Blog

Aya mabwiriza areba abantu bo mu Ntara, agena ko imihango y'ubukwe harimo gusaba, ishyingirwa rikorewe imbere y'ubuyobozi bwa leta n'irikorewe mu nsengero no kwiyakira bijyanye n'ubukwe bitagomba kwitabirwa n'abantu barenze 75.

Agena kandi ko ibirori bibera mu ngo bitagomba kurenza abantu 20 kandi utegura ubukwe n'ibirori agomba kubimenyesha inzego z'ubuyobozi mu gihe cy'iminsi irindwi mbere y'uko igikorwa kiba.

Abitabiriye ibyo bikorwa bagomba kwerekana ko bakingiwe byuzuye kandi bipimishije Covid-19 nibura amasaha 24 mbere y'uko ibyo bikorwa biba.

Iri tangazo rikomeza rigira riti 'Aho bishoboka, imihango y'ubukwe n'ibirori bibera mu ngo byabera hanze cyangwa ahantu hagera umwuka uhagije'.

Ahabereye iyo mihango hagomba kuba kandi hari uburyo bwo gukaraba intoki n'umuntu ugenzura ko amabwiriza yo kwirinda Covid-19 yubahirijwe.

Ni mu gihe imihango y'ubukwe n'ibirori bibera mu ngo bitagomba kurenza amasaha atatu.

Aya mabwiriza atangajwe mu gihe icyorezo cya Covid-19 gikomeje gukaza umurego aho ubwandu bugeze kuri 3,9%. Ku wa Gatanu tariki ya 24 Ukuboza, ubwandu bwabonetse ku bantu 629.

CIP Alex Ndayisenga yaburiye abayobozi n’abaturage barenga ku mabwiriza yo kwirinda Covid-19

Mu bantu 15 bari bitabiriye ibyo birori ku wa Gatanu tariki 24 Ukuboza 2021, hafashwe umunani hatabariwemo abayobozi abandi baratoroka.

Abafashwe bose byagaragaye ko nta n’umwe wari wipimishije Covid-19, byiyongeraho ko babiri muri bo batari banikingije inkingo zose nk’uko amabwiriza yo kwirinda Covid-19 abivuga, ndetse ubwo babapimaga ngo harebwe uko ubuzima bwabo buhagaze, byaje kugaragara ko harimo uwanduye Covid-19.

Ari Nzeyimana Jean Vedaste na Mukashema Christine ushinzwe Irangamimerere, bombi bemeye ko bakoze amakosa ndetse ko ibyo bakoze, babitewe n’amarangamutima, bakabisabira imbabazi.

Gitifu Nzeyimana yagize ati “Ndemera ko nakosheje, nkasezeranya abageni ntabanje gusuzuma ko bujuje ibisabwa. Nibwiraga ko Etat civile yabanje kubigenzura ari na yo mpamvu ntiriwe mbitindaho ngahita mbasezeranya. Ndabisabira imbabazi kuko ntujuje inshingano uko bikwiye”.

Mukeshimana we yagize ati “Nanjye ndemera amakosa kuko ntabanje kureba neza ko abitabiriye umuhango wo gusezerana imbere y’amategeko bujuje ibisabwa, bitewe n’uko amasaha yari yadufashe kandi na Gitifu afite indi nama yagomba kujyamo, ari nabyo byatumye ndeka abitabiriye uwo muhango, bakinjira huti huti, barasezerana. Ndicuza ayo makosa kandi rwose ntibizasubira”.

Gitifu Nzeyimana yemeye ko yakoze amakosa yo kutagenzura ko abitabiriye ibirori byo gusezerana bubahirije amabwiriza yo kwirinda Covid-19

Ibirori bikorewe mu ngo bigomba kuba byamenyeshejwe ubuyobozi bw’inzego z’ibanze aho bizabera mu minsi 7 mbere y’uko biba, kandi bakanipimisha mu masaha 24 mbere y’uko biba. Ikindi ni uko bitagomba kurenza abantu 20.

Kuba ba nyiri ibirori batarigeze babimenyesha urwego rw’Akagari, nabyo bikaba biri mu byatumye Gitifu w’Akagari byabereyemo atabwa muri yombi.

CIP Alex Ndayisenga, Umuhuzabikorwa w’Ibikorwa bya Polisi n’Abaturage mu Ntara y’Amajyaruguru, yibukije abayobozi mu nzego z’ibanze ko bafite inshingano zo kugenzura no kureba ko amabwiriza yo kwirinda Covid-19 yubahirijwe.

