Webrwanda Backend

Blog

  • Kigali: Umugore yishe ubukwe bw'uwari umugabo we wamutanye abana 3 agashaka kwishakira undi mugore #rwanda #RwOT

    Ubukwe bwabereye mu karere ka Kicukiro mu Murenge wa Gikondo buri kuvugwa cyane hirya no hino nyuma y'aho umukwe yatanye umugore wa mbere abana batanu hanyuma uyu mugore wareraga abana wenyine yiyemeza kugera aho bwabereye arabuzambya.

    Ubwo Dukuzumuremyi Janvière yamenyaga amakuru ko umugabo we babyaranye abana batanu maze akamuta agiye gusezerana n'undi mugore mu rusengero,yahise ava mu murima aho yari ari guhinga vuba na bwangu, ahita yitegura ndetse ategura n'abana be kugira ngo ajye kureba niba inkuru yari amaze kwakira ari impamo.

    Umugore akinjira mu rusengero, yasanze pasiteri amaze guhagurutsa abageni ndetse igikorwa cyo kubashyingira kigiye gutangira.

    Acyinjira,yahise ajya imbere aho umukwe n'umugeni bari bahagaze bitegura gusezerana ahita afata amashingu uyu mugabo wamutaye,umudiyakoni aje kumubuza avugira hejuru “Mumbabarire dufitanye ikibazo ntacyo mvugana namwe.”

    Bagerageje kumusohora no kumwinginga ngo bakemura ikibazo gihari arabyanga,yicara hasi ararira ndetse n'abana be yazanye bararira,ibyari ugusezerana birazamba.

    Mu marira n'agahinda kenshi,uyu mugore yagaragaje uko umugabo we yaramutanye abana akaba agiye kubaka urundi rugo nyamara abo yabyaranye n'uyu mugore atamenya uko biriwe n'uko baramutse.

    Nkuko amashusho ya Afrimax TV yari ihari yabyerekanye,Janvière yavugaga ko atari bwemere ko umugabo we asezerana badakemuye ikibazo n'abapasiteri bakamusaba ko yaza bakagikemura ariko akavuga ati “Nawe naze.”

    Byabaye ngombwa ko iki gikorwa kiba gisubitswe, abapasiteri bafata umukwe n'umugeni we ndetse n'uyu mubyeyi wari wazanye n'abana be, bajya kwiherera bonyine kugira ngo iki kibazo bagihe umurongo.

    Byahinduye isura ubwo uyu mugore n'abana batatu binjiraga mu cyumba cy'umwiherero ariko mu kanya gato,uyu mubyeyi uvuga ko yareraga abana wenyine asohoka ndetse arira cyane, agaragaza ko atari kunyurwa n'uburyo ikibazo cye bari kugikemuramo.

    Yashimangiye ko icyo ashaka atari isezerano ry'umugabo wamutanye abana batanu, ahubwo akeneye kubona abana be babiri umugabo yatwaye ndetse akabamwimaho uburenganzira, hanyuma agafata inshingano z'abana be nka papa wabo wababyaye.

    Bitewe n'uburyo uyu mubyeyi yagaragazaga uburyo iki kibazo kiri gukemurwamo, hitabajwe inzego z'umutekano ndetse bidatinze zihita zihasesekara, zigerageza guhuza impande zombi.

    N'ubwo bitari byoroshye, basabye umuryango w'umugabo kubahiriza uburenganzira bw'umubyeyi ku bana be, ndetse akajya ababona igihe cyose abashakiye.

    Mu marira menshi, uyu mubyeyi agaragaza ko ikifuzo cye gikomeye ari ukubona uburenganzira ku bana be umugabo we yatwaye iwabo, ndetse bakabamuha akabirerera kuko abana be batagomba kurerwa nk'imfubyi kandi bagifite ababyeyi bose.

    Mu kiganiro yagiranye n'Ikinyamakuru InyaRwanda,uyu mugore yemeje ko ibyabaye ari impamo ndetse atari kera kuko 'byabaye kuwa gatandatu w'icyumweru gishize,ndetse, anavuga ko icyo akeneye ku mugabo we ari abana babiri b'impanga yamutwaye ndetse bakanashaka uburyo aba bana babyaranye bazabaho.

    Yagize ati: 'Yego iyo nkuru yabaye nimugoroba nta n'ubwo ari kera, byarangiye batabasezeranyije barabirukana mu rusengero, bababwira yuko tuzabanza gukemura ibibazo dufitanye ubwo nyine birangira bupfuye nange ndataha.

