Blog

Ni ubwa mbere iki gikorwa kigiye kubaho, kuko hasanzwe haba irushanwa rya Miss Africa rihuza abakobwa bo ku mugabane wa Afurika ndetse na Miss East Africa ihuza abakobwa bo mu Karere k'Afurika y'Iburasirazuba.

Miss East Africa USA izajya iba mu Ukuboza buri mwaka muri Amerika. Rizajya rihuza abakobwa bo muri EAC babarizwa muri Leta Zunze Ubumwe za Amerika.

Umuyobozi wa Sunday Entertainment, Nzitatira Sunday Justin yabwiye INYARWANDA ko batekereje gutegura iri rushanwa mu rwego rwo guhuza urubyiruko ruvuka muri EAC ariko rubarizwa muri iki gihe muri Amerika.

Ati 'Igitekerezo cyaryo [Irushanwa] ni mu rwego rwo guhuriza hamwe urubyiruko rutuye muri Amerika ariko rukomoka muri East Africa.'

Nzitatira yavuze ko iri rushanwa ryo guhitamo umukobwa uhiga abandi ryitezweho kugaragaza EAC 'mu ruhando rw'amahanga'. Ati 'Nk'uko EAC iri kwaguka numva ko ari umwanya mwiza ko abari mu mahanga twisanga mu biri kuba iwacu.'

Umukobwa ushaka kwitabira Miss East Africa USA agomba kuba atuye muri Amerika akomoka muri EAC; afite imyaka iri hagati ya 18 na 35 y'amavuko, ari inyangamugayo, ari ingaragu, yarasoje amashuri yisumbuye, kwemera ko umushinga we azawushyira mu bikorwa mu gihugu akomokamo n'ibindi.

Ibihembo bizatangwa ku mukobwa uzegukana ikamba ni ukwishyurirwa Kaminuza [Scholarship] yo kwiga muri Kaminuza muri Amerika, kumufasha gushyira mu bikorwa umushinga we aho akomoka n'ibindi bitandukanye.

Ibihugu by'Umuryango wa Afurika y'Iburasirazuba ni u Rwanda, Repubulika Iharanira Demokarasi ya Congo (RDC), Burundi, Sudani y’Epfo, Uganda, Kenya ndetse na Tanzania.

Ku wa 29 Werurwe 2022, nibwo Repubulika ya Demokarasi ya Congo yemejwe nk'umunyamuryango mushya wa EAC mu nama y’uyu muryango yari ikuriwe na Perezida Uhuru Kenyatta wa Kenya yateraniye i Arusha muri Tanzania. 

Umuyobozi wa Sunday Entertainment, Nzitatira Sunday Justin yatangaje ko Miss East Africa USA bayitezeho guhuza urubyiruko rwo muri EAC 

Ni ku nshuro ya mbere hagiye kuba Miss East Africa USA. Iri rushanwa ryubakiye ku bwiza, ubwenge, kuyobora n’umuco 

Umuyobozi Mukuru wa NESA, Bernard Bahati, yatangarije The New Times ko ubu ari itegeko ko abakandida bakoresha indangamuntu muri gahunda yo kwiyandikisha nyamara bamwe bagaragaza ko ntazo bazifite.

Ati 'Indangamuntu ubu ni itegeko kuko ni yo izadufasha kwirinda amakosa ku mpamyabumenyi, umwaka ushize byadutwaye amezi arenga abiri kugira ngo dukosore amakosa ari ku mpamyabumenyi zatanzwe rero turashaka kwirinda ibibazo nk'ibyo.'

Bahati yatangaje ko abakandida barenga 700 nta ndangamuntu bafite ariko ko kugeza ubu 65% muri bo bari mu nzira yo kuzibona.

Ati 'Kwiyandikisha byatangiye amezi make ashize. Ariko, twahaye umwanya abakandida muri iki gihe cy'ibiruhuko kugira ngo bifotoze ku mirenge yabo hanyuma babone indangamuntu. Turi gukorana bya hafi n'Ikigo cy'Igihugu Gishinzwe Indangamuntu (NIDA) ku buryo bakurikirana iki kibazo.'

Yongeyeho ko mu gihe abanyeshuri bagiye gutangira igihembwe cya gatatu kuri 18 Mata, abakandida bashobora kwerekeza ku mirenge yegereye amashuri yabo kugira ngo bafotorwe.

Ati “Turamenyesha abayobozi bose b'amashuri yisumbuye, amashuri ya TVET na TTC n'abakandida bigenga gukorana n'abakandida n'ababyeyi babo kugira ngo kwiyandikisha bigende neza, hirindwe amakosa mu ndangamuntu.'

