Blog
-
Bimwe wamenya kuri Mitsindo Yves wakiniye u Bubiligi akaba yahamagawe mu Mavubi(AMAFOTO) #rwanda #RwOT
Mitsindo Yves ukinira ikipe y’abatarengeje imyaka 18 ba Sporting Charleroi yo mu cyiciro cya mbere mu Bubiligi, ari mu bakinnyi 35 umutoza Habimana Lumumba Sosthene yahamagaye azitabaza muri CECAFA U23 izabera muri Ethiopia, uyu mukinnyi w’imyaka 18 yakiniye ikipe y’igihugu y’abato b’u Bubiligi.
Mitsindo Yves ni umunyarwanda wavutse tariki ya 9 Mutarama 2003, bivuze ko ubu afite imyaka 18, yavukiye mu Ntara y’Iburengerazuba mu Karere ka Rubavu, avuka kuri nyina w’umunyarwanda, Mitsindo Jeanne.
Uyu mukinnyi ukina mu gibuga hagati yugarira, ashobora no gukina afasha abashaka ibitego ageze mu Bubiligi yatangiye akina umupira bisanzwe, aza kwisanga mu ikipe ya Charleroi FC mu bato bayo bo mu cyiciro cya 3 aho yakinnye umwaka umwe.
Muri 2014 ubwo yari afite imyaka 11 yashimwe n’umutoza w’abatarengeje imyaka 12 ba Sporting Charleroi yo mu cyiciro cya mbere maze ahita amutwara yo, yayikiniye imyaka 3 maze ahita azamurwa mu batanrengeje imyaka 15 b’iyi kipe.
Ubwo yari mu batarengeje imyaka 15 ba Sporting Charleroi, yaje kugirirwa icyizere aba kapiteni wabo, ni nabwo yaje kubengukwa n’umutoza w’ikipe y’igihugu y’u Bubiligi y’abatarengeje imyaka 15, Pauwels Barry n’umwungiriza we Englebert Gaetan, bamuhamagara mu ikipe y’igihugu yakoze umwiherero mu Mujyi wa Tubize irimo kwitegura imikino yo ku Mugabane w’u Burayi mu cyiciro cy’abatarengeje imyaka 15.
Umwaka we wa mbere muri Sporting Charleroi yatsinze ibitego 23. Yaje kuzamurwa ubu akinira abatarengeje imyaka 18.
Yves yari afite inzozi zo kuzakinira ikinira ikipe y’igihugu y’u Bubiligi ariko na none atekereza u Rwanda nk’igihugu cyamwibarutse. Amakuru ISIMBI yamenye ni uko umubyeyi we ari we wegereye ikipe y’igihugu y’u Rwanda ababwira ko yifuza ko umwana we yazakinira u Rwanda.
Nta gihindutse uyu mukinnyi ategerejwe mu Rwanda ku munsi w’ejo tariki ya 27 Kamena 2021 aho azaba yitabiriye ubu butumire bw’imikino ya CECAFA U23 izabera muri Ethiopia tariki ya 3 kugeza 18 Nyakanga 2021.
Ubusanzwe akina mu kibuga hagati
Yabaye kapiteni wa Sporting Charleroi U15
Yahamagawe mu ikipe y’abatarengeje imyaka 15 mu Bubiligi
Yayikiniye imikino imwe n’imwe
Aha hari ku mukino wa gicuti u Bubiligi bwatsinze Switzerland 2-1 -
Goma: Perezida Kagame na Perezida Tshisekedi basuye ahangijwe n’iruka rya Nyiragongo #Rwanda #RwOT via @kigalitoday #rwanda #RwOT
Aherekejwe na Perezida Tshidekedi wamwakiriye ku mupaka munini uhuza Goma na Gisenyi uzwi nka La Corniche, basuye agace kangijwe n’iruka ry’ikirunga cya Nyiragongo cyarutse ku itariki 22 Gicurasi 2021.
Perezida Kagame ari kumwe na Perezida Tshisekedi basobanuriwe n’umuyobozi w’ikigo gishinzwe gukurikirana iruka ry’ibirunga OVG, ibigendanye n’ibirunga n’iruka ryabyo muri ako gace.
