Blog

Urukiko rwashingiye ku bimenyetso bishinja bidasubirwaho uruhare rusesuye Blaise Compaoré yagize mu iyicwa ry'ufatwa nk'intwari y'igihugu Thomas Sankara yasimbuye amuhiritse ku butegetsio.

Ubushinjacyaha bwa Gisirikare muri Burkina Faso, bwari buherutse gusabira uwahoze ari Perezida w'icyo gihugu, Blaise Compaoré igifungo cy'imyaka 30 Compaoré kuri ubu uri mu buhungiro muri Côte d'Ivoire, yahamwe n'icyaha cyo kuba ari we wari ku isonga mu gutanga itegeko ryo kwica uwo yasimbuye, Thomas Sankara, mu 1987.

Umusirikare wayoboraga itsinda ryari rishinzwe kumurinda, Hyacinthe Kafando, bivugwa ko ariwe wayoboye agatsiko kishe Thomas Sankara baburanaga mu rubanza rumwe nawe yakatiwe gufungwa burundu.

Uyu nawe yaburanishijwe adahari, kuko ari mu buhungiro kuva mu mwaka wa 2016.
Prezida Sankara yarashwe n'agatsiko k'abantu bitwaje inkoro mu murwa mukuru wa Ouagadougou mu 1987.Ibi byatumye Compaore ahita amusimbura ku butegetsi , yamazeho imyaka 27 mbere y'uko abuhirikwaho mu 2014.

Blaise Compaoré yahiritswe ku butegetsi ashinjwa kunanirwa guhindura itegeko nshinga ryamuhaga uburenganzira bwo gukomeza kugundira ubutegetsi muri 2014
Mu kwezi kwa kane muri 2021,urukiko rwa gisirikare muri Burkina Faso rwashinje ibyaha byo guhungabanya umutekano w'igihugu, ubufatanya cyaha mu bwicanyi no kunyereza imirambo.

Kuva yishwe, aho Sankara yashyinguwe ntihigeze hamenyekana.
Mu 2015 habaye igikorwa cyo gushakisha ibisazwa byakekwaga ko biri aho yashyinguwe bigapimwa harebwa niba koko ariwe by'ukuri.bisabwe n'umuryango we. Gusa icyo gihe
Perezida Compaoré ntiyigeze atanga uburenganzira.

Sankara yishwe afite imyaka 37 amaze gutegeka Burkina Faso imyaka ine gusa kuva mu 1983 abanje guhirika ubutegetsi.

Muri Afrika , na n'ubu hari benshi bamufata nk'ikimenyetso cy'impinduramatwara (revolution) no kwanga kugenzurwa n'ibihugu bikomeye.

Gusa hari nabamufata nk'umutegetsi w'igitugu kuko yafashe ubutegetsi ahiritse ubundi,kandi agashyira imbere kwigenga no kubaha uburenganzira bwa muntu.
Thomas Isidore Noël Sankara, Abanyafurika benshi bamuzi nk'umutegetsi waharaniye impinduramatwara igamije kwigira nyako kwa Afurika, yarabigerageje mu myaka ine gusa yamaze ku butegetsi.

Se Joseph Sankara, yari umu-gendarme, umuhungu we Thomas nawe winjiye mu gisirikare afite imyaka 17 mu 1966, cyari igihe cya za coup d'état nyinshi mu gihugu cye kitwaga Haute Volta.

Yize amashuri ya gisirikare, ayarangije ajya mu mirimo ya gisirikare inyuranye aza no gushyirwa mu mirimo y'abanyapolitiki, aho yagiye agaragaza ibitekerezo byo kubaka igihugu kitarimo ruswa, akarengane no kutagendera kuri politiki y'Ubufaransa.

