Blog

'Ici c'est Paris' iyi niyo ntero n'inyikirizo iraye mu mujyi wa Paris ndetse n'indi mijyi iyikikije, nyuma yuko PSG bigoranye itsinze Real Madrid mu mukino ubanza wa 1/8 cya UEFA Champions League.

Uyu mukino ubanza wabereye ku kibuga cya Parc des Princes cya PSG giherereye mu mujyi wa Paris mu Bufaransa, ukaba wasifuwe n'umutaliyani Daniele Orsato.

Ni umukino waranzwe no gusatira cyane kwa PSG mu minota 90 yose ariko uburyo bwo gutsinda igitego buba bucye ndetse n'ububonetse bupfushwa ubusa.

Iyi kipe yari imbere y'abafana bayo yasatiriye cyane izamu rya Real Madrid mu minota 45 y'igice cya mbere binyuze kuri kabuhariwe Lionel Messi, Klyan Mbappe wagoye cyane ubwugarizi bwa Madrid ndetse na Angel di Maria, ariko amahirwe yo kuboneza mu rushundura aba macye.

Real Madrid yanyuzagamo igasatira gusa byabaye gacye cyane kuko gahunda ikipe yari ifite ari ukugarira yirinda kwinjizwa igitego.

Iminota 45 y'igice cya mbere yarangiye amakipe yombi anganya 0-0.

Igice cya kabiri cyatangiye PSG yariye karungu ishaka gufungura amazamu, abarimo Messi na Mbappe bacana umuriro ku bwugarizi bwa Miltao, Mendy, Carvajal n'abandi ndetse bibaviramo gukora amakosa menshi yabahesheje amakarita y'imihondo.

Daniel Carvajal waranzwe n'amakosa menshi muri uyu mukino, uruhande rwe rw'iburyo akina hari habaye icyambu ku bakinnyi barimo Mbappe wari wamuzonze cyane.

PSG yabonye amahirwe yo gufungura amazamu ku munota wa 60, ubwo Mbappe yazamukanaga umupira akinjira mu rubuga rw'amahina Carvajal akamutega, umusifuzi Orsato yemeza ko ari penaliti ihita ihabwa Messi.

Messi yateye iyo penaliti ashaka gufungura amazamu ariko Thibaut Courtois wari mu izamu rya Real Madrid umupira awukuramo, abafana ba Paris bagwa mu kantu.

Umunyezamu Courtois yakomeje gutabara Real Madrid arayiheka, akomeza gutambamira ibyishimo by'abafana ba PSG.

Umutoza wa PSG Pochettino yakoze impinduka yinjiza mu kibuga Neymar utaheruka gukina kugira ngo atange umutahe we muri uyu mukino.

Iminota 90 y'umukino yarangiye amakipe anganya 1-1, umusifuzi yongeraho iminota 4.

Ku munota wa nyuma mu yari yongeweho, Neymar yatanze umupira n'agatsitsino kwa Mbappe acenga abarimo Vasquez atera mu izamu Courtois ntiyabasha kugarura uwo mupira, PSG ifungura amazamu.

Umukino wahise urangira PSG yegukanye intsinzi ku gitego 1-0 cyabonetse ku munota wa nyuma w'inyongera, bituma iyi kipe yo mu Bufaransa itera intambwe igana muri ¼ aho itegereje umukino wo kwishyura uzabera i Madrid tariki ya 09 Werurwe 2022.

Mu wundi mukino wa 1/8 wabaye, muri Portugal ntabwo byagendekeye neza Sporting CP kuko yahanyagiriwe na Manchester City yo mu Bwongereza ibitego 5-0, birimo 2 bya Silva, 1 Mahrez, 1 Sterling, 1 Foden.

Mbappe yatsinze igitego cyahaye amanota PSG imbere ya Real M,adrid

Mbappe ushobora kujya muri Real Madrid mu mpeshyi niwe wayitsinze igitego gishobora kuyisezerera muri Champions League

Courtois yakuyemo penaliti ya Messi

Mbappe yabaye umukinnyi w’umukino

Abakinnyi ba PSG bashimiye abafana baje kubashyigikira muri uyu mukino

Ni umukobwa w'inzobe icyeye n'uturango tw'ubwiza tudashira! Uganira bigatinda, akakirana urugwiro abamugana; anumvikanisha neza ibitekerezo bye mu kugira uruhare mu guhindura sosiyete Nyarwanda.

Ni umwe mu bakozi ba kompanyi Ishusho Ltd ihagarariwe na Muyoboke Alex, wabaye umujyanama w'abahanzi bakomeye mu Rwanda. Ubu ni we ureberera inyungu umuhanzi Chris Hat.