Yagize ati “Uruhare rwa Gitifu na Etat Civile b’uyu Murenge ni uko batagenzuye neza niba abo basezeranya bujuje ibyo amabwiriza avuga, harimo kureba niba abasezerana n’ababatahiye ubukwe barikingije, bipimishije, bujuje n’ibindi byose bisabwa. Ibyo bagombaga kubanza kubigenzura mbere y’uko basezeranya abageni, kandi biri mu nshingano zabo. Ubwo rero abo bayobozi icyo bakurikiranyweho ni uko batujuje ibyo amabwiriza asaba abayobozi ku rwego rwabo kandi biri mu nshingano zabo”.

Abageni bari bakoresheje ubukwe ni Niyoniringira Angelique na Dusengumuremyi Vedaste, na bo bahereye ku byabayeho, bagira inama abasore n’inkumi bitegura gusezerana, kujya babanza kubahiriza amabwiriza yo kwirinda icyorezo cya Covid-19.

Mukeshimana yemeye amakosa anayasabira imbabazi

Ni mu gihe CIP Ndayisenga aburira abayobozi b’inzego z’ibanze ndetse n’abaturage muri rusange, kutarenga ku mabwiriza, kuko ibihano biteganyirijwe abayarengaho.

Inzego zose zirasabwa ubufatanye mu kugenzura ko ayo mabwiriza yubahirizwa, buri wese yumve ko bimureba ashyire mu bikorwa icyo amabwiriza avuga, hirindwa amarangamutima n’icyizere kugira ngo ubwiyongere bw’abandura Covid-19 bubashe guhagarikwa.

Ku wa Gatatu tariki ya 23 Ukuboza 2021,nibwo iyo miryango yashyikirijwe ibiribwa birimo ifu y'ibigori, umuceri, ibishyimbo, amavuta yo guteka ndetse n'isabune hakaba hari n'umuturage wahawe matela n'imyambaro.

Uwineza Clementine yavuze ko yishimiye ko azizihiza neza iminsi mikuru, Ati 'Byanshimishije cyane kuko nibazaga uburyo nanjye nzizihiza Noheli nta mafaranga na make mfite yo guhaha ibibazo bikandenga ariko kuba bagenzi bacu baduhaye ibyo kurya ndabyishimiye cyane.”

Ingabire Jeanine ufite abana batatu ubarurwa mu cyiciro cya mbere cy'ubudehe wahawe matela kubera ko yaryamaga ku bikarito, yavuze ko abyishimiye.

Ati 'Kurya byari ibintu bingoye kuko dutunzwe n'ibiraka byo guhinga ku buryo iyo nabibonye ni bwo ndya naho kuryama niryamiraga ku bikarito ari na yo mpamvu nshimira aba bantu bantekerejeho bakama matela n'ibyo kurya.'

Umukuru w'Umudugudu wa Rugunga, Ignatius Kabagambe, yavuze ko bahisemo kuremera bagenzi babo batishoboye kugira ngo na bo bazabashe kwizihiza Noheli n'Ubunani neza.

Ati 'Mu Mudugudu wacu utuwemo n'abantu bakize ariko tukagira n'indi miryango mike itishoboye ku buryo ari yo mpamvu twahisemo kubaha ibiribwa kugira ngo igihe tuzaba turimo kurya kuri Noheli n'Ubunani na bo bazabashe kubona amafunguro nkatwe kandi ntibigunge.'

Yakomeje avuga ko uyu Mudugudu wabo usanzwe ufasha abatishoboye no mu bihe bya Guma mu Rugo, ibikorwa nk'ibi bikaba byarakozwe.

Iki gikorwa cyateguwe mu rwego rwo gufasha abatishoboye kwizihiza iminsi mikuru mu byishimo

Imiryango itishoboye igera kuri 25 yahawe ibiribwa bitandukanye

Uretse ibiribwa umwe mu baturage yahawe matela ngo atandukane no kuryama hasi

Ubwo Ingabire Jeanine yashyikirizwaga matela yo kuryamaho

Umukuru w'Umudugudu wa Mugunga mu Kagari ka Muyange, Ignatius Kabagambe, yavuze ko bahisemo kuremera bagenzi babo batishoboye kugira ngo na bo bazabashe kwizihiza Noheli n'Ubunani neza

Iyi gahunda ifasha Abanyarwanda b'ingeri zose barimo abiciwe, abakoze Jenoside bafunze n'abafunguwe, abaturanyi babo n'inshuti zabo ndetse n'abana bavutse ku babyeyi bakozweho na Jenoside, bakongera kwiyumvamo urukundo, ubumuntu n'ubuvandimwe.

