Blog

Ibi bitero byatangiye ku wa Kabiri w’icyumweru gishize. Abayobozi bavuze ko hari abaturage benshi baburiwe irengero.

Abaturage bo muri Leta ya Zamfara bavuga ko ibyo bitero by’amabandi byakozwe mu guhora ibitero abasirikare bari babagabyeho.

Ibitero by’indege z’abasirikare byagabwe ku wa mbere w’icyumweru gishize mu nkambi z’abitwaje intwaro mu ishyamba ry’i Gusami byahitanye amabandi arenga 100.

Aya mabandi yitwaje intwaro yari ku mapikipiki yiroha mu ngo z’abaturage, barasa uwo bahuye na we wese kandi batwika n’amazu yabo. Abayobozi bavuze ko abantu barenga ibihumbi icumi bahunze ingo zabo.

Ingoro y'Ubwami bw'u Bwongereza, Buckingham Palace, yatangaje ko guhera muri Mutarama kugera muri Nyakanga 2022 hazaba ibikorwa bitandukanye byo kwizihiza iyi sabukuru, gusa ibirori nyir'izina bikazaba guhera ku itariki 2 kugera kuri 5 Kamena 2022.

Nibwo bwa mbere Umwamikazi Elizabeth azaba yizihije yubile y'imyaka amaze ku ngoma atari kumwe n'umugabo we, Igikomangoma Philip, kuko aherutse kwitaba Imana muri Mata 2021 afite imyaka 100.

Iyi yubile itarigeze igirwa n'undi mugore uwo wari wese ku Isi izarangwa n'ibirori bitandukanye birimo ibitaramo bizitabirwa n'ibyamamare n'abahanzi bakomeye ku Isi, hazaba ibirori ku mihanda, imyiyereko y'amafarasi n'abayatwaye, akarasisi ka gisirikare n'ibindi.

Ku itariki 2 Kamena 2022 imijyi n'intara zitandukanye by'u Bwongereza, imirwa mikuru y'ibihugu biba mu muryango wa Commonwealth bizacana amatara yo kwizihiza iyi yubile.

Hazaba kandi amasengesho yo gushimira Imana ku bwa Yubile y'imyaka 70 umwamikazi amaze ku ngoma, akazabera kuri Cathédrale St Paul y'Abangilikani iherereye i Londres kuwa 3 Kamena 2022.

Iyi yubile izarangwa n'amarushanwa yo gukora umutsima (gateaux) uzakoreshwa mu kwizihiza iyi sabukuru ndetse habe n'umusangiro rusange kuwa 5 Kamena uzitabirwa n'abantu 5000 baturutse mu Bwongereza no mu bihugu bya Commonwealth, ari nawo uzakatirwamo umutsima w'uwatsinze amarushanwa.

Abahanzi, ababyinnyi, abanyabugeni, abahanga mu by'ikoranabuhanga, abasirikare, abakinnyi ba filme n'abandi bantu batandukanye babinyujije mu byo bakora, bazakora iserukiramuco bavuga inkuru zaranze ubuyobozi bw'umwamikazi Elizabeth II mu myaka 70 ishize.

Ibi bikorwa byose bizabera mu bice bitandukanye by'u Bwongereza, uretse ibirori by'ingenzi byo kwizihiza iyi sabukuru bizabera mu Murwa Mukuru Londres kuva tariki 2-5 Kamena 2021.

Umwamikazi Elizabeth w'imyaka 95 yimitswe nk'umwamikazi w'u Bwongereza mu 1952 amaze imyaka itanu ashatse umugabo, akaba afite abana bane barimo abahungu batatu n'umukobwa umwe, abuzukuru umunani ndetse n'abuzurukuruza 12.

