Webrwanda Backend

Blog

  • Musanze: Abaturage batuye mu mirenge itagira abayobozi barataka – #rwanda #RwOT

    Akarere ka Musanze kagizwe n’imirenge 15 ariko itanu nta bayobozi ifite, bigatuma hari serivisi abaturage badahabwa kuko ziba zireba abanyamabanga nshingwabikorwa gusa.

    Abaganiriye na IGIHE, biganjemo abakeneye serivisi zo gusezerana imbere y’amategeko n’abakeneye guhabwa ibyo baba baratsindiye mu manza, bavuze ko iyo nta bayobozi bari mu mirenge batuyemo, bibadindiza.

    Rukeratabaro Anastase yagize ati “Umuhungu wanjye yagombaga gusezeranira hano i Busogo, ariko nta gitifu dufite, hahise hajyamo Guma mu Rugo, aho irangiriye tubisubukuye dushaka aho gusezeranira bakatubwira ngo aho byadukundira ni ukujya mu Murenge wa Remera kandi ni kure cyane pe.”

    Nyirandaje Esperance wo mu Murenge wa Nyange nawe yagize ati “Natsinze urubanza ruba itegeko muri Gashyantare, kugeza ubu ntabwo rwari rwarangizwa kuko nashatse gitifu w’akagari ambwira ko atemerewe guhesha iby’inkiko kandi ubu nta gitifu w’umurenge dufite.”

    Umuyobozi w’Intara y’Amajyaruguru, Nyirarugero Dancille, avuga ko hamaze gutangwa ibizamini byanditse ku myanya y’abayobozi b’imirenge itabafite muri Musanze, kuri ubu bategereje gukora ibizamini by’ibazwa mbonankubone (Interview), kuko byari byaratindijwe n’ubwiyongere bwa Covid-19 ari byenda gutangwa.

    Yagize ati “Ikibazo kijyanye no kuba hari imirenge itanu itarimo abanyamabanga nshingwabikorwa b’imirenge, aho ngaho haba hariho abari babasigariyeho kandi biba byemewe, ariko icyo nababwira ibizamini byanditse byarakozwe ahasigaye ni ‘interview’ kandi nabyo byatewe na Covid-19.”

    Uyu muyobozi yavuze ko mu minsi micye abaturage bose bari bwegerezwe abayobozi mu mirenge itabafite.

    source : https://ift.tt/3sa4lmP

  • Abantu 9 bahitanwe na Covid-19 abandi 619 barayandura mu Rwanda #rwanda #RwOT

    Minisiteri y'Ubuzima yatangaje ko kuri uyu wa Gatatu,abantu 9 aribo bishwe n'cyorezo cya Covid-19, bituma umubare w'abamaze gupfa ugera kuri 920. Abapfuye n'abagore 8 n'umugabo 1.

    Uyu munsi kandi,mu Rwanda habonetse abarwayi bashya 619 ba COVID19 mu bipimo 11,270.Abasezerewe mu bitaro ni 19 mu gihe ababyinjiyemo ari 20.Abakingiwe uyu munsi ni 48,660.

    Akarere ka Kayonza niko kaje imbere mu barwayi bashya ba COVID19kuko kagize abantu 73.

    Ibihuha n'amakuru ayobya ko inkingo za Covid-19 zitera ubugumba cyangwa gukuramo inda biracyakwirakwira kuri murandasi.

    Abaganga bitondera cyane ibyo babwira ababyeyi batwite gufata, bityo mbere inama yabo yari uko batafata urukingo.

    Ariko ubu, nyuma y'ubushakashatsi amakuru menshi y'uko nta mpungenge rubateye yarabonetse, bityo inama bari batanze irahinduka, babasaba nabo kwikingiza (kuko kurwara Covid utwite bishyira inda mu kaga).

    Twarebye kuri bimwe mu byavuzwe cyane – n'impamvu ari ibinyoma.

    Inyigo yerekana ko urwo rukingo rwikusanyiriza mu mirerantaga – Ikinyoma

    Iyi ngingo yavuye ku kudasobanukirwa amakuru y'ubushakashatsi bwakorewe mu Buyapani.

    Ubwo bushakashatsi bwarimo gutera imbeba doze nyinshi cyane y'urukingo kurusha ihabwa abantu (inshuro 1,333 kurenzaho).

    Ingana na 0.1% gusa by'iyo doze ni yo yagiye mu mirerantanga (ovaries/ovaires) y'imbeba, amasaha 48 nyuma yo kuyiterwa.

    Bitandukanye cyane – 53% nyuma y'isaha imwe na 25% nyuma y'amasaha 48 – yari ikiri ahatewe urukingo (ku bantu, ubusanzwe ni ku kaboko).

