa gishya kiri gutanga ifaranga rishyushye i Ngoma – #rwanda #RwOT

    Chia ni igihingwa gishya mu Rwanda cyatangiriweho igeragezwa mu cyanya cyuhirwa cya Ngoma giherereye mu Karere ka Ngoma, cyatangiye guhingwa mu 2020 harebwa niba cyabera ubutaka bwo mu Rwanda hose cyane cyane ahari urusekabuye, bivugwa ko gituruka muri Bolivia no muri Mexique.

    Ku muntu utazi Chia ni utubuto duto wagereranya na Sesame, mu kwera kwatwo twera nk’ingano uretse ko dushamika tukagira amashami menshi kandi nibura tukaba tureture kugera kuri metero imwe bitewe n’uko aho waduhinze twahishimiye.

    Ikilo cy’imbuto kigura ibihumbi 90 Frw kigaterwa kuri hegitari imwe, yerera amezi atatu nibura ku buryo mu kwezi kwa kane uwayihinze aba asoje gusarura kuko kiterera rimwe, mu kugurisha umusaruro ikilo kimwe umuhinzi akigurirwa na koperative imuhera 3000 Frw.

    Ku muntu wahinze hegitari imwe ashobora kweza ibilo biri hagati ya 700 na toni imwe byumvikane ko uwagihinze adashobora kubura inyungu iri hejuru ya miliyoni ebyiri kuri hegitari imwe, ku basanzwe bahinga ni inyungu y’umurengera idapfa kuboneka mu bihingwa bisanzwe.

    Iki gihingwa kibarizwa mu binyamisogwe, kivamo imiti itandukanye aho yifashishwa n’abantu bafite umuvuduko w’amaraso, mu kongera vitamine mu mubiri, gishobora no kuribwa ari urubuto cyangwa kikabanza gukorwamo amavuta yo kurya cyangwa ayo kwisiga.

    Ku muntu ukunze kurya iki gihingwa bivugwa ko ubwonko bwe bukora neza, bigafasha amaso kubona neza, Chia kandi ngo ifasha abantu kutagira umunaniro w’ubwonko ikanabarinda kugira umubyibuho ukabije n’umuvuduko w’amaraso.

    Inyungu ku baturage bahinga Chia

    Ku baturage bahinga Chia mu cyanya cyuhirwa cya Ngoma 22, akanyamuneza ni kose, iyo muganira bakubwira ko mu gihe wagihinze utakongera guhinga indi myaka ngo kuko ntikirushya, ntigikenera kukiba hafi buri kanya kandi ngo niyo cyeze usarura bakwishyura.

    Abaganiriye na IGIHE bavuze ko kuri ubu bamaze kubona impinduka mu mibereho yabo babikesha guhinga chia, hari abaguze inka, abandi bavugurura inzu zabo babikesha amafaranga bakuye kuri iki gihingwa.

    Muhawenimana Eugenie utuye mu Mudugudu wa Mashyoza mu Kagari ka Rujambara mu Murenge wa Rurenge, yavuze ko ajya kugihinga haje abantu barabimwereka, bamubwira uko bazahinda ngo kuko iki gihingwa kibamo umuti kandi kikanagurwa cyane.

    Ngo bagiye gutaha yasabye umushoferi kumuhaho imbuto nke akajya kugerageza amahirwe, amuha izuzuye ikiganza ajya kuzirembeka nyuma y’iminsi mike arazitera ngo zivamo ibiro bitatu, agurisha ibiro bibiri, ikilo kimwe ngo bamuhaga 4000 Frw.

    Ati “ Nahise numva ko nta kindi gihingwa gikwiriye guhingwa kitari icyo gitanga 4000 Frw ku kilo mu gihe ibishyimbo iyo byakabije tubigurisha 500 Frw.”

    Muhawenimana yakomeje kongera guhinga Chia arongera aragurisha aguramo inka ndetse anakuramo miliyoni imwe n’ibihumbi 200 Frw, ibi ngo noneho byamuteye imbaraga ahita ahinga hegitari yose kuri ubu ngo yamaze gusarura ibiro birenga 700 ategereje kugurisha.

