Blog

Umukuru w'Igihugu wari kumwe na Minisitiri w'Intebe wa Jamaica, Andrew Holness mu Ihuriro 'Think Jamaica 2022' yavuze ko isano iri hagati y'ibihugu biri mu Nyanja ya Caribbean na Afurika iruta kure intera iri hagati y'impande zombi.

Yagize ati 'Ibihugu biri mu Nyanja ya Caribbean na Afurika bihuriye ku bintu byinshi, duhereye ku bantu, harimo ihuriro ridashobora gukurwaho n'uburyo [ibice byombi] biri ahantu hatandukanye. Icya mbere dukwiriye gukora ni ugushyiraho ubwo buryo no gutanga amahirwe ku baturage bagashobora kujya mu bihugu biri muri Caribbean bavuye [nk'urugero] mu Rwanda cyangwa mu bindi bihugu byo mu Muryango wa Afurika y'Iburasirazuba.'

Perezida Kagame yavuze ko ibi byagerwaho mu gihe impande zombi zaganira ku bijyanye n'itangwa ry'ibyangombwa nka Visa, ati 'Dukwiriye gukora ku bintu bijyanye na visa zigakurwaho kugira ngo dushyigikire uko kwihuza…hari byinshi twakora nko mu bucuruzi ariko dukwiriye gutangira gushyira mu ngiro iby'ibanze bikwiriye, birimo no kubwira abaturage bacu ko bishoboka [gukorana hagati y'impande zombi].'

Perezida Kagame yabajijwe icyo atekereza ku kuba urubyiruko rwahabwa imyanya mu buyobozi, avuga ko Leta zikwiriye gushyiraho uburyo urubyiruko ruhabwa inshingano, ariko ibyo bikajyana n'uko urubyiruko ruhaguruka rukagira ubushake bwo kwiga no gufata inshingano.

Ati 'Abakiri bato bakwiriye kwiga no gufata inshingano, ibi [ubuyobozi] ntabwo ari ibintu ugiye guhabwa, ahubwo ushyiramo imbaraga ukumva ko urimo kwiga no gufata inshingano ari nabyo bikugeza ku rwego rwo hejuru aho uhabwa izo nshingano. Leta na gahunda za Leta zikwiriye koroshya ko buri wese yumva ko afite uruhare cyangwa ahagarariwe. Niyo mpamvu nko muri Leta biba bikenewe ko habamo abantu b'ibyiciro byose by'imyaka.'

Minisitiri w'Intebe wa Jamaica, Andrew Holness yavuze u Rwanda rukwiriye kwigirwaho ku bijyanye n'uburyo rwabashije kubaka iterambere rirambye nyuma y'ibibazo rwaciyemo.

Yagize ati 'U Rwanda ni urugero rwiza rw'igihugu kikuye mu bibazo bikomeye, kandi bakabikora bunze ubumwe. Urebye nk'amasomo [twabigiraho], icya mbere ni ugukemura ibibazo by'amakimbirane n'uburyo bwo kugira ubumwe. Mu muryango w'abantu hazabamo ibibazo by'amakimbirane, ariko uburyo bwo kuzana abantu bose hamwe bakagira intego imwe yo kwiteza imbere, ntekereza ko iryo ari isomo ku bihugu byose.'

Perezida Kagame kandi yagiranye ibiganiro byihariye na Minisitiri w'Intebe Holness, mu gihe hanasinywe amasezerano y'imikoranire hagati y'u Rwanda na Jamaica.

Perezida Kagame na Minisitiri w’Intebe wa Jamaica, Andrew Holness, bakurikiye isinywa ry’amasezerano y’ubufatanye hagati y’u Rwanda na Jamaica

U Rwanda na Jamaica byiyemeje gukomeza kubaka umubano

Perezida Kagame yaganiriye na Minisitiri w’Intebe wa Jamaica, Andrew Holness

Perezida Kagame na Minisitiri w’Intebe wa Jamaica, Andrew Holness, bagiranye ikiganiro n’itangazamakuru ryo muri Jamaica

Hashize igihe abakora akazi ko gutwara abantu kuri moto bumvikana basaba inzego zitandukanye zibareberera ko bagabanyirizwa igiciro cy’ubwishingizi, bo bemeza ko cyikubye kabiri kandi ko bataganirijwe ku mpamvu yabyo.

