Webrwanda Backend

Blog

  • Abaganga n'abaforomo/kazi b'abashomeri muri Kenya bemerewe kujya gukorera muri UK #rwanda #RwOT

    Kenya yagiranye amasezerano n'Ubwongereza azemerera abaforomo/kazi n'abandi baganga badafite akazi kujya gukorera mu Bwongereza.

    Minisitiri w'umurimo wa Kenya Simon Chelugi na Minisitiri w'ubuzima w'Ubwongereza Sajid Javid basinye ayo masezerano ku munsi wa gatatu w'uruzinduko rwa Perezida Uhuru Kenyatta i Londres.

    Ibi ni ku bakozi mu buvuzi b'Abanyakenya babifitiye ubumenyi ariko badafite akazi, bikagenzurwa neza mu nyungu za Kenya, nk'uko itangazo rya leta y'Ubwongereza ribivuga.

    Ibi byasabwe na Kenya bizaha abakozi b'ubuvuzi n'abakuru b'uru rwego ba Kenya koroherezwa mu mikorere y'abashinzwe abinjira n'abasohoka mu Bwongereza.

    Amakuru yose y'ibizakorwa muri aya masezerano azatangazwa mbere y'ukwezi kwa cumi.

    Ihuriro ry'abavuzi muri Kenya mu myaka ishize ryatangaje impungenge zaryo ku rugero rukabije rw'ubushomeri mu baganga n'abaforomo/kazi mu gihugu.

    Aya masezerano ni inkuru nziza ku bakozi benshi mu buvuzi muri Kenya basanzwe bakorera mu buryo bubi, bahembwa macye, hamwe na bashobora no kudahembwa mu gihe cy'amezi.

    Gusa kandi hari ubwoba ko ibi bishobora gutera kugenda kw'abahanga benshi.

    Ubu, hari abakozi hafi 900 b'Abanyakenya bakora mu rwego rw'ubuvuzi rwa leta y'Ubwongereza, nk'uko abategetsi mu Bwongereza babivuga.

    Ibi bihugu byombi byanatangije ikiswe Kenya-UK Health Alliance kizazamura ubufatanye mu bushakashatsi hagati ya za kaminuza mu bihugu byombi n'ibitaro byigisha abavuzi.

    Ubu bufatanye buzafasha kuzamura ubuvuzi bwa cancer muri Kenya.

    BBC

    Source : http://umuryango.rw/amakuru/mu-mahanga/ubuzima/article/abaganga-n-abaforomo-kazi-b-abashomeri-muri-kenya-bemerewe-kujya-gukorera-muri

  • Umukobwa wabumbaga amatafari akayagurisha kugira ngo yige yarangije kaminuza #rwanda #RwOT

    Umukobwa witwa Sharon Mbabazi wo mu gihugu cya Uganda yakoze benshi ku mutima nyuma yo kurangiza Kaminuza abifashijwe no kubumba amatafari menshi yarangiza akayagurisha abayakeneye.

    Sharon yabumbye amatafari kenshi kugira ngo abone amafaranga y'ishuri,hashyizwe amafoto ku mbuga nkoranyambaga agaragaza ko yarangije muri kaminuza yitwa Muteesa I Royal University.

    Nubwo bamwe bava mu ishuri kubera amafaranga y'ishuri,Sharon we yirwanyeho ntiyarivamo kugeza arangije kaminuza ndetse nta n'uwamuteye inkunga.

    Uwashyize hanze amafoto y'uyu mukobwa yavuze ko abantu bakwiriye kwiga ko kwihangana ari urufunguzo rw'intsinzi.

    Uwitwa Elphas Saizi, washyize hanze iyi nkuru,yavuze ko Sharon yabuze nyina akiri muto ku myaka 5 hanyuma ahita atangira kwirwanaho ari nabwo yize kubumba amatafari akayagurisha.

    Uyu mugabo yashyize hanze ifoto ya Sharon ari imbere y'amatafari n'indi yarangije kaminuza bituma agira inama abantu yo kwiga kwihangana.

