Webrwanda Backend

Blog

  • Gisagara: Imiryango 154 niyo isigaye idafite aho guhengeka umusaya – #rwanda #RwOT

    Umuyobozi w’umusigire w’Akarere ka Gisagara, Ntaganzwa Athanase, yavuze ko bubakiye imiryango irenga 800.

    Ati “Twari dufite urugendo runini cyane rwo kubakira imiryango igera kuri 977 ariko uyu mwaka ushize wasize tumaze kubakira benshi kuko dusigaje kubaka inzu 154, ari zo muri uyu mwaka turimo gushakisha uko nazo twazuba zikarangira.”

    Bamwe mu bari bafite ikibazo cy’amacumbi ariko bakaba barubakiwe, bavuga ko byabahaye umutekano biyemeza kuyoboka ibikorwa bibateza imbere.

    Ukubereyimfura Delphine wo mu Murenge wa Mamba ati “Inzu mpawe nzayifata neza kandi ngiye gukora niteze imbere. Amafaranga nakoreraga nayishyuraga icumbi ariko ngiye kuyifashisha mu kwiteza imbere.”

    Mbanzabagabo François na we yavuze ko agiye guharanira gukora ibikorwa bimuvana mu bukene.

    Ati “Nishimiye iyi nzu kuko ngiye kujya njya gukora ntuje mfite aho ntaha kandi nzi neza ko n’abana banjye batekanye.”

    Abahawe inzu basabwe kuzifata neza bacukura ibyobo n’imiyobora y’amazi kugira ngo atazisenya. Bagiriwe n’inama yo kubaka uturima tw’igikoni mu rugo ku mbuga kugira ngo bimakaze imirire myiza.

    Abaturage basaga 900 nibo bari bafite ikibazo cy’amacumbi, ubu hasigaye imiryango 154

    Abubakiwe basabwe gufata neza inzu no kuyoboka ibikorwa bizamura imibereho yabo

    Zimwe mu nzu zubakiwe abari bafite ikibazo cy’amacumbi mu Murenge wa Mamba mu Karere ka Gisagara

    [email protected]

    source : https://ift.tt/3oiwgj9

  • Umurongo wakoreragaho Radiyo Amazing Grace wahawe radiyo nshya – #rwanda #RwOT

    Radiyo nshya igiye gutangira kumvikanira kuri uyu murongo yitwa JF Imanzi Fm, yafunguwe ku mugaragaro ku wa 1 Ugushyingo 2021, ikazibanda cyane ku biganiro bitandukanye bigaruka ku bukungu, imyidagaduro, amakuru n’ibindi.

    Uyu murongo igiye kuvugiraho ni wo wumvikaniraho Radiyo izwi mu Kinyarwanda nk’Ubuntu Butangaje (Amazing Grace Radio) yahagaritswe mu 2018 biturutse ku kiganiro cy’Umuvugabutumwa Niyibikora Nicholas, wasaga nk’uwibasiye abagore mu mvugo ze.

    JF Imanzi ni radiyo nshya izajya itangaza amakuru n’ibiganiro bigamije kwigisha abantu ibijyanye n’ubukungu, yashinzwe ku gitekerezo cy’abagabo babiri ari nayo nkomoko y’izina ryayo kuko J isobanuye James naho F ikavuga Frédérick.

    Aba bagabo bombi umwe ni Ndahiro James unayobora Inama y’Ubutegetsi ya Zigama CSS na Ngenzebuhoro Frédérick wigeze kuba Visi Perezida w’u Burundi.

    Umuyobozi w’abanyamakuru muri J F Imanzi FM, Karangira Faustin, yabwiye IGIHE ko aba bagabo babiri bagize igitekerezo nyuma yo kubona ko mu itangazamakuru ry’u Rwanda hakiri icyuho mu gufasha barwiyemezamirimo bato ndetse no kwigisha Abaturarwanda ibijyanye n’ubukungu.