    Njyewe icyo nari nkeneye si isezerano. Njyewe umugabo twarabanye ariko tubana mu buryo butemewe n'amategeko, ariko mu gihe ashaka gushaka undi njyewe ntarasezeranye nawe ni uburenganzira bwe, ariko yagombaga kubanza kubahiriza uburenganzira bw'abana yabyaye. Kuko abana batanu ni umuzigo ni umuryango ukomeye ku buryo atansigira inshingano zabo njyenyine ngo nzishobore'.

    Yakomeje ati: 'Ikintu njyewe namushakagaho ni uko ampa abana batanu banjye afite kuko bose bavuka munda imwe ya se na nyina, yamara kubampa ubundi bakangenera n'uko bagomba kubaho n'aho kuba, n'ikizabatunga. Bakamenya niba bagomba kubishyurira ishuri, ibigenerwa umwana byose bakabikora.''

    Uyu mubyeyi yavuze ko hashize imyaka ibiri uyu mugabo amutaye, ndetse amujyanye abana b'impanga yari yaribarutse ku nshuro ya mbere kuko yibarutse impanga inshuro ebyiri.

    Yagize ati: 'Hashize imyaka ibiri antaye, yajyanye bariya bana b'impanga ambwira ko bagiye gusura iwabo ubwo rero inda yansiganye nayo yavuyemo impanga zikurikira izindi yajyanye.''

    Uyu mugore yabwiye InyaRwanda ko abana kugeza na n'ubu atarababona ariko akibategereje, ndetse yakorerwa ubuvugizi kugira ngo ababone ndetse amenyerwe n'uko babaho, naho ubundi ngo ibyo kujya kubana n'undi mugore ni uburenganzira bwe.

    Source : https://umuryango.rw/ubuzima-115/udushya/article/kigali-umugore-yishe-ubukwe-bw-uwari-umugabo-we-wamutanye-abana-5-agashaka

  • Umuyobozi wa Polisi ya Lesotho yasoje uruzinduko yagiriraga mu Rwanda #Rwanda #RwOT via @kigalitoday #rwanda #RwOT

    Itangazo ryasinywe n’umuyobozi wa Polisi y’u Rwanda, IGP Dan Munyuza n’umuyobozi wa Polisi ya Lesotho, Commissioner of Police Holomo Molibeli riragira riti “Ubufatanye mu bijyanye n’umutekano ni ikintu cy’ingenzi mu mibanire y’ibihugu byombi. Ni ku nyungu rusange kandi bigira uruhare mu mahoro n’umutekano ku bihugu byombi.”

    Muri iri tangazo kandi abayobozi bombi bagaragaza ugushimangira ubushake mu mikoranire mu kwimakaza umutekano urambye.

    Umuyobozi wa Polisi ya Lesotho, Commissioner of Police Homolo Molibeli n’intumwa ayoboye bari mu ruzinduko rw’akazi mu Rwanda kuva tariki ya 23 Kanama, akaba yaraje ku butumire bwa mugenzi we w’u Rwanda IGP Dan Munyuza.

    Commissioner of Police Molibeli yavuze ko impamvu y’uru ruzinduko ari ugushyiraho ubufatanye mu by’umutekano hagati ya Polisi y’u Rwanda na Polisi ya Lesotho hashingiwe ku bintu byafasha impande zombi.

    Tariki ya 24 Kanama ku kicaro gikuru cya Polisi y’u Rwanda ku Kacyiru aba bayobozi bombi bagiranye inama yaje gusozwa hasinywa amasezerano y’ubufatanye mu bintu bitandukanye hagati ya Polisi z’ibihugu byombi.

    Aya masezerano akubiyemo ibijyanye n’ubufatanye mu kurwanya ibyaha, twavuga nko kurwanya iterabwoba, kurwanya ikwirakwira ry’ibiyobyabwenge, kurwanya ibyaha byambukiranya imipaka harimo ibijyanye no kubaka ubushobozi bwa Polisi zombi no gusangira amakuru n’ubundi bunararibonye mu by’umutekano.

    Muri aya masezerano harimo ibijyanye no guhanahana amahugurwa, gufatanya mu bikorwa bya za Polisi , gusangira porogaramu zijyanye no kugenza ibyaha n’uburyo bwo kubika amakuru ajyanye nabyo,kurwanya ikwirakwira ry’intwaro no guhanahana amakuru ku gihe ajyanye n’ibyaha n’abanyabyaha. Izi nzego zombi zanemeranijwe gushyiraho ihuriro rihoraho aho hazajya habaho inama kenshi bakaganira ku bibazo by’umutekano n’imbogamizi zawo ku bihugu byombi ndetse no mu karere muri rusange.

