Blog

Umukuru w’Igihugu yanditse agira ati “Umuryango wanjye nanjye tubifurije mwese ibihe byiza by’iminsi mikuru. Twabitangiye neza n’abanjye…, ndabakunda”.

Perezida Kagame yatanze ubu butumwa buri kumwe n’amafoto, aho yari ari mu busitani arimo gutera agapira, hari n’imbwaebyiri ziri iruhande rwe.

Nimwiza Meghan, umuvugizi wa Rwanda Inspiration Back Up, mu kiganiro n’abanyamakuru

Mu kiganiro n’itangazamakuru kuri uyu wa 24 Ukuboza 2021, nibwo Rwanda Inspirational Back Up yashyize ahagaragara ingengabihe y’uko igikorwa cyo gutoranya nyampinga uhiga abandi mu bwiza no mu muco kizagenda.

Nimwiza Meghan, umuvugizi wa Rwanda Inspiration Back Up, yashyize ahagaragara ingengabihe izagenderwaho kugeza Abanyarwanda bamenye nyampinga w’u Rwanda 2022.

Iri rushanwa amajonjora yaryo y’ibanze ya mbere akaba azatangirira mu Ntara y’Amajyaruguru, akazaba ku wa 29 Mutarama 2022, hakazarara hamenyekanye abakobwa bazahagararira iyo Ntara.

Tariki ya 30 Mutarama 2022, mu Ntara y’Iburengerazuba nibwo hazakorwa amajonjora, mu gihe mu ntara y’Amajyepfo ku wa 5 Gashyantare 2022 aribwo icyo gikorwa kizaba.

Abakobwa bazahagararira Intara y’Iburasirazuba bo bakaba bazatoranywa ku wa 6 Gashyantare 2022.

Mu Mujyi wa Kigali ni ho hazamenyekana bwa nyuma abakobwa bazajyana n’abandi muri 'bootcamp’, bikazakorwa ku wa 12 Gashyantare 2022, maze 'pre selection’ ikazaba ku wa 26 Gashyantare 2022, aribwo bazatoranya abakobwa bahize abandi bakabona amahirwe yo gukomeza.

Abanyamakuru n’abandi bitabiriye icyo kiganiro

Umuhango nyamukuru utegerejwe n’imbaga y’Abanyarwanda wo kumenya Nyampinga uhiga abandi uzahabwa ikamba rya Miss Rwanda 2022, usimbura Ingabire Grace wari urifite muri 2021 ukazaba ku wa 19 Werurwe 2022.

Nyampinga 2022, azagenerwa umushahara w’ibihumbi 800Frw mu gihe cy’umwaka wose ndetse agahabwa n’ibindi bihembo bitandukanye birimo imodoka ya Hyundai igezweho, yifitemo ikoranabuhanga ritamenyerewe hano mu Rwanda.

IT zone Ltd, ni amagambo ahinnye asobanura, Information Technology Zone, bivuze ngo ni ahantu ikoranabuhanga ribarizwa.

Mu kujyana n’umuvuduko w'ikoranabuhanga Isi iri kugenderaho muri iki gihe, IT zone yaje gutanga umusanzu ukomeye utuma abantu badasigara inyuma muri iryo terambere.

Ku bigendanye na mudasobwa (computer, desktop, laptops), Smart phone, Router, Camera, ndetse n'ibindi bikoresho bya Telectronic, IT zone ltd nibyo yihariyeho.

IT Zone ikora imirimo iri mu ngeri zitandukanye zijyana n'ubushabitsi,  aho muri rusange wasanga ibicuruzwa. Muri IT Zone Ltd, bacuruza detaye bakanaranguza computers (desktop na laptops), banaranguza smart phones z'ubwoko  bwose.

Si ibyo gusa kuko bararanguza accessories zose za computer na telephones, bahatanira amasoko y'ibikoresho by'ikoranabuhanga, gukora no gusana ibikoresho bya electronic (repairing & Maintainace).