    Ati “Kuko banafitiye urukundo itangazamakuru, baravuze bati ’ko dufite amaradiyo, harabura iki?’ Ibintu byo kwigisha iterambere no kwihangira umurimo basanga mu itangazamakuru bihabwa umunya muto, bumva ko icyo kintu bagikoraho bagatanga umusanzu mu kubaka igihugu, niko gutangira kwandikisha iyi radiyo.”

    Ni radiyo izanye imbaduko mu mujyo w’ubukungu kuko 90% by’ibiganiro byayo byibanda cyane kwigisha ibirebana n’iterambere no kwihangira imirimo.

    Bimwe mu biganiro iyi radiyo ifite harimo ikiganiro cya mu gitondo cyitwa Susuruka kigaruka ku makuru y’ubukungu n’ibiganiro biganisha ku kwiteza imbere ndetse no gushimisha abumva radiyo Imanzi binyuze mu buryo bw’indirimbo n’ibiganiro.

    Hari kandi ikiganiro cyitwa Aguka, bisobanuye kwaguka mu bukungu, mu ishoramari no mu bitekerezo. Ni ikiganiro gitangira saa munani n’igice, kikazatanga amakuru yose umuntu akeneye kumenya yamufasha guteza imbere ibikorwa bye by’iterambere. Gitambuka kuva ku wa Mbere kugera ku wa Gatanu.

    Uretse iki kiganiro kandi hari ikindi kiganiro gitambuka ni mugoroba saa kumi kugera saa 07:00 kitwa ‘Isura y’Umunsi,’ kigisha inzira iganisha ku kwiteza imbere mu bukungu no kwishakamo ibisubizo.

    Nyuma y’icyo kiganiro hariho gahunda y’amakuru mu Kinyarwanda ndetse n’abakunzi b’amakuru y’imikino bashyiriweho gahunda y’ibiganiro ndetse no kogeza imipira.

    Karangira yavuze ko kuba bagiye gukorera ku murongo wari wigeze gukorerwaho na Amazing grace hari imbaraga bibaha kandi ko bafite intego yo kugumana abayumvaga no kongeraho abandi bashya.

    Yakomeje agira ati “Abumvaga radiyo Amazing grace ni abantu bakurikirana iby’iyobokamana, ariko mbere y’ibyo turi Abanyarwanda bakeneye ibyangombwa by’ubukungu kugira ngo tunakore twiteze imbere. Tugiye kwereka Abanyarwanda ko tubafitiye ubutumwa bazajya bakurikirana nk’ubutumwa bw’ibanze.”

    Bamwe mu batangiranye nayo harimo Umunyamakuru akaba anashinzwe Poragaramu Uwineza Lilliane wakoreye radiyo zitandukanye zirimo City Radio, Karangira Faustin wigeze gukora mu cyahoze ari ORINFOR ndetse n’abandi bagera kuri 13 barimo n’abatekinisiye.

    Umurongo wakoreragaho Radio Amazing Grace wahawe radiyo nshya

    source : https://ift.tt/3090Zqe

  • Andi mafoto mutabonye yo mu birori byo gusaba no gukwa kwa Miss Keza Joannah – YEGOB #rwanda #RwOT

    Ku cyumweru tariki ya 07 Ugushyingo nibwo Miss Keza Joannah yasabwe akanakobwa. Ni ibirori byabereye mu busitani bwa Garden iherereye ku Gisozi. Twifuje kubereka amwe mu mafoto yaranze ibyo birori mutari mwarigeze mubona.

    Ayo mafoto ni aya akurikira:

    Source : https://yegob.rw/andi-mafoto-mutabonye-yo-mu-birori-byo-gusaba-no-gukwa-kwa-miss-keza-joannah/

  • Iyi couple ikomeje gutangaza abatari bake ( video) – YEGOB #rwanda #RwOT

    Dushimirimana Celestin na Uwiringiyimana odeth bakomeje gutangaza benshi kubera urukundo rwabo , Uwiringiyimana odeth afite ubumuga bwo kuba mu gufi naho Celestin we ntakibazo afite.