    Muri iyi nama yabaye tariki ya 24 Kanama umuyobozi wa Polisi y’u Rwanda, IGP Dan Munyuza yavuze ko iyi nama iziye igihe kuko akarere gahanganye n’ibikorwa bibi birimo gukorwa n’intagondwa zigendera ku mahame y’idini ya ki Islam harimo nk’ibikorwa by’iterabwoba bibera mu Ntara ya Cabo Delgado iri mu majyaruguru y’igihugu cya Mozambique.

    Yagize ati” Uruzinduko rwanyu rubereye igihe kuko muri iyi minsi turimo gufatanya kurwanya umutwe w’iterabwoba wa ki Islam uri mu Majyaruguru y’Igihugu cya Mozambique mu Ntara ya Cabo Delgado. Tuzajya duhanahana amakuru kuko ibihugu byacu byombi u Rwanda na Lesotho turimo gufatanya kurwanya iriya mitwe y’iterabwoba muri kiriya gihugu.”

    Ku ruhande rwa Commissioner of Police, Holomo Molibeli yavuze ko u Rwanda ari umufatanyabikorwa mwiza umuntu yagira icyo yigiraho ndetse akaba yatera imbere avuga ubufatanye bagiranye na Polisi y’u Rwanda bushingiye ku guhuza inshingano kugira ngo abantu babe mu Isi nziza kandi itekanye

    Yagize ati” Ikoranabuhanga ryahinduye Isi nk’umudugudu ku buryo kubona amakuru no kuyasangira bisigaye byoroshye cyane, ubu bufatanye bukubiyemo ibijyanye no gusangira ibikorwa bimaze kugerwaho, guhererekanya gahunda z’amahugurwa, guhuza ibikorwa by’umutekano no guhanahana amakuru. Ndizera ntashidikanya ko tuzagera kuri byinshi byiza mu rwego rwo kubaka umutekano w’aho dutuye.”

    Muri uru ruzinduko mu Rwanda, umuyobozi wa Polisi ya Lesotho n’intumwa ayoboye basuye bimwe mu bikorwa bya Polisi y’u Rwanda. Twavuga ishuri rikuru rya Polisi y’u Rwanda (NPC-Musanze), Ishuri ry’amahugurwa rya Polisi y’u Rwanda (PTS-Gishari), yasuye abapolisi bakorere mu Ntara y’Iburengerazuba nahandi hatandukanye.

    Aba bashyitsi banasuye ikigo cya Isange One Stop Center, ubwo basozaga uruzinduko rwabo uyu munsi ku Cyumweru taliki ya 29 Kanama Umuyobozi mukuru wa Polisi ya Lesotho n’intumwa ayoboye basuye ingoro y’amateka n’urugamba rwo kubohora igihugu iherere ku nteko ishinga amategeko. Banasuye urwibutso rwa genoside yakorewe Abatutsi rwa Kigali ku Gisozi bunamira imibiri y’inzirakarengane z’Abatutsi barenga miliyoni bishwe muri genoside yakorewe Abatutsi muri Mata 1994.

    Ni inkuru dukesha Polisi y’u Rwanda

    source : https://ift.tt/3zGUXKJ

  • Busingye yizeje ubutabera umugore waburijemo ubukwe bw’umugabo babyaranye bwapfiriye mu rusengero #rwanda #RwOT

    Ni amashusho yacaracaye ku mbuga nkoranyambaga zitandukanye agaragaza umugore yinjira mu rusengero afashe umwana mu ntoki mu gihe inyuma ye hari undi mwana na we acigatiye undi bose yabyaranye n’uwo mugabo nk’uko byaje gutangazwa.

    Umwe mu bakunze kugaragaza ko baharanira uburenganzira bw’abari n’abategarugori, Sylvie Nsanga, yifashishije aya mashusho agira icyo asaba inzego.

    Mu mubutumwa Sylvie Nsanga yanyijije kuri Twitter, yavuze ko yishimiye kuba abagore bakomeje gusobanukirwa n’uburenganzira bwabo n’ubw’abana babo.

    Muri ubu butumwa yasangije inzego zirimo, RIB, Polisi y’u Rwanda n’Ubushinjacyaha, Sylvie Nsanga yakomeje agira ati 'Nk’uko mubikora mutabare uyu mubyeyi ari no kubasaba…Icyaha cya mbere ni ukwiba abana akabatandukanya na nyina, akabahisha nta rukiko rwabimuhereye uburenganzira.'