Bahati yijeje abakandida bamwe na bamwe ko bakomeza guhura n'ibibazo byo kubona indangamuntu, ko nta mukandida uzabuzwa kwiyandikisha mu bizamini bya Leta, asobanura ko bazakomeza gukemura ibi bibazo mbere yo gutanga impamyabumenyi.

Ati 'Abakandida bamwe ntibiyandikishije muri système y'imbonezamubano, abandi bafite indangamuntu ariko harimo amakosa mu mazina yabo n'amazina y'ababyeyi babo kandi kugira ngo bikosorwe ni ngombwa guca muri MINALOC ni yo mpamvu bizafata igihe kirekire.'

Yavuze ko hashyizweho uburyo bushya kugira ngo abakandida bose bari mu nzego zitandukanye biyandikishe mu kizamini cy'igihugu.

Mu gihe biyandikishije, bazahita babona ubutumwa kuri telefone igendanwa kugira ngo barebe niba nta makosa yabayemo.

---

Ibirori byo kwambika izi ngabo imidali byabereye ku ngoro y'Umukuru w'Igihugu, Palais dela Renaissance, iri i Bangui, Byanitabiriwe n'abayobozi batandukanye muri Guverinoma ya Centrafrique n'Umugaba Mukuru w'Ingabo z'iki gihugu, Gen Zephélin Mamadou. Hari kandi Olivier Kayumba, Umujyanama muri Ambasade y'u Rwanda muri Repubulika ya Centrafrique.

Imidali izi ngabo zambitswe iri mu bwoko bune; uziyoboye yambitswe uwitwa 'Grade de commandeur', abofisiye bakuru bambikwa iyitwa 'Grade de Officiers', abofisiye bato bambitswe iyitwa 'Grade de Chevalier' naho abasigaye bambikwa iyitwa 'Grade de Etoile du Mérite Militaire'.

Perezida wa Centrafrique Prof Archange Touadéra yashimiye ibikorwa ingabo z'u Rwanda zakoreye abaturage b'igihugu cye mu bihe bigoye.

Ati “Ingabo z'u Rwanda ziri mu butumwa bw'amahoro zabaye ingirakamaro mu gushyigikira imbaraga zo kugarurira amahoro n'umutekano abaturage ba Centrafrique”.

Umuyobozi w'izi ngabo z'u Rwanda (Rwabatt8) Col Augustin Migabo, yashimiye Perezida wa Centrafrique kuba yazirikanye ibikorwa izi ngabo zakoze mu mezi 12.

Ati “Kwambikwa imidali uyu munsi ni ikimenyetso cy'ikinyabupfura, ukudaheranwa n'ubunyamwuga byagaragajwe na Rwabatt8 mu mezi 12 y'inshingano n'ubufatanye bwiza n'abaturage ba Centrafrique ndetse n'ubuyobozi bwa MINUSCA”.

---

Ku wa Kabiri w’iki cyumweru u Burusiya bubinyujije mu nzira za diplomasi, bwandikiye Leta Zunze Ubumwe za Amerika (USA) n’ibindi bihugu byose, bumenyesha ko (…)

Umunya-Espagne, Jacint Magriña Clemente ni we wagizwe umutoza wungirije w’ikipe y’igihugu Amavubi aho aje kungiriza mugenzi we, Carlos uherutse kugirwa umutoza mukuru.

Tariki ya 29 Werurwe 2022, nibwo Ishyirahamwe ry’umupira w’amaguru mu Rwanda 'FERWAFA’ ryatangaje ko ryamaze gusinyisha amasezerano y’umwaka umutoza ukomoka muri Espagne, Carlos Alós Ferrer.

Ntabwo hahise hatangazwa umutoza bazakorana cyangwa se uzamwungiriza, gusa kuri ubu akaba yamaze kumenyekana ko na we ari umunya-Espagne.

Jacint Magriña Clemente ni we mutoza wungirije w’ikipe y’igihugu, akaba yaratangiye akazi mu buryo bweruye ku munsi w’ejo hashize ku wa Gatanu ubwo yakurikiranaga umukino wa Gasogi United na Kiyovu Sports.

