Webrwanda Backend

Blog

  • Mbere yo gufata icyemezo cyo gutandukana n'umukunzi wawe burundu ,fata umwanya wibaze ibi bibazo. – YEGOB #rwanda #RwOT

    Dore ibibazo muba mugomba kwibaza mbere yo gufata umwanzuro wo gutandukana nk'uko byatangajwe n'urubuga Elcrema rutanga inama ku rukundo:

    1.Ese nagerageje ibishoboka byose ngo twe gutandukana?

    Mwagiranye ibihe byiza kenshi kandi igihe kirekire, none ubu, ntakinyikoza. Ahora ambwira ko akazi kabaye kenshi, hakaba nubwo muhamagara ntanyitabe. Ntabwo tukigirana ibihe byiza nka mbere. Mfashe umwanzuro, ngiye gutandukana na we nta nteguza. Oya ! banza ugerageze uko ushoboye, umenye impamvu aguha niba ari ukuri, ndetse unegere inkoramutima zawe zikugire inama. Mbere yo gufata icyemezo cyo gutandunana na we, banza ugerageze ibishoboka byose nibinanirana ube ari bwo ufata umwanzuro wo gutandukana.

    2.Ese dufitanye imishinga yo mu gihe kizaza, dufite icyerekezo kimwe muri gahunda ziri imbere ?

    Reba niba mufite imishinga imwe mu gihe kizaza. Tuzabyarana abana bangahe ? dufite kuzakora iki n'iki mu bihe biri imbere…Niba ubona mudafite icyerekezo kimwe, cyangwa hari ibintu byinshi mutumva kimwe kandi atava ku izima. Aho ushobora kurekana na we niba wumva udashobora kugendera ku murongo aguha cyangwa uwo wowe umuha, cyangwa se ngo mubashe kugirana ibiganiro kugira ngo mwumve ikiri ukuri muzakora cyangwa muzakurikiza mu buzima bwanyu buri imbere.

    3.Ese nidutandukana nibwo nzagira ibihe n'ubuzima bwiza kuruta turi kumwe ?

    Reba niba uko mubanye byibuze ari sawa ahubwo yenda akaba ari wowe udashobotse. Ushobora kurebera ku bandi bagenzi bawe nubwo mu rukundo buri wese akunda ukwe. Ariko gereranya urebe niba nimurekana ari bwo bizakugendekera neza kurushaho.

    4.Ese simfashe icyemezo mpubutse cyangwa imburagihe ?

    Reba neza niba icyemezo ufashe utagihubukiye. Reba niba waragerageje bihagije. Reba niba mu nama inkoramutima zawe zakugiriye waragerageje kuzikurikiza bikanga. Fata umwanya uhagije n'igihe gihagije cyo kubitekerezaho.

    5.Ese mu by'ukuri kuba ngiye gutandukana na we ndi mu kuri cyangwa ni jye munyamafuti ?

    Zirikana yuko niba ari wowe munyamafuti, n'undi muzahura uzongera ugongane na we. Ese kuba tugiye gutandukana aho nticyaba ari ikibazo gishingiye ku bijyanye no gutera akabariro gusa? Aho uzaba uyobye cyane. Gerageza gushaka ubundi buryo mwakemura ikibazo ubundi ibintu bigaruke mu buryo.

    6.Ese niba ari we umpemukira njyewe nshobora kubyihanganira, kumubabarira no kumukosora tudatandukanye ?

    Ashobora kuba akubeshya, aguca inyuma, muri make wumva akugambanira rwose. Niba wumva udashobora kubyihanganira, udashobora kumubabarira, kandi na we akaba atabivaho. Ushobora gufata umwanzuro rwose mugatandukana mu gihe ari wo muti usigaye wonyine.

    7.Ese umuryango wanjye turabyumva kimwe ?

    Mu kinyarwanda baravuga ngo umutwe umwe wifasha gusara ntiwifasha gutekereza. Banza urebe niba abo mu muryango wawe ba hafi babyumva kimwe nawe. Urugero, nka mama wawe, mwene nyoko wibonamo,ariko nanone ukabigiramo ubwenge kuko ushobora gusanga abo bakurusha cyangwa bamurusha amafuti.

    8.Ese si jye nyirabayazana ?

    Ni ngombwa rwose kwisuzuma ukongera ukisuzuma ukareba neza niba atari wowe uteza amahane. Mbese ko atari wowe nyiri amafuti no kutabana neza. Ubundi rero nuvumbura ko ari wowe nyirabayazana, wikosore, nusanga atari wowe…

    Source : https://yegob.rw/mbere-yo-gufata-icyemezo-cyo-gutandukana-numukunzi-wawe-burundu-fata-umwanya-wibaze-ibi-bibazo/

  • Niba ushaka ko umukunzi wawe yirirwa neza umunsi wose, mubwire aya magambo aryohereye. – YEGOB #rwanda #RwOT

    Amagambo aturutse kuri nyirayo aba ari ingenzi cyane kandi ntiyabura kumukora ku mutima. Iteka gukunda umuntu biravuna ndetse biragorana kubyihingamo. Ariko iyo bije bigusaba kubigaragaza. Rero ntiwinige rwose, inigure maze ufate iyi nkuru utomore uwo wihebeye, uwo wahaye ubuzima bwawe yirirwe neza umunsi wose.

