Blog

Impunzi z'Abarundi zari zarahungiye mu Karere ka Huye ku musozi wa Kabutare, kuva mu 1972 zakomeje gukongeza urwango kugeza mu 1994 ubwo zijanditse muri Jenoside yakorewe Abatutsi.

Abatangabuhamya batifuje ko amazina yabo atangazwa bagaragaje ko amateka atangirira mu 1972 ubwo mu Burundi habaga ubwicanyi bwibasiye abo mu bwoko bw'Abahutu, abahungiye mu Rwanda barimo n'abahungiye ku Kabutare, barimo abigaga mu mashuri yisumbuye bahungishijwe n'Abafere b'Urukundo bakomereza amashuri yabo kuri G.S Officiel de Butare na EAV Kabutare kugeza barangije ndetse batangira no kuhakora.

Uwaduhaye amakuru wanabonye impunzi z'Abarundi ziga muri aya mashuri kugeza mu 1978, yavuze ko bari barirunduriyemo ingengabitekerezo y'urwango bahita bisanisha na PARMEHUTU yakoreraga mu Rwanda ndetse banayiyumvamo.

Mu 1990 ubwo Inkotanyi zatangiraga urugamba rwo kubohora igihugu, Abarundi babaga ku Kabutare barimo benshi bigishaga muri G.S.Officiel de Butare bari mu bakomezaga kubiba urwango bakanabigaragaza mu kabari kitwaga Corbillar, bakishimira kubona Abatutsi bitwaga ibyitso bafatwa, n'ibindi.

Mu 1993, Perezida w'u Burundi Ndadaye Melchior amaze gutsinda amatora amatora, impunzi z'Abarundi zarishimye zivuza ingoma ziyobowe n'abarimu barimo Nzorubara Mathias na Wagara Melchior.

Urupfu rwa Ndadaye mu Ukwakira 1993 rwagize ingaruka no ku Batutsi babaga mu Rwanda, aho abo Barundi bagize uburakari bakajya bacunaguza abaturanyi babo ndetse batangira kwigwizaho intwaro.

Uyu mutangabuhamya yavuze ko mu nkundura y'amashyaka menshi mu Rwanda, wabonaga n'Abarundi barafashe uruhande, bashyigikiye amashyaka y'abateguraga Jenoside.

Ati 'Gahunda ya 'Hutu power' wabonaga Abarundi bayumva cyane kandi bayishyigikiye, bitandukanye n'abandi banyamahanga.'

Jenoside itangiye abandi banyamahanga bazinze utwangushye burira indege barataha ariko , Abarundi bo barasigara

Uyu mutangabuhamya yavuze ko mu gihe cya Jenoside impunzi z'Abarundi zirimo izatangiye kujya kuri za bariyeri zinafite imbunda nshya zishakiye, abaturage bagatangazwa no kubona batazakwa kandi ari abanyamahanga b'abasivili.

Ku wa 8 no ku wa 9 Mata 1994, Leta yacyuye abanyamahanga babaga i Butare ariko Abarundi barahaguma.

Ati ''Ku wa 9 Mata twabonye abanyamahanga bose barimo n'Abazayirwa (AbanyeCongo b'ubu) batahanwa n'amabisi ya Leta kandi bari basanzwe ari abantu nkatwe, dutangira kubona ko ari ibintu bidasanzwe, ariko kandi tubona Abarundi bo bagumye aho.''

Ku wa 20 Mata 1994, ubwo Jenoside yatangiraga i Huye, Abarundi bihutiye kujya kuri za bariyeri, ndetse ku wa 22 Mata ubwo hatangwaga intwaro kuri Sitade Kamena, bikozwe na Burugumesitiri Kanyabashi, Dr. Rwamucyo n'abandi n'abo Barundi bari bahari banafite intwaro zabo.

Aha banahatangirije ubwicanyi umugore w'Umututsikazi yakubitiwe umutwe muri Sitade Kamena, ubwonko buca mu mazuru, ahita apfa.

