Webrwanda Backend

Blog

  • Perezida Kagame yakiriye ku meza Minisitiri w’Intebe Dr Abiy Ahmed – #rwanda #RwOT

    Umukuru w’Igihugu yakiriye ku meza Minisitiri w’Intebe Abiy Ahmed Ali, ku mugoroba wo kuri iki Cyumweru, tariki 29 Kanama 2021.

    Uyu musangiro wabaye nyuma y’uko aba bombi bari bamaze kugirana ibiganiro byibanze ku ngingo zireba imibanire n’ubufatanye bw’ibihugu byombi, akarere, n’ibibazo byugarije Isi yose muri rusange.

    Minisitiri w’Intebe, Dr Abiy Ahmed n’itsinda ry’abamuherekeje bageze mu Rwanda kuri uyu wa 29 Kanama 2021, aho yahise yakirwa na Perezida Kagame mu biro bye, Village Urugwiro.

    U Rwanda na Ethiopia bifitanye umubano mwiza ushingiye ku bwubahane bwa dipolomasi n’amasezerano y’imikoranire igamije guteza imbere abaturage babyo.

    Ibihugu byombi byashyize umukono ku masezerano atandukanye arimo ashingiye ku bufatanye mu by’amategeko, itangazamakuru, siporo, ubukerarugendo, ubuzima, uburezi n’umuco n’ayandi.

    U Rwanda na Ethiopia kandi bikorana mu bijyanye n’ishoramari ndetse abashoramari benshi bayobotse isoko ry’u Rwanda aho bakora mu bijyanye n’inganda, ubwubatsi, serivisi n’ibindi.

    Uruzundiko rwa Dr Abiy Ahmed agiriye i Kigali ruje mu gihe igihugu cye kirimo intambara zikomeje kuba urudaca zashojwe n’Umutwe wa TPLF urwanira mu Ntara ya Tigray iri mu Majyaruguru ya Ethiopia.

    Kuva mu Ugushyingo 2020, ubwo intambara hagati y’ingabo za Leta n’Umutwe w’Aba-Tigray (TPLF) yanzikaga, ibintu bikomeje kujya habi kuko ikomeje kwaguka, ari nako abaturage benshi b’abasivili bahasiga ubuzima abandi babarirwa mu bihumbi bamaze kuva mu byabo.

    Iyi ntambara yahinduye isura ubwo yatangiraga kwagukira mu bindi bice bitari Tigray, nubwo ariho yiganje. Mu minsi ishize kandi, ni bwo undi mutwe uzwi nka OLA, watangaje ko winjiye mu bufatanye na TPLF mu guhangana n’ingabo za Leta no gukuraho ubutegetsi bwa Minisitiri w’Intebe, Dr Abiy Ahmed.

    Perezida Kagame yakiriye ku meza Minisitiri w’Intebe wa Ethiopia, Dr Abiy Ahmed

    source : https://ift.tt/3h2dqdp

  • Nyaruguru: Kwegerezwa amazi n’ibindi bikorwa byatumye baca ukubiri n’indwara ziterwa n’umwanda – #rwanda #RwOT

    Abo baturage bahawe umuyoboro w’amazi wa kilometero 3,8 ugeza amazi ku ngo zisaga 100 zituwe n’abaturage bagera ku bihumbi 15 no ku Kigo Nderabuzima cya Nyamyumba ndetse no ku mashuri ahari.

    Bamwe muri abo baturage bavuga ko amazi ari kimwe mu by’ibanze bari bakeneye.

    Mukahigiro Césarie ati “Aya mazi twayabonye tubabaye kuko twavomaga amazi y’ibinamba, n’amatungo akajyamo ugasanga amazi asa nabi imvura yaba yaguye ugasanga tuvomye ibyondo. Ndashima leta y’ubumwe ituzanira abaterankunga nka MABAWA bikaba byarahinduye byinshi ku isuku ntabwo tukirwara indwara zituruka ku isuku nke.”

    Mugenzi we witwa Nkurunziza Geoffrey avuga ko yari amaze imyaka irenga 70 iwe mu rugo bakoresha amazi mabi y’ibinamba.

    Ati “Ibintu ndabona bigenda biba byiza, tumaze imyaka 72 dukoresha amazi atari meza y’ibinamba. Leta yazanye abaterankunga badushyiriraho ivomero bashyiraho umuyoboro uyatwara mu giturage ababishoboye bakayakurura bayashyira mu nzu. Muri rusange turashima ubuyobozi.”