Source : https://umuryango.rw/amakuru/mu-mahanga/politiki/article/blaise-compaore-yahamwe-n-urupfu-rwa-sankara-yasimbuye-akatirwa-burundu

Source : https://www.kigalitoday.com/imikino-11/football/article/abatoza-mu-irerero-rya-jimmy-mulisa-bahuguwe-ku-buzima-bw-imyororokere

Source : https://www.kigalitoday.com/amakuru/amakuru-mu-rwanda/article/rib-yerekanye-ibicuruzwa-bitemewe-byafashwe-by-asaga-miliyoni-39frw

Ubwo umukino ikipe ya Liverpool yari gukina na benifica warangiraga umwe mubakinnyi ba Liverpool yatewe ibibiriti.

Andy Robertson ubwo yaterwaga ibibiriti na bafana ya batangarije ko bashobora kuza kubura ibyo bacanisha mugihe baba bashatse kunwa itabi.

Ibi rero bika byabaye nyuma Y'umukino ikipe ya Liverpool yatsindagamo Benifica ibitego 3:1 aka ariho batereye uyu mukinnyi ibibiriti.

Bigatuma Robertson agira ati'ko munteye ibibiritise ni mukenera kunwa itabi murakoresha iki mushobora kuza kubura icyo mukoresha rwose mugihe muraba mukeneye kunwa itabi'

 

Source : https://yegob.rw/umukinnyi-wa-liverpool-yatewe-ibibiriti/

Muima yabwiye Afrimax English ko yahuye na Thereza ubwo yari avuye mu gihugu cye cya Kongo akajya mu kindi gihugu cya Afurika (Kenya) agamije gukomeza amashuri ye muri kaminuza.

Byabaye ngombwa ko Thereza akodesha Muima na bagenzi be inzu yo kubamo cyane ko bari baje kwiga mu gihugu cye cya Kenya.

Muima na Thereza babaye inshuti kandi yakundaga gutera urwenya amwita umugabo we nyuma aza kubifata nk'imikino, ariko uko ibihe byagiye bisimburana, bombi batangiye gukundana.

Muima yabwiye Afrimax ati: 'Uburyo yitwaye n'uko yamfataga byanteye kumukunda kandi nubwo ari umukecuru kandi mu byukuri ashobora kuba nyogokuru ariko ndamukunda.'

Yavuze ko umunsi umwe mugenzi we yari adahari,yashonje kandi nta biryo afite mu nzu yakodeshaga.Uyu mukunzi we ngo yamuzaniye ibiryo kandi amwitaho cyane bwinshi byatumye amusaba ko basomana, aramuhatiriza.

Ubucuti bwabo bwarushijeho gukomera ndetse bakamara umwanya bakina,bagafashanya ndetse batemberana nubwo Thereza afite imyaka myinshi.

Muima yatangarije Afrimax ati: 'Aya niyo mahitamo yanjye. Ibi ni ibyishimo byanjye, nk'uko buri wese abifite. Mbere yo gushimisha abandi, banza wishimishe kandi fata umwanzuro udashingiye ku bitekerezo by'abandi.'

Thereza afite abuzukuru baruta Muima, ariko ntaterwa isoni no kuba mu rukundo na we.

Thereza yagize ati: 'Mfite abana umunani n'abuzukuru 20. Nkurikije imyaka y'umukunzi wanjye, ashobora kuba umwuzukuru wanjye wa gatanu. Arankunda kandi ndamukunda. Niteguye kwambara imyenda y'ubukwe n'impeta.'

Muima ndetse yiteguye inkwano y'inka 12, abana b'umukunzi we basabye.

Yavuze ko yabonye urukundo nyarwo kuri uyu mukecuru nyuma yo gukundana n'abakobwa benshi bikarangira nabi.

Muima yongeyeho ati: 'Ntabwo nzigera nkunda undi mukobwa uwo ari we wese mbere ye. Ndasenga nsaba ko atazapfa mbere yanjye.'

Thereza ntiyakuyeho amahirwe yo kugira umuryango hamwe n'umukunzi we muto. Yavuze ko muri Bibiliya harimo ingero z'abakecuru babyaye kandi bimuha ibyiringiro.