    Minisitiri w’Ubutabera akaba n’Intumwa Nkuru ya Leta y’u Rwanda, Johnston Busingye wasubiye ubutumwa bwa Sylvie Nsanga, yamwizeje ko uriya mubyeyi azahabwa ubutabera.

    Yagize ati 'Turi gukurikirana iki kibazo kandi ubutabera buzatangwa.'

    Uko byagenze ngo ubukwe bupfire mu rusengero

    Uriya mugore witwa Dukuzumuremyi Janviere usanzwe atuye mu Karere ka Kicukiro, yatangaje ko hari umuntu wamumenyesheje ko umugabo we babyaranye abana batanu agiye gusezerana n’undi mugore.

    Uyu mugore atangaza ko mu bana batanu babyaranye, yamutanye batatu mu gihe abandi babiri b’impanga yabatwaye akajya kubareresha kwa nyirakuru.

    Akimara kumva iyo nkuru y’uko umugabo we agiye gusezerana n’undi mugore, ngo yari mu murima ahita awuvamo yitera utuzi ubundi yerecyeza ku rusengero rw’Itorera EAR i Gikondo.

    Muri ariya mashusho, uriya mugore yinjira mu rusengero agahita yerecyeza aho umugabo babyaranye ahagaze n’uwo bari bagiye gusezerana agahita amufata mu ikoti mu gihe hahita haza abandi bantu bagakomakoma.

    Uyu mubyeyi wavuganaga amarira ko uyu mugabo yamwibye abana babo b’impanga, yahise ahumurizwa n’uwari ugiye gusezeranya umuryango mushya ko atari bubasezeranye ahubwo ko bagomba kubanza gukemura icyo kibazo.

    Uyu mubyeyi we avuga ko yifuza gusubizwa abana be b’impanga kandi uriya mugabo bababyaranye akiyemeza kuzajya amufasha mu kubarera.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Busingye-yizeje-ubutabera-umugore-waburijemo-ubukwe-bw-umugabo-babyaranye-bwapfiriye-mu-rusengero

  • Ubutumwa bwa nyina wa Cristiano Ronaldo kuri Manchester United bwazamuye amarangamutima ya benshi #rwanda #RwOT

    Nyuma y’uko Manchester United yemeje ko Cristiano Ronaldo agiye gusubira muri iyi kipe, nyina w’uyu rutahizamu yayifurije amahirwe ku mukino yaraye itsinzemo Wolves 1-0, bizamura amarangamutima ya benshi.

    Ku wa Gatanu w’icyumweru gishize tariki ya 27 Kanama 2021, ikipe ya Manchester United yatangaje ko yamaze kumvikana na rutahizamu ukomoka muri Portugal wakiniraga ikipe ya Juventus mu Butaliyani, Cristano Ronaldo ngo abe yagaruka muri iyi kipe.

    Ni inkuru yahsimishije abantu benshi, cyane abakunzi b’ikipe ya Manchester United kuko ari umwe mu bakinnyi babafashije kuryoherwa n’intsinzi Old Trafford.

    Benshi bari bategereranyije amatsiko menshi kumenya ikintu nyina w’uyu mukinnyi azatangaza, cyane ko yari yavuze ko azumvisha umuhungu we umwaka w’imikino wa 2021-2022 akazawukina mu ikipe yamureze ya Sporting CP.

    Ku munsi w’ejo ku Cyumweru abinyujije ku rukuta rwe rwa Instagram, Maria Dolores Dos Santos Aveiro, yashyizeho ifoto ari ahantu ku mazi, maze iherekezwa n’amagambo yifuriza amahirwe masa Manchester United yari igiye gukina na Wolves.

    Ati 'icyumweru cyiza kuri buri wese. Amahirwe masa kuri Manchester United.'

    Ni ubutumwa bwavuzweho n’abantu barenga 640, bose bagenda bagaragaza amarangamutima yabo kuba kuba uyu rutahizamu yasubiye mu ikipe ya Manchester United.

    Biteganyijwe ko uyu mukinnyi azerekanwa nyuma yo kuva mu mikino y’ikipe y’igihugu arimo kwitegura kuri ubu.

    Cristiano Ronaldo yinjiye muri Manchester United 2003 avuye muri Sporting CP, 2009 yahise ajya muri Real Madrid yavuyemo muri 2018 ajya muri Juventus yakiniraga.

