Webrwanda Backend

Blog

  • Rayon Sports yahagaritse umutoza mukuru Masud… – #rwanda #RwOT

    Ku gicamunsi cyo kuri uyu wa Kabiri tariki ya 07 Ukuboza 2021, nibwo Rayon Sports yasohoye itangazo rivuga ko yamaze guhagarika umutoza mukuru Masudi Djuma kubera umusaruro mubi yagaragaje mu mikino irindwi iyi kipe imaze gukina muri uyu mwaka w'imikino. Uyu mutoza akaba yahagaritswe igihe kitazwi muri Rayon Sports.

    Inyuze ku rukuta rwayo rwa Twitter, Rayon Sports yagize iti' Umutoza mukuru wa Rayon Sports Masudi Djuma Irambona yahagaritswe n'ubuyobozi bw'ikipe kubera umusaruro mubi. Umutoza wungirije Romami Marcel niwe ugiye gusigarana inshingano by'agateganyo'.

    Rayon Sports imaze gukina imikino Irindwi muri shampiyona y'u Rwanda 2021-22, yatsinze imikino itatu, itsindwa ibiri ndetse inanganya imikino ibiri, ifite amanota 11/21.

    Imikino itatu Rayon Sports yatsinze harimo uwa Mukura i Kigali, Bugesera i Kigali, na Etoile de l'Est i Kigali, mu mikino yanganyije harimo uwa Rutsiro i Rubavu na Espoir FC i Rusizi.

    Rayon Sports yatsinzwe imikino ibiri yari ingenzi ku barayon, kuko ari imikino y'abakeba abafana baba bategerejeho ibyishimo, aho yabanje gutsindwa na APR FC nyuma yongera gutsindwa na Kiyovu Sports nayo imaze kuyigira insina ngufi muri iyi myaka ibiri ishize.

    Gutsindwa na APR FC byazamuye umujinya w'abafana ba Rayon Sports idaheruka igikombe, bagaragaje akababaro kabo ndetse binavugwa ko banatoboye amapine y'imodoka y'umutoza Masudi Djuma.

    Bidateye kabiri, Rayon Sports yongeye gutsindwa na mukeba wayo Kiyovu Sports ibitego 2-0, bishyira mu mwijima abakunzi b'iyi kipe batekereza kwegukana igikombe cya shampiyona uyu mwaka.

    Uyu musaruro w'uyu mutoza w'umurundi utamaze igihe kirekire agarutse muri Rayon Sports, watumye buri ruhande ruhaguruka kugira ngo hashakwe umuti ugarura ikipe mu mujyo w'intsinzi.

    Biravugwa ko kuri uyu wa Mbere tariki ya 06 Ukuboza, Komite ya Rayon Sports na bamwe mu bakinnyi b'iyi kipe bateranye, bafata umwanzuro wo kwirukana Masudi Djuma kubera umusaruro mubi.

    Muri iyi nama y'igitaraganya, haganiriwemo n'ibishobora kuzahabwa uyu mutoza wari ugifite amasezerano arenze umwaka muri iyi kipe 'ikundwa kurusha izindi' mu Rwanda.

    Rayon Sports yanatangiye gushaka umusimbura wa Masudi, aho bikomeje kuvugwa ko Irad Zaafouri ukomoka muri Tunisia ari we ushobora kuzaba umutoza mushya wa Rayon Sports mu minsi iri imbere.

    Masudi Djuma ari mu muryango usohoka muri Rayon Sports

    Source : https://inyarwanda.com/inkuru/112333/rayon-sports-yahagaritse-umutoza-mukuru-masudi-djuma-112333.html

  • Burundi: Inkongi y’umuriro yibasiye gereza ya… – #rwanda #RwOT

    Prosper Bazombanza (Vice president w'Uburundi), yavuze ko 69 bakomeretse, harimo 34 bari kuvurirwa ku bitaro, abandi 35 bakaba bakomeretse byoroheje kandi ko bavuwe bagasubizwa  kuri gereza.
     

    Umwe mu mfungwa yavuze ko imodoka zishinzwe kuzimya umuriro zahageze ariko zigasanga ibyononekara byarangije kononekara, kuko umuriro watangiye bakiryamye kandi wari mwinshi.

