Blog

Ibi Minisitiri, Dr Vincent Biruta yabitangaje kuri iki Cyumweru tariki ya 24 Ukwakira 2021, ubwo u Rwanda rwifatanyaga n’Isi yose mu kwizihiza isabukuru ya 76 y’Umuryango w’Abibumbye washinzwe ku munsi nk’uyu mu 1945.

Ni umunsi wahuriranye na siporo rusange ngarukakwezi izwi nka Car Free Day yari yanitabiriwe n’abandi bayobozi batandukanye barimo Minisitiri wa Siporo, Aurore Mimosa Munyangaju, uw’Ubucuruzi n’Inganda, Habyarimana Beata, uw’Ibikorwa by’Ubutabazi, Kayisire Solange n’Umuyobozi w’Umujyi wa Kigali, Pundence Rubingisa.

Minisitiri Dr Biruta yavuze ko u Rwanda ari kimwe mu bihugu bigize Umuryango w’Abibumbye kandi uyu muryango ufite ibikorwa byinshi ufatanyamo n’igihugu mu iterambere n’imibereho myiza y’abaturage.

Yagize ati “Umuryango w’Abibumbye uretse kuba turi abanyamuryango ariko ufite n’amashami menshi yawo abarizwa mu gihugu cyacu ku buryo ari abafatanyabikorwa b’imena mu iterambere ry’igihugu.”

Yakomeje agira ati “Bafite amashami arebana n’ubuzima,abana, uburezi, ubuhinzi n’ibindi byinshi usanga ari gahunda igihugu kirimo kandi gifatanya n’iyo miryango itandukanye kugira ngo izo gahunda zibashe kugenda neza kuko Umuryango w’Abibumbye niwo utera inkunga gahunda igihugu kiba cyarihaye.”

Umuhuzabikorwa w’Amashami y’Umuryango w’Abibumbye mu Rwanda, Fodé Ndiaye yashimye uruhare rw’u Rwanda mu guharanira amahoro n’umutekano ku Isi.

Ati “Umwaka utaha tuzaba twizihiza imyaka 60 y’ubunyamuryango bw’u Rwanda muri Loni. Twishimira uko u Rwanda rukomeza guharanira amahoro ku Isi rutanga umusanzu ukomeye ku butumwa bw’amahoro bwa Loni mu bihugu byo hirya no hino.”

Abitabiriye iyi siporo bazengurutse imihanda itandukanye y’Umujyi wa Kigali nyuma baza gusoreza kuri Stade Amahoro, aho bakoze imyotozo ngororamubiri yakoreshejwe n’Umuyobozi w’Umuryango Children and Youth Sports Organization, Mukasa Nelson.

Mukasa yavuze ko n’ubwo ari umunsi udasanzwe wahariwe UN, Abanya-Kigali bagize umwanya wo gukora siporo cyane ko siporo ari ubuzima.

Ati “Siporo ni ubuzima, ni amahirwe twagize kuba uyu munsi wahariwe Loni wabaye ibikorwa bya siporo n’imyitozo ngororamubiri byarakomorewe nyuma ya Covid-19, ibintu byanatumye abantu bitabira ku bwinshi.”

Nyuma y’imyitozo ngororamubiri yabereye kuri Stade Amahoro, abitabiriye bose bahawe umwanya wo gutanga amaraso, bapimwa indwara zitandukanye zirimo na Covid-19.

Ku wa 24 Ukwakira 1948, nibwo Loni yashyizweho. Ni mu muhango wabereye i San Francisco muri Leta Zunze Ubumwe za Amerika. Ufite intego yo kubumbatira amahoro n’umutekano ku Isi; gukumira ibikorwa byose bigamije guhungabanya umutekano mu rwego rw’akarere no ku Isi hose.