Muheto afite ababyeyi bombi, avuka mu muryango w'abana bane, ni umwana wa kabiri. Mu 2021, nibwo yasoje amashuri yisumbuye muri Fawe Girls' School mu Ishami ry'Imibare, Ubukungu n'Ubumwenyi bw'Isi [MEG].

Amashuri abanza yize kuri Kingdom Education Center. Kwiga ishami ririmo imibare n'ubukungu, ni ibintu avuga ko yakuze akunda kuko aya masomo yombi yayumvaga, bituma yiyemeza kuba ariyo asozamo amashuri ye yisumbuye, kandi agaragaza ko yatsinze neza ikizamini cya Leta. 

Hashize igihe gito asoje amashuri yisumbuye, yabonye itangazo rya Rwanda Inspiration Back Up itegura Miss Rwanda rihamagarira abakobwa kwiyandikisha muri iri rushanwa.

Bihurirana n'uko kuva akiri ku ntebe y'ishuri yakurikiranye urugendo rw'iri rushanwa, muri we akumva ko igihe nikigera ntakabuza azitabira.

Yabwiye INYARWANDA ko kwitabira muri Miss Rwanda byaturutse ku cyizere no gushyigikirwa n'umuryango we, inshuti ze n'abandi.

Ati 'Kugira ngo nitabire Miss Rwanda icya mbere ni uko ari ibintu nakuze nkunze. Kuva nkiri umwana nahoraga mbona iri rushanwa nkabona ni byiza, nkabona birashimishije nanjye nkavuga nti umunsi umwe ndifuza ko nagirirwa amahirwe nkajya mu bari guhatanira ikamba. Nicyo cyatumye ngira imbaraga zo gukomeza kuza muri iri rushanwa.'

Akomeza ati 'Ikindi cya kabiri cyanteye kuba najya muri iri rushanwa ni icyizere iwacu bari barangiriye, ababyeyi banjye, inshuti zanjye rero uko bakomezaga kubimbwira nanjye byanteraga imbaraga zo kumva nanjye nabikora. Nkavuga nti wenda bino bintu bakomeza kumbwira kuki ntabikora.'

Muheto yavuze ko yorohewe no kubwira Se na Nyina ko igihe kigeze kugira ngo yitabire Miss Rwanda. Avuga ko ababyeyi be bahuza cyane, kandi ko bamushyigikira muri buri ntambwe yose nziza ashaka gutera mu buzima bwe.

Uyu mukobwa avuga ko Nyina ari we yabanje kubwira ko agiye kwitabira Miss Rwanda. Nyina yamubwiye ko amushyigikiye, amubwira akamaro ko kwitabira Miss Rwanda ku mwana w'umukobwa ushaka gukabya inzozi ze.

Avuga ko akimara kubibwira Nyina yanabibwiye Se, nawe amubwira ko azamushyigikira uko ashoboye. Hari mu Ukuboza 2021 afata icyemezo cyo kwitabira Miss Rwanda. Ati 'Bambereye beza bahita babyumva. Ntabwo byangoye muri macye.'

Muheto avuga ko Miss Rwanda ari irushanwa ryiza risigira ubumenyi buhagije umwana w'umukobwa, kandi rikamufasha gutanga umusanzu we ku gihugu.

Akavuga ko amahirwe uru rubuga rutanga atari kuyitesha. Ati 'Nashakaga kwitabira Miss Rwanda kuko uru ni urubuga rufasha umwana w'umukobwa, rugafasha umwana w'umukobwa gutinyuka, rugafasha umwana w'umukobwa mu bintu byinshi bitandukanye.'

'Uru rubuga nararubonaga nkavuga nti nanjye umunsi umwe, ndashaka kuzagira umusanzu ntanga mu kubaka igihugu. Nkabona uburyo bworoshye cyangwa uburyo byahita byihutamo, nabinyuza muri iri rushanwa rya Miss Rwanda.'

'Kuko ni urubuga ruhita rugushyigikira haba mu mushinga wawe waba ufite, rero nabonaga iri rushanwa ari irushanwa ryiza ryo kuba natangiriraho mu gutanga umusanzu wanjye mu kubaka u Rwanda.'

Muheto ari mu bakobwa 9 bahagarariye Uburengerazuba muri Miss Rwanda 2022.

Uyu mukobwa yavuze ko yitabiriye Miss Rwanda kugira ngo atize imbaraga ze 'Igiceri Program'. Iyi ni gahunda itoza abaturage kwizigamira bahereye ku giceri cy'amafaranga 100 Frw buri munsi.

