source : https://ift.tt/3wJdipO
Blog
-
Omah Lay yasohoye indirimbo nshya mbere yo gu… – #rwanda #RwOT
Omah Lay w'imyaka 24 y'amavuko ni umwe mu bahanzi bari kuzamuka neza mu muziki wa Nigeria na Afurika muri rusange. Iyi ndirimbo ye nshya yise 'Free My Mind' yasohoye kuwa kane w’iki cyumweru, mbere yo kuyishyira hanze, yari yabanje guteguza abakunzi be abinyujije ku rukuta rwe rwa Twitter.
![]()
Iyi ndirimbo y'iminota ibiri n'amasegonda mirongo itanu n'arindwi, igaragara kuri shene ye ya YouTube iri mu buryo bwa Video Lyrics. Free My Mind ije isanga izindi ndirimbo ze zitandukanye nka Godly, Lo Lo, Understand, You n'izindi nyinshi abakunzi be bategereje kumva abaririmbira imbonankubone kuri uyu wa 13 Ugushyingo muri Kigali Arena mu gitaramo cyiswe Kigali Fiesta.
![]()
Igitaramo Kigali Fiesta kizaba kuri uyu wa 13 Ugushyingo
Muri iyi ndirimbo humvikanamo amagambo aganisha mu gushaka umutuzo mu mutwe no kugira umunezero mu rwego rwo kwirengagiza ibibazo umuntu ahura nabyo mu buzima. Omah Lay yatangiye umuziki afite imyaka 15 y'amavuko, yaje kumenyekana nyuma yo gusohora indirimbo ze ebyiri yise 'You' na 'Bad Influence' zakunzwe cyane.
Iki gitaramo cyiswe Kigali Fiesta cyateguwe na kampani ya East African Promoters (EAP) kikazabera muri Kigali Arena ndetse n'ibiciro byo kwinjira muri iki gitaramo bikaba byarashyizwe hanze. Omah Lay aje i Kigali nyuma ya mugenzi we wo muri Nijeriya Adekunle Gold nawe uherutse mu Rwanda. Si uyu muhanzi gusa uzataramira abazitabira iki gitaramo kuko hazaba harimo n'abahanzi b'abanyarwanda batandukanye nka Ariel Wayz, Juno Kizigenza, Ish Kevin, Platini P na Davis D.Â
-
Haruna Niyonzima yagarukiye ku kibuga cy’indege nyuma yo kugira ibyago, bituma atajyana n’Amavubi muri Kenya #rwanda #RwOT
Kapiteni w’ikipe y’igihugu y’u Rwanda, Haruna Niyonzima yagize ibyago aho umwana yareraga yitabye Imana bituma atajyana na bagenzi be muri Kenya.
Amavubi yahagarutse mu Rwanda saa 17h yerekeza muri Kenya gukina umukino usoza itsinda E mu gushaka itike y’igikombe cy’Isi cya 2022 kizabera Qatar.
Bitunguranye Haruna Niyonzima utarakinnye umukino w’ejo hashize ku wa Kane wo Mali yatsinzemo u Rwanda 3-0, ntabwo yajyanye n’abandi.
FERWAFA ibinyujije ku rukuta rwayo rwa Twitter yavuze ko Haruna yagize ikibazo cy’umuryango atari bujyane n’abandi.
Captain w’Ikipe y’Igihugu @AmavubiStars Haruna Niyonzima ntabwo yajyanye n’abandi berekeje muri Kenya gukina umukino wo kwishyura n’icyo Gihugu kubera impamvu z’umuryango. Nyuma yo kubisabira uburenganzira, ubuyobozi bwamwemereye kubanza kwita ku muryango we. #Amavubi pic.twitter.com/YPBRZ8IsLg
â” Rwanda FA (@FERWAFA) November 12, 2021
Mu kiganiro umuvugizi wa FERWAFA wungirije Jules Karangwa yahaye ISIMBI, yavuze ko kapiteni w’ikipe y’igihugu, Haruna Niyonzima yagize ibyago aho umwana yareraga yitabye Imana.
