Webrwanda Backend

Blog

  • I Rubavu hatwikiwe ibiro 627 by’urumogi – #rwanda #RwOT

    Ibi byose byafashwe kuva muri Gashyantare kugeza Kanama 2021 mu bikorwa bya Polisi byakorewe mu Karere ka Rubavu mu mirenge itandukanye. Byatwikiwe mu Karere ka Rubavu, Umurenge wa Nyakiriba, Akagari ka Gikombe, Umudugudu wa Nyabibuye kuri uyu wa Mbere tariki 23 Kanama 2021.

    Umuyobozi w’Akarere wungirije ushinzwe ubukungu n’iterambere mu Karere ka Rubavu, Nzabonimpa Deogratias, yagaragarije abaturage ingaruka z’ibiyobyabwenge haba ku muntu ku giti cye, ku muryango we no ku gihugu muri rusange.

    Ati” Mbere na mbere mugomba kumenya ko kwijandika mu biyobyabwenge uba ukoze icyaha iyo ubihamijwe n’amategeko urabihanirwa, byangiza ubuzima bw’ubikoresha.”

    “Ni igihombo ku muryango w’uwo muntu kuko hari igihe usanga afunzwe ariwe wawufashaga ndetse udafunzwe ugasanga byamuhinduye umurwayi ntacyo akora, bangiza amafaranga yagafashije umuryango bakajya kuyagura ibiyobyabwenge.”

    Visi Meya Nzabonimpa yakanguriye urubyiruko n’abaturage muri rusange kwitandukanya n’ibiyobyabwenge mu buryo bwose, bagira uwo babona abikoresha cyangwa abikwirakwiza bakihutira kubimenyesha inzego z’ubuyobozi zimwegereye cyangwa Polisi.

    Umuyobozi wa Polisi mu Karere ka Rubavu, SSP Aphrodise Gashumba, yagaragaje ko ibyinshi mu biyobyabwenge bifatirwa mu Karere ka Rubavu bituruka muri Repubukika Iharanira Demokarasi ya Congo (DRC) bikinjizwa mu Rwanda binyujijwe mu nzira zitemewe (Panya).

    Yashimiye abaturage bakomeje kugaragaza uruhare mu gutahura amayeri akoreshwa n’ababikwirakwiza.

    Ati “Hari abo twafashe babihetse mu mugongo nk’abahetse abana, ababyambarira mu myenda y’imbere, ababishyira mu majerikani basa nk’abatwaye amata, ababipakira mu modoka zipakira imicanga, mu mifuka y’ibirayi na za Karoti n’ahandi. Aya mayeri yose tuyatahura kubera abaturage baduha amakuru, turabashimira kandi tunakangurira n’abandi kujya baduha amakuru.”

    Yakomeje agaragaza ko imirenge ya Busasama na Bugeshi ariyo ikunze kugaragaramo ibiyobyabwenge kuko ari naho bikunze kwinjirizwa. Yasabye abaturage gukomeza ubufatanye mu kurandura ibiyobyabwenge ku butaka bw’u Rwanda.

    Uwari uhagarariye ubushinjacyaha mu turere twa Rubavu, Nyabihu na Ngororero, Sibomana Theogene, yavuze ko abantu 48 amadosiye yabo yamaze gushyikirizwa ubushinjacyaha kugira ngo baburanishwe ku byaha bijyanye n’ubucuruzi bw’ibiyobyabwenge.

    Iteka rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.

    Ni mu gihe itegeko riteganya ibyaha n’ibihano muri rusange mu ngingo ya 263 rivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.

    Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

    Ingingo ya gatanu y’Iteka rya Minisitiri rigena urutonde rw’ibiyobyabwenge n’ibyiciro byabyo rishyira inzoga zikozwe mu buryo budakurikije ibisabwa n’amabwiriza y’ubuziranenge n’andi mategeko mu biyobyabwenge byoroheje.

    Naho itegeko riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

    Ibiyobyabwenge byatwitswe birimo urumogi n’inzoga z’inkorano

    Urumogi rwatwitswe ni ibilo 627, rwafashwe rwinjijwe mu gihugu runyujijwe mu nzira zitemewe

    source : https://ift.tt/3ydCfJ5

  • Nta kipe yemerewe kuba mu mwiherero nta ruhushya, icyo bisaba #rwanda #RwOT

    Ishyirahamwe ry’umupira w’amaguru ryamaze gutangaza ibisabwa kugira ngo amakipe y’icyiciro cya mbere atangire imyitozo, ni mu gihe nta kipe yemerewe kuba mu mwiherero nta ruhushya babiherewe na FERWAFA kandi bakubahiriza amabwiriza yo kwirinda icyorezo cya Coronavirus.