Muheto avuga ko yifuza gukangurira iyi gahunda urubyiruko yibanda ku b'igitsina gore. Akagaragaza ko yacukumbuye amenya neza iyi gahunda, kandi abona ubuhamya bw'abantu batandukanye bayobotse iyi gahunda bagaragaza ko yababereye akabando bicumba mu buzima bwa buri munsi.

Muheto yabwiye INYARWANDA ko uyu mushinga yawuhisemo mu yindi kubera ko ashaka ko n'urubyiruko ruwumva neza mu bijyanye no kwizigamira. We, avuga ko kwizigamira ari umuco yatoye, kandi ashaka no kuwutoza n'abandi.

Uyu mukobwa avuga ko akimara kwanzura kwitabira Miss Rwanda no guhitamo umushinga azakora, yafashe n'umwanya wo kureba ibikorwa byakozwe n'abakobwa 10 bambitswe ikamba rya Miss Rwanda, anareba uko bagiye bitwara.

Ibi ngo byamufashije kwinjira mu irushanwa hari ubumenyi arifiteho, akagaragaza ko buri mukobwa wambitswe ikamba rya Miss Rwanda yakoze uko ashoboye, kandi agirira umumaro sosiyete.

Muheto avuga ko yahisemo kwiyamamariza mu Karere ka Rubavu kubera ko ari Intara afitemo umuryango, kandi akaba yarakundaga kuhagenda cyane.

Avuga ko ari mu nzira agenda yasengaga cyane, asaba Imana kumuha kwakira ibyo ari buhabwe byose. Akigera imbere y'akanama nkemurampaka, Miss Mutesi Jolly yamubwiye ko 'uri mwiza', bituma abakoresha imbuga nkoranyambaga bavuga ko bitari bikwiye.

Muheto avuga ko yashimishijwe n'amagambo ya Jolly. Ati 'Ikintu cya mbere cyahise kinza mu mutwe kwari ukumushimira. Hanyuma uko nabyakiriye ni nk'umugisha kuko naje no gusanga biriya bintu n'ubundi Jolly akunda kubivuga […]'

Uyu mukobwa avuga ko Miss Mutesi Jolly ari icyitegererezo cye 'mu byo akora'. Ati 'Miss Mutesi Jolly icya mbere ni Nyampinga wacu, yabaye Nyampinga w'u Rwanda. Icya kabiri mufata nk'icyitegererezo. Jolly ni umukobwa w'icyitegererezo mubyo akora, uko avuga, uko agenda. Jolly muri make ni icyitegererezo.'

Muheto avuga ko ibintu bitatu irushanwa rya Miss Rwanda rigenderaho birimo Ubwiza, Ubwenge n'Umuco abyujuje ari nayo mpamvu yaryitabiriye.

Ibitekerezo byatanzwe ku mafoto ya Muheto bigizwe n'iby'abantu bemeza ko ari urucabana! Bagahamya ko ari we Miss Rwanda 2022.

Uyu mukobwa avuga ko ibitekerezo by'abantu bamusabiye ikamba rya Miss Rwanda n'irya Miss Popularity yabibonye. Akavuga ko abifata nk'umugisha ariko kandi bituma ari gukora uko ashoboye kugira ngo 'nzagaragaze ko mbikwiye koko!'

Muheto yavuze ko yinjiye muri Miss Rwanda ashaka ikamba rya Miss Rwanda 2022, kandi ngo afite icyizere cy'uko azaryegukana agasaba gushyigikirwa.

Ku wa Gatandatu tariki 22 Gashyantare 2022, hazamenyekana abakobwa 20 bazajya mu mwiherero wa Miss Rwanda 2022.

Muheto avuga ko muri iki gihe ari kunoza neza umushinga we, kugira ngo azabashe kuwumvikanisha neza imbere y'akanama nkemurampaka, abashe gutambuka.

Uyu mukobwa ari mu bakobwa 9, batsindiye guhagararira Intara y'Uburengerazuba muri Miss Rwanda 2022. Muri iyi Ntara hari hiyandikishije abagera kuri 51. Muri abo, 34 ni bo bageze imbere y'akanama nkemurampaka, gahitamo 9 bagomba gukomeza.

Abakomeje ni No 33. Umubyeyi Sandrine, No 04. Isaro Nadia, No 15. Stella Matutina Murekatete, No 17. Kazeneza Marie Merci, No 32. Mwiza Amelia, No 21. Muringa Jessica, No 02. Keza Maolithia, No 03. Uwajeneza Peggy na No 06. Nshuti Divine Muheto.    

