Webrwanda Backend

Blog

  • Wari uziko imiterere y'amano yawe ishobora gusobanura uwo uri we ? #rwanda #RwOT

    Birashoboka ko iyo tugeze ku bice y'umubiri, ibirenge ari kimwe mu ice bititabwaho cyangwa se ngo bihabwe agaciro kanini, kandi nyamara mu buryo butangaje imiterere y'ikirenge, uburebure cyangwa ubugufi bwacyo, imiterere y'amano n'ibindi bishobora kugaragaza uwo uri we n'uko witwara muri rusange.

    Urubuga persianv dukesha iyi nkuru rwagaragaje amoko ane y'imiterere y'amano y'umuntu ndetse rugaragaza n'ibiranga nyir'ukugira ayo mano.

    • Amano atatu abanza uhereye ku gikumwe yose arareshya

    Aya mano atatu iyo witegereje usanga areshya kandi abiri akurikiraho(ahera) ugasanga ari magufi.

    Abantu bafite amano ateye atya, baba aria bantu bagwa neza kandi bagira ibitekerezo by'ingirakamaro, aba bantu kandi baba ari abanyabugeni ku buryo babasha kuvumbura ubwiza bwihishe muri buri kintu, babona ibyiza biri mu bandi bantu batitaye ku bo bari bo.

    Rimwe na rimwe hari ubwo abantu bashaka kubata mu mitego, ariko kubera ubushobozi bwabo mu gukoresha ubwenge bwabo neza babasha kubisohokamo neza. Bagira urukundo nyarwo kandi bagahuza n'abo bakundana.

    • Amano yose arareshya

    Niba ufite ikirenge kiriho amano yose areshya, muri kamere yawe uri umuntu uhangana cyane ukarwana ishyaka. Ufite imibonere ihamye ku mutuzo n'umutekano w'isi, ibyo bigatuma abandi bakubona nk'umuntu bakwiye kwiyegamiza no kwishingikirizaho, barakwizera kandi bemera ko nta kinyoma cyava mu kanwa kawe bityo nabo bakagukunda batakuryarya.

    Iyo ukundanye, ukunda nta buryarya kandi ukamenya kwita kuwo mukundana ukamenya n'icyo akeneye, kandi ntabwo ukunda gushwana kwa hato na hato.

    • Amano asumbana uva ku gikumwe ujya ku gahera

    Niba amano yawe ateye ku buryo ino ry'igikumwe ari ryo rirerire n'andi agasumbana muri ubwo buryo akoze umurongo uberamye, uri umuntu ushyira imbere kwigenga no kwisanzura, iyo bibaye ngombwa ko utanga igitekerezo kijyanye n'amarangamutima yawe.

    Wita ku buryo abandi baza kukubona n'icyo bagutekerezaho ku rugero rwo hasi, nta na rimwe ujya wemera ko hari umuntu wagusuzugura cyangwa ngo agucishe bugufi agukoze isoni.

    Rimwe na rimwe hari igihe kigera ukumva ko waguma ahantu ha wenyine hatuje kandi ibi biba bimeze nk'uburyo bwo kwisubizamo imbaraga zigufasha mu myitwarire yawe isanzwe ikuranga.

    Mu mubano ukenye kubana n'umuntu uteye nkawe, umuntu witeguye gusangira nawe ibyiza n'ibibi muhura nabyo kandi uzigiraho ibindi bintu bishya.

    • Ino rikurikira igikumwe risumba andi yose

    Niba ikirenge cyawe giteye ku buryo ino rikurikira igikumwe ari ryo rirerire gusumba andi, uri umuntu utandukanye n'abandi cyane kuko ibintu byinshi ubibona ukwawe kwihariye, muri make urihariye kandi uhorana udushya.

    Ibi biguha ubushobozi bwo kubona abantu bakwishushanyaho, muri rusange uri umucamanza mwiza ku bijyanye n'imyitwarire y'abandi bantu, ubwenge bwawe butuma abandi bantu bakunda kugusanga mu bihe bisanzwe ndetse n'igihe bafite ingingo bashaka kukugishaho inama kuko baba bakwizeyeho ubwo bushobozi.

