source : https://ift.tt/2XJ6bju
Blog
-
Baravuga ko banyoye Energy Drink, Polisi yo ikavuga ko bari banyoye inzoga #Rwanda #RwOT via @kigalitoday #rwanda #RwOT
source : https://ift.tt/2XU0nUw
-
Igisupusupu ushinjwa gusambanya umwana aramenya umwanzuro ku bujurire bwe kuri uyu wa Kane #Rwanda #RwOT via @kigalitoday #rwanda #RwOT
-
- Nsengiyumva François uzwi nka Igisupusupu
Kuri uyu wa Kabiri tariki ya 24 Kanama 2021, ni bwo uwo muhanzi yaburanye ubujurire mu rukiko rwisumbuye rwa Nyagatare, ku ifunga n’ifungurwa ry’agateganyo.
Nsengiyumva François aheruka gukatirwa n’urukiko rw’ibanze rwa Kiramuruzi, igifungo cy’agateganyo cy’iminsi 30 kubera ibyaha akurikiranyweho byo gusambanya umwana w’umukobwa w’imyaka 13 n’icyo gukoresha umwana imirimo ivunanye, aho yari yaramugize umukozi wo mu rugo.
Ni icyemezo yahise ajuririra mu rukiko rwisumbuye rwa Nyagatare, akazahabwa umwanzuro ku bujurire bwe ku wa Kane w’iki cyumweru, saa cyenda z’igicamunsi.
source : https://ift.tt/3DfOGYk
-
-
Nyirambegeti wagaragaye ari gukubita umugabo we ngo nuko yavuye mu rugo atamuhaye uruhushya agiye kugezwa mu rukiko #rwanda #RwOT
Uyu Nyirambegeti wo mu Murenge wa Huye mu Karere ka Huye aherutse kugaragara mu mashusho akubita inshyi umugabo we mu nzira anamusaba gufunga umunwa yere kurira agiye kugenzwa mu rukiko
Ubushinjacyaha bw'u Rwanda bwatangaje ko Ubushinjacyaha ku rwego Rwisumbuye rwa Huye bwashyikirije Urukiko Rwisumbuye rwa Huye dosiye iregwamo uriya mugore mu cyumweru gishize tariki 18 Kanama 2021.
Uwitwa Annonciata Byukusenge washyize aya mashusho kuri Twitter mu ntangiriro z'uku kwezi, yagize ati 'Abagabo bahohoterwa n'abagore babo kuri uru rwego mu ruhame barenganurwa nande ? Ibi byabereye mu Murenge wa Huye, Umudugudu wa Kubutare.'
Uyu mugore yumvikanye abwira uyu mugabo yakubitaga yicaye hasi ati “Haguruka dutahe.”Uyu mugabo yarimo kurira ahamagara abantu bari hafi aho bashungereye,hanyuma uyu mugore aramubwira ati “funga umunwa.”
Ibi byabaye ku Cyumweru tariki 08 Kanama 2021 ubwo Nyirambegeti yahanaga umugabo we wari wazerereye.
Ingingo ya 121 mu gitabo cy'amategeko ahana icyaha cyo gukubita cyangwa gukomeretsa ku bushake ivuga ko:
Umuntu wese, abishaka, ukomeretsa undi, umukubita cyangwa umusagarira ku buryo bwa kiboko bubabaje aba akoze icyaha.
Iyo abihamijwe n'urukiko, ahanishwa igifungo kitari munsi y'imyaka itatu (3) ariko kitarenze imyaka itanu (5) n'ihazabu y'amafaranga y'u Rwanda atari munsi y'ibihumbi magana atanu (500.000 FRW) ariko atarenze miliyoni imwe (1.000.000 FRW). Iyo icyaha cyakorewe umwana, umubyeyi, uwo bashyingiranywe cyangwa umuntu udashoboye kwitabara kubera imiterere ye ku mubiri cyangwa mu bwenge, ahanishwa igifungo kirenze imyaka itanu (5) ariko kitarenze imyaka umunani (8) n'ihazabu y'amafaranga y'u Rwanda atari munsi ya miliyoni imwe (1.000.000 FRW) ariko atarenga miliyoni ebyiri (2.000.000 FRW).