    Nyina wa Cristiano Ronaldo yazamuye amarangamutima ya benshi kubera ubutumwa yatanze kuri Manchester United

    Source : http://isimbi.rw/siporo/article/ubutumwa-bwa-nyina-wa-cristiano-ronaldo-kuri-manchester-united-bwazamuye-amarangamutima-ya-benshi

  • Mutebi Rashid nyuma yimyitwarire mibi yakomeje kumuvugwaho yasinye imyaka 2 muri Etincelles fc #rwanda #RwOT

    Mutebi rashid umusore ukomoka mu igihugu cyabaturanyi babagande umaze igihe kinini mu rwanda kurubu ugikina nkumunyamahanga wanyuze mumakipe atandukanye gusa ikibazo cyimyitwarire kimugonga. Mugitondo cyo kuruyu wambere amakuru kigalinews24.com yakuye muri bamwe bahafi biwe nuko yamaze gusingira ikipe ya Etincelles fc imyaka ibiri ayikinira nkumwataka wayo. gusa kubakunzi bayo bakomeje kwibaza niba haricyo azabamarira nyuma […]

    The post Mutebi Rashid nyuma yimyitwarire mibi yakomeje kumuvugwaho yasinye imyaka 2 muri Etincelles fc appeared first on Kigalinews24.

    Source : https://kigalinews24.com/2021/08/30/mutebi-rashid-nyuma-yimyitwarire-mibi-yakomeje-kumuvugwaho-yasinye-imyaka-2-muri-etincelles-fc/

  • Icyo Kalisa Kasse yatangaje nyuma yo kubikwa ko yapfuye kandi ari muzima #rwanda #RwOT

    Kasereka Mutaki Jean Baptiste wamamaye nka Kalisa Kasse wakiniye ikipe y’igihugu y’u Rwanda 'Amavubi’, yamaganye amakuru y’uko yavuzwe yapfuye avuga ko akomeye ari mu mujyi wa Goma muri DR Congo.

    Uyu mukinnyi wamenyekanye mu ikipe ya Rayon Sports, mu cyumweru gishize tariki ya 25 Kanama nibwo haje inkuru ivuga ko yitabye Imana.

    Ni inkuru yakwirakwiye ku mbuga nkoranyambaga aho byavuzwe ko yaguye mu mujyi wa Goma nyuma y’igihe kinini arwaye.

    Uyu mugabo wigaruriye imitima ya benshi ubwo yakinaga, hakaba hasohotse amashusho amugaragaza avuga ko ari muzima kandi akomeye.

    Ati 'banyarwanda bavandimwe banjye, ni Kasereka Mutaki Jean Baptiste, Kalisa Kasse, hari abantu bavuze ko njye napfuye, ndi muzima, ndakomeye, ndi hano mu mujyi wa Goma.'

    Kalisa Kase amakuru avuga ko ubuzima abayemo ari ubuzima bubi cyane, atakabaye ari bwo abayemo nk’umukinnyi wakiniye ikipe y’igihugu, akagera ku rwego rwo gutunga amafaranga menshi.

    Kalisa Kase Former Rayon Sport Midfielder pronounced dead by some Sports media Journalists..In his own words denouncing his dead! pic.twitter.com/Em4JqM0B8O

    — Jimmy mulisa (@jimbomulisa) August 29, 2021

    Yahakanye ko yitabye Imana, gusa ubuzima abayemo si bwiza

    Kalisa Kasse(nimero 10) ni umwe mu bakinnyi bagize ibihe ubwo bakinaga

    Source : http://isimbi.rw/siporo/article/icyo-kalisa-kasse-yatangaje-nyuma-yo-kubikwa-ko-yapfuye-kandi-ari-muzima

  • Abantu 5 bahitanwe na Covid-19 mu Rwanda abandi 371 barayandura #rwanda #RwOT

    Kuri iki Cyumweru taliki ya 29 Kanama 2021, Minisiteri y'Ubuzima yatangaje ko abantu bahitanwe na Covid-19 uyu munsi ari 5 barimo abagore 3 n'abagabo 2 bagejeje umubare w'abamaze gupfa ku 1,079.

    Uyu munsi kandi,habonetse abarwayi bashya 371 b'icyorezo cya COVID-19 batumye umubare w'abamaze gutahurwaho icyo cyorezo kuva cyagera mu Rwanda ugera ku 86,613 barimo abagera ku 75,000 bamaze gukira n'abasaga 10,300 bakirimo kwitabwaho n'abaganga.

    Uyu munsi umurwayi umwe ni we wasezerewe mu bitaro, mu gihe abashya bahawe ibitaro ari 10 mu gihe mu bakirwaye 44 ari bo barembye.