    Uburyo ubana kandi ukabanira abandi nabwo butuma ubakurura, gusa icyo baba bagushakamo cyane ni ukuntu ubatangaza ubereka itandukaniro ryawe kuko wihariye. Uhora ufite amakuru ku cyo uwo mubana akeneye bityo bigatuma muhora muryohewe.

    Musinga C.

     

     

     

     

     

     

    The post Wari uziko imiterere y'amano yawe ishobora gusobanura uwo uri we ? appeared first on IRIBA NEWS.

    Source : https://iribanews.rw/2021/10/24/wari-uziko-imiterere-yamano-yawe-ishobora-gusobanura-uwo-uri-we/

  • AS Kigali yasezerewe muri Confederations Cup #rwanda #RwOT

    Ikipe ya AS Kigali yasezerewe muri CAF Confederations Cup na Darling Club Motema Pembe(DCMP) ku giteranyo cy’ibitego 4-2.

    Uyu munsi nibwo habaye umukino wo kwishyura w’ijonjora rya kabiri rya CAF Confederations Cup aho AS Kigali yari yasuye DCMP.

    Umukino ubanza wari wabereye i Kigali, DCMP yari yatsinze AS Kigali ibitego 2-1.

    Abasore ba AS Kigali bagiye muri uyu mukino bazi neza ko icyo basabwa ari ugutsinda kugira ngo bakomeze mu kindi cyiciro.

    Ntabwo baje guhirwa kuko baje na wo kuwitsindwa ibitego 2-1. Katulondi Kati yaje gufungura amazamu ku munota 25 ku ruhande rwa DCMP.

    Iki gitego cyaje kwishyurwa na Kwizera Pieerot kuri kufura ku munota wa 45. Karim Kimvuidi yaje gutsindira DCMP igitego cya 2 ku munota wa 49. Umukino warangiye ari 2-1 maze AS Kigali isezererwa mu irushanwa ku giteranyo cy’ibitego 4-2.

    AS Kigali yasezerewe ku giteranyo cy’ibitego 4-2

    Source : http://isimbi.rw/siporo/article/as-kigali-yasezerewe-muri-confederations-cup

  • Rwanda Gospel Stars Live yatangijwe ku mugara… – #rwanda #RwOT

    Ni mu muhango wabereye muri Park Inn mu Kiyovu kuri iki Cyumweru tariki 24 Ukwakira 2021, witabiriwe n'abaramyi b'amazina azwi n'abandi.

    Rwanda Gospel Stars Live ihatanyemo Serge Iyamuremye, Israel Mbonyi, Aline Gahongayire, Uwitonze Clementine [Tonzi], Gaby Kamanzi, Rata Jah Naychah, James&Daniella, Gisubizo Ministries, umuraperi MD, Gisele Precious, True Promises Ministries, Aimee Frank Nitezeho, Aneth Murava na Theo Bosebabireba.

    Mu gutangiza iki gikorwa, Mike Karangwa ushinzwe gukurikirana ibikorwa bya Rwanda Gospel Stars Live, yashimye abahanzi bahatanye muri Rwanda Gospel Stars Live, avuga ko bakorera mu kibuga kirimo imitego myinshi ariko ko bayisimbuka bakifashisha umuziki mu kongera gusana imitima ya benshi.

    Karangwa yabwiye aba bahanzi ko indirimbo zabo zifite akamaro gakomeye ku buzima bwa benshi, kuko hari abakiriye nyagasani nk'Umwami n'Umukiza, abandi bareka ibikorwa bibi bari bagiye gukora bakomeza kuramira ubuzima.

    Uyu mugabo wabaye umunyamakuru, yavuze ko Rwanda Gospel Stars Live ari igikorwa kigamije gushyigikira abahanzi bakora umuziki uhimbaza Imana. Asaba buri wese gushyigikira aba bahanzi, yifashishije uburyo bw'ikoranabuhanga bwashyizweho.

    Umuhanzi uzatwara umwanya wa mbere muri Rwanda Gospel Stars Live azahabwa miliyoni 7 frw, naho uwa kabiri atware miliyoni 2 frw, ni mu gihe uwa gatatu azatwara miliyoni 1 frw.

    Abahanzi bazaririmba muri ibi bitaramo batangiye gukora imyitozo, ku buryo mu mpera z'Ukwakira 2021 biteguye gukorera ibitaramo kuri Televiziyo y'u Rwanda.