Iyo gukubita cyangwa gukomeretsa byateye indwara cyangwa kudashobora kugira icyo umuntu yikorera ku buryo budahoraho, igihano kiba igifungo kitarimunsi y'imyaka icumi (10) ariko kitarenze imyaka cumi n'itanu (15) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000FRW). Iyo byateye indwara idakira, ubumuga buhoraho butuma ntacyo yikorera, kubuza burundu urugingo rw'umubiri gukora no gutakaza igice cy'umubiri, igihano kiba igifungo kitari munsi y'imyaka icumi (10) ariko kitarenze imyaka cumi n'itanu (15) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).
Iyo gukubita cyangwa gukomeretsa byagambiriwe, byategewe igico, uwakoze icyaha ahanishwa igifungo kitari munsi y'imyaka icumi (10) ariko kitarenze imyaka cumi n'itanu (15) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).
Iyo gukubita cyangwa gukomeretsa byateye urupfu, igihano kiba igifungo kitari munsi y'imyaka cumi n'itanu (15) ariko kitarenze imyaka makumyabiri (20) n'ihazabu y'amafaranga y'u Rwanda atari munsi ya miliyoni eshanu (5.000.000 FRW) ariko atarenze miliyoni zirindwi (7.000.000 FRW).
-
Bibiteye agahinda! Umugore yapfushije abana 5 mu mpanuka y'inkongi y'umuriro ku munsi w'isabukuru ye y'amavuko [AMAFOTO] #rwanda #RwOT
Inkuru y'urupfu rw'aba bana ikomeje kuriza abantu benshi bakoresha imbuga nkoranya mbanga, bose basabira uyu mubyeyi ku Mana imbaraga zo kunyura muri ibi bihe bitoroshye ari kunyuramo.
Mu mamakuru dukesha ikinyamakuru Ghana news gitangaza ko , ' ku wa gatanu w'icyumweru cyashize mu masaha y'igitondo,uyu mubyeyi usanzwe urera aba abana 5 wenyine witwa Sabrina, yavuye murugo rwe agiye kuzana inshuti ze mu kirori k'isabukuru ye y'amavuko .Agarutse asanga inzu ye yaka umuriro yarimo abana be bose ukwari 5.'
Amakuru avuga ko umuriro watangiriye mu igorofa rya kabiri ry'inyubako iri mu burasirazuba bwa St Louis hakurya y'ikibuga cy'ishuri ribanza rya Annette Harris.Umukuru wa Polise wo muri ako gace yatangarije iki kinyamakuru dukesha iyi nkuru ko ubwo bazaga kuzima iyi nkongi basanze abana 4 bamaze kwitaba Imana , umwe wari usigaye ari muzima ajyanwa mubitaro ari naho yaguye. Aba bahitanwe n'inkongi y'umuriro harimo uwitwa Loyal Dunigan w'imyaka 2, Jabari Johnson w'imyaka 4, impanga z'imyaka 7 Nevaeh na Dunigan hamwe n'imfura ye yitwa Deontay Dunigan w'imyaka 9.
Refe:ghananewss.com -
Nyagatare: Ubushinjacyaha bwongeye gusabira Nsengiyumva Francois Gisupusupu gufungwa iminsi 30 #rwanda #RwOT
Uyu munsi Ubushinjacyaha bwongeye gusabira Nsengiyumva Francois Gisupusupu gufungwa iminsi 30 kugira ngo iperereza ku byaha akekwaho rikomeze.
Ku rukiko rwisumbuye rwa Nyagatare hasubukuwe ubujurire bwa Nsengiyumva Francois Gisupusupu,ni urubanza rwaherukaga gusubikwa kuwa 10 Kanama 2021 Kubera ko Nsengiyumva yari mu kato ka Gereza ya Rwamagana kugira ngo harebwe niba nta Cyorezo cya Covid-19 afite.
