Webrwanda Backend

Blog

  • Uganda yirukanye Abanyarwanda 26 bari bafungiyeyo binyuranyije n’amategeko – #rwanda #RwOT

    Aba Banyarwanda bashyikirijwe Urwego rushinzwe Abinjira n’Abasohoka rw’u Rwanda, ishami rikorera ku Mupaka wa Kagitumba mu Karere ka Nyagatare ku mugoroba wo kuri uyu wa Kane tariki 19 Kanama 2021.

    Aba baturage barimo abagabo 20, abagore bane n’abana babiri, bakigera mu Rwanda bahise bahabwa ubufasha bw’ibanze, bapimwa Covid-19.

    Mu bipimo by’abantu 16 byafashwe habonetsemo 12 bagaragaweho ubwandu bw’iki cyorezo bahita bajyanwa mu kigo cyagenewe gushyirwamo abarwaye Covid-19, mu gihe abandi nabo barabanza gushyirwa mu kato mbere yo kujyanwa mu miryango.

    Abatanze ubuhamya bw’ibyababayeho muri Uganda kuva bafatwa bagaragaje ko bari bafungiye muri Gereza ya Matinda iherereye i Mbarara aho bagiye bakorerwa ibikorwa by’iyicarubozo.

    Kuva uyu mwaka wa 2021 watangira, ku Mupaka wa Kagitumba hamaze kugezwa Abanyarwanda inshuro zirindwi, nyuma y’igihe bafungiye muri Uganda. Muri bo kandi haba harimo abagore, abagabo n’abana bakiri mu mashuri.

    Abakiriwe n’u Rwanda muri izo nshuro barenga 70 barimo n’abana bigaga mu mashuri yisumbuye cyo kimwe n’abagore batandukanyijwe n’abagabo babo bakaza kongera guhurira ku mupaka bose bari bafunzwe nta n’umwe uz’iby’undi.

    Hashize imyaka ikabakaba itanu Abanyarwanda batuye muri Uganda bakunze kwibasirwa n’inzego zishinzwe umutekano muri icyo gihugu, basabwa kwifatanya n’imitwe igamije guhungabanya umutekano w’u Rwanda, babyanga bagafungwa bitwa intasi, abagize amahirwe bakajugunywa ku mupaka ari intere.

    Kuva mu mwaka wa 2017, Abanyarwanda bakorera ibikorwa binyuranye muri Uganda batabwa muri yombi, bagakorerwa iyicarubozo bashinjwa kwitwa intasi, hari abasabwa kuyoboka umutwe wa RNC kugira ngo barekurwe, abanze bakagirirwa nabi.

    U Rwanda rwakunze gusaba Uganda kureka ibyo bikorwa rukanayereka gihamya ariko iki gihugu ntikibikozwe kugeza mu ntangiriro za 2019 ubwo rwasabaga Abanyarwanda kwirinda kujya muri iki gihugu kubera kwanga ko bahohoterwa.

    Mu 2019 ibihugu byombi byasinye amasezerano yo guhosha ubwo bugizi bwa nabi ariko uruhande rwa Uganda rusa n’urwinangiye kubahiriza ibyo rusabwa.

    Abanyarwanda 26 bari bafungiye muri Uganda binyuranyije n’amategeko birukanwe ku butaka bw’iki gihugu

    Aba Banyarwanda bashyikirijwe Urwego rushinzwe Abinjira n’Abasohoka rw’u Rwanda

    source : https://ift.tt/3B18XiD

  • Rubavu: Imodoka yafashwe n’inkongi – #rwanda #RwOT

    Iyi modoka yari ivuye mu Karere ka Musanze igiye i Rubavu irimo umushoferi witwa Habimana Jean Paul na mugenzi we bakorana yahiye igeze ahazwi nko kuri Caribana.

    Habimana yavuze ko yarimo agenda akumva ikintu gituritse mu modoka ye yumva n’abantu bavuza induru bamubwira ko iri gushya.

    Yagize ati “Nagendaga ngeze ahahoze polisi ni ho numvise akantu kavuga mu modoka gasa nk’agaturitse, kuko nari ndi kugenda bisanzwe abantu ku ruhande baba barambwiye ngo iri gushya mba ndasimbutse.”