    Uwiringiyimana odeth yavukanye ubumuga bwo kuba mugufi bituma adashobora kugenda ahantu kure Kubera icyo kibazo cyo kuba mugufi.

    Yakomoje ko kuba afite ubumuga bitazatuma atagera kubyo yiyemeje nko kuba umubyeyi mwiza uzarera abana be neza .

    Mu kuvuka kwe umubyeyi we ari Se ntabwo yamufashe neza kuko yakundaga kumusiga mu nzu maze agafunga kugirango ngo hatagira umubona biri mubya mubabazaga mu bwana bwe.

    Kugeza kuri ubu Odeth Se ntacyo amufasha kuko na mafaranga abona ya pension avuga ko ayajyana mu tubari ndetse na bagore ,bituma ubuzima bwe bukomeza kuba bubi cyane.

    Dushimirimana Celestin yiyemeje gukunda Odeth kuko yabonaga benshi batamuha agaciro kandi ari umwana witonze cyane bityo bimutera ku mukunda ndetse akamufasha byinshi dore ko banaturanye.

    Source : https://yegob.rw/iyi-couple-ikomeje-gutangaza-abatari-bake-video/

  • Musore/mugabo ,koresha izi tekinike niba ufite ikibazo cyo kurangiza vuba ubundi wirebere. – YEGOB #rwanda #RwOT

    Abagabo benshi baterwa ipfunwe no kutabasha gushimisha abakunzi babo mu gikorwa cyo gukora urukundo ,bitewe no kurangiza vuba.Muri iyi nkuru turababwira technique ebyiri rwose abashakanye cyangwa abakundana bakoresha maze bagatinza igihe cyo gutera akabariro. Gukoresha agakingirizo nabyo kandi buriya birafasha. Iyo umuntu akoresha agakingirizo ntiyumva cyane umubiri w'uwo bari gukora imibonano mpuzabitsina bityo bigatuma arangiza atinze.

    Tekinike ya 1: Squeeze Technique

    Squeeze technique ni ugukanda ubugabo aho umutwe w'igitsina utereye. Ibi bikorwa iyo umugabo yumva agiye gusohora kandi bigakorwa amasegonda 30. Ibi bihagarika gusohora. Mushobora gusubiramo ibi inshuro zigera kuri 5 mbere yuko noneho mureka umugabo akarangiza.

    Tekinike ya 2: The Start and End

    Ubu ni uburyo bworoshye kandi bumenyerewe. Umugabo cyangwa se umugore ahagarika imibonano mpuzabitsina igihe yumva yari agiye gusohora (ariko atarasohora) amasegonda 30-60. Iyo yumvise gusohora bitakibaye, barongera bagasubukura imibonano mpuzabitsina. Ukomeza usubiramo inshuri 4 kugera kuri 5.

    Ngayo nguko rero mwe mukomeje kudukurikira umunsi kuwundi. Niba urangiza vuba mu gihe uri mugikorwa nuwo mwashakanye koresha izo tekinike. Zirizewe kandi cyane.

    Source : https://yegob.rw/musore-mugabo-koresha-izi-tekinike-niba-ufite-ikibazo-cyo-kurangiza-vuba-ubundi-wirebere/

  • Amafoto y'umuzungukazi wafotowe azunguza amandazi mu muhanda yatunguye benshi. – YEGOB #rwanda #RwOT

    Mu gihugu cya Kenya hagaragaye umuzungukazi uzunguza amandazi na Capati mu muhanda, abantu baratangara.

    Amafoto y'umugore w'umuzungu yakwirakwiriye hirya no hino ku mbuga nkoranyambaga no mu binyamakuru bitandukanye, berekana ko ubuzima bushobora kuba butoroshye ku muzungukazi agahitamo kuzunguza ku muhanda wa Mombasa, amandazi Capati n'imikati.

    Uyu muzungukazi utatangajwe amazina , amakuru avuga ko yagaragajwe na Camera yo mu muhanda. Abakoresha urubuga rwa Twitter bahererekanye amafoto bayavugaho bitandukanye, bavuga ko bitangaje kubona umuzungu w'umuzunguzayi muri Afurika.