Nshuti Divine Muheto yashimye Miss Mutesi Jolly wamuteye imbaraga muri Miss Rwanda, avuga ko ari icyitegererezo cya benshi 

Muheto yavuze ko yagize ubwoba ubwo hatangazwaga abakobwa 9 bahagarariye Uburengerazuba, kuko bamuhamagaye nyuma y'abandi 

Nshuti Divine Muheto yavuze ko kwitabira muri Miss Rwanda byaturutse ku cyizere no gushyigikirwa n'umuryango we, inshuti ze n'abandi 

Muheto yavuze ko yanyuze muri Miss Rwanda kugira ngo atange umusanzu we mu kubaka u Rwanda rwifuzwa 

KANDA HANO UREBE IKIGANIRO TWAGIRANYE NA NSHUTI MUHETO DIVINE

“>

AMAFOTO: Iradukunda Jean De Dieu-INYARWANDA.COM

Trudeau yavuze ko ingamba zo guhagarika imyigaragambyo y’abatumva ishyirwaho ry’itariki ntarengwa yo kwikingiza, zafashwe kandi zigomba kubahirizwa hatabayeho ibindi byemezo by’inkiko. 

Ibi bije nyuma y’uko abaturage benshi bo muri Canada na Leta Zunze Ubumwe za America batangiriye kwigaragambya, bavuga ko badashaka igitutu kibashyirwaho ngo bafate inkingo za COVID-19.

Hari imyigaragambyo

Nyuma y’aho imyigaragambyo ifashe intera ikomeye mu cyumweru gishize, Trudeau yavuze ko abapolisi bahabwa ibikoresho byinshi byo gufunga cyangwa guhana abigaragambyaga, ariko ntacyo byahinduye ku myigaragambyo.

Ibintu byakomeje kuba bibi uko iminsi ihita, bituma Minisitiri w’intebe afata umwanzuro wo gukoresha itegeko ryihutirwa (Emergency act) mu rwego rwo kugerageza guhagarika imyigaragambyo.

Itegeko ryihutirwa (Emergency act) muri Canada ryemejwe mu mwaka w’ 1988, aho rivuga ko mu bihe igihugu kigeraniwe n’ibibazo, abayobozi baba bashobora gukoresha ubushishozi bakemeza itegeko kandi rigahita rikoreshwa mu rwego rwo kurengera ubuzima cyangwa umutekano w’abanya-Canada.

Justin Trudeau

Kubw’ibyo, uyu muyobozi yavuze ko hagomba gushyirwaho amategeko mashya akumira abigaragambya, arimo nko kuba uwagaragaye mu myigaragambyo wese afungirwa konti ya Banki cyangwa agahagarikirwa ubwishingizi bw’ikinyabiziga.

Kuva mu byumweru bitatu bishize, abatuye Canada bagaragaje ko bafite uburenganzira ku guhabwa cyangwa kudahabwa inkingo za COVID-19, aho bigabije imihanda ndetse na Ambasade zitandukanye bigaragambya.

Iminsi ikomeje kugenda ivaho umwe ngo hamenyekane uzambara ikamba rya Nyampinga w'u Rwanda w'umwaka wa 2022.

Mu bakobwa babashije kwitabira  amajonjora yabereye mu mujyi wa Kigali ari nayo yasoje ayandi, hari abakomeje gutumbagira kurusha abanda ku mbuga za Miss Rwanda.

Muri abo harimo ababashije gukomeza ndetse n'abatarabashije gukomeza ibintu wakibaza ikibitera, gusa ibisubizo bikaba ko abantu bakunda mu buryo butandukanye.

Kime mubyo twavuga biza kuisonga mu gutuma amafoto y'aba bakobwa akundwa cyane ku mbuga za Miss Rwanda by'umwihariko kuri Instagram, ni uburanga bwashituye abakurikirana uru rubuga.

Ikindi twavuga, kikaba ari ubwamamare bwa bamwe mu bakobwa biyamamarije i Kigali. 

Icya nyuma mubyo twavuga, ni uburyo amafoto ya bamwe mu bakobwa agaragara, ndetse n'uburyo yagiye akwirakwizwa ku mbuga zinyuranye, nka whatsapp n'izindi.

INYARWANDA yabegeranyirije abakobwa bagera kuri 15 bamaze kubona 'like' nyinshi, binyuze ku rubuga rwa Miss Rwanda mu minsi micye ishize amajonjora ashyizweho akadomo, by'umwihariko ayo mu mujyi wa Kigali yabaye kuwa 12 Gashyantare 2022.

Kugeza ubu, abakobwa bamaze kubona itike yo gukomeza bakaba bagera kuri 70, bakaba bazatoranywamo abazajya mu mwiherero.