    “Kubera ubwoba nsohotse niruka ariko nza nyirukaho urugi rufunguye iri kujya ahari izindi nyirukaho ndayiyobya, abantu bayishyize hasi barebe ko bayizimya.”

    Yakomeje avuga ko yari yarakoresheje Controle Technique atazi ikibazo cyaba kibaye ku modoka ye.

    Umushoferi na mugenzi we bari mu modoka bavuyemo amahoro ariko imodoka yose yahiye n’ubwo babashije kuzimya ariko igice kinini cyahiye.

    Iyi modoka yahiye yari ivuye i Musanze igiye i Rubavu

    Imodoka yo mu bwoko bwa Hiace yafashwe n’inkongi y’umuriro

    Abazimya bahageze imodoka yamaze gushya igice kinini

    source : https://ift.tt/2WcrmJV

  • Guverineri Gasana yatangije iyubakwa ry’imihanda ya kaburimbo mu Mujyi wa Kibungo – #rwanda #RwOT

    Ni ibikorwa yatangije ku mugaragarao kuri uyu wa Kane tariki ya 19 Kanama 2021. Umujyi wa Kibungo uri mu mijyi ikuze cyane dore ko ari ho habaga Perefegiture ya Kibungo, gusa uri mu mijyi itarigeze ikura nko mu tundi turere kuko akenshi wagiye usubira inyuma.

    Ubwo Perezida Kagame yiyamamarizaga i Ngoma mu mwaka wa 2017 yabemereye ibikorwaremezo bitandukanye bigamije kuzamura uyu mujyi.

    Mu bikorwaremezo yabemereye byanamaze kuzura harimo stade, hotel nziza iri ku kigero cy’inyenyeri eshatu ndetse n’umuhanda wa kaburimbo ubahuza n’Akarere ka Bugesera ugakomeza mu ka Nyanza imirimo yo kuwubaka nayo irenda gutangira.

    Mu rwego rwo gukomeza kuzamura iterambere ry’aka Karere kuri ubu hatangijwe ibikorwa byo kubaka imihanda izenguruka Umujyi wa Kibungo ireshya na kilometero umunani n’igice n’ibindi bine n’igice bigizwe na kaburimbo yoroheje.

    Guverineri Gasana yavuze ko iki gikorwa cyo kubaka imihanda ya kaburimbo mu Mujyi wa Kibungo mu Karere ka Ngoma kije mu rwego rwo kuvugurura uyu mujyi no kuzamura akarere.

    Ati “Ni umuhanda uzageza mu Ukuboza warangiye, uzafasha mu kuzamura uyu mujyi mu buryo bw’imyubakire ndetse hari n’ibindi bikorwaremezo bigenderwaho birimo amashanyarazi, amazi n’ibindi byinshi biri gukorwa bizafasha mu kwihutisha iterambere.”

    Yashimiye Umukuru w’Igihugu wahaye aka karere bimwe mu bikorwaremezo birimo Stade, hotel nziza n’ibindi bikorwaremezo bitandukanye bifasha abaturage mu iterambere bikanazamura aka karere.

    Guverineri Gasana yasabye kandi abaturage bo muri uyu mujyi gufata neza ibikorwaremezo bari kugezwaho ngo kuko bizabafasha mu guhindura ubuzima bwabo.

    Ati “Icyo bivuze ku baturage rero ni uko ahantu hose hageze ibikorwaremezo byihutisha iterambere, ari ibintu biza ku isoko birimo ibikomoka ku buhinzi, ari ibintu by’ubucuruzi, ari n’imigenderanire kuva mu mirenge ubwo hagiyemo kaburimbo turabona bigiye kwihuta cyane.”

    Yasabye abaturage kubiha agaciro bagafata neza ibikorwaremezo bari kubakirwa bakumva ko ari ibyabo bakirinda kubyonona no kubyangiza, yavuze ko kandi ibikorwa byo kubaka uyu muhanda bizatanga akazi ku rubyiruko rwinshi n’abandi baturage bikabafasha mu iterambere.

    Nyiramana Béatrice utuye mu Mudugudu wa Kabeza mu Kagari ka Karenge mu Murenge wa Kibungo avuga ko imihanda ya kaburimbo iri kubakwa muri uyu mujyi niyuzura izabafasha mu kwihutisha iterambere, yavuze ko akenshi bahuraga n’ikibazo cy’ivumbi ryinshi mu gihe cy’izuba, urwondo rwinshi mu gihe cy’imvura ariko ngo nibamara gushyiramo kaburimbo bizabafasha.