    Uwo muyoboro w’amazi n’iriba rusange abo baturage babyubakiwe n’Umuryango MABAWA ukaba ari umufatanyabikorwa w’Akarere ka Nyaruguru.

    Umuyobozi wa MABAWA mu Rwanda, Gashagaza Léon, avuga ko hari impinduka zigaragara muri aka gace nyuma y’uko ibi bikorwa bihageze.

    Ati “Byatumye abaturage bazamura imibereho, twazanye amazi, ubuyobozi bubazanira umuriro. Hari inzu twabubakiye tubaha inka, kuri ubu umuturage arahinga akihaza mu biribwa agasagurira n’amasoko.”

    Umuyobozi wungirije ushinzwe Imibereho myiza y’Abaturage mu Karere ka Nyaruguru, Kayitesi Colette, yavuze ko uwo muryango ukomeje kubafasha mu bikorwa biteza imbere imibereho myiza y’abaturage.

    Muri ibyo bikorwa harimo koroza inka imiryango itishoboye, kubabumbira hamwe mu matsinda no kububakira amacumbi. Mu bubakiwe ku ikubitiro harimo n’abasigajwe inyuma n’amateka.

    Ati “Uyu muryango waradufashije cyane kuko imibereho y’abaturage muri uyu murenge yateye imbere. Abahawe amazi n’ibindi bikorwa bibateza imbere turabasaba kubifata neza no kubibyaza umusaruro kugira ngo bakomeza kubaho neza.”

    Mu bindi bikorwa byegerejwe abaturage muri uwo murenge harimo kuborohereza ingendo bakoraga bajya kwivuza kuko ku Kigo Nderabuzima cya Nyamyumba bahashyize imashini ifasha mu buvuzi bw’amenyo n’iyifashishwa mu gupima ababyeyi batwite.

    Ibyo byatumye nk’abajyaga mu Karere ka Nyamagabe kuhashakira izo serivisi z’ubuzima bahinira bugufi.

    Umuryango MABAWA umaze imyaka 12 ufatanya na leta mu guhindura ubuzima bw’abatuye mu Murenge wa Mata, aho uri ubu nibura imiryango 1200 yamaze gutera intambwe mu iterambere binyuze muri mishinga yabegerejwe.

    Nyuma yo kwegerezwa amazi meza bamwe bayagejeje mu ngo zabo

    Rimwe mu mavomero rusange ribagezaho amazi meza bubakiwe mu Kagari ka Murambi

    Inka bahawe na zo ziri mu byabafashije mu iterambere ry’imibereho

    Inyubako za Laboratwari bubakiwe ku Kigo Nderabuzima cya Nyamyumba

    Abahawe inka bemeza ko imibereho yabo yahindutse myiza

    Bateye inkunga na serivisi z’ubuzima ku Kigo Nderabuzima cya Nyamyumba mu Murenge wa Mata

    Imwe mu mashini batanze ku Kigo Nderabuzima cya Nyamyumba

    [email protected]

    source : https://ift.tt/3yp74ud

  • Nyarugenge: Hafunzwe Poste de santé abaturage bashingaga umwanda na serivisi mbi – #rwanda #RwOT

    Mu cyumweru gishize nibwo abakozi ba Minisiteri y’Ubuzima n’ab’Akarere ka Nyarugenge bakoze ubugenzuzi muri iyi Poste de santé basanga hari ibyo itujuje bahita bayifunga

    Bamwe muri bo babwiye IGIHE ko bishimiye ko iri vuriro rifungwa bitewe n’uko ryari rito ndetse rikaba ryarabahaga serivisi mbi.

    Mukabatesi Chantal, yagize ati “Twumvise ko ryafunzwe biradushimisha. None se koko wowe uko wabibonye wabonye ari ivuriro rikwiye kubarizwa mu Mujyi wa Kigali? Ibaze ni ivuriro mudashobora kwicaramo muri abantu batanu ngo muhumeke naho iby’umwanda uribamo nta wawuvuga ngo awuvemo.”

    Byukusenge Emmanuel, we yavuze ko yatunguwe n’ingano y’ibyumba by’iri vuriro ubwo yari agiye kuryivurizamo.

    Ati “Njye nigeze kurwara njyayo kwivuza ariko ndakubwiye ko nari ngiye kuburira umwuka mu kumba bantereyemo urushinge bitewe n’uburyo ari gato.”

    Nyiri iri vuriro, Théophile Munyaneza Nduwayezu yabwiye IGIHE, ko ahantu koko bakoreraga ari hato ariko ahakana ibyo gutanga serivisi mbi.