    Guverinoma y'u Rwanda irashimira abaturarwanda uruhare rwabo muri uru rugamba rwo kurwanya iki cyorezo, ikaba ibasaba kwitabira kwikingiza kuko inkingo zigenda zirushaho kuboneka, ndetse no kwisuzumisha kenshi kugira ngo bagabanye ikwirakwira rya COVID-19.

    Inzego z'ubuzima ziraburira buri wese kwitwararika kuko mu gihugu hari ubwoko bwa COVID-19 yihinduranyije bwitwa Delta bugize hafi 60% y'ubwandu bushya, bukaba bwandura vuba kandi bugatuma abantu banaremba vuba ndetse bamwe bakagira n'ibyago byinshi byo kubura ubuzima.

    Ku wa 11 Kanama 2021, Guverinoma y'u Rwanda yafashe ingamba nshya zijyanye no kwirinda COVID-19 zirimo ko ingendo zibujijwe guhera saa mbiri z'ijoro (8:00 PM) kugeza saa kumi za mugitondo (4:00 AM). Ibikorwa byose byemerewe gukomeza bifunga saa moya z'ijoro (7:00 PM).

    Ni mu gihe Imirenge 10 yakomeje gushyirwa muri Guma Mu Rugo kuko ifite ubwandu buri hejuru cyane, mu gihe indi 40 yatangiye kubahiriza amabwiriza mashya asanzwe.

    Ingendo hagati y'Umujyi wa Kigali n'lntara ndetse n'Uturere tw'lgihugu zirasubukuwe, uretse izo kujya no kuva mu Mirenge iri muri Gahunda ya Guma mu Rugo.

    Mu gihe u Rwanda rutaragera nibura ku rugero rwa 60% bagomba gukingirwa, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n'isabune cyangwa alukolo yabugenewe.


    Source : https://umuryango.rw/amakuru/mu-rwanda/ubuzima/article/abantu-5-bahitanwe-na-covid-19-mu-rwanda-abandi-371-barayandura

  • Paul Muvunyi na Gacinya ntibabonetse mu nama y’ubumwe bwa Rayon, Sadate na Prosper bemera abakinnyi, bimwe mu byayiranze #rwanda #RwOT

    Ku munsi w’ejo hashize ku Cyumweru habaye inama yari igamije kugarura ubumwe mu ikipe y Rayon Sports bose bagasenyera umugozi umwe, gusa bamwe mu bahoze bayobora Rayon Sports ntibahakandagiye kuko batabikozwa.

    Ni inama yabaye ikurikira iyari yahuje abahoze bayobora Rayon Sports na komite y’iyi kipe yabaye tariki ya 18 Kanama 2021 aho yabereye ku biro by’iyi kipe.

    Yitabiriwe n’abarimo komite y’iyi kipe iyobowena Uwayezu Jean Fidele na bamwe mu bahoze ari abayobozi b’iyi kipe barimo Munyakazi Sadate, Muhirwa Prosper hari kandi Rutagambwa Martin, Dr Uwiragiye Norbert ndetse na bamwe mu bafana bakuru b’iyi kipe bavuga rikumvikana n’abandi.

    Iyi nama yabereye kuri Grazia Hotel mu Rugando, ntabwo yitabiriwe na bamwe mu bahoze bayobora ikipe ya Rayon Sports nka Paul Muvunyi, Gacinya Chance Denis na Me Muhirwa Freddy aho amakuru ISIMBI yamenye ari uko badakozwa iby’ubu bumwe bitewe n’uko ngo komite iriho yaba yarabasuzuguye ikabita ibisambo.

    Kuba bataje ariko ntibyabujije inama kuba kuko yabaye ndetse hagenda hatangirwamo ibitekerezo by’icyakorwa kugira ngo umwuka mwiza muri iyi kipe ugaruke.

    Imwe mu ngingo yagarutsweho ni uko iyi kipe isa n’aho iri inyuma y’izindi mu kugura abakinnyi kandi bikaba bigaragara ko nta mafaranga ifite.

    Amakuru ISIMBI yamenye kandi yizewe ni uko Muhirwa Prosper yahise yemerera iyi kipe kuyigurira umukinnyi ukina inyuma ya rutahizamu(bivugwa ko ari Kevin Muhire yemeye kwishingira), ndetse uretse uyu mukinnyi bigenze neza ashobora no kubazanira myugariro Emery Bayisenge.

    Munyakazi Sadate na we wahoze ayobora iyi kipe, akaba yemeye ko azagurira iyi kipe umukinnyi umukinnyi umwe, aho bishoboka ko azaba ari umunyamahanga.