Ati ''Abarundi bari basanganywe inararibonye mu bugome kuko n'iyo bafataga igisambo mu gace ka Kabutare ni bo bazanaga udushya two kukibabaza. Uretse kugikubita, wabonaga bazanye nk'urusenda rwo gusuka mu bisebe by'igisambo ngo kirusheho kubabara, ukibaza aho bakuye ubwo bugome.''

Uyu mutangabuhamya yavuze ko impunzi z'Abarundi zagize uruhare mu bwicanyi bwakozwe hagati ya 21 na 29 Mata 1994, muri G.S. Officel de Butare, EAV Kabutare ahari hahungiye abanyeshuri bavuye muri GS de la Salle i Byumba n'ahitwaga muri Home Uruyange.

Impunzi z'Abarundi zizwi cyane zishe Abatutsi harimo Wagara, Ntibatingeso Severin, Mathias, Jean Marie, Majoro Albert wari ushinzwe siporo muri GSOB.

Uwatanze amakuru yibuka uburyo hari abakobwa bakuwe muri Home Uruyange mu ntangiriro za Gicurasi 1994 bashyirwa hanze mu kibuga, bagafatwa ku ngufu n'abagabo bahagarikiwe n'abagore babo bari bariyise abapawakazi, nyuma bakwicwa.

Mu bandi Barundi bagize uruhare muri Jenoside harimo n'ababaga i Save, batijwe umurindi n'ababaga ku Kabutare.

Umusozi wa Kabutare (ubu isigaye ari izina ry'umudugudu), udatuweho n'imiryango myinshi cyane kuko igice kinini cyawo kigizwe n'ibigo bitandukanye, ariko bigaragara ko mu gihe cya Jenoside hari hatuye imiryango y'Abarundi ibarirwa muri 20.

Bivugwa ko ku Kabutare haguye abantu benshi cyane, bikaninyongeraho ko ari ho abicanyi bo mu mujyi wa Butare bajyaga kujugunya abishwe.

Abatangabuhamya bababazwa no kuba amakuru yaratanzwe mu gihe cy'Inkiko Gacaca ariko abavuzwemo bose batigeze babiryozwa, nyamara bamwe bagiye no mu nshingano z'ubuyobozi mu Burundi, mu gihe abiciwe ababo bo bagitakamba basaba ubutabera.

Ishuri ry’imyuga riri ahahoze Home Uruyange, ryiciwemo abakobwa b’Abatutsikazi babanje gusambanywa n’abarimo Abarundi

Ishyamba rya Kabutare ryajungunywemo imibiri y’Abatutsi myinshi yakurwaga hirya no hino mu Mujyi wa Butare

Ahazwi nko kuri Procure ya Diyosezi Gatolika ya Butare na ho hiciwe Abatutsi bigizwemo uruhare n’Abarundi bigishaga muri GSOB

Perezida Trump ari mu rugendo muri Ecosse aho yagiranye ibiganiro n'abarimo Minisitiri w'Intebe w'u Bwongereza, Keir Starmer.

Ubwo baganiraga n'itangazamakuru, Perezida Trump yavuze ko yagize uruhare mu guhagarika intambara esheshatu.

Ku kibazo cy'u Rwanda na RDC, Perezida Trump yavuze ko gukemura ikibazo kiri hagati y'ibihugu byombi byaturutse ahanini ku ruhare rwe.

Ati 'Iyo ntinjira mu buhuza, ntabwo ibihugu byombi [byari kwinjira mu biganiro bigamije gushaka amahoro], nta n'ubwo batekerezaga uburyo bwo kumvikana. Byari ibintu bikomeza kubaho kandi nta muntu wari kujya muri ibyo bice kuko yari kwicwa.'

Uyu muyobozi yakomeje avuga ko kimwe mu byamufashije gukemura ibibazo by'intambara harimo n'ikijyanye n'uko ibihugu byombi byifuzaga gukorana ubucuruzi na Amerika.

Ati 'Bakunda Trump, barifuza gukorana ubucuruzi na Trump, barifuza ko tugura umutungo kamere wabo, barashaka kuduha umutungo kamere wabo.'

Perezida Trump yavuze ko nyuma yo kumenya iby'iki kibazo, yafashe icyemezo cyo guhamagara bagenzi be, baganira ku buryo bwo gukemura ibibazo biri hagati y'ibihugu byombi.