    Iyi mihanda ya kaburimbo iri kubakwa na China Road and Bridge Corporation ikazuzura mu gihe cy’amezi icumi, iri kubakwa ku bufatanye bw’Akarere ka Ngoma n’Ikigo cy’Igihugu gishinzwe Iterambere ry’Ubwikorezi, RTDA.

    Guverineri Gasana yatangije iyubakwa ry’imihanda ya kaburimbo mu Mujyi wa Kibungo

    Iyi mihanda ya kaburimbo iri kubakwa izuzura mu gihe cy’amezi icumi

    source : https://ift.tt/2W1m7gJ

  • Abantu 16 bahitanwe na Covid-19 mu Rwanda abandi 496 barayandura #rwanda #RwOT

    Minisiteri y'Ubuzima yatangaje ko kuri uyu wa Kane,COVID-19 yahitanye abantu 16 batumye abamaze gupfa bagera kuri 996 mu #Rwanda. Abapfuye n'abagore 8 n'abagabo 8.

    Abarwayi bashya ni 496 babonetse mu bipimo 11,354. Ni mu gihe abarwayi 8 ari bo basezerewe na ho abandi 22 bahabqa ibitaro. Abakingiwe ni 8,171 bose hamwe baba 969,734.

    Inama y'Abaminisitiri yaraye iteranye yashimiye Abaturarwanda uruhare rwabo muri uru rugamba rwo kurwanya iki cyorezo, ikaba ibasaba kwitabira kwikingiza kuko inkingo zigenda zirushaho kuboneka, ndetse no kwisuzumisha kenshi kugira ngo bagabanye ikwirakwira rya COVID-19.

    Inzego z'ubuzima ziraburira abaturarwanda kwitwararika kuko mu Gihugu hageze ubwoko bwa COVID-19 yihinduranyije bwitwa Delta bugize hafi 60% y'ubwandu bushya, bukaba bwandura vuba kandi bugatuma abantu banaremba vuba ndetse bamwe bakagira n'ibyago byinshi byo kubura ubuzima.

    Ku wa 11 Kanama 2021, Guverinoma y'u Rwanda yafashe ingamba nshya zijyanye no kwirinda COVID-19 zirimo ko ingendo zibujijwe guhera saa mbiri z'ijoro (8:00 PM) kugeza saa kumi za mugitondo (4:00 AM). Ibikorwa byose byemerewe gukomeza bizajya bifunga saa moya z'ijoro (7:00 FM).

    Mu gihe u Rwanda rutaragera nibura ku rugero rwa 60% bagomba gukingirwa, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n'isabune cyangwa alukolo yabugenewe.

    Mu gitondo cyo kuri uyu wa Kane u Rwanda rwakiriye doze z'inkingo 200,000 zo mu bwoko bwa Sinopharm rwagenewe na Repubulika y'Abaturage y'u Bushinwa. Ambasaderi w'u Bushinwa mu Rwanda Rao Hongwei ni we washyikirije Minisitiri w'Ubuzima Dr.Ngamije Daniel izo nkingo.

    Izi nkingo zije zikurikira izindi zatanzwe na Leta Zunze Ubumwe z'Amerika (USA) u Rwanda rwakiriye icyiciro cyazo cya mbere ku mugoroba wo ku wa Gatatu.

    Minisitiri w'Ubuzima Dr Daniel Ngamije yashimye Leta y'u Bushinwa ku musanzu itanze mu rugamba rwo guhashya icyorezo cya COVID-19 ashima kandi n'ubufatanye bw'ibindi bihugu mu guhangana n'icyorezo cya COVID-19.

    Yagize ati: 'Iyi nkunga ni umusanzu w'ingirakamaro mu bikorwa byo gukingira u Rwanda rukomeje hibandwa cyane ku byiciro byibasiwe cyane mu gihugu hose.'

    Minisiteri y'Ubuzima ivuga ko izo nkingo zigiye kwifashishwa mu gukingira abaturage bo mu Turere umunani tugaragaramo ubwandu bwinshi bwa COVID-19 kurusha utundi.