Bamwe mu bakora akazi ko gutwara moto , bumvikana bavuga ko igiciro cya Lisansi cyiyongereye, bityo ko bibashyira mu gihombo niba igiciro cy’ubwishingizi bwa moto gikomeje guhenda.

Aba bavuze ko mu nama yabahuje na Minisiteri y’ibikorwaremezo, RURA,Police ndetse n’ibigo by’ubwishingizi bari bemerewe ko mu bibazo by’ingutu byekemuwe, n’icy’ubwishingizi kizarebwaho ariko ko kugeza magingo aya nta gisubizo barabona.

Umwe yagize ati 'Iby’ubwishingizi byo biracyari kwa kundi nta cyahindutse.Iyo urebye usanga byarazamutse ugereranyije na mbere. Mbere byari ibihumbi 60Frw, bigenda bizamuka, bigera mu bihumbi 90Frw, bigera mu bihumbi 100Frw, none ubu ni ibihumbi 150Frw birenga.Mu nama bari batwijeje ko bazabikemura ariko twarategereje , twarahebye.'

Undi nawe yagize ati 'Kugeza na nubu ntabwo baragabanya igiciro cy’ubwishingizi bwa moto.Igiciro cyiri hejuru cyane.Amafaranga ibihumbi 153frw n’andi kuri moto kandi lisansi yarazamutse, urumva ayo mafaranga ni menshi, areshya na taxi voiture, turasaba ko mu by’ukuri ko batugabanyariza, amafaranga agabanyutse nabasha kwiteza imbere.'

Umuyobozi w’Impuzamashyirahamwe y’abamotari mu Rwanda FERWACOTAMU,Ngarambe Daniel, yavuze ko kugeza ubu nubwo bari bizejwe ko ikibazo kizigwaho bityo ubwishingizi bukagabanyuka, nta biganiro biraba, bityo ko inzego zibareberera zabisuzuma, zikabona gufata umwanzuro.

Ati 'Turacyategereje ko batumenyesha.Ababishinzwe nk’abakozi ba leta baba barebye aho ikibazo kiri , twategereza, tukazumva ubushakashatsi babikozeho, twe ntabwo twabimenya. Icyo inzego za leta zizatubwira tuzemera icyo kuko bazaba babirebye kuko bari mu nyungu z’utwara kugirango agabanyukirwe kandi akore neza.Nta bindi biganiro biraba.'

Guverineri wa Banki Nkuru y’uRwanda, John Rwangombwa, mu kiganiro aherutse kugirana n’Abanyamakuru, yavuze ko intandaro z’izamuka ry’ibiciro by’ubwishingizi ari imyitwarire y’abamotari bakunze gukora impanuka.

Yavuze ko ubusanzwe hari ibindi bigo by’ubwishingizi bwa moto ariko kubera impanuka za hato na hato z’abamotari, byatumye ibindi bigo bikuramo akabo karenge kuko nta nyungu bakuragamo, niko gusigara hari ikigo cya Radiant nacyo cyafashe icyemezo cyo kuzamura ubwishingizi.

Yagize ati 'Ubwishingizi bwa moto kuba butangwa n’ikigo kimwe. Ubundi ubwishingizi ni ubucuruzi,ibigo by’ubwishingizi byaje gucuruza,ariko iyo igicuruzwa kitunguka,nta muntu ugicuruza.'

'Ikibazo kuri moto ni uko ubwishingizi butangira kuri moto bwari hasi cyane ,abishingizi bagahomba.Bishingiraga moto [ku bihumbi 60Frw] , mu kanya ikagenda igakubitana na Minibus,igateza Minibus impanuka kubera ko moto ariyo yateje impanuka, ba bantu bakomerekeye muri bus bose, bakishyuzwa umwishingizi wa moto. Ugasanga ku bihumbi 60Frw yakiriye arimo arishyuzwa miliyoni 200Frw.'

