Blog

Inyogosho zidasanzwe zigaragara muri shampiyona y’u Rwanda

Umupira w’amaguru ni kimwe mu bintu bikunzwe cyane, ndetse bigatuma n’abawukina baba mu bantu bazwi cyane ndetse banakurikirwa n’abantu benshi, ibi binatuma abakinnyi b’umupira w’amaguru nabo ubwabo bakunda kugaragara mu buryo budasanzwe.

Mu gihe amakipe ari kwitegura gutangira imikino yo kwishyura izatangira ku wa Gatandatu tariki 12/02/2022, reka tubereke zimwe mu nyogosho zidasanzwe zigaragara ku bakinnyi bo mu Rwanda mu makipe atandukanye akina icyiciro cya mbere.

Inyogosho ya Leandre Willy Essomba Onana wa Rayon Sports iri mu zidasanzwe muri shampiyona y’u Rwanda

Kimenyi Yves wa Kiyovu Sports, nta byinshi usibye akarongo yanyujije mu musatsi we

Umunyezamu Kwizera Olivier wa Rayon Sports ni uku yabigenje

Kwizera Pierrot wahize muri AS Kigali ubu ni umukinnyi wa Rayon Sports

Lomami Frank ukinira Rutsiro FC

Manace Mutatu wa Rayon Sports ni uku agaragara, gusa no ku itama yongeraho utundi tutari inyogosho

Manishimwe Djabel wa APR FC

Mugheni Kakule Fabrice ukinira AS Kigali

Mugisha Bonheur wa APR FC

Mugunga Yves wa APR FC

Hakizimana Muhadjili wa Police FC

Muhire Kevin, kapiteni wa Rayon Sports

Inyogosho ya Mushimiyimana Mohamed wa Rayon Sports

Bigirimana Abedi wa Kiyovu Sports

Bigirimana Abedi wa Kiyovu Sports

Bigirimana Abedi wa Kiyovu Sports

Bigirimana Abedi wa Kiyovu Sports

Adams wa Mukura VS

Aboubacar Djibrine wa Mukura VS

Mercy Ikenna Duru wa Gorilla FC

Dusingizimana Gilbert wa Kiyovu Sports

Iloko wa Gorilla FC

AMAFOTO: NIYONZIMA Moise

Muri raporo yasohotse tariki 06 Gashyantare 2022, uturere dutatu tw’Umujyi wa Kigali turi mu myanya itanu ya nyuma nk’uko iyo raporo ibigaragaza.

Uturere dutanu tuza inyuma mu kwizigamira muri Ejo Heza mu mwaka w’ingengo y’imari 2021/2022, hashingiwe ku muhigo wa buri Karere ni Akarere ka Gasabo kari ku mwanya wa 26, Ngoma ku mwanya wa 27, Kicukiro ku mwanya wa 28, Nyagatare ku mwanya wa 29 mu gihe Nyarugenge iza ku mwanya wa nyuma.

Mu turere dutanu twa mbere mu kwizigamira muri Ejo Heza mu mwaka w’ingengo y’imari 2021/2022, hashingiwe ku muhigo wa buri Karere, Gakenke ni yo iza ku isonga, igakurikirwa n’akarere ka Nyamasheke, ku mwanya wa gatatu haza akarere ka Gicumbi, Nyaruguru iza ku mwanya wa Kane mu gihe Bugesera iza ku mwanya wa gatanu.

Uko uturere dukurikirana:

Uko uturere dukurikirana:

Inkangu zahitanye imyaka y’abaturage

Kigali Today ivugana n’Umunyamabanga Nshingwabikorwa w’Umurenge wa Nyundo, Aaron Habimana, yatangaje ko mu murenge ayobora habaye inkangu ebyiri zatewe n’imvura nyinshi yaraye iguye.

Yahize ati “Inkangu yatewe n’amazi menshi yinjiye mu musozi uratenguka, nta muntu wahitanye ariko watwaye imirima y’abaturage. Byangije n’ikiraro cyahuzaga Akagari ka Terimbere na Kavomo cyabigendeyemo, turashaka uburyo haboneka aho abaturage banyura bambuka.”