    Nyuma y'ibi bitaramo bya Rwanda Gospel Stars Live bizabera kuri Televiziyo y'u Rwanda, ni bwo hazamenyekana abatsinze.

    Kuri ubu ushobora gushyigikira umuhanzi ukunda, aho ujya muri telefoni ngendanwa ugakanda *544*300* ugashyiramo nimero y'umuhanzi ushyigikiye hanyuma ugashyiraho.

    Igikorwa cyo gutangiza ku mugaragaro Rwanda Gospel Stars Live cyitabiriwe n'abarimo umunyamakuru w'Ikigo cy'Igihugu cy'Itangazamakuru (RBA), Tumusiime Juliet uherutse kurushinga, Gaju Evelyne wabaye Nyampinga wabanye neza n’abandi (Miss Congeniality), Muyoboke Alex umujyanama w'umuhanzi Chris Hat.

    Hari kandi Umuyobozi w’Urugaga rw’abahanzi Nyarwanda, Intore Tuyisenge, Umuyobozi Mukuru wa Rwanda Gospel Stars, Aimable Nzizera, Umuyobozi wa Kalisimbi Events, Mugisha Emmanuel yateye inkunga iki gikorwa, umuhanzi utanga icyizere mu baramyi Josh Ishimwe.

    Hari kandi umuhanzi Jean Christian Irimbere uri mu kiragano gishya cy’abakora indirimbo zihimbaza Imana, umuhanzikazi Umutoni Alice ukora indirimbo zihimbaza Imana uzwi nka Big Tonny, n'abandi.

    Abari bahagarariye itsinda ry'umuziki rya Gisubizo Ministries


    Aline Gahongayire uzwi mu ndirimbo zitandukanye zo guhimbaza Imana


    Umuraperi MD ni uko yaserutse mu gutangiza Rwanda Gospel Stars Live


    Umuhanzikazi Gaby Irene Kamanzi wakunzwe mu ndirimbo kuva kuri 'Amahoro'

    Itsinda ry'abanyamuziki rya King Dom Ministries ryari rihagarariwe n'abasore babiri

    Itsinda rya True Promises rizwi mu ndirimbo zitandukanye


    James na Daniella bakunzwe kuva ku ndirimbo 'Mpa amavuta

    Serge Iyamuremye uherutse gusohora amashusho y’indirimbo yise ‘Lion’


    Uwitonze Clementine uzwi nka Tonzi mu muziki, aherutse gusohora indirimbo yise ‘Umugisha’

    Umuhanzi Israel Mbonyi witegura gusohora Album yise ‘Icyambu’. Yabwiye INYARWANDA, ko azayishyira hanze mu Ukuboza 2021

    Umuhanzi wagize igikundiro kidasanzwe mu baramyi, Theo Bosebabireba uherutse gusohora indirimbo ‘Hagati y’umutwaro’


    Grace Precious, umuhanzikazi w’ijwi ryiza uririmba anicurangira gitari

    Umuhanzi Rat Jah NayChah uzwi mu ndirimbo zirimo ‘Humura’

    Umuramyi Aime Frank Nitezeho

    Umuhanzikazi Annet Murava wamenyekanye mu ndirimbo ‘Imboni’


    Ifoto y’abahanzi 15 bahatanye muri Rwanda Gospel Stars Live 

    AMAFOTO: Ihorindeba Lewis-INYARWANDA

    Source : https://inyarwanda.com/inkuru/110750/rwanda-gospel-stars-live-yatangijwe-ku-mugaragaro-amafoto-yerekana-uko-abaramyi-15-baserut-110750.html

  • Manchester United yahuye n' uruva gusenya , amafoto #rwanda #RwOT

    Kuri iki Cyumweru tariki ya 24 Ukwakira 2021, ikipe ya Manchester United yahuye n' uruva gusenya ubwo yatsindwaga ibitego 5_ 0 n' ikipe ya Liverpool mu mukino wa shampiyona y' Abongereza wabereye ku kibuga cya Old Trafford.

    Umunya-Guinée-Conakry Naby Keita ni we wafunguriye Liverpool amazamu ku gitego cyo ku munota wa gatanu w'umukino, mbere y'uko umunya-Portugal Diogo Jota atsinda icya kabiri ku munota wa 13.