    • Urukundo rwanjye, umutima wanjye nihebeye, ndifuza iyaba buri munsi hakabaye uyu munsi, hakaba heza nk'uko ugaragara.
    • Urukundo, ndifuza iyaba nagahagaritse ku gutekereza, ariko ntibishoboka, ni nko gusaba Imana gukuraho ikirere. Ntabwo byashoboka. Ndagukunda kandi nkunda na buri gace ku mubiri wawe.
    • Urukundo, uko byagenda kose, uzaba uwanjye kandi uzampora iruhande. Nzahora nkukunda nzakurinda, nzakubera imbaraga n'ubwonko, nzagufasha gutekereza. Umwamikazi wanjye, ubuzima bwanjye, buri kimwe cyanjye. Ndagukunda by'indani ni impamo.
    • Urukundo, nta byo uzi se, ubundi ni wowe mpamvu ituma mbyuka nseka buri mu gitondo. Ntabwo ujya umva mu ntekerezo, iteka uzihoramo. Ni wowe nzozi ndota kandi ni wowe kintu cyiza kimbaho, ngahora nkitekereza buri segonda.
    • Urukundo, nshobora kuvuga amagambo ibihumbi byinshi nkagutaka, nkavuga uburyo nkukunda, nkavuga uburyo wanyihebeye, ariko ni impamo ntabwo byaba bihagije ni ukuri.
    • Byasaga n'ibitangaza cya gihe duhurira ha handi, ariko ubu noneho byarahindutse, ntituzongera guhura, tuzahorana. Umutima wanjye, ubuzima wanjye, byose byagiye aho guturiza, umunsi tuganira maze ukemera kuba uwanjye. Warakoze kuhambera umutima.
    • Wanyigishije igisobanuro cy'ubuzima, iteka narabivangaga kuko ntari nzi uko kubaho biryoha kugeza duhuye.
    • Urukundo, uba uhari iyo mbyutse, ndetse unamfasha kuryama urahambera sinjya ngushaka ngo nkubure kandi ndabigukundira. Rero ntacyo nakora ntagutekereje.

    Source : https://yegob.rw/niba-ushaka-ko-umukunzi-wawe-yirirwa-neza-umunsi-wose-mubwire-aya-magambo-aryohereye/

  • Video: Uko Cedric Gisimba yahisemo ubuzima bw’ubugeni akabitoza n’abana #Rwanda #RwOT via @kigalitoday #rwanda #RwOT

    Cedric Ihirwe Gisimba avuga ku buzima bwe bw
    Cedric Ihirwe Gisimba avuga ku buzima bwe bw’ubugeni

    Cedric Ihirwe Gisimba afite imyaka 26, avuga ko yamenye impano ye yo gushushanya ubwo yari afite imyaka 10, ndetse igishushanyo cya mbere yakoze yari ifoto y’umubyeyi we (se) yari itatse mu nzu, agasobanura ko babyigisha abana bahereye ku buzima bwabo bwa buri munsi.

    Ati “Mu bana twakira kuva ku myaka 7 kugeza kuri 18, buri wa gatanu no ku wa gatandatu, umwana utangira gushushanya yaba ufite impano cyangwa se ushaka kubyiga, duhera ku buzima bwabo bwa buri munsi, uburenganzira bwabo, ibyo bakunda n’ibindi”.

    Impamvu umwana ushushanya yigishwa haherewe ku buzima bwe bwa buri munsi, ni uko aribyo bimufasha kubikunda, ndetse agahora afite n’inyota yo kubikora.

    Igihangano cya mbere cya Cedrick Gisimba, yashushanyije se
    Igihangano cya mbere cya Cedrick Gisimba, yashushanyije se

    Ubuzima bw’ubugeni (Artlife), ni izina ry’ishuri ryigisha gushushanya kwa Gisimba rituruka ku kuba ubuzima bwa buri munsi ku muntu ushushanya, akenshi buba buri mu bugeni.

    Ati “Umwana turabanza tukamuganiriza, tukamuha inyigisho z’umwana ugitangira kwiga gushushanya, agatangirira ku ikaramu y’igiti (Crayon) n’urupapuro. Dukomeza ku muba hafi, kuko hari ushobora kurangiza igishushanyo vuba, hari n’undi ushobora gukoresha igihe kirekire kugira ngo arangize igishushanyo cye. Gusa akenshi ubikora cyane ashobora kurangiza igihangano cye vuba kurusha wa wundi ubikora atabikunze cyane cyangwa utabifitemo impano”.