Hazaba amarushanwa yo gutegura umutsima uzakatwa hizihizwa isabukuru y’imyaka 70. Aha yihizizaga imyaka 60 amaze ku ngoma

Mu 2002 ubwo yizihizaga imyaka 50 amaze ku ngoma

Ni ubwa mbere Umwamikazi azaba agiye kwizihiza isabukuru ye atari kumwe n’umugabo we Prince Philip

Ubwo yizihizaga imyaka 60 amaze ari Umwamikazi w’u Bwongereza

Ubwo yizihizaga imyaka 50 amaze ku ngoma yatwawe mu ntebe ya zahabu yakozwe mu 1762

Umwamikazi Elizabeth II azagira isabukuru y’imyaka 70 amaze ku ngoma

Umwamikazi Elizabeth afite umuryango mugari ugizwe n’abana bane, abazukuru umunani n’abazukuruza 12

Yabyaye abana bane, abahungu batatu n’umukobwa umwe

Yimitswe mu 1952

Yizihiza imyaka 25 amaze ku ngoma

Ibiro bya Perezida Kagame byatangaje ko izo ntumwa zari ziyobowe na Minisitiri w’u Burundi ushinzwe ibikorwa by’Umuryango wa Afurika y’Iburasirazuba, Urubyiruko, Umuco na Siporo, Ambasaderi Ezéchiel Nibigira, wari uzanye ubutumwa bwa Perezida w’u Burundi, Evariste Ndayishimiye.

Ibiganiro byahuje izo ntumwa z’u Burundi na Perezida Kagame byibanze ku guteza imbere umubano w’ibihugu byombi.

Uguhura kw’aba bayobozi kuje kwiyongera ku bindi biganiro bimaze iminsi biba hagati y’impade zombi, bikaba bica amarenga yo kongera kubyutsa imigenderanire y’ibihugu byombi imaze igihe isa n’iyahagaze guhera mu mwaka wa 2015.

Abaturage b’u Rwanda n’u Burundi ubusanzwe bafite byinshi bibahuza birimo imico no kuba bakoresha ururimi rwenda kuba rumwe. Imiryango itandukanye usanga yaragiye ishyingirana, ubundi abaturage b’ibihugu byombi bakaba bakunze guhahirana, ariko byose bikaba bimaze igihe byarabangamiwe n’ibibazo ahanini bishingiye ku mutekano.

This afternoon at Urugwiro Village, President Kagame received a delegation led by Burundi’s Minister in charge of EAC Affairs, Youth, Culture and Sports, Amb. Ezéchiel Nibigira with a message from President @GeneralNeva. Discussions focused on strengthening bilateral relations. pic.twitter.com/kEWn5SZdsp

— Presidency | Rwanda (@UrugwiroVillage) January 10, 2022

Bishimiye kuba bahawe ubwenegihugu bw’u Rwanda

Ubwo kuri uyu wa Mbere tariki 10 Mutarama 2022, mu Karere ka Nyarugenge mu Mujyi wa Kigali, haberaga umuhango wo kwakira indahiro zabo, babwiye Kigali Today ko bishimiye kwitwa Abanyarwanda kuko basanga ari iby’agaciro kuri bo.

Uretse aba umunani bo mu Karere ka Nyarugenge, ku wa Gatanu w’icyumweru gishize tariki 07 Mutarama 2022, mu Karere ka Kicukiro 12 bahawe ubwenegihugu mu gihe kuri iyo tariki mu Karere ka Gasabo, hakiriwe indahiro z’abantu 13 babaye Abanyarwanda byemewe n’amategeko.

Guhabwa ubwenegihugu nyarwanda ngo si itegeko ko uba utuye mu Rwanda cyangwa uhamaze igihe runaka, kuko igihe cyose ubushaka yujuje ibisabwa nta kabuza ko abuhabwa nta mananiza abayeho.

Ndungu Michael Maina ufite inkomoko mu gihugu cya Kenya, amaze igihe cy’imyaka 17 atuye mu Rwanda, avuga ko uretse kuba afite umugore w’Umunyarwandakazi, ariko ngo na we akunda u Rwanda ari na yo mpamvu nyamukuru yahisemo gusaba ubwenegihugu.

Ati 'Nkunda iki gihugu n’uko kiyobowe, ku buryo nsanga ari iby’agaciro kuba nk’umuryango twagira ubwenegihugu bumwe, kandi kuba ndi umushoramari numva ari byiza ko nkora akazi kanjye neza ndi umwenegihugu kugira ngo ngire uruhare mu iterambere ry’igihugu, ngatanga umusanzu wanjye nk’Umunyarwanda'.