Yakomeje ati 'Rero abishingira moto icyo bakoze ,baravuze ngo aho kujya mu bintu duhomberamo , reka tubyihorere. Kuba Radiant yarakomeje guhanyanyaza, bafite uko babara imibare yabo. Ariko ikibazo gihari mu by’ukuri impanuka ziterwa na moto, zigahombya ibigo by’ubwishingizi, ibigo nabyo bikabihunga.'

Avuga ko nka Banki Nkuru y’u Rwanda batategeka ikigo ngo kijye kwishingira moto.

Ati 'Ntabwo rero wahaguruka nka Banki Nkuru y’uRwanda cyangwa leta ngo utegeke ikigo ngo jya kwishingira moto. Kuko nigitangira guhomba ntabwo uzamuha amafaranga asubizamo cya gihombo yagize.'

Guverineri wa BNR yavuze ko abatwara moto bakwiye guhindura imyitwarire, birinda impanuka, bityo ko n’ubwishingizi bwagabanuka.

Yagize ati 'Ikiriho kigomba gukorwa kigoye, kumva ni ugushyiraho igiciro nyacyo. Radiant imaze igihe ibizamura ibiciro kugira ngo ishobore kugerageza gusiba cya gihombo iterwa no kwishingira moto , ubwo nibimara kugera ahantu abandi babona ko igihombo cyagabanutse, bazabigarukamo. Ikibazo gihari gikomeye n’imitwarire ya moto, impanuka ziteza mu muhanda. Abamotari ni bishyirireho amategeko atuma gabanya impanuka batera , bagateza ibihombo by’ibigo by’ubwishingizi.'

Abamotari barasaba ko bakoroherezwa ku bwishingizi kugira ngo imibereho yabo ibashe gutera imbere.

Ivomo:Umuseke

Umwanzuro w’uru rubanza ruri kuburanishwa mu bujurire wagombaga gusomwa kuri uyu wa 15 Mata 2022.

Bitewe no kuba uyu munsi ari ikiruhuko, isomwa ryarwo ryabaye ku wa Kane, tariki ya 14 Mata 2022.

Urukiko Rukuru nyuma yo gusuzuma imiterere yarwo rwanzuye ko urubanza rwongera kuburanishwa mu mizi kuko hari ibyo rukeneye gusobanukirwa neza.

Umucamanza yakomeje ati 'Nyuma yo kwiherera, Urukiko Rukuru rwemeje ko mbere yo guca uru rubanza burundu, hagomba kubaho isubukurwa ryarwo kubera ko hari ibindi bisobanuro rukeneye muri uru rubanza kugira ngo rurusheho gusobanukirwa.”

Uru rubanza rwagaragayemo impinduka, mu gihe byari byitezwe ko rusomwa, rukaba ruzongera kuburanishwa.

Urukiko Rukuru rwanzuye ko iburanisha rizasubukurwa ku wa 20 Kamena 2022, saa Mbili za mu gitondo.

Bishop Sibomana Jean wari Umuvugizi wa ADEPR na Bishop Tom Rwagasana wari Umuvugizi wungirije baregwa muri dosiye y’abantu 12 barimo abahoze mu buyobozi bukuru bwa ADEPR, bakurikiranyweho kunyereza umutungo w’itorero no gukoresha inyandiko mpimbano.

Urubanza rwabo rwatangiye kuburanishwa n’Urukiko Rwisumbuye rwa Gasabo mu 2017 ndetse mu Ugushyingo 2018, icyenda muri bo barimo Bishop Sibomana na Rwagasana bagizwe abere.

Nyuma yaho ADEPR, Ubushinjacyaha na batatu bakatiwe bajuririye Urukiko Rukuru mu 2019 bagaragaza ko batanyuzwe n’icyemezo cy’urukiko. Ku wa 27 Kamena 2021 ni bwo urubanza rwatangiye kuburanishwa mu bujurire.