    Mu ibaruwa yasinyweho n’umunyamabanga wa FERWAFA, Uwayezu Francois Regis yamenyesheje amakipe ko ikipe yifuza gutangira imyitozo igomba kugaragaza abakinnyi, staff technique n’itariki yifuza gutangiriraho imyitozo. Urwo rutonde kandi rugomba kuba ruherekejwe n’ibisubizo by’uko abagiye gutangira imyitozo bapimwe icyorezo cya Coronavirus byafashwe mu minsi 3 mbere yo gutangira imyitozo.

    Ikipe igomba kugaragaza ikibuga izajya ikoreraho imyitozo n’aho ikipe izajya yakirira imikino, aha kandi bakagaragaza n’ingengabihe igaragaza igihe bazajya bakorera imyitozo.

    Ikipe yifuza gushyira abakinnyi mu mwiherero igomba kwandikira FERWAFA ibisaba kandi ikubahiriza ibikubiye mu ngingo ya 2.3 y’amabwiriza yo kwirinda Coronavirus( aha amakipe agomba kubaho nk’uko yari abayeho mu mwaka ushize w’imikino, aho bose baba mu mwiherero hagira usohoka akagarukamo ari uko yamaze kongera gupimwa, n’ibindi).

    Bivuze ko uyu mwaka w’imikino wa 2021-22 amakipe azajya akora imyitozo bataha mu ngo zabo.

    Iyi baruwa kandi ivuga ko mu minsi iri imbere batangaza ingengabihe ya shampiyona, ni mu gihe shampiyona biteganyijwe ko izatangira tariki ya 16 Kanama 2021.

    Abakinnyi bazajya bakina bataha

    Source : http://isimbi.rw/siporo/article/nta-kipe-yemerewe-kuba-mu-mwiherero-nta-ruhushya-icyo-bisaba

  • Uwafatanywe 8.000Frw y’amiganano yavuze ko hari uwayamuhaye ari 10.000 ngo ayacuruze #rwanda #RwOT

    Uyu muturage yafashwe na Polisi y’u Rwanda tariki ya 22 Kanama ubwo yari amaze kubitsa amafaranga kuri umwe mu bakozi wa kimwe mu bigo by’itumanaho (Agent) utanga serivisi zo kubitsa, kubikuriza no koherereza abantu amafaranga kuri telefoni ukorera mu Mujyi wa Musanze.

    Umuyobozi wa Polisi w’agateganyo mu Karere ka Musanze, Chief Inspector of Police (CIP) Speciose Kayitesi yavuze ko gufatwa kwa Ntirenganya byaturutse ku

    CIP Kayitesi yagize ati 'Ntirenganya yagiye kuri uriya mukozi (Agent) amusaba kumubikira amafaranga kuri telefoni. Undi yarabikoze ariko akimara kwakira ayo mafaranga abona ni amiganano, yahise yitabaza abayobozi mu nzego z’ibanze nabo bahamagara Polisi ihageze isanga koko ya mafaranga ni amiganano baramufata.'

    Umuyobozi wa Polisi w’agateganyo mu Karere ka Musanze akomeza avuga ko Ntirenganya amaze gufatwa yemeye ko ayo mafaranga ari amiganano yahawe n’uwitwa Ntakirutimana uba mu Mujyi wa Kigali.

    Ntirenganya yavuze ko Ntakirutimana yayamuzaniye ari ibihumbi 10 ngo ayakwirakwize, yafashwe amaze gutanga ibihumbi Umunani.

    CIP Kayitesi yaboneyeho kongera gukangurira abaturage kujya bagenzura amafaranga bahabwa kuko hari bamwe mu bantu bagenda bakwirakwiza amafaranga y’amiganano. Yaboneyeho no gukangurira abantu kwirinda ibyaha harimo n’ibi byo gukwirakwiza amafaranga y’amiganano.