Nsengiyumva Francois yajuririye icyemezo cy'urukiko rwibanze cya Kiramuruzi aho kuwa 26 Nyakanga 2021 rwamukatiye gufungwa muri Gereza ya Rwamagana iminsi 30 y'agateganyo.Uyu muhanzi wamenyekanye nka Gisupusupu yahise ajuririra icyemezo cy'urukiko.
Nsegiyumva ubushinjacyaha bumukurikiranyeho icyaha cyo gusambanya umwana w'imyaka 13.Raporo ya muganga yagaragaje ko uwo mwana yanduye indwara zandurira mu mibonano mpuzabitsina.
Umuganga yemeje ko indwara Nsengiyumva yarwaye ari nayo Umwana yarwaye nk'uko Raporo ya muganga yabyerekanye.
Inteko y'umucamanza umwe n'umwanditsi w'urukiko niyo yayoboye uru rubanza rwa Gisupusupu.Ubushinjacyaha bwari mu rukiko Rwisumbuye rwa Nyagatare mu gihe Nsengiyumva Francois yaburanye ari kuri Gereza ya Rwamagana naho Umwunganira mu mategeko Me Nizeyimana Boniface we yamwunganiye ari mu biro bye Ku kacyiru.
Saa mbili n'igice nibwo iburanisha ryatangiye,aho Umucamanza yatangiye aha Umwanya Nsengiyumva Francois ngo asobanure impamvu zikomeye zatumye ajururira urukiko rwisumbuye rwa Nyagatare.
Nsengiyimva yabwiye Urukiko ko nk'uko yabivuze aburana ifunga n'ifungurwa mu rukiko rwibanze rwa Kiramuruzi. “Ntabwo nemera icyaha nkekwaho n'ubushinjacyaha cyo gufata umwana ku ngufu ahubwo najuririye Nyagatare kuko nkeneye Ubutabera kandi ndabwizeye.”
Me Nizeyimana Boniface Umwunganira, yabwiye Urukikiko ko umukiriya we arengana ko kandi Urukiko rutashingira ku batangabuhamya batanzwe n'ubushinjcyaha.
Me Nizeyimana yavuze ko Nsengiyumva yafashwe uwo mwana ahamaze iminsi ibiri gusa.Me Nizeyimana ati “ntabwo byumvikana ukuntu umuntu yamara ahantu iminsi ibiri agahita yandura indwara zandurira mu mibonano mpuzabitsina.”
Me Nizeyimana yabwiye Urukiko ko ibindi azabisobanura mu rubanza mu mizi.Ubushinjacyaha bwahawe Umwanya ngo bugire icyo buvuga ku byavuzwe n'abajuriye,busobanura ko bitewe n'uburemere bw'icyaha Nsengiyumva acyekwaho kandi bukaba bugikora iperereza bumusabira gukomeza hufungwa muri gereza mu gihe urubanza rutaraburanishwa mu mizi.
Umucamanza yumvise impande zombi apfundikira iburanisha avuga ko uru rubanza ruzasomwa kuwa 26 Kanama 2021 Saa tanu z'amanywa.
-
Ingabo z'u Rwanda n'iza Mozambike zarokoye abantu basaga 100 bari barashimuswe n'ibyihebe #rwanda #RwOT
Ingabo za Mozambique (FDS) hamwe niz'u Rwanda mu mpera z'iki cyumweru zakijije abantu barenga 100 bari bajyanywe bunyago n'ibyihebe i Mbau, no mu karere ka Mocimboa da Praia, Cabo Delgado,nk'uko Rádio Moçambique ibitangaza.
Abarokowe biganjemo abasaza n'abana, bakuwe mu ishyamba ry'ibiro by'ubuyobozi bwa Mbau, nyuma y'igitero no kwigarurira kimwe mu birindiro by'abarwanyi b'iterabwoba.
Amakuru aturuka mu bakozi bakuru b'ingabo z'igihugu cya Mozambique avuga ko kuri ubu imbogamizi ihari ari ukubura ibiribwa byo kugemurira abo baturage.Iyo raporo ikomeza ivuga ko kuri ubu hari akazi ko gukangurira abaturage gutunganya amazi, hagamijwe gukumira indwara z'impiswi.