Barahiriye kuba Abanyarwanda kandi ngo ntibazatatira igihango

Senya Mwale Kapitene, ukomoka mu gihugu cya Zambia, amaze imyaka isaga 10 atuye mu Rwanda, avuga ko akigera mu Rwanda uretse kuba yarahakunze, ariko kandi ngo yananyuzwe n’umuco wabo bituma yiyemeza kuba Umunyarwanda.

Ati 'Igihe nazaga aha, nahise nkunda iki gihugu, umuco wabo, abantu baho, imiterere yaho, mpita numva ko ntako bisa kuba naharerera abana kubera uburyo umuco nyarwanda umeze, hamwe n’uburyo hari ituze n’umutekano'.
Umuyobozi Nshingwabikorwa w’Akarere ka Nyarugenge Emmy Ngabonziza, witabiriye umuhango w’irahira ryabo, avuga ko ari amahirwe menshi igihugu kiba kigize, yo kunguka abandi Banyarwanda kuko ari imbaraga zindi ziba zibonetse.

Ati 'Tukaba twizeye ko buri wese ubaye Umunyarwanda uyu munsi agiye kugira uruhare rukomeye mu gukomeza kubaka igihugu, aho Abanyarwanda bagenzi be bari bageze tuhakomereze. Ndabasaba rero kuzaba inyangamugayo, mugakomeza gukorera igihugu mugikunze kuko ubu uyu munsi ntabwo mu cyitwa abanyamahanga ukundi, nta n’ubwo hari udafite ubwenegihugu'.

Itegeko ngenga rigenga ubwenegihugu, riteganya ko igihe cyose hagaragaye uburiganya ubwo ari bwo bwose cyangwa amakuru atari yo, yaba yaratanzwe cyangwa inyandiko zaba zariganywe zigahindurwa, hakagaragara ibinyoma byaba byarashingiweho igihe umuntu yahabwaga ubwenegihugu, arabutakaza.

Uretse guhita atakaza ubwenegihugu, hari n’ibihano biteganyirizwa abagize uruhare mu gufasha uwahawe ubwenegihugu mu buryo bw’uburiganya kuko iyo abihamijwe n’inkiko ashobora guhanishwa igifungo kiri hagati y’imyaka itanu (5) ndetse n’imyaka irindwi (7), akanacibwa ihazabu y’amafaranga miliyoni eshatu (3) kugera kuri eshanu (5), mu gihe umukozi ubishinzwe iyo abigizemo uruhare ahanishwa igifungo kiri hagati y’imyaka irindwi (7) n’imyaka icumi (10).

Uretse abahawe ubwenegihugu tariki 10 Mutarama 2022 ndetse no mu cyumweru gishize, urwego rw’igihugu rw’abinjira n’abasohoka ruvuga ko kuva mu mwaka wa 2009 kugera 2020, abamaze kubuhabwa basaga 900, bo mu bihugu bitandukanye byo ku migabane yose y’isi.

Amezi 16 arirenze rutahizamu wa APR FC akaba na kapiteni wayo, Jacques Tuyisenge ayisinyiye, ni umwe mu bakinnyi baguzwe n’iyi kipe bahenze ariko na none ni umwe mu bakinnyi batariyaha umusaruro nk’uko byari byitezwe kuko mu gihe ayimazemo amaze kuyitsindira ibitego 2 gusa.

Tariki ya 18 Nzeri 2020 nibwo APR FC yerekanye Jacques Tuyisenge nk’umukinnyi wayo mu gihe cy’imyaka 2.

Ntabwo hatangajwe amafaranga yaguzwe, gusa amakuru avuga ko yahawe miliyoni 40 z’amafaranga y’u Rwanda akaba ahembwa umushahara w’ibihumbi 3 by’Amadorali y’Amerika (miliyoni 3 z’amafaranga y’u Rwanda) ku kwezi.

Muri iyi nkuru ISIMBI yasubije amaso inyuma kuva uyu mukinnyi yasinyira APR FC kugeza uyu munsi, ikusanya umusaruro we muri iyi kipe y’ingabo z’igihugu.

N’ubwo ari umukinnyi wagiye ugorwa n’imvune cyane, gusa n’igihe yari muzima nta kintu kinini yafashije iyi kipe kuko ibitego yari imutegerejeho bikomeje kubura.