Source : https://umuryango.rw/ubuzima-115/udushya/article/urukundo-n-impumyi-umukecuru-w-imyaka-85-agiye-kurongorwa-n-umusore-wimyaka-25

Perezida Kagame yakiriye muri Village Urugwiro, impapuro zemerera abambasaderi barimo Gen Maj Richard Mutayoba Makanzo wa Tanzania, na Ibrahim Sidy Ibrahim Matar wa Libya guhagararira ibihugu byabo mu Rwanda.

Ibiro by'umukuru w'Igihugu byanditse kuri Twitter ko Perezida Kagame yakiriye aba bambasaderi kuri uyu wa Gatatu tariki 6 Werurwe 2022.

Tanzania ni igihugu gisanganywe umubano n'u Rwanda mu ngeri nyinshi cyane cyane mu buhahirane binyuze mu bwikorezi bwo ku butaka.

Libya yo ni igihugu kiri gushaka uko cyakongera kwiyubaka kikagira amahoro nyuma y'intambara yo gukuraho Muhamar Khadaffi n'amakimbirane yayikurikiye kugeza n'ubu ibintu bitarasubira neza mu buryo.

Ni kimwe mu bihugu bifite petelori nyinshi kandi biri ahantu hashobora kugifasha gukorana n'ibindi bihugu cyane cyane ibyo mu Burayi bw'Amajyepfo hafi y'Inyanja ya Mediteranée.

The post Perezida Kagame yakiriye impapuro z'abambasaderi bashya Babiri appeared first on FLASH RADIO&TV.

Source : https://flash.rw/2022/04/06/perezida-kagame-yakiriye-impapuro-zabambasaderi-bashya-babiri/?utm_source=rss&utm_medium=rss&utm_campaign=perezida-kagame-yakiriye-impapuro-zabambasaderi-bashya-babiri

Umutoza wa Sunrise FC, Seninga Innocent avuga ko gufata umwanzuro wo kujya gutoza mu cyiciro cya kabiri ari ibintu byamugoye cyane, gusa na none ngo ushaka kugera kure asubira inyuma.

Seninga Innocent ni rimwe mu mazina azwi kandi akomeye mu batoza muri shampiyona y’icyiciro cya mbere mu Rwanda, byatunguye benshi ubwo yajyaga gutoza mu cyiciro cya kabiri.’

Muri Gicurasi 2021 nibwo yatandukanye na Musanze FC maze mu Kwakira 2021 ahita agirwa umutoza wa Sunrise FC yari yamanutse mu cyiciro cya kabiri.

Ati 'Ntabwo byari byoroshye, ntabwo byari byoroshye ariko burya rimwe na rimwe gutera intambwe imwe usubira inyuma biguha kugira ngo witekerezeho uzatere indi ugana imbere kandi uzakube 2.'

Yakomeje avuga ko kujya gutoza mu cyiciro cya 2 byamushyize ku gitutu ariko bitewe n’akazi arimo gukorayo ubu yumva azagaruka mu cyiciro cya mbere ameze neza.

Ati 'igitutu nticyabura, ariko bitewe n’akazi ndimo kuhakorera mu cyiciro cya kabiri, kumara imikino 15 ntaratsindwa byangabanyirije igitutu cyo kuba ntari mu cyiciro cya mbere, ndimo no kucyitegura kuko nzagaruka kandi ndashaka kugaruka ndi Seninga uruta uwa mbere, ufite intego, ushaka kugera kure hashoboka.'

Seninga kuva yafata ikipe ya Sunrise FC ntabwo aratsindwa umukino n’umwe, uyu mugabo yatoje amakipe atandukanye arimo Etincelles, Musanze FC na Police FC.