Ati “ni umwana wabaga iwe yareraga witabye Imana. Yagarukiye ku kibuga cy’indege bamaze kubimubwira.”
Umukino w’u Rwanda na Kenya uzaba tariki ya 15 Ugushyingo, ukaba ari umukino udafite icyo uvuze ku mpande zombi kuko amakipe yose yamaze kubura itike yo kujya mu ijonjora rya nyuma.
Haruna Niyonzima yagize ibyago -
Perezida wIshyirahamwe rya ruhago muri Kenya… – #rwanda #RwOT
Kuri uyu wa Gatanu tariki ya 12 Ugushyingo ni bwo Nick Mwendwa yatawe muri yombi aho yafatiwe kuri Golden Tulip Hotel i Nairobi ahacumbitse ikipe y'igihugu yitegura guhura n'u Rwanda ku wa mbere, akaba yari yagiye guhura n'abakinnyi ngo baganire ku myiteguro y'uyu mukino.
Okaka ushinzwe itumanaho mu Ishyirahamwe ry'umupira w'amaguru muri Kenya, yavuze ko Mwendwa yafashwe n'inzego z'umutekano ndetse akaba yahise ajyanwa ku biro bya Polisi biherereye i Kiambu.
Ntabwo Okaka yahise atangaza impamvu yatumye Nick Mwendwa atabwa muri yombi. Gusa biravugwa ko uyu mugabo akurikiranyweho gukoresha nabi asaga Miliyoni 2.5 z'amashilingi ya Kenya yari agenewe gutegura ikipe y'igihugu y'abagabo.
Ibi bibaye mbere yuko Kenya ihura n'amavubi mu mukino w'umunsi wa nyuma mu itsinda mu gushaka itike y'igikombe cy'Isi cya 2022 kizabera muri Qatar, aho ibi bihugu byombi bizakinira kuri Nyayo Stadium ku wa Mbere tariki ya 15 Ugushyingo 2021.
Aya makipe azahura ntacyo ahatanira kubera ko yitwaye nabi mu mikino itanu yakinnye mu itsinda E riyobowe na Mali ifite amanota 13, Uganda ikagira amanota 9, Kenya ifite amanota 3 mu gihe u Rwanda ari urwa nyuma n'inota rimwe.
![]()
Nick Mwendwa uyobora Ishyirahamwe ry’umupira w’amaguru muri Kenya yatawe muri yombi -
Amafoto ya Anita Pendo atumye umusore yiyemeza gushaka Inkwano â YEGOB #rwanda #RwOT
Anita Pendo, umunyamakuru wa RBA akaba n'umubyeyi w'abana babiri babahungu, numwe mubakunzwe kubera imyuga akora yaba kuba ari umunyamakuru, MC, ndetse nubu DJ ariko kandi hakiyongeraho uburyo akunda gusetsa abantu kubera ahanini ibyo abasangiza kumbuga nkoranyambaga cyane cyane Instagram.
Ubwo yashyiraga ifoto ye kuri Instagram, bamwe mu basore n'inkumi bamutatse bamubwira kwari mwiza kandi asa neza. gusa umwe mubasore byamwanze munda abaza Anita Pendo inkwano yatanga ngo amwegukane kuko abona abandi ntagahunda bafite.
Uyu musore yagize ati 'Nkukunda kubi ❤️ ese inkwano nangahe ko ndeba abandi byabajabutse'
Source : https://yegob.rw/amafoto-ya-anita-pendo-atumye-umusore-yiyemeza-gushaka-inkwano/
-
Ibintu by'ingenzi umugore utwite akwiye kwitaho â YEGOB #rwanda #RwOT
Iyo umugore atwite hari ibintu aba agomba kwitwararika yaba mu byo akora, mu mafunguro afata ndetse n'imiti afata cg ibindi.
