Webrwanda Backend

Blog

  • Lt Gen Muhoozi yashimiye Masamba Intore wasus… – #rwanda #RwOT

    Massamba Intore aherekejwe n'abahanzi Ruti Joel ndetse na Symphony Band, basusurukije ibirori by'isabukuru ya Lt Gen Muhoozi byabereye ahitwa Lugogo Cricket Oval  ku wa Gatandatu tariki 23 Mata 2022.

    Aba bahanzi baririmbye muri iki gitaramo bahuriyemo n'abahanzi barenga 10 bo muri Uganda, bari batumiwe gususurutsa ibi birori by'umuhungu wa Museveni.

    Masamba Intore yaririmbye indirimbo zirimo 'Inkotanyi Cyane', 'Hobe Hobe' n'izindi; Ruti Joel aririmba 'Igikobwa' yamamaye cyane muri iki gihe.

    Mu ijoro ry'uyu wa Mbere tariki 25 Mata 2022, Lt Gen Muhoozi yanditse kuri konti ye ya Twitter avuga ko ashima 'inshuti yungutse' Masamba ku kuntu yitwaye mu gitaramo gikomeye, aho yataramiye abari bitabiriye ibirori by'isabukuru ye.

    Yavuze ko Masamba n'intsinda ry'abaririmbyi bari bari kumwe batanze ibyishimo. Ati 'Ndashaka gushimira umuvandimwe nungutse, Bwana Masamba Intore ku bwo kuririmba mu gitaramo cyo kwizihiza isabukuru yanjye. Twese twakunze uko baririmbye. Masamba n'itsinda rye bahanyuranye umucyo.'

    Lt Gen Muhoozi yanagaragaje ko Masamba yamuhaye impano y'umupira wanditseho 'Inkotanyi Cyane'.

    Nyuma yo kuririmba muri ibi birori, Masamba yanditse kuri konti ye ya Instagram ashima Lt Gen Muhoozi wamutumiye mu birori byo kwizihiza isabukuru ye.

    Uyu muhanzi wagwije ibigwi mu Rwanda, yavuze ko byari ibirori byiza kandi byuzuye ibyishimo byinshi. Avuga ko muri ibi ibirori yaririmbye indirimbo 'Inkotanyi cyane' nk'uko yari yabimusabye ubwo yamutumiraga.

    Masamba yavuze ko nyuma yo kuririmba yashyikirije Lt Gen Muhoozi umupira wanditseho 'Inkotanyi Cyane'. Ati 'Maze mushyikiriza impano ya t-shirt.'

    Ubwo Muhoozi yizihizaga isabukuru y'amavuko, imihanda imwe n'imwe muri Uganda yarafunzwe kugira ngo iyi sabukuru yizihizwe mu buryo butekanye, ndetse abahanzi bo muri Uganda bahawe amafaranga atagira ingano mu rwego rwo kuririmba muri ibi birori, hanakorwa indirimbo ivuga kuri Lt Gen Muhoozi.

    Umugore wa Perezida Museveni, Janet Museveni yanditse kuri konti ye ya Twitter avuga ko yishimiye kubona urubyiruko mu mihanda ya Kampala mu mpera z'icyumweru, bifatanyije na Muhoozi kwizihiza isabukuru y'amavuko ye. Bigaragaza ko bakuriye mu gihugu cy'amahoro, abasaba gukomeza kuyaharanira.

    Mu ijambo yagejeje ku bitabiriye ibirori byo kwizihiza iyi sabukuru, Museveni yashimye umuhungu we Muhoozi. Nk'umubyeyi, yamusabye kujya atega amatwi abakiri bato/urubyiruko, akabagira inama kandi ntabahatirize. Perezida Museveni yavuze ko ibi ari byo ahora atoza abana be.

    Yavuze ko n'ubwo umuhungu we yitwa Muhoozi akaba ari nako abantu bose bamuhamagara, we amwitwa Muwooji kuko ubwo bari mu buhungiro muri Dar-es-Salaam, hari Gen Tito Okello witabye Imana utarabashaga kuvuga neza iri zina 'Muhoozi'.

    Museveni yavuze ko Gen Tito yajyaga agira ati 'Mama Muwooji' ashaka kuvuga Janet Museveni. Yavuze ko n'ubwo uyu mugabo atakiriho ariko 'nishimiye ko ndi kumwe n'umwana we Okello'.

