Blog

Intumwa za Rubanda mu ruzinduko rw'iminsi 14 zagiriye mu karere ka Muhanga, barusoje basaba inzego z'ubuyobozi zitandukanye guhagurukira ikibazo bagejejweho n'abaturage bo mu murenge wa Shyogwe, Akagali ka Kinini, Umudugudu wa Gatare, aho bavuga ko umuturage witwa Mushimiyimana Bernadette abazengereje, ababuza umudendezo n'ituze kubera imyitwarire mibi kubo aturanye nabo.

Ni urugendo rwatangiye tariki ya 16 Werurwe 2022 rusozwa kuwa 30 Werurwe 2022 abagize iri tsinda bagaragariza abayobozi ibyo babonye. Uhagarariye iri tsinda yagize ati' Mu mirenge yose twagezemo twabonye byinshi, ariko mu murenge wa Shyogwe twahasanze abaturage bavuga ko babangamiwe n'umuturage witwa Mushimiyimana Berandette ubabuza ituze n'umudendezo kuko ahora ababuza kwikorera, aho ubona ahanganye n'ubuyobozi n'abatamuha umwanya kubyo avuga bavuga'.

Akomeza avuga ko nta muturage uri hejuru y'undi kuko bose bareshya, bityo iby'uyu muturage bikaba bikwiye kwitabwaho kuko abuza abaturanyi umutuzo. Avuga kandi ko ibyo byabagiraho ingaruka zo kutabasha kwiteza imbere bitewe n'ibikorwa bye bibangamiye ituze ryabo.

Ati' Ubuyobozi bukwiye kureba icyakorwa kuko uyu muturage ntacyo arusha abandi kandi ntari hejuru y'amategeko, ntakwiye kubaburabuza kuko mu gihe cyo gutekereza gukora imirimo yabo baba bahugiye muri ibi bibazo bye bitarangira kandi umuturage udafite umutekano ntacyo yageraho'.

Mushimiyimana Bernadette, ku murongo wa telefoni ngendanwa yabwiye Umunyamakuru wa intyoza.com ko abamushinja kubangamira ituze ryabo ari bamwe muri aba bagira uruhare mu guhishira ibyo yita ubusambo bukorwa na bamwe mu bayobozi, yamara kubivuga bakamubona nk'ikibazo kubwo guhisha amakosa bakora. Ashimangira ko icyo ashyize imbere ari ukugaragaza akarengane gakorerwa abaturage maze abatabyumva bakabibona nko kubateza rubanda.

Yongeyeho ko iyo avuze amakosa y'abo yita ibisambo, bamwe mu bayobozi batamureba neza ahubwo bagahitamo gushaka abagomba kubeshyuza ibyo avuga.  Yemeza ko ntacyo avuga atagifitiye ibimenyetso.

Gusa nubwo uyu muturage bavuga ko abangamiye ituze ry'abaturage, hari abandi bavuga ko ashyigikiwe n'abakomeye batazwi ndetse bakamuha amafaranga, aho  anavugwaho gufata amajwi y'Abayobozi igihe cyose barimo kumuganiriza maze akayoherereza abo bikekwa ko yaba akorera nawe kandi akigamba ko ntawamukoraho kuko ahagarikiwe.

Ku Itariki ya 27 Mutarama 2019, Mushimiyimana Bernadette yatawe muri yombi na Polisi imuvanye mu rugo rwe mu gicuku, afungirwa kuri sitasiyo ya Polisi ya Nyamabuye akurikiranyweho urumogi rwaje kuburirwa irengero maze ku gicamunsi cyo ku wa Gatandatu tariki 02 Gashyantare 2019 ararekurwa, abwirwa ko nibamukenera azajya ahamagarwa.

Akimana Jean de Dieu

Source : https://www.intyoza.com/muhanga-abadepite-basabye-ubuyobozi-guhagurukira-mushimiyimana-bernadette/

Ubusanzwe Nziza Training Academy ni ikigo gitanga amahugurwa ahanitse yibanda cyane ku ikoreshwa ry'ikoranabuhanga mu guhindura uburyo bw'imyubakire no kongera ubumenyi mu mwuga.

Aba basoje amasomo bahuguwe mu gukora imbata z'inzu (Architecture Design), gusesengura inyubako ndende n'imitingito (structural and earthquakes engineering), gusuzuma ubukomere no gukora inyigo z'ibiraro (Bridge design and analysis), gukora ibaruramari ry'imishinga y'ubwubatsi (Quantity surveying) no kuyobora imishinga migari y'ubwubatsi (construction project management).