    Ambasaderi w' u Bushinwa mu Rwanda Rao Hongwei, yavuze ko iyi nkunga y'inkingo u Bushinwa buhaye u Rwanda ishimangira imibanire myiza ibi bihugu bifitanye, ashimangira ko u Bushinwa bushyigikiye ubushake Leta y'u Rwanda yagaragaje mu guhangana n'icyorezo cya COVID-19.

    Abamaze gukingirwa mu Rwanda bagera hafi kuri miliyoni imwe, muri bo, harimo abaza imbere mu kurwanya COVID-19 n'abafite ibyago byo kuzahazwa nayo kurusha abandi.

    Guverinoma y'u Rwanda irashima by'umwihariko abafatanyabikorwa barimo ibihugu n'imiryango itandukanye bakomeje gutanga inkunga y'inkingo z'inyongera.


    Source : https://umuryango.rw/amakuru/mu-rwanda/ubuzima/article/abantu-16-bahitanwe-na-covid-19-mu-rwanda-abandi-496-barayandura

  • #Kundubuzima: Uburwayi bw'umugongo, ikibutera, uko bwirindwa ndetse n'uko wawivuza #rwanda #RwOT

    Source : https://umuryango.rw/inkuru-z-amamaza/article/kundubuzima-uburwayi-bw-umugongo-ikibutera-uko-bwirindwa-ndetse-n-uko-wawivuza

  • Aho abandi bahanzikazi baburiye niho yahahiy… – #rwanda #RwOT

    Ni abahanzikazi benshi bari bazwi ariko kugeza magingo aya bakaba batacyumvikana mu matwi y'abantu, bitewe n'uko batakoze umuziki ufite intego, cyangwa baciwe intege n'abo baje basanga cyane ko mu muziki w'u Rwanda ku gitsinagore byari bigoye cyane, havugwamo ruswa ishingiye ku gitsina yavuzaga ubuhuha.

    Butera Knowless niwe muhanzikazi mu b'igitsina gore kugeza ubu uri kuri 'top' mu Rwanda. Yazamutse asanga abandi nka Miss Jojo, Miss Channel, Liza Kamikazi, basa n'abarembeera. Ubu niwe wamamaye cyane kandi ukunzwe kubarusha, kuko hari n'abatakigaragara.

    Mu kwezi kwa gatatu mu mwaka wa 2015 mu Kiganiro Butera Knowless yari yatumiwemo, yavuze uko Ruswa mu muziki ayibona ndetse yongeraho ko itatuma impano yawe ikendeera, bitewe n'intego uba winjiranye mu muziki.

    Mu kiganiro Kt Idols kuri KT Radio, Knowless yavuze ko ruswa ishingiye ku gitsina atayibona nk'imbogamizi yatuma impano y'umuntu yatsikamirwa ntigaragare.

    Yagize ati 'Birashoboka cyane ko abana b'abakobwa benshi bakwa iyo ruswa ishingiye ku gitsina kugira ngo wenda bamenyekane muri muzika.

    Ariko nanone burya biterwa n'uko waje witwara, cyangwa se impamvu uje muri muzika. Kuko ntitukirengagize ko uko wowe witwara cyangwa wifashe, ariko rubanda cyangwa wa muntu mugiye guhura ariko ari bugufate.'

    Umuhanzikazi Butera Knowless ubuto bwe yabubyaje umusaruro

    Knowless yavuze ko abona mu bahanzi b'abakobwa harimo ibice bibiri; 'abaza bifuza kumenyekana cyane ariko nta mpano bafite ndetse n'abandi baba bafite impano ariko badafite aho bahera ngo bamenyekane'.

    Bariya bashaka kumenyakana cyane n'ubwo bwose baba nta mpano bafite, Knowless avuga ko aba ari bo bashobora kwemera ibyo bamusabye byose kugira ngo agere ku ntego ye.

    Ati 'Naho ufite impano ntabwo yirirwa yiyandarika ngo abashe kumenyekana kuko byanze bikunze impano ntisaza ageraho akamenyekana kubera ibikorwa bye.'

    Jodi Phibi ni umwe mu bahanzikazi bazwiho ubuhanga mu kuririmba live ndetse no kugira stage nziza. Yemera ko yatswe ruswa ishingiye ku gitsina, gusa ntahe amahirwe uwo muntu wayimwatse atashatse kuvuga.