Ati 'Nari mbazi mu buryo buziguye, ndabahamagara ndababwira nti 'mureke turangize intambara. Nta kintu kindi nshaka iyi ntambara igikomeje.''
Yaboneyeho kwibutsa ko mu minsi mike iri imbere azahura n'abayobozi b'ibihugu byombi, mu ruzinduko bazagirira muri Amerika.

Ati 'None ubu twarangije intambara, nk'uko mubizi ba Minisitiri b'Ububanyi n'Amahanga [b'u Rwanda na RDC] baje hano mu bihe bishize ndetse na ba Perezida b'u Rwanda na Repubulika Iharanira Demokarasi ya Congo bagiye kuza [muri Amerika] mu bihe biri imbere.'

Ku wa 27 Kamena, u Rwanda na Repubulika Iharanira Demokarasi ya Congo byashyize umukono ku masezerano y'amahoro, hagamijwe gushakira umuti ikibazo cy'umutekano muke umaze igihe mu Burasirazuba bwa RDC.

Icyo gihe, Minisitiri w'Ububanyi n'Amahanga w'u Rwanda, Ambasaderi Olivier Nduhungirehe, yikije ku kibazo cya FDLR mbere yo kuyashyiraho umukono.

Iki kibazo kiri mu bigomba kubanza gukemurwa aho RDC igomba gusenya umutwe w'iterabwoba wa FDLR, u Rwanda rukabona gukuraho ingamba z'ubwirinzi rwashyizeho.

Mu masezerano yasinyiwe i Washington, impande zombi zashyigikiye ibiganiro hagati y'Ihuriro AFC/M23 na Leta ya RDC biri kubera i Doha muri Qatar.

Muri ibyo biganiro, amahame yashyizweho umukono hagati y'impande zombi, hagaragajwe ko yuzuzanya n'amasezerano yasinyiwe i Washington.

Mu gihe ibintu byose byaba biri ku murongo, byitezwe ko abakuru b'ibihugu by'u Rwanda na RDC bazahurira i Washington bagashyira umukono ku masezerano agamije amahoro.

Perezida Kagame na Perezida Tshisekedi bagiye guhurira muri Leta Zunze Ubumwe za Amerika nyuma yo guhurira i Doha muri Qatar

Mu kiganiro yagiranye na Televiziyo y'Igihugu muri Gicurasi 2025, Kamuhire yavuze ko Umugenzuzi Mukuru w'Imari ya Leta yibanda ku ngingo eshatu harimo ibyerekeye kuzuza ibitabo by'ibaruramari, kubahiriza amategeko n'imikoreshereze y'umutungo wa Leta.

Kuri buri ngingo hatangwa amanota ari mu byiciro bitatu harimo nta makemwa, byakwihanganirwa na biragayitse.

Kamuhire yavuze ko mu gukora ubugenzuzi haba hari amezi abiri ibigo n'inzego bigenzurwa bihabwa amahirwe yo gukosora amakosa ashoboka yagaragaye mbere yo gukorerwa raporo.

Yagaragaje ko icyiciro gikunze kubonekamo amakosa akosorwa mbere raporo igatangazwa ari nta makemwa ari icyo kuzuza ibitabo by'ibaruramari.

Ati 'Iyo tugiye gukora igenzura ahenshi dusanga hari ibyo bagomba gukosora. Turababwira tuti 'hari ibyo mugomba gukosora, nimubikosore nonaha tutarasinya raporo yanyu'.'

'Baragenda bakajya muri Minisiteri y'Imari n'Igenamigambi bakabafasha gufungura 'system' ya IFMIS bakabitunganya bakabitugarurira. Iyo tubonye babikoze neza nk'uko twabivuze turabyemera ubwo bikaba bibaye nta makemwa.'

Kamuhire yagaraje ko icyiciro kijyanye no gukurikiza amategeko cyo iyo kigaragayemo amakosa kuyakosora bidashoboka uretse gutegereza mu igenzura ry'umwaka ukurikiraho kuko itegeko nyine riba ritarubahirijwe byararangiye.