    Cedric Gisimba asobanura uko yashushanyije bwa mbere akamenya impano ye, ati: “Nahuye n’umuntu ushushanya musaba kunyigishisha ariko we ansaba kumwereka ibyo nzi akaba aribyo aheraho”.

    Icyo gihe yiga gushushanya, igihangano cye cya mbere hari mu mwaka wa 2013, avuga ko uwamwigishije bwa mbere yamubwiye ko byaba byiza ari uko ahereye ku kwigana ifoto cyangwa se ishusho runaka akunda. Nazanye ifoto ya Papa, n’uyu munsi nyireberaho nkavuga nti ni nziza kandi nkabona ko hari aho navuye hari n’aho ngeze mu bihangano byanjye”.

    Avuga ko byamutwaye ibyumweru bitatu kugira ngo uwamutozaga amubwire ati igihangano kirarangiye.

    Ati “Nakoraga urugendo rwanyuraga inzira mbi cyane ariko nkumva mfite amatsiko yo kubona igihangano cyanjye cya mbere. Rimwe na rimwe namubeshyaga ko nariye kugira ngo mbashe kunoza neza igihangano cyanjye, rimwe yarampagarikaga ati taha uzagaruke, nkumva nakoze neza, nkumva nshaka kugira icyo nongeraho, cyane ko na we ubwe iyo namaraga gushushanya, yarakirebaga akambwira ati harabura akantu. Ni yo mpamvu byantwaye icyo gihe kugeza ubwo yambwiye ati kirarangiye gisinyeho”.

    Gushushanya nyuma y
    Gushushanya nyuma y’amasomo bituma nta bindi barangariramo kandi bikazabagirira akamaro

    Cedric yifuza ko mu Rwanda hakongerwa amashuri yigisha ubugeni ndetse na za Kaminuza ku buryo atera imbere.

    Yongeraho ko mu Rwanda abantu bamwe batarumva agaciro k’ubugeni bwakorewe mu Rwanda, aho akenshi bajya kugura ibyo hanze y’igihugu, agasaba ko Abanyarwanda bakunda iby’iwabo bakabiteza imbere kandi bagateza imbere umwana uvukanye impano yo gushushanya, aho kumufata nk’uwakoze ibidafite umumaro.

    Ati “Abanyarwanda bakwiye gukunda ibihangano bikorewe mu Rwanda kuko hari byinshi bigaragaza umuco nyarwanda, ubuhanga n’ibyiza bitatse u Rwanda kandi n’ubusanzwe bikurura ba mukerarugendo”.

    Avuga ko igihe batangiye gukorera hari intambwe bateye irimo gukoresha imbugankoranyambaga zitandukanye, ndetse no kwagura bakigisha abana bato nyuma y’amasomo yabo ya buri munsi.

    Hari urubuga rwa ‘artlife’ kuri instagram ari naryo zina ishuri ryigisha ubugeni ryo kwa Gisimba, ndetse avuga ko kuri ubu ibihangano byabo bigurishwa muri gahunda yo kwita izina mu Rwanda kandi ko ari igikorwa cyiiza giteza imbere impano yabo, bikanashyira umwuga wabo mu guhangana mu ruhando mpuzamahanga, kwinjiriza igihugu bityo ko buri wese yakabaye aha agaciro ubugeni, by’umwihariko ubwo mu Rwanda.

    Bikurikire muri iyi video:

    source : https://ift.tt/3GneKm1

  • “Isaro risusurutsa Umutima wanjye”-Mu magambo yuzuye imitoma Riderman yifurije isabukuru nziza umugore we #rwanda #RwOT


    Umunsi w'amateka kuri Riderman n'Umuryango we

    Kuwa 26 Ukwakira 2021 imyaka irenze Itandatu babana, n'amagambo yuzuye Imitoma, Riderman kuri uyu munsi yifurije umugore we isabukuru nziza yamavuko yongera kumwibutsa ko ari Isaro risusurutsa umutima we kandi ko ari n'”Isaro nambara nkaberwa bitagombye imyambaro n'indi mirimbo.”

    Ati”K'umunsi nk'uyu nibwo isaro risurusutsa umutima wanjye ryageze ku isi. Isaro nambara nkaberwa bitagombye imyambaro n'indi mirimbo. Inshuti, umuvandimwe,umufasha, umujyanama, umubyeyi, akaba n'umuntu w'umutima utagira uko usa. Ramba kandi Randa wowe umutima wanjye wambitse ikamba, komeza usangize isi urumuri [email protected] Turahirwa kukugira. Kagire Imana kandi kagire u Rwanda ❤“.

    Source : https://umuryango.rw/imyidagaduro/umuziki/article/isaro-risusurutsa-umutima-wange-mumagambo-yuzuye-imitoma-riderman-yifurije

  • Udushya twaranze weekend i Kigali: Umukobwa waserutse yambaye iherena rimeze nk'agakingirizo ku gutwi yarangaje benshi- VIDEO #rwanda #RwOT

    VIDEO: UDUSHYA N'UDUKORYO TWARANZE WEEKEND Y'I KIGALI

    Kuwa gatandatu ni umnsi abanya Kigari bakunda ikirori batazigera bibagirwa na rimwe dore ko nyuma y'igihe kinini nta kirori mu murwa, kera kabaye umunsi warageze. Ku ikubitiro hari hateganyijwe ibirori bibiri bitandukanye kandi byari byitezwe na benshi.