    Uyu mugore avuga ko guhinga iki gihingwa bitavunanye ngo kuko iyo wamaze gutera nta yindi miti bisaba, yavuze ko mbere yo guhinga iyo ufite ifumbire y’imborera uyikoresha yonyine ubundi ukicara ugategereza ko cyera ukajyana kugurisha.

    Muhayimana Landoald utuye mu Kagari ka Kigese we avuga ko nyuma yo kubona uburyo abaturanyi be bahinze Chia ikera ikabaha amafaranga bakikura mu bukene, yahise nawe ayihinga kuri ubu ategereje isarura gusa yizeye ko azunguka cyane.

    Uyu muturage ubwo yaganiraga na IGIHE yagize ati “ Iki gihingwa bakikizana inaha naragipinze cyane, nkabona ni ibintu utamenya aho wagurishiriza, ariko mbonye abaturanyi banjye bagihinze bakeza bakagurirwa umusaruro wabo, nahise ngira ishyari ryiza nanjye ndagihinga ubu ndindiriye gusarura.”

    Umuyobozi w’Akarere ka Ngoma wungirije ushinzwe Iterambere ry’Ubukungu, Mapabano Nyiridandi Cyriaque, yavuze ko iki gihingwa gishya kiri guhingwa kuri hegitari zisaga 90 z’ubutaka buhurijwe hamwe ngo ndetse hari n’abaturage bagenda bagihinga mu ngo zabo ku turima duto.

    Ati “ Biragoye kubona igihingwa ikilo kimwe kigura 3000 Frw, aha rero bigaragara ko ari igihingwa cyiza, bikaba byiza kurushaho ko ari igihingwa uhinga ufite isoko, abakigura batanga amasezerano mbere y’uko bagihinga kuko kijyanwa hanze y’igihugu.”

    Yavuze ko abagihinga mu cyanya cyuhirwa cya Ngoma 22 ngo bibumbiye muri koperative aho ubuyobozi bubasha kubakurikirana umunsi ku munsi bukamenya n’ibyo bakenera.
    Uyu muyobozi yavuze ko uyu mwaka iyi koperative imaze kwinjiza miliyoni 420 Frw zaturutse muri iki gihingwa cya Chia.

    Kuri ubu igihingwa cya Chia kiri guhingwa kuri hegitari 100 mu cyanya cyuhirwa cya Ngoma 22, gihingwa n’abandi baturage bake bo mu Karere ka Kayonza, nibura ku muhinzi waguriwe ku mafaranga make ikilo akigurisha 3000 Frw.

    Iki gihingwa kiri kwinjiriza amafaranga menshi abatuye i Ngoma

  • Dore ibyago bikomeye byibasira umuntu umaze igihe kirekire adatera akabariro. – YEGOB #rwanda #RwOT

    Kubaho udakora imibonano ni ikintu kimwe, kuba warayikoraga ukaza kuyihagarika kubera impamvu zinyuranye na cyo ni ikindi. Hano ibyo tugiye kurebera hamwe ni ibyaba mu mubiri wawe uramutse umaze igihe kinini (kuva ku mezi 12 kuzamura) udakora imibonano, haba ku mugabo no ku mugore. Aha ni igihe udakora imibonano ndetse n'ibindi byenda kuba nka yo, nko ku bajya bikinisha.

    Byagenda bite rero?

    1. Imihango ishobora kujya ikubabaza

    Ibi birareba abagore birumvikana. Kumara igihe udakora imibonano biri muri bimwe bishobora kutuma igihe ugiye mu mihango uribwa cyane, ikaza iremereye ikaba yanamara iminsi myinshi.

    2. Ibyago byo kudashyukwa biriyongera

    Ku bagabo, uko ukora imibonano kenshi ni ko umubiri urushaho kubimenyera bikaba na kimwe mu birwanya uburemba. Igihe uhagaritse imibonano igihe kirekire, uba uri kwiyongerera ibyago byo kudashyukwa cyangwa kujya ushyukwa amazinga. Imvugo ngo gikoreshe cyangwa ukibure, ihita ihabwa agaciro.