Abaturage benshi bari baje kwakira Perezida Kagame ku mihanda bakaba bavugaga mu kirwanyarwanda ngo “urakoze”, ijambo bakunze gusubiramo bitewe n’uburyo u Rwanda rwakiriye Abanyekongo bahungiye mu Rwanda mu gihe cy’iruka ry’ikirunga cya Nyiragongo.
-
Rwamagana: Abasagariye Gitifu bakamumenaho indobo y'urwagwa batawe muri yombi #rwanda #RwOT
Umugore n'umugabo bo mu Mudugudu wa Rujambara mu Kagari ka Nyabisindu mu Murenge wa Musha mu Karere ka Rwamagana, bamennye indobo y'urwagwa kuri Gitifu w'Akagari ubwo yabasangaga barucururiza mu rugo, batawe muri yombi.
Umunyamabanga Nshingwabikorwa w'Akagari ka Nyabisindu, Habineza Claude yahuye n'iri sanganya ku wa Kane tariki 24 Kamena ubwo we na bamwe mu bayobozi b'Imidugudu bajyaga kureba ko muri ruriya rugo hacururizwa inzoga.
Bageze muri ruriya rugo rwo mu Mudugudu wa Rujambara, basanze bari gucuruza urwagwa ndetse abanywi bari kwica akanyota ubundi umugabo wa ruriya rugo aramufata maze umugore na we amumena urwagwa kuri uriya Gitifu w'akagari.
Muhoza Théogène uyobora Umurenge wa Musha, 'Bari mu nama hanyuma bamenya amakuru y'ahantu abantu banywera inzoga, Gitifu ajyana na bamwe mu bakuru b'imidugudu. Mu gihe yabazaga impamvu bacuruza inzoga, umugabo yaramusatiriye aramufata umugore amumenaho indobo y'urwagwa.'
Uyu muyobozi avuga ko abari aho bahise batabara bafata umugore, umugabo we ariruka arabasiga, ni ko guhita bashyirikiriza inzego z'umutekano uriya mugore.
Naho umugabo wahise atangira gushakishwa n'inzego zirimo DASSO, yaraye afashwe nijoro ubwo yageragezaga gucikira mu Karere ka Gatsibo.
Muhoza Théogène asaba abaturage kubahiriza amabwiriza yashyizweho yo kwirinda ikwirakwira ry'icyorezo cya COVID-19 kandi ufashwe yayarenzeho akirinda kurwanya inzego.
-
Burera: Agaseke k’amahoro gafasha ababyiruka gukundana no kwirinda amacakubiri #Rwanda #RwOT via @kigalitoday #rwanda #RwOT
-
- Agaseke k’amahoro kabaremamo umutima w’urukundo aho kwironda
Ubuyobozi bw’Akarere ka Burera bukaba bwarasabye ko kuri buri kigo cy’ishuri iyo gahunda yubahirizwa kandi ikamenyeshwa ababyeyi ku buryo bafatanya n’abarimu gukurikirana ishyirwa mu bikorwa ryayo.
Umuyobozi w’ishuri ryigisha ubumenyingiro rya Gahunga TVET, Bayingana Jean Marie Vianey, avuga ko iyo gahunda yatumye abanyeshuri bakomeza kwiyumvamo Ubunyarwanda, kwirinda amacakubiri no kugira umuco w’urukundo.
Agira ati “Iyo umwana hano agize ikibazo cyo kubura ikayi, ikaramu cyangwa se akagira ibyago byo gupfusha umwe mu bagize umuryango we abanyeshuri bishyira hamwe buri wese mu bushobozi bwe bakamuremera bakamuba hafi bigatuma atigunga ahubwo akumva ko ari mu muryango umushyigikiye”.
Avuga ko bitandukanye n’uburezi bwa kera aho wasangaga abana bashyirwa mu byiciro bibabibamo amacakubiri ku buryo wasangaga bashyamirana aho gushyira hamwe ngo bafashanye, agahamya ko umuco wo gufashanya binyuze mu gaseke k’amahoro bizatuma bakurana umuco w’ubunyangamugayo.