    Yavuze ko Okello yari mu myaka y'urubyiruko mu gihe Muhoozi yari akiri umwana, kandi ko babanye nk'abavandimwe.

    Avuga ko Lt Gen Muhoozi ari impano 'Imana yaduhaye'. Yavuze ko umuhungu we yabonye izuba ku wa 24 Mata 1974, avukira ahitwa Kurasini i Dar es Salam. 

    Inkuru bifitanye isano: Massamba yaririmbye mu isabukuru ya Lt Gen Muhoozi, amuha impano y’umupira wanditseho ‘Inkotanyi cyane’

    Source : https://inyarwanda.com/inkuru/116647/lt-gen-muhoozi-yashimiye-masamba-intore-wasusurukije-ibirori-byisabukuru-ye-116647.html

  • Senateri Evode yifatiye ku gahanga abakomeje kwamagana amasezerano y’u Rwanda n’u Bwongereza #rwanda #RwOT

    Senateri Evode Uwizeyimana yabivugiye mu kiganiro cyatambutse ku Televiziyo Rwanda ku mugoroba wo kuri uyu wa Mbere tariki 25 Mata 2022 kibanze kuri aya masezerano akomeje guteza impaka aho bamwe bayamagana.

    Ku Cyumweru cya Pasika, Umushumba Mukuru w’Itorero ry’Abangilikani ku Isi akaba na Musenyeri mukuru wa Canterbury, Justin Welby, yagaragaje ko u Bwongereza butari bukwiye kwikoreza umutwaro u Rwanda ku nshingano zagombaga gukorwa n’iki Gihugu cy’i Burayi.

    Uyu Musenyeri yatangaje ibi yiyongereye ku bandi benshi barimo Abadepite mu Nteko Ishinga Amategeko y’u Bwongereza, Abanyamategeko banyuranye, Abanyapolitiki ndetse n’imiryango igera mu 160 irimo Irengera ikiremwamuntu n’iharanira uburenganzira bwa muntu irimo nka Human Righs Watch, na bo bamaganye iyi gahunda y’u Rwanda n’u Bwongereza.

    Theresa May wasimbuwe na Boris Johnson ku mwanya wa Minisitiri w’Intebe w’u Bwongereza na we ari mu bamaganye iyi gahunda ndetse n’Ishami ry’Umuryango w’Abibumbye ryita ku mpunzi (UNHCR) ubwaryo na ryo ryamaganye iki gikorwa.

    Mu Rwanda kandi Ishyaka Riharanira Demokarasi no kurengera Ibidukikije (DGPR/Democratic Green Party of Rwanda) na ryo ryamaganye iyi gahunda rivuga ko u Rwanda na rwo rufite abaturage rugomba kwitaho aho kuruzaniraho abandi bagombaga gukurikiranwa n’ikindi Gihugu cyabakiriye.

    Senateri Evode Uwizeyimana abajijwe n’Umunyamakuru niba ibi bitangazwa n’abakomeje kwamagana iyi gahunda bidashobora kuburizamo iyi gahunda, yavuze ko ibi atari byo byatuma iyi gahunda ipfuba.

    Yagize ati 'Ah Ah [ahakana] biriya ni urusaku nk’abasinzi basindiye mu isoko ntacyo byahindura.'

    Hon Uwizeyimana avuga ko ikibazo ahubwo cyabaho ari uko ariya masezerano ashobora kuzagera mu Nteko Ishinga Amategeko, ntibayatore.

    Avuga ko kubera ko aya masezerano agomba kuzaherekezwa n’imari izatangwa n’u Bwongereza, bityo ko akenera kuzabanza kunyura mu Nteko Ishinga Amategeko kugira ngo atorwe kandi ko biriya Bihugu bihora biba bidashaka ko hari igihungabanya ubukungu bwabyo.

    Icyakora avuga ko Boris Johnson atapfa gutangiza uyu mushinga atizeye ko uzatambuka mu gihe uzaba ugejejwe mu Nteko Ishinga Amategeko dore ko ishyaka rye rifitemo imyanya myinshi bityo ko byoroshye kuzabumvisha uyu mushinga.

    Ntabwo u Bwongereza bwikuyeho inshingano

    Senateri Evode Uwizeyimana usanzwe ari n’impuguke mu Mategeko Mpuzamahanga, avuga ko u Bwongereza butikuyeho inshingano nkuko bikomeje gutangazwa n’abamagana aya masezerano ahubwo ko buzimuriye mu Rwanda kuko buzakomeza gutunga no kwita ku Bimukira bazoherezwa mu Rwanda.