Mu iburanisha mu bujurire, Ubushinjacyaha bwasabye Urukiko Rukuru guhamya Bishop Sibomana Jean na Bishop Tom Rwagasana uruhare mu kunyereza umutungo wa ADEPR, rugategeka ko bafungwa imyaka 12, bakanishyura amafaranga banyereje.

Mu kuburana, abaregwa bose bagaragaje ko nta mafaranga bigeze banyereza mu gihe bari mu buyobozi bwa ADEPR, bashimangira ko ibivugwa n’Ubushinjacyaha nta shingiro bifite.

Ubushinjacyaha bwasabye Urukiko Rukuru ko rwahamya Sibomana Jean icyaha cyo kurigisa umutungo w’itorero no gukoresha inyandiko mpimbano, agahanishwa gufungwa imyaka 12, akanacibwa ihazabu ya miliyari 1,5 Frw.

Kuri Rwagasana Tom, na we yasabiwe gufungwa imyaka 12 agahamywa ibyaha byo kurigisa umutungo wa ADEPR no gukoresha inyandiko mpimbano, akanacibwa ihazabu ya miliyari 1,6 Frw.

ADEPR yaregeye indishyi yo yasabye urukiko ko Bishop Sibomana Jean, Bishop Rwagasana Thomas, Sebagabo Muyehe Léonard, Mutuyemariya Christine, Gasana Valens, Sindayigaya Théophile, Niyitanga Salton, Beninka Bertin, Mukabera Médiatrice, Nzabarinda Tharcisse na Twizeyimana Emmanuel bishyura asaga miliyari 5,6 Frw.

Aya arimo indishyi za 3,3 Frw ku yo batwaye, yiyongeraho miliyari 2,3 Frw nk’inyungu yo kwishyura BRD kugeza mu 2026. Amafaranga yiyongeraho igihembo cy’avoka n’ikurikiranarubanza.

Abaregwa mu kwiregura bavuze ko nta ndishyi bakwishyura kuko nta faranga na rimwe batwaye. Bongeyeho ko ADEPR nta bubasha ifite bwo kuregera indishyi ahubwo hakagombye kurega Dove Hotel.

Indi nkuru wasoma : Bishop Sibomana na Rwagasana basabiwe gufungwa imyaka 12, ADEPR isaba indishyi za miliyari 5 Frw nk’uko bitangazwa na Igihe.

Bishop Tom Rwagasana yasabiwe gufungwa imyaka 12. Na we akekwaho kunyereza miliyoni 846 Frw ubwo yari akiri mu buyobozi bukuru bwa ADEPR ku mwanya w’Umuvugizi wungirije

Bishop Sibomana Jean yahoze ayoboye ADEPR. Akurikiranyweho kunyereza asaga miliyoni 761 Frw. Mu kuburana kwe yahakanye ibyo aregwa byose

Ibi byatangarijwe mu gikorwa cyabereye mu nama ya mbere ya komisiyo ihuriweho ishinzwe gukurikirana ishyirwa mu bikorwa ry'ubufatanye impande zombi zemeranyijweho, yabereye i Kigali kuri uyu wa 15 Mata 2022.

Itsinda ry'u Rwanda ryari riyobowe na Minisitiri w'Ububanyi n'Amahanga n'Ubutwererane, Dr Vincent Biruta na mugenzi we Amb. Tete Antonio, ku ruhande rwa Angola.

Impande zombi zaganiriye ku ntambwe yatewe mu butwererane busanzwe mu nzego zirimo ubutabera, ubuhinzi n'ubworozi, ubuzima hanasuzumwa inzego nshya zakwagurirwamo ubwo bufatanye.

Zaboneyeho gushyira umukono ku masezerano mashya ku guhererekanya abakekwaho ibyaha, kudasoresha ibicuruzwa kabiri, ubufatanye mu gutanga ubufasha mu by'amategeko no guhererekanya abanyabyaha.

Hari kandi amasezerano y'imikoranire mu by'ubutwererane no guteza imbere urwego rw'ubuhinzi n'ubworozi, guteza imbere imiyoborere mu nzego z'ibanze, uburezi, ubucukuzi bw'amabuye y'agaciro n'amahugurwa y'abakozi ba leta.