    3. Ubudahangarwa buragabanyuka.

    Ni byo, gukora imibonano ni kimwe mu bituma ubudahangarwa buzamuka dore ko biri no mu bivura bikanarinda indwara zirimo ibicurane n'inkorora bya hato na hato. Iyo udakora imibonano imwe mu misemburo ntiyongera gukora uko bikwiye. Gusa aha ntihagutera ubwoba cyane kuko hari ibindi wakora ubudahangarwa bukiyongera.

    4. Ibyago bya kanseri ya porositate.

    Ubushakashatsi bugaragaza ko gusohora byibuze inshuro 21 mu kwezi bikugabanyiriza ibyago byo kurwara kanseri ya porositate. Kumara rero igihe kinini nta mibonano birumvikana ko biba bikongerera ibyago byo kurwara ya kanseri.

    5. Ubushake bugenda bugabanyuka.

    Haba ku bagabo n'abagore uko ugenda umara igihe udakora imibonano niko bigenda bikuvamo kugera ubwo bishobora no kubaho ko wumva utakibishaka. Ibi bituma igihe usubukuye bikugora kurangiza, ku bagore naho ku bagabo bituma ugira ikibazo cyo kujya urangiza vuba cyane, kandi ubushake kongera kugaruka bikaba ingorabahizi.

    6. Stress iriyongera

    Imibonano ni umwe mu miti n'urukingo bya stress n'ibindi bigendana na yo birimo umushiha, kwivumbura, depression, umunabi n'ibindi. Ibi ni uko iyo udakora imibonano imwe mu misemburo itera akanyamuneza ntikora niyo ikoze ntigera ku gipimo cyiza, bityo ukabaho ubuzima bumeze nk'ubuhoramo stress na depression.

    7. Ububobere buragabanyuka.

    Ku bagore iyo umaze igihe udakora imibonano, umusemburo wa estrogen ukorwa buhoro kandi uwo musemburo ni wo uzwiho gutuma ububobere bwiyongera. Iyo rero utagikora imibonano wa musemburo ukorwa buhoro, bityo ingaruka ikaba kutabobera uko bikwiye.

    8. Bikuraho ibyago byo kwandura indwara zandurira mu mibonano.

    Iyi yo ni impamvu nziza yo guhagarika imibonano. Gusa nubwo bikurinda kwandura, ku bagore bishobora kubongerera ibyago byo kurwara ubwandu bw'umuyoboro w'inkari cyane cyane ku bari bamenyerewe kunyazwa, dore ko bisukura iyo nzira cyane.

    9. Bigira ingaruka ku bwonko.

    Nubwo wasanga wibwiraga ko kudakora imibonano biruhura ubwonko aho waba wibeshya ahubwo biri mu bituma ubwonko burushaho kuzaho igihu ku buryo kwibuka biba bigoranye, ibi bikaba byo bitangira kuva umaze ibyumweru 6 udakora imibonano

    Source : https://yegob.rw/dore-ibyago-bikomeye-byibasira-umuntu-umaze-igihe-kirekire-adatera-akabariro/

  • Impano itangaje umuhungu wa Katauti yasabye Diamond Platnumz #rwanda #RwOT

    Ndikumana Hamad Katauti wahoze ari myugariro w’Amavubi witabye Imana, umuhungu we yabyaranye na Irene Uwoya [Oprah], Ndikumana Krish yatunguye benshi kubera impano yasabye Diamond Platnumz ku munsi yahawe Isakaramentu ry’Ukarisitiya.

    Tariki ya 13 Kamena nibwo uyu muhungu yahawe Isakaramentu ry’Ukaristiya, ni mu gihe benshi bakekaga ko ashobora kuba umusilimu nka se, Katauti.

    Mu birori byo kwishimira uyu munsi, mu bantu batumiwe harimo n’umuhanzi w’icyamamare, Diamond Platnumz aho yaririmbye ndetse afata n’ijambo.