    Abitabiriye iyi nama kandi amakuru avuga ko nabo bagiye bitanga kugira ngo harebwe niba hari amafaranga yaboneka afashe abayobozi muri ibi bihe byo kugura abakinnyi.

    Amakuru mashya ku mukinnyi Niyonzima Olivi Seif abakunzi b’iyi kipe bamenya, ngo biragoranye ko yagurwa bitewe n’uko ahenze kandi akaba afite ikinyabupfura kigerwa ku mashyi, uyu mukinnyi yifuza miliyoni 18 ariko bakaba babona atayakwiye ahanini hashingiwe ku myitwarire ye, aho bo bavuga ko yemeye miliyoni 12 bavugana.

    Prosper(ibumoso) na Munyakazi Sadate(iburyo) bemeye kugurira iyi kipe abakinnyi

    Me Freddy(ibumoso), Gacinya Chance Denis(hagati) na Muvunyi Paul(iburyo) ntabwo bigeze bakandagira ahabereye iyi nama

    Uwayezu Jean Fidele arimo kugerageza kwiyegereza abahoze bayobora Rayon Sports

    Source : http://isimbi.rw/siporo/article/paul-muvunyi-na-gacinya-ntibabonetse-mu-nama-y-ubumwe-bwa-rayon-sadate-na-prosper-bemera-abakinnyi-bimwe-mu-byayiranze

  • Bruce Melodie na Harmonize bagiye guhurira ku… – #rwanda #RwOT

    Bruce Melodie ukomeje kwandika amateka adasanzwe mu muziki w’u Rwanda n’Akarere, agiye guhurira ku rubyiniro rumwe na Harmonize, mu Iserukiramuco  Nyafurika ry’Umuziki.

    Iri serukiramuco rizabera  mu mujyi mugari wa Edmonton muri Canada, kuwa 09 Ukwakira 2021 ku isaha ya saa tatu z’umugoroba. Azaba ari ku munsi wo kuwa gatanu. 

    Iki kikaba ari kimwe mu bitaramo Bruce Melodie ateganya mucyo yise 'Kigali World Tour', aho mu Ukuboza ateganijwe nabwo mu gihe cy’iminsi ine, muri Dubai mu gihugu cya United Emirate Arab. 

    Ni nyuma y'uko kandi ibyo yateganyaga mu Burundi byasubitswe, kubera iki kibazo cy’icyorezo cya COVID 19. Hateganijwe kandi ko afite n’ibitaramo ku mugabane w’Uburayi ariko ataratangaza amatariki yabyo.Umunyamakuru w’imyidagaduro Luckamannzeyimana ari mu bamaze guha umugisha aya makuru y'uko Bruce Melodie na Harmonize bazaba bari ku rubyiniro rumwe muri Canada mu Ukwakira 2021.

     

    Source : https://inyarwanda.com/inkuru/109005/bruce-melodie-na-harmonize-bagiye-guhurira-ku-rubyiniro-muri-edmonton-muri-canada-109005.html

  • Kigali: Ubukwe bupfiriye mu rusengero! abagen… – #rwanda #RwOT

    Hari mu kazuba ko mu museso, ubwo Dukuzumuremyi Janvière yakiraga telephone imubwira ko umugabo we babyaranye abana batanu umaze igihe yaramutaye, agiye gusezerana n'undi mugore mu rusengero.

    Ako kanya akibyumva yahise ava mu murima aho yari ari guhinga vuba na bwangu, ahita yitegura ndetse ategura n'abana be kugira ngo ajye kureba niba inkuru yari amaze kwakira ari impamo.

    Mu buryo budasanzwe kandi buri wese wari uhari, bose bakubitswe n'inkuba bagwa mu kantu. Nta n'umwe wiyumvishaga ibiri kuba ubwo uyu mubyeyi yasangaga umugabo we babyaranye abana batanu, ari gusezerana n'undi mugore mu rusengero rw'abangilikani, Paruwasi ya Gikondo mu mujyi wa Kigali.

    Ubwo abageni binjiraga mu rusengero rw’abangirikani

    Umugore akinjira mu rusengero, yasanze pasiteri amaze guhagurutsa abageni ndetse igikorwa cyo kubashyingira kigiye gutangira. N'agahinda kenshi ndetse n'amarira ashoka, yagaragaje agahinda atewe n'umugabo we ko kuba yaramutanye urugo, akaba agiye kubaka urundi rugo nyamara abo yabyaranye n'uyu mugore atamenya uko biriwe n'uko baramutse.