    Ahandi hantu kuri benshi urukingo rujya ni mu mwijima, cyangwa igitigu mu Kirundi, (16% nyuma y'amasaha 48) ubundi ufasha kuvana imyanda mu maraso.

    Urukingo rwa Covid ruba rurimo ibice by'iyi virus byahinduwe (proteins), bifasha ubwirinzi bw'umubiri kurwanya iyo virus igihe yaba igeze mu mubiri.

    Abakwije iriya nkuru bafashe umubare mu by'ukuri unyuranye cyane n'ikigero cyabonetse mu mirerantanga y'imbeba.

    Urugero ruto rw'urukingo rugera mu mirerantanga mu gihe cy'amasaha 48 nyuma yo gukingirwa, uko urukingo rugenda ruva mu kaboko rukwira ahandi mu mubiri.

    Ariko, nta bimenyetso byerekana ko ruba rukifitemo ibice bya virus yahinduwe.

    Abavuga biriya bavuga kandi ko ibyavuye muri ubwo bushakashatsi byasohotse nta bushake (leak), ariko mu by'ukuri byatangajwe ku mugaragaro kandi biboneka kuri murandasi.

    Amakuru avuga ko urukingo rutera kuvanamo inda – Ikinyoma

    Hari ibyatangajwe muri Amerika no mu Bwongereza ko urukingo rufitanye isano no gukuramo inda.

    Benshi bashobora kuvuga ibimenyetso bagize nyuma yo gukingirwa. Ariko buri wese ntabwo ahitamo kubitangaza muri 'system' zashyizweho n'ibihugu bitandukanye.

    Hari abavuze ko bakuyemo inda – ni ibintu bibabaje bisanzwe bibaho – ariko ntibisobanuye ko byatewe no guterwa urukingo.

    Ubushakashatsi bwabonye ko urugero rw'abakuyemo inda mu bantu bakingiwe ari urusanzwe ruboneka mu bantu bose muri rusange – 12.5%.

    Dr Victoria Male, umuhanga mu by'inkingo n'ubuzima bw'imyororokere wo kuri Kaminuza ya Imperial College London, avuga ko 'system' yo kuvuga uko umuntu amerewe ari ingenzi mu kumenya ingaruka zindi z'urukingo ubusanzwe zitaba kenshi rusange.

    Iyo 'system' ni yo yatumye hamenyekana ikibazo cyo kwipfundika kw'amaraso byabaye ku bantu bacyeya kubera urukingo rwa AstraZeneca.

    Inkingo ntizashingirwaho mu kureba ibibazo n'ubundi bisanzwe mu bantu – nk'impinduka mu mihango, gukuramo inda, cyangwa ibibazo by'umutima, kuko n'ubundi bibaho hari ugukingirwa cyangwa kutabayeho.

    Kereka gusa mu gihe mu bakingiwe habaho gukuramo inda kurenze igipimo gisanzwe mu batarakingiwe – ibi byatuma habaho ubushakashatsi bwihariye – kandi ibyo ntibirabaho.

    Inkingo zishobora kwibasira ingobyi (placenta) – Nta gihamya

    Ubusabe bwo gusinyaho bwakwiriye cyane buvuye kuri Michael Yeadon, umushakashatsi muri siyansi watangaje andi makuru ayobya ajyanye na Covid, buvuga ko ibice bya coronavirus yahinduwe (proteins) biri mu nkingo za Pfizer na Moderna bisa n'ibyitwa syncytin-1, biri mu bikora ingobyi ikuriramo umwana mu nda.

    Yeadon avuga ko ibi bishobora no gutera ibirinda umubiri (antibodies) by'iyi virus gusenya inda ikiri kwiyubaka.

    Inzobere zimwe zivuga ko ibi bishobora kuba ari yo nkomoko y'igitekerezo cyose ko inkingo za Covid zitera ubugumba.

    Mu by'ukuri, syncytin-1 n'ibice bya coronavirus yahinduwe biri mu rukingo birasa, cyo kimwe n'ibindi bice byinshi bizwi nka 'proteins' – niba umubiri koko wibeshya byoroshye gutyo wajya ubwawo wisenya buri gihe uko ugize uburwayi buwutera maze ugakora/ugahabwa ubwirinzi (antibodies) bwo kuwurengera.

    Ariko ubu hakusanyijwe ibimenyetso bivuguruza kiriya gitekerezo.

    Umuganga mu birebana n'urubyaro n'ubugumba muri Amerika witwa Randy Morris, washatse gusubiza kuri ibyo yari yumvise, yatangiye gukurikirana abamugana bari gufashwa kubona urubyaro hakoreshejwe ubuhanga bwa IVF, ngo arebe niba urukingo hari impinduka rugira ku mahirwe yabo yo kubona urubyaro.