    Yagize ati 'Hari umuntu umwe usanzwe ategura ibitaramo bimwe na bimwe mu Rwanda. Yigeze kuza arambwira ngo hari gahunda amfitiye kandi irimo amafaranga nshatse rero twaba inshuti nkazagaragara mu bahanzi bazaririmba muri icyo gitaramo'.

    Knowless yinjiye mu muziki afite intego

    Jodi yongeraho ati: 'Nabanje kugira ngo wenda arimo gushaka kuntesha umutwe bisanzwe. Ariko byaje kugera ubwo ambwira ko tugomba kuryamana hanyuma akamfasha kumenyekanisha ibihangano byanjye'.

    Butera Knowless w'ubu atandukanye cyane n’uwambere ya Ishimwe Clement.

    Mu 2010 nibwo Butera Knowless yinjiye ku isoko rya muzika nyarwanda, mu kibuga cyarimo abari n'abategarugori mbarwa, nka Miss Jojo, Miss Shanel, Oda Paccy, Ciney n'abandi bake batacyumvikana.

    Ingabire Jeanne waje kwiyita Knowless, ntabwo yinjiye neza afata bugwate imitima y'abakundaga ijwi rye, utibagiwe n'uburanga bwe.

    Indirimbo ze yahereyeho zirimo 'Komeza', 'Nkoraho', 'Ibidashoboka, 'Byarakomeye' n'izindi, zarakunzwe cyane.

    Mu gihe kitageze no ku myaka ibiri atangiye umuziki, Butera Knowless yagiye gutaramira mu Bubiligi, no mu Buholandi, ibintu byagaragazaga igikundiro yari afite.

    Nyuma yo gutandukana na Safi Madiba wamufashaga cyane, yaje kwinjira muri KINA Music iyoborwa na Ishimwe Clement, waje no kumubera umugabo ubu bakaba bafitanye abana babiri.

    Knowless ubwo yatwaraga Salax Awards

    Kina Music niyo yakoze Butera Knowless nk'umuhanzikazi, kugeza abaye uwo ari we ubu.

    Yegukanye ibihembo bitandukanye bya Salax Awards nk'umuhanzikazi wahize abandi anandika amateka yo kuba umugore rukumbi wegukanye irushanwa rya Primus Guma Guma Super Star ubwo yegukanaga iya Gatanu.

    Kuva yatangira umuziki, amaze kumurika Album eshanu, mbere ya 'Queens' yo mu 2016, iheruka ikaba ari ''Inzora'' ikaba ari nayo ikiri ku isoko ry'umuziki kugeza ubu ndetse akaba ari kuyikorera amashusho atandukanye mu bihugu bitandukanye.

    Imyaka 10 Butera Knowless amaze mu muziki ifite igisobanuro kinini kuri we ndetse n'umuryango we kuko mu muziki ariho yamenyaniye na Ishimwe Clement bizihiza imyaka 5 babanye ndetse baza no kugira umuryango mwiza wibarutse Inzora na Ishimwe Or Butera.

    Knowless niwe muhanzikazi rukumbi watwaye Primus Guma Guma, ibintu bimugira kuba isomo n’indorerwamo ku bandi bahanzikazi nyarwanda

    Imyaka 5 Knowless na Clement bizihiza, isanze inzu ifasha abahanzi mu bya muzika ya Kina Music bombi bahuriyeho yinjije umuhanzi mushya Nel Ngabo inakomeza kwigaragaza ku isoko ry'umuziki ku ruhando mpuzamahanga, cyane ko umuhanzi uyibarizwamo Platini aherutse gusinya amasezerano akomeye mu gihugu cya Nigeria. Imyaka itanu isanze baramaze kwimukira mu nzu yabo nshya, inzu y'agaciro kanini iherereye i Nyamata mu Karere ka Bugesera.