    Muri byo harimo Kiss Summer Awards itegurwa na Radio ya Kiss Fm, ndetse na Bianca Fashion Hub yateguwe n'umunyamakurukazi Bianca.

    Muri ibi birori byombi byabereye umunsi umwe hari tumwe mu dushya tudasanzwe twagaragayemo ari natwo tugiye kwibandaho.

    1. Mu bihembo bya Kiss Summer Awards byatangiwe muri Arena, abateguye ibi bihembo ubanza baribagiwe cyangwa barirengagije nkana ku kijyanye nicyo kunywa ku banyacyubahiro bari kuba bicaye mu byicaro bigenewe abanyacyubahiro biriho n'ameza bari bateguriwe.

    Ubusanzwe muri Arena habamo ahacururizwa ibinyobwa henshi, ariko kubona uwicaye mu myanya y'icyubahiro ahaguruka akajya kwishakira icyo kunywa nabwo ntibigaragara neza. Kuri iyi nshuro abateguye iki gikorwa bateretse ibicupa binini by'ikinyobwa cya Skol kumeza, ntibanashyiraho byibuze uturahure. bigaragare ko byari umutako.

    Bamwe kwihangana byaranze, barabipfundura bashyira ku munwa barinywera batitaye kubabareba cyangwa agaciro k'imyanya bicayemo.

    Kadafi na bagenzi be kwihangana byaranze barapfundura bashyira kumunwa

    2. “Amaso ararya Inda ikaburara” Imvugo yagarutsweho cyane na bamwe mu basore bitabiriye ibirori bitandukanye byabaye kuri uyu wa gatandatu aho bamwe mubakobwa b'I Kigali batatinye gusangiza rubanda imiterere y'umubiri wabo ndetse abiyiziho kugira amatako meza kuyahisha byari ikosa.

    Imyambarire yabakobwa yarangazaga benshi
    3. Umukinnyi wa Film Uwihoreye Jean Bosco Mustafa uzwi nka ndimbati, yaratunguranye mu myambarire idasanzwe mu birori bya Bianca Fashion hub, aho yaserutse yambaye ikote (Costume) ipantaro itagira akaguru kamwe ndetse n'inkweto zidasa. benshi bakemeza ko ari nawe wahize abandi mu kwigaragaza mu buryo bwihariye.

    Ndimbati ni umwe mubahorana udushya
    4. Tukiri kuvuga ku myambarire idasanzwe, umwe mu batunganya indirimbo mu buryo bw'amajwi uzwi kwizina rya Madebeat, yaserutse mu mwambaro wihariye watunguye benshi bamwe bagatebya bavugako yambaye inzu.

    Producer Madebeat yaratunguranye cyane.
    5. Byari byitezwe ko urebye ukuntu igitaramo cyo guhemba ibyamamare cya Kiss Summer Awards cyamamajwe, Uko cyakurikiranwaga, uko abantu bari banyotewe no kongera kwinezeza nyuma y'igihe kinini, abantu bacyekaga ko imyanya iribuze kuba iyanga! gusa nkaho bitunguranye, Kigali Arena yakubise yanga kuzura, ndetse wagenzura neza ugasanga abenshi bari mu nyubako ari abatumiwe hamwe n'abahawe amatike n'inshuti zabo zari ziri mu gutegura iki gikorwa.

    Kigali Arena yakubise yanga Kuzura muri Kiss Summer Awards 2021!

    6. Umunyamakurukazi wa Isibo Tv Bianca, yaserutse mu birori yateguye yambaye ikanzu byabaye ngombwa ko hashakwa abantu bagiye impande ye bayimutwaje bitewe n'imiterere yayo.

    Bianca ikanzu ye byasabye abayimutwaza ayambaye!

    7. “Ntibajya biburira” N'kinshuti Magara, nkuko bajya babyivugira, Juno Kizigenza na Ariel Wayz baserukanye agatoki ku kandi, gusa ibyaje gutungura abantu, ubwo bari bari kwifotoza kuri tapi itukura (Red Carpet), Ariel Wayz yaje Kunama imbere ya Juno, Undi amufata mu manyungunyungu maze Umukobwa asohora ururimi maze yereka abanyamakuru bari bari kumufotora Urutoki rwa Musumbazose ibi byaje no kwibazwaho na benshi mubari aho.

    Ariel Wayz yeretse musumbazose abamufototraga.