    Ku bagore 143 Dr Morris yakoreyeho ubushakashatsi, abakingiwe, abatarakingiwe, n'abigeze kwandura Covid, bagize amahirwe ajya kungana yo guterwa igi ry'umwana neza no gukomeza gutwita uko biteganyijwe.

    Iyo nyigo ni ntoya, ariko yiyongera ku bindi bimenyetso byinshi – kandi niba biriya ari ukuri, wakwitega ko nibura biba byarakozweho ubushakashatsi buto nk'ubwo.

    Dr Morris avuga ko abantu bakwiza ubwo bwoba batavuga impamvu bemera ko ibirinda umubiri bikorwa n'urukingo byatera ubugumba ariko ibirinda umubiri bisanzwe bikorwa n'umubiri ubwawo ntibibikore.

    Ikibazo ni; iyo abahanga bari kwihutira gutanga ibimenyetso byo guhumuriza abantu, mu gihe bari gutangaza ibyo bagezeho mu bushakashatsi, abantu kuri Internet baba bahimbye ikindi kintu gishya.

    Dr Morris ati: “Ibanga ry'inkuru z'impuha zidafite ishingiro ni uko igihe zibeshyujwe bahindura amazamu [berekeza ku kindi].”


    Source : https://umuryango.rw/amakuru/mu-rwanda/ubuzima/article/abantu-9-bahitanwe-na-covid-19-abandi-619-barayandura-mu-rwanda

  • Rusizi: Ba bagore basagariye Umucamanza bakatiwe #rwanda #RwOT

    Abaregwa bose baburanye bemera icyaha banasaba imbabazi

    Abarekuwe by'agateganyo n'uwitwa Chance Bakundamaho, Uwamahoro Fautune, Niyonsenga Mediatrice, na Kampire Marie Gorthe.

    Mu rukiko haregewe abandi bane aribo: Nyirakiza Beatrice, Nyampundu Speratha, Tuyishime Alphonsine, na Makamana Jeaninne, aba bunganiwe na Me Ndikumana Elisee na Ruremesha Nicolas,

    Kuri uyu wagatutu Urukiko rwibanze rwa Kamembe rwakatiye abagore bane mubagore umunani bari bafashwe bagafungwa.

    igihano cy'igifungo cy'umwaka umwe n'ihazabu ya Miliyoni imwe rutegeka ko ihazabu bagomba kuyitanga mugihe kitarenze amezi abiri.

    Ni Urubanza rwatangiye kubuiranishwa kuri uyu wa kabiri inteko y'umucamanza umwe n'umwanditsi w'urukiko niyoyaburanishije uru rubanza.

    Ubushinjacyaha bwari mucyumba cy'urukiko buhagarariwe abaregwa n'ababunganira mumategeko nabo bari murukiko.

    Umucamanza yatangiye asoma imyirondoro y'abaregwa bose bemera ko ari iyabo, Umucamanza yahaye Ubushinjacyaha umwanya kugira ngo busobanure imikorere y'icyaha.

    Ubushinjacyaha bwasobanuye ko hari Video nyinshi zagiye hanze zarimo bamwe mu bagore basobanuraga ikibazo cyabo cy'ukuntu hari umuntu wabariganije amafaranga y'ikimina ari nayo bagararamo batakambira Perezida wa Repuburika.Iyi Video Ubushinjacyaha buvuga ko nta kibazo bayifiteho,ko ahubwo kuba harabayeho gusagarira inzego z'ubutabera ari nabyo bigize icyaha bihanwa n'ingingo z'amategeko mu ngingo ya 260.

    Ubushinjacyaha bwahise busaba ko abaregwa bose bahanishwa igihano cy'igifungo cy'umwaka umwe n'amezi atandatu.

    Me Ruremesha Nicolas umwe mu banyamategeko wunganira abaregwa yavuze ko ibyakozwe na bariya bagore babitewe n'agahinda kenshi ko kubura imitungo yabo bashakanye n'abagabo babo ikagenda mu maherere.

    Uyu munyamategeko yasobanuye ko muri ako gahinda habayemo n'ubujiji bwo kutamenya amategeko.

    Me Ruremensha ati “Nk'uko ingingo ya 97 ibiteganya ndasaba ko bafungurwa bakarekurwa bagakurikiranwa bari hanze kuko biteganwa n'amategeko.”

    Me Ndikumana Elisee yabwiye urukiko ko hakwitwa cyane kuri Video yafashwe kuko nta hantu na hamwe hagaragara aba bagore bakubita Umucamanza cyangwa Perezida w'urukiko.