Ufite kandi inshingano zo guteza imbere imibanire myiza y’ibihugu ishingiye ku ihame ryo kureshya kw’abantu imbere y’amategeko; kugera ku bufatanye mpuzamahanga nyabwo hakemurwa ibibazo bishingiye ku bukungu, imibereho, ubumenyi, uburenganzira bwa muntu, n’ibindi. Kugeza ubu ubarirwamo ibihugu 193.

Minisitiri Biruta yagaragaje Loni nk’umufatanyabikorwa w’ibanze mu iterambere ry’u Rwanda

Umuhuzabikorwa w’Amashami y’Umuryango w’Abibumbye mu Rwanda, Fodé Ndiaye yashimye uruhare rw’u Rwanda mu guharanira amahoro n’umutekano ku Isi.

Uyu munsi w’isabukuru ya Loni wahuriranye na Car Free Day

Iyi siporo rusange yitabiriwe n’abayobozi batandukanye

Ibi byangajwe Kuri uyu wa Gatanu tariki 21 Ukwakira ubwo hasozwaga Imirimo y’Inama njyanama irangije manda y’imyaka itanu.

Perezida w’Inama njyanama y’Akarere ka Rubavu, Nyirurugo Côme de Gaule yagize ati “Nk’ubu twakabaye dusize Gare ya Gisenyi wenda igeze kure yubakwa, Isoko rya kijyambere rya Gisenyi ryakabaye ryaruzuye, ariko harimo ibitaragenze neza mu buryo bw’Amafaranga, hari n’aho icyorezo cya Covid-19 cyadukomye mu nkokora n’Imitingito.”

Nyirurugo yakomeje avuga ko mu bindi basize bidatunganye harimo kwemeza igishushanyombonera cy’Umujyi, kigoma guca imiturire y’akajagari.

Nyirurugo yasabye Komite izabasimbura kuzakemura n’ikibazo cy’imitangire ya serivisi z’ubutaka zikenerwa n’abaturage benshi, by’umwihariko hongerwa abakozi bakora mu ishami rya serivisi z’ubutaka.

Yavuze kandi ku kibazo cyo kugaruza ubutaka bwa Leta bwiganje mu mirenge ya Rubavu na Gisenyi, kuko Njyanama yagiye ibugaruza ariko abakozi bo muri iryo shami bakabigendamo biguru ntege.

Inama njyanama y’Akarere ka Rubavu isoje Manda yahaye umukoro ababasimbura mu matora agiye gutangira ko bazahwitura Komite Nyobozi ikajya ibasha gusubiriza abaturage ku gihe kuko byagaragaye ko batinda gusubizwa, bikabadindiza.

Isoko rya Rubavu ryatangiye kubakwa n’akarere mu mwaka wa 2010, haza kubamo ibibazo byo kunanirwa kuryubaka ku bari barihawe n’imicungire mibi, byanagize uruhare mu kweguza abayobozi b’akarere mu 2015.

Hafashwe ingamba zitandukanye ngo rikomeze kubakwa ndetse ubu imirimo yarasubukuwe.

Imyaka 11 irihiritse isoko rya Gisenyi ryubakwa

Iki gitabo cyamuritswe kuwa 22 Ukwakira ku cyicaro cy’Ishuri Rikuru Gatolika rya Kabgayi, ICK.

Iki gitabo gikubiyemo ubumenyi bwo kwita ku mwana ukiri Urusoro kugeza mu ku myaka 18, imyaka y’ubwangavu n’Ubugimbi. Gikubiyemo imitwe itanu ijyanye n’ibyiciro by’imikurire y’umwana, kikagaragaza uko akwiye kwitabwaho muri buri cyiciro.

Padiri Dushimimana yavuze ko icyo gitabo gishobora gukoreshwa nk’imfashanyigisho yunganira ababyeyi, abarezi n’abandi bafite mu nshingano uburezi n’uburere bw’abana.

Padiri Fidèle Dushimimana yavuze ko umwana akwiye kwitabwaho neza kugira ngo akure neza azagirire akamaro igihugu.