Umuhuzabikorwa w'umushinga wa Mvura Nkuvure, Karangwa Diogène, avuga ko atari urugendo rworoshye kuko rusaba ko abakora urugendo rw'isanamitima n'isanamibanire bahura amasaha atatu buri cyumweru, bagahura rimwe mu cyumweru kugeza ibyumweru 15 bishize, kandi bakanyura mu byiciro bitandatu birangira abitabiriye ibiganiro hari intambwe bateye ifatika.

Karangwa asobanura ko ibi biganiro bikorwa mu itsinda ry'abantu 15 batuye ku musozi umwe baziranye, rikayoborwa n'abantu babiri bahuguwe (sociotherapiste) na bo bo kuri uwo musozi.

Ibyo kandi bikorwa no muri gereza aho abantu bahurira ahabugenewe bakayoborwa n'abagororwa bagenzi babo babihuguriwe bityo itsinda rikabategura gusubira mu buzima busanzwe mu gihe bazaba bafunguwe.

Akomeza agira ati 'Baraganira bagahana ibitekerezo bagasangira amarangamutima ashingiye ku mateka yabo n'ay'imiryango yabo, bagahana ibitekerezo by'uburyo barenga zimwe mu ngaruka n'ibibazo bagenda bagira mu buzima bakigiranaho barangiza bagafashanya gutuma ubuzima bukomeza.'

Ibi biganiro kugeza ubu bikorerwa mu turere icyenda tw'u Rwanda turimo Muhanga, Nyanza, Nyamagabe, Gasabo, Gicumbi, Burera, Rulindo, Karongi na Rubavu ndetse no mu magereza atanu arimo iya Gicumbi, Huye, Muhanga, Rubavu na Nyarugenge.

Karangwa avuga ko Mvura Nkuvure imaze gutanga umusaruro ugaragara mu bayitabira.

Ati 'Mu buhamya twagiye tubona bwavaga mu matsinda twagiye tubona ko nyuma yo guca mu biganiro bya Mvura Nkuvure ikigero cy'ihungabana kigenda kigabanuka kuri benshi.'

'Umuntu akavuga ati 'nari maze imyaka 10, 15 ntabasha gusinzira ariko uyu munsi ndabasha gusinzira'. Ubwo rero icyo ni ikimenyetso cyiza kigaragaza ko hari icyo gahunda yagiye ikora ku gukira ibikomere kw'abantu.'

Nyuma y'imyaka itatu CBS Rwanda itanga ubu bufasha ku Banyarwanda bahuye n'amateka ashaririye, irateganya kongeraho umwaka umwe wo gukomeza gukora isanamitima n'isamibanire mu turere dukeneye ubufasha kurusha utundi, aho ifatanya na Prison Fellowship Rwanda, itorero ry'Abangilikani mu Rwanda ndetse na Duhumurizanye Iwacu Rwanda.

Karangwa avuga ko intego bafite ari ugufasha Abanyarwanda guhangana n'ingaruka z'amateka ya Jenoside nubwo bagihura n'imbogamizi z'abantu batarumva neza ko ubuzima bwo mu mutwe bukwiye kwitabwaho.

Asaba inzego za leta, ibigo bitegamiye kuri leta n'Abanyarwanda muri rusange gukomeza gushyira hamwe mu rugendo rwo kubaka Umunyarwanda ufite ubuzima bwiza yaba ubusanzwe n'ubuzima bwo mu mutwe.

Amatsinda arenga 60% yarangije ibiganiro bya Mvura Nkuvure akora ibikorwa byo kuyateza imbere

Baba ari itsinda ry’abantu 15 bayobowe n’abayoborabiganiro babiri babihuguriwe

Nyuma y’imyaka itatu umushinga wa Mvura Nkuvure ufasha Abanyarwanda, Karangwa yavuze ko bagiye kongeraho undi mwaka

Umushinga wa Mvura Nkuvure ukorera mu Turere icyenda hirya no hino mu gihugu

Ni ibirori byari byitabiriwe ndetse biyobowe n'ibyamamare bikomeye mu gihugu cya Tanzaniya, uhereye no kubari bagize akana nkemurampaka basanzwe bazwi mu myidagaduro yo muri Tanzaniya barimo Paul Siniga uzwi nka Rio Paul na Miss Lindah.

Ni ibirori byayobowe na Mimi uzwi nka Chugga Queen mu myidagaduro yo muri Tanzaniya kuko akurikirwa n'abarenga miliyoni ebyiri, abarimo Mama Dangote umubyeyi wa Diamond na Uncle Shamte bavugwa mu Rukundo.

Babu Tale umujyana wa Diamond akaba n'umwe mubagize inteko ishinga amategeko mu gihugu cya Tanzaniya, na Hamissa Mobetto uri mu rukundo na Rick Ross, ni bamwe mu bitabiriye uyu muhango.