    Mu kiganiro yahaye abanyamakuru,yavuze ko abanyeshuri biganye bajyaga bamusuzugura bakamwita umukene ndetse ngo ntibifuzaga kuba inshuti ze kubera ko asa nabi.

    Source : http://umuryango.rw/ubuzima-115/udushya/article/umukobwa-wabumbaga-amatafari-akayagurisha-kugira-ngo-yige-yarangije-kaminuza

  • Abantu 11 bahitanwe na Covid-19 mu Rwanda abandi 965 barayandura #rwanda #RwOT

    Abantu 965 nibo banduye icyorezo cya COVID-19 mu masaha 24 ashize, bangana na 9.7%.Kigali na Muhanga niho hari imbere mu habonetse abarwaye benshi.

    Abantu 23 ni bo basezerewe mu bitaro, mu gihe n'abahawe ibitaro na bo bagera kuri 23.

    Inzego z'ubuzima ziraburira abaturarwanda kwitwararika kuko mu Gihugu hageze ubwoko bwa COVID-19 yihinduranyije bwitwa Delta bugize 56.6% y'ubwandu bushya, bukaba bwandura vuba kandi bugatuma abantu banaremba vuba ndetse bamwe bakagira n'ibyago byinshi byo kubura ubuzima.

    Guverinoma y'u Rwanda yafashe ingamba nshya zigamije guhosha umuvuduko w'ubwandu bw'iki cyorezo, Kubera ubwiyongere budasanzwe bwa COVID-19 mu Mujyi wa Kigali no mu Turere twa Burera, Gicumbi, Kamonyi, Musanze, Nyagatare, Rubavu, Rwamagana na Rutsiro; hafashwe icyemezo cyo gushyira Umujyi wa Kigali n'utwo Turere muri Gahunda ya Guma mu Rugo (lockdown); guhera ku italiki ya 27 kugeza ku ya 31 Nyakanga 2021.

    Ni mu gihe hari n'indi mirenge igera kuri 50 yo mu tundi Turere yashyizwe muri Guma Mu Rugo kuko ifite ubwandu buri hejuru cyane.

    Muri iki gihe cya Guma Mu Rugo, Inzego z'ubuzima zikomeje ibikorwa byo gupima no gukingira COVID-19 hagamijwe guharanira kwita ku banduye ndetse no gukumira ko ubwandu bushya bukomeza gukwirakwizwa. Ibi bikorwa byongerewemo imbaraga nyinshi mu Mujyi wa Kigali n'utwo turere tundi turi muri gahunda ya Guma Mu Rugo.

    Minisiteri y'Ubuzima igaragaza ko ubwandu bw'icyorezo bukiri ku kigero gikabije kuko hari utugari dutandukanye ubwandu bukiri hejuru ya 5% mu gihe ubwandu budakanganye buba buri munsi ya 3%.


    Source : http://umuryango.rw/amakuru/mu-rwanda/ubuzima/article/abantu-11-bahitanwe-na-covid-19-mu-rwanda-abandi-965-barayandura

  • Umuhanzi Nsengiyumva Francois uzwi nk'”Igisupusupu” agiye gufungwa iminsi 30 y'agateganyo #rwanda #RwOT

    Ni icyemezo cyafashwe n'Urukiko rw'Ibanze rwa Kiramuruzi, nk'uko amakuru dukesha IGIHE abivuga.

    Nsengiyumva watawe muri yombi ku wa 30 Kamena yaburanaga ifungwa n'ifungurwa, ariko urukiko rwafashe umwanzuro wo kumufunga iminsi 30 y'agateganyo mu gihe iperereza rigikomeje.

    Icyemezo cyo gufunga mu buryo bw'agateganyo Nsengiyumva cyafashwe hashingiwe ku kuba ibyaha akurikiranyweho bihanishwa igifungo kiri hejuru y'imyaka ibiri ku muntu wabihamijwe.