Hari kandi n'imwe mu mishinga n'imikoreshereze y'umutungo iyo igaragayemo amakosa bigoye ko yakosoka muri icyo gihe cy'amezi abiri mbere yo gukora iyo raporo ngo ishyikirizwe Inteko Ishinga Amategeko.

Ati 'Niba dusanze igikoresho cyaguzwe kidakoreshwa cyangwa umushinga waradindiye, guhita ubikosora muri ayo mezi abiri turi aho ngaho ntabwo bihita bikunda.'

Perezida wa Komisiyo Ishinzwe Gukurikirana Imikoreshereze y'Imari n'Umutungo by'Igihugu mu Nteko Ishinga Amategeko (PAC), Muhakwa Valens yavuze ko nyuma yo kwakira raporo y'Umugenzuzi Mukuru w'Imari ya Leta abadafite nta makemwa bose bakwa ibisobanuro.

Muhakwa yagaragaje ko inzego n'ibigo bya Leta biri mu cyiciro cya byakwihanganirwa byandikirwa bisabwa ibisobanuro by'amakosa bifite ndetse n'ingamba zo kuyakosora.

Ni mu gihe ibiri mu cyiciro cya biragayitse byose byitaba PAC bigatanga ibisobanuro ku bagize komisiyo bose.

Mu 2025 ariko hiyongeyemo no kubaza bimwe mu bigo n'inzego bifite nta makemwa ariko harimo ikibazo kimwe cyangwa bibiri byo kwitondera aho na byo bisabwa kugaragaza ingamba z'uko ibyo bibazo bizakemurwa.

Perezida wa PAC, Depite Muhakwa Valens yavuze ko ikigo kigaragaza biragayitse muri raporo yacyo gihamagazwa kigasobanura icyabiteye n’ingamba gifite zo kubikosora

Mu buryo bwo kubungabunga urusobe rw'ibinyabuzima, ubundi inyamaswa zagakwiriye kwitabwaho uko bikwiriye zikavuzwa, zikanahabwa n'ibindi bituma ubuzima bwazo buba bwiza.

Icyakora abo mu bihugu bimwe na bimwe cyane ibikiri mu nzira y'amajyambere, n'iyo bagerageje bita ku matungo abaha umusaruro mu buryo butaziguye, nk'inka, intama, ingurube, ihene n'ibindi, bikagorana kubona uvuza nk'imbwa injangwe n'izindi.

Gusa mu bindi bihugu cyane cyane ibyateye imbere, inyamaswa nk'imbwa n'injangwe n'izindi bamwe bavuga ko zagenewe kuba mu gasozi, ziravuzwa ndetse hakanifashishwa ikoranabuhanga rihambaye ririmo nko kuzinyuza mu byuma nka 'échographie' n'ibindi bihambaye harebwa uko ubuzima bwazo buhagaze, zaba zinarembye zigahabwa ibitaro.

U Rwanda na rwo ruri gutera imbere muri ubwo buvuzi bw'inyamaswa. Kugeza ubu, rufite ibitaro bimwe byita ku matungo arimo imbwa n'injangwe.

Ni ibitaro byitwa New Vision Veterinary, bifite Icyicaro Gikuru mu Karere ka Musanze, ishami ryabyo rya Kigali ni ryo ryita ku mbwa n'injangwe gusa.

Nubwo bamwe mu Banyarwanda bataragira imyumvire iteye imbere mu kuvuza imbwa n'injangwe, ibi bitaro byatangiye kuganwa cyane kuko nk'iryo shami ryo muri Kigali ku munsi ryakira abantu bari hagati ya 15 na 20, baba baje kuvuza imbwa n'injangwe zabo.

Mucyo Jean Igor twasanze kuri iryo shami ry'Ibitaro New Vision Veterinary agiye gukingiza imbwa ye yitwa Lily, avuga ko n'abandi Banyarwanda bakwiye kugira imyumvire iteye imbere ku kwita ku mbwa n'injangwe byabo.