Ibi ni ukubera ko imyitwarire y'umubyeyi utwite igira ingaruka ku buzima bwe n'ubw'uwo atwite. Umugore utwite aba agomba kwitonda rero ngo hatagira igihungabanya ubuzima bwe cg ubw'uwo atwite.
Iyo umubyeyi yitwararitse mu gihe atwite, ashobora kuba yabyara umwana ufite ubuzima bwiza rwose. Dore rero ibyo buri mugore utwite yagakwiye kuzirikana.
Bimwe mu bintu umugore utwite akwiye kwitaho
1.Kwisuzumisha
Kwisuzumisha cg se kwipimisha ukamenya uko ubuzima bw'umwana uri mu nda buhagaze ni ikintu cy'ingenzi ku mugore utwite kuko bituma abaganga bakurikiranira hafi imikurire y'umwana mu nda. Ibi bituma niyo haba hari ikibazo umwana afite bakibona kare bakabasha kugikemura.
2. Gufata amafunguro yuzuye intungamubiri
Nk'uko twabivuze, uko umubyeyi abayeho bishobora kugira ingaruka no ku mwana, birumvikana ko agomba kwita ku byo arya kuko bigirira akamaro n'umwana uri mu nda.
Mu gihe utwite, ni ngombwa cyane kurya indyo yuzuye. Hari abantu bibwira ko icya ngombwa ari ukurya byinshi ukarya ibya babiri ariko burya icy'ingenzi ni ukurya ibikenewe kandi byuzuyemo intungamubiri. Umugore utwite aba agomba kurya imboga n'imbuto byinshi akanywa n'amazi ahagije. Aba agomba kurya ibitera imbaraga nk'umuceri, ibyubaka umubiri, imyunyungugu ihagije n'izindi ntungamubiri.
Amafunguro arimo vitamini B9 (folic acid) ni ingenzi kuko irinda ko umwana yavukana ubumuga.
3. Guhagarika inzoga, itabi no kugabanya kunywa ikawa
Bimwe mu binyobwa nka fanta, icyayi n'ikawa bituma umutima utera cyane. Ni byiza ko umubyeyi utwite agabanya kubinywa.
Kunywa ikawa cyane bishobora gutuma umwana avukana ibiro bicye cyane cg se ugatwitira hanze ya nyababyeyi. Itabi naryo rishobora kuba ryatera inda kuvamo cyangwa se umwana akavukana ibiro bidakwiriye. Kurinywa mu mezi 3 ya mbere bishobora gutuma umwana yandura indwara y'ibibari yitwa bec de lievre.
Inzoga nazo si nziza rwose umubyeyi utwite aba agomba kuzihagarika.
4. Kuruhuka neza
Kuruhuka ni ingenzi ku bantu bose muri rusange. Umugore utwite aba agomba kwita kuri iki kintu. Aba agomba gushaka umwanya uhagije wo kuruhuka buri munsi kugira ngo ubuzima bwe n'ubw'umwana we bikomeze kumererwa neza.
5. Isuku
Isuku nayo ni ingenzi mu buzima kuko ahatari isuku indwara ziterwa n'umwanda ziriyongera. Umugore utwite aba agomba kwita ku isuku y'ibyo arya n'ibyo anywa. Mbere yo kurya aba agomba gukaraba intoki neza.
Icyitonderwa: igihe cyose wumva hari iitagenda neza mu buzima, ni ngombwa guhita ujya kwa muganga.
Src: umutihealth
Source : https://yegob.rw/ibintu-byingenzi-umugore-utwite-akwiye-kwitaho/
-
Rubavu: Abavuye muri Tanzania basubijwe ubutaka bwabo bari barambuwe #rwanda #RwOT
Guverineri Habitegeko Francois yijeje abatujwe mu murenge wa Cyanzarwe bari barambuwe igishanga bahingagamo cyabafashaga kubaho mu buzima bwa buri munsi.