    Uyu muhanzi uri mu bigaruriye imitima ya benshi mu bakunzi b'umuziki mu 2019, binyuze mu bihangano bye bibyinitse, ubu afungiye muri Gereza ya Rwamagana.

    RIB yatangaje ko ibyaha Nsengiyumva akuriranyweho yabikoreye mu Mudugudu wa Rubaya, Akagari ka Rubona, Umurenge wa Kiziguro mu Karere ka Gatsibo ku wa 18 Kamena 2021.

    Aramutse ahamijwe ibyaha akurikiranyweho yahanishwa ibihano bitandukanye birimo n'igifungo cya burundu. Itegeko riteganya ko gusambanya umwana bihanishwa ingingo ya 133 ivuga ko iyo gusambanya umwana bikorewe k'uri munsi y'imyaka 14 ahanishwa igifungo cya burundu kidashobora kugabanywa kubera impamvu nyoroshyacyaha.

    Icyaha cyo gukoresha imirimo y'agahato, ubucakara cyangwa indi mirimo ifitanye isano na byo gihanwa n'ingingo ya 22 ivuga ko iyo icyaha gikorewe umwana, undi muntu wese udafite ubushobozi bwo kwirwanaho nk'umugore utwite cyangwa umuntu ufite ubumuga, ugihamijwe ahanishwa igifungo kitari munsi y'imyaka 10 ariko kitarenze 15 n'amafaranga y'u Rwanda atari munsi ya 10.000.000 Frw ariko atarenze 15.000.000 Frw.

    Nsengiyumva François yamamaye mu ndirimbo zitandukanye zirimo ''Mariya Jeanne'' yamenyekanye nka ''Igisupusupu'', ''Icange Cange'' na ''Rwagitima''.

    Mu 2009 ni bwo yatangiye gucuranga umuduri nk'umwuga akajya azenguruka mu masoko no mu tubari dutandukanye mu Ntara y'Iburasirazuba. Avuka mu Murenge wa Kiramuruzi ho mu Karere ka Gatsibo.

    Source : http://umuryango.rw/amakuru/mu-rwanda/ubutabera/article/umuhanzi-nsengiyumva-francois-uzwi-nk-igisupusupu-agiye-gufungwa-iminsi-30-y

  • Haruna Niyonzima na Emery Bayisenge bamaze kwerekeza muri AS Kigali #rwanda #RwOT

    Ku gicamunsi cyo kuri uyu wa kane nibwo Perezida wa AS Kigali Shema Fabrice yabwiye Radio B&B FM UMWEZI ko aba bakinnyi bombi bamaze kumvikana n'iyi kipe ndetse ko kuri Haruna we nta gihindutse byarara birangiye.

    Shema yagize ati 'Haruna bitarenze uyu munsi muraza kubibona birangiye neza.Yari yadusabye ko ibyo muri Tanzania birangira.'

    Abajijwe niba yaha abafana ba AS Kigali icyizere kidakoka ko azakinira iyi kipe,Shema yagize ati 'Cyane.'

    Haruna Niyonzima yari yasubiye muri Young Africans mu Ukuboza 2019 ubwo yari asoje igice cy'umwaka yari yasinye muri AS Kigali bivuze ko yongereye amasezerano y'umwaka usanga undi wari urangiye muri iyi kipe yambara umuhondo n'icyatsi.

    Haruna Niyonzima, yari amaze imyaka isaga 10 muri Tanzania, kuko yageze muri Young 2011ageza 2017 aza kuhava yerekeza muri SC Simba yavuyemo nyuma y'imyaka 2 yerekeza muri AS Kigali yakiniye igice kibanza cya Shampiyona akongera agasubira muri Young Africans.

    Haruna yamenyekanye akinira Etincelles FC mu 2005, ahava ajya muri Rayon Sports yakiniye hagati ya 2006 na 2007 mbere y'uko ajya muri APR FC yakiniye imyaka ine ayivamo muri 2011 yerekeza muri Tanzania.