    Me Ndikumana yabwiye Urukiko ko ibyakozwe byatewe no kutamenya amategeko ko ariko ikindi gikomeye cyatumye bigera aho byageze ko ari uko urukiko ntabashinzwe umutekano bari bahari.

    Ibi bikaba byaratumye aba bagore basagarira umucamanza bumva ko bari mu kuri.

    Yavuze ko abapolisi bari gukumira ibikorwa by'aba bagore ntibigere aho byageze.

    Ndikumana Elisee yavuze ko n'ubwo basabiwe Umwaka n'igice urenga ko ahubwo mu bushishozi bw'urukiko,bwabasubikira igihano kuko nabyo bigenwa n'itegeko kandi indi mpamvu yatuma basubikirwa ko ari uko bose kuva bafatwa bemera icyaha bakoze bakanakicuza bakagisabira imbabazi.

    Abaregwa gusagarira Umucamanza bo babwiye urukiko ko ibyo bakoze batari bazi ko bigize icyaha cyatuma bagezwa imbere y'ubutabera ko ariko n'iminsi bamaze bafunze babonye uburemere bw'icyaha bakoze.Abaregwa bati “muce inkoni izamba mutubabarire.”

    Icyemezo cy'urukiko cyasomwe ku gicamunsi cyo kuri uyu wa gatatu,umucamanza yategetse ko abaregwa bose bahanishwa igihano cy'igifungo cy'umwaka umwe bagakomereza igifungo muri Gereza ya Nyamagabe n'ihazabu ya Miliyoni imwe.

    Umucamanza yakomeje avuga ko iyi Hazabu aba bagore baciwe bagomba kuyitanga mu gihe kitarenze amezi abiri.

    Umucamanza yibukije ko abaregwa bafite iminsi 30 yo kujururira icyemezo cy'urukiko,mu gihe batanyunzwe n'umwanzuro rwafashe.

    Me Ndikumana Elisee ati turahita tujurira mu kiganiro yahaye Umuryango Me Ndikumana wunganira abaregwa yavuze ko bahita bajuririra icyemezo cy'urukiko kubera ko baburanye bemera icyaha bakanagisabira imbabazi bakanicuza ibyo bakoze bikanga bagakatirwa.

    Me Ndikumana ati “nanjye ubwange nasobanuriye urukiko ko ibyakozwe nta mugambi wateguwe ngo bikorwe.”

    Source : https://umuryango.rw/amakuru/mu-rwanda/ubutabera/article/rusizi-ba-bagore-basagariye-umucamanza-bakatiwe

  • Isaha yo gutaha yashyizwe saa mbili z'ijoro na Resitora zemererwa kongera kwakira abakiriya #rwanda #RwOT

    Perezida Paul Kagame yayoboye Inama y'Abaminisitiri yafatiwemo ingamba zitandukanye zo kwirinda icyorezo cya COVID-19.

    Inama y'Abaminisitiri yaherukaga guterana ku wa 30 Nyakanga 2021, aho yafatiwemo icyemezo cyo gukura muri Guma mu rugo Umujyi wa Kigali n'utundi turere umunani twari dufite ubwandu bwa COVID-19 buri hejuru.

    Inama yateranye uyu munsi yemeje ko guhera kuri uyu wa Kane:

    Ingendo zirabujijwe guhera saa Mbiri z'ijoro kugeza saa Kumi za mu gitondo.Ibikorwa by'ubucuruzi bigoomba gufunga saa 07:00pm.

    Resitora zemerewe kongera kwakira abakiliya zitarengeje 30%

    Gyms zizafungura mu byiciro

    Imihango y'ubukwe irasubukuwe, ikitabirwa n'abantu batarenze 50 bipimishije Covid-19

    Imodoka zitwara abagenzi ntizigomba kurenza 50%.Ibigo bya Leta n'ibyigenga byemerewe gufungura ariko ntibirenzo 50% by'abakozi.

    Resitora zemerewe kongera kwakira abakiriya ariko ntizirenza 30% by'Ubushobozi bwo kwakira abantu.

    Utubari tuzakomeza gufunga

    Insengero zujuje ibisabwa zahawe uburenganzira bwo kwakira 30% by'ubushobozi bwazo bwo kwakira abantu.