Umuyobozi Mukuru wa Nziza Training Academy, Nzirorera Alexandre, yavuze ko bareba cyane ku cyuho kiri ku isoko ry'umurimo bagategura amahugurwa agamije kukiziba ku bari muri uwo mwuga.

Ati 'Twebwe tureba icyuho gihari tugategura amahugurwa agamije kukiziba, nk'ubu mu Rwanda hari kubakwa ikiraro cyo mu kirere kandi nta ba enjeniyeri babyo tugira, ni yo mpamvu tukibibona twahise dutumira abahanga muri byo bo mu kigo MIDAS cyo muri Korea y'Epfo baza gatanga amahugurwa kugira ngo Abanyarwanda biyungure ubumenyi bwo gukora inyigo z'ibiraro.'

Yavuze ko kuba abahabwa amahugurwa yo mu mwuga ari abarangije kwiga icyiciro cya Kaminuza cyangwa abari mu kazi bidasobanuye ko za Kaminuza zidatanga ubumenyi bukwiye.

Ati 'Hari abavuga ko Kaminuza zitigisha nk'uko bikwiye ariko njyewe sinemeranya na bo. Kaminuza ziba zakoze akazi kazo neza ariko kandi murabibona ko ikoranabuhanga riba ryihuta kandi ntabwo dufite ubushobozi bwo kuba Kaminuza zacu zigendera kuri uwo muvuduko niyo mpamvu amahugurwa nk'aya aba akenewe.'

Yakomeje avuga ko mu banyeshuri bari kurangiza ugereranyije no ku isoko ry'umurimo ahanini harimo n'ikoreshwa ry'ikoranabuhanga cyane ko rigenda ritera imbere uko bwije n'uko bukeye.

Yavuze ko Nziza Training Academy bafite ibyemezo mpuzamahanga bibemerera gukoresha zimwe muri porogaramu za mudasobwa zifashishwa mu gukora inyigo z'imishinga ikomeye y'ubwubatsi (CAD, CAE, CAM and BIM Technologies)

Abanyeshuri bahawe impamyabushobozi ya Nziza Training Academy harimo abasanzwe bari mu mwuga n'abakirangiza amashuri makuru na za kaminuza. Bagaragaza ko bahabwa ubumenyi bubafasha kunoza akazi kabo ka buri munsi bitandukanye n'ibyo biga muri za Kaminuza nk'uko Girbert Irakoze wize ibijyanye no gukora imbata z'inzu yabigarutseho.

Ati 'Mu by'ukuri ibyo twiga ku ishuri usanga bitandukanye n'ibyo duhura na byo ku isoko ry'umurimo kuko usanga bigenda bihinduka bijyanye n'aho iterambere rigeze. Muri Nziza baguhugura bigendanye n'ibikenewe ku isoko kandi duhabwa n'umwanya wo gushyira mu bikorwa ibyo twiga.'

Umuyobozi w'ihuriro ry'ingaga z'Aba-Ingénieurs muri Afurika (FAEO), Eng. Papias Kazawadi yasobanuriye abasoje amahugurwa ko kwiga ari uguhozaho, abasaba ko kugira ubumenyi bidahagije ahubwo bagomba kubishyira mu bikorwa.

Ku ruhande rwa Minisiteri y'Uburezi, Umujyanama Mukuru wa Minisitiri mu bya tekinike, Pascal Gatabazi, yagaragaje ko ibikorwa nk'ibi byo guhugura abanyeshuri bagisoza za kaminuza n'abari mu murimo bifasha cyane kubahuza n'isoko ry'umurimo cyane ko hatangirwa amasomo atandukanye n'ayo mu ishuri.

Yasobanuye ko amashuri icyo akora ari ugutanga ubumenyi bw'ibanze bitewe n'uko ahanini hagenda havuka imirimo mishya bigendanye n'iterambere ry'ikoranabuhanga. Akaba ari ho yahereye ashima ubuhanga Nziza Training Academy iri kugenda izana mu Rwanda ku rwego ruhanitse.