Ahabereye ibirori ni uko hari hateguwe

Miss Umunyana yambitswe ikamba mu ijoro ryo kuri uyu wa 24 Ukuboza 2021, nyuma yo gutoranywa mu bakobwa 12 bari bahagarariye ibihugu birimo u Burundi, Tanzania, Uganda, Kenya, Ibirwa bya Comores, Ethiopie, Sudani y'Epfo n'ibindi.

Aba bakoba bose bari bamaze ukwezi mu mwiherero bahabwa amahugurwa atandukanye, mu ijoro ryo kuri uyu wa gatanu akaba aribo berekanye bimwe mu byo bize birimo kugenda neza, kwerekana umuco w'ibihugu byabo ndetse no kuvugira mu ruhame.

Hamissa Mobetto ubwo yatambukaga ku itapi itukura agana mu byicaro

Mu myiyereko bakoze harimo ko buri wese yaserutse mu mwambaro gakondo w'igihugu cye, ndetse bagera no mu gice cyo kwerekana impano aho Miss Umunyana Shanitah yabyinnye amaraba.

Haje gutoranywa abakobwa batandatu bahize abandi mu kwiyerekana, aribo batoranyijwemo Miss ndetse n'ibisonga bye bitatu. Batandatu batoranyijwe babajijwe ibibazo n'Akanama Nkemurampaka kari kayobowe na Paul Siniga uzwi nka Rio Paul, karimo na Miss Mutesi Jolly na Miss Lindah.

Abanyabirori bari babukereye

Aba batandatu bahaswe ibibazo mbere y'uko hatoranywa Nyampinga n'ibisonga bye, habanje gutangwa andi makamba ajyanye n'uko abakobwa bose bitwaye mu mwiherero arimo Miss Congeniality na Photogenic.

Nyuma Rio Paul yahise atangira kuvuga abegukanye amakamba aho igisonga cya kabiri cya Miss East Africa cyabaye Oceanne Rose ukomoka muri Île Maurice, igisonga cya mbere yagizwe Queen Mugesi wari uhagarariye Tanzania.

Babu Tale umujyanama wa Diamond nawe yakurikiranye umuhango wo guhitamo nyampinga

Nyuma yo gutangaza ibisonga, Rio yashimye abakobwa bose umurava bagaragaje mu irushanwa, avuga ko bose bakoze ariko hatoranyijwe uwabahize muri byose haba ubwiza n'ubwenge ariwe Umunyana Shanitah ukomoka mu Rwanda.

Uwatangaje uwegukanye ikamba yagize ati “Nyampinga wa Miss East Africa akomoka mu gihugu cya Perezida Kagame, u Rwanda.''

Bari baje kureba nyampinga wa East Africa

Shanitah yabyinnye amaraba

Mimi ni umwe mu bagize akanama nkemurampaka atangaza nyampinga

Ababyinnyi ba Mbosso ubwo bari ku rubyinniro

Ibyicaro byari byateguriwe Diamond

Ibyicaro by’abagize akanama nkemurampaka

Bafata agaselifi k’urwibutso

Umunyana Shanitah byamurenze

Miss Mutesi Jolly ubwo yashyikirizaga ikamba Miss Shanitah

Miss Shanitah imbere y’imodoka ye

Abakobwa bari mu mwiyerekano mu mbyino zisa

Miss Shanitah niwe wabaye Nyampinga wa East Africa

Abahinzi n’aborozi bahugurirwa kugira uruhare mu bibakorerwa

Bumwe mu buryo buzakoreshwa burimo kubatoza kugira uruhare mu igenamigambi bakorerwa bitandukanye n’ibikorwa, aho abaturage bakorerwa amaterasi atariyo bakeneye cyane, bigatuma batitabira kuyabyaza umusaruro kuko igitekerezo kiba kitabavuyemo.

Uwingabire Consolatrice, Umuhuzabikorwa w’ umushinga wo kuzamura uruhare rw’abahinzi n’aborozi mu mihigo y’uturere, avuga ko mu gihe u Rwanda rushyize imbere abaturage kugira uruha mu bibakorerwa, kurugira mu igenamigambi ngo mu bahinzi n’aborozi ntibiratera imbere ashingiye ku makuru bakuye i Kayonza na Nyanza, aho bamaze igihe bakorera.

Uwingabire avuga ko uruhare rw’abahinzi n’aborozi ruri ku kigero kidashimishije “Iyo umuntu agize uruhare mu bimukorerwa habamo kubigira ibye, akabyitaho bigatanga icyizere cy’uko bizaramba. iyo umuturage atagize uruhare mu igenamigambi ntiriba rishingiye ku muturage kandi ryagombye kumusigira impinduka.”