    Ati 'Ntabwo wavuga ngo u Bwongereza bwikuyeho ikibazo, icyo bakoze ni 'delocalisation’, bazakomeza gukurikirana aba banatu.'

    Evode Uwizeyimana avuga ko imiryango mpuzamahanga ikomeje kwamagana iyi gahunda ibiterwa no kuba igiye kubura akazi.

    Ati 'Nk’Abavoka bo muri UK, babatwaye akazi, ayo mafaranga yose uvuga [ayo u Bwongereza buzifashisha mu kwita ku bazoherezwa mu Rwanda]…akazi kagiye, na HCR ayo mafaranga ni yo yabonaga.'

    Uyu Mushingamategeko avuga ko ikibabaje ari uko hari abamagana bariya bimukira nyamara bashobora kuzaza bagatanga umusanzu wabo mu kuzamura u Rwanda, akavuga ko igihe cyose abimukira bataba ikibazo.

    Ati 'Aba bantu bashobora kuza bakaza harimo inzobere mukeneye,…n’uyu Muminisitiri wasinye aya masezerano [Priti Patel] na we akomoka mu Buhindi, na we ni umwimukira uyu Ambasaderi wa UK uri hano, ni Umwarabu.'

    Ati 'Bamwe baravuga ngo 'Igihugu ni gito’ ngo ' Abantu bo mu Rwanda na bo ntibafite akazi’ ubu turi mu Isi yubaka umuturage w’Isi [Global citizen] umuntu ufite ubumenyi azajya guhaha n’ahandi.'

    Umuvugizi Wungirije wa Guverinoma y’u Rwanda, Alain Mukuralinda avuga ko aya masezerano yasinywe ku bwumvikane bw’Ibihugu bibiri bifite ubwigenge bwabyo kandi biyasinya ku bwumvikane bityo ko ntawari ukwiye kuyamagana kuko agamije gushakira umuti ikibazo cyugarije Isi.

    Avuga ko mu bantu bazoherezwa mu Rwanda, bamwe bazavuga ko bifuza kuhaba nk’impunzi bagahabwa ibyemerewe impunzi, abandi bakavuga ko ari abimukira ubundi bagatuzwa mu bandi baturarwanda cyangwa se bamwe bakavuga ko bashaka gusubira mu Bihugu baturutsemo bagafashwa gusubirayo.

    Mukuralinda kandi yavuze ko hari n’igihe Ibihugu bimwe bizavuga ko bishaka kugira abo byakira cyangwa u Bwongereza bukifuza kubasubirana, akamara abafite impungenge ko ibyakozwe byose Guverinoma y’u Rwanda yabitekerejeho.

    Source : http://www.ukwezi.rw/1-1/Amakuru-anyuranye/article/Senateri-Evode-yifatiye-ku-gahanga-abakomeje-kwamagana-amasezerano-y-u-Rwanda-n-u-Bwongereza

  • #COVID19: Mu Rwanda habonetse abanduye batatu mu bipimo 3,714 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yatangaje ko ku wa Mbere tariki 25 Mata 2022 mu Rwanda habonetse abantu batatu banduye Covid-19. Babiri babonetse i (…)

    Source : https://www.kigalitoday.com/ubuzima/indwara/article/covid19-mu-rwanda-habonetse-abanduye-batatu-mu-bipimo-3-714

  • Umuhanzi Diamond platnumz mu marira menshi – YEGOB #rwanda #RwOT

    Umuhanzi w'icyamamare muri East Africa n'isi yose Diamond platinum ari mu gahinda kenshi nyuma y'uko urubuga rwa youtube rusibye account ye.

    Kugeza kuri uyu munsi ntahantu washaka indirimbo ya Diamond platinum ngo uyibone dore ko yari we muhanzi urebwa n'abantu benshi muri Africa yose.

    Diamond platnumz umaze kwigarurira imitima ya benshi ku isi ndetse amaze iminsi yaragiye kwamama za EP mu igihugu cy'ubwongereza.