Abanyeshuri biga kuri TVET Gahunga bavuga ko agaseke k’amahoro kabafashije gukemura ibibazo bagenda bahura nabyo birimo no gupfusha abagize imiryango yabo cyangwa ubushobozi bw’ibikoresho, bakishyira hamwe nta kurebanaho bagafasha uwagize ikibazo, ni ko basobanura ko iyo gahunda ishyize koko imbere Ubunyarwanda.
Umwe mu bana uherutse kubura umubyeyi kuri icyo kigo avuga ko inshuti ze zamubaye hafi kubera agaseke k’amahoro gatuma buri wese amenya uruhare afite kuri mugenzi we.
Agira ati “Mperutse gupfusha umubyeyi ariko abanyeshuri bagenzi banjye twigana banyitayeho cyane barantabara baramfasha numva sindi njyenyine, byamfashije kwihangana no gukomeza kumva nkomeye, amasomo yanjye nyakomeza nta kibazo cy’ihungabana ngize”.
Gahunda y’agaseke k’amahoro kandi inafasha mu burere bw’abana bwa buri munsi aho bo ubwabo bafatanyiriza hamwe guhugurana ku ishuri bigatuma buri mwana yibona muri mugenzi we kandi akabona ko guhugurana ku ishuri bituma bose bazamurana mu bumwenyi bwabo.
Gahunda y’agaseke k’amahoro kandi izaherekeza abanyeshuri mu nzira igana ku isoko ry’umurimo igihe bazaba basoje amasomo yabo, bagakorana ubunyangamugayo mu kazi kandi bagakorera hamwe.
Mu mashuri abanza na ho Agaseke k’amahoro karabafasha gukurana umuco wo gukundana no gufashanya
Abana biga mu mashuri abanza kuri GS Kirambo, bahamya ko iyo umwe muri bo yagize ikibazo bafatanyiriza hamwe kumwitaho nta kuvangura cyangwa kureba aho umuntu akomoka, bikaba bisobanuye ko bakurira mu bunyarwanda nyabwo.
Ku kigo cy’amashuri abanza cya Kirambo na ho gahunda y’Agaseke k’amahoro yarahageze kandi irimo gufasha abana bato gukurana umuco wo gukundana no gushyira imbere Ubunyarwanda.
Umuyobozi w’Ikigo cy’amashuri abanza cya Kirambo Mukarutwaza Alphonsine, avuga ko iyo umwana agize ikibazo ku ishuri bagenzi be bamuba hafi bakamuganiriza yaba afite ikibazo gikeneye ubufasha bakamwitaho kandi ababyeyi bakabibafashamo.
Agira ati “Turizera ko mu minsi iri imbere abana bacu bazaba ari abasore n’inkumi zibereye u Rwanda, ubundi cyera twigaga tuvangurwa ariko uyu munsi ibere twonsa abana bacu ni ukuba umwe bakirinda icyabatandukanya biratanga icyizere cy’u Rwanda rwiza rw’ejo hazaza”.
Ababyeyi barerera mu bigo by’amashuri mu Karere ka Burera bavuga ko Agaseke k’amahoro biyemeje kugashyigikira kuko gatuma abana babo birinda amakimbirane, amacakubiri n’indi myitwarire itari myiza ku ishuri.
-
-
Covid-19 yatumye Mbarushimana abagwa mu muhogo: Ubuhamya bwe burakomeye – #rwanda #RwOT
Mu buhamya bwa Mbarushimana yavuze ko ari mu bantu bakerensaga icyorezo cya Covid-19 mbere y’uko acyandura, ariko nyuma yaje kukirwara kiramuzahaza agera ku rwego rwo kuremba cyane.
Yagize ati “Ndi umwe mu bantu banduye Covid-19, nabagaho nk’umuntu uyisuzugura, nambaraga agapfukamunwa nkaregeza, sinamenye aho nayanduriye. Byabaye ibintu bikomeye kuko yarandembeje ndarwara ndaremba.”
Ubusanzwe umurwayi wa Covid-19 by’umwihariko uwarembye, hari ikigero ageraho bikaba ngombwa ko hifashishwa imashini zimwongerera umwuka cyangwa zikamufasha guhumeka.