Minisitiri w'Ububanyi n'Amahanga n'Ubutwererane, Dr Vincent Biruta, yavuze ko impande zombi zizakorana harebwa uko abaturage bakungukira mu masezerano yashyizweho umukono.

Yagize ati 'Ntabwo ari ibijyanye na dipolomasi gusa ahubwo ni ibizana inyungu ku baturage b'ibihugu byombi. Dufite inararibonye mu nzego zitandukanye twemeranyijweho imikoranire, tugiye gukorera hamwe harebwa uko abaturage babyungukiramo. Urugero rumwe ni uko twemeranyijwe ko visa ku banyarwanda basura Angola zikurwaho.'

'Abanyarwanda bashobora gusura Angola bagakorerayo ubucuruzi bakungukira ku masezerano twashyizeho umukono yo kwirinda gusoresha kabiri. Hari uburyo bwinshi Abanyarwanda n'Abanyangola bazungukira mu masezerano twashyizeho umukono uyu munsi.'

Minisitiri w'Ubutwererane Mpuzamahanga muri Angola, Amb. Tete Antonio, yavuze ko ibyakozwe uyu munsi ari uguha umurongo ibikorwa byari bisanzwe hagati y'ibihugu byombi.

Ati 'Ni intambwe ikomeye mu bufatanye bwacu. Turashishikariza abatekinisiye bacu gukora cyane no kugira icyerekezo kimwe mu guhanga udushya, gukurikirana gahunda zemeranyijweho no kuzishyira mu bikorwa. U Rwanda ni umufatanyabikorwa w'ingenzi kuri Angola.'

Dr Biruta yongeyeho ko impande zombi zizakomeza kuganira no kwemeranywa ku zindi nzego z'imikoranire yubakiye ku bushake bwa politiki ku rwego rwo hejuru.

Ati “Guverinoma y'u Rwanda ifite ubushake bwo gukorana na Guverinoma ya Angola mu gushakira umuti ibibazo byo mu karere no ku mugabane bigira ingaruka ku bihugu byombi.”

Yavuze ko ibihugu byombi byafatanyije binyuze muri 'ICGRL' mu gushakira umuti ibibazo byo mu Karere kandi ko u Rwanda rushima uruhare rwa Angola mu kugarura amahoro muri Centrafrique.

Minisitiri w’Ububanyi n’Amahanga n’Ubutwererane, Dr Vincent Biruta ashyira umukono ku masezerano

Minisitiri w'Ubutwererane Mpuzamahanga muri Angola, Amb. Tete Antonio

Minisitiri w'Ububanyi n'Amahanga n'Ubutwererane, Dr Vincent Biruta na mugenzi we wa Angola, Amb. Tete Antonio

Minisitiri w’Ubutegetsi bw’Igihugu, Gatabazi Jean Marie Vianney yasinyanye amasezerano na Minisitiri w’Ububanyi n’Amahanga wa Angola, Amb. Tete Antonio agenga ubufatanye mu by’inzego z’ibanze

Minisitiri w’Ubutabera w’u Rwanda, Dr Ugirashebuja Emmanuel ni we wari uhagarariye u Rwanda mu gushyira umukono ku masezerano y’ubufatanye mu by’ubutabera; yari kumwe na Minisitiri w’Ubutabera n’Uburenganzira bwa Muntu wa Angola,Francisco Manuel Monteiro de Queiroz (iburyo)

Minisitiri w’Umutekano Alfred Gasana ahererekanya amasezerano na Minisitiri w’Ubutabera n’Uburenganzira bwa Muntu muri Angola, Francisco Manuel Monteiro de Queiroz, yerekeye ibyo guhererekanya imfungwa hagati y’u Rwanda na Angola

Mu rwego rw’ubuhinzi, u Rwanda rwari ruhagarariwe n’Umunyamabanga wa Leta muri Minagri, Dr Ngabitsinze Jean Chrysostome; yari kumwe Minisitiri w'Ubuhinzi n'Uburobyi, Antonio Francisco de Assismuri Angola