    Isezerano rya Butera Knowless na Clement barihamije ku itariki 07 Kanama 2016

    Source : https://inyarwanda.com/inkuru/108761/aho-abandi-bahanzikazi-baburiye-niho-yahahiye-ibyo-wakwigira-kuri-knowless-butera-umaze-im-108761.html

  • Amakipe yose y’ikiciro cya kabiri 28 aramutse… – #rwanda #RwOT

    Hari hamaze igihe hibazwa niba imikino y’ikiciro cya kabiri izakinwa kuko byasaga n'aho iminsi yagiye Kandi ikiciro cya mbere cyo cyaramaze gukinwa. Nyuma y'aho Minisiteri ya Siporo ibwiriye FERWAFA ko yemerewe gusubukura imikino y’ikiciro cya mbere mu bagore, n’ikiciro cya kabiri mu bagabo n’abagore, kuri uyu wa Kane nibwo FERWAFA yakoze inama n’abanyamuryango b’ikiciro cya kabiri mu bagabo ndetse barebera hamwe uko imikino yakinwa mu gihe amakipe yose yaba yitabiriye.

    Rwamagana mu makipe ashobora kwiyandikisha 

    Ubuyobozi bwa FERWAFA bwerekanye  imbonerahamwe igaragaza uko amakipe yahura mu gihe kigera ku minsi 23 kandi hakaboneka amakipe 2 azamuka mu kiciro cya mbere.

    Mu gihe aya makipe yose yitezwe yaba yitabiriye, Tariki 18 Nzeri amakipe 28 yahita ahura mu mukino umwe utarimo uwo kwishyura ubundi hagasigara amakipe 14. Kugira ngo hakinwe imikino ya 1/8 harebwa amakipe 2 yatsinzwe neza akaba 16 agakina imikino ibanza niyo kwishyura aho tariki 21/22 hakinwa imikino ibanza, kwishyura bikaba tariki tariki 24 na 25. Imikino ibanza ya 1/4 yakinwa tariki 27 na 28 iyo kwishyura igakinwa tariki 30 na tariki 1. Imikino ya 1/2 ibanza yakinwa tariki 4 na 5 Ukwakira iyo kwishyura ikaba tariki 7/8, umwanya wa gatatu ukaba tariki 10 naho umukino wa nyuma ukaba tariki 11 Ukwakira 2021.

    Amagaju FC  mu makipe ashaka kuzamuka 

    Ushinzwe itangazamakuru muri FERWAFA Thabit Habineza aganira na InyaRwanda yadutangarije ko ibyo berekanye ari uko amakipe yakina mu gihe yose yitabiriye ariko nta mwanzuro n’umwe urafatwa. Yagize ati: 'Nta mwanzuro n’umwe urafatwa kuko amakipe yose agomba kubanza akiyandikisha niyo mpamvu natwe tutazi niba amakipe yose uko ari 28 aziyandikisha cyangwa se hakiyandikisha macyeya'. 

    Akomeza agira ati: 'Ubu urabizi neza ko kubera igenzura ryemerera amakipe gukina ndetse n’ibijyanye n’ikibuga hari amakipe bishobora kuzarangira atitabiriye. Mu gihe amakipe yose yaba yiyandikishije twakoresha iriya gahunda yo gukuranwamo. Amahirwe menshi navuga ko amakipe yose ataziyandikisha kandi nibigenda uko tuzakoresha ubundi buryo'. 


    Nyanza FC iherutse kongera kwemererwa kuba umunyamuryango mushya 

    Tumubajije kubijyanye  no kwiyandikisha, Thabit yadutangarije ko ari vuba cyane. Yagize ati: 'Amakipe yose yahawe igihe ntarengwa cyo ku wa 5 ko ikipe ishaka gukina ikiciro cya kabiri igomba kuba yariyandikishije ahasigaye tugasigara turebana n’amakipe yiyandikishije.” Ikiciro cya Kabiri cyari kimaze amezi hafi icumi kidakinwa kuri iyi nshuro kikazakinwa mu gihe gito gishoboka kugira ngo haboneke ikipe zisimbura Sunrise FC na As Muhanga zamanutse.

    Source : https://inyarwanda.com/inkuru/108760/amakipe-yose-yikiciro-cya-kabiri-28-aramutse-yiyandikishije-yakina-gute-mu-minsi-24-gusa-108760.html

  • Burundi: Minisitiri w'Intebe yamaganye ibyo kugirana umubano mwiza n'u Rwanda #rwanda #RwOT

    Mu kiganiro yagiranye n'abanyamakuru, Minisitiri Bunyoni,yavuze ko yarangije kureba aho abaminisitiri be bagejeje bashyira mu bikorwa imigambi ya leta.