Rumwe mu ngero atanga ni aho abaturage bakorerwa amaterasi ariko batabanje kubazwa niba ariyo bakeneye.

Agira ati “Habazwa abantu babiri cyangwa batatu hakemezwa niba icyo gikorwa cyakorwa, ariko ubajije abandi benshi ugasanga hari ikindi bashakaga batabonye. Ibyo bituma icyo gikorwa abaturage batakibonamo, n’umusaruro wari ucyitezweho ntuboneke kuko batakigize icyabo.”

Mu byo umushinga wa Transparency international Rwanda u,zibandaho ni ugukorana n’abahinzi n’aborozi n’inzego zibaba hafi mu kugaragaza icyo bakeneye, kandi ubu buryo bwatanze umusaruro mu Turere twa Nyanza na Kayonza.

Uwingabire avuga ko gukorana n’abahinzi n’aborozi n’inzego z’ibanze byatumye umusaruro wiyongera kandi bibonekera mu mihigo yatwo, aho Akarere ka Nyanza kaje ku mwanya wa gatanu mu mihigo ya 2020 na ho Kayonza ikaza ku mwanya wa 11.

Mu cyegeranyo cyakozwe n’ikigo cy’igihugu gishinzwe imiyoborere (RGB), kigarahaza ko mu buhinzi harimo inzitizi ndetse hari ibyo abahinzi n’aborozi batishimira birimo kubona ubwanikiro, Guhunika umusaruro kubona isoko ry’umusaruro, kubona ibiryo by’amatungo no kubona isoko ry’amata aho imibare y’abanenga serivisi bahabwa iruta kure abayishima.

Abahinzi n’aborozi bagaragaza inzitizi zirimo izikomoka ku mihindagurikire y’ikirere, indwara, inganda nkeya n’ubumenyi budahagije.

Mu Karere ka Rubavu Abahinzi bavuga ko ubu buryo buje bwatanga umusaruro ndetse umuhinzi akagira ijambo mu bimukorerwa.

Uyu ati “Amabwiriza menshi tuyahabwa n’abashinzwe ubuhinzi n’abayobozi ba Koperative, dusabwa guhuza ubutaka, tukagura inyongeramusaruro n’imbuto tugahinga, ariko iyo twejeje ntitubona abatwegera badufasha kubona isoko ry’umusaruro, birangira umuhinzi ahombye kandi yarategetswe guhinga akabona umusaruro udafite isoko.”

Abahinzi bo mu Karere ka Rubavu barabihera ku buhinzi bw’imboga b’ibirayi aho basabwa guhinga byinshi ariko byakwera bakabura isoko, bakavuga ko begerewe mu guhinga bajya banafasha gushaka isoko ry’umusaruro.

Abahinzi bakeneye kunjya bagishwa Inama mu igihe cyo kugena ibiciro kandi hagashyirwa imbaraga mu kugenzura iyubahirizwa ry’ ibiciro kuko bitubahirizwa.

Mu muhango watambuga kuri tereviziyo na radio ndetse n'izindi mbuga nkoranyambaga za Tv10, umuhanzi Yvan Buravan yamuritse kumugaragaro Album ye nshya 'Twaje' ifite igisobanuro kinini mu muziki nyarwanda.

Iri murikwa ku mugaragaro rya Album ya Yvan Buravan, byabanjirijwe no guhabwa indabo n'abakobwa bo muri Kigali Protocal basanzwe bamenyerewe kwakirana ubuhanga ababagana ndetse no kugira serivisi nziza, maze umuhango ukomereza kuri Tv10.

Yvan Buravan mu kugera kuri Tv 10 yatunguwe n'abana bato bamwiteguye maze batangira kumwereka ibishushanyo bamushushanyirije, banamwereka ko bamukunda cyane nk'umuhanzi ubakora ku mutima.

Yvan Buravan yamuritse kumugaragaro Album ye nshya Twaje

Ni umuhango wayobowe n'abanyamakuru babiri b'abahanga Khamisa Sango ndetse na Kate Gustave wizihizaga isabukuru y'amavuko, maze anafashwa n'umuhanzi Buravan ndetse na Kigali Protocal kwishimira umunsi we udasanzwe.

Mu ndirimbo zirimo Twaje, Gusaakaara, Ye Ayee,Tiku Tiku, I love you too, Ituro, Impore, Vip n'izindi ziri kuri iyi Album ye nshya nizo uyu muhanzi yifashishije asusurutsa abari bamukurikiranye maze umuhango ukomereza muri Radio.