    Ati 'Turashimira uriya muturage wagize amacyenga ku mafaranga yari amaze guhabwa na Ntirenganya, turanakangurira n’abandi cyane cyane abacuruzi kujya babanza kugenzura amafaranga bakira. Basanga ari amiganano bakihutira kuduha amakuru, ariko tunibutsa abantu ko gukwirakwiza amafaranga y’amiganano ari icyaha gihanirwa n’amategeko.'

    Ntirenganya yashyikirijwe Urwego rushinzwe ubugenzacyaha(RIB) rukorera muri Sitasiyo ya Polisi ya Cyuve kugira ngo hakorwe iperereza harimo no gushakisha Ntakirutimana.

    ITEGEKO RITEGANYA IKI ?

    Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo ya 269 ivuga ko Umuntu wese, ku bw’uburiganya wigana, uhindura amafaranga y’ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k’amafaranga y’igihugu zashyizweho umukono n’inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n’izo noti azi ko ziganywe cyangwa ko zahinduwe, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7).

    Source : http://www.ukwezi.rw/mu-rwanda/Amakuru-anyuranye/article/Uwafatanywe-8-000Frw-y-amiganano-yavuze-ko-hari-uwayamuhaye-ari-10-000-ngo-ayacuruze

  • Mutsinzi Ange Jimmy yerekanywe nk'umukinnyi mushya wa Clube Desportivo Trofense yo mu cyiciro cya Kabiri mu gihugu cya Portugal, aboneraho gushimira ubuyobozi bwa APR FC #rwanda #RwOT

    Myugariro wakiniraga ikipe y'ingabo z'igihugu z'u Rwanda ya APR FC, yaraye yerekeje mu ikipe ya Clube Desportivo Trofense yo mu gihugu cya Portugal, ni ikipe ibarizwa mu kiciro cya kabiri.

    Kwerekeza mu ikipe ya Clube Desportivo Trofense bibaye nyuma yaho uyu mukinnyi yavuye mu Rwanda ku itariki ya Oud — Heverlee Leuven yo mu cyiciro cya mbere mu gihugu cy'u Bubiligi, gusa uyu mukinnyi ntabwo igeragezwa yari yerekejemo atabashije gutsinda bituma yerekeza mu gihugu cya Portugal.

    Amakuru RUSHYASHYA yamenye ni uko uyu myugariro wari wanahamagawe mu ikipe y'igihugu Amavubi yitegura imikino ibiri yo gushaka itike yo gukina imikino ya nyuma y'igikombe cy'isi kizakinwa umwaka utaha, ngo ni uko Mutsinzi yerekeje i Burayi afite amakipe menshi atandukanye yamwifuzaga bikaba aribyo byatumye yerekeza mu gihugu cya Portugal nyuma yo kwanga mu gihugu cy'u Bubiligi.

    Ange Mutsinzi Jimmy werekanywe nk'umukinnyi mushya wa Clube Desportivo Trofense ashobora kutazitabira umwiherero w'Amavubi kubera ko aribwo agihabwa amasezerano y'imyaka ibiri ari mu gihugu cya Portugal.

    Nyuma yo gushyira umukono ku masezerano kwa Mutsinzi w'imyaka 23 y'amavuko, yashimye ubuyobozi bwa APR FC bwamufashije kwitwara neza muri iyi myaka ibiri yari ayimazemo nyuma yo kuva mu ikipe ya Rayon Sports mu mwaka wa 2019.

    Abinyujije ku rubuga rwe rwa Instagram yagize ati ' Mfashe umwanya wo gushimira amahirwe adasanzwe n'umwanya nahawe n'ikipe ya APR FC mu myaka ibiri ishize ndi umukinyi wayo. By'umwihariko ndashimira ubuyobozi bw'ikipe ku bw'urukundo mwangararagarije mu gihe tumaranye.'

    'Ndashimira cyane abatoza bamfashije umunsi ku wundi bakangirira icyizere cyo gukina, Ndashimira cyane abakinnyi bagenzi banjye twabanye mu gihe narimaze muri APR FC tukayihesha ibikombe, Ndangije nshimira byimazeyo abafana ba APR FCurukundo mwanyeretse nkaba nagira ngo menyeshe abakunzi banjye bose ko ngiye gukomereza akazi muri Clube Desportivo Trofense'

    Clube Desportivo Trofense ni ikipe yo mu kiciro cya Kabiri mu gihugu cya Portugal, yashinzwe tariki ya 28 Nzeri 1930, kuri ubu iyi kipe mu bakinnyi ifite hari umukinnyi wo hagati ukomoka muri Angola witwa Beni Mukendi.