    Iyi kipe ya AS Kigali iteganya guhinduka Kigali FC, iri kwiyubaka n'inyuma y'ikibuga kuko yazanye ikirango gishya kirimo Kigali Convention Centre iranga umufatanyabikorwa wayo mukuru ari we Umujyi wa Kigali.

    Ikirango gishya cya AS Kigali cyamuritswe ku wa Gatatu, tariki ya 28 Nyakanga 2021, kiri mu ibara ry'ubururu mu ruziga rurimo imirongo y'umuhondo n'ishusho ya Kigali Convention Centre hagati.

    Munsi y'iyo shusho ya Kigali Convention Centre, hagaragaza ko ikipe yashinzwe mu 1999 mu gihe kandi inyuma yaho imitako izwi nk'imigongo isanzwe imenyerewe mu kurimbisha ibintu bitandukanye mu muco wa Kinyarwanda.

    AS Kigali yabaye iya kabiri muri Shampiyona ya 2020/21, izaserukira u Rwanda muri CAF Confederation Cup ku nshuro ya gatatu yikurikanya.

    Abakinnyi AS Kigali imaze gusinyisha:

    Fiacre Ntwari
    Denis Rukundo
    Rugwiro Herve
    Mugheni Fabrice
    Butera Andrew
    Robert Saba
    Ghilain Uwimana
    Niyibizi Ramadhan
    Bayisenge Emery

    Source : http://umuryango.rw/imyidagaduro/imikino/article/haruna-niyonzima-na-emery-bayisenge-bamaze-kwerekeza-muri-as-kigali

  • Umwalimu w'amashuri abanza yarahiriye kuba perezida wa Peru #rwanda #RwOT

    Pedro wavukiye mu gace k'icyaro kari mu dukennye cyane mu gihugu, yakuze afasha ababyeyi be batize imirimo y'ubuhinzi. Ari umunyeshuri muto, yagendaga n'amaguru amasaha arenga abiri kugira ngo agere ku ishuri.

    Nyuma yaje kuba umwalimu ku ishuri ribanza, akazi yakoze imyaka 25, n'umukuru w'urugaga rwabo. Mu gutumbagira akagera ku butegetsi, nubwo nta nararibonye na nke ku butegetsi, mu 2021 yatorewe kuba perezida wa Peru atowe cyane n'abo mu cyaro aho yakuriye.

    “Ntihazongere kuba umukene mu gihugu gikize!” niyo yari intero ye mu kwiyamamaza, mu kuvuganira abaturage ba Peru barakajwe n'ubukene. Rimwe yagize ati: “Nzi ibyo ari byo gukubura ishuri.”

    Pedro Castillo wiyita umuntu wa rubanda, ni gacye cyane yabonetse atambaye ingofero yera y'umuco w'iwabo ahitwa Cajamarca, cyangwa adafite 'crayon/pencil' nini cyane, ikirango cy'ishyaka ry'abemera politiki ya Karl Marx rya Peru, inasobanura akahise ke mu burezi.

    Avuga ko iki gihugu kitigeze kiyoborwa mu nyungu za rubanda nyamwinshi, kandi yasabye ko haba “impinduka zikomeye” mu kurwanya ubukene n'ubusumbane, zirimo guhindura itegeko nshinga.

    Abatavuga rumwe na we bagerageje kumugaragaza nk'umuhezanguni ufite ihuriro n'imitwe y'inyeshyamba zifite amatwara ya gikomunisti, ibyo we ahakana. Abamunenga kandi bavuga ko imwe mu migambi ye ishyira mu kaga iki gihugu kiri mu bifite ubukungu butajegajega muri Amerika y'Epfo.

    Igihe kirageze'

    Ni umwana wa gatatu mu bana icyenda iwabo, ubu afite imyaka 51, yigishije mu ishuri ribanza kuva mu 1995 kugeza mu 2020. Yagaragaje akayihayiho ka politiki mu 2002 ubwo yiyamamarizaga kuba umuyobozi w'akarere (mayor) agatsindwa, yamenyekanye bwa mbere mu 2017 mu myigaragambyo igendanye n'imishahara y'abalimu.