Gitifu Habimana avuga ko iyo nkangu yabereye mu Kagari ka Kavomo, umudugudu wa Kinyendaro, ndetse imvura yaguye ikaba yateye inkangu nayo yatwaye imyaka n’imirima y’abaturage mu kagari ka Nyundo.

Uretse kwangiza ibikorwa remezo, gutwara ubuzima bw’abantu no gutera inkangu, muri rusange imvura yaraye iguye yateje igihombo ku barobyi bakorera mu kiyaga cya Kivu.

Bamwe mu barobyi bavuganye na Kigali Today batangaje ko umusaruro wabo w’isambaza wabaye mukeya, kubera umuyaga n’imvura nyinshi byabonetse iri joro ryakeye.

Umwe ati “Ubu twabuze umusaruro kubera umuyaga n’imvura, isambaza zikunda umutuzo, ntabwo rero twabashije kuzifata kubera icyo kibazo.”

Ikilo cy’isambaza gisanzwe kigura amafaranga 2,500, abarobyi bavuga ko igiciro gishobora kuzamuka kubera umusaruro wabuze.

Rutahizamu ukomoka muri Portugal ukinira Manchester United, Cristiano Ronaldo yabaye umuntu wa mbere ku Isi ukurikirwa n’abantu benshi ku Isi aho yujuje miliyoni 400 z’abamukurikira kuri Instagram.

Ni imibare yatumbagiye cyane mu mezi atanu ashize, ni nyuma y’uko yari amaze gusinyira Manchester United muri Kanama 2021.

Muri Nzeri 2021 Cristiano Ronaldo yakurikirwaga n’abantu miliyoni 237, kuva icyo gihe kugeza muri Gashyantare uyu mwaka amaze kwiyongeraho miliyoni 163 z’abamukurikira kuko ubu yujuje miliyoni 400.

Cristiano Ronaldo akaba ari na we muntu wishyurwa amafaranga menshi iyo umuntu ashaka ko amwamariza ku rukuta rwe rwa Instagram aho post imwe ashobora kwishyuza miliyoni 1.6 z’amadorali nk’uko ikinyamakuru The Guardian cyabitangaje.

Uyu rutahizamu wagiye uca uduhigo twinshi ku Isi akaba agwa mu ntege n’umunyamideli w’umunyamerikakazi, Kylie Jenner ufite abamukurikira basaga miliyoni 308 na rutahizamu Lionel Messi ufite miliyoni 306 z’abamukurikira.

Cristiano akaba yaraciye aka gahigo mu gihe ari mu byishimo by’isabukuru y’imyaka 37 amaze ku Isi, ni isabukuru yagize tariki ya 5 Gashyantare 2021.

View this post on Instagram

A post shared by Cristiano Ronaldo (@cristiano)

Cristiano Ronaldo ubu ni we muntu ukurikirwa cyane ku Isi kuri Instagram

Minisitiri Gatabazi asaba ko ibintu bihinduka, abaturage bagahabwa serivisi nziza

Ubwo yahuraga n’abayobozi b’Intara ndetse n’Umujyi wa Kigali ku wa 06 Gashyantare 2022, Minisitiri Gatabazi yavuze ko baganiriye kuri gahunda nyinshi zirimo ibyo abaturage binubira yaba serivisi mbi bahabwa, ibijyanye na ruswa, kutabaha umwanya ndetse no kubasiragiza.

Banumvikanye ko bagenda bakareba ibyo abaturage batishimira bigashakirwa ibisubizo bigakemuka, umuturage akajya ku isonga agafashwa gukemura ibyamuhungabanyiriza ubuzima.

Ati 'Ibintu bigomba guhinduka, abaturage bagomba guhabwa serivisi nziza, abazibaha ni abayobozi, kandi abayobozi bahembwa na Leta. Abayobozi b’inzego z’ibanze n’izindi dufatanya, ni twebwe duhagarariye Umukuru w’igihugu mu gufasha kugira ngo ageze ku baturage ibyo yabemereye'.

Akomeza agira ati 'Nta bisobanuro na bimwe twabona byo kudaha umuturage serivisi kandi aricyo twasinyiye amasezerano y’akazi yacu, ari nacyo twiyemeje ko umuturage agomba kuba ku isonga. Bagomba rero kubikora kandi abaturage bakatugaragariza aho bitagenda, kugira ngo abatabikora neza babibazwe, abadashoboye bavanwemo, abashoboye gukomeza bakomeze, ariko ibintu bigomba guhinduka'.