Guverineri yavuze ko bagomba gusubizwa icyo gishanga kikamburwa abari bagihawe n'uwo murenge mu buryo butemewe namategeko.
Guverineri w'Intara y'Iburengerazuba Habitegeko Francois yategetse Umunyamabanga nshingwabikorwa w'umurenge wa Cyanzarwe kwambura abafite ubwo butaka batabwemerewe bugahabwa abo bugenewe.
Guverineri yongeye kwibutsa abo baturage bavuye Tanzaniya ko ubwo butaka atari ubwo kugurisha ahubwo ari ubwo kubafasha mu buzima bwa buri munsi.
Aba baturage bijejwe kandi ko bazanabona ibyangombwa by'ubwo butaka ku buryo n'uwashaka kwaka inguzanyo muri banki yakwiteza imbere.
Alfred NTAKIRUTIMANA/Umuryango. rw
-
Itangazo ryo guhinduza izina #rwanda #RwOT
The post Itangazo ryo guhinduza izina appeared first on IRIBA NEWS.
Source : https://iribanews.rw/2021/11/12/itangazo-ryo-guhinduza-izina-3/
-
Umusore yahitanwe n'impanuka y'imodoka yakoze ubwo yari agiye guhisha umurambo w'umukunzi we yari amaze kwica #rwanda #RwOT
Umusore w'imyaka 31 muri Afurika y'Epfo bivugwa ko yateye icyuma umukunzi we kugeza apfuye,yahitanwe n'impanuka y'imodoka yari atwaye agiye guhisha umurambo we.
Ku wa kabiri tariki ya 9 Ugushyingo, umuvugizi wa polisi, Brigadier Selvy Mohlala, yatangaje ko umukunzi w'undi mugore wafashije guhisha iki cyaha ameze nabi nyuma y'impanuka yabereye ku muhanda wa R23 i Standerton, Mpumalanga.
Brig Mohlala yavuze ko ubwo abapolisi bageraga aho impanuka yabereye, basanze abatatu bapfuye undi yarokotse.
Ku wa gatatu, Mohlala yagize ati: “Polisi iri gukora iperereza ku kibazo cy'ubwicanyi nyuma y'uko abantu batatu (3) bapfiriye mu mpanuka iteye ubwoba ku muhanda wa R23 hafi ya Standerton mu gihe umuntu wakomeretse yajyanwe mu bitaro bya Standerton.”
Mbere twatekerezaga ko iyi ari impanuka isanzwe, ariko nyuma y'iperereza ryakozwe n'itsinda ry'ababishinzwe, ibimenyetso byagaragaje ibindi kuko hari abakundanye bari bakoreye ibirori mu nzu imwe yo muri ako gace hanyuma abakundana 2 baza gutongana maze umusore w'imyaka 31 atera icyuma umukobwa w'imyaka 33 bakundanaga.
Abandi bari basohokanye bamufashije gushyira umurambo mu modoka ya nyakwigendera bagamije kujya kuwuhisha.”
Ubwo bari batwaye imodoka ku muhanda R23, bagonganye n'ikamyo maze umugore wafashije mu gupakira nyakwigendera ahita apfa mu gihe umukunzi we yakomeretse bikabije ajyanwa mu bitaro bya Standerton.
Uyu musore w'imyaka 31 bivugwa ko yishe umukunzi we na we yarapfuye. Polisi iri gukora iperereza kuri ubu bwicanyi”.
-
Julian Assange washinze urubuga rwa Wikileaks yemerewe kurongorera umukunzi we muri Gereza #rwanda #RwOT
Julian Assange yahawe uruhushya rwo kurongorera/ugushyingirirwa n'umukunzi we Stella Moris muri Gereza ya Belmarsh mu Bwongereza, nk'uko BBC dukesha aya makuru ibitangaza.