    The post Mutsinzi Ange Jimmy yerekanywe nk'umukinnyi mushya wa Clube Desportivo Trofense yo mu cyiciro cya Kabiri mu gihugu cya Portugal, aboneraho gushimira ubuyobozi bwa APR FC appeared first on RUSHYASHYA.

    Source : https://rushyashya.net/mutsinzi-ange-jimmy-yerekanywe-nkumukinnyi-mushya-wa-clube-desportivo-trofense-yo-mu-cyiciro-cya-kabiri-mu-gihugu-cya-portugal-aboneraho-gushimira-ubuyobozi-bwa-apr-fc/?utm_source=rss&utm_medium=rss&utm_campaign=mutsinzi-ange-jimmy-yerekanywe-nkumukinnyi-mushya-wa-clube-desportivo-trofense-yo-mu-cyiciro-cya-kabiri-mu-gihugu-cya-portugal-aboneraho-gushimira-ubuyobozi-bwa-apr-fc

  • Rubavu : Hatwitswe ibiyobyabwenge byafashwe mu mezi 6 hagarukwa ku mayeri y’ababizanaga arimo kubiheka nk’abana #rwanda #RwOT

    Ibi biyobyabwenge byatwitswe mu gitondo cyo kuri uyu wa Mbere tariki ya 23 birimo ibiro 627 by’urumogi, litiro 11 za Kanyanga n’amacupa 523 y’ikinyobwa kitujuje ubuziranenge kitwa Simba.

    Ibi biyobyabwenge byafatiwe mu bikorwa bya Polisi byakorewe mu Karere ka Rubavu mu mirenge itandukanye. Byatwikiwe mu Karere ka Rubavu, Umurenge wa Nyakiriba, Akagari ka Gikombe, Umudugudu wa Nyabibuye.

    Igikorwa cyo gutwika ibi biyobyabwenge kitabiriwe n’Umuyobozi w’Akarere wungirije ushinzwe ubukungu n’iterambere mu Karere ka Rubavu, Nzabonimpa Deogratias, Umuyobozi wa Polisi mu Karere ka Rubavu, Senior Superintendent of Police (SSP) Aphrodise Gashumba n’uhagarariye ubushinjacyaha mu turere twa Rubavu- Nyabihu na Ngororero, Sibomana Theogene.

    Aganiriza abaturage bari baje muri icyo gikorwa, Umuyobozi w’Akarere ka Rubavu wungirije ushinzwe ubukungu n’iterambere yagaragarije abaturage ingaruka z’ibiyobyabwenge haba ku muntu ku giti cye, ku muryango we ndetse no ku gihugu muri rusange.

    Yagize ati 'Mbere na mbere mugomba kumenya ko kwijandika mu biyobyabwenge uba ukoze icyaha iyo ubihamijwe n’amategeko urabihanirwa, byangiza ubuzima bw’ubikoresha. Ni igihombo ku muryango w’uwo muntu kuko hari igihe usanga afunzwe ariwe wafashaga umuryango we ndetse udafunzwe ugasanga byamuhinduye umurwayi ntacyo akora, usanga bangiza amafaranga yagafashije umuryango bakajya kuyagura ibiyobyabwenge. Ibi byose bigaruka ku gihugu kuko kibura amaboko y’abakagikoreye ngo gitere imbere ndetse ugasanga hari imiryango iri mu bukene bukabije, umutekano mucye n’ibindi bitandukanye.'

    Visi Meya Nzabonimpa yakanguriye urubyiruko n’abaturage muri rusange kwitandukanya n’ibiyobyabwenge mu buryo bwose bagira uwo babona abikoresha cyangwa abikwirakwiza bakihutira kubimenyesha inzego z’ubuyobozi zimwegereye cyangwa Polisi.

    Umuyobozi wa Polisi mu Karere ka Rubavu, SSP Aphrodise Gashumba yagaragaje ko ibyinshi mu biyobyabwenge bifatirwa mu Karere ka Rubavu harimo ibyangijwe uyu munsi bituruka mu gihugu cya Repubukika iharanira Demokarasi ya Congo (DRC) bikinjizwa mu Rwanda babinyujije mu nzira zitazwi (Panya). Yashimiye abaturage bakomeje kugaragaza uruhare mu gutahura amayeri akoreshwa n’ababikwirakwiza.