Gukora installation za network na internet, gutumiriza abakiriya  ibicurunza mu mahanga, gukora no gusubiramo Website na Graphic design (web design), gutanga imenyerezamwuga (Internship) n'amahugurwa kubijyanye n'ikoranabuhanga (internships& trainings).

Mu gihe izi serivisi n’ibicuruzwa bitangwa n’inzobere muri uyu mwuga zimaze imyaka irenga icumi y'ubunararibonye, IT Zone wifuza serivisi zabo zinyuranye wabahamagara kuri +250788247133/+250788357523.

Umwihariko wa IT Zone ni uko ibijyanye na serivisi z'ubufasha kubijyanye n’ikoranabuhanga, birimo gusuzumisha no kugisha inama bitangirwa ubuntu muri iyi kompanyi.

Ubucuruzi na serivise zose za IT zone ltd igeza ku bakiriya, bisangwa aho bakorera, Rwanda -Kigali- Nyarugenge, mu nyubako ya CHIC muri etage ya mbere, umuryango EO47A, cyangwa ugasura urubuga rwabo rwa Internet www.itzone.rw 

Bakoresha kandi n'imbugankoranyambaga zirimo Instagram, Facebook n'izindi hose ni IT Zone  Rwanda. Muri ibi bihe bisoza umwaka hashyizweho poromosiyo kuri buri gicuruzwa na service zitangwa muri iyi kompanyi.

IT Zone ikorera muri Chic wabagana bagufitiye serivisi nziza

Bacuruza bakanakora ibikoresho by’ikoranabuhanga birimo mudasobwa n’ibindi

Telephone zo muri IT Zone ziraramba kandi zirahenutse

Ikiza cya IT Zone nuko wifuje ubujyanama no gususumisha igikoresho cyawe babigukorera kinyamwuga kandi k’ubuntu

Abagannye IT Zone mbere bayivuga imyato

Bagane nawe wigurire ibikoresho bitandukanye kandi bihendutse 

Abaturage barasaba kubakiza abanyarugomo batega abantu bakabakomeretsa bakanabambura

Mu Midugudu ya Susa, Burera na Muhe mu Murenge wa Muhoza, ni hamwe mu duce tumaze iminsi tugaragaramo abakorerwa urugomo.

Mukasekuru Florida, Kigali today iheruka kumusanga arwariye iwe mu rugo, nyuma yo gukomeretswa n’abantu atabashije kumenya, bamutangiriye mu muhanda w’ahitwa ku mapave, mu Kagari ka Ruhengeri ubwo yarimo yerekeza iwe mu rugo, bamukomeretsa mu maso, mu gituza no mu kiganza bakoresheje icyuma, ku bw’amahirwe ntiyahasiga ubuzima.

Yagize ati 'Nari mu nzira ntaha mvuye aho ncururiza, ngeze muri uwo muhanda mpura n’abantu babiri, bari bipfutse ibintu mu maso, ngira ngo ni abagenzi basanzwe. Nigiye imbere gato umwe aba anturutse inyuma atangira kuniga. Mu gihe nari nkigerageza kwiramira, mugenzi we yahise anjomba icyuma ku itama, ajomba mu ijosi no mu gatuza arangije anshishimura mu kiganza, nacyo agikomeretsa bikomeye'.

Akomeza ati 'Umenya ari Imana yabibayemo ikandinda urupfu, kuko ubwo ibyo byabaga, sinzi aho nakuye akabaraga, ndabishikuza, nirukankira mu gisambu cyari hafi aho ndimo mvirirana, umuhogo bawukanze ntagishobora kuvuga. Nibwo nagiye kwa muganga aho bari banjombaguye ibyuma barahadoda, barampfuka, nzanzamuka gutyo!'

Abatuye muri ako gace, kimwe n’abo mu tugari tugize Umurenge wa Musanze bihana imbibi, bahamya ko abakora urugomo muri ubu buryo, babahangayikishije, bagasaba ubuyobozi gukaza ingamba zirimo no kubashakisha, bagafatwa, kandi bakajya bahanwa by’intangarugero.