    Source : https://umuryango.rw/amakuru/mu-rwanda/politiki/article/isaha-yo-gutaha-yashyizwe-saa-mbili-na-resitora-zemererwa-kongera-kwakira

  • Resitora zemerewe kongera kwakira abantu, isa… – #rwanda #RwOT

    Ku bijyanye n’isaha yo kugera mu ngo yagizwe saa Mbiri z’ijoro mu gihe yari isanzwe ari saa Kumi n’Ebyiri z’umugoroba, itangazo ry’ibyemezo by’Inama y’Abaminisitiri riragira riti “Ingendo zirabujijwe guhera saa mbiri z’ijoro kugeza saa kumi za mu gitondo. Ibikorwa byose byemerewe gukomeza gukora bizajya bifunga saa Moya z’ijoro”. Iyi nama yemeje kandi ko imodoka zitwara abantu mu buryo bwa rusange zemerewe gutwara abantu batarenze 75% by’umubare w’abantu zagenewe gutwara. 

    Insengero nazo zakomorewe ariko zisabwa kwakira abantu batarenze 30% by’ubushobozi bwazo mu kwakira abantu. Icyakora insengero zemerewe gufungura ni izisanzwe zifite ubureganzira bwo gukora kuko zujuje ibisabwa mu kwirinda icyorezo cya Covid-19. Iri tangazo rivuga kandi ko ibigo bikorerwamo imyitozo ngororamubiri (Gyms and Fitness centers) bizafungura mu byiciro. Amabwiriza arambuye kuri iyi ngingo azatangwa na Minisiteri ya Siporo.

    Ibikorwa bya Siporo y’umuntu ku giti cye n’izikorerwa hanze abantu bategeranye bizakomeza. Amabwiriza arambuye kuri iyi ngingo azatangwa na Minisiteri ya Siporo. Resitora zemerewe kongera kwakira abantu ariko ntizirenze 30% by’ubushobozi bwazo bwo kwakira abantu. Resitora zakira abakiriya bicaye hanze zemerewe kwakira abantu ku kigero cya 50% by’ubushobozi bwazo bwo kwakira abantu. 

    Imihango y’ubukwe harimo gusaba, ishyingirwa rikorewe imbere y’Ubuyobozi bwa Leta n’irikorewe mu nsengero rirasubukuwe, ariko bikitabirwa n’abantu batarenze 50. Iyo byabereye ahantu hasanzwe hemerewe gukorerwa ibirori (Licensed event venues), ntibigomba kurenza 30% by’ubushobozi bwo kwakira abantu bw’aho bateraniye. Abitabiriye iyo mihango bagomba kwerekana ko bipimishije Covid-19 mu masaha 72 mbere y’ibyo bikorwa, kandi bakubahiriza amabwiriza yo kwirinda Covid-19 (gusiga intera hagati y’umuntu n’undi, gukaraba intoki, kwambara agapfukamunwa neza).

    Umubare w’abitabira ikiriyo ntugomba kurenza abantu 10 icyarimwe. Imihango yo gushyingura ntigomba kurenza abantu 20. Ibikorwa by’inzego z’abikorera bizakomeza, ariko buri rwego rurasabwa gukoresha abakozi batarenze 50% by’abakozi bose, abandi bakozi bagakorera mu rugo, ariko bakagenda basimburana. Iyi nama yemeje kandi ko ibikorwa by’ubukerarugendo bizakomeza hubahirizwa amabwiriza yo kwirinda Covid-19. Muri ibyo bikorwa harimo amahoteli, abashinzwe kuyobora ba mukerarugendo, na serivisi zo gutwara ba mukerarugendo. Amabwiriza arambuye kuri iyi ngingo azatangwa na RDB.

    Itangazo ry’Ibyemezo by’Inama y’abaminisitiri yateranye kuri uyu wa Gatatu

    Source : https://inyarwanda.com/inkuru/108509/resitora-zemerewe-kongera-kwakira-abantu-isaha-yo-kugera-mu-rugo-igirwa-saa-mbiri-108509.html

  • #COVID19: Abantu 9 bitabye Imana, abahawe doze ya mbere y’urukingo ni 48,660 #Rwanda #RwOT via @kigalitoday #rwanda #RwOT

    Abantu 9 bitabye Imana kubera icyo cyorezo, bituma umubare w’abamaze gupfa bose uba 920. Abitabye Imana ni bagore 8 n’umugabo 1.

    Iyo Minisiteri yatangaje kandi ko ku wa Gatatu abasezerewe mu bitaro ari 19 mu gihe ababyinjiyemo bashya ari 20, abarembye ni 41.