    Ati 'Hari abo twafashe babihetse mu mugongo nk’abahetse abana, ababyambarira mu myenda y’imbere, ababishyira mu majerikani basa nk’abatwaye amata, ababipakira mu modoka zipakira imicanga, abarutwara mu mifuka y’ibirayi na za Karoti n’ahandi hatandukanye. Aya mayeri yose tuyatahura kubera abaturage baduha amakuru, turabashimira kandi tunakangurira n’abandi kujya baduha amakuru.'

    Yakomeje agaragaza ko imirenge ya Busasama na Bugeshi ariyo ikunze kugaragaramo biriya biyobyabwenge kuko ari naho bikunze kwinjirizwa. Yasabye abaturage gukomeza ubufatanye mu kurandura ibiyobyabwenge ku butaka bw’u Rwanda.

    Uwaje ahagarariye ubushinjacyaha mu turere twa Rubavu, Nyabihu na Ngororero, Sibomana Theogene yavuze ko abantu 48 amadosiye yabo yamaze gushyikirizwa ubushinjacyaha kugira ngo baburanishwe ku byaha by’ibiyobyabwenge. Yavuze ko hari ibihano bihanitse ku cyaha cy’ikoreshwa ry’ibiyobyabwenge akangurira abaturage kubyirinda.

    Ati 'Ibi biyobyabwenge bingana gutya byafashwe tukaba tubitwitse bifite igisobanuro gikomeye mu kubirwanya. Byonyine kuba Polisi y’u Rwanda ibifatanyamo n’abaturage ni ikimenyetso cyo guca intege n’abandi bose batekerezaga kwishora mu ngeso z’ibiyobyabwenge, ubu ni uburyo bwiza bwo guca uruhererekane rwose ruba mu kubikwirakwiza ariko bifite igisobanuro gikomeye cyane hano mu Karere ka Rubavu nk’ahantu bikunze kwinjirira bivuye mu gihugu cy’abaturanyi cya Congo.'

    ICYO AMATEGEKO AVUGA

    Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.

    Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

    Ingingo ya 5 y’Iteka rya Minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira inzoga zikozwe mu buryo budakurikije ibisabwa n’amabwiriza y’ubuziranenge n’andi mategeko mu biyobyabwenge byoroheje.

    Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

    Source : http://www.ukwezi.rw/mu-rwanda/Amakuru-anyuranye/article/Rubavu-Hatwitswe-ibiyobyabwenge-byafashwe-mu-mezi-6-hagarukwa-ku-mayeri-y-ababizanaga-arimo-kubiheka-nk-abana

  • Abandi bakinnyi 6 basezerewe mu ikipe y’igihugu yitegura igikombe cy’Afurika #rwanda #RwOT

    Umunya-Brésil Paulo De Tarso Milagres utoza ikipe y’Igihugu ya Volleyball mu bagabo n’abagore yafashe umwanzuro wo gusezerera abandi bakinnyi batandatu mu ikipe y’igihugu irimo kwitegura igikombe cty’Afurika kizabera mu Rwanda.

    Hari hahamagawe abakinnyi 36 mu bagabo na 28 mu bagore aho batangiye umwiherero tariki ya 8 Kanama 2021.

    Tariki ya 15 Kanama akaba yarafashe umwanzuro wo gusezerera abakinnyi 26 barimo 16 mu bagabo n’10 mu bagore, asigarana 20 mu bagabo na 18 mu bagore.

    Nyuma nibwo Mukunzi Christophe yahise asohoka mu mwiherero w’ikipe y’igihugu, ni nabwo baje kongeramo Musoni Fred.

    Ku munsi w’ejo akaba yarafashe umwanzuro wo gusezerera abandi batatu mu ikipe y’igihugu y’abagabo barimo Muvara Ronald, Gisubizo Merci na Musoni Fred.

    Mu bagore yasezereye Niyomukesha Euphrance, Uwamariya Jacqueline na Hakizimana Judith.

    Asigaranye 17 mu bagabo na 15 mu bagore bazatoranywamo(14 buri ruhande) abazakina igikombe cy’Afurika kizaba kuva tariki ya 5 n’iya 20 Nzeri 2021 muri Kigali Arena.