Uwitwa Nyiraguhirwa Valerie agira ati 'Abo banyarugomo baba bacunga abanyerondo ku jisho, uduce baba batagezemo bacunga umutekano cyangwa aho abo banyerondo bashinguye ibirenge, bakaba ariho bajya gutegera abantu. Ahubwo dufite impungenge ko bazatumara, kuko uru rugomo badukanye rwo kuniga abantu no kubakomeretsa bigeze kuri ruriya rwego, rufite ubukana'.

Abo banyarugomo ngo kenshi bitwikira ijoro cyangwa bakazindukira mu mihanda nyabagendwa, akaba ariho batangira uwo bahuye na we, bamara kumukorera urugomo, bagakwepera mu bisambu n’amashyamba bihakikije.

Nyiraguhirwa akomeza agira ati 'Bafite amayeri yo gutegera abantu mu duce turi hafi y’amashyamba n’ibihuru, bifashisha nk’ubuhungiro bwabo iyo bamaze kwambura umuntu. Kubirukankaho ntibiba bigishoboka kuko baba bamusize ari intere, yewe n’uwagerageza gutabara, ntiyakwibeshya ngo abirukeho, kuko barimutsindamo'.

Ati 'Hari n’ubwo bikinga ku bipangu, waba ugisohoka cyangwa winjiramo bakagushikuza ibyo ufite bakiruka. Turasaba ubuyobozi kureba uko iki kibazo cy’amabandi bagikumira kuko noneho ubukana afite burenze ukwemera'.

Hari abatunga agatoki bamwe mu bashumba, insoresore zananiranye ndetse n’inzererezi zibeshejweho no kwiba iby’abandi.

Umuyobozi w’Akarere ka Musanze, Ramuli Janvier, avuga ko Akarere n’inzego z’umutekano, zifatanya umunsi ku wundi gutahura no guhana abakora bene ibi byaha, aho bamwe bashyikirizwa inkiko abandi bakajyanwa mu bigo ngororamuco.

Yagize ati 'Turahumuriza abaturage, tubamenyesha ko tudasinziriye cyangwa ngo twicare, kuko tuzi neza ko hari abagerageza guca mu rihumye inzego z’ubuyobozi n’umutekano, bakorera abandi urugomo. Bene nk’abo turabashakisha, bagashyikirizwa ubutabera bukabakurikirana; hakaba n’abo twohereza kugororwa mu bigo ngororamuco, aho muri iyi minsi mu Karere ka Musanze honyine, tubarura abasaga 400 bari mu bigo dufite, bigishwa kureka iyo myitwarire idahwitse'.

Abakora urugomo rwo kwamburira abantu mu mihanda bahita birukankira mu mashyamba n’ibihuru biyikikije

Meya Ramuli asaba abaturage kugira uruhare mu bibakorerwa, barushaho gufatanya n’ubuyobozi gukaza amarondo, kugira ngo umutekano urusheho kubungabungwa.

Yagize ati 'Muri wa murongo tugenderamo w’uko buri muturage agira uruhare mu bimukorerwa, turasaba ko buri wese abigira ibye. Bitabire amarondo kandi n’ugize impamvu ituma ataboneka ngo yifatanye n’abandi, hari uburyo bwagenwe bwo gutanga umubyizi w’amafaranga, kugira ngo dushyigikire umutekano. Dusaba abaturage ko ibi babigira ibyabo, bityo bidufashe guca intege abagerageza guhungabanya ituze'.

Uretse aba 20, abandi 3 barimo uwitwa Eddy Kayonga, Rukundo Bolly na Nzabonimpa Serge bafatiwe mu Murenge wa Nyarugunga mu Karere ka Kicukiro ahagana saa sita z’ijoro bateje urusaku barimo kunywa inzoga.