Yvan Buravan yanyuzwe no kubona abana bato b’abahanga bazi indimi n’indirimbo ze

Mu muhango waberaga muri Radio 10, umuhanzi Yvan Buravan afatanyije n'abakobwa bo muri Kigali Protocal ndetse n'banyamakuru Khamis Sango na Kate Gusatave, bakase umutsima mu rwego gusangira n'abanyarwanda ndetse n'abakuzi b'umuziki nyarwanda Album 'Twaje'.

Yvan Buravan wamuritse ku mugaragaro umuzingo we wa kabiri, yashimye abahanzi bose barimo Dj Marnaud, Ruti Joel, Ish Kevin, Andy Bumuntu na Pro Zed bamufashije ndetse n'abawutunganyije kugira ngo ugere hanze unogeye amatwi, maze ahishyura ko hari amashusho azagenda asohoka atunguranye k'ukuntu bagiye bajyana n'aba bahanzi gukora izi ndirimbo.

Abakobwa bo muri Kigali Protocal bacana 'urumuri rumurikira umuntu wese uzumva Album y’uburyohe ‘Twaje’'

Yvan Buravan akimara guhabwa indabo yatunguwe n’abana yizihizanya nabo Noheli

Ubwo Yvan Buravan yari ari kuririmba indirimbo zigize Album ye ya Kabiri yifatanyije n’abana kwizihiza Noheri Nziza

Yvan Buravan yanyuzwe n'igikorwa cyo kumurika alubumu ye ya kabiri

Kigali Protocal yabaye hafi Buravan mu gikorwa cyo kumurika alubumu ye 'Twaje' 

KANDA HANO UREBE INDIRIMBO ZIRI KURI ALBUM TAJE YA BURAVAN

Uwa Gatanu wo ku wa 24 Ukuboza 2021 ntiwatandukanye cyane n'iminsi isanzwe kuko mu mihanda myinshi ya Kigali abantu bari urujya n'uruza mu masaha y'umugoroba bahaha, abandi batonze imirongo muri gare bagiye kwizihiza iminsi mikuru mu ntara hamwe n'imiryango yabo.

Nubwo ariko byagaragara ko benshi bari guhaha, umwe mu bacuruzi waganiriye na IGIHE yavuze ko ugereranyije no mu myaka yashize abakiliya ari bake.

Ati 'Abakiliya nta bo, nta bahari, ubundi mu minsi nk'iyi nabaga nacuruje imifuka nk'ibiri y'imiceri ariko dore n'igice nararanye ng'iki, nta bakiliya barimo.'

Umucuruzi w'inyama we yavuze ko saa Kumi n'imwe zo ku munsi ubanziriza Noheli zasangaga nta nyama nziza agisiragaranye yaba iroti, urushyi rw'akaboko cyangwa umwijima gusa uyu mwaka izo saha zasanze akizifite zose.

Birindiro Emmy wari wagiye guhaha yavuze ko ibintu byatangiye guhenda kuko benshi batabona uko bigerera mu isoko kubera ko ntawuryinjiramo atarakingije Covid-19.

Yagize ati 'Ibintu byarahenze kuko kujya mu isoko birasa nk'ibidashoboka utarikingije. Mbere yo kuryinjiramo ni ukugaragaza icyangombwa cy'uko wikingije rero usanga twebwe abatarafata urwo rukingo kenshi bitugora.'

Muri gare naho hari abantu benshi bajya mu ntara ndetse mu baganiriye na IGIHE bavuze ko bamaze iminsi bajya gushaka amatike yo gutaha bakayabura.

Maniraguha Gerald wari ugiye mu Karere ka Muhanga yagize ati 'N'ejo navuye hano nje gushaka itike mbona abantu ni benshi nsubira mu rugo n'uyu munsi byanze. Simperuka gusura mu cyaro ndashaka kujyayo tugasangira Noheli nkanabagurira n'ako kaboga.'

IGIHE yasuye Gare ya Nyabugogo kuri uyu wa Gatanu, tariki ya 24 Ukuboza 2021, isanga imirongo ari miremire y'abantu bategereje kubona imodoka zibajyana gusangira Noheli n'inshuti ndetse n'imiryango yabo.

Kimwe no mu bindi bihe, muri iyi minsi benshi bahitamo gusangira Noheli n'Ubunani n'abo mu miryango yabo, ari na yo mpamvu nka Nyabugogo haba hari urujya n'uruza rw'abantu bava n'abinjira muri Kigali.

Umunsi wa Noheli wizihizwa ku itariki 25 Ukuboza buri mwaka ni umunsi uziririzwa cyane n'abakirisitu, aho imiryango ihura igasangira, ababyeyi, abana n'inshuti bagasabana ndetse bakishimana. Gusa muri uyu mwaka abantu barasabwa kuzakora ibyo byose bakurikiza amabwiriza yose yo kwirinda Covid-19.