Kuva muri Nzeri 2020 kugeza muri Mutarama 2022, amezi hafi 16 arashize, ni ukuvuga umwaka n’amezi 4 Jacques Tuyisenge asinyiye APR FC nk’umukinnyi wayo, amasezerano ye akaba azarangira muri Nzeri uyu mwaka.

Uyu kapiteni wa APR FC bivugwa ko ari na we uhembwa menshi muri APR FC, miliyoni 48 zimaze kugenda kumushahara we, wakongeraho ayo yaguzwe akarenga ayo, gusa ntabwo yahiriwe no muri iki gihe ayimazemo kuko amaze kuyitsindira ibitego 2 gusa.

Mu mezi 16 bitewe n’imvune yagiye agira, amaze gukinira APR FC imikino 15 muri iyo mikino yayitsindiyemo ibitego 2 gusa, ni ibitego yatsinze AS Muhanga muri shampiyona ya 2020-21.

Jacques Tuyisenge kuva yagera muri APR FC

Jacques Tuyisenge umukino wa mbere yakiniye APR FC hari tariki ya 28 Ugushyingo 2020, APR FC itsinda Gor Mahia 2-1 mu mukino ubanza w’ijonjora ry’ibanze rya CAF Champions League wabereye i Kigali, yinjiye ku munota wa 56 asimbuye Dany Usengimana.

Tariki ya 5 Ukuboza 2021 umukino wo kwishyura wa Gor Mahia wabereye Kenya bagatsindwa 3-1, basezererwa ku giteranyo cy’ibitego 4-3.

Umukino wa Gor Mahia ni wo wa mbere yakiniye APR FC

Umukino wa mbere yakiniye APR FC muri shampiyona hari tariki ya 11 Ukuboza 2020 bakina na Kiyovu Sports batsinze 1-0, ni igitego Serumogo Ally yitsinze, hari ku munsi wa 3 wa shampiyona ya 2020-21 yaje guhita isubikwa kubera Coronavirus isubukurwa muri Gicurasi 2021 batangira bushya.

Bitewe n’imvune yagiriye ku mukino wa ¼ cya CHAN yabereye muri Cameroun, Jacques Tuyisenge ntabwo yatangiye shampiyona ya 2020-21 yakinwe mu buryo bw’amatsinda yatangiye muri Gicurasi 2021, aho APR FC yari mu itsinda rimwe na Gorilla FC, Bugesera na AS Muhanga. Imikino yose ibanza uko ari itatu ntabwo yayikinnye.

Tariki ya 11 Gicurasi 2021 nibwo Jacques Tuyisenge yongeye kwisanga ku rupapuro rw’umukino, hari mu mikino y’amatsinda yo kwishyura aho APR FC yatsinze Bugesera FC 2-1, Jacques Tuyisenge yabanje ku ntebe y’abasimbura.

Yatsindiye bwa mbere APR FC muri shampiyona, tariki ya 14 Gicurasi 2021 bakina na AS Muhanga umukino wo kwishyura wo mu itsinda (wari umunsi wa 5), bayitsinze 3-1 Jacques Tuyisenge wari wabanje ku ntebe y’abasimbura yatsinzemo 2.

Mu mukino ukurikiyeho wa Gorilla wasozaga imikino y’amatsinda wabaye tariki ya 17 Gicurasi 2021, Jacques Tuyisenge yabanje mu kibuga ariko nta gitego yigeze atsinda.

APR FC yasoje itsinda ari iya mbere, yahise izamuka ijya mu cyiciro cy’amakipe 8 ahatanira igikombe, bagombaga gukina nta mikino yo kwishyura, yahereye kuri Espoir FC tariki ya 23 Gicurasi 2021, bayitsinda 1-0 cya Ombiorenga Fitina, Jacques Tuyisenge yabanje ku ntebe y’abasimbura.

Yakurikijeho AS Kigali bakinnye tariki ya 26 Gicurasi 2021, Jacques yabanje mu kibuga banganya 1-1, icya APR FC cyatsinzwe na Byiringiro Lague.