    Source : https://yegob.rw/amafoto-yumuzungukazi-wafotowe-azunguza-amandazi-mu-muhanda-yatunguye-benshi/

  • Inama Y'Umunsi: Knowless Butera arakubwira uko wakwitwara mu buzima kugirango ubeho neza (Video) – YEGOB #rwanda #RwOT

    Umuhanzikazi Knowless Butera ari mu bakunzwe mu Rwanda ndetse n'ibihugu birukikije. Numwe mu bahanzi bafite byinshi bagezeho yaba mu muziki cyangwa mu buzima busanzwe bijyanye niterambere. Kuba yaratangiye gukora umuziki ari umukobwa ukiri muto akaba nubu akiwukora ari umudamu, afite uko abona ubuzima ndetse n'inama yatanga y'uburyo umuntu yakwitwara kugirango abeho neza mu buzima bwa buri munsi.

    Reba iyi video, wumve icyo Knowless avuga kubijyanye nuko wakwitwara mubuzima kugirango ubeho neza.

    Source : https://yegob.rw/inama-yumunsi-knowless-butera-arakubwira-uko-wakwitwara-mu-buzima-kugirango-ubeho-neza-video/

  • Ntagikwe!!! Dore ibyiza byo kudashaka umugore cyangwa Umugabo – YEGOB #rwanda #RwOT

    Kurongorwa/Kurongora bifatwa nkigikorwa kigomba kubaho byanga byakunda hano mu Rwanda ndetse no kwisi hose. Abantu benshi babifata nkigikorwa gikomeye kumugabo cyangwa umugore. Bamwe ndetse bagera kure bakemeza ko intsinzi iyo ari yo yose ubona mubuzima idafite akamaro kandi ntacyo ivuze mugihe udafite umugore cg umugabo. Ibi bitekerezo byose biri mumitwe yabantu gusa gusa, ukuri nuko gushaka umugore cg umugabo ntibigomba kuba igikorwa ntakuka ahubwo bigomba kuba ikintu cyo guhitamo. Muburyo butandukanye, kutarongora mubyukuri bishobora kuba byiza kurushaho kandi dore impamvu 10 umuntu yashingiraho:

    1. Gukomeza kwishyira imbere wowe ubwawe: Ibi bishoboka ko ari bimwe mubyiza bijyanye no kuguma uri wenyine ntushake, mubyukuri ntugomba guhangayikishwa nundi muntu usibye wowe ubwawe, mubusanzwe ufite umwanya wawe wo gukora ibyo ushaka, mugihe ubishaka nuburyo ubishaka. Ufite umudendezo wo gufata ibyemezo bikubereye mugihe runaka.

    2. Gukomeza gukora umwuga wiyemeje: Ushobora kwiyemeza byimazeyo gukora umwuga wawe ntakikubangamira, ushobora no kugira umwuga wifuza aho kugerageza gushaka umwuga ujyanye  n'ibyifuzo byumuryango wawe mugihe waba wubatse. urugero, birashoboka ko wifuza kuba umuganga ariko kubera ibyo mwiyemeje nk'umuryango, bigatuma ufata izindi nzira zijyanye nibyifuzo byumugore cyangwa umugabo. Iyo wahisemo kwibana, ufata umurongo wawe wifuza ntawundi ugomba kurebaho.

    3. Ubaho ubuzima bwo gusabana uko ubishaka: Ubukwe buzana nabantu benshi bashya mubuzima bwawe harimo numukunzi wawe, ugomba kugirana ubucuti n'umuryango we n'inshuti kandi ugomba rimwe na rimwe kujya mu birori ushobora kuba utari kwitabira iyuba utarashatse, Kuba wubatse bivuze kandi ko ugomba kuganira hamwe nuwo mwashakanye niba ari byiza kuzana inshuti nke kugirango yenda murebere hamwe umukino kuri TV cyangwa gutumira inshuti mukarara musangira kamwe. Umuntu umwe ntabwo akeneye guhangayikishwa nibyo byose.