    Iyi kipe y'umutoza Jürgen Klopp yatsinze igitego cya gatatu ku munota wa 38 ibifashijwemo na Mohamed Salah, mbere y'uko uyu munya-Misiri yongeramo ibindi bitego bibiri yatsinze ku munota wa 45+5 n'uwa 50.

    Ni bwo bwa mbere mu mateka ya shampiyona y'Abongereza Manchester United yarangije igice cya mbere cy'umukino inyagiwe ibitego 4-0, ibyatumye abafana bayo bahitamo gutangira kwitahira iminota 45 y'umukino ikirangira.

    Uyu mukino wahuje aya makipe yombi ni wo ufatwa nk'uwa mbere ukurikirwa n'abantu benshi muri shampiyona y'Abongereza.

    Gutsinda uyu mukino byatumye Liverpool ifata umwanya wa kabiri n'amanota 21, mu gihe Man United yafashe uwa karindwi n'amanota 14.

    Kuri ubu igitutu cyose kiri ku mutoza Ole Gunnar Solskjaer ufite ibyago byinshi byo guhita yirukanwa.

    Source : https://impanuro.rw/2021/10/25/manchester-united-yahuye-n-uruva-gusenya-amafoto/

  • Liverpool yambuye ubusa Manchester United aba… – #rwanda #RwOT

    Umugoroba ntabwo ubaye mwiza ku bakinnyi, abakunzi n’abafana ba Manchester United kubera urunganda rw’ibitego bitanu batsinzwe na mucyeba wabo Liverpool. Uyu munsi Shampiyona y’ubwo hakinwaga umunsi wa cyenda ariko ubaye umunsi w’umukara ku mashitani atukura.

    Ronaldo ntabwo yarebye mu izamu 

    Saa 17:30 nibwo amakipe yombi yamanutse mu kibuga, Manchester United ishaka amanota 3 ngo irebe ko yagaruka mu makipe ane ya mbere. Keita ntabwo yabahaye amahwemo ngo atume baninjira mu mukino, kuko ku munota wa 5 yahise afungura amazamu ku mupira yari ahawe na Mohamed Salah.

    Ku munota wa 13, umunya-Portugal Diego Jota, yaje gutsinda igitego cya kabiri, imibare itangira kuba mibi kuri Manchester United. Mu cyumweru hagati, Manchester United yari yarahuye na Atalanta FC muri Champions League, iyibanza ibitego bibiri, ariko Manchester United iza kubyishyura. Abantu benshi bari bagifite ikizere ko iyi kipe imaze iminsi ibanzwa igitego, nabwo ishobora gutungurana ikabyishyura.

    Salah yatahanye umupira 

    Ntabwo umunsi wari mu ruhande rwa Manchester United kuko ku munota wa 38, kizigenza Mohamed Salah yaje nawe gufungura amazamu ku gitego cye cya mbere kikaba icya gatatu muri uyu mukino. Ku ruhande rwa Manchester United, abakinnyi bari batangiye gushyuha mu mutwe, Luke Shaw, Cristiano Ronaldo na Fred bahawe amakarita y’umuhondo bikurikiranya. Igice cya mbere cyenda kurangira, Mohamed Salah yaje gutsinda igitego cya 4 amakipe yombi ajya kuruhuka Manchester isabwa kuza ikishyura ibitego 4.


    Igice cya kabiri kigitangira, Ole yakuyemo Mason Green wood hinjira Paul Pogba, utamazemo umwanya kuko ku munota wa 60 yahise abona ikarita y’umutuku. Ole yongeye akora impinduka akuramo Bruno Fernandes ashyiramo Edinson Cavani, ndetse na Diogo Dalot asimbura Marcus Rashford ariko bose ntibagira icyo bakora, kuko umukino warangiye Manchester United itarebye mu izamu ku bitego bitanu Liverpool yari yatsinze. ubwo Pogba yabonaga ikarita y’umutuku, abafana batangiye kwisohokera kuri sitade kandi kubwinshi ubona ko batishimiye imikinire y’ikipe yabo.

    Abafana bamwe batashye bashaka ko umutoza Ole yakirukanwa

    Uyu mukino usize Livier ku mwanya wa kabiri n’amanota 21 mu gihe Manchester United iri ku mwanya wa 7 n’amanota 14.