    Nubwo atari azwi cyane mu mijyi, uyu mwaka yiyamamarije kuba perezida, mu buryo butunguranye atsinda icyiciro cya mbere, ahigitse abandi bakandida 17. Arakomeza atsinda Keiko Fujimori, wahabwaga amahirwe unashyigikiwe n'abakuriye abacuruzi, akaba n'umukobwa w'uwahoze ari perezida wa Peru Alberto Fujimori.

    Intsinzi ye, amurushije amajwi 40,00 gusa, yemejwe nyuma y'icyumweru babara amajwi aho ababishinzwe bongeye gusubiramo amajwi yari yabonywe na Fujimori.

    Yagize ati: “Igihe kirageze ngo duhamagarire inzego zose kubakira hamwe…Peru idaheza, Peru idasumbanya, Peru yisanzuye.”

    Pedro Castillo yabashije kunyura benshi mu batuye iki gihugu barambiwe n'inkuru za ruswa zikomeye zaranze politiki mu myaka myinshi.

    Peru ifite igipimo kinini kurusha ibindi ku isi cy'abicwa na Covid-19 ubaze ku mubare w'abatuye igihugu, n'ukuzahara k'ubukungu kwashyize miliyoni nyinshi mu bukene.

    Arateganya kuzamura imisoro y'ubucukuzi bw'amabuye y'agaciro kugira ngo ashyira imari mu bikorwa rusange, nk'uburezi n'ubuzima aho iki cyorezo cyagaragaje ibibazo birimo, akanahanga imirimo ibarirwa muri za miliyoni ku mwaka.

    Yagiye yoroshya zimwe mu mpande yari ariho zihejeje inguni, nk'aho yavugaga ko azegurira leta ibice bikomeye by'ubukungu, nk'ubucukuzi bw'amabuye y'agaciro, ibitoro, ingufu z'amazi na gazi akanizeza kubaha iby'abantu ku giti cyabo.

    Kimwe mu bikomeye yizeje cyari ugusaba ko habaho referandumu kugira ngo Inteko ishingamategeko yandike irindi tegeko nshinga risimbura iryo mu 1993 ku bwa Alberto Fujimori.

    Castillo yasabaga ko hashyirwaho itegekonshinga rifite “ibara, impumuro n'icyanga cya rubanda”.

    Ariko bizamusaba kubiharanira mu mitwe yombi y'inteko ishingamategeko aho badakozwa izo mpinduka.

    Castillo, w'umunyagatolika arwanya yeruye gushyingira abahuje igitsina kimwe no gukuramo inda. Yashakanye na Lilia Paredes, nawe w'umwalimukazi, bafite abana babiri.

    Umuryango we wimukiye mu murwa mukuru, Lima, mbere gato y'uko arahira kuwa gatatu w'iki cyumweru, aho irahira rye ryanahuriranye n'isabukuru y'imyaka 200 y'ubwigenge bwa Peru.

    Uyu mugabo yavuze ko ataje kwigwizaho ubukire, ahubwo ko ashaka ko umushahara we uzaba ungana n'uwo yahembwaga nka mwalimu.

    BBC

    Source : http://umuryango.rw/amakuru/mu-mahanga/politiki/article/umwalimu-w-amashuri-abanza-yarahiriye-kuba-perezida-wa-peru

  • Umuhanzi Umutare Gaby nyuma y'imyaka 4 yagarutse mu muziki mu ndirimbo nshya[Video] #rwanda #RwOT

    Iyi ndirimbo irimo ubutumwa bwo kwigisha abantu gucisha make no kubaha buri wese kuko umuntu agirwa n'abandi.

    Hari aho agira ati 'Mbona rirasa nta bundi bufindo, n'ubwo iminsi idasa tubana nayo. Utamenyera iposho andinde n'ijambo, uwo arutwa n'umugambanyi wangaburira. Mutima soma ku tuzi umanure agahinda, nzakurinda umwijima. Abantu niwe muntu, kandi umuntu niwe bantu.'