Ababyeyi bagurira abana impano zitandukanye ku munsi wa Noheli

Abacuruzi b’inyama bavuze ko zitabonye abakiliya nk’ibisanzwe

Abacuruzi barataka ko nta bakiliya benshi babonye nk’uko byagendaga mbere

Abagabo na bo bitabiriye guhaha ibyo gusangira n’imiryango yabo

Abagenzi bari uruvunganzoka muri Gare ya Nyabugogo bajya kwizihiza iminsi mikuru mu ntara

Abakoranabushake b’urubyiruko bagerageza kubwira abantu guhana intera mu kwirinda ikwirakwira rya COVID-19

Abaturage bahashye ibyo kuzateka mu minsi mikuru

Bamwe baguze ibikinisho bya Père Noël

Bamwe bahamya ko bamaze iminsi baza gushaka itike bakayibura kubera ubwinshi bw’abagenzi bashaka imodoka

Bamwe bahitagamo kwitwaza ibyo bahashye ku mutwe

Bamwe bari babuze imodoka zibatahana

Bamwe ibyo bahashye babitegeye moto

Hari abagura impano zo gushyira abantu b’iwabo batuye mu ntara

Hari abaguze ibyocyezo byo kuzakoresha ku minsi mikuru

Hari abatahanye inkoko zo kuzabaga kuri Noheli

Imihanda yari urujya n’uruza rw’abantu bajya guhaha ibya Noheli

Inkoko zagurishwaga ku bwinshi

Kubera ubwinshi bw’ibyo bahahaga bamwe bitwazwaga n’abo kubatwaza

Kubera umubyigano kubahiriza amabwiriza ya Covid 19 ntibyari byoroshye hamwe na hamwe

Kwinjira mu Isoko bizaba kwerekana icyemezo cy’uko wakingiwe Covid-19

Kwinjira mu modoka nabwo bisaba kuba warikingije Covid-19

Maniraguha yavuze ko yifuza kujya mu ntara agasangira n’umuryango we akabagurira n’akaboga

Nshimiyimana Venuste ukora muri Volcano yavuze ko abagenzi babanye benshi kubera iminsi mikuru

Mbere yo kwinjira muri Gare ya Nyabugogo ni ihame kubanza gukaraba intoki n’amazi meza ndetse n’isabune

Nubwo abagenzi ari benshi, amabwiriza yemera ko abagenzi bicara 100%

Ababyeyi na bo bagiye guhigira imiryango yabo

Abanyarwanda bamaze kubigira umuco kwizihiza iminsi mikuru ya Noheli n’Ubunani

Mu masaha ashyira nimugoroba, benshi bihutaga bashaka gutangirira Noheli mu ngo zabo

Amafoto: Igirubuntu Darcy

Abasezeranye ni imiryango igera kuri 12 imaze igihe ihabwa inyigisho na Komisiyo y'Ubutabera n'Amahoro ya Kiliziya Gatolika binyuze mu mushinga 'Mupaka Shamba Letu'' ugamije gufasha abagore bakora ubucuruzi buciriritse bwambukiranya imipaka.

Uyu mushinga ushyirwa mu bikorwa na Komisiyo y'Ubutabera n'Amahoro ya Kiliziya Gatolika ku bufatanye na Alert International ku nkunga ya SIDA na Cooperation Suisse.

Murera Félicien yari amaranye imyaka 21 na Uwamahoro Annonciata nk'umugore n'umugabo ariko batarasezeranye bigatuma batizerana kandi bagahora mu makimbirane batitaye ku bana bane bafitanye.

Murera ati 'Nta bwisanzure nagiraga mu rugo kandi n'umugore ntabwo twizeranaga bitewe n'uko twabanaga nk'abantu b'indaya, amakimbirane akavuka ugasanga turarwana buri munsi, ariko aho twumviye inyigisho twaranyuzwe twumva turishimye dufata icyemezo cyo gusezerana byemewe n'amategeko.'

Uwamahoro Annonciata na we avuga ko atajyaga inama n'umugabo we ndetse yahoraga ahangayikishijwe n'uko umugabo we ashobora kumuta akajya kwishakira undi mugore nk'uko byigeze kubaho.

Ati 'Twagiye inama kandi iby'amakimbirane twagiranaga mbona byaragabanutse. Yigeze gushaka undi mugore aragenda ariko arongera aragaruka. Urabona ko ari njyewe yahisemo ni njyewe twateranye igikumwe tumaze kwizerana.'