    Umuntu utashatse ko amazina ye amenyekana  yavuze ko abaforomo bose bo ku bitaro bikuru bya Gitega bari batumweho kugira ngo bafashe gukuramo abahasize ubuzima n’abakomeretse.

    Gereza ya Gitega ifite ubushobozi bwo gufunga abantu 400 ariko ikaba kuri ubu yari irimo imfungwa zirenga igihumbi, ubwo mu kwa 11 uyu mwaka ACAT-Burundi, Ishirahamwe ryo kurwanya iyicarubozo ryabitangazaga.

    Nk'uko tubikesha ikinyamakuru Iwacu, si ubwa mbere inkongi yibasira iyi gereza  kuko uyu mwaka nabwo indi nkongi yarabaye, gusa ntihagira uhasiga ubuzima.


     

    Abantu batandukanye ubwo barebaga ibyabaye 

    Source : https://inyarwanda.com/inkuru/112332/burundi-inkongi-yumuriro-yibasiye-gereza-ya-gitega-yahitanye-abantu-38-abandi-benshi-barak-112332.html

  • Dr Sabin Nsanzimana yabaye ahagaritswe ku mwa… – #rwanda #RwOT

    Dr. Sabin Nsanzimana yahagaritswe hashingiwe ku biteganywa n’Iteganywa n’Itegeko Nshinga rya Repubulika y’u Rwanda ryo mu 2003 ryavuguruwe mu 2015, cyane cyane mu ngingo yaryo ya 112, 50(b). Ni itangazo ryateweho umukono na Minisitiri w’Intebe Dr Ngirente Edouard mu izina rya Nyakubahwa Perezida wa Repubulika, Paul Kagame.

    Dr. Sabin Nsanzimana yari Umuyobozi Mukuru wa RBC kuva tariki 29 Nyakanga 2019 ubwo yahabwaga izi nshingano n’Inama y’Abaminisitiri yari iyobowe na Perezida wa Repubulika, Paul Kagame. Ni inshingano yagiyeho asimbuye Dr Conco Umutesi Jeanine wayoboye iki kigo kuva mu 2016 mu kwezi kwa Kabiri (Gashyantare).

    Mbere y’uko ahabwa kuyobora RBC, Dr Nsanzimana yari asanzwe ari Umuyobozi w'Ishami rishinzwe kurwanya SIDA n'izindi ndwara zandurira mu mibonano mpuzabitsina. Dr. Sabin Nsanzimana ni umuganga w'inzobere mu guhangana n'icyorezo cya SIDA. Afite impamyabumenyi y'icyiciro cya gatatu cya Kaminuza (Master’s Degree) mu bijyanye no kurwanya ibyorezo (Clinical Epidemiology) yakuye muri Kaminuza y'u Rwanda.

    Dr. Sabin Nsanzimana yahagaritswe ku mwanya w’Umuyobozi Mukuru wa RBC

    Itangazo ryavuye mu Biro bya Minisitiri w’Intebe ku mugoroba w’uyu wa Kabiri

    Source : https://inyarwanda.com/inkuru/112331/dr-sabin-nsanzimana-yabaye-ahagaritswe-ku-mwanya-wumuyobozi-wa-rbc-112331.html

  • Dr Sabin Nsanzimana wayoboraga RBC yahagaritswe ku mirimo ye mu buryo butunguranye #rwanda #RwOT

    Mu itangazo ryaturutse mu biro bya Minisitiri w'Intebe kuri uyu wa 07 Ukuboza 2021, rivuga ko Perezida wa Repubulika y'u Rwanda, Kagame Paul ashingiye ku itegeko Nshinga rya Repubulika y'u Rwanda ryo muri 2003 ryavuguruwe muri 2015, cyane cyane mu ngingo yaryo ya 112, imuha ububasha bwo gushyiraho no kuvanaho abayobozi b'ibigo bya Leta ndetse n'ibiyishamikiyeho bifite ubuzima Gatozi, yabaye ahagaritse Dr Sabin Nsanzimana ku mwanya w'Umuyobozi mukuru w'Ikigo cy'Igihugu gishinzwe Ubuzima-RBC, kubera ibyo agomba kubazwa akurikiranyweho.