Muri 20 bafatiwe mu birori by’isabukuru y’amavuko ya Dufitumugisha, harimo umuhanzi ukora injana ya Hip Hop witwa Oddo Nizeyimana uzwi nka Khalifan, ufatiwe mu birori ku nshuro ya kabiri yarenze ku mabwiriza yo kwirinda covid-19, kuko mu mpera za Nzeri, nabwo yari yafatiwe mu birori by’isabukuru y’amavuko mu Murenge wa Kanombe mu Karere ka Kicukiro barenze ku mabwiriza yo kwirinda Covid-19.

Aganira n’itangazamakuru ubwo baryerekwaga kuri uyu wa Gatanu tariki 24 Ukuboza 2021, Khalifan yavuze ko nta byinshi afite byo kuvuga uretse kwemera ko barenze ku mabwiriza yo kwirinda covid-19.

Ati 'Ni ibi byambayeho, twarenze ku mabwiriza yo kwirinda covid-19, ndasaba imbabazi Abanyarwanda bose muri rusange'.

Abajijwe impamvu yongeye kwisanga mu ikosa risa neza n’iryo yari yarakoze mu mezi abiri ashize, Khalifan yagize ati 'ntacyo ndi burenzeho aho ngaho, nta kintu ndi bubatangarize, ibyo murimo kubona izi ni zo ngaruka zo gukora icyaha, gusa twirinde covid-19, tugendere ku mategeko'.

Vicky Uwase avuga ko bafatiwe mu birori kandi bitemewe gusa ngo arabyicuza.

Ati 'Impamvu nafashe umwanzuro wo kubijyamo ni na yo mpamvu ingaruka zirimo kungeraho, ni na yo mpamvu nemera kwicuza, kuko nakuyemo isomo ry’uko ngomba kubaha amabwiriza n’amategeko bya Leta, hanyuma isomo naha abandi ni ukwirinda mu rwego rwo kugira ngo icyorezo kireke gukomeza kuba cyinshi mu gihugu'.

Umuvugizi wa Polisi wungirije, CSP Africa Apollo Sendahangarwa, avuga ko bose uko bafashwe bafatiwe mu ngo bari mu birori bitandukanye bihabanye n’amabwiriza yo kwirinda covid-19.

Ati 'Nijoro hafashwe abantu bagera kuri 23 bafatiwe ahantu hatandukanye, bakoreye ibirori mu ngo, kandi muzi igihe turimo, n’amabwiriza yashyizweho na guverinoma, y’uko ibirori by’amoko ayo ari yo yose, uko bimeze bibujijwe, kubera ko muzi ko icyorezo cya covid-19 kimaze iminsi cyariyongereye, kirimo kugaragaza ko imibare irimo kwiyongera cyane, twashyiriweho amabwiriza na guverinoma, twebwe nka polisi tugomba kuyashyira mu bikorwa tureba abatayubahiriza'.

Uretse aba 23 bafashwe kuri uyu wa 23 Ukuboza, hari abandi 16 na bo baheruka kwerekwa itangazamakuru tariki 22 Ukuboza, bafatiwe mu birori bari bakoreye mu rugo ku wa 21 Ukuboza 2021, barimo bane basanganywe covid-19.

Mu gihe abantu barimo kwizihiza iminsi mikuru isoza umwaka wa 2021 ndetse n’ibyo gutangira umwaka wa 2022, polisi irasaba abaturarwanda bose kwishimisha ariko bakirinda gukora amakosa yatuma barenga ku mabwiriza yo kwirinda covid-19 cyangwa gukora ibindi bitemewe n’amategeko.

Mu mafoto meza amugaragaza ari mu karuhuko mu rugo ari gukina n’imbwa, ari mbuga ngari, Perezida Kagame yavuze ko we n’umuryango we bifurije iminsi mikuru myiza.

Yagize ati 'Njye n’umuryango wanjye tubifurije iminsi mikuru myiza. Njye natangiye ijyanjye… !!'

Ubu butumwa buherekeje amafoto yashyizeho ari gukina n’imbwa ebyiri, Perezida Kagame yasoje agira ati 'Ndazikunda.'