    Source : https://yegob.rw/umuhanzi-diamond-platnumz-mu-marira-menshi/

  • Ruhango: Abarokotse Jenoside barasaba ko abarundi bishe Abatutsi bakurikiranwa, hakanashakishwa'Pilato' #rwanda #RwOT

    Abarokotse Jenoside yakorewe Abatutsi mu 1994 mu gice cy'Amayaga, barasaba ko Leta y'u Rwanda n'Uburundi baganira ku mpunzi z'Abarundi zagize uruhare muri Jenoside yakorewe Abatututsi, aho zishe abari bahungiye kuri Komini ya Ntongwe. Barasaba kandi ko hashakishwa Nsabimana Jacques'Pilato' na Kagabo Charles wahoze ari Burugumesitiri bakaryozwa uruhare bagize muri Jenoside.

    Ibi byagarutsweho mu muhango wo kwibuka ku nshuro ya 28 no gushyingura imibiri 65 yimuwe aho yari yarashyinguwe hatari mu Rwibutso rw'Akarere ka Ruhango ruherereye mu murenge wa Kinazi.

    Kankindi Dorothea warokokeye i Kinazi ahahoze Komini ya Ntongwe, yavuze ko nk'Abarokotse Jenoside bababazwa nuko abishe Abatutsi bari batuye muri iki gice bakidegembya. Avuga ko abishwe, bakuwemo imitima maze ikajya yotswa ikaribwa nyamara ababikoze ntabwo barabiryozwa kuko bagiye iwabo mu Burundi. Asaba ko habaho ubufatanye bw'ibihugu byombi bagafatwa bakaryozwa ibyo bakoze.

    Yagize ati' Twebwe abarokotse tubabazwa nuko abatwiciye abacu bakidegembya nyuma yo kutwicira, bamwe muri bo bakanarya imitima y'abacu bayokeje ku mbabura barimo abari Impunzi z'Abarundi zari zarahungiye hano zigakora Jenoside, zikisubirira iwabo. Turasaba ko Ibihugu byombi bikwiye kuganira bagafatwa bakazanwa, bakaryozwa ibyo basize bakoze'.

    Umuyobozi w'Umuryango Amayaga Genocide Survivors Foundation (AGSF) uhuza abakomoka mu mayaga barokotse Jenoside yakorewe Abatutsi, Evode Munyurangabo yavuze ko yishimira ko hari abishe abatutsi baryoje ibyo bakoze, ariko na none hakaba hari abatarafatwa barimo impunzi z'Abarundi zahungiye mu Rwanda ahagana mu 1992, aho nyuma baje kwica Abatutsi urupfu rubi cyane ndetse bisubirira iwabo.

    Akomeza avuga ko hari abandi bagize uruhare mu iyicwa ry'Abatutsi, harimo uwahoze ari umwalimu ku ishuri ribanza rya Rutabo witwa Nsabimana Jacques wiswe 'Pilato' kubera intebe yari yarateye mu giti cy'umunyinya cyari hafi y'icyobo yari yaracukuje ku Rutabo cyajugunywemo Abatutsi basaga ibihumbi 60 nyuma yo kwicwa.

    Hari kandi uwari Burugumesitiri wa Komini ya Ntongwe, Kagabo Charles wagize uruhare mu iyicwa ry'Abatutsi bari bahungiye kuri iyi Komini mu gihe Jenoside yakorewe abatutsi yakorwaga, aho yaje kubabwira ko nta bushobozi buhari bwo kubarinda, ko bakwerekeza mu Ruhango kuri 'Sous Prefecture' kuko ariho babona ubuhungiro, nyamara byari uburyo bwo kubashora aho bari batezwe igico n'Interahamwe ndetse n'abasirikare mu gishanga cya Nyamukumba.

    Perezida w'Umuryango uharanira inyungu z'Abarokotse Jenoside yakorewe Abatutsi mu Rwanda, Nkuranga Egide yavuze ko Minisiteri y'Ubutabera irimo gukora urutonde rw'Abagize uruhare muri Jenoside kugirango bakomeze gushakishwa hagamijwe kubaryozwa ibyaha bakoze, bityo ko n'impunzi z'Abarundi nazo zabiryozwa. Avuga kandi ko atari abo gusa kuko hari n'abari Abarimu muri Kaminuza nkuru y'u Rwanda nabo bijanditse bakica abatutsi.

    Minisitiri w'Ubutegetsi bw'Igihugu, Gatabazi Jean Marie Vianney wari witabiriye uyu muhango wo kwibuka, yavuze ko icyaha cya Jenoside ari icyaha kidasaza, ko uwagikoze azakomeza gushakishwa kugirango hatangwe ubutabera.