    Dore uko itangazo ryashyizwe kuri Twitter rivuga;

    Dr Sabin Nsanzimana, yari umuyobozi wa RBC guhera mu mwaka wa 2019 ubwo yasimburaga Dr Condo Jeanine. Mbere yo guhabwa uyu mwanya, yari muri iki kigo cya RBC nk'umuyobozi w'ishami rishinzwe kurwanya SIDA.

    intyoza

    Source : https://www.intyoza.com/dr-sabin-nsanzimana-wayoboraga-rbc-yahagaritswe-ku-mirimo-ye-mu-buryo-butunguranye/

  • Kamonyi: Meya Dr Nahayo araburira uzahirahira kwaka umuturage'Ruswa' akeneye Serivise #rwanda #RwOT

    Umuyobozi mushya w'Akarere ka Kamonyi, Dr Nahayo Sylvere, avuga ko nta muturage ukwiye kwakwa ikiguzi cya serivisi yaka, ko ndetse umukozi uzagaragarwaho n'iyi migenzereze bizamugora kurushaho kuko ruswa ijyana n'akarengane kandi akaba ari icyaha gihanwa n'amategeko.

    Mu kiganiro Meya Dr Nahayo yahaye intyoza.com, avuga ko umuturage akwiye kujya ku isonga kuko ibimukorerwa byose bigomba kuba bimushingiyeho. Yagize ati' Icyo dushishikariza abaturage bacu, turabibutsa ko badakwiye kugira ikiguzi batanga kugirango bahabwe serivisi kuko ni akarengane kuba wakwishyura ibyo wemererwa n'amategeko'.

    Meya Dr Nahayo, yibutsa ko utanga serivisi wese akwiye kujya yishyira mu mwanya wa mugenzi we umugana aje kumwaka serivisi mu gihe nawe yaba ayatswe agasabwa kwishyura ikiguzi nawe yaka umugannye.

    Yagize ati' Ese wowe waka iyo ruswa cyangwa icyo kiguzi, uramutse ugiye gusaba serivisi bakakwaka iki kiguzi waka abandi wagitanga?, niba rero wowe utagitanga ntabwo ukwiye kucyaka nawe'.

    Yongeraho ko yifuza ko buri muturage ujya kwaka serivisi mu nzego z'ubuyobozi kuva mu mudugudu kugera ku rwego rw'akarere ntawe ukwiye gutinzwa mu gihe yujuje ibisabwa byose, ko utinza serivisi akwiye kubiryozwa.

    Meya Dr Nahayo yagize ati' Twifuza ko buri muturage akwiye guhabwa serivisi ku gihe kuko yujuje ibyo asabwa byose, ariko na none wowe urenganya mugenzi wawe akugannye uba ukwiye kubiryozwa kuko ntukwiye guhembwa amafaranga ya Leta ngo wongereho n'ayo wiba abaturage. Urimo kumunga ubukungu bwe wenda nawe adafite'.

    Mu bindi Meya Dr Nahayo agarukaho, avuga ko ajya kwiyamamaza yari afite imirongo  migari yo kureba ibituma abaturage basubira inyuma mu iterambere aho kuzamuka, kureba uko serivisi ahabwa zaba nziza cyane maze ibyo akora akabikora yishimye kuko ngo iyo yatswe ruswa aba amaze gutabwa mu karengane kandi icyifuzwa ari ugushakira ineza abaturage nabo bakagira uruhare mu bibakorerwa bishimye.

    Ashimangira ko ntawe ukwiye kugura serivisi, ko uhuye n'ikibazo nk'icyo akwiye kubimenyesha inzego bityo ushaka ruswa agatabwa muri yombi hakiri kare kuko ibyo akora yihishe byitirirwa benshi kandi byakozwe n'umuntu umwe bityo icyasha kikajya kuri benshi barengana.