Kuba abayobozi bafite ubushobozi ngo bigomba gukorwa bigakunda, ibigomba gukosorwa bigakosorwa, hakazabaho no kubikurikirana ko bishyirwa mu bikorwa mu gihe runaka.

Mu bigomba gukosorwa harimo no kuba hari igihe umuturage aza agana umuyobozi, yumva ko ariwe wamukemurira ikibazo ahubwo akamusubiza k’uwo bagifitanye, nk’uko Minisitiri Gatabazi abisobanura.

Ati 'Twasanze hari n’igihe umuyobozi, umuturage aza amugana, aho kugira ngo ajye kumukemurira ikibazo, yongera akamusubiza kuri wa wundi n’ubundi umurenganya. Twasabye ko niba ikibazo kikugezeho ujya kugikemurira aho cyakomotse, aho kugira ngo wongere kohereza umuturage kuri ba bandi n’ubundi batumye azamuka ku rwego rw’igihugu'.

Minisitiri Gatabazi Jean Marie Vianney

Minisitiri Gatabazi avuga ko ubwo Umukuru w’igihugu yasozaga umwiherero w’abayobozi b’inzego z’ibanze, yabanenze ku bijyanye na serivisi baha abaturage, guhora babasiragiza, bari mu nama zidashira, ndetse mu ijambo rye risoza umwaka akaba yarababwiye ko ategereje kubona banoza serivisi baha abaturage.

Minisiteri y’Ubutegetsi bw’igihugu ivuga ko byose byahawe ibipimo ku buryo bizera ko bizahinduka, kandi abaturage nabo bakabibafashamo kugira ngo bakomeze gutera imbere.

Mu bindi byaganiriweho ni uburyo hakongerwa ubukangurambaga bwo gusubiza abana mu mashuri, kuko bigaragara ko hari benshi baritaye, harimo abagiye mu muhanda, abibereye iwabo, abakoreshwa imirimo ivunanye n’ibindi bintu bahugiyemo bitandukanye, ariko bitaba impamvu yo guta ishuri.

Inyuma y’isoko hagaragara umwanda

Ni ahantu hari ikigunda bigaragara ko hatagira uhitaho, ahari ubwiherero bumwe bugikora n’ubundi bwafunzwe, hakaba n’icyobo cy’ubwo bwiherero aho cyuzura umwanda ukarenga ibisima biwutwikira ugahinguka inyuma, umunuko ugakwira muri ako gace.

Ni ahantu mu mujyi rwagati wa Musanze, hegereye ahatangirwa serivise zinyuranye zijyanye n’ubuzima, zirimo resitora, amavuriro yigenga n’ibindi bikorwa bihurirwamo n’abantu benshi.

Mu baganiriye na Kigali Today, bakomeje kunenga uwo mwanda, bavuga ko uretse n’uburwayi wabatera nk’ahantu bagurira ibiribwa, ngo n’abanyamahanga banyura muri izo nzira bashobora kwibaza byinshi nk’umujyi w’ubukerarugendo ukaba uvugwa ko ari n’uwa kabiri kuri Kigali.

Uwitwa Habihirwe Fiston avuga kuri uyu mwanda, yagize ati 'Njye ndahaturiye haratubangamiye cyane, biranuka ku buryo buteye ubwoba urabona ni ku nzira, abantu urasanga bifashe ku mazuru kandi bambaye udupfukamunwa, cyane cyane mu masaha y’umugoroba ntawe uhanyura, ntabwo bikwiye ko ahantu hacururizwa ibiribwa hakwiye kugaragaza umwanda nk’uyu'.

Hari n’abahihagarika

Mugenzi we witwa Manizabayo we yagize ati 'Ibi biratubangamiye ahubwo mudukorere ubuvugizi abashinzwe isuku badukize uyu mwanda, kuba byegereye isoko ry’ibiribwa ni ikibazo gikomeye reba nk’aya masazi agurukira mu isoko ava mu musarani, arajya kwanduza ibiribwa, ibaze umujyi wa kabiri mu gihugu'.