    Kubijyanye na Nsabimana Jacques wahawe izina rya 'Pilato' bivugwa ko akomoka mu bice byo mu Bunyambiriri, ubu ndetse umugore we atuye i Nyamagabe ariko uwahoze ari Burugumesitiri Kagabo Charles we bivugwako yaba agendagenda mu bihugu bituranyi birimo Uburundi, Repuburika ya Demokarasi ya Congo (DRC).

    Akimana Jean de Dieu

    Source : https://www.intyoza.com/ruhango-abarokotse-jenoside-barasaba-ko-abarundi-bishe-abatutsi-bakurikiranwa-hakanashakishwapilato/

  • Ikipe ya Rayon Sports yahigiye kuzakora agashya ku munsi w’ejo bakina na Bugesera Fc – YEGOB #rwanda #RwOT

    Ikipe ya Rayon Sports iri muzikunzwe cyane kurusha izindi hano mu Rwanda yihaye intego yo kuzuza sitade ya Kigali i Nyamirambo ubwo bazaba bakina na Bugesera Fc.

    Kuri uyu wa kabiri nibwo hazakomeza imikino ibanza ya kimwe cya kane mu gikombe cy'Amahoro, aho ikipe ya Rayon Sports izaba yakiriye Bugesera Fc.

    Ubuyobozi bwa Rayon Sports bwasabye abafana kuzaza ku kibuga ari benshi cyane bakuzuza sitade aribo bonyine, ibintu bitari basanzwe ko ikipe imwe yakuzuza sitade ariyo yo nyine.

    Abafana ba Rayon Sports biteguya kuzuza sitade dore ko n'ikipe yabo iri mu bihe byiza nyuma yo gutsinda As Kigali muri shampiyona Igitego kimwe ku busa.

    Abakinnyi ba Rayon Sports nabo biteguye gutanga ibyabo byose bagatanga ibyishimo ku bafana, aho bazabyerekana basezerera Bugesera Fc bakajya muri kimwe cya kabiri.

    Rayon Sports yageze muri kimwe cya kane isezereye Musanze Fc ku kinyuranyo k'ibitego bitatu kuri kimwe. Rayon Sports iramutse isezereye Bugesera izahita ihura n'izarokoka hagati ya Apr Fc na Marine Fc.

    Uyu mukino wa Rayon Sports na Bugesera Fc uzaba kuri uyu wa kabiri tariki ya 26 Mata 2022, aho uzakinwa ku matara ya saa 18h00 z' umugoroba.

    Intego ya Rayon Sports ni ukuzuza sitade ya Kigali i Nyamirambo aho bazaba bakina n'ikipe y'Akarere ka Bugesera (Bugesera Fc)

    Source : https://yegob.rw/ikipe-ya-rayon-sports-yahigiye-kuzakora-agashya-ku-munsi-wejo-bakina-na-bugesera-fc/

  • Umugabo yasambanyije umwana we w’imyaka 10 kugira ngo azabe icyo amwifuzaho – YEGOB #rwanda #RwOT

    Umugabo w'imyaka 27 y'amavuko ukomoka mu gihugu cya Nigeria mu gace ka Ondo, yatawe muri yombi azira kuryamana n'umukobwa we.

     

    Umivugizi wa polisi muri aka gace ka Ondo, Funmi Odunlami, yavuze ko uyu mubyeyi witwa Adeniyi Adeleke, w'imyaka 27 y'amavuko, yemereye polisi ko yaryamanye n'uyu mukobwa we Hannah Alo w'imyaka 10 y'amavuko, abikoreye umugenzo kuko yari yabwiwe ko nabikora azahita abona amafaranga.

     

    Amakuru dukesha ikinyamakuru Gistmania, avugako ko mu kwezi gushize ari bwo uyu mugabo yahamagaye uhu mwana we mu cyumba cye maze akamusambaya ku ngufu, yibwira ko ari umuhango uzamuhindura umukire.

     

    Bikimenyekana, uyu mugabo yahise afungwa ndetse amaze gushyikirizwa inzego zishinzwe iperereza, nazo yazemereye ko yasambanyije umwana we kuko byari bimwe mu bigize imigenzo yari yategetswe gukora kugira ngo ahinduke umukire.