    8. Nkibirori byaberega rimwe kandi hari ibyamamare byagombaga kuboneka hose, ni nako bamwe bashatse imyambaro itandukanye bagombaga guserukana. Umukobwa waserukanye n'umuhanzi Lewis uzwi nka Papa Cyangwe, yaje guseruka mu birori bya Bianca yambaye Udukingirizo (Condom) kumatwi nkamaherena.

    Nkaho bidahagije, uyu mukobwa yongeye gukora agashya ubwo yongeye kugaragara mubirori byo gutanga ibihembo muri Kigali Arena yambaye ikanzu itatseho indabyo ariko mu ntoki yitwaje akuma karinda imibu munzu.

    Uyu mukobwa yaranzwe nudushya twinshi
    9. Ku cyumweru mu birori byiswe Gikundiro Day, ni igikorwa ngaruka mwaka aho ikipe ya Rayon Sport, yerekana abakinnyi bayo bose ndetse ikanakina umukino wa gicuti. Muri ibyo birori byari binogeye ijisho, bamwe mu bakinnyi b'iyi kipe itazirwa Gikundiro baje kuhatambukana umucyo mu makoti meza y'ubururu bujya kwijima ndetse n'amashati y'umweru dede.

    Umu nya Maroc, Rharb Youssef uri mu bakunzwe cyane muriyi kipe y'Imana nkuko abakunzi bayo babivuga yahacanye umucyo ndetse nifoto ye ikwirakwizwa hirya no hino ku mbuga nkoranyambaga.

    Rharb Youssef Umusore w'imyaka 21 ubwo yatambukaga yishimiwe bikomeye!

    Source : https://umuryango.rw/ubuzima-115/udushya/article/udushya-twaranze-weekend-i-kigali-umukobwa-waserutse-yambaye-udukingirizo

  • Reba amafoto aryoheye ijisho yaranze ibirori bya KISS Summer Awards 2021  #rwanda #RwOT

    Ibirori biryoheye ijiso bya KISS Summer Awards byabereye mu Mujyi wa Kigali mu nyubako ya Kigali Arena , byabaye kuri uyu wa Gatandatu tariki ya 23 Ukwakira 2021.

    Aho ibi birori byitabiriwe n' ibyamamare bitandukanye byari byabukereye, bitambuka kuri tapi y'umutuku yari yateguwe aho bagombaga kwifotoreza, ibihembo bya KISS Summer Awards byatanzwe ku nshuro kane.

    Abakunzi b'umuziki bari bategerezanyije amatsiko abahanzi bari bwegukane ibihembo bya Kiss Summer Awards mu byiciro bitanu.

    Ku i saa mbiri z'ijoro Nkusi Arthur yatangije ibirori, ibihembo bitangira gutangwa, bahereye kuri producer wahize ari Element, igikombe cy'umuhanzi mushya cyahawe Confy, umuhanzi wahize abanda aba Bruce Melodie naho indirimbo nziza iba My Vow ya Meddy.

    Igikombe cya Life Time Achievement Award cyahawe nyakwigendera Jay Polly, umwe mu baraperi bakundishije abanyarwanda injyana ya Hip Hop.

    Uretse ibi bihembo byatanzwe abahanzi batandukanye basusurukije abari aho. Bruce Melodie yaririmbye Katapilla na Sawa, Confy na Gabiro Guitar baririmba Igikwe mu gihe Ariel Wayz na Juno baririmbye Away.

    Ibi birori bivugwa ko byari ku nshuro ya mbere ibi bihembo bitangiwe mu ruhame, kuko izindi nshuro zose eshatu zabanje byatangirwaga muri studio za KISS FM.

    Source : https://impanuro.rw/2021/10/26/reba-amafoto-aryoheye-ijisho-yaranze-ibirori-bya-kiss-summer-awards-2021/

  • Umukinnyi wa APR FC yakoze impanuka #rwanda #RwOT

    Umukinnyi wa APR FC ukina hagati mu kibuga, Mugisha Bohneur bakunze kwita Casemiro yaraye akoze impanuka ya moto aho yahise ashyirwaho sima ku kuguru.

    Amakuru ISIMBI yamenye ni uko iyi mpanuka yaraye ibaye ku mugoroba w’ejo hashize, ni nyuma y’uko APR FC yari imaze gutanga akaruhuko ku bakinnyi mbere y’uko bakomeza imyitozo.

    Nyuma y’uko ikipe ivuye muri Tunisia, ejo bahawe akaruhuko kazarangira ku wa Kane, uyu mukinnyi rero akaba yaje gukora impanuka ya moto yabereye i Kanombe.

    Yagize ikibazo ku kuguru kw’iburyo akaba yahise ajya kwa muganga bamushyiraho sima. Amakuru avuga ko bazayikuraho nyuma y’ibyumweru bibiri.

    Bivuze ko atazaboneka ku mukino ufungura shampiyona ya 2021-22 APR FC izakinamo na Gicumbi FC ku Cyumweru tariki ya 31 Ukwakira 2021.