    Abahawe doze ya mbere y’urukingo kuri uyu wa Gatatu ni 48,660 naho abamaze gukingirwa bose bakaba ari 729,130.

    source : https://ift.tt/37CxoGe

  • Musanze: Umwe mu rubyiruko rw’abakorerabushake yatanze imodoka ye ngo iborohereze akazi kabo #Rwanda #RwOT via @kigalitoday #rwanda #RwOT

    Imodoka umwe mu rubyiruko rw
    Imodoka umwe mu rubyiruko rw’abakorerabushake yitanze ngo iborohereze akazi

    Nsengiyumva usanzwe uri mu rubyiruko rw’abakorerabushake mu Karere ka Musanze hamwe n’umugore we, yavuze ko igitekerezo cyo gutanga imodoka ye ikajya yifashishwa mu kazi gakorwa n’abakorerabushake, yakigize ubwo Akarere ka Musanze, kari mu turere umunani n’umujyi wa Kigali, twari twashyizwe muri gahunda ya Guma mu Rugo.

    Avuga ko yabonaga uburyo urwo rubyiruko rwakoraga ingendo ndende ku maguru bibavuna, yumva ko hari inkunga yatanga kugira ngo akazi kabo karushijeho kugenda neza, abaha iyo modoka nk’inyunganizi ibafasha gusura imirenge inyuranye, bakora ubukangurambaga mu kurwanya icyorezo cya Covid-19 mu baturage.

    Yagize ati “Nta gitangaza kirimo kuba narigomwe ngatanga imidoka yanjye igafasha urubyiruko rw’abakorerabushake mu kazi kenshi bakor, by’umwihariko muri ibi bihe bikomeye igihugu cyacu n’isi muri rusange gihanganye n’icyorezo cya Covid-19, ni umusanzu wanjye mu gufasha igihugu”.

    Byiringiro Robert umuhuzabikorwa w
    Byiringiro Robert umuhuzabikorwa w’urubyiruko rw’abakorerabushake muri Musanze ashima igikorwa mugenzi wabo yakoze cyo kubaha imodoka

    Arongera ati “Njye n’umugore wanjye dusanzwe natwe turi muri urwo rubyiruko rw’abakorerabushake, byabaye ngombwa ko ibikorwa iyo modoka yadufashagamo dushaka ubundi buryo byakorwa ariko imodoka yacu ikajya gufasha igihugu. Ubu yoroheje akazi kuko turakora ubukangurambaga mu mirenge yose mu buryo bworoshye kandi sinteze kuyibambura ni iyabo”.

    Nsengiyumva arasaba Umunyarwanda wese guha agaciro akazi gakorwa n’urubyiruko rw’abakorerabushake, mu gihe byagaragaye ko bamwe babita imburamukoro, kandi baba baharanira gutanga imbaraga zabo bubaka igihugu cyabo.

    Biyemeje gukorera igihugu nta gihembo
    Biyemeje gukorera igihugu nta gihembo

    Umuhuzabikorwa w’urubyiruko rw’Abakorerabushake mu Karere ka Musanze, Byiringiro Robert, yabwiye Kigali Today ko kugeza ubu gahunda y’ubugenzuzi bugamije kwirinda Covid-19, bukorwa neza nyuma yaho baboneye iyo modoka, aho ngo ikomeje kubafasha mu bukangurambaga bwo kwirinda icyo cyorezo n’indi mirimo bakora.

    Ati “Ni imodoka yaduhaye nk’umuntu ushaka iterambere ry’abaturage, ubu imirimo yacu iragenda neza ku bwitange bw’umwe mu rubyiruko witanze akaduha imodoka ye, ni urugero rwiza rwo kwitanga ku rubyiruko rw’abakorerabushake n’umunyarwanda wese, kugira ngo hakomeze habeho umusanzu mwiza wo gukorera igihugu kandi tugakomeza kwitanga tutizigamye”.

    Urwo rubyiruko rukomeje no kubakira abatishoboye
    Urwo rubyiruko rukomeje no kubakira abatishoboye

    Uwo muyobozi avuga ko iyo modoka irimo kubafasha mu gusura abanyamuryango b’urubyiruko rw’abakorerabushake n’abaturage, aho mu kwezi kumwe mu mirenge 15 igize Akarere ka Musanze bamaze gusura icyenda.

    Ati “Yayiduhaye mu gihe cya Guma mu Rugo, irimo gutanga umusaruro aho dukomeje gusura abanyamuryango banyuranye b’urubyiruko rw’abakorerabushake, mu mirenge 15 igize Akarere ka Musanze tukaba tumaze gusura imirenge icyenda. Twagiye muri Muko, Nkotsi, Busogo, Shingiro n’indi mirenjye yajyaga itugora kuyigeramo kubera kuba iri kure”.

    Byiringiro kandi arashimira ubuyobozi bw’Akarere na Polisi y’u Rwanda ikorera i Musanze, nk’inzego ziyemeje kujya zitanga lisansi ikoreshwa kuri iyo modoka, mu gihe cyose bari mu kazi ku buryo batigeze bagira ikibazo cyo kugenda.