15. Uwase Rehema afite ifoto imaze kugira like 1014 (Ntiyakomeje)

14. Dushime Thiéra Ingrése Clara afite ifoto imaze kugira like 1031 (Yarakomeje)

13. Agasaro Iliza Annick afite ifoto imaze kugira like 1049 (Ntiyakomeje)

12. Amanda Saro afite ifoto imaze kugira like 1106 (Yarakomeje)

11. Urusaro Kabagamba Lisa afite ifoto imaze kugira like1248 (Ntiyakomeje)

10. Uwagaba Aslah afite ifoto imaze kugira like 1251 (Yarakomeje)

09. Kayitare Linda afite ifoto imaze kugira like1277 (Ntiyakomeje)

08. Umutesiwase Raudwa afite ifoto imaze kugira like 1383 (Yarakomeje)

07. Umuhoza Clarisse afite ifoto imaze kugira like1595 (Ntiyakomeje)

06.Ruzindana Kellia afite ifoto imaze kugira like 1698 (Yarakomeje)

05. Noella Niyomubyeyi afite ifoto imaze kugira like1531 (Ntiyakomeje)

04. Byiringiro Sandrine afite ifoto imwe imaze kugira like 1480 n'indi ifite 2077 (Yarakomeje) 

03. Uwase Rugamba Gloria afite ifoto imaze kugira like2788 (Yarakomeje)

02. Kayumba Darina afite ifoto imwe imaze kugira like 1500 nindi 4011 (Yarakomeje)

01. Mutabazi Isingizwe Sabine afite ifoto imaze kugira like5512 (Yarakomeje)

Tariki 20/01/2022 InyaRwanda.com yasohoye inkuru ivuga ko umuziki wa Gospel mu gihugu cy’u Burundi wasubiye inyuma, bikaba byari byatangajwe n’umwe mu bakunzi b’umuziki wa Gospel mu Burundi no mu Karere. Yavuze ko intandaro yo gusubira inyuma ari ukubera ko bamwe mu baramyi b’Abarundi batakibarizwa mu gihugu cyabo cy’amavuko. Igitekerezo cy’uyu mukunzi w’umuziki wa Gospel mu Burundi, bamwe baragishimye abandi batangaza ko batemeranya n’ibyo yatangaje. 

INKURU WASOMA: Gospel mu Burundi yasubiye hasi, cyera yari imbere muri EAC kubera mwebwe – Intashyo z’Abarundi kuri Nduwimana umaze imyaka 8 mu mahanga

Fabrice Nzeyimana, umuhanzi w’umuhanga uri mu bakunzwe cyane mu muziki wa Gospel mu Burundi no mu Karere, ari mu bantu batemeranya n’uwavuze ko umuziki wa Gospel wasubiye inyuma mu Burundi. Yasobonuye impamvu eshanu zishimangira ko uwo muziki utigeze usubiye inyuma anatangaza indirimbo 50 z’Abaramyi b’Abarundi nazo zishimangira ko umuziki wa Gospel mu Burundi uhagaze bwuma. Fabrice kuri ubu uririmbana n’umugore we Maya mu itsinda bise Fabrice & Maya, yavuze ko abantu benshi bakunze kwibeshya bakagendera kuri Youtube gusa mu kureba niba umuziki w’umuhanzi runaka uri gutera imbere cyangwa utari gutera imbere.

Gospel y’u Burundi ifite abahanzi b’abahanga benshi uhereye ku wo bafata nk’umubyeyi wabo Apotre Apollinaire (iburyo)

Mu kiganiro na InyaRwanda.com, Fabrice Nzeyimana yavuze impamvu eshanu zinyomoza ibyatangajwe ko umuziki wa Gospel mu Burundi wasubiye inyuma. Yagize ati “Abavuga ko umuziki wa Gospel w'u Burundi wasubiye inyuma baba bisunze ikintu cy'uko batabona indirimbo nyinshi kuri Youtube. Muri iyi myaka Youtube yateye imbere cyane muri bino bihugu byo mu karere kandi biraboneka ko u Burundi buri inyuma ku bijanye na YouTube ku bw'impamvu zitandukanye. Nibyo hari abaririmvyi bamwe na bamwe tutakiri mu gihugu cy'u Burundi, bigatuma abantu bibaza ko Gospel mu Burundi itakiriho ariko aho baba biyobagije ibintu bikurikira:

1) Gospel music yo mu Burundi ntiyigeze yubakira kuri Youtube. Ikintu cya mbere cyari kiyubatse kuva kera ni uko ari umuziki wakorerwaga kandi ugakoreshwa muri church (mu rusengero).