    Bamushyizemo sima

    Bohneur agiye kumara igihe adakina

    Source : http://isimbi.rw/siporo/article/umukinnyi-wa-apr-fc-yakoze-impanuka

  • Nyabimata: Bashyikirijwe ivuriro riciriritse rizajya ryoza rikanavura amenyo #Rwanda #RwOT via @kigalitoday #rwanda #RwOT

    Ivuriro rishya rya Mishungero
    Ivuriro rishya rya Mishungero

    Abaturage bavuga ko bajyaga kwivuriza kure ku kigo nderabuzima cyo ku Ruheru, abandi bakagana ibitaro by’akarere bya Munini bakoze ingendo ndende, ku buryo hari abaremberaga mu ngo bakaba bifuza ko hashyirwa abakozi bazajya bafasha abaturage.

    Sibomana Callixte utuye mu mudugudu wa Muyira avuga ko kuba babonye ivuriro bizatuma batongera kurembera mu ngo no gukora ingendo ndende, ahubwo bagiye kujya bivuza ku gihe.

    Agira ati “Twamenye ko hano hazajya haza umuganga w’amenyo byari bikomeye kumubona hafi, twanamenye ko hari uburyo tuzafashwa kuvurwa amaso. Nta kongera gucika intege ngo niba ndwaye ndagera nte kwa muganga, tubonye ubufasha bukomeye twishimira”.

    Imashini izajya ifasha koza amenyo no kuyavura
    Imashini izajya ifasha koza amenyo no kuyavura

    Mukamuhoza Anisie utuye mu mudugudu wa Mishungero mu Kagari ka Mishungero, avuga ko bishimiye kuba babonye ivuriro, aho bigiye gukemura ibibazo by’ababyeyi babyaraga bagombye gukora ingendo ndende.

    Agira ati “Inda burya iratungurana, ibaze kujya kubyara ukoze urugendo rw’amasaha abiri, njyewe ndi umujyanama w’ubuzima twararaga tugenda ijoro duherekeje ababyeyi, none ubu ntituzongera kuvunika”.

    Yongeraho ko umuturage wifite yategaga moto, utishoboye akagenda n’amaguru ku buryo byabaga bigoye abaturage akaba ashimira Umukuru w’igihugu, Paul Kagame, wabatekerejeho abagenera ivuriro, akaba asaba ko hashyirwa umukozi uhoraho wajya abafasha na nijoro.

    Agira ati “Ivuriro twaribonye ariko nta bakozi dufite turifuza ko mwadushakira n’abaganga igihe uburwayi butunguranye nijoro umuntu agahita abona umufasha”.

    Laboratwari ipima indwara zitandukanye
    Laboratwari ipima indwara zitandukanye

    Umuyobozi w’ikigo nderabuzima cya Nyabimata, Nyirakanyana Marie Claire, avuga ko hari abakozi bazajya bava ku bitaro bya Munini cyangwa ku kigo nderabuzima kugira ngo bafashe abaturage.

    Avuga ko iryo vuriro rigiye gutuma abarwayi baganaga ikigo nderabuzima bahabwa serivisi nziza bikagabanya impfu z’abana n’ababyeyi, kandi bikagabanya imirongo minini ku kigo nderabuzima.

    Ati “Iri vuriro riciriritse rizajya ritanga serivisi nziza ku buryo abarwayi bakurikiranwa byihuse, hari abaganga bazajya baza hano kugira ngo dufashe abarwayi, twari dusanzwe dufite ibigo bibiri biciriritse, tuzajya tuza dusimburana kuko akazi kacu dukora ni ubwitange.

    Abajyanama b
    Abajyanama b’ubuzima bavuga ko bagiye kuruhuka ingendo z’ijoro baherekeje abarwayi

    Akarere ka Nyaruguru gafite ibigo nderabuzima 16 n’ibigo by’ubuzima biciriritse 33, mu minsi mike hakazaba huzuye andi mavuriro abiri, ku buryo nibura buri kagari kabasha gutanga serivisi zo gufasha abaturage kugera kwa muganga bitabagoye.


    source : https://ift.tt/3Gkr3iV

  • Uruzinduko Sophie Wilmès, Minisitiri w' Ububanyi n'Amahanga w'Ububiligi atangira mu Rwanda kuri uyu wa mbere, rube umwanya mwiza wo kumwibutsa ko u Rwanda rutakiri indagizo y'Ububiligi #rwanda #RwOT

    Kuva kuri uyu wa mbere, tariki 25 Ukwakira 2021 , Ministiri w'Ububanyi n'Amahanga w'Ububiligi, Sophie Wilmès aragirira uruzinduko rw'iminsi 3 mu Rwanda. Ni uruzinduko ruri mu rwego rwo gutegura inama izahuza Umuryango wa Afrika Yunze Ubumwe n'Umuryango w'Ubumwe bw'Ibihugu by' Uburayi, iyo nama ikaba iteganyijwe i Buruseli mu Bubiligi muri Gashyantare umwaka utaha wa 2022

    Mu ruzinduko rwe mu Rwanda, biteganyijwe ko uyu mugore ukunze kwivanga mu miyoborere y'u Rwanda, azabonana n' abayobozi bakuru b'u Rwanda, barimo Perezida wa Repubulika, Paul Kagame. Ni umwanya mwiza rero wo kwibutsa Sophie Wlimès ko u Rwanda rwabonye ubwigenge, rukaba rutakiri indagizo y'Ububiligi nk'uko uwo mugore n'abandi nkawe babyibeshya.