    Mu ijambo rye Diamond yabwiye Krish ko abizi ko amukunda cyane bityo rero ko ataje yitwaje impano yo kumuha kuko atazi icyo akunda ahubwo we navuge impano yumva yifuza yose kuri uyu munsi.

    Benshi bahise batekereza ko uyu mwana agiye kuvuga impano ihenze nk’imodoka n’ibindi ariko atungurana avuga ko yifuza ko inshuti ze zaje kumushyigikira yazireka zikaza kumusuhuza.

    Ati”impano nifuza wampa kuri uyu munsi, ni uko wareka inshuti zanjye ziri hano zikaza kugusuhuza gusa.”

    Byatunguye benshi ariko icyifuzo cye cyahise cyubahirizwa.

    Katauti na Opran bashakanye muri 2008 baza kubyarana umwana w’umuhungu Krish muri 2011, baje gutandukana muri 2013. Mu Gushyingo 2017, Ndikumana Hamad Katauti yaje kwitaba Imana akaba yari umutoza wungirije wa Rayon Sports icyo gihe.

    Diamond yamusabye kumubwira impano yumva yifuza ku munsi we w’ibirori

    Krish yatunguye benshi kubera impano yasabye Diamond

    Oprah n’umuhungu we Ndikumana Krish

    Source : http://isimbi.rw/imyidagaduro/article/impano-itangaje-umuhungu-wa-katauti-yasabye-diamond-platnumz

  • Mitsindo Yves wakiniye u Bubiligi yahamagawe mu Mavubi azakina CECAFA (Urutonde rurambuye) #Rwanda #RwOT via @kigalitoday #rwanda #RwOT

    Guhera tariki ya 3 Nyakanga 2021 kugeza ku itariki ya 18 Nyakanga 2021 mu gihugu cya Ethiopia, hagiye kubera amarushanwa ya CECAFA mu batarengeje imyaka 23, aho u Rwanda ruri mu bihugu bizitabira.

    Umutoza mukuru w’Ikipe y’Igihugu y’abatarengeje imyaka 23, HABIMANA Sosthène yahamagaye abakinnyi 35 agomba kwifashisha muri iyo mikino iteganyijwe mu kwezi gutaha, harimo abakinnyi batatu barengeje imyaka 23 nk’uko amategeko agenga iri rushanwa abiteganya.

    Abo bakinnyi umutoza HABIMANA Sosthène yiyambaje bayirengeje barimo MUTSINZI Ange, NIYONZIMA Olivier ndetse na MUGUNGA Yves bose bakinira ikipe ya APR FC.

    Mu bakinnyi bahamagwe harimo umunyarwanda Mitsindo Yves ukina mu Bubiligi mu ikipe ya S.C Charleroi, uyu akaba yarahamagawe ndetse anakinira u Bubligi bw’amakipe y’abakiri bato guhera ku batarengeje imyaka 15.

    Mitsindo Yves mu mukino wa gicuti u Bubiligi bw
    Mitsindo Yves mu mukino wa gicuti u Bubiligi bw’abatarengeje imyaka 15 bwakinnye n’u Busuwisi

    Abakinnyi bahamagawe mu Ikipe y’Igihugu y’abatarengeje imyaka 23 :

    Abanyezamu :

    NTWARI Fiacre (Marine FC), HAKIZIMANA Adolphe (Rayon Sports FC), ISHIMWE Jean Pierre (APR FC), TWAGIRAYEZU Amani (Bugesera FC)

    Abakina inyuma

    NIYIGENA Clément (Rayon Sports FC), BUREGEYA Prince (APR FC), RWABUHIHI Aimé Placide (APR FC), NDAYISHIMIYE Thierry (Marine FC), MUKENGERE Christian (Bugesera FC), MUTSINZI Ange (APR FC), ISHIMWE Christian (AS Kigali), NDAYISHIMIYE Dieudonné (APR FC), HAKIZIMANA Félicien (Marine FC), NSHIMIYIMANA Emmanuel (Gorilla FC)