2) Gospel yo mu Burundi ntiyigeze yubakira ku ndirimbo nk’izi zigezweho uyu musi kenshi zivuga ibyo umuntu acamo, ibibazo etc. Gospel yari yubakiye kuri Praise and Worship (ku kuramya no guhimbaza) indirimbo ziririmbwa mu rusengero zivuga Yesu gusa. Ugiye kureba izo ndirimbo abantu ntibakizikunda ubu n'insengero ‘ntibakizihurumbira’ cyane ubu hagezweho Youtube cyane no gushaka ‘Views’. Kandi biraboneka ko ako gakino abarundi bari inyuma.

3) Abaririmbyi b'abarundi cyangwa abacuranzi uzasanga ari bo bubatse imiziki myinshi ya hano mu karere yaba mu bya production cyangwa gucuranga muri Live Concerts haba muri Secular cyangwa Gospel. N’uko ibibazo byagwiririye igihugu (u Burundi) byahungabanije ibintu byinshi harimo na Gospel, ariko ntaho yagiye irahari. Si uko abantu batayumva cyane kuko idahari.

4) Ugiye mu nsengero i Burundi hafi ya zose uzasangamo abacuranzi beza kandi batishyurwa mu gihe mu bihugu byinshi hano mu karere bigoye cyane no kubona umucuranzi mu rusengero utamwishyuye kandi nabo bakaba bake cyane.

5) Nakuze mbona kugira ngo witwe umuhanzi akomeye i Burundi wabanzaga kuba ufite urusengero ukoreramo kuramya no guhimbaza Imana buri cyumweru. Ibyo nabyo bikubaka umuntu mu buryo butandukanye kandi burama. Uyu munsi hano mu karere kacu umuntu aba umuhanzi kubera yasohoye indirimbo imwe kuri Youtube ikabona ‘Views’. Ibi bituma Gospel itaba ‘stable’ abantu bakabimaramo akanya gato ejo ukumva babivuyemo”.

Fabrice Nzeyimana yavuze ko afite ishimwe rikomeye ku Mana kubera ko Abahanzi benshi b’Abarundi badakora umuziki wa Gospel bagamije kubona ‘Views’ nyinshi kuri Youtube ahubwo bakomeje no gutanga umusanzu mu rusengero. Ati “Ndashima cyane ko benshi mu bakora Gospel yo mu Burundi badakorera Youtube gusa ahubwo ubasanga no mu rusengero ku cyumweru. Hari génération yindi iri inyuma yacu itarajya kuri Youtube ariko imaze imyaka iyobora ‘Worship’ kandi umunsi izajya ahagaragara ni bwo tuzobona ko Gospel ntaho yagiye”.

Yongeyeho ko u Burundi bufite abahanzi benshi b’abahanga babarizwa hirya no hino ku Isi. Ati “U Burundi bufite muri Gospel abahanga benshi bakorera mu bihugu bitandukanye ku migabane hafi yose y’isi. Australie dufise David Nduwimana asanzwe anifashishwa mu mihango ikomeye y'igihugu. Fortran Bigirimana amaze gukora ibikorwa bitandukanye ku mugabane w’u Burayi, DuduT. Niyukuri ubu ari muri Kenya aho akora nawe ibikorwa bitandukanye, Willy Uwizeye muri Leta Zunze Ubumwe za Amerika, Clark Kaze muri Canada aho anakora production;

Umuramyi Christian Irimbere aba mu Rwanda akaba asengera muri ERC Masoro, umu producer Aron Nitunga yigishije benshi muri kano karere n’ubu akorana n'abahanzi batandukanye ku isi, Producer Fleury Legend (Ndayirukiye Fleury) aba mu Rwanda aho atunganya amashusho y’indirimbo za Gospel, Abacuranzi bakomeye nk’aba Arsène Nimpagaritse, Symphorien, Marc Kibamba, Shalom Shikama, Arnaud Gasige n’abandi batajya babura mu bikorwa byinshi bya Gospel yo mu Rwanda n’ahandi”. Yabwiye abakunzi b’umuziki wa Gospel mu Burundi ko hari byinshi bahishiwe ashingiye ku biri gutegurwa n’Intumwa Apollinaire. Ati “Apotre Apollinaire ubu afite urusengero rurimo rurarera abaririmbyi bandi benshi”.