Ati ''Ni nk'umuntu, muje hano n'umuganga yakubwira ko ari nk'abantu kuko zirarwara, zikeneye kwitabwaho, zikeneye ubufasha mu buvuzi, rero ni nk'umwe mu bagize umuryango.''

Dr Jean Bosco Turikumwenayo, ni umuganga w'amatungo mu Bitaro New Vision Veterinary, by'umwihariko avura imbwa n'injangwe mu ishami ryabyo rikorera mu Mujyi wa Kigali.

Avuga ko amatungo arimo imbwa n'injangwe na yo afite uburenganzira ku birimo ubuvuzi, bityo ko nk'igihe uciriye imbwa kugira ngo igukorere akazi karimo no kurinda umutekano w'urugo rwawe, uba ukwiye kuyitaho ukanayivuza kuko iba igukorera akazi wakabaye uha umuntu ukanamuhemba.

Ati ''Akenshi mu Rwanda reka mvuge muri Kigali, ducirira imbwa ku mpamvu z'umutekano, kuko imbwa zicunga umutekano. Icyo gihe rero niba imbwa igucungira umutekano mu rugo, wakabaye wishyura umuzamu, cyangwa se wakabaye unahomba ibyo byose byatumye uyicirira ariko yo iraje ikoze ka kazi, bivuze ngo ikwitayeho ubonye inyungu. Bivuze rero ko nawe wakabaye umenya ko hari agaciro uyigomba.''

Zimwe mu ndwara zibasira imbwa n'ipusi zikavurirwa mu Bitaro bya New Vision, harimo virusi zibasira ibibwana bitaruzuza umwaka. Hari na kanseri zikunze kwibasira imbwa zishaje, 'infections', indwara y'uburondwe bwibasira imbwa n'injangwe zidahabwa imiti iburinda ku buryo buhoraho, bushobora ko kuzihitana kubera kubura amaraso.

Ayo matungo kandi ahabwa urukingo nibura inshuro imwe mu mwaka, mu kwirinda ko yibasirwa n'indwara zirimo n'izifata abantu. Urugero nk'imbwa zidakingiwe zishobora kwibasirwa n'ibisazi by'imbwa zikanabyanduza abantu.

Ibitaro bya New Vision Veterinary, bikorera mu Rwanda guhera muri 2018. Bigendanye n'uko bamwe mu Banyarwanda bari bagifite imyumvire iri hasi cyane cyane ku bijyanye no kuvuza imbwa n'injangwe, umubare munini w'abaganaga ibi bitaro ni uw'abanyamahanga, gusa ubuyobozi bwabyo buvuga ko n'Abanyarwanda batangiye kujya bitabira.

Uretse kurwara zikavuzwa, Dr. Turikumwenayo avuga ko imbwa zigira ibibazo mu gihe cyo kubwagura, zinahabwa serivisi yo kubagwa. Ni ukuvuga ko zibwagura zibazwe. Kuva ibi bitaro byatangira muri 2018, bimaze kubwaguza imbwa eshanu gusa zibazwe, kuko zikunze kubwagura byikoze mu buryo busanzwe.

N'izirwaye indwara zidakira kandi bikagaragara ko ziri kubabara, zihabwa serivisi yo guhuhurwa ibizwi nka 'euthanasie', zigafashwa gupfa vuba zidakomeje kubabara.

Mu kwirinda kandi ko imbwa zororoka cyane zikaba ikibazo ku muryango, mu Bitaro New Vision Veterinary zirakonwa. Ibi bitaro kandi by'umwihariko ku cyicaro cyabyo gikuru hatangirwa ubuvuzi ku yandi matungo yo mu rugo arimo n'inka, yaba kuyavura, kuyakingira n'ibindi.

Binakora ubushakashatsi mu kwiga ku ndwara z'ibyorezo zibasira amatungo, mu kumenya ubwoko bwabyo no gushaka imiti yo kubihashya.