Aba banyeshuri bari baherekejwe n’imiryango yabo

Abayobozi mu nzego zitandukanye bari bitabiriye ibi birori byo guha abanyeshuri impamyabushobozi

Bamwe mu basanzwe bafasha aba banyeshuri mu kubongerera ubumenyi mu ikoranabuhanga

Umunyeshuri wahize abandi mu cyiciro cy abakora imbata z’inzu

Kwiga muri Nziza Training Academy ku banyeshuri bashimangira ko bitanga umusaruro mu bwubatsi buvuguruye

Abize amasomo mu gihe cy’amezi atatu kuko bari basanzwe mu kazi nabo bahawe impamyabushobozi

Abanyeshuri barangije basabwe gukomeza gushyira mu bikorwa ubumenyi bahawe

Umuyobozi wari uhagarariye Urwego rw'Igihugu Rushinzwe Iterambere RDB, Nzabamwita Rahim yitabiriye uyu muhango

Umunyamabanga Nshingwabikorwa w'Urugaga rw'Aba-Ingénieurs, Steven Sabiti nawe yishimiye intambwe aba banyeshuri bateye

---

Source : http://igihe.com/amakuru/u-rwanda/article/abagera-ku-117-bahawe-impamyabushobozi-na-nziza-training-academy-bashimiwe

Bamwe mu baturage bo mu Karere ka Rubavu bavuga ko nyuma y'iruka ry'ikirunga cya Nyiragongo bugarijwe cyane n'indwara zifata mu myanya y'ubuhumekero zirimo asima na 'sinusite'. Si izo gusa, ngo hari n'abafite ikibazo cy'amaso.

Musaniwabo Angelique, umuturage wo mu Karere ka Rubavu mu Murenge wa Gisenyi avuga ko 'Guhera mu kwezi kwa gatanu umwaka ushize njye n'umuryango wanjye w'abantu batandatu twese twarwaye asima n'amaso. Ni ibintu bitari bisanzwe ahubwo mbona ko byatewe n'iruka ry'ikirunga cya Nyiragongo.'

Uretse uyu mubyeyi hari n'abandi baturage batandukanye bo muri aka Karere batubwiye ko badwaye indwara zitandukanye bagacyeka ko zaba ziterwa n'imyuka yangije ikirere nyuma y'iruka rya Nyiragongo.

Mugabo Damien nawe atuye mu Murenge wa Gisenyi. Agira ati 'Ni ikibazo gikomeye. Mfite umwana w'imyaka itanu yarwaye asima, mukuru we w'imyaka umunani arwaye sinezite, umugore wanjye afite ikibazo gikomeye cy'amaso arayakuba cyane kandi akambwira ko yumva ameze nk'arimo urusenda. Nanjye nirirwa nitsamura ku buryo nshobora kumara n'iminota itatu ndi kwitsamura ubudahagarara.'

Umuyobozi mukuru w'ibitaro bya Gisenyi, CSP Dr Tuganeyezu Oreste, niba koko indwara zifata mu myanya y'ubuhumekero zariyongereye, adusubiza ko twakwifashisha amakuru yatanzwe n'Ikigo cy'Igihugu gishinzwe kurengera ibidukikije REMA muri Mutarama 2022.

Ikirunga cya Nyiragongo

Ayo makuru avuga ko 'Ibipimo byafashwe n'ikigo REMA bigaragaza ko amazi y'Ikiyaga cya Kivu afite ibipimo by'ubuziranenge kandi nta mpinduka zigaragara kuri ayo mazi hagendewe ku bipimo byo mu bihe byashize. Ibipimo by'umwuka byo bigaragaza ko umwuka mu karere ka Rubavu utujuje ibipimo by'ubuziranenge.

'Bitewe n'uko umwuka mu karere ka Rubavu utujuje ibipimo by'ubuziranenge, abahatuye barashishikarizwa gukomeza kwambara udupfukamunwa no kugabanya ibikorwa bakorera hanze aho bishoboka.'

Nzamurambaho Celestin, umuganga w'amaso mu bitaro bya Gisenyi, Mu bitaro bya Gisenyi, yabwiye abanyamakuru ko hari igihe abaganga b'amaso bakiraga abarwayi babarirwa hagati ya 400 na 600 kugira ngo babafashe mu bibazo bitandukanye.

Cyakora avuga ko kuba bakira abarwayi benshi bivuza amaso kurusha izindi ndwara atamenya ikibitera kuko n'ibindi bitaro byo mu Rwanda byakira abarwayi benshi.

Mu karere zimwe mu ndwara zikunze kuboneka mu barwayi ziterwa n'ikirere kigenda cyangirika bikagira ingaruka ku buzima bw'abahatuye harimo n'uburwayi bw'amaso.