Fabrice Nzeyimana yavuze kuri Playlist yakoze y’indirimbo 50 z’abaramyi bo mu Burundi

Fabrice Nzeyimana yasohoye urutonde rw’indirimbo 50 z’abahanzi ba Gospel mu Burundi ziri kumukora ku mutima muri iyi minsi, anavuga ko ziri mu byo yashingiraho yemeza ko umuziki wa Gospel mu Burundi utigeze usubira inyuma. Nk’uko yabigarutseho haruguru, yavuze ko kuba zidafite ‘Views’ nyinshi kuri Youtube, biterwa n’impamvu nyinshi, ariko ashimangira ko icyanga cy’umuziki bakora ntaho cyagiye na cyane ko kuva kera kugeza n’uyu munsi bakora umuziki wo mu rusengero. Indirimbo 50 yashyize kuri uru rutonde harimo; 

‘Ijwi ryawe’ by  Ornella Aviva, ‘Nzohora nshima’ by Dudu T. Niyukuri, ‘Mucunguzi’ by Fabrice & Maya, ‘Yesu ni muzima’ by David Nduwimana, ‘Ndaguhimbaza’ by Fabrice & Maya, ‘Inzira zawe’ by Keilla, ‘Muri wewe’ by Apollinaire Habonimana, ‘Tembesha’ by Parfaite Ineza, ‘Yaraciye inzira’ by Dudu T. Niyukuri, ‘Muremyi w’Isi’ by Fabrice & Maya, ‘Warakoze’ by Pastor Lopez, ‘Nyeningabo’ by David Nduwimana, ‘Ndi hano’ by Jean Christian Irimbere;

‘Birakumvira’ by Fortran Bigirimana, ‘Urabereye’ by Masezerano JC, ‘Umugabane wanjye’ by Ornella Aviva, ‘Mu maraso yawe’ by Dudu T. Niyukuri, ‘Mubwigobeko’ by David Nduwimana, ‘Undinde kwibagirwa’ by Willy Uwizeye, ‘Amaraso yawe’ by Fortran Bigirimana Ft James & Daniella, ‘Ndakumenye’ by Parfaite Ineza, ‘Ndacafise impamvu’ by Apollinaire, ‘Ijambo’ by Eden Banga, ‘Mwami w’ibihe’ by Fabrice & Maya, ‘Ni impore’ Kirundi Kantike, n’izindi. 

Ku bijyanye n’urutonde yakoze rw’izi ndirimbo 50 z’abaramyi bo mu Burundi, InyaRwanda.com yabajije Fabrice NZEYIMANA icyo yagendeyeho azitoranya, adusubiza agira ati “Iriya Playlist nakoze ni ukuri si Officiel. Ni iyanjye nk’uko undi wese yakora aga playlist kamunezera. Gusa icyo ziriya ndirimbo zose zihuriyeko ni uko ari iz'abarundi bagenzi banjye kandi ndazikunda cyane. Numva nazikoresha mu gihe cyo gusenga cyangwa ndirimba mu rusengero. Ikindi ni uko inyinshi abantu batazizi kandi ari indirimbo nziza kubera ibya media iwacu bitaratera imbere cyane”.

Twabajije Fabrice Nzeyimana kutubwira igihugu cyo mu Karere abona gihagaze neza mu muziki wa Gospel, asubira agira ati “Mbega umuntu yagereranya Gospel agendeye kuki? Niba turirimbira Imana by’ukuri niyo yonyine ishobora kumenya umuziki uyiryohera kurusha undi. Twe abana b'abantu dukoresha critères z'abantu ariko Gospel cyangwa Worship ihabwa Imana akaba ariyo iyemera cyangwa ikayanga. Numva rero ntavuga ngo aba basumbya aba. Gusa nk’uko ubibona nkunda igihugu cyanje ngakunda n’umuziki wacyo (yahise aseka)”.

Ni abahe banyempano bashya bo kwitega bo mu Burundi no mu Rwanda mu mboni za Fabrice Nzeyimana?

Mu gusubiza iki kibazo, uyu muramyi yahereye ku muhanzi w’umurundi w’impano itangaje mu kuririmba akaba n’umupasiteri witwa Lopez Nininahazwe, akomereza ku banyempano bo mu Rwanda barimo Guy Alain Muhire, Annette Murava ukunzwe mu ndirimbo “Niho Nkiri” imaze kurebwa inshuro zirenga ibihumbi 890 mu mezi atagera kuri atatu, n’abandi. Ati “Mu Burundi hari umuramyi witwa Lopez Nininahazwe kandi ni na Pastor by’ukuri. Njyewe indirimbo ze ziranyubaka cyane kandi ndabona arimo araza neza cyane”.