Perezida Paul Kagame yari aherutse n’ubundi kwifuriza Abanyarwanda kuzagira umwaka mwiza ubwo yakiraga indahiro za Gasana Alfred uherutse kugirwa Minisitiri w’Umutekano w’imbere mu Gihugu.

Perezida Kagame yari yagize ati 'Twizere ko umwaka uza uzaba mwiza kuruta uwo turangije n’uwo twarangije mbere yawo ubwo ndavuga izi ngorane zose Isi igenda ihura na zo za COVID-19.'

Gusa icyo gihe Perezida Kagame yaboneyeho Abanyarwanda kuzarushaho kwirinda icyorezo cya COVID-19 mu bihe by’iminsi mikuru kuko bashobora kuzayizihiza bayirengagije bikazateza ibibazo.

Yagize ati 'Ntabwo twakwirara nubwo twari twifashe neza twarushaho ingamba zo kwirinda tukajya mu minsi mikuru neza nubwo kujya mu minsi mikuru turangiza umwaka ubwabyo byongera bikazamura umubare w’abandura.'

Havugimana Janvier, murumuna wa Habarurema Manasseh

Umuvandimwe we bahuje nyina Havugimana Janvier na we w’umucuranzi, avuga ko Manasseh yasize indirimbo nyinshi kuri Radiyo Rwanda zirimo: Ikirezi (ivuga ibyiza by’u Rwanda), Umukobwa ni nyampinga, n’iyitwa umugabo bihemu (ivuga ibyamubayeho), ariko zo ntizamenyekanye cyane nka 'Esiteri’.

Muri izo ndirimbo zose Havugimana ni we wavuzaga ingoma bari barikoreye mu bikombe bya Nido n’amashashi, Manasseh akaba yaravuzaga gitari yibarije ubwe.

Havugimana avuga ko Manasseh yagiye ahunze u Rwanda nyuma ya Jenoside yakorewe Abatutsi mu 1994 bakaba bakeka ko yaguye mu buhungiro kuko kuva ubwo batongeye kumubona.

Habarurema Manasseh wavutse mu 1967 ntiyigeze agira amahirwe yo kwiga, habe n’amashuri abanza ariko ngo yari azi gusoma no kwandika, akavuza gitari mu rwego rwo hejuru, kandi ibyo byose yabikoraga afite uburwayi bw’amaso kuko yabonaga ku manywa byagera nijoro ntabone.

Indirimbo 'Esiteri mwana wanshavuje’ benshi bajya bibwira ko yayiririmbiye umukobwa yakunze, ariko Havugimana avuga ko we na Manasseh bayiririmbiye akana gato basanze mu rugo rwari rwabatumiye kuri Noheli mu 1989, ako kana kakabakunda cyane.

Amateka maremare ya Manasseh, yakurikire muri iki kiganiro:

Urugomero rw’amashanyarazi rwubatse mu kagari kabo ariko nta muriro bagira mu ngo zabo, bacana udutadowa

Kugeza ubu ako Kagari ka Bumara kari mu icuraburindi, aho abaturage babayeho bacana ibishishimuzo (ibibingo) n’udutadowa nk’uko babyivugira, ibyo bikabagiraho ingaruka zo gusigara inyuma mu iterambere n’abana bakaba batabasha kwiga uko bikwiye.

Ubwo Kigali Today yabasuraga, mu gahinda kenshi bayitangarije uburyo batumva ukuntu akagari kabo kaba ikigega cy’umuriro w’amashanyarazi, aho urugomero rutanga Megawatt zisaga enye, rwubatse mu hahoze ari imirima yabo, ariko ngo bagatangazwa no kudafashwa kugezwaho umuriro, dore ko hari na bamwe bavuga ko kuva mu mwaka wa 2013, urwo rugomero rwubakwa batarahabwa ingurane.

Umusaza witwa Rukemanganizi Phocas ati 'Nta muriro tugira, biratubabaza kuba tudacana kandi amasambu yacu yubatsemo urugomero, twibera mu icuraburindi'.