Seninga Innocent (wa gatatu) mu cyiciro cya kabiri ntaratsindwa umukino n’umwe

Source : http://isimbi.rw/siporo/article/seninga-innocent-yagarutse-ku-bihe-bigoye-yanyuzemo-mbere-yo-gufata-umwanzuro-wo-kujya-mu-cyiciro-cya-kabiri

Nyuma y'igitero U Burusiya bwagabye muri Ukraine, Inteko nyobozi ya FIFA ndetse n'iya UEFA zafashe umwanzuro ko amakipe yose y'u Burusiya, ahagarikwa kwitabira amarushanwa yabo kugeza igihe azongera kubiherewra uburenganizra.

Mu kwezi Gushize ku ya 24 Werurwe 2022 nibwo ikipe y'igihugu cy'Uburusiya yari gukina na Pologne mu majonjora yo gushaka itike yo kuzakina igikombe cy'Isi, ariko FIFA ivuga ko Pologne izakina n'izatsinda hagati ya Suède na Repubulika ya Czech kubera ko u Burusiya bwari bwahagaritswe.

CASS yatangaje ko Ishyirahamwe ry'Umupira w'Amaguru mu Burusiya ryahagaritse ubujurire kuwa 30 Werurwe 202. Gusa uru rukiko rwo rwatangaje ko rukiri kwiga kuri iki cyifuzo cy'u Burusiya.

Mu kwezi gushize, ibyiringiro by'u Burusiya byo kwitabira igikombe cy'Isi cy'abagabo giteganijwe mu mpera z'uyu mwaka, i Qatar byarangiye nyuma yuko CAS yanze icyifuzo cya FUR cyo guhagarika ibihano yafatiwe na FIFA.

Amashyirahamwe menshi y'umupira w'amaguru mu bihugu bitandukanye yatangaje ko atazakina nu Burusiya nyuma y'igitero cya Ukraine, harimo nka Pologne, Suède na Repubulika ya Czech.

Refe:Dailymail.com

Source : https://umuryango.rw/imyidagaduro/imikino/article/ikipe-y-uburusiya-yahagaritse-ikirego-ku-bihano-bafatiwe-na-fifa

Avis de Liquidation

Ashingiye ku itegeko No 024/2021 RYO KUWA 27/04/2021 rigenga amakoperatue mu Rwanda cyane cyane mu ngingo yaryo ya 125.

Ashingiye ku nama y'inteko rusange y'amakoperative GIKOVIM na TERIMBERE RO ku wa 07/03/2022.

Ashingiye kandi ku masezerano ya giranye na NCCR yo ku wa 29/03/2022.

Ushinzwe iyigeranya n'iyeranya n'abanya ry'umutungo Me KANYABITARO Benoit aramenyesha rubanda ko guhera ku itariki ya 29/03/2022 koperative ebyiri zitwa GICOVIM na TERIMBERE ziri mw'iyegeranya n'igabanya ry'umutungo wazo,akaba asaba abo bireba:

• Kwihutira kwandikisha imyenda yabo aho ushinzwe iyegeranya akorera REMERA/PRINCE HOUSE bitarenzde ku wa 10/04/2022 Saa Kumi n'imwe za nimugoroba . bashobora kandi kunyuza ubutumwa bwabo kuri Email:[email protected] cyangwa bagahamagara kuri tel:0788474410.

• Aramenyesha kandi abafite umutungo wayo makoperative kwihutira kuwugeza ku cyicaro cyayo bitarenze ku wa 10/04/2022.

• Aramenyesha kandi ko abaziyandikisha n'abandi baberewemo imyenda nayo makoperative ku hazaba inama ku wa 11/04/2022 saa Yine kuri TERIMBERE na Saa Munani kuri GICOVM.