    Umutare Gaby usigaye abarizwa muri Australia n'umuryango we, yaherukaga mu muziki mu myaka ine ishize aho yasize ku isoko indirimbo eshanu: 'True Love', 'Urangora', 'Mesa kamwe', 'Ntunkangure' ndetse na 'Ntawundi' igaragaramo umunyamideli Shaddyboo, yabaye intangiriro y'umuziki we.

    Uyu muhanzi yagiye mu mahanga asize umuvandimwe we Andy Bumuntu yinjiye mu muziki, ndetse ari mu bahagaze neza. Kuva yakora ubukwe, Umutare ntiyongeye kumvikana mu muziki kugeza ubwo mu ntangiriro za Nyakanga 2021, yatangazaga ko igihe kigeze kugira ngo agaruke mu muziki.

    Mu minsi icyenda ishize, uyu muhanzi yanditse kuri konti ye ya Instagram avuga ko igihe gikwiye cyari iki ngo agaruke mu muziki. Ni indirimbo avuga ko 'yitezeho gucengera no mu misokoro y'abantu'.

    Asohora iyi ndirimbo kuri uyu wa Kane tariki 29 Nyakanga 2021, yabwiye abafana be n'abakunzi b'umuziki ko aho abagabo basezeraniye ariho bahurira. Ati 'Ng'ibyo ibyo nabasezeranyije bantu banjye.'

    Muri iyi ndirimbo avuga ko 'abantu ari we muntu kandi umuntu ari we bantu'. Akabuza abantu kwigira nyirandabizi, ko hakenewe ibikorwa kurusha amagambo.

    Mu gice cyibanza kigaragaramo umugore we, amubwira ko azamurinda agahinda. Ati 'Mutima mutima soma kutuzi umanura agahinda. Ibindi nawe uzirwanaho.'

    Mu buryo bw'amajwi iyi ndirimbo yakozwe na The Major ukorera muri studio 'Back Stage Studio' naho 'Official Lyric video' yakozwe na Bjc Official.

    Source : http://umuryango.rw/imyidagaduro/article/umuhanzi-umutare-gaby-nyuma-y-imyaka-4-yagarutse-mu-muziki-mu-ndirimbo-nshya

  • Ubufaransa: Abapasiteri 2 b'abagore bashyingiranwe ,abayoboke bitorero ryabo babiha umugisha[AMAFOTO] #rwanda #RwOT

    Ubu bumkwe bwa Émeline Daudé and Agnès Kauffmans bwabaye kuri uyu wagatandatu tariki ya 24 Nyakanga 2021, bubera murusengero aba bose basanzwe bayobora rwa Maguelone mu Mujyi Montpellier wo mu majyepfo y'Ubufaransa.

    N'ibirori byabereye imbere y'imbaga y'abakristu basanzwe bayobora ndetse nabo bishimiye cyane kubona abayobozi babo bagiye kubaka urugo rwabo.

    Ubukwe bwabo bwatashywe n'abantu benshi biganjemo abasegera muri iri torero aho wabonaga bose bafotora buriwese ashaka gutahana agafoto k'urwibutso.

    Aba bagore umwe afite imyaka 33 undi afite 31, bavugako bazakora inshingano zabo neza,nkuko umugabo n'umugore bazikora,imihango y'ubukwe bwabo yabanjirijwe no kwambikana impeta,taliki ya 22 Nyakanga ,aho umwe yasabaga undi ko yakwemera kumubera umugore.

    Agnès ashimangira ati'Nuburyo bwo kuvuga ko turi couple nk'abandi turishimye cyane ko tubaye umwe.'

    Aba bombi bivugwako bahuye ubwo bose batangiraga kwiga ibya tewolojiya,nyuma urukundo rwabo rwaje gukomera kugeza ,ubwo bemeranyije kubana ,umwe akaba umugabo undi akaba umugore n'ubwo bose ari abagore.