Nzamurambaho avuga ko ingaruka ziterwa n'ikirere zirimo indwara z'ubuhumekero nka asima, sinezite n'indwara z'amaso.

Agira ati 'Uko iminsi itambuka isi igenda igira ibibazo, mu kirere hazamo ivumbi, imyotsi iva mu birunga, ibyo byose biteza ingorane ku muntu, n'ubwo tudashobora kumenya ngo ibibazo umuntu afite yabitewe n'iki, ariko tubona ko ari indwara ziterwa n'ibiva mu kirere.'

Umujyi wa Rubavu

Dr Migambi Patrick, Umuyobozi w'ishami rishinzwe indwara, kurwanya igituntu n'izindi ndwara zifata mu myanya y'ubuhumekero mu Kigo cy'Igihugu gishinzwe Ubuzima RBC, yatubwiye ko 'Ikintu cyose gihungabanya ikirere gishobora gutuma mu myanya y'ubuhumekero haba ikibazo, ariko kugeza ubu nta kintu kiraba kidasanzwe. Birasaba kubanza kureba imibare nkamenya uko bihagaze.'

Impuguke z'Ikigo OVG gikurikirana iby'ibirunga gikorera mu mujyi wa Goma muri Repubulika Iharanira Demokarasi ya Congo, zitangaza ko ikirunga cya Nyiragongo cyohereza mu kirere ibyuka by'ubutabire bwa SO2 bibarirwa hagati ya toni 5,000 na 50,000 ku munsi. Ngo iyo myuka isohoka ishyushye, yagera mu kirere igakonja igahinduka ivu n'udusenyi duto tugaruka ku isi tukagwa ku bimera, mu mazi, ku bikoresho bitandukanye, mu gihe utundi dushobora kujya mu maso y'abantu ndetse tukangiza imyanya y'ubuhumekero.

Ihumana ry'umwuka ni imwe mu mbogamizi zugarije isi kdi zigira ingaruka ku buzima bwa muntu ndetse no ku bukungu. Imibare y'Umuryango w'Abibumbye wita ku Buzima, mu 2012 werekanye ko abantu bagera ku 2,227 ku Isi bapfuye bazize indwara ziterwa n'ihumana ry'umwuka.

iriba.news@gmail.com

 

 

 

 

The post Rubavu: Iruka rya Nyiragongo ryabaye intandaro y'indwara zifata mu buhumekero appeared first on IRIBA NEWS.

Source : https://iribanews.rw/2022/04/05/rubavu-iruka-rya-nyiragongo-ryabaye-intandaro-yindwara-zifata-mu-buhumekero/

Kuri uyu wa kabiri, tariki ya 5 Mata 2022 nibwo hakinwe indi mikino ya 1/8 cy'irangiza cy'igikombe cy'Amahoro itari yahaye kuwa mbere, mu mikiko yakinwe uyu munsi APR FC yatsinze Amagaju FC, ikipe ya Mukura VS nayo ikura intsinzi i Ngoma.

Mu mukino wabereye mu karere ka Nyamagabe, ikipe y'Amagaju yo mu kiciro cya Kabiri yatsinzwe na APR FC igitego kimwe ku busa cyatsinzwe na Itangishaka Blaise wari umaze iminsi atagaragara akina muri iyi kipe y'ingabo z'igihugu.

Ni umukino, ikipe ya APR FC itozwa na Adil Erradi Muhamed wari wakoze impinduka ku bakinnyi bakinnye uyu munsi kuko mu babanjemo bashya bayobowe n'umunyezamu Ahishakiye Heritier, myugariro Nshimiyimana Yunusu, Irshad ndetse na Itangishaka Blaise watsinze igitego kimwe cyabonetse kuri uwo mukino.

I Ngoma mu ntara y'iburasirazuba, ikipe ya Etoile de l'Est yari yakiriye ikipe ya Mukura VS, ni umukino warangiye ikipe yari mu rugo itsinzwe igitego kimwe ku busa cyanatumye iyi kipe yo mu karere ka Huye yizera kuba yazakomeza mu kiciro gikurikiyeho cya 1/4.

Mu karere ka Rubavu, ikipe ya AS Kigali yari yasuye ikipe ya Etincelles FC, muri uyu mukino warangiye amakipe yombi anganyije ibitego bibiri kuri bibiri, ibi bituma amakipe yombi ntanimwe yizera kuba yakomeza mu kindi kiciro cy'iri rushanwa.