Mu cyumweru gishize nibwo izi ngabo zombi zahuje imbaraga mu guhashya ibi byihebe byiyitirira Al Shabab byarashe inyeshyamba mu ishyamba rya Mbau.
Mu birometero nka bitanu utarinjira Mbau, ingabo z'u Rwanda zasakiranye n'umutwe w'ibyihebe biri hagati ya 80-100, bihatakariza abarwanyi 11.
Aba barwanyi bari barahungiye muri Mbau,ubwo bateshwaga icyicaro gikuru cyabo cya Mocimboa da Praia bakubiswe inshuro n'ingabo z'u Rwanda n'iza Mozambike.
Mbau ni agace kari mu bilometero 45 uvuye Mocimboa da Praia. Ni ahantu hari amashyamba akomeye ameze nk'ayo muri Nyungwe. Byakunze kuvugwa ko izo nyeshyamba zihifashisha nk'aho zikorera imyitozo.
Ku wa Gatanu w'iki Cyumweru nibwo igikorwa cyo gufata ako gace cyagezweho nyuma y'imirwano yari ihamaze iminsi. Yahereye mu bice bya Chinda n'ahandi.
Umuvugizi w'Ingabo z'u Rwanda, Col Rwivanga Ronald, yabwiye IGIHE ko nubwo Mbau yafashwe, ibikorwa byo kurwanya iyi mitwe bikomeje.
Ati 'Twahafashe kandi twabakuye muri ako gace, ariko ntibivuze ko ibikorwa birangiye, birakomeje.'
Ibyumweru bisaga bibiri bishize byabaye iby'urugamba rukomeye kuri abo barwanyi dore ko aribwo batsimbuwe mu birindiro bikuru byabo mu gace ka Mocímboa da Praia.
Ni nyuma y'urugamba rukomeye rwagabwe, Ingabo z'u Rwanda zimwe zinyuze mu gace k'Amajyaruguru izindi mu Burengerazuba. Zimwe zari ziyobowe na Brig Gen Pascal Muhizi zaturutse ahitwa Palma mu gihe izindi ziyobowe na Lt Col James Kayiranga zaturutse ahitwa Awasse.
-
Volleyball: Umutoza w'ikipe y'igihugu yashyize hanze urutonde rw'abakinnyi azakoresha mu gikombe cy'Afurika #rwanda #RwOT
Kuri uyu wa Mbere, tariki ya 23 Kanama 2021, yongeye kubagabanya, asigarana 17 mu bagabo na 15 mu bagore, aba akaba ari bo bazavamo 14 ba nyuma bazakina Igikombe cya Afurika.
Abakinnyi batatu basezerewe mu Ikipe y'Igihugu y'Abagore ni Niyomukesha Euphrance, Uwamariya Jacqueline na Hakizimana Judith mu gihe batatu batazakomezanya n'abandi mu bagabo ari Muvara Ronald, Gisubizo Merci, Mukunzi Christophe na Musoni Fred wari witabajwe nyuma.
U Rwanda ruzabanza kwakira Igikombe cya Afurika cy'abagabo hagati ya tariki ya 6 n'iya 15 Nzeri mu gihe icy'abagore kizaba hagati ya tariki ya 10 n'iya 20 Nzeri 2021.
Abakinnyi 15 basigaye mu bagore ni: Akimanizanye Ernestine, Dusabe Flavia, Igihozo Cyuzuzo Yvette, Mukandayisenga Benitha, Musaniwabo Hope, Mukantambara Séraphine, Ndagijimana Iris, Nyirahabimana Divine, Nzamukosha Olive, Nzayisenga Charlotte, Uwamahoro Béatrice, Uwiringiyimana Albertine, Munezero Valentine, Nyirarukundo Christine na Yankurije Françoise.