Ugirwa inama yo kudatererana imbwa yawe yakomeretse, kuko wayijyana kwa muganga igapfukwa

Inzobere mu buvuzi bw’amatungo zigaragaza ko ari byiza ko niba utunze imbwa cyangwa injangwe, uyivuza nk’uko nawe ukenera kwivuza

No mu kuvura imbwa n’injangwe hakoreshwa ikoranabuhanga rihambaye

Iyi mbwa yitwa Lily yari igiye guhabwa urukingo

Iyi njangwe yari yahawe ibitaro nyuma yo gusanga irembye

Imbwa yahawe ibitaro, mu gukomeza kwita ku buzima bwayo

Imbwa ziba zigomba guhabwa urukingo rimwe mu mwaka, mu kuzirinda indwara zanafata abantu

Iyi mbwa yari yakomeretse yaravuwe iranapfukwa

Kubakira iyi miryango ni igikorwa kizakenera uruhare rw'impande zitandukanye kuko hari abaturage bazasabwa kwiyubakira ibikanka bagahabwa amabati, abadashobora kwibonera ibibanza bazatuzwa mu nzu zuzuye n'abafite ibibanza bazubakirwa binyuze mu miganda.

Mu miryango itari iya Leta iri gufatanya n'Akarere ka Nyamasheke harimo Compassion International inyuza ubufasha bwayo mu madini atandukanye.

Dan Nkurunziza uyobora umushinga RW0398 ukorera muri ADEPR Bucumba yo mu Murenge wa Nyabitekeri yabwiye IGIHE ko bahisemo gushyira imbaraga mu gukemura ibibazo bibangamiye imibereho myiza y'abaturage.

Ati “Kuva uyu mwaka w'ingengo y'imari watangira, muri gahunda twiyemeje yo gufatanya n'abaturage kwikemurira ibibazo bibangamiye imibereho y'abaturage tumaze gutanga amabati 1230 ku miryango yari ifite ibikanka idafite isakaro. Iyo miryango twanayihaye ibilo 123 by'imisumari yo gusakaza”.

Pasiteri Kayobera Joseph, Umushumba w'Itorero ADEPR Mukoma rikorera mu Murenge wa Shangi n'uwa Nyabitekeri, yavuze ko impamvu itorero ADEPR muri iyi minsi ryashyize imbaraga mu gufasha abaturage gushakira umuti ibibazo bibangamiye imibereho myiza, ari uko Leta y'u Rwanda yiyemeje gushyira umuturage ku isonga.

Ati “Uwo muturage Leta ishyira ku isonga, niwe mukirisito wacu”.

Umuyobozi wungirije w'Akarere ka Nyamasheke, ushinzwe imibereho myiza y'abaturage Mukankusi Athanasie, yabwiye IGIHE ko isesengura baherutse gukora ryagaragaje ko muri aka Karere habarurwa imiryango 489 isembera, imiryango 2450 iba mu nzu zimeze nka nyakatsi, n'imiryango 129 yasenyewe n'ibiza.

Ati “Icyo turi gukora, ni ugufatanya n' abatishoboye kwishakamo ubushobozi, kubanza guhera ku kubaka izibabaje kurusha izindi bitewe n'ingengo y'imari idahagije. Gufatanya n'abafatanyabikorwa gushaka ibisubizo. Abaturage tubasaba gukomeza gufatanya n'abandi mu masibo aho batuye kugira ngo iki kibazo tubashe kugikemura”.

Abahawe amabati ni abafite inzu bazamuye bari barabuze isakaro

Mu Karere ka Nyamasheke abatishoboye badafite aho baba bahawe amabati

Aya makimbirane hagati y'ibi bihugu amaze igihe kubera ko yatangiye mu 1907 ubwo Abafaransa bakolonizaga Cambodia baciye umupaka wayo, ariko Thailand ikagaragaza ko batabikoze neza, kuko hari uduce turimo insengero tutagenewe nyiratwo ku buryo bishobora guteza amakimbirane.

Ku wa 23 Nyakanga 2025, ni bwo abasirikare batanu bo muri Thailand bakomerekejwe n'ibisasu byatezwe mu butaka ibi bihugu bitumvikaniraho.

Thailand yashinje Cambodia gutega ibyo bisasu muri ubwo butaka, ibintu byatumye ku wa 24 Nyakanga 2025, imirwano ihita itangira kuba kubera iyo mpamvu.