    Kuba aje mu Rwanda kumva ibitekerezo by'abayobozi barwo mu kwitegura inama izavugirwamo imibanire ya Afrika n'Uburayi, ni ikimenyetso cy'uko Ububiligi by'umwihariko, n' Umuryango w'Ubumwe bw'Ibihugu by' Uburayi muri rusange, bazi neza agaciro u Rwanda ruhabwa mu ruhando mpuzamahanga.

    Byagombye kubabera isomo rero, bakareka gukomeza gufata u Rwanda nk' intara y'Ububiligi ihabwa amabwiriza y'uko ibaho, nk'uko Sophie Welmès yabyibeshye mu bihe binyuranye.

    Ubwo Paul Rusesabagina yafatwaga akurikiranyweho ibikorwa by'iterabwoba, uyu Sophie Wilmès ni umwe mu batoteje u Rwanda, bigera n'aho yivanga mu butabera bwarwo, ashaka ko umwanzuro uzaba uko abyifuza.

    Yihutiye kwakira umugore wa Rusesabagina n'umukobwa we ndetse abizeza 'gukora ibishoboka byose' Rusesabagina akarekurwa. Ibi abantu benshi babibonyemo kudaha agaciro inzirakarengane FLN ya Rusesabagina yambuye ubuzima, abo yamugaje n'abo yangirije imitungo.

    Abasesenguzi bibajije niba Ministiri w'Ububiligi ashobora kwakira umuryango wa Oussama Bin Laden cyangwa undi muyobozi wa Al Qaeda, Aqmi, Boko Haram n'indi mitwe y'iterabwoba. Babibonyemo irondaruhu, kuko iterabwoba ryitwa rityo iyo rikorewe gusa abo mu bihugu byo mu burengerazuba bw'isi

    Aho Rusesabagina ahamiwe n'ibyaha birimo kuba mu mutwe w'iterabwoba ndetse agahanishwa igifungo cy'imyaka 25, Sophie Wilmès yavugije induru yemeza ko inkoramutima ye itahawe ubutabera bunoze, ndetse avuga ko azakomeza kuba hafi ya Rusesabagina kugeza afunguwe.

    Ntimumbaze imbaraga azakoresha kugirango umwicanyi kabuhariwe arekurwe atarangije igihano. Igitangaje kandi ni uko bimwe mu bimenyetso byahamije Rusesabagina ibyaha, harimo n'ibyatanzwe n'Ububiligi. Ngabo abatwigisha iby'uburenganzira bwa muntu, nyamara badashobora kureka ngo amategeko yubahirizwe.

    Iyi myitwarire ya bamwe mu bategetsi b'Ububiligi, barimo n'uyu Sophie Wilmès yabaye nko gutoneka igisebe. Yatumye Abanyarwanda bibuka ko intandaro y'ibibazo byashegeshe u Rwanda, ari amacakubiri yabibwe n'Ububiligi . Iyo aza kuba intwari, Sophie Wilmès yari kuva mu Rwanda asabye imbabazi ku myitwarire y'Ububiligi muri rusange, no ku myitwarire ye bwite muri iyi minsi ishize ku bijyanye n'u Rwanda.

    Uruzinduko rwa Sophie Wilmès mu Rwanda rukwiye kumubera umwanya wo kwirebera aho bageze basana Igihugu cyabo, harimo no kongera kubaka ubumwe bwashenywe n'Ababiligi. Azave mu Rwanda amenye ko Abanyarwanda bafite agaciro, ko batakiri ba'NDIYO BWANA' bamira bunguri ibyo babwirwa byose nk'uko byahoze.

    Byaba byiza kandi atashye amenye ko gushyigikira abagizi ba nabi nka Rusesabagina ntacyo bizageraho, kuko Abanyarwanda bakomeye ku mutekano wabo, nk'uko Ababiligi bakomeye ku wabo.

    The post Uruzinduko Sophie Wilmès, Minisitiri w' Ububanyi n'Amahanga w'Ububiligi atangira mu Rwanda kuri uyu wa mbere, rube umwanya mwiza wo kumwibutsa ko u Rwanda rutakiri indagizo y'Ububiligi appeared first on RUSHYASHYA.