    Alain Guillaume Bunyoni yavuze ko umubano w'u Burundi n'u Rwanda “itaragenda neza kuko ibyo twasabye u Rwanda n'ubu ntirurabitanga.”

    Mu kwezi kwa karindwi, umukuru w'igihugu cy'u Burundi, Evariste Ndayishimiye, yavuze ko ari “igitangaza” kubona u Rwanda rwoherezaMinisitiri w'intebe,Edouard Ngirente, kuruhagararira mu birori byo kwizihiza imyaka 59 u Burundi bubonye ubwigenge.

    Alain Guillaume Bunyoni yagarutse ku byo u Burundi bwashinje u Rwanda kuva mu 2015 harimo guha icumbi abashatse guhirika ubutegetsi mu Burundi mu 2015

    Alain Guillaume Bunyoni yavuze ko abari bateguye guhirika ubutegetsi “guhera kuri general Godefroid Niyombare bageze mu Rwanda bakirwa nk'abami , ibyo birazwi”.

    Yagize ati”Ntacyo bakora hariya mu Rwanda ngo twebwe Abarundi ntitukimenye kuko dufiteyo incuti, tuvuga ururimi rumwe, ibyo rero ni ibintu bisanzwe bigaragara.”

    Ibyo u Rwanda rushinjwa n'u Burundi rurabihakana ,ahubwo narwo rushinja u Burundi ko abarurwanya bo mu mu mutwe wa FLN batera bava mu Burundi aho bafite ibirindiro.

    Alain Guillaume Bunyoni, muri icyo kiganiro yabonetse akeye mu maso yambaye ishati yera,karavati itukura na costume yirabura.

    Mu kuramutsa abanyamakuru bari bahari yashimiye Imana kuko ikimurindiye ubuzima,yongeraho ko kugeza ku isaha icyo kiganiro cyabereyeho yari ameze neza.

    BBC

    Source : https://umuryango.rw/amakuru/mu-mahanga/politiki/article/burundi-minisitiri-w-intebe-yamaganye-ibyo-kugirana-umubano-mwiza-n-u-rwanda

  • Zambia: Perezida mushya Hakainde Hichilema yahoze aragira inka (Byinshi ku buzima bwe) #Rwanda #RwOT via @kigalitoday #rwanda #RwOT

    Hakaide Hichilema, Perezida mushya wa Zambia
    Hakaide Hichilema, Perezida mushya wa Zambia

    We yivugira ko ari umuntu usanzwe, wahoze aragira inka ‘cattle boy’, ariko akaza kugira amahirwe. Ayo mahirwe ngo ni yo yifuza kugeza ku bana ba Zambia kugira ngo bagere kure kurusha aho we ageze, cyane ko anabarirwa mu baherwe.

    Mu 2016, Hichilema yiyamamarije kuyobora Zambia, ariko aratsindwa, aho yari afite amajwi 100.000 gusa, mu gihe uwo bari bahanganye Edgar Lungu yari afite amajwi agera kuri Miliyoni.

    Hichilema ubu ufite imyaka 59 y’amavuko, kuri iyi nshuro yatsinze Edgar Lungu bari bahanganye mu matora. Gusa amwizeza ko nta kibazo azagira ndetse adakwiye guhagarika umutima.

    Hichilema si mushya muri Politiki ya Zambia, we ubwe yivugira ko ayirambyemo ndetse akaba amaze gufungwa inshuro 15 kuva yakwinjira muri Politiki.

    Nka Perezida mushya wa Zambia, Hichilema ngo agiye guhangana n’ikibazo cy’ubukungu bw’igihugu buhagaze nabi, kuko ku butegetsi bwa Lungu asimbuye, kimwe cya kabiri cy’abaturage ba Zambia bari munsi y’umurongo w’ubukene, kandi ibyo byari bimeze bityo na mbere y’uko icyorezo cya Covid-19 kigera muri icyo gihugu.

    Mu ijambo yavuze nyuma yo gutorerwa kuyobora Zambia, Perezida Hichilema yagize ati “Dufite inshingano ikomeye yo kungera kuzamura ubukungu bwacu kugeza ku rwego mwifuza. Ni urugendo rukomeye ruzaba rurimo kuzamuka no kumanuka, ariko ndizera ko nidukorana imbaraga n’ishyaka, tuzashobora kubageza ku buzima bwiza”.