    Andrew Rucyahana Mpuhwe umwe mubitabiriye umuhango wo gushyikiriza urubyiruko rw
    Andrew Rucyahana Mpuhwe umwe mubitabiriye umuhango wo gushyikiriza urubyiruko rw’abakorerabushake imodoka

    Ubwandu bwa Covid-19 mu Karere ka Musanze, buragenda bugabanuka ku rwego rushimishije, aho mu kwezi kumwe urwo rubyiruko rubonye imodoka, abarwayi ba Covid-19 barwariye mu ngo no mu bitaro bageraga mu 1200, ubu bakaba baragabanutse aho hasigaye abarwayi 399.


    source : https://ift.tt/3CIjRv5

  • Imirenge 10 ikomeje gahunda ya Guma mu Rugo #Rwanda #RwOT via @kigalitoday #rwanda #RwOT

    source : https://ift.tt/3ACwlmq

  • Madame Jeannette Kagame yakozwe ku mutima nu… – #rwanda #RwOT

    Ku itariki 10 Kanama ni umunsi udasanzwe mu muryango w'Umukuru w'Igihugu cy'u Rwanda n'Abanyarwanda muri rusange kuko aribwo hazirikanwa isabukuru y'amavuko ya Madamu Jeannette Kagame.

    Ku munsi uyu mubyeyi yizihizaho isabukuru y'amavuko, Abanyarwanda b'ingeri zitandukanye bamwifurije isabukuru nziza no gukomeza kuba umubyeyi mwiza ndetse bakomeza kumuragiza nyagasani kugira ngo akomeze amurinde we n'umuryango we.


    Madame Jeannette Kagame yakozwe ku mutima n’abamwifurije isabukuru nziza

    Madame Jeanette Kagame mu butumwa yanyujije ku rukuta rwe rwa twitter, yashimiye abamwifurije bose isabukuru nziza ndetse ababwira ko yakozwe ku mutima n'ubutumwa bamwoherereje.

    Yagize ati: '(…) mwarakoze mwese kubw' ubutumwa bukora ku mutima mwanyohereje. Mwakoze.'' Ashyiraho n'utumenyetso (emoji) tw'amaboko afatanye afite igisobanuro cyo gushimira.

    Abantu batandukanye by'umwihariko abakoresha urubuga nkoranyambaga rwa Twitter, bohereje ubutumwa Madamu Jeannette Kagame bamwifuriza kugira umunsi mwiza w'amavuko.

    Visi Perezida w'Inteko Ishinga Amategeko, Umutwe wa Sena, Nyirasafari Esperance, yagize ati 'Isabukuru nziza y'amavuko Nyakubahwa Madamu Jeannette Kagame. Nyagasani akomeze abarinde.'

    Minisitiri w'Ubutegetsi bw'Igihugu, Gatabazi Jean Marie Vianney yagize ati 'Reka mfate uyu mwanya nifurize isabukuru nziza n'umugisha, Madamu Jeannette Kagame.'

    Umuyobozi wa Imbuto Foundation, Umutoni Sandrine, mu butumwa bwe na we yifurije isabukuru nziza Madamu Jeannette Kagame ari nawe washinze uyu muryango umaze imyaka 20 ukora ibikorwa bigamije impinduka muri sosiyete.

    Uretse abayobozi n'abazwi mu ngeri zitandukanye, abanyarwanda benshi by'umwihariko abakoresha imbuga nkoranyambaga na bo ntibahishe amarangamutima yabo.

    Uwitwa Heritier yagize ati 'Umubyeyi ugira ubumuntu, tumwifurije isabukuru nziza. Ababyiruka n'abageze mu zabukuru uri igisobanuro gikomeye mu buzima bwabo.'

    Karangwa Sewase yagize ati 'Isabukuru Nziza ku Mubyeyi wacu. Ubupfura n'Ubugwaneza bimuranga ni umugisha ku Rwanda rwamwibarutse. Nahorane umugisha mu Rwanda.'

    Nsengimana Jean de Dieu ati 'Nuko u Rwanda rwibaruka Shema ry'Abakobwa ibibero bye bikikira Intwari, uko agenda agwiza ibigwi maze yibaruka Nkubito y'i Cyeza, abari mu wo mujyo, ubu bavuga imyato kuko yabagize intyoza mu burezi n'uburere yewe no mu miyoborere baraganje. Isabukuru nziza Madamu Jeannette Kagame.'