    Source : https://inyarwanda.com/inkuru/110751/liverpool-yambuye-ubusa-manchester-united-abafana-bataha-umukino-utarangiye-amafoto-110751.html

  • Real Madrid itsindiye Barcelona iwayo, iyanik… – #rwanda #RwOT

    Wari umukino wo ku munsi wa 10 wa shampiyona ya Espagne aho Barcelona yari yagaruye abakinnyi hafi ya bose bayo, yashakaga intsinzi yayo ya mbere ya El Carrasco,  nyuma y'aho Lionel Messi aviriye muri iyi kipe. Umukino watangiye Barcelona yiharira umupira ndetse banahererekanya neza, ariko uburyo bwa nyuma bw’igitego bukanga. Real Madrid nayo yacungiraga ku mipira y’umuvuduko ishingiye ku dutero shuma, ariko nabo ikibazo kikaba kimwe, uburyo bw’igitego.

    Abakinnyi Barcelona yabanje mu kibuga: Ter Stegen; Mingueza, Piqué, Eric, Busquets, De Jong, Gavi, Jordi Alba; Dest, Ansu, Memphis.

    Ku munota wa 32, nibwo Real Madrid yafunguye amazamu ku gitego cyatsinzwe na David Alaba ku mupira yari ahawe na Rodrigo, ndetse igice cya mbere kirangira nta mpinduka zibayeho.

    Alaba ni we wafunguye amazamu 

    Abakinnyi Real Madrid yabanjemo: Courtois; Lucas, Militao, Alaba, Mendy; Casemiro, Kroos, Modric, Rodrigo; Benzema, Vinícius.

    Igice cya kabiri gitangiye, Barcelona yakoze impinduka ikuramo Oscar Mingueza, hinjira Philippe Coutinho. Umukino wakomeje gukinirwa mu kibuga hagati, ku munota wa 72 Rodrigo atanga umwanya Federico Valverde yinjira mu kibuga ku munota wa 74, Barcelona nayo ikora impinduka Ansu Fati ava mu kibuga asimbuwe na Aguero ku munota wa 77 Frenkie de Jong nawe aha umwanya Sergio Roberto, ndetse na Pablo Gavira ava mu kibuga asimbuwe na Luuk de Jong gusa igitego kiguma kubura. Ku munota wa 87, Vinicius Junior yasimbuwe na Marco Asensio,  ku munota wa 90 Federico Valverde wari wagiye mu kibuga asimbuye yongera kuvamo asimbuwe na Daniel Carvajal.


    Ku munota wa 90+3 Real Madrid yabonye igitego gitsinzwe na Lucas Vazquez, ndetse umukino wenda kurangira Sergio Aguero wari wagiye mu kibuga asimbuye, atsinda igitego cye cya mbere muri El Carrasco, umukino urangira ari ibitego 2 bya Real Madrid kuri kimwe cya Barcelona. Ubu Real Madrid niyo iyoboye urutonde rwa shampiyona n’amanota 20 mu gihe Barcelona iri ku mwanya wa 8 n’amanota 15.



    Source : https://inyarwanda.com/inkuru/110748/real-madrid-itsindiye-barcelona-iwayo-iyanikira-ku-rutonde-amafoto-110748.html

  • Rubavu: Haravugwa umwiryane n’inyerezwa ry’umutungo muri SOSERGI – #rwanda #RwOT

    Ni ibibazo byashyizwe hanze nyuma y’ifungwa ry’Umuyobozi w’Inama y’Ubuyobozi ya SOSERGI, Bizimana Edouard, watawe muri yombi ku wa 20 Ukwakira 2021. Icyo gihe yari kumwe n’umuntu wica inzugi n’umuhesha w’inkiko bari gufungura ibiro byari byarafunzwe na Kalisa Kirenga washyizweho nk’Umuyobozi w’Agateganyo w’iyi sosiyete.

    Safari Augustin uri mu bagize Inama y’ubuyobozi ya SOSERGI avuga ko bimwe mu bibazo byateje umwiryane harimo n’inyerezwa ry’amafaranga.