    4. Ntago uhangayikishwa nabana. Abana batera ibyishimo ntunyumve nabi, ariko kurera abana ntabwo ari ibintu byoroshye kandi bisaba ubwitange cyane cyane mugihe bakiri bato, ugomba gufata ibyumweru bike cyangwa ukwezi udakora, ukaguma murugo umunsi wose, mu byukuri bigusigira ubumuga kuko utaba ufite umudendezo wo gukora ibyo ukunda. Byongeye kandi, bizana ibibazo byinshi nkuko uwo mwashakanye ashobora kuba afite ibitekerezo bitandukanye mugihe cyo kubyara, umubare w'abana mugomba kubyara n'ibindi. Kuba ingaragu biguha umudendezo wo gufata ibyemezo wenyine.

    5. Nta mudendezo ubufite wo kwidagadura: Mubusanzwe ntamwanya ufite wo gupfa ubusa iyo umaze kurongora, ibi ni ukubera ko nyuma yicyumweru kirekire uri mubiro cyangwa aho ukorera, ubukeneye gukoresha weekend yawe kugirango wiruhure imihangayiko yose yakazi ariko iyo umaze gushaka, ibiba kuwa gatandatu no kucyumweru byitwa ko ari iminsi yo kwidagadura ahubwo haba hari kazi kenshi kajyanye no gukora amasuku, guhaha, kuba uri kumwe nuwo mubana n'ibindi bituma utabona akanya ko kwidagadura.

    6.Ntabwo uboheye kumuntu umwe: Ubundi ufite umudendezo wo kubana n'abantu benshi uko ubishaka utababaje uwo ariwo wese, Ntago wemerewe kugira undi muntu mugirana ubushuti bwihariye niba warubatse kuko utegetswe kwizirika k'umugore umwe ukurikije amahame muri societe tubamo uyumunsi .

    Source : https://yegob.rw/ntagikwe-dore-ibyiza-byo-kudashaka-umugore-cg-umugabo/

  • Amashusho y'umusore wa bettinze akaribwa akomeje gusetsa abantu (Video) – YEGOB #rwanda #RwOT

    Imikino y'amahirwe izwi nka 'Betting' nimwe mu mikino iharawe cyane cyane n'urubyiruko aho utomboza ikipe iributsinde hagati y'amakipenabiri mumikino itandukanye maze byahura ugahabwa amafaranga watsindiye. Gusa iyi mikino ntikunze guhira bose kuko usanga abenshi yarabamazeho amikoro kubera kuribwa umunsi ku munsi ndetse hakaba nabagera kurwego rwo kugurisha ibyo batunze kugirango babone ayo bashora muriyo mikino.

    Amashusho yasakaye kumbuga nkoranyambaga agaragaza umusore wari muzu bategeramo kuriyi mikino, arimo aca udupapuro tugera kuri 3 nyuma yuko asanze ntanakamwe kabashije gutsinda. Uyu musore kandi agaraga yifashe mumutwe aahangayitse cyane nkundi muntu wese wari witeze amafaranga ahantu ariko akaba ayabuze.

    Reba Video:

    Reba andi makuru y'ibyamamare hano:

    Source : https://yegob.rw/amashusho-yumusore-wa-bettinze-akaribwa-akomeje-gusetsa-abantu-video/

  • Abahanzi 5 bo mu Rwanda bigoye ko bategura igitaramo bonyine kikitabirwa na benshi muri 2021 #rwanda #RwOT

    Umwaka wa 2021 ubura iminsi 52 gusa ngo ugere ku musozo, ni Umwaka waranzwe n'ibintu byinshi bitandukanye, ariko ukaba umwaka abakunzi b'umuziki n'imyidagaduro muri rusange basozanyije akanyamuneza kuko ibitaramo n'amakoraniro atandukanye byadohorewe kubera icyorezo cya Covid-19.