    Source : https://inyarwanda.com/inkuru/108504/madame-jeannette-kagame-yakozwe-ku-mutima-nubutumwa-bumwifuriza-isabukuru-ku-munsi-we-wama-108504.html

  • Umuramyi Reuben Kigame ufite ubumuga bwo kuta… – #rwanda #RwOT

    Reuben Kigame witeguye guhatanira kuyobora Kenya ni umunyamuziki akaba n'umuvugabutumwa uzwi mu ndirimbo nka 'Huniachi' yasohotse kuri Album Usifadhaike yakoranye n'itsinda ry'abaririmbyi bakomeye Sifa Voices na Gloria Muliro.

    Iyi ndirimbo yasohotse tariki 11 Ukwakira 2017 imaze kurebwa n'abantu barenga miliyoni 12. Azwi kandi mu ndirimbo 'Mwana Ni Mchungaji Wangu' yakoranye na Jayne Yobera; 'Never Alone', 'Ombi Langu', 'Oh Jesus', 'Another country' n'izindi zinyuranye.

    Mu ijambo rye ryatambutse mu makuru ya Televiziyo NTV yo muri Kenya kuri uyu wa Gatatu tariki 11 Kanama 2021, Reuben Kigame yavuze ko yateye intambwe idasubira inyuma yo kwiyamamariza kuyobora Kenya.

    Uyu mugabo ujya anyuzamo agakora indirimbo mu njyana ya Country, yavuze ko azi neza ko kwiyamamaza kwe bizatungura benshi, bamwe ntibiyumvishe ukuntu umuntu ufite ubumuga bwo kutabona avuga ko 'ashaka kuba Perezida.'

    Reuben Kigame yavuze ko naramuka atsinze amatora bizaba ari amateka adasanzwe ku banyamuziki bafite ubumuga nk'ubwe muri Kenya. Kandi afite icyizere.  Perezida wa Kenya uzatorwa azaba abaye Perezida wa Gatanu.

    Kigame afite impamyabumenyi y'icyiciro cya kabiri cya Kaminuza yakuye muri Kenyatta University mu Ishami ry'Amateka, Imitekerereze n'Iyobokamana.

    Anafite impamyabumenyi y'icyiciro cya Gatatu cya Kaminuza (Masters) yakuye muri Moi University mu Ishami ry'Itangazamakuru. Muri iyi Kaminuza ni naho yahuriye n'umugore we Mercy barushinze mu 1991. Nyuma yaje kwitaba Imana babyaranye abana batatu.

    Uyu mugabo avuga ko politiki iri mu maraso ye kuva yatangira amashuri ye. Hari imyanya imwe n'imwe yagiye ahatanira mu matora atandukanye kuva ku buyobozi bwa Perezida Daniel Moi.

    Yavuze ko naramuka atowe azaharanira gutera ikirenge mu cy'abakozi b'Imana n'abahanzi babashije kuba aba Perezida muri Afurika.

    Atanga ingero nka Perezida Andry Rajoelina wa Madagascar wabaye Dj, Perezida wa Liberia George Weah wabaye umukinnyi w'umupira w'amaguru,  Perezida wa Malawi Lazarus Chakwera wabaye umuvugabutumwa n'abandi,

    Kigame watangiye umuziki mu 1987 amaze gushyira ku isoko Album 29. Avuga ko 'ku buyobozi bwe azahanira kurwanya ruswa no gufasha abaturage kwihaza mu biribwa'.

    Uyu mugabo avuga ko yamenye ko afite ubumuga bwo kutabona akiri muto. Ngo igihe kimwe ari kumwe na Nyina yagerageje gukora ku isahani yari iriho ubugari arahusha. Ati 'Icyo gihe nibwo namenye ko mfite ubumuga bwo kutabona.'

    Avuga ko Nyina yagerageje uko ashoboye ngo amuvuze ariko akomwa mu nkokora n'ubushobozi, bituma umwana we atavurwa ngo akire.

    Umuranyi Reuben Kigame yatangaje ko aziyamamariza kuyobora Kenya ku itike y'ishyaka Federal Patry of Kenya

    Reuben Kigame ubwo yacurangiraga gitari abashyitsi bari bamusuye aho atuye mu gace ka Eldoret tariki 9 Kanama 2021

    KANDA HANO UREBE AMASHUSHO Y'INDIRIMBO 'HUNIACHI' YA REUBEN KIGAME NA GLORIA MULIRO

    “>

    REUBEN KIGAME YEMEJE KO AZIYAMAMARIZA KUYOBORA KENYA

    “>

    Source : https://inyarwanda.com/inkuru/108500/umuramyi-reuben-kigame-ufite-ubumuga-bwo-kutabona-yatangaje-kwiyamamariza-kuyobora-kenya-108500.html