Mugenzi we witwa Geoffrey Hakizimana, ati 'Iki ni ikibazo gikomeye, reba ibisombe bajugunya hano, amakara, baranahituma ndetse buri wese araza akihagarika inyuma y’umusarani'.

Ati 'Ni ikibazo, urabona na biriya byobo bijyamo umwanda wo mu musarani byaruzuye umwanda urahinguka hejuru, iyo baje kuvidura bwo handura benshi kubera umunuko, njye ndumva bahagurukira uyu mwanda, bagashaka n’abasekirite bakaharinda'.

Maniriho Faustin, umwe mu bakorera hafi y’aho uwo mwanda uri, we avuga ko aterwa impungenge n’abanyamahanga bahanyura.

Ati 'Twe uyu munuko twarawumenyereye, ahubwo njye ngira impungenge n’ipfunwe iyo mbonye abanyamahanga bahanyura bajya gushaka amacumbi muri aya mahoteri ya ruguru, uyu mwanda urakabije bagire icyo bakora'.

Bavuga ko uyu mwanda udakwiye mu mujyi hagati

Abacururiza muri iryo soko ry’ibiribwa na bo bibaza impamvu aho hantu hadakorerwa isuku kandi buri munsi basabwa amafaranga agenewe isuku, ibyo bakabifata nko kunyereza umutungo wabo, iyo badakoresha amafaranga basabwa icyo yagenewe.

Mu kumenya icyo ubuyobozi bw’Akarere ka Musanze buvuga kuri icyo kibazo, Kigali Today yegereye Umuyobozi w’ako Karere, Ramuli Janvier avuga ko atari azi ko icyo kibazo gihari kandi kigeze kuri urwo rwego, avuga ko agiye kubwira ubuyobozi bw’Umurenge wa Muhoza bagasura aho hantu bagakemura icyo kibazo mu buryo bwihuse.

Yagize ati 'Ntabwo nari nzi ko hari ikibazo kigeze kuri urwo rwego, icyo ndakora ni ugufatanya n’ubuyobozi bw’Umurenge wa Muhoza, tukajyayo tukahasura tugafata icyemezo gikwiye, ibyo ntabwo bikwiye reka tuhagere byihuse turebe icyahakorerwa mu rwego rwo kurengera isuku n’isukura'.

Umwanda wo mu musarani iyo wuzuye icyobo cyabugenewe uzamuka hejuru ugateza umunuko

Umuyobozi w’Akarere ka Rutsiro, Murekatete Thriphose, yabwiye Kigali Today ko ikiraro gihuza imirenge ya Mushonyi na Kigeyo cyatwawe n’amazi.

Ati 'Ni byo imvura yaguye yangije ibintu bitandukanye harimo n’ikiraro gihuza imirenge ya Mushonyi na Kigeyo, ubu twohereje itsinda ribishinzwe ngo rirebe icyakorwa byihuse mu gufasha abaturage.'

Uyu muyobozi avuga ko amazi yiyongereye kuri iki kiraro akaba yatwaye umuntu wakinyuzeho.

Uretse imihanda yangijwe n’inkangu, ubuzima bw’umuntu n’ ibiraro byacitse, hari n’ibindi bikorwa remezo byangiritse, ubuyobozi bw’Akarere butangaza ko bukibarura.

Ikiraro gihuza Umurenge wa Mushonyi na Kigeyo ni cyo cyoroshya ubuhahirane ku barema isoko rya Nkora ryo muri ako Karere, ndetse kikaba gikoreshwa n’abakora ubukerarugendo bw’abagenda n’amaguru buhuza uturere tugize Intara y’Iburengerazuba.

Mwenedata Jean Pierre, Umunyamabanga Nshingwabikorwa w’Umurenge wa Mushonyi, avuga ko hari ibiraro byangiritse ku buryo bigoye kongera gusanwa.

Bigaragara ko imvura ikomeje kugwa hirya no hino mu gihugu ari nyinshi. Ubuyobozi bw’Ikigo cy’Igihigu cy’Ubumenyi bw’Ikirere (Meteo Rwanda) bwatangaje ko kuri uyu wa Mbere tariki 7 Gashyantare hateganyijwe imvura irimo n’inkuba, abaturage bakaba basabwa kwitwararika, birinda kugama munsi y’ibiti n’ahandi habateza gukubitwa n’inkuba.