    Mu mwaka 2015 nibwo Itorero ry'Abaporotesitanti mu Bubufaransa ryemeje kumugaragaro ishingiranwa ryemewe ry'ababana bahuje ibitsina.

    international.la-croix.com

    Source : http://umuryango.rw/ubuzima-115/udushya/article/ubufaransa-abapasiteri-2-b-abagore-bashyingiranwe-abayoboke-bitorero-ryabo

  • Meddy yahishuye ko yakiriye agakiza #rwanda #RwOT

    Umuhanzi Meddy uhagaze neza mu muziki we, yatangaje ko yakiriye Yesu nk'umwami n'umukiza, ahishurira abakunzi be ko yamaze kumuhindurira ubuzima ndetse ubu yishimira uko abayeho mu gakiza.

    Abinyujije ku rukuta rwe rwa Twitter, Meddy yavuze ko aherutse kubwira inshuti ze za hafi ko yakiriye agakiza bamwe bakagira ngo ni imikino.

    Ati 'Mperutse kubwira inshuti zanjye ko nahindutse zigira ngo ndikinira. Mu by'ukuri Yesu yampinduriye ubuzima. Ubu ndi kugendera mu nzira y'urukundo n'amahoro.'

    Meddy yahoze ari umukiristo mbere yo kwinjira mu muziki usanzwe ndetse yabanje kuba umuririmbyi w'indirimbo zihimbaza Imana.

    Yakoze indirimbo zihimbaza Imana nka “Ungirira Ubuntu,Holy Spirit n'izindi”.

    Source : http://umuryango.rw/imyidagaduro/imikino/article/meddy-yahishuye-ko-yakiriye-agakiza

  • Ingabo 22 zaguye mu mirwano yashyamiranyije FARDC n'inyeshyamba za ADF #rwanda #RwOT

    Iyi mirwano yabereye mu gace ka Boga /Tchabi gahereye mu majyepfo ya Teritwari ya Irumu mu Ntara ya Ituri, hari kuwa 26 Nyakanga 2021nkuko itangazo ryashyizwe ahagaragara na Guverineri w'intara ya Ituri Lt Gen Johnny Nkashama Luboya ribivuga.

    Gen Nkashama yasezeranije abaturage ko ingabo za Congo ziteguye guhangana n'uyu mutwe uko byagenda kose, kugeza ubwo umuturage wa Ituri azaba afite umutekano urambye.

    Mu ijambo Uyu muyobozi yavugiye mu muhango wo gusezera ku basirikare baguye kuri uru rugamba, Guverineri Gen Nkashama yavuze ko abaturage bagomba kwizera FARDC anabasezeranya ko mu minsi mike iyi Ntara izaba ari ubutaka bubereye guturwaho butanarangwaho inyeshyamba.

    Gen Nkashama yasobanuye ko ubwo abasirikare bari bayobowe n'um Colonel bari mu nzira bava i Bunia bategewe igico ahitwa i Boga n'abarwanyi ba ADF. Agace ka Boga kari nko mu birometero 120 uvuye mu mujyi wa Bunia.

    Yakomeje avuga ko nyuma yo kurasana amasasu menshhi n'aba barwanyi, imirwano yarangiye abasirikare 7 ba FADRC bapfuye mu gihe uruhande rw'abo bahanganye rwapfushije abarwanyi 15.

    Hashize igihe kitari gito umuhanda wa 4 Uhuza Bunia(Ituri) na Kivu y'Amajyaruguru utari Nyabagendwa, nyuma y'uko inyeshyamba za ADF zimuriye ibirindiro hafi yawo zigakomeza kwambura no guhohotera uwunyuzemo wese.

    Rwanda Tribune

    Source : http://umuryango.rw/amakuru/mu-mahanga/umutekano/article/ingabo-22-zaguye-mu-mirwano-yashyamiranyije-fardc-n-inyeshyamba-za-adf