Abakinnyi 17 basigaye mu bagabo ni: Nsabimana Mahoro Yvan, Dusabimana Vincent, Dusenge Wickliff, Kanamugire Prince, Mukunziza John, Mutabazi Yves, Murangwa Nelson, Karera Emile, Ndahayo Dieu Est Là, Rwigema Simon, Ndamukunda Flavien, Ndayisaba Sylvestre, Ngaboyintwari Cédric, Niyogisubizo Samuel, Sibomana Placide, Yakan Guma Lawrence na Akumuntu Kavalo Patrick.
-
Inkuru nziza kuri Kimenyi Yves wari watawe muri yombi. â YEGOB #rwanda #RwOT
Umunyezamu wa Kiyovu Sports n'Ikipe y'Igihugu, Kimenyi Yves na bamwe mu bo bari bafunganywe, barekuwe nyuma y'iminsi itanu batawe muri yombi bazira kwica amabwiriza yo kwirinda ikwirakwira ry'icyorezo cya COVID-19.
Tariki ya 19 Kanama 2021 ni bwo Kimenyi Yves yatawe muri yombi akurikiranyweho kwica amabwiriza yo kwirinda ikwirakwira rya Covid-19 kubera ibirori bya 'Baby shower' byabereye mu rugo rw'uyu munyezamu na Muyango Claudine.
Kimenyi n'abo abari bafatanywe, beretswe itangazamakuru ku wa Gatandatu, tariki ya 21 Kanama 2021, ndetse biyemerera ko bakoze amakosa yo kurenga ku mabwiriza yo kwirinda ikwirakwira rya COVID-19.
Kuri uyu wa Mbere, tariki ya 23 Kanama 2021, ni bwo Kimenyi Yves n'abandi batatu muri bane bari bafunganywe, barekuwe nyuma yo gucibwa amande.
Kimenyi yatangaje ko we na bagenzi be batatu barekuwe nyuma yo gucibwa amande.
Yakomeje ati 'Ni byo baturekuye mu ma Saa kumi z'amanywa. Muri bane twari dufuganywe harekuwe batatu undi baramusigarana kuko agomba kuzuza iminsi itanu nkuko natwe byagenze. Njye banciye ibihumbi 150 Frw abandi buri umwe bamuca ibihumbi 25 Frw.'
Source : https://yegob.rw/inkuru-nziza-kuri-kimenyi-yves-wari-watawe-muri-yombi/
-
Aba mbere bahungishijwe muri Afghanistan bazanwa mu Rwanda bari mu nzira #rwanda #RwOT
Aba mbere bategerejwe mu Rwanda, ni abakobwa 250 biga mu ishuri ry’imiyoborere ryitwa School of Leadership Afghanistan (SOLA).
Shabana Basij-Rasikh washinze iri shuri yanyujije ubutumwa kuri twitter ko bariya bakobwa bari mu nzira ibaganisha mu Rwanda.
Yagize ati 'Buri wese ari mu nzira inyura muri Qatar, yerekeza mu gihugu cy’u Rwanda, aho duteganya gutangirira amasomo y’amezi atandatu mu mahanga ku banyeshuri bacu bose.'
Aba bakobwa 250 bari kumwe na bamwe mu bakozi ba ririya shuri ku buryo bariya banyeshuri bazagera mu Rwanda bagakomeza gukurikirana amasomo yabo.
Yavuze ko bariya bantu bahagurutse i Kabul ku Cyumweru mu buryo bugoranye dore ko igitsinagore ari bamwe mu bantu bafitiye impungenge umutwe wa Taliban usanzwe ufite amahame azwiho gukandamiza igitsinagore.
Shabana Basij-Rasikh yagize ati 'Icyo nasaba isi, ni iki 'Ntimukure amaso yanyu kuri Afghanistan. Ntimugoheke na gato nubwo ibyumweru bigenda bihita. Murebe abo bakobwa kandi mu kubikora, muzaba murimo kubashinganisha ku bafashe ubutegetsi’.'
Uyu muyobozi wa ririya shuri avuga ko bari gukora ibishoboka byose kugira ngo abakobwa baryigamo bajye gukomereza amasomo ahandi ariko ko hari icyizere ko bazagaruka mu Gihugu cyabo.
UKWEZI.RW