Kuva iyo mirwano yatangira hagati y'ibi bihugu byombi, abantu bagera kuri 34 bamaze kwicwa harimo abasivili n'abasirikare ku mpande zombi ndetse ibihumbi by'abaturage nabyo bimaze kuvanwa mu byabo.

Ku wa 26 Nyakanga 2025 ni wo Trump abinyujije kuri Truth Social yavuze ko yagiranye ibiganiro n'abayobozi b'ibi bihugu byombi ndetse abasaba ko bakwiriye guhagarika intambara.

Ati 'Twari tumaze iminsi turi mu biganiro byo kugirana ubucuruzi hagati y'igihugu cyacu n'ibi bihugu ariko ntabwo tuzigera dukomeza kubikora mu gihe bikiri mu mirwano.'

Yakomeje avuga ko nyuma y'ibyo biganiro ibihugu byombi byemerenyije guhagarika imirwano.

Ibintu byashimangiwe n'abayobozi bo ku mpande zombi barimo Minisitiri w'Intebe wa Cambodia, Hun Manet wavuze ko mbere y'uko ibiganiro bitangira imirwano igomba kubanza guhagarara.

Ni mu gihe mugenzi we wa Thailand, Phumtham Wechayachai, yavuze ko kugira ngo baganire, Cambodia ikwiriye kugaragaza ubushake ifite bwo guhagarika imirwano.

Indege z’intambara za Thailand ziherutse kugaba ibitero ku birindiro by’Igisirikare cya Cambodia

Kuva mu 2020 ubwo kaminuza ya INATEK yafungwaga na Minisiteri y'Uburezi, abaturage bo mu turere twa Ngoma, Kirehe ndetse na Kayonza bagorwa no kubona aho bakomereza amasomo muri Kaminuza zigenga kuko inyinshi ziri kure.

Ushaka kwiga muri weekend nk'abantu basanzwe bafite akazi mu turere twa Ngoma, Kirehe na Kayonza, bimusaba kujya kwiga mu Karere ka Rwamagana, Nyagatare, mu Mujyi wa Kigali cyangwa se mu Majyepfo.

Uretse iki kibazo kandi n'iyo ugeze mu Mujyi wa Kibungo usanga urujya n'uruza rwaragabanutse cyane, abari bafite inzu zikodeshwa n'abanyeshuri babuze ayo bacira n'ayo bamira.

Umuyobozi w'Akarere ka Ngoma, Niyonagira Nathalie, yijeje ko iki kibazo bakizi kandi ko bari gukora ibishoboka byose ngo nibura babone indi kaminuza yigenga yakorera muri aka Karere mu gihe cya vuba.

Uyu muyobozi yagize ati 'Ahahoze INATEK turi kuganira na Diyoseze Gatolika ya Kibungo ku buryo bashobora kuhatangiza ishuri rya Kaminuza Gatolika ya Kibungo. Ubu icyo turi kunoza ni ukugira ngo byihute ariko ibiganiro by'uko bazahashyira ishuri byo byararangiye.''

Uyu muyobozi yavuze ko ibiganiro bigeze ahantu heza, asaba abaturage bo mu Karere ka Ngoma na Kirehe kuba bihanganye kuko ngo mu minsi mike bazabona iyi kaminuza yitezweho gufasha benshi kuva mu bwigunge.

Ati 'Turifuza ko iyi kaminuza itangira vuba bishoboka ikagirira akamaro abaturage bacu kuko ubu baravunika, hari abajya kwiga za Rwamagana, hari abajya i Byumba n'abandi bajya kwiga mu Majyepfo […] urumva rero aho hose ni kure ku buryo nitubona ishuri bizafasha benshi mu batuye Ngoma, Kirehe n'igice cya Kayonza.''

Kugeza ubu mu Karere ka Ngoma habarizwa ishuri rya IPRC Ngoma ari naryo rikuru riri muri utu turere twa Ngoma na Kirehe duherereye mu Ntara y'Iburasirazuba.

Umuyobozi w'Akarere ka Ngoma, Niyonagira Nathalie, yijeje ko mu gihe cya vuba ahahoze INATEK hazatangira indi kaminuza