Ku rundi ruhande, mu mukino wabereye kuri Sitade ya Kigali iNyamirambo, ikipe ya Gasogi United yari yakiriye ikipe ya Sunrise FC yo mu karere ka Nyagatare, ni umukino warangiye amakipe yombi anganyije 1-1.

Biteganyijwe ko imikino yo kwishyura izakinwa ku itariki ya 19 na 20 Mata 2022.

Uko imikino ya 1/8 yagenze mu gikombe cy'Amahoro

Gicumbi FC 0-0 Bugesera FC

La Jeunesse 2-2 Police FC

Marine FC 0-1 Kiyovu Sports

Musanze 0-0 Rayon Sports

Etincelles FC 2-2 AS Kigali

Etoile de l'Est 0-1 Mukura

Amagaju FC 0-1 APR FC

Gasogi United 1-1 Sunrise

The post APR FC na Mukura VS zakuye amanota 3 hanze y'ikibuga cyazo, AS Kigali inganya na Etincelles FC — Uko imikino ibanza yose yagenze appeared first on RUSHYASHYA.

Source : https://rushyashya.net/apr-fc-na-mukura-vs-zakuye-amanota-3-hanze-yikibuga-cyazo-as-kigali-inganya-na-etincelles-fc-uko-imikino-ibanza-yose-yagenze/?utm_source=rss&utm_medium=rss&utm_campaign=apr-fc-na-mukura-vs-zakuye-amanota-3-hanze-yikibuga-cyazo-as-kigali-inganya-na-etincelles-fc-uko-imikino-ibanza-yose-yagenze

The post Britney Spears agiye kwandika igitabo ku buzima bwe kivuga byose ntacyo aciye ku ruhande appeared first on IRIBA NEWS.

Source : https://iribanews.rw/2022/04/05/britney-spears-agiye-kwandika-igitabo-ku-buzima-bwe-kivuga-byose-ntacyo-aciye-ku-ruhande/

Umutoza wa APR FC, Adil Erradi Mohammed avuga ko Jacques Tuyisenge yikuye mu mwiherero w’iyi kipe mbere y’umukino wa Kiyovu Sports, ikintu avuga ko ari ikosa rikomeye ku mukinnyi nka Jacques Tuyisenge.

Tariki ya 30 Werurwe nibwo ISIMBI yabagejejeho inkuru y’uko Jacques Tuyisenge usanzwe ari kapiteni wa APR FC atakiri mu mwiherero w’iyi kipe ndetse yahagaritse imyitozo akaba yaranasabye gutandukana nayo.

Agaruka ku kibazo cya Jacques Tuyisenge, umutoza wa APR FC nyuma yo gutsinda Amagaju 1-0 mu gikombe cy’Amahoro, Adil yavuze ko uyu mukinnyi yakoze amakosa atajyanye n’urwego rwe.

Ati “Jacques ni kapiteni w’ikipe, mbere y’umukino wa Kiyovu Sports, yavuye mu mwiherero, mbere y’umukino wa Kiyovu Sports njyewe Jacques namufataga nk’umutoza wungirije, nka kapiteni ugomba kumfasha abakinnyi bakiri bato, nk’umuntu ugomba kuba intangarugero, ugomba kuhaba igihe ntahari.”

“Imyitwarire ye mbere y’umukino wa Mukura VS ntabwo ikwiye kapiteni, kuri njye mbifata nk’ikosa rikomeye nk’umukinnyi w’umunyamwuga wo ku rwego nk’urwe.”

ISIMBI yamenye amakuru ko uyu rutahizamu atishimiye uburyo umutoza mukuru w’iyi kipe ukomoka muri Maroc, Adil Erradi Mohammed ababwiramo, cyane cyane abataha izamu ababwira nabi avuga ko badatsinda.
Ni kenshi uyu mutoza yagiye yumvikana mu itangazamakuru anenga ba rutahizamu be ko ikipe irema uburyo bwinshi ariko ba rutahizamu be ntibatsinde.

Ubwo yari amaze kunganya na AS Kigali tariki ya 22 Mutarama 2022, icyo gihe yagaragaje kutishimira imyitwarire ya ba rutahizamu be kuko baremye amahirwe menshi ariko ntibabasha kureba mu izamu.
Ibi byaje kwisubiramo ubwo batsindwaga na Mukura VS 1-0 tariki ya 1 Gashyantare 2022, nabwo ntiyishimiye imyitwarire y’abakinnyi be bataha izamu.