     

     

    Source : https://yegob.rw/umugabo-yasambanyije-umwana-we-wimyaka-10-kugira-ngo-azabe-icyo-amwifuzaho/

  • Iburasirazuba: Urubyiruko rwahize kubakira abatishoboye inzu 1600 mu mezi atatu – #rwanda #RwOT

    Ibi rwabihize ubwo hasozwaga amahugurwa y'iminsi itanu ku rubyiruko rw'abakorerabushake ruhagarariye urundi mu Ntara y'Iburasirazuba, yaberaga mu Ishuri rya Polisi riri i Gishari.

    Aya mahugurwa yari agamije kongerera ubumenyi n'ubushobozi urubyiruko rw'abakorerabushake bo mu Ntara y'Iburasirazuba mu rwego rwo kwihutisha iterambere n'imibereho myiza y'abaturage.

    Nsanganwa Dodos wavuze mu izina rya bagenzi be, yatangaje ko mu mezi atatu ari imbere bagiye kurwanya isuri, kubakira abatishoboye inzu zo kubamo ndetse n'uturima tw'igikoni.

    Ati 'Urubyiruko rw'abakorerabushake twiyemeje kurwanya isuri kuri hegitari 204 z'imirwanyasuri, no kubikangurira bagenzi bacu mu rwego rwo kubungabunga uburumbuke bw'ubutaka no kububyaza umusaruro ukwiye hamwe no gufata neza ibikorwaremezo.'

    Yakomeje avuga ko biyemeje kugira uruhare mu kubakira abatishoboye amacumbi 1,692, gusana inzu 4,526, kubaka ubwiherero ku miryango itishoboye itabufite 1,979, gusana ubwiherero butujuje ibisabwa 9,862, kurwanya imirire mibi hubakwa imirima y'ibikoni 50,500, gukurikirana ingo mbonezamikurire 11,340 no kugira uruhare mu gukurikirana abana ku buryo bava mu mirire mibi 100%.

    Yakomeje agira ati 'Twiyemeje gutera amashyamba, ibiti by'imbuto ziribwa 11,802 n'ibiti bivangwa n'imyaka 10,260 mu rwego rwo kwirinda ubutayu n'amapfa aterwa n'izuba riva igihe kirekire.'

    Urubyiruko rw'abakorerabushake rwiyemeje kandi kurwanya ibiyobyabwenge mu rubyiruko hibandwa ku kwigisha ibibi n'ingaruka bigira mu mibereho y'abaturage.

    Umuyobozi Mukuru wa Polisi y'u Rwanda, CG Dan Munyuza, yasabye urubyiruko guhigura iyi mihigo, avuga ko uruhare rwabo mu kurwanya ibyaha rushimishije, ati 'Uruhare urubyiruko rw'abakorerabushake bagira mu kurwanya ibyaha rurashimishije na gahunda zitandukanye zo kwiyubakira igihugu cyacu nabyo nagira ngo mbibashimire.'

    Guverineri w'Intara y'Iburasirazuba, Gasana Emmanuel, yashimiye urubyiruko rw'abakorerabushake ku bikorwa byiza bamaze gukorera igihugu, abasaba gukomerezaho.

    Ati 'U Rwanda rwabonye akamaro kanyu, Umukuru w'Igihugu aherutse kubashimira ku ruhare rwanyu mu guhangana n'icyorezo cya COVID-19. Icyuho mwahagazemo Isi yose yugarijwe, cyagaragariye bose mu Rwanda.'

    Yakomeje avuga uru rubyiruko rugira uruhare mu kurinda umutekano.

    Ati 'Dufite ibyambu birenga 80 mu Karere ka Nyagatare, birindwa n'urubyiruko rw'abakorerabushake 402, kandi nta mpungenge zo kubona abandi biyongera kuko murahari. Akazi mwakoze muri Nyagatare ko kurwanya ibiyobyabwenge, imikoreshereze y'inzira zitemewe, umusaruro wabaye mwinshi kandi mwiza.'

    Umunyamabanga Uhoraho muri Minisiteri y'Ubutegetsi bw'Igihugu, Dusengiyumva Samuel, yavuze ko iki gikorwa cy'amahugurwa y'urubyiruko rw'abakorerabushake kigiye gukomereza mu zindi Ntara.

    Imibare igaragaza ko urubyiruko rw'abakorerabushake mu Ntara y'Iburasirazuba rusaga ibihumbi 76 bakaba bafite intego yo kongera umubare ku buryo urubyiruko rwose rugira uruhare mu kurwanya ibyaha no guteza imbere imibereho myiza y'abaturage.