    Mu bihe bitandukanye ndetse na n'uyu munsi mu Karere ka Kamonyi, hari abaturage bagiye bagaragaza ko hari serivisi basaba ntibazibonere igihe, bagasiragizwa ngo bakunde bibwirize, bigafata igihe hagamijwe kubaka ruswa, aho kenshi hatungwa urutoki mu itangwa ry' ibyangombwa byo kubaka ndetse n'izindi serivisi zitangirwa mu biro by'ubutaka kimwe n'ahandi abaturage bagenda bagaragaza ko babangamiwe na serivise mbi bahabwa ziganisha ku kwereka umuturage ko asabwa kwibwiriza.

    Akimana Jean de Dieu

    Source : https://www.intyoza.com/kamonyi-meya-dr-nahayo-araburira-uzahirahira-kwaka-umuturageruswa-akeneye-serivise/

  • Byiringiro Lague wa APR FC yakoze ubukwe, Gen James Kabarebe yemera kububakira (AMAFOTO) #rwanda #RwOT

    Rutahizamu wa APR FC, Byiringiro Lague yakoze ubukwe na Uwase Kelia bamaze imyaka igera muri 4 bakundana, ni ubukwe bwitabiriwe n’umujyanama wihariye wa Perezida wa Repubulika y’u Rwanda mu by’umutekano akaba na perezida w’icyubahiro wa APR FC, Gen James Kabarebe wemeye kububakira.

    Ubu bukwe bwabaye kuri uyu wa Kabiri tariki ya 7 Ukuboza 2021, ni nyuma y’uko bwagombaga kuba ku wa Gatandatu w’icyumweru gishize ariko buhurirana n’umukino ukomeye APR FC yari ifitanye na RS Berkane muri Maroc ku Cyumweru wa CAF Confederation Cup.

    Byabaye ngombwa ko uyu rutahizamu abanza gukina uyu mukino yanatsinzemo igitego ariko birangira basezerewe kuko RS Berkane yatsinze ibitego 2.

    Mu gitondo cyo kuri uyu wa kabiri nibwo habaye umuhango wo gusaba no gukwa, ukaba wabereye kuri Luxury Garden, Norvege.

    Byiringiro Lague akaba yari ashagawe n’abakinnyi bagenzi be, barimo Buteera Andrew wari wabaye Parrain we banakinanye muri APR FC ubu akaba ari muri AS Kigali.

    Yari yambariwe kandi n’abakinnyi bakinana muri APR FC barimo Nshuti Innocent, Rwabuhihi Aime Placide, Nsabimana Aimable, Ruboneka Bosco, Mugunga Yves na Buregeya Prince.

    Nyuma y’umuhango wo gusaba no gukwa, bahise bajya gusezerana imbere y’Imana mu itorero rya Philadelphia Rhema Church, byabereye nabyo muri Luxury Garden ari naho biyakiriye.

    Ubu bukwe bukaba bwatashywe na n’umujyanama wihariye wa Perezida wa Repubulika y’u Rwanda mu by’umutekano akaba na perezida w’icyubahiro wa APR FC, Gen James Kabarebe.

    Gen James Kabarebe akaba yavuze ko nubwo atabatwerereye ariko agiye kububakira aho yavuze ko azabubakira inzu kandi nziza.

    Ati 'Lague na Kelia sinabatwerereye, impamvu ntabatwereye ndayibabwira, byari kugarukira muri ibi bintu mubona hano, ntabyo muri butahane murabisiga hano, ariko nagira ngo nimutuza nzabubakira kandi neza, nibyo bizabagirira akamaro kurusha ibi, nari mbizi ko hari abandi bazabikora na APR FC yarabikoze murabibona ariko njye nagira ngo nzabubakire, mubone intangiriro namwe muzubakira abandi.'

    Ubu bukwe kandi bwari bwitabiriwe n’abandi bantu batandukanye barimo Nshuti Domique Savion a Nsabimana Eric Zidane ba Police FC, Ntwari Fiacre umunyezamu wa APR FC.

    Ku wa Kabiri tariki ya 28 Nzeri 2021, nibwo Byiringiro Lague yafashe umwanzuro yambika Kelia bamaze imyaka igera muri 4 bakundana impeta ya fiançailles, amusaba ko yazamubera umugore.