Amakuru avuga ko uko yagaragazaga ko atishimiye umusaruro wabo ari nako yavuganaga n’abakinnyi be bataha izamu ababwira nabi, akaba ari n’aho haje kuva kutumvikana hagati ye na Jacques Tuyisenge wamubwiraga ko nubwo badatsinda ariko na none akwiye kureka kubatuka buri munsi, ngo hari uburyo yababwiramo atabatutse kuko n’abo ari abantu.

Umwuka mubi hagati y’aba bombi waje gukomeza gututumba kugeza aho Jacques Tuyisenge afashe umwanzuro wo gusohoka mu mwiherero arataha, ndetse abamuri hafi bavuga ko yifuza kuba yatanduka n’iyi kipe.

Jacques Tuyisenge yinjiye muri APR FC muri Nzeri 2020 akaba yari yarayisinyiye imyaka 2 ubu akaba ari mu mwaka we wa nyuma.

Mu gihe amazemo ntabwo yahiriwe kuko yaranzwe n’imvune ndetse n’imikino yakinnye akaba atarabashije gutsinda ibitego nk’ibyo yari ategerejweho kuko amaze kuyikinira imikino 26 aho yayitsindiyemo ibitego 2 gusa yatsinze AS Muhanga muri shampiyona, hari tariki 11 Gicurasi 2021 ubwo bayitsindaga 3-1, yatsinzemo 2.

Ntabwo ibintu bimeze neza hagati ya Jacques Tuyisenge na Adil Erradi

Source : http://isimbi.rw/siporo/article/adil-erradi-yavuze-ku-kibazo-cya-jacques-tuyisenge-utari-kumwe-n-abandi

Source : https://www.kigalitoday.com/imikino-11/football/article/apr-fc-na-mukura-vs-zakuye-intsinzi-hanze-as-kigali-inganyiriza-i-rubavu-mu-gikombe-cy-amahoro

Source : https://yegob.rw/zindura-umukunzi-wawe-umubwira-aya-magambo-meza-akibyuka/

Ibi Samusure yabigarutseho ubwo yagiranaga ikiganiro n'Igihe dukesha iyi nkuru yagize ati”Ati 'Ukuri guhari ni uko kugeza ubu dufatanyije ubucuruzi, Niyonizera yaguze 50% by'ibikorwa byose ntambutsa kuri shene ya YouTube yanjye.'

Ibi byaje bishimangira inkuru zatamutse mu minsi ishize ubwo byavugwaga ko Juduth ashobora kuba afitanye umubano udasanzwe na Samusure abandi bakavuga ko ari umushoramari mu bikorwa bye nkuko nubundi babihamije ariko bakaba bavuga ko ntakindi kihishe inyuma y'akazi kabahuje.

Filime 'Makuta' niyo yatumye abantu benshi batangira kwibaza kuri aba bombi ubwo batungurwaga no kubona Judith akinamo.

Uretse filime Makuta Kalisa yari asanzwe akina, amakuru yizewe ni uko bazafatanya gushaka izindi zo gushyira kuri iyi shene ya YouTube.

Muri izi harimo izo bazajya bakina ndetse n'izizaba zarakinwe n'abandi bakazigura mu rwego rwo kuzisangiza ababakurikira.

Ku ikubitiro, Kalisa yavuze ko bahise bagura filime yitwa Yuda ifite uduce 20 tuzajya dutambuka buri wa Gatatu w'icyumweru.

Samusure yirinze kugaruka ku mubare w'amafaranga yahawe na Niyonizera ndetse nta nubwo yashatse kuvuga ku mubare w'ayo yaguze iyi filime nshya bise Yuda.

Uretse iyi filime Yuda, Kalisa yavuze ko hari na filime y'urwenya bari kurambagiza ku buryo mu minsi iri imbere nayo izatangira gutambuka kuri shene yabo ya YouTube.

Source : https://umuryango.rw/imyidagaduro/article/samusure-yavuze-ukuri-ku-kimuhuje-we-na-judith-nionizera-benshi-batekereza-ko

Source : https://www.kigalitoday.com/amakuru/amakuru-mu-rwanda/article/umurambo-w-umuntu-utaramenyekana-bawusanze-mu-mugezi-wa-mukungwa