    Abakina Hagati :

    RUBONEKA Jean Bosco (APR FC), MUGISHA Bonheur (Mukura VS&L), NTIRUSHWA Aimé (Police FC), NIYONZIMA Olivier (APR FC), MITSINDO Yves (S.C Charleroi), ISHIMWE Saleh (Kiyovu SC), MANISHIMWE Djabel (APR FC), ISHIMWE Anicet (APR FC), SAMUEL Gueulette (RAAL La Louvière, Belgium)

    Ba rutahizamu

    NSANZIMFURA Keddy (APR FC), NYIRINKINDI Saleh (Kiyovu SC), BYIRINGIRO Lague (APR FC), RUGANGAZI Prosper (Gasogi United), IRAGUHA Hadji (Rutsiro FC), NIYIBIZI Ramadhan (Etincelles FC), BIRAMAHIRE Abeddy (AS Kigali), MUGUNGA Yves (APR FC), BIZIMANA Yannick (APR FC), RUDASINGWA Prince (Rayon Sports FC), NSHUTI Innocent (APR FC), SIMA Moussa (England)

    Ikipe y’Igihugu izatangira umwiherero ku cyumweru tariki ya 27 Kamena 2021 kuri Hilltop Hotel, ikazajya ikorera imyitozo kuri Stade Amahoro.

  • Akayabo k’amafaranga y’amibano Padiri wa Paruwasi ya Rwamagana yafatanywe kamenyekanye – #rwanda #RwOT

    Kuva ku Cyumweru mu Karere ka Rwamagana mu Murenge wa Kigabiro hari bamwe mu bantu batawe muri yombi na RIB, bukeye bwaho muri urwo rugo bafatiwemo, harasatswe hakurwa amafaranga menshi.

    Nyuma y’iminsi mike, Padiri Ingabire na we yatawe muri yombi, RIB itangaza ko akurikiranyweho kubika amafaranga menshi yari yibwe n’abandi bantu.

    Kuri ubu Umuvugizi wa RIB, Dr Murangira B. Thierry, yabwiye IGIHE ko icyatumye uyu mupadiri afungwa bifitanye isano n’amafaranga menshi yafatiwe iwe aho yabaga ku kiliziya.

    Yavuze ko nyuma yo kwakira ikirego cyatanzwe n’umushoramari wibwe amafaranga agera kuri miliyari 1 Frw bikozwe n’abatekamutwe aribwo batangiye iperereza.

    Ati “RIB yahise itangira iperereza, iza gufata babiri mu batekamutwe, umwe muri bo akaba yari amaze kubitsa umugabane we Padiri Ingabire, ungana na miliyoni 400 Frw.”

    Yakomeje avuga ko uwo mujura amaze kuvuga aho yahishe amafaranga [kwa mubyara we Padiri Ingabire] aribwo RIB yagiye gusaka iwe isangayo ayo mafaranga abitse mu mutamenwa. Icyo gihe na we yahise atabwa muri yombi.

    Dr Murangira yakomeje avuga ko kugeza ubu hamaze kugaruzwa agera kuri miliyoni 500 Frw mu gihe iperereza rikomeje kugira ngo ababigizemo uruhare bose bafatwe n’amafaranga asigaye nayo agaruzwe.

    Itegeko riteganya ibyaha n’Ibihano mu ngingo yaryo ya 247 ivuga ku guhisha ibintu bikomoka ku cyaha ivuga ko umuntu wese uhisha ibintu cyangwa igice cyabyo, azi ko byambuwe, byarigishijwe cyangwa bikomoka ku cyaha gikomeye cyangwa icyaha cy’ubugome, aba akoze icyaha.

    Iyo abihamijwe n’urukiko, ahanishwa igifungo kitari munsi y’umwaka umwe ariko kitarenze imyaka ibiri n’ihazabu y’amafaranga y’u Rwanda atari munsi y’ibihumbi 100 ariko atarenze ibihumbi 300.