    Abakinnyo bose basigaye

    Ikipe y’igihugu y’abagore: Akimanizanye Ernestine, Dusabe Flavia, Igihozo Cyuzuzo Yvette, Mukandayisenga Benitha, Musaniwabo Hope, Mukantambara Séraphine, Ndagijimana Iris, Nyirahabimana Divine, Nzamukosha Olive, Nzayisenga Charlotte, Uwamahoro Béatrice, Uwiringiyimana Albertine, Munezero Valentine, Nyirarukundo Christine na Yankurije Françoise.

    Ikipe y’igihugu y’abagabo: Nsabimana Mahoro Yvan, Dusabimana Vincent, Dusenge Wickliff, Kanamugire Prince, Mukunziza John, Mutabazi Yves, Murangwa Nelson, Karera Emile, Ndahayo Dieu Est Là, Rwigema Simon, Ndamukunda Flavien, Ndayisaba Sylvestre, Ngaboyintwari Cédric, Niyogisubizo Samuel, Sibomana Placide, Yakan Guma Lawrence na Akumuntu Kavalo Patrick.

    Source : http://isimbi.rw/siporo/article/abandi-bakinnyi-6-basezerewe-mu-ikipe-y-igihugu-yitegura-igikombe-cy-afurika

  • Nigeria: Ibyamamare byahuriye mu gikorwa cyo… – #rwanda #RwOT

    Album nshya ya Sarkodie yitwa No Pressure ikaba iya gatandatu mu mateka y’umuziki w’uyu mugabo ni Album iriho indirimbo nyinshi kandi yagiye afashwamo n’abahanzi banyuranye bo mu bihugu bitandukanye byo muri Africa, Uburayi na Amerika.

    Mu gikorwa gisa nk’agashya cyabereye muri Lagos umurwa mukuru wa Nigeria, Sarkodie yahurije hamwe ibyamamare bitandukanye bumvira hamwe iyi Album nshya. Ni igikorwa cyatewe inkunga na kompanyi zinyuranye nk’uko bigaragara mu butumwa bw’ishimwe bw’uyu mugabo.

    Sarkodie yagize ati: “Igikorwa cyo kumva Album No Pressure muri Naija sinabona uko mbashima mwese ariko ishimwe rikomeye kuri ziiki riddimz, mtvbaseafrica, soundcityafrica” Ati: “Ni mwe mukurikira Kenya-Nairobi ndaba ndi mu mujyi wanyu guhera none.”

    Sarkodie kandi uretse Album No Pressure mu minsi micye ishize yinjiye mu muryango mugari wa Sony Music aho yasanzemo Beyonce n’abandi barimo Davido wari wanitabiriye ibi birori.

    Davido na Sarkodie mu gikorwa cy’ibyamamare cyo kumva Album nshya yitwa No PressureJim Iyike umukinnyi wa filimi muri Nigeria, Phyno, Sarkodie na RudeboyHari hitabiriye ibyamamare byinshi muri iki gikorwa cya SarkodieSarkodie yatangaje ko akomereje ibikorwa muri Kenya-Nairobi byo kumvisha abantu Album ye

    Source : https://inyarwanda.com/inkuru/108867/byari-agashya-ubwo-ibyamamare-byahuriraga-mu-gikorwa-cyo-kumva-no-pressure-album-nshya-ya–108867.html

  • Hakuzimana Abdul Rashid Uzahemba abahembera inzangano n'Amacakubiri mu Banyarwanda Nawe Arakifitemo Ibisigisigi by'Ubupawa bwa MDR na MRND #rwanda #RwOT

    HAKUZIMANA Abdul Rashid ni umugabo umaze gukura wavutse muw'1968, Arubatse kandi ni se w'abana bane (abahungu batatu n'umukobwa umwe), hamwe n'umuryango we, kuri ubu (2021) atuye mu mudugudu witwa Ingenzi, mu kagari ka Kivugiza, Umurenge wa Nyamirambo, Akarere ka Nyarungege

    Yafunzwe imyaka umunani muri gereza enye zitandukanye (2006-2014) akaba avuga ko yashakaga kwunga Perezida Kagame Paul n'uwahoze ari Perezida Bizimungu Pasteur

    Nkuko byagaragaye mu mivugire ye ndetse no mu miteganyirize y'imishinga ye yo gukomeza kubiba inzangano, Ubu noneho ngo arateganya guhemba Agnes Uwimana Nkusi nk'umugore w'intwari mbese ubasha gutuka no gusebya imiyoborere ya Leta y'Ubumwe, akaba arimo kwamamaza ko agiye gukora umuyoboro wa YouTube nk'itiyo azajya anyuzamo ibihuha n'amateshwa yo guhungabanya ubumwe bw'abanyarwanda binyuze mu biganiro yita ko byubaka kandi bisenya.