    Yakomeje ati “Nk’inama y’ubuyobozi twasanze umukozi wo muri Cantine igaburira abakozi yarakoze uburiganya, umunzani akoresha utwiba ibilo bibiri. Twafashe icyemezo cyo kumuhindura ariko umuyobozi ntiyabyemera. Twagiye mu butumwa bwo kugura imodoka i Kigali tuyigura n’umuntu utari muri kampani tuyigura miliyoni 37 Frw ariko perezida agiye gukora ihererekanya asanga ari miliyoni 25 Frw zanditseho arabyanga yishyura 25 Frw zanditse ni nayo mvano y’amakimbirane kuko yanze ko miliyoni 12 zinyerezwa.’’

    Yashyize mu majwi uwari ubakuriye kuko yagiranye amasezerano y’amahimbano n’uwo baguze iyo modoka ariko ashaka kunyereza miliyoni 12 Frw kuko amasezerano y’umwimerere agaragaza ko yaguzwe miliyoni 25 Frw aho kuba miliyoni 37 Frw.

    Ndimubanzi Jean Bosco usanzwe ari umunyamigabane muri SOSERGI yavuze ko ipfundo ry’ibibazo ari umuyobozi wongeje imishahara abakozi akiheraho ariko nta burenganzira yahawe n’Inama y’Ubuyobozi.

    Yagize ati “Dufite ikibazo cy’imishahara aho umuyobozi wa Sosergi Kirenga Kalisa yongeje imishahara yihereyeho kandi nta baruwa yahawe ibimwemerera. Hashize amezi atanu yariyongeje aho yikuye ku bihumbi 380 Frw yiha ibihumbi 900 Frw, anongeza umucungamutungo n’ushinzwe abakozi. Iyo bitavumburwa byari kuzateza igihombo gikabije.’’

    Nsengiyumva Marcel na we uri mu banyamigabane ba SOSERGI yasabye inzego zibishinzwe gukurikirana ikibazo ku buryo abanyereje umutungo bahanwa.

    Ati “Nk’abanyamigabane twumva amakuru y’uko harimo ibibazo bijyanye no kunyereza umutungo bikarangira ahubwo byiswe amakimbirane. Ndasaba inzego za Leta cyane RIB ko yakwinjira mu kibazo ikagisesengura neza, ikareba neza n’ikibazo cy’abanyereza umutungo. Nk’abanyamigabane turababaye, iki kibazo kimaze iminsi; leta idufashe gikemuke kuko ubu harimo ibice bibiri.’’

    Umuyobozi w’agateganyo wa SOSERGI, Kirenga Kalisa, yasobanuye imvano y’ibibazo avuga ko ntaho bihuriye no gushaka kwiyongeza umushahara.

    Yagize ati “Ibyo kwiyongeza umushahara si byo kuko mpembwa umushahara w’umuyobozi w’agateganyo kandi umuyobozi w’inama y’ubuyobozi ni we usinya bwa nyuma imishahara. Icyo napfuye n’umuyobozi ni ukumubangamira mu kunyereza umutungo kuko yashatse ko musinyira amafaranga y’ubutumwa y’umurengera ndabyanga. Yavuze ko hari amafaranga y’ibikoresho by’imodoka yaguze ku mufuka we ndabyanga, yanazanaga n’inyemezabwishyu mpimbano nkazanga.’’

    Umuvugizi w’Urwego rw’Igihugu rushinzwe Ubugenzacyaha, RIB, Dr Murangira B. Thierry, yabwiye IGIHE ko basaba abanyamigabane ba SOSERGI gutanga amakuru kugira ngo n’abandi bakurikiranwe.

    Yakomeje ati “Nibagende batange amakuru kuri ibyo byose bizakurikiranwa; icyo tubasaba ni ugutanga amakuru kuko niba uwafashwe ariwe mukuru n’abandi bazafatwa mu iperereza. Nibegere RIB bayigaragarize abo bantu bandi.’’

    SOSERGI ni sosiyete yashinzwe n’abakozi ba Bralirwa mu 2005, ifite ibikorwa birimo gukora isuku mu ruganda, gukora akazi k’amaboko karimo gupakira no gupakurura, gutwara abakozi ba Bralirwa, kubatekera, gucuruza ibisaguka mu gukora inzoga n’ibikoresho byifashishwa muri Bralirwa.