    Hichilema ubu uyoboye Zambia nka Perezida mushya, ni umwe mu bantu ba mbere bakize cyane muri icyo gihugu, ariko ngo yabigezeho abikesheje gukora cyane.

    Aganira n’Ibiro ntaramakuru by’Abafaransa ‘AFP’ yagize ati “Ndi umuhungu waragiraga inka… ni rwo rukundo rwo mu bwana, ndi umuturage usanzwe, ndi umunyafurika usanzwe.

    Mu mbwirwaruhame yagejeje ku baturage ba Zambia nka Perezida mushya tariki 16 Kanama 2021, Perezida Hichilema, ubundi bita ‘HH’ (inyuguti zitangira amazina ye), yibukije uko yajyaga ajya ku ishuri atagira inkweto zo kwambara.

    Yongeraho ati”Nabonye amahirwe, turashaka ko ayo mahirwe agera no ku bana bacu, bakazavamo abantu bakomeye no kurusha HH”.

    Hichilema ngo avuka mu muryanyo ukennye, mu Majyepfo ya Zambia, muri ‘District’ ya Monze, ariko umuhate we wamuhesheje kubona ‘buruse’ ajya kwiga muri Kaminuza ya Zambia.

    Aho muri Kaminuza ya Zambia yahavanye impamyabushobozi ya ‘A0’ mu bijyanye n’ubukungu ‘Economics and business administration’ nyuma aza no gukomeza amashuri ye, abona impamyabushobozi ya ‘MBA’ yakuye muri Kaminuza ya Birmingham mu Bwongereza.

    Nk’uko bitangazwa n’ishyaka rye, Hichilema ku myaka 26 gusa y’amavuko, yari Umuyobozi mukuru ‘CEO’, w’ishami rya Sosiyete Mpuzamahanga y’icungamari muri Zambia.

    Ni uko ngo yatangiye kuzamuka, aza no kugera ku rwego rwo kuba mu bakire ba mbere mu Zambia, kubera ko yakoraga ishoramari mu bice bitandukanye, iby’ubuzima, iby’ubukerarugendo n’ibindi.

    Bamwe mu bakurikira ibya Politiki ya Zambia, bavuga ko intsinzi ya Hichilema mu matora aheruka, ayikesha kwiyegereza urubyiruko n’abaturage borohoje, nawe ngo wasangaga yiyoroheje , akambara imyenda adodesha mu batayeri basanzwe, ubundi akambara amakoboyi n’ibindi.

    Mu ijambo yagejeje ku baturage tariki 16 Kanama 2021, yavuze ko manda ye nirangira azava ku butegetsi mu mahoro.

    Yagize ati” Ndashaka kwizeza abaturage ba Zambia hakiri kare ko, igihe cyacu cyo kuva ku butegetsi nikigera, tuzagenda neza mu mahoro”.

    Perezida Hichilema ngo ni umukirisitu, akomoka mu bwoko bwitwa ‘Tonga’ akaba ari Umugabo wubatse, afite umugore n’abana batatu.


    source : https://ift.tt/3D4AUaT

  • Jacques Tuyisenge arakora ubukwe kuri uyu wa Gatandatu #Rwanda #RwOT via @kigalitoday #rwanda #RwOT

    Ubwo Jacques Tuyisenge n
    Ubwo Jacques Tuyisenge n’umukunzi we basezeranaga imbere y’amategeko

    Kuri uyu wa Gatanu tariki 20 Kanama 2021, Jacques Tuyisenge arasaba ndetse anakwe umukunzi we baheruka gusezerana imbere y’amategeko.

    Ubukwe nyirizina, ni ukuvuga gusezerana mu rusengero ndetse no kwakira abatumirwa bizaba ku wa Gatandatu tariki 21 Kanama 2021, ibyo birori bikazabera mu mujyi wa Gisenyi mu Karere ka Rubavu.

    Tuyisenge yasezeranye n’umukunzi we imbere y’amategeko ku itariki 19 Gashyantare 2021, amakuru akaba yavugaga ko bari guhita bakora ubukwe bukeye bwaho ku wa Gatandatu, ariko iyo gahunda iza gusubikwa kubera icyorezo cya Covid-19.

    source : https://ift.tt/37WImGG