Ku bindi bisobanuro wasoma kuri iyi nyandiko iri hano hasi cyangwa se ugahamagara kuri:0788474410

Source : https://umuryango.rw/amatangazo/article/itangazo-imenyesha-ry-iyegeranya-n-igabanya-ry-umutungo

Ibi ubuyobozi bw'Umurenge wa Mageragere bwabitangaje ubwo bwasezeranyaga mu buryo bwemewe n'amategeko imiryango 18 yabanaga mu makimbirane muri gahunda bwateguye ifite insanganyamatsiko igira iti ' Umuryango wanjye ishema ryanjye' igamije kureba uko umuryango ukwiye kurindwa ukanatekana.

Umunyamabanga Nshingwabikorwa w'Umurenge wa Mageragere Hategekimana Silas, yabwiye IGIHE ko muri aka gace hakigargara amakimbirane atandukanye mu miryango arimo ashingiye ku mitungo, ubuharike no kuba hari ibana itarasezeranye.

Yongeyeho ko bihaye amezi abiri yo kuba barasezeranyije imiryango yose igera ku 128 yo muri aka gace ibana mu buryo butemewe, mu rwego rwo gukemura iki kibazo cy'amakimbirane akihagaragara mu kwirinda ko hari n'izakwicana.

Yagize ati 'Twahisemo ko imiryango igera ku 128 ibana mu buryo butemewe mu murenge wacu tuzayisezeranye muri uyu mwaka w'Ingengo y'Imari wose ku buryo ibana neza ikabasha no kugirana icyizere kugira ngo tubashe guhosha amakimbirane kuko twasanze amakimbirane akunze kugaragara mu miryango ibana bitewemewe n'amategeko bikanagira ingaruka ku bana.'

Mukanyandwi Alphonsine w'imyaka 43 , yavuze ko yishimiye ko yasezeranye byemewe n'amategeko kuko bizatuma abana bagira uburenganzira busesuye ku mitungo ye n'umugabo.

Yagize ati 'Dufitanye abana bane tunamaranye imyaka 15 tubana ariko tutarasezerana kubera ko umugabo yari atarabyumva, rero ndishimye cyane kuko byanteraga ipfunwe abantu bakavuga ngo tubana buraya bikambabaza nkabura icyo mbivugaho.'

Yongeyeho ko yahoraga afite impungenge z'uko agiranye ikibazo n'umugabo we yahita amwirukana anashimangira ko kuba asezeranye ari iby'agaciro cyane ko anapfuye abana bagira uburenganzira ku mitungo ya se.

Umuyobozi Nshingwabikorwa w'Akarere ka Nyarugenge, Ngabonziza Emmy, nawe yavuze ko basanze gusezeranya imiryango ibana mu buryo butemewe n'amategeko ari inzira ishobora kubafasha guhagarika amakimbirane.

Yagize ati 'Biratuma imiryango ishobora kudufasha mu guhagarika amakimbirane mu miryango yabanaga mu buryo butemewe noneho muri uko kubasha kuyahagarika habeho no kubahiriza bwa burenganzira bw'umwana binatume ibona ibitunga abana n'uburezi n'uburere bakwiye binadufashe guhangana na bya bibazo byose bigeye bibangamira umuryango umunsi k'uwundi.'

Yavuze ko iyi miryango 128 nimara gusezeranywa bizatuma ibasha guhinduka igatera intambwe mu kubaka umuryango ubanye mu buryo bwemewe n'amategeko kandi wubahiriza uburenganzira bw'umwana.

Imiryango yasezeranye imbere y’amategeko yavuze ko bigiye kuyifasha kubana neza

Umunyamabanga Nshingwabikorwa w'Umurenge wa Mageragere Hategekimana Silas yavuze ko mu mezi abiri baraba bakemuye ikibazo cy’imiryango ibana bitemewe n’amategeko.

Umuyobozi Nshingwabikorwa w’Akarere ka Nyarugenge Ngabonziza Emmy yavuze ko gusezeranya imiryango imbere y’amategeko bituma ibana neza.

---

Source : http://igihe.com/amakuru/u-rwanda/article/mageragere-bihaye-amezi-abiri-yo-gushyingira-imiryango-yose-ibana-mu-buryo