Abahanga bavuga ko iyo bigenze gutyo, hifashishwa uburyo bwitwa ’Intubation’, aho imiyoboro y’imashini ifasha umurwayi guhumeka inyuzwa mu kanwa ke igahuzwa n’inzira ze z’ubuhumekero.
Iyo umurwayi akomeje gukenera imashini imufasha guhumeka nyuma y’iminsi umunani, uburyo bwo kunyuza imiyoboro y’imashini mu kanwa ntibuba bushobora gukomeza kwifashishwa, ahubwo abaganga babaga mu muhogo akaba ari ho banyuza ya miyoboro.
Ni uburyo buzwi nka ’Tracheostomy’ bukorwa iyo umurwayi amaze igihe arembye ku buryo akenera guhumekeshwa n’imashini.
Mbarushimana avuga ko nawe yageze kuri icyo kigero, abagwa mu muhogo kugira ngo babashe kumushyiramo udupira tumufasha guhumeka.
Ati “Aha ngaha banshyizemo imipira impa umwuka, ni ukuri njyewe sinigeze menya uwanyanduje uwo ariwe. Ikindi nababwira ni ukwirinda, ukirinda kujya aho abantu benshi bateraniye, ukabafata nk’aho buri wese yakwandura Covid-19.”
Abaturarwanda barasabwa gukomeza kubahiriza amabwiriza atangwa n’inzego z’ubuzima mu gukumira ikwirakwira ry’icyorezo, arimo kwambara agapfukamunwa neza, guhana intera, gukaraba intoki kenshi cyangwa gukoresha umuti wica udukoko igihe cyose wakoze aho abandi bantu bakoze.
Barasabwa kwirinda kwikorakora mu maso, ku izuru no ku munwa, ndetse bakishyurana bakoresheje ikoranabuhanga aho bishoboka hose mu rwego rwo kugabanya ibyago byo kwandura icyorezo cya Covid-19.
Nabayeho nsuzugura #COVID19 nkambara agapfukamunwa nkaregeje. Sinamenye uwanyanduje, cyangwa aho nayanduriye. Nararembye kugeza aho nahumekeraga mu gapira gacishijwe mu muhogo. Fata umuntu wese nk’uwakwanduza wirinde kujya ahateraniye abantu benshi.
Joseph Mbarushimana pic.twitter.com/WfEGajB8sd
— Ministry of Health | Rwanda (@RwandaHealth) June 25, 2021
-
Rwamagana: Umugore n’umugabo bakoreye umuyobozi urugomo – #rwanda #RwOT
Ibi byabereye mu Mudugudu wa Rujambara mu Kagari ka Nyabisindu mu Murenge wa Musha mu Karere ka Rwamagana.
Umunyamabanga Nshingwabikorwa w’Umurenge wa Musha, Muhoza Théogène, yabwiye IGIHE ko aba baturage bamennye ikigage n’inzoga kuri Gitifu w’Akagari ubwo yari ari mu kazi ko kugenzura uko amabwiriza yo kwirinda COVID-19 ari gushyirwa mu bikorwa kuko muri uyu Murenge habarurwa abarwayi 19.
Ati “ Bamumenaho urwagwa, hanyuma agize ngo arababwira ibi n’ibi, umugabo aramufata umugore amusukaho urwagwa n’ikigage.”
Muhoza yakomeje avuga ko abari bari aho bahise batabara bafata umugore, umugabo we ariruka arabasiga, ngo hahise hoherezwa Dasso ijya kuzana uwo mugore, umugabo we na we ngo yaraye afashwe nijoro ubwo yageragezaga gucika ajya i Gatsibo.
Uyu muyobozi yakomeje avuga ko icyaha cyakozwe ari icy’abantu ku giti cyabo gusa ngo bamaze n’iminsi bahura n’ibibazo nk’ibi by’aho bamwe mu baturage bafatwa batambaye udupfukamunwa bagatongana bamwe banashaka kurwana.
Yasabye abaturage kwirinda gusagarira ubuyobozi kandi bagashyira mu bikorwa ingamba zo kwirinda ngo kuko icyorezo cyakajije umurego.