    Muri Sosiyete y’Ubucuruzi ya SOSERGI igizwe n’abahoze ari abakozi ba Bralirwa haravugwamo umwuka mubi ushingiye ku inyerezwa ry’umutungo

    source : https://ift.tt/2Zq1tIH

  • Karongi: Hafashwe ingamba mu guhangana n’abahinzi ba kawa bagurisha ifumbire, hari iyafatiwe mu Kivu – #rwanda #RwOT

    Mu nama yahuje abashinzwe ubuhinzi n’abafite inganda zitunganya umusaruro wa kawa muri aka karere, byavuzwe ko hari ibilo 120 by’ifumbire byafatiwe mu Kivu bigiye kugurishwa muri Repubulika Iharanira Demokarasi ya Congo bakurikirana bagasanga ari iyari yahawe abahinzi ba kawa. Hari kandi indi fumbire yafatiwe mu Murenge wa Gitesi nayo igiye kugurishwa kandi yari yahawe abahinzi ngo bayishyire mu ikawa.

    Umuyobozi w’Uruganda Kopaki rutuganya umusaruro wa kawa mu karere ka Karongi, Bahati Thierry, avuga ko kuba bamwe mu bahinzi bahabwa ifumbire yo gushyira mu ikawa bakayigurisha bigira igaruka zirimo no gutuma inganda zitabona umusaruro uhagije wo gutunganya.

    Yagize ati “Ni byo hari abahinzi ba kawa bagurisha ifumbire tuba twabahaye. Hari ababeshya ko bafite ibiti byinshi bya kawa kandi bafite bike bahabwa iyi fumbire bagahita bayigurisha. Ibi bigira ingaruka nyinshi kuko hari uyibura kandi yakagombye kuyibona, indi ngaruka ni uko umusaruro wakabaye uboneka iyo ifumbire itagiyemo ntuboneka. Kandi umusaruro iyo utabonetse n’ubwiza bwawo buba bwagabanutse. Yaba umuhinzi arahomba ndetse n’igihugu cyose muri rusange kigahomba umusaruro.”

    Uruganda rwa Kopaki rufite ubushobozi bwo gutunganya toni 1000 ariko ntirwazibona kuko umusaruro wa kawa ukiri muke.

    Bahati avuga ko toni nyinshi babonye ari 950 mu 2018 mu gihe mu 2020 umusaruro wa kawa wagabanutse ugera kuri toni 400 gusa.

    Umuhinzi wa Kawa, Habimana Emmanuel, akaba n’Umuyobozi w’Uruganda rwa Twumba, avuga ko kuba bamwe mu bahinzi ba kawa bagurisha ifumbire yagenewe kuyifumbira bituma inganda zihanganira umusaruro muke wabonetse.

    Ati “Umusaruro tubona mu nganda ntabwo uhagije kuko uramutse uhagije, ntabwo inganda zajya zirenga zone zahawe gukoreramo ngo zijye gushakisha umusaruro hirya no hino.”

    Umuyobozi wungirije w’Akarere ka Karongi ushinzwe Iterambere ry’Ubukungu, Niragire Théophile, yabwiye IGIHE ko bafashe ingamba zo guhangana n’ikibazo cy’abahabwa ifumbire yo gushyira mu ikawa bakayigurisha.

    Yagize ati “Ntibigikunze kubaho kuko twafashe ingamba zo gufatanya na ba nyir’inganda, amakoperative y’abahinzi ndetse n’inkeragutabara kugira ngo tujye dukurikirana ko ifumbire yose umuhinzi yahawe yakoreshejwe icyo yagenewe.”

    Mu rwego rwo gufasha abahinzi ba kawa kongera umusaruro, umuhinzi ahabwa ifumbire n’imiti ku buntu, akazakatwa amafaranga yabyo ku musaruro yagurishije.

    Akarere ka Karongi gashishikariza abahinzi gukunda kawa no kuyitaho uko bikwiye kuko ari kimwe mu bihingwa byinjiriza igihugu amadevize.

    Mu mwaka w’ingengo y’imari 2019/2020, bitewe n’icyorezo cya COVID−19, ikawa u Rwanda rwohereza mu mahanga yagabanutseho 6%, amadevize u Rwanda rukura mu ikawa agabanukaho 11%.

    Ikigo cy’Igihugu gishinzwe guteza Imbere Ibyoherezwa mu Mahanga bikomoka ku Buhinzi n’Ubworoi, NAEB, kivuga ko muri uyu mwaka u Rwanda rwohereje mu mahanga toni 19,723 rwinjiza miliyoni 60.4$.