    Ati “Serivisi dutanga tuzitanga 100% gusa ikibazo cy’iriya nzu ni nto. Ndimo ndashaka indi, ubundi hari inzu nakoreragamo haza ikibazo cyo kuhashyira kaburimbo barayisenya. Nashatse inzu nakoreramo ndayibura pe ariko ubu hari inzu nari nabonye.”

    Umuyobozi Nshingwabikorwa w’Akarere ka Nyarugenge, Ngabonziza Emmy yavuze bahisemo gufunga iri vuriro mu rwego rwo kurengera ubuzima bw’abaturage.

    Ati “Tukibimenya twagiyeyo turarigenzura dusanga ari rito n’utwumba ari duto mbese hari ibyo ritujuje turarifunga.”

    Iyi Poste de santé yashinjwaga n’abaturage kugira umwanda ukabije

    Hamwe mu habikwaga imiti ni uko hasa

    Yari ifite ibyumba bifunganye kandi birimo umwanda

    source : https://ift.tt/3mHw9OK

  • Kigali_ Gikondo: Ubwo bari mu bukwe mu rusengero umugabo ari kwishimira uburyo azagupfumbata uwo yari agiye kurongora byahindutse amarira bagwa gitumo n' undi mugore yatanye abana 5 bose #rwanda #RwOT

    Inkuru ikomeje gucicikana ku mbuga nkoranyambaga , niyo mu Mujyi wa Kigali, mu Karere ka Kicukiro, mu Murenge wa Gikondo, aho ubukwe bwapfiriye mu rusengero aho umugabo yarajyiye kurongora umukobwa basezerana imbere y'Imana kuzabana akaramata, umugore watanywe abana 5 n'uyu mugabo abagwa gitumo ubukwe burasubikwa.

    Ibi byabereye igikondo ku rusengero rwa Eglise Anglican du Rwanda(EAR), aho Pasiteri yarajyiye gusezeranya umukwe n'umugeni undi mugore uteruye abana babiri bimpanga n'undi umwe amufashe akaboko aba yinjiye mu rusengero avuga ko atemera isezerano kuko umukwe ari umugabo we wamutanye abana.

    Uyu mubyeyi watanywe abana witwa Dukuzumuremyi Janvière  yavuze ko mbere y'uko uyu mugabo afatwa ari gukora ubukwe babanaga nk'umugore n'umugabo ndetse babyarana inshuro eshatu aho ebyiri murizo babyaye impanga.

    Mu kiganiro na InyaRwanda, yavuze ko ibyabaye ari impamo ndetse atari kera kuko 'byabaye ku munsi w'ejo hashize ku wa Gatandatu'.  Ndetse, anavuga ko icyo akeneye ku mugabo we ari abana babiri b'impanga yamutwaye ndetse bakanakemura uburyo bwo kubaho kw'aba bana babyaranye.

    Yagize ati: 'Yego iyo nkuru yabaye nimugoroba nta n'ubwo ari kera, byarangiye batabasezeranyije barabirukana mu rusengero, bababwira yuko tuzabanza gukemura ibibazo dufitanye ubwo nyine birangira bupfuye nange ndataha'.

    Yakomeje agira ati: 'Njyewe icyo narinkeneye si isezerano. Njyewe umugabo twarabanye ariko tubana mu buryo butemewe n'amategeko, ariko mu gihe ashaka gushaka undi njyewe ntarasezeranye nawe ni uburenganzira bwe, ariko yagombaga kubanza kubahiriza uburenganzira bw'abana yabyaye. Kuko abana batanu ni umuzigo ni umuryango ukomeye ku buryo atansigira inshingano zabo njyenyine ngo nzishobore'.

    Ati: 'Ikintu njyewe namushakagaho ni uko ampa abana batanu banjye afite kuko bose bavuka munda imwe ya se na nyina,  yamara kubampa ubundi bakangenera n'uko bagomba kubaho n'aho kuba, n'ikizabatunga. Bakamenya niba bagomba kubishyurira ishuri, ibigenerwa umwana byose bakabikora.'

    Uyu mubyeyi yavuze ko hashize imyaka ibiri uyu mugabo abataye, ndetse amujyanye abana b'impanga yari yaribarutse ku nshuro ya mbere kuko yibarutse impanga inshuro ebyiri.

    Umupasiteri wasezeranyaga aba bantu yabajijwe umwanzuro yabafatiye, avuga ko ntamwanzuro yafashe kuko nubwo yabasezeranyaga ari ubufasha yarari guha Anglican diyosezi ya Gahini kuko ariho bari busezeranire, avuga ko diyosezi ya Gahini ariyo izafata umwanzuro w'ikizakorwa cyangwa Leta kuko ngo nubwo idini ritasezeranije aba bantu bari baramaze gusezeranywa mu Murenge.