Ati “ Abaturage turabasaba gukurikiza amabwiriza yo kwirinda COVID-19 kuko abantu baragenda badohoka imibare ikazamuka ari nako icyorezo kidutwara abantu benshi, abaturage rero barasabwa kubaha ubuyobozi kuko hari ibyo amategeko ateganya ku muntu uhutaza uri mu nshingano ze utazajya abikora azajya ahanwa kimwe n’uko umuyobozi wahohotera umuturage ahanwa.”
Kuri ubu aba baturage bafungiwe kuri sitasiyo ya RIB ya Musha mu gihe barindiriye kugezwa imbere y’ubutabera.
-
Sudani y’Epfo: Itsinda ry’Abapolisi b’u Rwanda ryasoje ubutumwa bwa Loni – #rwanda #RwOT
Aba bapolisi bagarutse mu Rwanda kuri uyu wa Gatanu tariki ya 25 Kamena nyuma yo gusoza inshingano z’akazi muri Sudani y’Epfo.
Iri tsinda ry’abapolisi 160 ryari riyobowe na CSP Carlos Kabayiza, bageze ku kibuga mpuzamahanga cy’indege cya Kigali i Kanombe ahagana saa saba z’amanywa.
Bakiriwe n’Umuyobozi w’Ishami rya Polisi rishinzwe abakozi, ACP Yahaya Kamunuga, wari uhagarariye ubuyobozi bwa Polisi y’u Rwanda ari kumwe n’abandi bayobozi muri Polisi y’u Rwanda.
RWAFPU-2 ni rimwe mu matsinda atatu y’Abapolisi b’u Rwanda bari mu butumwa bw’Umuryango w’Abibumbye bugamije kubungabunga amahoro muri Sudani y’Epfo, batangiye izi nshingano mu 2017.
Ubwo yakiraga Abapolisi bagarutse mu Rwanda, ACP Kamunuga yabashimiye uko bakoze inshingano zari zarabajyanye muri kiriya gihugu ndetse bakaba barahagarariye neza u Rwanda.
Ati “Polisi y’u Rwanda irabashimira uko mwitwaye mugahagararira igihugu neza mu butumwa mwari murimo muri Sudani y’Epfo, tubahaye ikaze mu gihugu. Musize isura nziza n’umurage mwiza nk’abanyarwanda muri kirya gihugu. Muraje rero mufatanye n’abandi gukora akazi nk’uko bisanzwe kandi ari nako mukomeza kwirinda no kubahiriza amabwiriza yo kurwanya Covid-19.”
CSP Kabayiza wari uyoboye iri tsinda ryasoje ubutumwa bw’amahoro, ubwo bageraga i Kanombe yabwiye itangazamakuru ko bakoze neza akazi bari bashinzwe.
Yagize ati “Twakoze neza akazi twari dushinzwe nk’uko abatubanjirije bagakoze neza bagahesha ishema igihugu cyacu, mu shingano twari dufite, twari dushinzwe kurinda umutekano w’abaturage bakuwe mu byabo n’intambara, twakoraga irondo ku manywa na n’ijoro mu Mujyi wa Juba, twarinda umutekano w’abayobozi n’abakozi b’ubumuryango w’abibumbye n’ibikoresho byabo n’ibindi bikorwa bitandukanye bimwe twafatanyaga n’abaturage baho bigamije imibereho myiza n’iterambere. “
Umuyobozi w’iri tsinda ryagarutse yavuze ko bishimiye kuba bagarutse mu gihugu cyabo amahoro bakaba baniteguye gukora akazi nk’uko bisanzwe bafatanyije n’abagenzi babo no gukomeza gukangurira abaturarwanda kubahiriza amabwiriza yo kurwanya ikwirakwira rya Covid-19.