    Ibihano bivugwa mu gika cya kabiri ni nabyo bihanishwa umuntu wese, ubizi, ubona
    inyungu, ku buryo ubwo ari bwo bwose, ituruka ku kintu cyahishwe gikomoka ku cyaha cy’ubugome cyangwa gikomeye.

    Padiri Mukuru wa Paruwasi ya Rwamagana, Ingabire Jean Marie Théophile, yafatanywe agera kuri miliyoni 400 Frw muri miliyari 1 Frw yibwe umushoramari

  • Muhanga: RIB yafunze abanyeshuri bane bakurikiranyweho ibirimo ivangura n’ingengabitekerezo ya Jenoside – #rwanda #RwOT

    Umuvugizi wa RIB, Dr Murangira B. Thierry, yabwiye IGIHE ko abo banyeshuri bane batawe muri yombi ku wa 21 Kamena 2021.

    Ati “Bakurikiranyweho ibyaha birimo kwangiza cyangwa konona ikintu cy’undi, gushyiraho umutwe w’abagizi ba nabi cyangwa kuwujyamo, guteza imvururu cyangwa imidugararo muri rubanda, icyaha cy’ivangura n’ ingengabitekerezo ya Jenoside.”

    Abatawe muri yombi ni abahungu bane barimo umwe w’imyaka 18 y’amavuko n’abandi babatu bafite 19.

    Yavuze ko bakoze ibyo byaha mu gihe bari basoje igihembwe cya kabiri muri Werurwe 2021 aho bamenaguye ibikoresho by’ishuri bitandukanye bangiza n’amashuri.

    Abo banyeshuri bari barakoze itsinda bise ‘Abapower’ uko ari bane bakaba bafungiye kuri Sitasiyo ya RIB ya Nyamabuye mu gihe iperereza rikomeje kugira ngo hakorwe dosiye ishyikirizwe Ubushinjacyaha.

    Urwunge rw’Amashuri rwa Kabgayi bakoreyeho ibyo byaha bakekwaho ruherereye mu Mudugudu wa Kamazuru mu Kagari ka Gahogo mu Murenge wa Nyamabuye.

    Ibihano ku byaha bakurikiranyweho

    Icyaha cyo kwangiza cyangwa konona ikintu cy’undi gihanwa n’ingingo ya 186 y’itegeko No 68/2018 ryo ku wa 30/08/2018 riteganya ibyaha n’ibihano muri rusange.

    Uhamwe nacyo ahanishwa igifungo kitari munsi y’amezi abiri ariko kitageze ku mezi atandatu n’amafaranga y’u Rwanda atari munsi y’ibihumbi 300 ariko atarenze ibihumbi 500 cyangwa kimwe gusa muri ibyo bihano.

    Icyaha cyo gushyiraho umutwe w’abagizi ba nabi cyangwa Kuwujyamo gihanwa n’ingingo ya 224 y’itegeko No 68/2018 ryo ku wa 30/08/2018 ritegenya ibyaha n’ibihano muri rusange. uhamwe n’icyo cyaha ahanishwa igifungo kitari munsi y’imyaka irindwi ariko kitarenze imyaka 10.

    Icyaha cyo guteza imvururu cyangwa imidugararo muri rubanda gihanwa n’ingingo ya 204 y’itegeko No 68/2018 ryo ku wa 30/08/2018 ritegenya ibyaha n’ibihano muri rusange. Uhamwe nacyo ahanishwa igifungo kitari munsi y’imyaka 10)ariko kitarenze 15.

    Naho icyaha cy’ivangura gihanwa n’ingingo ya 163 y’itegeko No 68/2018 ryo ku wa 30/08/2018 riteganya ibyaha n’ibihano muri rusange. Uwo gihamye ahabwa igifungo kitari munsi y’imyaka itanu ariko kitarenze irindwi n’amafaranga y’u Rwanda atari munsi y’ibihumbi 500 ariko atarenze Miliyoni imwe.