    Bimwe mubyo agenda abiba twavugamo imitwe y'inkuru yuje uburozi igira iti 'Urwikekwe mu Banyarwanda Ruterwa na FPR-Inkotanyi ihora ibanekaneka, FPR-Inkotanyi ifitiye Ubwoba MRND, Na Perezida arafungwa bityo Leta nidohore abafunze babonane nabo bashakanye, Abanyarwanda turijijisha buri wese azi ubwoko bwe, Paul Kagame niwe wa mbere utavuga rumwe na leta abari muri system barisanzuye? N'ibindi byinshi,
    Ese mu by'ukuri dushyize mu gaciro aya magambo ya Rashid aho yubaka nihe uretse guhahira abakeneye abakeneye indonko mumacakubiri? Duhereye ku kibazo cyo kwunga abo atazi aho bahuriye buriya umuntu ntiyagishyira mu gika cyo gushyanuka no kwinjirira Ubutabera?

    Ni gute se yavuga ko Perezida Kagame atavuga rumwe na Leta kandi ayiyoboye uko abanyarwanda twifuza….ubu se akeneye ko tumuha ingero cyangwa arashaka ko tumugereranyiriza na Leta atangaho ingero ya Kinani n'iya Kambanda na Sindikubwabo ibyo ndumva byaba ari ugusomeza amata amaganga, kuko aho abiyise abatabazi bagejeje igihugu harazwi ni kuri zero kandi naho tugeze twiyubaka haragaragara n'ubwo kidobya nk'izi zitabura.

    Igihe kirageze rero ngo umuyaga uhuha utwereke ubwambure bw'ababangamiye urugendo rwo kubaka igihugu n'ubumwe bw'abanyarwanda, igihe kirageze ngo tubone uruhande Rashid abogamiyeho. Umunyamakuru ubirambyemo witwa Nshimiyimana Sam Goddy yigeze kubwira Gatanazi Etienne ngo 'Bose ni abasinzi b'amata ya Demokarasi' naho Nyakubahwa Perezida Kagame we ayita Politike ya Mudomo, kuzungumuza tuu, amagambo, iyo aba yagiraga inyungu amagambo twakayateye inkunga tukayashakira inyubako…naho Rashid wifuza ko abagororwa bakomeza inshingano zo mu ngo zabo ubwo umuntu yakwibaza icyo bafunzwe cyikakuyobera.

    Mu kuri rero urwo ni uruhande umunwa wa Rashid werekezamo ni ugukomeza kurangaza abaturage no kubatesha umwanya murugendo rwo kwiteza imbere. Ibi bisobanuye ko Rashid n'abandi duhora tugarukaho bananiwe kwiyakira kubera intsinzwi ya Gipawa bagakwiye kugarura agatima impembero cyangwa se n'ubundi ntaho badahamba bazihe umuti kuko ntaho bahejwe bazakomeza bavuge hanyuma natwe dukore tuzareba uzatsinda mbere.
    Ikibazo ni uko dukora bo bagakomeza kugwira inda za benewabo bari ikantarange nka Marcel Sebatware na Mukobwa we, Rene Mugenzi, Gatebuke Kolode, ndetse n'abandi ntarondoye barimo Singirankabo.

    Ahaaa Reka Rashid tumureke akomeze asimbure Idamange Yvonne Iryamugwiza, buriya umunsi uzaba umwe Ubutabera bumukubite Intahe mu gahanga kuko amaherezo y'icyaha burya ni ukurimbukana na nyiracyo, Kari agaciyemo.

    The post Hakuzimana Abdul Rashid Uzahemba abahembera inzangano n'Amacakubiri mu Banyarwanda Nawe Arakifitemo Ibisigisigi by'Ubupawa bwa MDR na MRND appeared first on RUSHYASHYA.