    Ivomo: Inyarwanda.com

    Source : https://impanuro.rw/2021/08/29/kigali_-gikondo-ubwo-bari-mu-bukwe-mu-rusengero-umugabo-ari-kwishimira-uburyo-azagupfumbata-uwo-yari-agiye-kurongora-byahindutse-amarira-bagwa-gitumo-n-undi-mugore-yatanye-abana-5-bose/

  • Nyuma yo kuva muri gereza, Nsengiyumva Igisupusupu agiye gutungurana(VIDEO). – YEGOB #rwanda #RwOT

    Umuhanzi Nsengiyumva François uzwi nka Igisupusupu yaciye amarenga ku ndirimbo ye nshya ashobora gushyira hanze yumvikanamo gushima Imana nyuma yo kuva muri gereza.

    Nk'uko bigaragara mu mashusho ari kuri page ya Facebook ya Alain Mukurarinda ufasha uyu muhanzi yumvikana aririmba ,indirimbo irimo amagambo ngo 'Imana isubiriza Igihe' ninyuma yaho asohokeye muri gereza aho yarafunzwe ashinjwa gusambana umwana wimyaka 13 gusa urukiko rukaza kumugira umwere.

    Source : https://yegob.rw/nyuma-yo-kuva-muri-gereza-nsengiyumva-igisupusupu-agiye-gutunguranavideo/

  • Umunyarwanda utwara imodoka adafite amaboko aratangaje. – YEGOB #rwanda #RwOT

    Uyu mugabo witwa Emmanuel ni umuhanga cyane ,aho ashobora gutwara imodoka nyamara nta maboko agira.

    Emmanuel ufite abana bane avuga ko umugore we yamutaye,bikamugora kubitaho ,aho ari we wafashe inshingano zo kurera abo bana.Emmanuel aganira na Afrimax Tv yavuze ko yamenye ubwenge asanga afite ubu bumuga ,nyuma yaje gutangira ishuri.Ariko akagorwa no kwandika kuko byamusabaga kwandikisha amano.

    Emmanuel avuga ko yaje gukomeza amashuri ye kugeza ubwo yagiye kwiga mu Butaliyani ariko anivuza.

    Kuri ubu uyu mugabo w'imyaka 40,avuga ko abana be aribo bamwitaho bakamwambika ,bakamutamika, gusa na we hari ibyo abasha gukora,imirimo benshi bakoresha amaboko we ayikoresha ibirenge.Ashobora gutwara imodoka, kwandikisha amano, n'indi mirimo itandukanye.

    Emmanuel afite abana bane

    Source : https://yegob.rw/umunyarwanda-utwara-imodoka-adafite-amaboko-aratangaje/

  • Imitoma umuhanzi Igor Mabano yateye umukobwa bagiye kurushingana. – YEGOB #rwanda #RwOT

    Ku munsi wejo kuwa Gatandatu tariki ya 28 Kanama 2021 nibwo umuhanzi Igor Mabano yasabye anakwa umukunzi we bitegura kurushinga. Uyu muhanzi yari agaragiwe n'ibyamamare nyarwanda barimo Producer Ishimwe Clement.

    Kuri iki Cyumweru, Igor Mabano yifashishije urukura rwe rwa Instagram yatomoye umukunzi we avuga ko yari yaramutegereje igihe kitari gito ndetse ko atsinze icyumutwe.

    Yagize ati:'Mbonye umwamikazi nakunze ndatsinze negukanye umuringa,Ni igihe kitari gito nkutegereje.Nyamibwa yanjye none wamunsi narotaga urageze.Mbonye urubavu rwanjye nari narabuze.Ubu nduzuye ndanyuzwe,Ntazindi mpaka.Maze rero Rukundo nkuhaye ubuzima Bwose nsigaje.'

    Source : https://yegob.rw/imitoma-umuhanzi-igor-mabano-yateye-umukobwa-bagiye-kurushingana/

  • Ibituma umugabo adasiga umugore we kubera ihabara. – YEGOB #rwanda #RwOT

    Niba wajyaga wibaza impamvu umugabo wubatse ajya mu bandi bagore ariko agakomeza kubana n' umugore wa mbere iyi nkuru iraguha ibisubizo.