    Abahinzi b’ikawa mu Karere ka Karongi batunzwe agatoki mu mugambi wo kugurisha ifumbire

    source : https://ift.tt/3vDUoQq

  • Kwizera Olivier ntiyerekanywe mu bakinnyi ba Rayon Sports yabonye kapiteni mushya, itsindwa na Kiyovu ku munsi wayo (AMAFOTO) #rwanda #RwOT

    Ku munsi wa 'Rayon Sports Day’, umunsi iyi kipe yerekaniraho abakinnyi bayo iba izakoresha mu mwaka w’imikino uba ugiye gutangira, ntabwo herekanywe umunyezamu Kwizera Olivier watanzwe ku rutonde rw’iyi kipe izifashisha muri shampiyona izatangira ku wa 30 Ukwakira.

    Kuri iki Cyumweru tariki ya 24 Ukwakira 2021, nibwo habaye uyu muhango ngaruka mwaka muri Rayon Sports wo kwerekana abakinnyi iba igiye gukoresha mu mwaka w’imikino ugiye gutangira 'Rayon Sports Day’.

    Iki gikorwa cyabereye kuri Stade Amahoro, mu bakinnyi berekanywe ntabwo harimo umunyezamu Kwizera Olivier watanzwe ku rutonde rw’abakinnyi bazakoreshwa muri shampiyona.

    Amakuru ISIMBI yamenye ni uko ategereje ko iyi kipe imwishyura amafaranga bumvikanye ubundi akabona gutangira akazi. Umutoza Masudi Djuma aherutse gutangaza ko uyu munyezamu bumvikanye hasigaye gushyira mu bikorwa ibyo bumvikanye.

    Muri uyu muhango kandi, iyi kipe yatangaje kapiteni mushya w’iyi kipe aho yagizwe Muhire Kevin, akuzungirizwa na Iranzi Jean Claude nka kapiteni wa kabiri ndetse na Habimana Hussein Eto’o nka kapiteni wa 3.

    Nyuma yo kwerekana abakinnyi, hakurikiyeho umukino wa gicuti wayihuje na Kiyovu Sports yaje kubatsinda ibitego 2-1.

    Ibitego bya Kiyovu Sports byatsinzwe na Bigirimana Abedi na Mugenzi Bienvenue, ni mu gihe igitego cya Rayon Sports cyatsinzwe na Onana Willy Essombe.

    Onana Willy Essombe

    Mugisha Francois Master ni uko yaserutse

    Manace Mbedi Mutatu mu ikote rya Rayon Sports na we yiyerekana

    Lahssain Ayoub, umunya-Maroc yerekanwa muri Rayon Sports

    Rharb Youssef atambuka ku itapi y’umutuku ubwo yerekanwaga nk’umukinnyi wa Rayon Sports

    Muhire Kevin yagizwe kapiteni mushya wa Rayon Sports

    Perezida wa Rayon Sports, Uwayezu Jean Fidele yambika Muhire Kevin igitambaro cyo kuyobora bagenzi be(Arm Band)

    Umukino wa gicuti wabaye, Kiyovu Sports yatsinze Rayon Sports 2-1

    Abafana bari bongeye kugaruka ku kibuga

    Kwizera Olivier ntiyerekanywe

    Source : http://isimbi.rw/siporo/article/kwizera-olivier-ntiyerekanywe-mu-bakinnyi-ba-rayon-sports-yabonye-kapiteni-mushya-itsindwa-na-kiyovu-ku-munsi-wayo-amafoto

  • Inkuru itari nziza kuri Yannick Mukunzi n'abafana be – YEGOB #rwanda #RwOT

    Umukinnyi Yannick Mukunzi yagize imvune mbi ku mukino ejo ikipe ye ya Sandvikens IF yatsinzwemo n'iyitwa Täby 3-1.

    Ni imvune yo mu ivi. Iikipe ye yemeje ko agomba kabagwa mu byumweru 2 akazamara igihe kinini hanze.

    Ubuyobozi bw'ikipe ya Sandvikens IF bubinyujije ku mbuga nkoranyambaga bwatangaje iyi nkuru maze biyiherekesha ifoto iriho amagambo yo kwihanganisha Yannick Mukunzi.

    Source : https://yegob.rw/inkuru-itari-nziza-kuri-yannick-mukunzi-nabafana-be/