    Mu majwi ya Janvière yumvikanaga afata uyu wari umugabo we mu makoti, ndetse arira cyane avuga ko ibi bigomba gukemurwa na RIB.

    Byabaye ngombwa ko iki gikorwa kiba gisubitswe, abapasiteri bafata umukwe n'umugeni we ndetse n'uyu mubyeyi wari wazanye n'abana be, bajya kwiherera bonyine kugira ngo iki kibazo bagihe umurongo.

    Byahinduye isura ubwo uyu mugore n’abana batatu binjiraga

    Muri uku kwiherera ntibyamaze umwanya kuko uyu mubyeyi yahise asohoka ndetse arira cyane, agaragaza ko atari kunyurwa n'uburyo ikibazo cye bari kugikemuramo. Yashimangiye ko icyo ashaka atari isezerano ry'umugabo wamutanye abana batanu, ahubwo akeneye kubona abana be babiri umugabo yatwaye ndetse akabamwimaho uburenganzira, hanyuma agafata inshingano z'abana be nka papa wabo wababyaye.

    Bitewe n'uburyo uyu mubyeyi yagaragazaga uburyo iki kibazo kiri gukemurwamo, hitabajwe inzego z'umutekano ndetse bidatinze zihita zihasesekara, zigerageza guhuza impande zombi. N'ubwo bitari byoroshye, basabye umuryango w'umugabo kubahiriza uburenganzira bw'umubyeyi kubana be, ndetse akajya ababona igihe cyose abashakiye.

    Mu marira menshi, uyu mubyeyi agaragaza ko ikifuzo cye gikomeye ari ukubona uburenganzira ku bana be umugabo we yatwaye iwabo, ndetse bakabamuha akabirerera kuko abana be batagomba kurerwa nk'imfubyi kandi bagifite ababyeyi bose.

    Mu kiganiro na InyaRwanda, yavuze ko ibyabaye ari impamo ndetse atari kera kuko 'byabaye ku munsi w'ejo hashize kuwa gatandatu'.  Ndetse, anavuga ko icyo akeneye ku mugabo we ari abana babiri b'impanga yamutwaye ndetse bakanakemura uburyo bwo kubaho kw'aba bana babyaranye.

    Yagize ati: 'Yego iyo nkuru yabaye nimugoroba nta n'ubwo ari kera, byarangiye batabasezeranyije barabirukana mu rusengero, bababwira yuko tuzabanza gukemura ibibazo dufitanye ubwo nyine birangira bupfuye nange ndataha'.

    Yakomeje agira ati: 'Njyewe icyo narinkeneye si isezerano. Njyewe umugabo twarabanye ariko tubana mu buryo butemewe n'amategeko, ariko mu gihe ashaka gushaka undi njyewe ntarasezeranye nawe ni uburenganzira bwe, ariko yagombaga kubanza kubahiriza uburenganzira bw'abana yabyaye. Kuko abana batanu ni umuzigo ni umuryango ukomeye ku buryo atansigira inshingano zabo njyenyine ngo nzishobore'.

    Ati: 'Ikintu njyewe namushakagaho ni uko ampa abana batanu banjye afite kuko bose bavuka munda imwe ya se na nyina,  yamara kubampa ubundi bakangenera n'uko bagomba kubaho n'aho kuba, n’ikizabatunga. Bakamenya niba bagomba kubishyurira ishuri, ibigenerwa umwana byose bakabikora.”

    Uyu mubyeyi yavuze ko hashize imyaka ibiri uyu mugabo abataye, ndetse amujyanye abana b’impanga yari yaribarutse ku nshuro ya mbere kuko yibarutse impanga inshuro ebyiri.

    Abana b’impanga umugabo yamutanye

    Yagize ati: 'Hashize imyaka ibiri antaye, yajyanye bariya bana b'impanga ambwira ko bagiye gusura iwabo ubwo rero inda yansiganye nayo yavuyemo impanga zikurikira izindi yajyanye.''

    Uyu mugore yabwiye InyaRwanda ko abana kugeza na n'ubu atarababona ariko akibategereje, ndetse yakorerwa ubuvugizi kugira ngo abana be ababone ndetse amenyerwe n'uko babaho, naho ubundi ibyo kujya kubana n’undi mugore ni uburenganzira bwe.

    REBA UBURYO UMUGORE YARWANYE N’UMUGENI MU RUSENGERO, KURI AFRIMAX TV

    Source : https://inyarwanda.com/inkuru/109006/kigali-ubukwe-bupfiriye-mu-rusengero-abageni-bararwanye-kubera-kunanirwa-kumvikana-nuwo-ya-109006.html