    Source : https://rushyashya.net/hakuzimana-abdul-rashid-uzahemba-abahembera-inzangano-namacakubiri-mu-banyarwanda-nawe-arakifitemo-ibisigisigi-byubupawa-bwa-mdr-na-mrnd/?utm_source=rss&utm_medium=rss&utm_campaign=hakuzimana-abdul-rashid-uzahemba-abahembera-inzangano-namacakubiri-mu-banyarwanda-nawe-arakifitemo-ibisigisigi-byubupawa-bwa-mdr-na-mrnd

  • Cally wize umuziki ku Nyundo yasohoye indirim… – #rwanda #RwOT

    Uyu mukobwa 20 y'amavuko ni imfura mu muryango w'abana bane. Gukura akunda umuziki byamuhesheje amahirwe yo kujya kuwiga ku ishuri rya muzika rya Nyundo, bituma arushaho kuwukunda no kuwukurikirana.

    Uyu mukobwa ashaka gukora umuziki, kuko umuryango we umushyigikiye. 'Reka' n'iyo ndirimbo asohoye, ariko agaragara mu ndirimbo 'Mata' yo Kwibuka Jenoside yakorewe Abatutsi muri Mata 1994.

    KANDA HANO WUMVE INDIRIMBO 'REKA' YA CALLY

    Cally yabwiye INYARWANDA, ko yinjiye mu muziki kubera ko ari ibintu akunda kandi akaba ashaka gutinyura 'abakobwa bagenzi be bafite impano'.

    Ati 'Nize umuziki ku Nyundo ariko impamvu ninjiye mu muziki akenshi twiga amashuri ugasanga ibyo twize ni nabyo turi gukora. Kuba ndi gukora umuziki, ni uko nyine ari n'ikintu nize, ari n'ikintu nkunda.'

    Uyu mukobwa yavuze ko indirimbo ye ya mbere yise 'Reka' yasohoye ishingiye ku biganiro yagiranye n'abakobwa b'inshuti be bamubwiye ku bahungu batabasha kubwira abakunzi babo ikibarimo, nyamara baba baganirira ku mbuga nkoranyambaga bakabica bigacika.

    Ati 'Ni inkuru mpamo kubera ko ni ikiganiro nagiranye n'inshuti zanjye bavuga ku bahungu batinya. Bakunda kuvuga ibintu mu biganiro bagiranye kuri WhatsApp no ku izindi mbuga ariko bahura ntibatinyuke ngo bavuge. Niho havuze igitekerezo cy'iyi ndirimbo harimo n'ibindi navanzemo.'

    Yavuze ko iyi ndirimbo 'yakiriwe neza wenda nubwo atari rwo rwego nabyifuzagaho, ariko nanone nabwo ari rwo natekerezaga.'

    Cally avuga ko mu myaka itanu iri imbere ashaka kuzaba ari umuhanzikazi w'ikitegererezo kubo bangana n'abo aruta. by'umwihariko abakobwa.

    Umuziki we arashaka ko uzaba wumvwa n'abantu b'ingeri zinyuranye, yaba abumva Kinyarwanda n'abanyamahanga.

    Mu 2017 no mu 2018 uyu mukobwa yize ku ishuri rya Muzika rya Nyundo, aho yize umuziki. Ni nyuma y'uko atsinze amarushanwa yatumye ajya kwiga muri iri shuri.

    Avuga ko kwiga umuziki byamufashije ibintu byinshi by'umwihariko kumenya umuziki, kuwukunda, kuwukora mu buryo bw'ubushabitsi. Kandi, umuziki bamutoje ko ari ubuzima bwe bwa buri munsi.

    Muri iki gihe, uyu mukobwa ari gufashwa na Label Sia-Prince gutunganya ibihangano bye.

    Amajwi y'iyi ndirimbo 'Reka' yatunganyijwe na Mokvybz inononsorwa na Producer Holly Beat n'aho amashusho yakozwe na Gerard Kingsley.

    Umuhanzikazi Cally wize umuziki ku ishuri rya muzika rya Nyundo, yinjiye mu muziki  

    Cally yasohoye indirimbo ye ya mbere yise 'Reka' yubakiye ku bakobwa baganiriye ku basore batinya gutereta imbona nkubone

    KANDA HANO UREBE AMASHUSHO Y'INDIRIMBO 'REKA' YA CALLY

    “>

    Source : https://inyarwanda.com/inkuru/108865/cally-wize-umuziki-ku-nyundo-yasohoye-indirimbo-ye-ya-mbere-video-108865.html

  • #COVID19: Mu Rwanda abantu 6 bitabye Imana, abarembye ni 43 #Rwanda #RwOT via @kigalitoday #rwanda #RwOT

    source : https://ift.tt/385Dj70