Arongera ati 'Tugize inzara yo kubura ingurane tugize kuba mu kizima, twe abatuye mu Kagari ka Bumara twarumiwe, ni ugucanisha ibishishimuzo, ibibingo, nta n’umwe ufite umuriro muri aka gace! Ubu dutegereje Perezida Kagame ni we uzumva ibibazo byacu, kuko aka karere kayobowe n’abayobozi benshi bagenda babahinduranya, nta n’umwe wigeze adutekerezaho'.

Karimutumye ababazwa no gucana ibibingo kugira ngo abone kandi urugomero rwubatswe mu isambu ye

Karimutumye Kapitolina ati 'Ntabwo tuzi icyo Bumara izira, utugari twose tudukikije baraducaniye, ndetse uyu muriro urambuka ukajya gucanira muri Gakenke na Nyabuhu, ibaze kubura umuriro kandi amasambu yacu ariyo yubatsemo uru rugomero rwa Mukungwa ya Kabiri. Muturwaneho mutuvugire, ni gute twagira urugomero rw’amashanyarazi tukabura umuriro? Abacana ntibarenze batatu bafite ubushobozi, biguriye umurasire'.

Mugenzi we witwa Ladislas Mugabugirababo ati 'Umuriro ntawo kandi urugomero rumaze imyaka umunani rwubatse muri aka kagari mu masambu yacu. Bakimara kurwuzuza twabonye umuriro bawohereza ahandi hasigara Akagari ka Bumara n’aka Bikara, ntabwo bigeze batekereza bati wenda reka dushinge ipoto duhe umuriro ingo nk’icumi, tuwubona mu kirere wambuka ujya ahandi, twabibwiye abayobozi bati icyo kibazo turimo kugikurikirana bihera mu magambo'.

Abo baturage ngo kutagira umuriro bikomeje kubagiraho ingaruka mu iterambere ryabo, aho n’ukeneye gushariza telefoni ajya mu ngo zo mu tundi tugari bagacibwa amafaranga.

Ikindi kibazo ni icy’abana biga bibagoye aho bakomeje kugira impungenge z’indwara z’ubuhumekero bashobora kwandura kubera gucana udutadowa, ndetse no gutsindwa amasomo kubera kwigira ahantu hatabona neza.

Ni ikibazo cyababaje Umuyobozi mushya w’Akarere ka Musanze, Ramuli Janvier, aho yavuze ko yiteguye kugikemura vuba.

Yagize ati 'Ibyo abaturage bavuga biri mu murongo watanzwe na Perezida wa Repubulika, aho yavuze ko ahantu hose hubatse urugomero abaturage barukikije batagomba gusigara mu icuraburindi, ubwo na bo ikibazo cyabo turagisuzuma vuba, babe bagerwaho n’umuriro'.

Iyi mpanuka yabaye kuri uyu wa Kane tariki 23 Ukuboza 2021 mu Ntara ya Kivu y’Amajyepfo ubwo yari ivuye i Goma.

Ikinyamakuru Washington Post ivuga ko abagenzi batatu bari bari muri iyo ndetse n’abapilote babiri bo muri Kompanyi ya 'Malu Aviation’ baguye muri iyo mpanuka y’indege yari ivuye mu Mujyi wa Goma yerekeza ahitwa Shabunda mu Ntara ya Kivu y’Amajyepfo.

Kashombanya Dieudonné, umuyobozi wa Shabunda yagize ati 'Ubu twatangije iperereza ryo kugira ngo hamenyekane impamvu yateye iyo mpanuka. Twifatanyije n’imiryango y’abantu baguye muri iyo mpanuka.'

Ku rubuga rwa 'Malu Aviation’ bavuga ko indege zabo ubundi zitwara abantu n’imizigo muri ako karere.

Mu Burasirazuba bwa Congo hakunze kumvikana impanuka z’indege rimwe na rimwe bikunze kuvugwa ko biterwa no kuba zishaje.