    Muri uko kudohora, ibitaramo biri kuba umunsi ku wundi yaba abahanzi bategura ibyabo ku giti cyabo, yaba n'abanyemari babishoramo agatubutse bagamije inyungu! mu bimaze kuba kugeza ubu nubwo nta mibare ifatika yakozwe, icya Kiss Summer Award gitegurwa na Radio ya Kiss Fm nicyo cyaciye agahigo ko kwitabirwa n'abantu bacye, ni mugihe kandi icya Bruce Melodie cyo kitabiriwe ku rwego rwo hejuru.Ndetse mu minsi iri imbere hateganijwe ibindi bitaramo by'imbaturamugabo.

    Uku kwitabirwa kw'ibi bitaramo, akenshi mu babyitabira baza ku bwinshi iyo nyiri kubitegura (Umuhanzi) aharawe muri icyo gihe, cyangwa umushoramari akazana izina rimwe riremereye mu baharawe muri icyo gihe! yaba mu Rwanda cyangwa hanze.

    Kera hakibaho irushanwa rya Primus Guma Guma Super Star, ubu rigarutse ndetse ingingo yakumiraga abaryegukanye kurigarukamo igakumirwa, biragoye ko abahanzi bari kuri uru rutonde tugiye kugarukaho bakwisanga mu 10 beza uyu mwaka.

    TWEGERANIJE ABAHANZI BA 5 BAMAZINA AKOMEYE MU RWANDA, ARIKO BIGOYE KO BATEGURA IBITARAMO BYABO BWITE BIKITABIRWA MURI UYU MWAKA TURI GUSOZA

    1. NSENGIYUMVA FRANCOIS (IGISUPUSUPU)

    Nsengiyumva, byari kugora gusobanurira Umunyamahanga mu mwaka wa 2019 mu bitaramo bya Iwacu Muzika Fest ko ari umuhanzi ukizamuka. Yakunzwe na benshi ndetse urukundo rwabamukundiraga indirimbo ze ntibahwemaga no kurumwereka yagiye kubataramira.

    Icyo gihe abahanzi bagenzi be ntibumvaga ibiri kuba, ndetse bamwe bamusaba ko bakorana kubera umurego udasanzwe yarariho. yaje no kubyemeza ubwo yahuriraga na Diamond wo muri Tanzaniya ku rubyiniro rumwe, ndetse Gisupusupu yumvikana yemeza ko yamurushije gushyushya Abafana.

    Nyuma yaho, Nsengiyumva yaje kugenda yumvika mu nkuru zitari nziza, ndetse akagenda asa nugabanya umuvuduko ugereranije nuko yinjiye umuziki ameze.

    Uyu mwaka byaje guhumira ku mirari ubwo yatabwaga muri yombi acyekwaho icyaha cyo gusambanya umwana utagejeje imyaka y'ubukure ndetse n'ibindi bibishamikiyeho.

    Ibi urukiko rwaje kumugira umwere ndetse asohotse ahita asohora indirimbo ashima Imana ari nayo aheruka kugeza ubu.

    Uwavuga ko Nsengiyumva Francois aramutse ateguye igitaramo cye uyu mwaka cyakwitabirwa na mbarwa ntiwaba ubeshye.

    2. RUHUMURIZA JAMES (KING JAMES)

    King James ni izina riremereye mu muziki nyarwanda, dore ko yaririmbye indirimbo nyinshi ndetse akanategura ibye ku giti cye bikitabirwa kandi akagaragarizwa urukundo ruhambaye mu ruhame.

    Gusa uyu muhanzi, muri uyu mwaka yagaragaje imbaraga nke mu muziki dore ko uyu mwaka kugeza ubu afite indirimbo imwe gusa yise ubudahwema ariko mbere yayo akaba yari yarasohoye iyitwa Ndagukumbuye afatanije na Ariel Wayz.

    Ibi kandi byaje bikurikirana n'inkuru zitari nziza uyu muhanzi yagiye agaragaramo nkaho yigeze gutabwa muri yombi kubera kwangiza amabwiriza yo kwirinda Covid-19, indi yaherukaga niyo nabwo yafatiwe muri Bank yitiranijwe n'Igisambo.