Uyu mugabo watangije urubuga rwa Wikileaks hamwe n'umukunzi we Moris basanzwe bafitanye abana babiri b'abahungu, uyu mukunzi we, avuga ko aba bana bababyaye igihe Assange yari akiba mu biro bya ambasade ya Equateur/Ecuador mu Bwongereza.
Abayoboye Gereza bavuga ko ibyo Assange yasabye' byizweho mu buryo busanzwe n'umukuru w'iyi Gereza'. Uyu mukunzi wa Assange, Moris yabwiye ikinyamakuru PA cyo mu Bwongereza ko' anezejwe n'uko ukuri kwatsinze'.
Yongeraho ati:' Nibaza ko nta wundi muntu azasubira kwivanga mu bijyanye n'ubukwe bwacu'.
Itegeko rigenga ukubakana/Gushyingirwa ryo mu 1983 (Marriages Act 1983) ryemerera abafungwa gusaba kurongorera muri Gereza, uwusabye akemererwa agasabwa  kwirihira ibisabwa cyangwa ibikenewe byose nta na kimwe asabye Leta.
Mu kiganiro yahaye ikinyamakuru Mail on Sunday mu mwaka ushize, uyu Moris, umunyamategeko wavukiye muri Afrika y'Epfo, yatangaje ko yari asanzwe afitanye ubucuti na Assange kuva mu 2015 kandi ko yakomeje arera abana babyaranye wenyine.
Muri Videwo yanyujijwe kuri konte ya Wikileaks ku rubuga rwa YouTube, avuga ko yatangiye kubonana na Assange mu 2011 igihe yinjiraga mu itsinda rye ry'abanyamategeko.
Moris avuga kandi ko n'igihe yari mu biro bya Ambasade yahoraga ajya ku mureba hafi iminsi yose, ari naho yamenye' neza uw'ari we Julian'. Assange na Moris batangiye gukundana mu 2015, hashize imyaka ibiri bahita bemeranywa kuzabana nk'umugabo n'umugore.
Moris avuga ko Assange yakurikiranye ivuka ry'aba bahungu be babiri akoresheje ubuhanga bwa videwo kandi ko bahoraga bajya kureba se mu biro bya Ambasade.
Assange, ubu afite imyaka 50 y'amavuko, akomeje urugamba rwo guhagarika ingingo yo kumujyana muri Amerika, aho akurikiranwa ku byaha bya maneko.
Leta Zunze Ubumwe za Amerika zimukurikirana ku byo ashinjwa ko yahawe amakuru y'ibanga ajyanye n'ukwivuna/kurwanya abanzi we agahita ayashyira ku mugaragaro, ni nyuma y'aho Wikileaks isohoreye inzandiko zibarirwa mu bihumbi amagana zijyanye n'intambara zo muri Afghanistan na Irak.
Mu makuru yashyizwe ku karubanda, harimo videwo yo mu kwa kane 2010 yerekana abasirikare ba Amerika barasa bakica abasivire bakoresheje kajugujugu muri Irak. Uyu munya Australia ari muri Gereza ya Belmarsh mu Bwongereza kuva mu 2019, igihe Polisi y'iki gihugu yamusohoreye ikamuvana mu nyubako ya Ambasade ya Equateur i Londres.
Yari yahungiye muri iyo nyubako kuva mu 2012, ahunga ingingo yo kumujyana muri Suede, aho yari asanzwe ashakishwa ku byaha byo gufata ku ngufu. Akomeza ahakana ibyo ashinjwa aho ndetse bisa n'ibyahanaguwe.
Umuvugizi w'ibiro bishinzwe amagereza, avuga ati:' Ibyasabwe na Assange byarakiriwe, byigwaho n'umukuru wa Gereza mu buryo busanzwe, nk'uko bisanzwe ku mufungwa uwo ariwe wese'.
intyoza