Aba bapolisi bashimiwe akazi keza bakoze muri Sudani y’Epfo
I Kigali bakiriwe hakurikijwe ingamba zo kwirinda Covid-19
RWAFPU-2 ni rimwe mu matsinda atatu y’Abapolisi b’u Rwanda bari mu butumwa bw’Umuryango w’Abibumbye bugamije kubungabunga amahoro muri Sudani y’Epfo, batangiye izi nshingano mu 2017
Aba bapolisi bagarutse mu Rwanda kuri uyu wa Gatanu tariki ya 25 Kamena nyuma yo gusoza inshingano z’akazi muri Sudani y’Epfo
-
Saa 13:14′ Perezida Tshisekedi yakiriye Kagame i Goma nanone bajyana mu modoka imwe #rwanda #RwOT
Ku isaaha ya saa 13:14′ ni bwo Perezida Kagame yari ageze ku muri Repubulika Iharanira Demokarasi ya Congo ku mupaka wa Goma aho yakiriwe na mugenzi we Felix Tshisekedi na we wari wamwakiriye ejo hashize.
Nk’uko byagenze ejo ubwo Perezida Kagame Paul yakiraga mugenzi we Tshisekedi bakajyana mu modoka, uyu munsi na bwo ni ko byagenze aho Perezida Felix Tshisekedi akimara kwakira mugenzi we Paul Kagame bahise bagenda mu modoka imwe bahita berecyeza i Goma.
Ni ikimenyetso cy’ubushuti bw’aba bakuru b’Ibihugu by’ibituranyi byigeze kugira umubano urimo agatotso ariko ubu bikaba bibanye neza.
Biteganyijwe ko Perezida Kagame na mugenzi Felix Tshisekedi bahita basura bimwe mu bikorwa byangijwe n’iruka ry’ikirunga cya Nyiragongo ubundi bakaza gutambutsa imbwirwaruhame zigenewe abaturage b’ibihugu byombi.
Nyuma y’ijambo ry’abakuru b’Ibihugu, haraba ikiganiro n’Abanyamakuru bo ku mpande zombi ndetse n’ibitangazamakuru mpuzamahanga byifuza kumva ibitangazwa n’aba bakuru b’Ibihugu bakomeje kugaragaraza imikoranire myiza.
UKWEZI.RW
-
Kajugujugu yari itwaye Perezida wa Colombia yarashwe Imana ikinga akaboko #Rwanda #RwOT via @kigalitoday #rwanda #RwOT
-
- Iyo ndege yageze ku butaka amahoro
Icyakora Umuvugizi wa Perezidansi ya Colombia yavuze ko nta muntu wakomerekeye muri uko kuraswa kw’iyo ndege.
Perezida Duque yamaganye icyo gikorwa cyo kurasa indege yari arimo, kuko ngo ni icy’ubugwari, yavuze ko adatewe ubwoba n’ibikorwa “by’ubugome cyangwa se by’iterabwoba”.
Muri videwo yahise ishyirwa kuri Twitter, Perezida Duque yagize ati “Leta yacu irakomeye, Colombia irakomeye kandi ifite ubushobozi bwo guhangana n’ibikorwa nk’ibi by’iterabwoba. Inzego z’umutekano zahawe amabwiriza yo gushaka ababigizemo uruhare”.
Abaturiye ahabereye icyo gikorwa bavuze ko bumvise ikintu gikubita kuri moteri y’iyo kajugujugu mu gihe yari irimo kumanuka ishaka kugera ku butaka.
Hari umutwe witwa National Liberation Army (ELN) ukorera mu gace ka Catatumbo hafi y’umupaka uhuza Colombia na Venezuela, ari na wo ukekwaho icyo gitero, uwo mutwe washinzwe mu 1964, ukaba ugamije kurwanya ubusumbane mu bijyanye no gusaranya ubutaka n’umutungo.
ELN ni wo mutwe w’inyeshyamba ukomeye kurusha indi ubarizwa muri icyo gihugu cya Colombia.
-
- Indege yarashwe ariko nta muntu wakomeretse
Igihugu cya Colombia, Leta Zunze Ubumwe za Amerika ndetse n’Umuryango w’Ubumwe bw’ibihugu by’i Burayi bifata ELN nk’umutwe w’iterabwoba.
Mu ntangiriro z’uku kwezi, ELN yahakanye ivuga ko nta ruhare yagize mu gutega igisasu imodoka ya gisirikare i Cúcuta. Muri icyo gikorwa cy’ubwiyahuzi ngo hakomerekeyemo abantu 36, harimo abajyanama mu bya gisirikare babiri b’Anyamerika.
-