    Undi yarabyemeye ndetse mu gitondo cyo ku wa Kane tariki ya 30 Nzeri 2021 nibwo basezeranye imbere y’amategeko mu Murenge wa Nyarugenge, Akarere ka Nyarugenge mu Mujyi wa Kigali.

    Byiringiro Lague na Uwase Kelia nubwo batakunze gushyira hanze iby’urukundo rwabo cyane nk’ibindi byamamare, barakundanaga cyane ndetse n’isnhuti zabo za hafi zari zibizi.

    Source : http://isimbi.rw/siporo/article/byiringiro-lague-wa-apr-fc-yakoze-ubukwe-gen-james-kabarebe-yemera-kububakira-amafoto

  • Dr Sabin yatangiye gukorwaho iperereza na RIB #rwanda #RwOT

    Urwego rw'Ubugenzacyaha RIB rwatangaje ko rwatangiye gukora iperereza kuri Dr Sabin Nsanzimana wayobora Ikigo cy'Igihugu Gishinzwe Ubuzima RBC.

    Icyakora ari gukurikiranwa adafunze.

    Uru Rwego ntirwashatse gutangaza ibikubiye muri iryo perereza riri gukorwa.

    RIB iti 'Ku bw'inyungu z'iperereza kugeza ubu ntacyo twatangaza.'

    Kuri uyu wa Kabiri tariki 7 Ukuboza 2021, nibwo ibiro bya Minisitiri w'Intebe byasohoye itangazo rivuga ko DR Sabin yabaye ahagaritswe, ku mwanya w'Umuyobozi wa RBC kubera ibyo agomba kubazwa akurikiranweho.

    Dr Sabin Nsanzizama yatangiye kuyobora RBC muri Byakanga mu mwaka wa 2019.

    The post Dr Sabin yatangiye gukorwaho iperereza na RIB appeared first on FLASH RADIO&TV.

    Source : https://flash.rw/2021/12/07/dr-sabin-yatangiye-gukorwaho-iperereza-na-rib/?utm_source=rss&utm_medium=rss&utm_campaign=dr-sabin-yatangiye-gukorwaho-iperereza-na-rib

  • Impinduka muri Miss World ninkumi 10 zishobo… – #rwanda #RwOT

    Uyu mugore usanzwe ukora mu by'imiti, ategura abakobwa bitabira amarushanwa y'ubwiza [Pageant Coach]. Ni we wateguye abakobwa bitabiriye Miss Supranational, ni nawe wateguye Miss Umunyana Shanitah waserukiye u Rwanda muri Miss East Africa iri kubera muri Tanzania n'abandi.

    Irushanwa rya Miss World riri kubera muri Teritwari ya Puerto Rico mu mpera z'Ugushyingo 2021, aho u Rwanda ruhagarariwe na Miss Ingabire Grace.

    Riri kuba ku nshuro ya 70, ndetse umukobwa uzatorwa azasimbura umunya-Jamaica Toni-Ann Singh.

    Mu kiganiro na INYARWANDA, Christelle Mucyo yavuze ko mu myaka umunani ishize [Ubwo ni uguhera ku nshuro ya 62], iri rushanwa ryakoze impinduka mu buryo bugaragarira buri wese.

    Akavuga ko ibi bigaragarira ku gihe abakobwa bafata baryitegura. Ati 'Ubona ko ari irushanwa rikomeye cyane, aho n’abakobwa baryitabira usanga bafata amezi menshi yo kuryitegura mu buryo bwa kinyamwuga.'

    Akomeza ati 'Bazanyemo igice cya 'Head to head Challenge' aho abakobwa bakoreshwa ibiganiro, bakabazwa hagati yabo, bongeyemo n'agace ka Siporo no kumurika imideli ndetse no kwiyerekana muri 'Bikini'.'

    Ni irushanwa ryitabirwa n’abakobwa barenga ijana bavuye hirya no hino ku isi bahagaririye ibihugu n’imico yabo. Ingingo y’umuco ni nayo ituma benshi batavuga rumwe ku kwambara bikini aho usanga hari abatabikozwa harimo nk'u Rwanda.