Imiryango yasezeranye yaganiriye na IGIHE yose ihuriza ku kwishimira ko igiye gusangira iminsi mikuru ya Noheli n'Ubunani ibana neza mu ngo zizira kutizerana n'amakimbirane.

Bagaragaje ko kubana mu buryo butemewe n'amategeko byagiraga ingaruka no ku bana babo kuko batari banditswe mu bitabo by'irangamimerere.

Munyampenda Damien ukuriye Umushinga Mupaka Shamba Letu, ku mupaka w'Akanyaru uhuza u Rwanda n'u Burundi, yavuze ko mu byo babigisha harimo kubana mu mahoro kandi ko bigomba guhera mu muryango.

Ati 'Twabigishije agaciro n'icyiza cyo gusezerana byemewe n'amategeko aho bigira ingaruka nziza ku muryango, abana bakagira aho babarizwa hazwi ndetse n'umugore n'umugabo bakabana nta rwikekwe ruri hagati yabo.'

Umunyamabanga Nshingwabikorwa w'Umurenge wa Nyagisozi, Umuhoza Josephine, yavuze ko gusezerana kw'abashakanye ari ubwishingizi ku muryango, akangurira n'abandi babana barishyingiye guhindura imyumvire.

Ati 'Baba bibanira bataranyuze mu bishobora kurinda rya sezerano ryabo, ni ukuvuga ngo urugo rwabo ruba rushobora gusenyuka igihe icyo ari cyo cyose kuko nta tegeko rirurinze. Ni yo mpamvu dusaba n'abasigaye kuza gusezerana mu buryo bwemewe n'amategeko.

Uwo mushinga mu gihugu hose ukorana n'abagore 400 n'abagabo 240 ukaba ukorera ku mipaka ya Akanyaru, Rubavu, Rusizi ndetse na Bugarama.

Basabwe kugira inama bagenzi babo bishyingiye kwemera gusezerana mu mategeko

Biyemeje kubana n’abo bashakanye mu buryo bwemewe n’amategeko

Hari hashize igihe iyi miryango ihabwa inyigisho ku kubana byemewe n’amategeko

Gitifu w’Umurenge wa Nyagisozi, Umuhoza Josephine, arahira ubwo yasezeranyaga iyi miryango mu buryo bwemewe n’amategeko

Imiryango 12 ni yo yasezeranye byemewe n’amategeko ya Repubulika y’u Rwanda

[email protected]

Kugeza ubu mu Karere ka Karongi, umuturage yemererwa kwinjira mu isoko cyangwa muri gare ari uko yerekanye ubutumwa bugufi cyangwa agapapuro bigaragaza ko yikingije Covid-19.

Umuyobozi w'Akarere ka Karongi, Mukarutesi Vestine, yabwiye IGIHE ko bafite site zimukanwa zo gukingira, ku buryo uwo bari gusanga atarikingije bari kumusaba kujya kwikingiza akabona kwinjira mu isoko cyangwa muri gare.

Yagize ati 'Twifashisha abaganga n'abapasiteri bakabasobanurira neza ibyiza byo kwikingiza, kandi tumaze kugenda tubonamo abantu batandukanye bagenda bahinduka.'

Yongeyeho ko ubu bukangurambaga buzakomeza, ati 'Kwigisha bizakomeza, niyo hasigara umwe tuzakomeza tumwigishe kuko nta buzima bw'umuturage tugomba kubura kandi inkingo zihari, igihugu cyarazitanze.'

Abaturage bashima ubu bukangurambaga bwo kubegera no kubasanga ku isoko cyangwa muri gare, bakabereka ibyiza byo kwikingiza.

Umugore w'imyaka 25 wo mu murenge wa Bwishyura, wari utarikingiza urukingo na rumwe rwa covid19, yageze ku marembo y'isoko rya Karongi ahasanga umukozi w'Akarere wamusabye kwikingiza.

Habumuremyi Pierre wo mu murenge wa Gitesi, wari umaze kwikingiza urukingo rwa kabiri yavuze ko kwikingiza ntacyo byamutwaye, asaba ubuyobozi kongera ubukangurambaga kuko hari abaturage bumva ko kwikingiza byabagiraho ingaruka.

Ati 'Kuba abayobozi bari kuza kudukangurira kwikingiza turabyishimiye, turajya kubikangurira n'abandi ariko ubuyobozi bukomeze ibi bikorwa kuko by'ubukangurambaga, abaturage bumve ko urukingo ntacyo rutwaye.'

Umuyobozi w'Akarere ka Karongi, Mukarutesi Vestine, yabwiye IGIHE ko bafite site zimukanwa zo gukingira