Jacques Tuyisenge yari mu bakinnyi 11 ba APR FC babanje mu kibuga ku mukino w’umunsi wa 3 w’amakipe ahatanira igikombe APR FC yatsinzemo Bugesera FC 3-0, gusa nabwo ntabwo yigeze atsinda, hari tariki ya 10 Kamena 2021.

Tariki ya 14 Kamena 2021 bakinnye na Police FC mu mukino w’umunsi wa 4 w’amakipe ahatanira igikombe, Jacques Tuyisenge yagiye mu kibuga asimbura, umukino bawutsinze 3-0 ariko nabwo kureba mu izamu biba ikibazo.

Umunsi wa 5 w’iyi shampiyona wakinwe tariki 16 Kamena 2021, APR FC yahuye na Rayon Sports mu mukino w’abakeba, warangiye APR FC itsinze 1-0 cya Anicet winjiye mu kibuga mu minota ya nyuma, Jacques Tuyisenge yari yabanje mu kibuga.

Ubwo APR FC yanyagiraga Marines FC mu mukino w’umunsi wa 6 wa shampiyona y’amakipe ahatanira igikombe tariki ya 19 Kamena 2021, Jacques yabanje mu kibuga ariko mu bitego 6 batsinze aburamo na 1 kuko Lague yatsinze 3, Mugunga 1, Djabel 1 na Fitina 1. Ni na wo mukino wa nyuma aheruka gukinira iyi kipe muri shampiyona kuko umukino wa nyuma APR FC yatsinze Rutsiro 6-0 tariki ya 25 Kamena 2021 ntiyigeze awukina, no kugeza aho shampiyona ya 2021-22 igeze uyu munsi ntabwo arayikinira umukino n’umwe.

Yongeye kugaruka ku mukino wa Mogadishu City Club yo muri Samalia

Yagarutse mu kibuga tariki ya 12 Nzeri 2021 mu mukino w’ijonjora ry’ibanze rya CAF Champions League banganyijemo na Mogadishu City Club 0-0 muri Somalia, umukino wo kwishyura wabereye mu Rwanda tariki ya 19 Nzeri 2021 APR FC itsinda 2-1, APR FC yatsindiwe na Djabel ndetse na Karera. Jacques Tuyisenge yabanje mu kibuga ariko nta gitego yatsinze.

Nyuma yo gusezerera Mogadishu City Club yo muri Somalia, APR FC yatomboye guhura na Etoile du Sahel yo muri Tunisia, umukino ubanza wabereye mu Rwanda tariki ya 16 Ukwakira 2021, banganyije 1-1, APR FC yatsindiwe na Manisimwe Djabel, ni umukino Jacques Tuyisenge yabanje mu kibuga aza kuvamo avunitse akaba ari na wo mukino aheruka gukinira iyi kipe y’ingabo z’igihugu.

Jacques Tuyisenge, aherutse gutangariza urubuga rw’iyi kipe ko ubu yumva ameze neza ko shampiyona nigaruka (izagaruka mu mpera z’iki cyumweru) azaba yiteguye gukinira ikipe ye.

Nyuma y’ibihe bikomeye ahamya ko ubu yiteguye gutanga umusaruro mu gihe gisigaye

Jacques Tuyisenge kuva yasinyira APR FC ntabwo byagenze neza

Ibyo biganiro bije bikurikira inama yabaye ku Cyumweru yariki 9 Mutarama 2022, yahuje inzego z’umutekano z’u Rwanda n’iza Mozambique, ikaba yaribanze ku bimaze kugerwaho mu mezi atandatu ashize u Rwanda rwohereje Ingabo na Polisi guhashya ibikorwa by’iterabwoba muri Mozambique, by’umwihariko mu Ntara ya Cabo Delgado.

Binyuze ku rubuga rwa Twitter, Polisi y’u Rwanda yatangaje ko ibiganiro by’uyu munsi byahuje abayobozi bombi, byibanze ku bufatanye hagati ya Polisi z’Ibihugu byombi.

Abayobozi b’inzego z’umutekano za Mozambique bayobowe n’Umugaba mukuru w’Ingabo z’icyo gihugu, General Admiral Joacquim Rivas Mangrasse, bari mu Rwanda mu ruzinduko rw’akazi rw’iminsi ibiri.