    Ni irushanwa avuga ko ari iry'igiciro kinini, ku buryo hari abakobwa babuze ubushobozi bwo kuryitabira. Akomeza ati 'Iri rushanwa rinasaba ubushobozi mu buryo bw’amafaranga kuko hari nk’abari bafite amahirwe yo kwitwara neza ariko bataryitabiriye kubera inzitizi zimwe na zimwe harimo no kubura Visa.'

    Atanga urugero rw'abarimo Nyampinga wa Uganda n'uwa Tanzania bagowe no kwitabira iri rushanwa kubera kubura Visa, bikarangira uwa Uganda ari we ugiyeyo nabwo ku munota wa nyuma. Ni mu gihe abandi bamazeyo igihe, hari n'ibikorwa bibahesha amanota batangiye gukoraho.

    Christella avuga ko ashingiye ku isesengura yakoze yabonye buri mukobwa uri mu irushanwa yarakoze uko ashoboye mu myiteguro ye. Ati 'Bamwe ubona ko bafashe igihe cyo kwitegura, yaba ari imyenda batwayeyo, uburyo bifotoza, uburyo bavuga, bigaragaza ko byose babifitemo ubushobozi buhanitse.'

    Uyu mugore avuga ko kugeza ubu abakobwa 10 muri 116 bahatanye bashobora kuvamo Nyampinga w'Isi ari umukobwa uhagarariye Cote d'Ivoire [Yahize abandi muri Top Model Competition], U Bufaransa, U Buhinde, Venezuela, Indonesia Afurika y'Epfo, Mexico, Czech Republic, Colombia na Cameroon.

    Christelle abona Miss Ingabire Grace ari kwitwara neza, ariko 'hari byinshi atiteguyeho neza birimo nk'imyenda, uburyo bwo kwifotoza n'ibindi. Ati 'Gusa muri rusange aragerageza kandi akeneye ko Abanyarwanda bamushyigikira.'

    Irushanwa rya Miss World ryatangiye ku 24 Ugushyingo 2021 rizasozwa tariki 18 Ukuboza 2021. Abakobwa bagera ku 116 bavuye hirya no hino ku Isi bahagarariye ibihugu byabo, inzozi za buri wese ni ukuzatahukana ikamba.


    Christelle yavuze ko mu myaka umunani ishize, abategura Miss World bakoze impinduka zigaragarira buri wese

    Christelle Mucyo ukora ikiganiro ‘Ishya’ kuri Televiziyo Rwanda yagaragaje abakobwa 10 bashobora kuvamo Nyampinga w'Isi 2021


    Christelle avuga ko Miss Ingabire Grace ari kwitwara neza, ariko ko hari aho bigera ukabona ko atiteguye neza
    Miss Ingabire Grace uhagarariye u Rwanda muri Miss World, aha barimo bamusiga ibirungo by'ubwiza 'Make up'


    Ingabire Grace ntiyahiriwe mu gace ko kumurika imideli gakondo n'iyindi [Top Model Competition]- Aha yiyerekanaga mu gace k'umwambaro gakondo

    Abakobwa 116 barahatanira kuvamo Miss World 2021

    Source : https://inyarwanda.com/inkuru/112325/impinduka-muri-miss-world-ninkumi-10-zishobora-gutungurana-uko-christella-mucyo-abona-iri–112325.html

  • Byiringiro Lague yasabye anakwa umukunzi we U… – #rwanda #RwOT

    Nyuma yo gutsinda igitego gitanga icyizere mu mukino APR FC yasezerewemo na RS Berkane yo muri Maroc, Byiringiro Lague yashyize hasi godiyo yambara imikenyero ajya gusaba umukunzi we bamaranye igihe bakundana. Uyu muhango wo gusaba no gukwa wabereye mu mujyi wa Kigali mu karere ka Nyarugenge ahazwi nka Norvege.