    1.Kumva uburyohe bw' ahandi

    Ntabwo umugabo aca inyuma umugore we kuko ashaka gutandukana nawe ahubwo akenshi abikora kugira ngo yumve uko abandi bagore bamera. Ntabwo aba ashaka gukundana n' uwo mugore wa kabiri.

    2.Abana be

    N' ubwo ingeso imunanira agaca inyuma umugore we wa mbere aba akunda abana be ku buryo atakwemera gutandukana na nyina w' abana be ngo babeho batari kumwe.

    3.Amahitamo ya kabiri

    Umugabo aba asanzwe afite umugore we umuha akabariro hafi yari buri uko abishatse ariko hari ubwo ashaka undi ku ruhande wo kwitabaza igihe umugore wa mbere amugoye akanga ko batera akabariro. Ibi rero ntabwo byatuma areka umugore we wa mbere kuko aba abakeneye bombi. Niyo mpamvu abeshya umugore wa kabiri ko amukunda ariko ntiyemere gusesa amasezerano afitanye n' uwa mbere.

    4.Akunda umugore we

    Impamvu yemera gushyingiranwa n' umugore wa mbere ni uko aba yaramukunze. Kuba agera aho amuca inyuma bishobora guterwa n' ibibazo bitandukanye ariko ntabwo bisobanuye ko aba yamwanze niyo mpamvu ihabara cyangwa ibiro bya kabiri bitegereza ko areka umugore wa mbere ngo ashyingiranwe naryo rigaheba. Niba uri umukobwa ukaba ukundana n' umugabo wubatse wizeye ko azareka umugore we mugashyingiranwa urata igihe cyawe kuko ntibikunze kubaho.

    Source : https://yegob.rw/ibituma-umugabo-adasiga-umugore-we-kubera-ihabara/

  • Agahinda ka Jacqueline udafite amaboko wishuye abasore ngo bamutere inda. – YEGOB #rwanda #RwOT

    Uyu mubyeyi witwa Jacqueline watemwe n'abicanyi amaboko nyuma yo guhitana ababyeyi be n'abandi bavandimwe, ubumuga bamusigiye bwatumye abengwa n'abasore, abaho ntawe umubaza akazina ahitamo kwishyura amafaranga umugabo umutera inda.

    Uyu mubyeyi aganira na Afrimax English kuri Youtube yagarutse ku gahinda aterwa no kuba afite ubumuga bwo kutagira amaboko yatewe n'abagizi ba nabi.

    Ngo abicanyi bamugezeho bamutemye amaboko yose, bamukuramo ijisho, baramukubita bamusiga ari intere, ari hafi gushiramo umwuka. Ngo nyuma yaho, haje uwitwa Grace maze amujyana kwa muganga. Nyuma yo gutangira gukira, ngo Grace niwe wakomeje kumwitaho, cyakora nawe akagerageza kwikorera byose kuko rimwe na rimwe Grace yabaga adahari kandi n'ababyeyi barabishe ndetse n'abavandimwe be! Ibi ngo byatumye abaho mu buzima bubi nta mubyeyi, mbese arahangayika bikomeye.

    Aho amariye gukura, ngo ntiyagize amahirwe yo kubona abasore bamutereta cyangwa byibuza ngo banamubaze akazina! Ibi byatumye abona agiye gusaza atabyaye, maze ahitamo gushaka umugabo amwishyura amafaranga, ngo amutere inda kuko abasore yabonaga baramubenze kubera ubumuga bwo kutagira amaboko.

    Jacqueline avuga ko byose yabitewe nuko yifuzaga byibura kugira uwo yakwita uwo mu muryango we, bituma afata umwanzuro wo gushaka uburyo yabyara akagira n'uwo yakwita umugabo.

    Source : https://yegob.rw/agahinda-ka-jacqueline-udafite-amaboko-wishuye-abasore-ngo-bamutere-inda/

  • Reba Amafoto y' Ubukwe bw' Umunyamakuru Gatera Edmond na Genevieve _ AMAFOTO #rwanda #RwOT

    Umunyamakuru Gatera Edmond wamenyekanye cyane mu byegeranyo by'imikino mu kiganiro Urubuga rw'Imikino cya Radio Rwanda, kuri iki Cyumweru tariki ya 29 Kanama 2021, yarushinze na Genevieve Mukarugamba bamaze igihe bakundana. Reba amafoto yaranze ubukwe bwabo.

    Amafoto yose yakoreshejwe yakuwe ku rubuga rwa Inyarwanda.com

    Source : https://impanuro.rw/2021/08/29/reba-amafoto-y-ubukwe-bw-umunyamakuru-gatera-edmond-na-genevieve-_-amafoto/