    Source : https://rushyashya.net/uruzinduko-sophie-wilmes-minisitiri-w-ububanyi-namahanga-wububiligi-atangira-mu-rwanda-kuri-uyu-wa-mbere-rube-umwanya-mwiza-wo-kumwibutsa-ko-u-rwanda-rutakiri-indagizo-y/?utm_source=rss&utm_medium=rss&utm_campaign=uruzinduko-sophie-wilmes-minisitiri-w-ububanyi-namahanga-wububiligi-atangira-mu-rwanda-kuri-uyu-wa-mbere-rube-umwanya-mwiza-wo-kumwibutsa-ko-u-rwanda-rutakiri-indagizo-y

  • Dore Ibintu 7 byangiza umutima ugomba kwitondera #rwanda #RwOT

    Mu busanzwe hari ibintu bikomeye tuzi neza ko bishobora kwangiza umutima wacu. Usanga abantu benshi bagerageza no kubyirinda kubera gutinya indwara z’umutima. Ariko burya hari n’utundi tuntu duto dukora tutazi ko dushobora kwangiza umutima wacu. Muri iyi nkuru twaguteguriye bimwe mu bintu bito ushobora kwirengagiza nyamara bituma umutima ugenda wangirika cyangwa utangira gukora nabi.

    Ibintu 7 byangiza umutima ugomba kwitondera

    Kugona

    Kugona mu busanzwe ni ibintu bisanzwe ku buryo abenshi tubyirengagiza ntitubyiteho, gusa hari igihe bishobora kuvamo ikibazo gikomeye. Rimwe na rimwe kugona bishobora gutera ikibazo cyo guhagarika guhumeka mu gihe usinziriye. Ibyo rero bikaba bishobora gutera ikibazo cy’umuvuduko w’amaraso wiyongera cyane, guhagarara k’umutima (heart attack) na stroke. Niba uziko ufite ikibazo cyo kugona cyane, ni byiza kujya kugana abaganga.

    Soma hano ibyagufasha guhagarika kugona https://umutihealth.com/uko-wahagarika-kugona/

    Kurya cyane

    Kurya cyane ni kimwe mu bintu bishobora gutera umubyibuho ukabije. Umuntu rero ufite uyu mubyibuho ukabije aba afite ibyago byinshi byo kurwara indwara z’umutima nk’umuvuduko w’amaraso. Ni byiza kwirinda kurya ibirengeje urugero kandi ukagabanya n’ibyo kunywa birimo isukari nyinshi.

    Kutagira isuku yo mu kanwa

    Dushobora kwibaza aho ibi bihuriye n’indwara z’umutima ariko burya kuba mu kanwa kawe hafite ibibazo bishobora kugira ingaruka n’ahandi mu mubiri wawe. Kutagira izuku yo mu kanwa bishobora gutuma bagiteri ziba nyinshi cyane mu kanwa bikaba byagutera indwara zo mu kanwa. Ubushakashatsi bwagaragaje ko hari zimwe mu ndwara zo mu kanwa zifitanye isano n’indwara z’umutima. Ni byiza rero koza amenyo buri gihe nyuma yo kurya.

    Kuryama utinze

    Kuryama utinze bituma umuntu atagira umwanya uhagije wo gusinzira. Ibi bibaka bishobora kugira ingaruka zikomeye no ku bindi bice bigize umubiri wawe n’umutima urimo. Mu busanzwe umuntu aba agomba kuryama amasaha ari hagati y’arindwi n’icyenda (7-9). Kudasinzira neza bishobora gutuma hakorwa imisemburo yitwa hormone ikorwa ari myinshi cyane kurusha ikenewe cyangwa se ari mike cyane idakwiriye. Ibyo rero bikaba byavamo zimwe mu ndwara zikomeye nk’umubyibuho ukabije, umuvuduko w’amaraso, stroke n’izindi. Ni byiza rero gukora ku buryo ubona umwanya uhagije wo gusinzira.

    Stress

    Abantu benshi bakunda kugira stress ntibabyiteho kugeza igihe batangiye kurwara zimwe mu indwara z’umutima. Stress ni kimwe mu bintu bishobora kwangiza imiyoboro y’amaraso. Si ibyo gusa kandi kuko stress igira ingaruka no ku bwonko

    Gukora imyitozo ngorarangingo irengeje urugero

    Akenshi usanga abantu bakora imyitozo ngororangingo mu rwego rwo kwirinda zimwe mu ndwara no kugira ngo bagire ubuzima bwiza. Hari abantu rero usaga barenza urugero bagokora ibikabije. Nubwo ari byiza gukuro iyo myitozo, iyo urengeje urugero bishobora kugira ingaruka ku buzima bwawe.

    Kurya amavuta menshi

    Amavuta nayo nubwo umubiri wacu uyakenera, iyo abaye menshi cyane bishobora kukuviramo kurwara zimwe mu ndwara z’umutima. Usanga amavuta yatunganirijwe mu ruganda atari meza kuko hari ibyo yongerwamo bitari byiza ku buzima bwacu. Ni byiza rero kurya amavuta make bishoboka.

    Source: Umutihealth.com

    [email protected]

    Source : https://agakiza.org/Dore-Ibintu-7-byangiza-umutima-ugomba-kwitondera.html