    Byiringiro Lague w’imyaka 21 y’amavuko, tariki 30 Nzeri 2021 ni bwo yasezeranye na Uwase Kelia imbere y’amategeko. Mu mpera z’iki cyumweru gishize, ni bwo Byiringiro Lague yagomba kujya gusa Kelia ariko kubera umukino APR FC yari ifite bibangombwa ko iki gikorwa cyigiswa inyuma.

    Byiringiro Lague na Uwase Kelia bamenyanye mu 2018 ubwo Byiringiro Lague yari atangiye kuzamurwa mu ikipe ya mbere ya APR FC avuye mu irerero ryayo.



    Muri Nzeri Byiringiro Lague nibwo byiringiro Lague yasezeranye mu murenge


    Urukundo rwabo ntibaruhishe

    Source : https://inyarwanda.com/inkuru/112317/byiringiro-lague-yasabye-anakwa-umukunzi-we-uwase-kelia-amafoto-112317.html

  • Rayon Sports yahagaritse umutoza wayo Masudi Djuma azira umusaruro muke, iyi kipe ikaba yahawe Lomami Marcel wari umwungirije #rwanda #RwOT

    Mu masaha y'umugoroba wo kuri uyu wa kabiri tariki ya 7 Ukuboza 2021, nibwo ubuyobozi bw'ikipe ya Rayon Sports bwatangaje ko uwari umutoza wayo Masudi Djuma Irambona ahagaritswe by'agateganyo kubera umusaruro mubi yagejeje kuri iyi kipe.

    Nk'uko babitangaje babinyujije ku rubuga rwa Twitter rwa Rayon Sports bemeje ko uyu mutoza azize umusaruro mubi.

    Bagize bati'Bitewe n'umusaruro udashimishije ikipe ifite, ubuyobozi bw'umuryango wa Rayon Sports buhagaritse by'agategayo umutoza mukuru Masudi Djuma Irambona mu gihe harimo kwigwa icyateye uwo musaruro udashimishije.'

    Bakomeje bashimangira ko iyi kipe igiye kuba ifitwe n'uwari umutoza wungirije Masudi Djuma, bati 'inshingano yarafite zibaye zihawe umutoza wungirije Lomami Marcel.'

    Uyu mutoza ahagaritswe nyuma yaho bivugwa ko Masudi yagiye agirana ibibazo n'abakinnyi bamwe na bamwe bo muri iyi kipe, ndetse hakiyongeraho ko atari yakabonye abakinnyi 11 abanzamo mu mikino iyi kipe ikina bityo bigatuma umusaruro ukomeza kubura.

    Masudi DJuma ahagaritswe muri Rayon Sports nyuma y'iminsi 143 yari amaze muri iyi kipe ayihawe nk'umutoza mukuru, kuko yashyize umukono ku masezerano tariki ya 17 Nyakanga 2021 icyo gihe akaba yari yasinye amasezerano y'umwaka umwe.

    Uyu mutoza ahagaritswe nyuma y'imikino irindwi ya shampiyona amaze gukina akaba yaratsinze imikino 3, atsindwa 2 ndetse anganya indi 2, yinjije ibitego 10 atsindwa 9, akaba asize Gikundiro ku mwanya wa 4 aho ifite amanota 11.

    Umutoza Lomami Marcel uhawe gutoza Rayon Sports mu gihe kitazwi afite inshingano zo kugarura iyi kipe mu bihe byiza ahereye ku mukino bazakina n'ikipe ya Gorilla FC mu mpera z'iki cyumweru hakinwa umunsi wa 8 wa shampiyona y'u Rwanda.

    The post Rayon Sports yahagaritse umutoza wayo Masudi Djuma azira umusaruro muke, iyi kipe ikaba yahawe Lomami Marcel wari umwungirije appeared first on RUSHYASHYA.

    Source : https://rushyashya.net/rayon-sports-yahagaritse-umutoza-wayo-masudi-djuma-azira-umusaruro-muke-iyi-kipe-ikaba-yahawe-lomami-marcel-wari-umwungirije/?utm_source=rss&utm_medium=rss&utm_campaign=rayon-sports-yahagaritse-umutoza-wayo-masudi-djuma-azira-umusaruro-muke-iyi-kipe-ikaba-yahawe-lomami-marcel-wari-umwungirije