Minisitiri w’Ubuzima, Dr Ngamije Daniel na mugenzi we wa Angola, Silvia Lutucuta, bamaze gushyira umukono ku masezerano y’ubufatanye mu by’ubuzima

Umuyobozi w’Ikigo cy’Igihugu gishinzwe Mine,Peteroli na Gaz (RMB) Amb. Yamina Karitanyi hamwe n’ushinzwe urwego nk’uru muri Angola bahererekanya amasezerano y’imikoranire mu rwego rwa mine

Umuyobozi wa RMI, Dr. Mulindahabi Charline (ibumoso) hamwe n’Umuyobozi w’ishuri ry’imiyoborere (ENAPP) muri Angola

Amafoto: Yuhi Augustin

Iyi ndirimbo yitwa 'Hold me Lord' mu magambo y’ikinyarwanda bisobanura “Nkomeza Mana”, yanditse muri 2005 ariko iguma mu bubiko.

Uyu muhanzi, avuga ko ubu hari hageze ho kuyigeza ku bakunzi b’indirimbo zo kuramya no guhimbaza.

'Hold me Lord' ni indirimbo yo gutabaza Imana mu gihe cy'ibibazo, ndetse no kuyishimira ko ibidukemurira.

Uyu muhanzi yagaragaje ko Imana idahari 'umuntu yaba ari ubusa'. Yumvikanisha ko 'iyo tubuze amahoro tukiyambaza Imana, iradutabara tugatekana'.

Ni indirimbo kandi isaba Imana gukomeza buri umwe. Ati 'Aha ni cya gihe uba wumva umeze neza mu mutima, utuje mbese wumva neza ko uri kumwe n’Imana. Icyo gihe rero usaba Imana kugukomeza no kugukomereza ibyo byiza.'

Mu nyikirizo y'iyi ndirimbo, uyu muhanzi avugamo ko Imana ari nziza. Aririmba agira ati 'Mana uri nziza, Mana shimwe, Mfata ukuboko, nkomeza.'

Iyi ndirimbo yari imaze imyaka 17 Eliazar ayibitse mu kabati. Yabwiye INYARWANDA ko iyi myaka ishize kubera ko yashakaga kubanza kuyinononsora.

Ati 'Iyi ndirimbo imaze imyaka ingana itya kuko numvaga nkeneye kuzuza neza ubutumwa buyikubiyemo. Rimwe na rimwe nagiye nshaka kuyijyana muri studio ariko umutima ukambwira uti ba uretse.”

Akomeza ati 'Byatumye nandika igitero cyayo cya nyuma kigira kiti “Uri ubwugamo bwanjye iteka Mana, uri amahoro yanjye, Mana wee, iyo undi hafi mba mfite byose, Mana yanjye shimwa.'

Eliazar yaherukaga gusohora indirimbo yise 'Dutabare Nyagasani'. Ni indirimbo yanditse azirikana intambara ziri hirya no hino ku Isi. Ati 'Nta wundi twagira uretse Nyagasani wenyine.'

Avuga ko iyi ndirimbo 'Dutabare Nyagasani' ndetse na 'Hold me Lord' zafasha buri umwe mu buzima bwabo bwa buri munsi, kuko 'ari iz’ibihe byose'.

Eliazar yavuze ko akomeje kwandika izindi ndirimbo zo kuramya no guhimbaza zafasha abakunzi ba Gospel. 

Umuhanzi Eliazar Ndayisabye yasohoye amashusho y'indirimbo ye yise 'Hold me Lord' 

Eliazar yavuze ko iyi ndirimbo yari imaze imyaka 17, kubera ko yashakaga kubanza kuyinononsora

KANDA HANO UREBE AMASHUSHO Y'INDIRIMBO 'HOLD ME LORD' YA ELIAZAR NDAYISABYE

“>

KANDA HANO WUMVE INDIRIMBO ‘DUTABARE NYAGASANI’ YA ELIAZAR NDAYISABYE

“>