    Icyaha cy’ingengabitekerezo ya Jenoside gihanwa n’ingingo ya 4 y’itegeko Nº 59/2018 ryo ku wa 22/8/2018 ryerekeranye n’icyaha cy’ingengabitekerezo ya jenoside n’ibyaha bifitanye isano na yo.

    Uwo gihamye ahanishwa igifungo kitari munsi y’imyaka itanu ariko kitarenze irinwi n’ihazabu y’amafaranga y’u Rwanda atari munsi y’ibihumbi 500 ariko atarenze miliyoni imwe.

    RIB yibukije buri muntu wese ko itazihanganira uwo ariwe wese uzafatwa yakoze ibyaha nk’ibi, inibutsa abantu kubyirinda kuko ari bihanwa n’amategeko.

    [email protected]

  • Abarimo Ngirabatware wahoze ari Minisitiri bahamijwe ibyaha byo gusuzugura urukiko – #rwanda #RwOT

    Ngirabatware yakatiwe iki gifungo cy’imyaka ibiri [kiyongera ku gifungo cy’imyaka 30 yari yarakatiwe azira ibyaha bya Jenoside no gushishikariza abantu gukora Jenoside] muri dosiye ahuriyemo n’abarimo Nzabonimpa Anselme, Ndagijimana Jean de Dieu na Fatuma Marie Rose.

    Umucamanza Vagn Joensen ukomoka muri Denmark yavuze ko barenze ku mabwiriza y’urukiko bagashyira igitutu ku batangabuhamya hagamijwe ko bahindura imvugo zabo, mu rubanza bashinjwagamo ibyaha bya Jenoside.

    Uretse Ngirabatware wakatiwe imyaka ibiri, abandi barimo Nzabonimpa, Ndagijimana na Fatuma bakatiwe igifungo cy’amezi 11 bafunzwe mbere yo gutangira kuburanishwa.

    Ku wa 20 Ukuboza 2012 ni bwo Ngirabatware yahamijwe ibyaha bya Jenoside, yongera guhamwa n’ibyaha mu bujurire ku wa 18 Ukuboza 2014.

    Mu iburanisha rya Ngirabatware, hagaragayemo abatangabuhamya b’Ubushinjacyaha ari nabwo bwagaragarije urukiko ko mu gushaka gusubirishamo urubanza, yashatse uko abiyegereza kandi bitemewe, bahabwa amafaranga menshi ngo bahindure imvugo bityo arekurwe nk’umwere.

    Ibyo wamenya kuri Ngirabatware

    Ibyaha Ngirabatware yahamijwe birimo gutegura, kugira uruhare no gushishikariza Interahamwe z’aho avuka mu yahoze ari Komini Nyamyumba muri Perefegitura ya Gisenyi kwica Abatutsi bari batuye aho ngaho.

    Ngirabatware ngo yatanze intwaro ku Nterahamwe, anazikangurira gutsemba Abatutsi. Ikindi kandi izo Nterahamwe zafashe ku ngufu abagore b’Abatutsikazi nk’uko byari byarateguwe na guverinoma yari iriho kandi na Ngirabatware akaba yari Minisitiri icyo gihe na we akabigiramo uruhare.

    Ngirabatware Augustin afite Impamyabushobozi y’Ikirenga (PhD) mu Bukungu yakuye muri Kaminuza ya Fribourg mu Busuwisi, guhera mu 1986 akaba yari umwarimu muri Kaminuza Nkuru y’u Rwanda, mu 1990-1994 akaba yari Minisitiri w’Igenamigambi.

    Nyuma ya Jenoside ari mu buhungiro yakoze mu bigo binyuranye muri Gabon no mu Bufaransa. Yafatiwe mu Budage ku wa 17 Nzeri 2007, aka ari mu biganza by’Urukiko Mpuzamahanga Mpanabyaha rwa Arusha kuva ku wa 8 Ukwakira 2008. Urubanza rwe rwatangiye ku wa 22 Nzeri 2009.

    Abarimo Ngirabatware wahoze ari Minisitiri w’Imari n’Igenamigambi bahamwe n’icyaha cyo gusuzugura urukiko