    Uwavuga ko King James ari mu bakeneye gushyiramo imbaraga mu mwaka wa 2022 ntago yaba abeshye dore ko ubuzima buri kugenda bugaruka mu myidagaduro kubera iki cyorezo cya Covid-19.

    3. MUGISHA BENJAMIN (THE BEN)

    Byari kugorana cyane kubona inkuru uvuga cyangwa wandika kuri The Ben uyu mwaka iyo adaterera ivi umukunzi we Uwicyeza Pamela mu birwa bya Maldives.

    Uyu Muhanzi ukunzwe n'abatari bacye, gusa muri iyi minsi ntago aheruka gusohora indirimbo dore ko iyo aheruka ari Kora nayo itararebwe cyane ugereranije n'indirimbo yari asanzwe akora.

    Mu kiganiro yagiranye na Gael kuwa 24 Ukwakira uyu mwaka, yavuze ko ari gukora kuri Album ye igomba gusohoka umwaka utaha, ndetse ikazanagaragaraho ibindi byamamare bikomeye muri Afurika.

    4. INGABIRE JEANNE D'ARC BUTERA (BUTERA KNOWLESS)

    Mbere gato yuko Covid-19 yaduka, Butera Knowless yari mu baririmbye mu gitaramo gitangira umwaka kimaze kumenyerwa cyane nka East African Party, muri iki gitaramo Knowless yishimiwe na bacye beza.

    Bitandukanye na 2015 ubwo yishimirwaga n'imbaga nyamwinshi bikamuhesha kwegukana igikombe cya Primus GumGuma Super Star.

    Nyuma yaho, Knowless nk'umuhanzi w'izina rikomeye, yakomeje gusohora indirimbo ku bwinshi ndetse nke murizo zikaba arizo zikundwa.

    Ibi ntago bamwe mu bafana be babyihanganiraga ndetse hari na bamwe bamusabaga gushaka ikindi yakora umuziki akawureka.

    Muri 2019, yaje gusohora indirimbo yise Blessed.Iyi ndirimbo igaragaramo uwitwa AUGUSTIN BIGIRIMANA avuga ati” Knowless abishoboye yashaka ikindi yakora kimuteza imbere.Muri 2019 ntabwo izo ndirimbo zikwiye kumvwa mu Rwanda”.

    Muri uyu mwaka, Butera Knowless yasohoye Album ye yise Inzora, iyi Album yakurikiwe n'inkuru zitari nziza kuri we aho yagarutsweho mu itangazamakuru ashinjwa ibirego bitandukanye bishingiye ku bwambuzi.

    Aho Ibi birego bishingiye ku kimina byavugwaga ko Knowless yabanagamo n'abandi bantu, bakajya bamuha amafaranga ariko nyuma kigahagarara, bene yo bayasaba ntibayasubizwe.

    Iki kimina bivugwa ko Butera Knowless yakibanagamo n'abandi bantu barenga 150. Ngo yari akuriye itsinda ry'abantu batandatu, aho ari we abo bantu bashyikirizaga amafaranga yabo kugira ngo bacyinjiremo.

    Ibi Urwego rw'Igihugu rw'Ubugenzacyaha bwabihamirije itangazamakuru ko koko yakiriye ibyo birego.

    5. MUGWANEZA LAMBERT (SOCIAL MULA)

    Kuri uyu muhanzi abenshi byabagora kwiyumvisha ko aho tugeze uyu munsi Social Mula nta ndirimbo arasohora kuva watangira kandi bahora bamwumva.

    Mu kiganiro yigeze kugirana na kimwe mu bitangazamakuru bya hano mu Rwanda mu minsi yashize, yavuze ko uyu mwaka yawuhariye cyane gufasha abandi, hanyuma ibye akazabyitaho nyuma.

    Source : https://umuryango.rw/imyidagaduro/umuziki/article/abahanzi-5-bo-mu-rwanda-bigoye-ka-bategura-igitaramo-kikitabirwa-na-benshi-muri