“Ku bijyanye no mu Rwanda umuririmbyi navuga benshi ntibamuzi n’ubwo atari mushya, yitwa Guy Alain Muhire ayohoye Alive and Freed akanayobora Worship kuri New Life. Iyaba yandika indirimbo nyinshi akaja kuri Youtube aba azwi, gusa ni umuhanga muri byinshi haba muri Worship cyangwa muri technique y’uko ibintu bikorwa. Aciye bugufi cyane, agakunda itorero. Njyewe ndamwemera cyane. Ariko hano ni benshi navuga barimo barazamuka; Annette Murava, Sam Rwibasira n'abandi”.

Fabrice Nzeyimana yasoje ikiganiro twagiranye agaruka ku byo itsinda Fabrice & Maya rihishiye abakunzi baryo. Ati “Uyu mwaka turifuza kugarura igiterane cya Overflow Africa, turifuza gukomeza imirimo dukora mu itorero turimo, tuzanakomeza gushyira hanze indirimbo nyinshi tumaze igihe twandika tunakora muri studio. Ikindi nakongeraho ni uko ndebye abo tumaze iminsi tuyaga muri Gospel y'u Burundi haba aba kera na bashya, ndabona 2022 uzaba umwaka udasanzwe kuko benshi bagiye gushyira hanze ibikorwa byinshi bari bamaze imisi bakora bitagaragara”.

Fortran Bigirimana (ibumoso), Apotre Apollinaire (hagati) na Fabrice Nzeyimana (iburyo)

Fabrice & Maya bahishuye ko bafite indirimbo nyinshi biteguye gushyira hanze

Fabrice Nzeyimana yakoze urutonde rw’indirimbo 50 akunze cyane muri iyi minsi z’abaramyi b’i Burundi

REBA HANO PLAYLIST Y’INDIRIMBO 50 Z’ABAHANZI B’I BURUNDI YAKOZWE NA FABRICE NZEYIMANA

Chrispin yamamaye mu bitangazamakuru bitandukanye mu Rwanda, mbere y'uko yerekeza kwiga muri Amerika icyiciro cya gatatu cya kaminuza. Mu binyamakuru yakoreye harimo Voice of Africa kimwe na Royal F.M.

Kuwa 14 Gashyantare, nibwo rero hatangiye gucicikana amafoto ari kumwe n'umukunzi we bitegura kurushinga mu bihe bya vuba, nk'uko yabitangaje mu kiganiro yagiranye n'INYARWANDA.

Yatangiye agira ati:'Niga muri Oakwood University iherereye muri Leta ya Alabama muri USA, ari naho nahuriye n'umukobwa witwa Gentille Kessy turakundana. Amafoto rero yatunguye benshi ni ayanjye nawe.'

Agaruka kuburyo yahuye nawe agira ati:'Duhura hari mu mwaka wa 2021, mu kwezi kwa kabiri nibwo twahuye bwa mbere bitangira turi inshuti bisanzwe ariko uko iminsi yagendaga yicuma, tugenda tubona ko hari byinshi duhuje tuza kwisanga no mu rukundo.'
Asobanura ukuntu Kessy umukunzi we yamubereye byose kuva mu ntangiriro, ati:'Yaramfashije mu bintu byinshi yaba mu kumenyereza muri Amerika icyongereza cyari gicye, ubumenyi umuco n'ibindi byinshi.'

Bimwe mu bintu bituma Chrispin yiyumva muri Kessy biruseho ni urukundo uyu mwari yagiye amwereka. Abisobanura agira ati:'Kessy ni umukobwa w'agatangaza, yanyeretse urukundo rutangaje akanyitaho'.
Yongeraho ati:'Ugasanga uko andeba anyitaho, naba nakerewe kujya gufata amafunguro akanyibutsa, natinda kubyuka akampamagara akanyibutsa akambaza wariye? Wanyoye icyayi? Ugasanga anzaniye umupira imbeho itanyica, twaba tugenda akamfata ikiganza.'

Kuri ubu Kessy Gentille afite imyaka 23, mu gihe Chrispin we amaze kugira 27. Mu bihe bya vuba akaba agiye kumwambika impeta ari nako uyu mwaka wa 2022 bitegura kubana akaramata.

Chrispin yize amashuri yisumbuye muri Lycée i Nyanza, asoza kaminuza mu mwaka wa 2019 muri Mount Kenya mbere gato ko yerekeza muri Amerika.

Mu gihe Kessy yagiye muri Leta Zunze Ubumwe za Amerika ajyanye n'ababyeyi muri 2016 icyo gihe yari akiri muto.

Bamenyaniye muri kaminuza ya Oakwood, baritegura kubana akaramata 

Chrispin na Kessy batangiye ari inshuti baba magara baza kuba abakunzi none bagiye kuba umugabo n’umugore