    Umunyamabanga Uhoraho muri Minisiteri y'Ubutegetsi bw'Igihugu, Dusengiyumva Samuel, yavuze ko iki gikorwa cy'amahugurwa y'urubyiruko rw'abakorerabushake kigiye gukomereza mu zindi Ntara

    Guverineri w'Intara y'Iburasirazuba, Gasana Emmanuel, yashimiye urubyiruko rw'abakorerabushake ku bikorwa byiza bamaze gukorera igihugu

    Urubyiruko rwishimiye amahugurwa rwahawe mu gihe cy’iminsi itanu

    Umuyobozi wa Polisi y’u Rwanda, IGP Dan Munyuza, yashimiye uruhare rw’urubyiruko mu kurwanya ibyaha

    Urubyiruko rwahigiye imbere y’Ubuyobozi, aho rugiye kugira uruhare mu kubakira abatishoboye

    Source : http://igihe.com/amakuru/u-rwanda/article/iburasirazuba-urubyiruko-rwahize-kubakira-abatishoboye-inzu-1600-mu-mezi-atatu

  • Huye: Umugabo yishe umugore utwite amukubise ifuni – YEGOB #rwanda #RwOT

    Umugabo wo mu Murenge wa Kigoma mu Karere ka Huye, akurikiranyweho icyaha cyo kwica umugore we utwite amukubise ifuni mu mutwe.

     

    Uwo mugabo w'imyaka 40 akekwaho kwica umugore we witwa Dusabimana Charlotte w'imyaka 35 y'amavuko. Babanaga mu rugo mu Mudugudu wa Karambi mu Kagari ka Gishihe.

     

    Amakuru atangwa n'inzego z'ibanze avuga ko yamwishe ahagana saa Sita z'Ijoro amukubise ifuni.

     

    Umunyamabanga Nshingwabikorwa w'Umurenge wa Kigoma, Dukundimana Cassien, yabwiye ikinyamakuru IGIHE, ari na cyo dukesha iyi nkuru, ko uwo mugabo yari asanzwe azwi nk'umuntu udashaka gukorera urugo rwe.

     

    Ati 'Bigaragara ko umugabo we yari umuntu udashaka gukora wigize inzererezi, yamwishe bapfuye imicungire y'umutungo wabo kuko yumvaga amafaranga babonye yayanywera, atagirira akamaro urugo.'

     

    Dusabimana n'umugabo we bari bamaze kubyarana abana batatu ndetse yari anatwite.

     

    Amakuru aturuka muri ako gace avuga ko bapfuye amafaranga ibihumbi 10 Frw umugore yari abitse agenewe kugura ibati, nyuma umugabo ayamubajije asanga umugore yayakoresheje ibindi.

     

    Uwo mugabo ukekwaho kwica umugore, afungiye kuri Sitasiyo ya Polisi ya Simbi naho umurambo wa nyakwigendera wajyanywe ku Bitaro gusuzumwa.

     

    Dukundimana yasabye abaturage kubana neza mu ngo zabo birinda amakimbirane n'ibyaha, abagira inama yo kujya bakemura ibibazo byabo mu mahoro, byananirana bakiyambaza ubuyobozi bukabagira inama.

    Source : https://yegob.rw/huye-umugabo-yishe-umugore-utwite-amukubise-ifuni/

  • Abafana ba APR fc bakoze igikorwa kidasazwe – YEGOB #rwanda #RwOT

    Abafana ba APR fc bongeye gusura umufana mugenzi wabo ufite ikibazo cy'uburwayi.

    Mu minsi yashize hano mu Rwanda humvika inkuru y'umwe mu bafana bi kipe ya APR fc ndetse ni kipe y'igihugu Amavubi watabarizwaga bitewe n'icyibazo cy'uburwayi yarafite.

    Uyu mufana usazwe amenyerewe ku kazina ka Shangazi yatangaje ko arwaye Kandi bikome cyane ngo kuko byasabaga ko anajyanwa kuvurirwa mu mahanga nyuma y'uko abaganga basanze arwaye kanseli.

    Uretse aba bafana bo muri online fun club zone 5 bagiye ku musura murugo rw'uyu mu fana tubibutse ko n'umutoza ndetse na kapiteni w'ikipe ya APR fc bagiye gusura Uyu mufana ndetse bakana mushyikiriza n'impano.

    Source : https://yegob.rw/abafana-ba-apr-fc-bakoze-igikorwa-kidasazwe/