Yagize ati “Njya gutekereza kwandika iki gitabo nabanje kureba ikibura mu muryango mugari, mpitamo gutegura iki gitabo ngamije kwerekana uko umwana akwiye kwitabwaho mu kigero arimo, kugira ngo uwo ari we wese ashobore kugira ubumenyi nyabwo ku kwita ku mwana ukiri muto kugeza nibura mu bwangavu n’ubugimbi.”

Yakomeje agira ati “Ndemeza ko muri ibi bice ariho umwana aba agomba kwitabwaho cyane kuko niho byose bishobora gupfira kandi ni naho abonera ubuzima nyabwo buhamye”.

Yakomeje avuga ko buri gice cyose gifite ibyo kigenewe byakabaye biherwaho kugira ngo umwana akure neza mu gihagararo ariko kijyane n’imitekerereze ye.

Yavuze ko iyo kimwe gisimbutswe aribwo umwana agaragaza imyitwarire idahwitse, abantu bakavuga ko yananiranye.

Padiri Dushimimana ati”Muri iki gitabo buri gice cyose gifite ibikirimo byagakwiye gukorerwa umwana kugira ngo akure neza haba mu gihagararo, mu mitekerereze ariko n’ubwenge. Iyo kwimwe gisimbutswe niho tubona abana dukunze kwita ko bananiye imiryango ndetse bakishora mu bitabafitiye umumaro birimo kunywa ibiyobyabwenge ndetse n’ibindi bitandukanye bitewe n’uko hari ibyo bagombaga kubona mbere batabonye. Ubu bumenyi bushobora gutuma dutegura neza abana bacu bakazakura neza bakavamo abaturage b’ingenzi bejo hazaza h’Igihugu”.

Umuyobozi w’Akarere ka Muhanga, Kayitare Jacqueline yashimiye Padiri Dushimimana, avuga ko iki gitabo cyitezweho kunganira gahunda Leta yagiye ishyiraho mu kubungabunga uburezi n’uburere bihabwa abana.

Yagize ati “Ubusanzwe leta hari ibyo ifasha imiryango ifite abana bigaragara ko bafite ibijyanye n’imirire mibi ariko ubu bumenyi bwo burakenewe mu gufasha ababyeyi kwita ku bana bakiri mu nda kandi bwafasha gutegura neza uko yazaza tumwifuza bityo akanakura neza.”

Padiri Fidele Dushimimana wanditse iki gitabo hari n’izindi nyandiko z’ubushakashatsi zinyuranye yakoze ku byerekereranye no gutoza abana bo mu mashuri abanza kubana n’abandi mu mahoro ndetse no gukemura ibibazo bijyanye n’imibanire hagati yabo n’abandi.

Afite impamyabumenyi y’ikirenga mu byerekeye imitekerereze n’imyitwarire ya muntu (PhD in Psychology) yavanye muri Universita Pontificia Salesiana i Roma mu Butaliyani.

Kuva mu mwaka wa 2010 kugeza ubu ni Umuyobozi Mukuru Wungirije Ushinzwe Amasomo n’Ubushakashatsi mu ishuri rikuru Gatolika rya Kabgayi (ICK).

Umuhango wo kumurika igitabo ‘Kura Ujya Ejuru’ cya Padiri Dushimimana witabiriwe n’abayobozi batandukanye

Padiri Dushimimana asinya mu gitabo mbere yo kukigeza ku bazagisoma

Bamwe mu bitabiriye imurikwa ry’igitabo cya Padiri Fidèle Dushimimana

Padiri Fidèle Dushimimana yavuze ko igitabo cye kirimo inama zafasha umwana mu burezi n’uburere bw’umwana mu cyiciro cyose yaba arimo

Igitabo ‘Kura ujya Ejuru’ cyitezweho gufasha ababyeyi mu burere bw’abana babo

Padiri Fidèle Dushimimana usanzwe ari Umuyobozi Mukuru Wungirije Ushinzwe amasomo n’ubushakashatsi muri Kaminuza Gatolika ya Kabgayi