Iyo ugiye kureba aho yanyuze, ntabwo murandasi ibitse amateka ye menshi ndetse byanagorana kuyamenya, gusa bigaragara ko kuva 2001 kugeza 2011 yari muri RCD Espanyol de Barcelona S.A.D. ari nabwo yarimo yinjira mu mwuga w’ubutoza ahagaritse gukina, 2011 kugeza 2012 yari mu ishami rya tekinike ry’ikipe ya FC Dynamo Moscow yo mu Burusiya, 2013-2015 yari umwalimu w’isomo ry’umupira w’amaguru mu kigo cy’amashuri cya Turbula giherereye mu majyaruguru y’umujyi wa Barcelona ni mu gihe muri 2015 yari umuhuzabikorwa mu ikipe ya FK Akademiya Ontustik yo muri Kazakhstan.

Iyi mvugo ipfobya Jenoside yakorewe Abatutsi yayikoresheje mu gitondo cyo kuri uyu wa Gatandatu, tariki 16 Mata 2022, ubwo yashyiraga ifoto ye ku rubuga rwe rwa Instagram maze akandikaho 'Rwanda Genocide Week'.

Ni ifoto yakorewe muri Leone Island Music Empire, iriho ibendera ry’u Rwanda, ifoto ye n’umusaraba wijimye ubambyeho Yezu. Hakandikwaho amagambo yanenzwe na benshi ariko nako bamusaba gukosora imvugo ipfobya Jenoside.

Ku ikubitiro abahanzi bagenzi be b’Abanyarwanda barimo Dj Pius bakoranye indirimbo 'Agatako' yamwibukije ko batavuga Jenoside y’Abanyarwanda ahubwo bavuga Jenoside yakorewe Abatutsi mu 1994. Yagize ati 'Muvandimwe, ni Jenoside yakorewe Abatutsi.'

Ibi byunzwemo na Mani Martin wagize uti 'Ni Jenoside yakorewe Abatutsi mu 1994, si Jenoside y’Abanyarwanda.'

Uwitwa Ishimwe Chris we yamusabye ko yakosora imvugo yakoreshe agakoresha iya nyanyo, ati 'Ni Jenoside yakorewe Abatutsi, Jose Chameleone wakosora imvugo mukuru wanjye.'

Kingose nawe yunzemo ati 'Ni Jenoside yakorewe Abatutsi kandi si igihe cyo kwishima ahubwo ni umwanya wo kunamira no kwibuka abacu.'

Si aba gusa basabye Jose Chameleone gukosora imvugo yakoresheje kuko benshi bagize icyo babivugaho bagaragaje imvugo ya nyayo yo gukoresha.

Urwego rw’Igihugu rw’Ubugenzacyaha RIB, rwagaragaje ko mu cyumweru cyo kwibuka ku nshuro ya 28 Jenoside yakorewe Abatutsi mu 1994, abantu 68 bagaragayeho ingengabitekerezo ya Jenoside. Ni mu gihe hakiriwe dosiye zisaga 53 mu cyunweru cyo kuva tariki 7 Mata kugeza 13 Mata 2022.

Umuvugizi w’Urwego rw’Igihugu rw’Ubugenzacyaha RIB, Dr Murangira B. Thierry, yasabye abantu guca ukubiri n’ingebitekerezo ya Jenoside kuko yangiza igihugu nabo ubwabo, asaba urubyiruko kurwana urugamba rwo kuyirwanyiriza ku mbuga nkoranyambaga kuko ariho yiganje.

Yagize ati 'Turaha ubutumwa urubyiruko ko urugamba rwo kurwanya ingengabitekerezo ya Jenoside rugira kandi ruri kwimbukira ku mbuga nkoranyambaga niho tugomba kururwanira.'

Uretse Chameleone wakoresheje imvugo itariyo kuri Jenoside yakorewe Abatutsi, tariki 7 Mata 2020, umuhanzi w’umunyarwanda Corneille Nyungura, uba muri Canada nawe yanditse kuri Twitter akoresha imvugo ipfobya Jenoside gusa abamukurikira baramunenga ariko yaje gusaba imbabazi ndetse akosora imvugo.

Chameleone we ntacyo arigera avuga ku byo yabwiwe cyangwa ngo asibe ubutumwa yashyize kuri Instagaram ye.

Abayobozi b’u Rwanda mu ngeri zinyuranye bagiye basaba abakoresha imvugo zitarizo kuzireka, abifatanya n’abanyarwanda kwibuka Jenoside yakorewe Abatutsi bohoreza ubutumwa batazi inyito zikwiye zo gukoresha basabwe kutigora babwohereza.

Imvugo ipfobya Jenoside yakoreshejwe na Jose Chameleone

Uburyo Stanislas Simugomwa wakoraga muri Minisiteri y’Ubuzima (MINISANTE), yahigwaga mu gihe cya Jenoside yakorewe Abatutsi mu 1994 ngo yicwe, byatumye (…)