Blog

Abinyujije ku mbuga nkoranyambaga zirimo Instagram, Kecapu yasangije abamukurikira amafoto agaragaza ko yamaze kwemerera umukunzi we Jean Luc kuzabana nawe, yongeraho ubutumwa bugira buti: 'Wakoze mugabo wanjye.'

Hari haciyeho iminsi itari myinshi Kecapu agaragaje ko Jean Luc ari we musore yihebeye. Mu kiganiro yagiranye na INYARWANDA kuwa 15 Werurwe 2022, yasobanuye neza uko urukundo rwe n'umukunzi we ruhagaze n'igihe rwatangiriye.

Yatangiye agira ati: 'Twamenyanye mu 2009, dutangira gukundana mu 2010, ariko urumva icyo gihe nari umwana nigaga mu mashuri abanza mu wa 5 ndumva niba ntibeshye, nawe ntabwo yari mukuru cyane ariko yarandutagaho gato.'

Akomeza agira ati:'Na none kandi urukundo rw'abantu bato ntabwo ruba rufite gahunda, hakabaho igihe tuburanye urumva ariko iyo wakunze umuntu uri umwana nta kibazo cyavutsemo ntacyababuza gukomeza.'

Agaruka ku buryo bagiye baburana ariko kuri ubu bari mu rukundo ruzira kwihishira, ati:'Hagati aho ariko twarahuraga n'ubwo hari n'igihe hacagamo igihe tukaburana, kuri ubu ariko ntiwavuga ngo umuntu ni umwana cyangwa se n'ibindi, turi kumwe neza.'

Ku kijyanye no kuba Jean Luc yabangamirwa no kuba Kecapu ari icyamamare, abisubiza agira ati:'Urumva rero twamenyanye tukiri bato azi uwo ndiwe akanamenya na Kecapu uwo ariwe kandi azi kubitandukanya kuko anzi wese.'

Kecapu asobanura akazi k'umukunzi we n'icyo amukundira ati:'Akora akazi gasanzwe ntari buvuge, ariko hari aho gahuriye n'imyidagaduro. Mukundira uko ankunda, kandi ko atankunda ku bwo kubihatiriza cyangwa kubera ko aje kuko hari izina mfite, kuko hari abagiye baza kubera izina mfite ubu.'

Ashimangira kuba Jean Luc amukundira uko ari, ati:'Rero ankunda bitari iby'izina, atari uko ashaka ko abantu bamenya ko turi kumwe bituma kandi mukunda cyane. Ikindi rero aranyumva, ni umuntu udashobora kuvuga kuki wakoze ibi ahubwo areba ibiri imbere.'

Icyo gihe Kecapu yari yirinze kugira icyo avuga ku bukwe bwabo n'igihe buzabera ariko birasa nk’aho atari cyera cyane. Yagize ati: 'Sinavuga igihe neza tuzakorera ubukwe, ariko burahari.'

Ikinyacumi kirenga kirashize Kecapu na Jean Luc batangiye urugendo rw’urukundo rwabo

Kuba Jean Luc azi neza uwo Kecapu ari we ni byo bituma ntacyabatanya

Kecapu yashimye Jean Luc wamaze kumwambika impeta y’ineguza

Kecapu ari mu byishimo byinshi 

Perezida Paul Kagame yabivuze nyuma y’uko Bamporiki Edouard yanditse ubutumwa kuri Twitter amusaba imbabazi ndetse azisaba n’Abanyarwanda bose muri rusange.

Umukuru w’u Rwanda yatanze ubu butumwa agaruka ku byari bitangajwe n’umwe mu batanze igitekerezo ku mbabazi zasabwe na Bamporiki wavuze ko 'Imbabazi z’Uwiteka n’abo yahaye ubutware zikubeho, kandi ntukongere gukora ibisa bityo ukundi !' [Yumva Jean Paul-Twitter]

Perezida Paul Kagame yavuze ko ibyatangajwe n’uyu muturage ari ko bikwiye kugenda, ati 'Ibyo uvuga wowe bifite ishingiro. Kutongera gukora ibisa nkibyoyakoze bibi. Bitaruguhora mubibi ugahora usaba kubabarirwa ! Ibya Bamporiki niko bimeze. Hari nabandi bameze gutyo. Umuntu wese yakora icyaha ariko nokukirinda birashoboka. Guhanwa nabyo birafasha !!!'

Kuri uyu wa gatandatu no ku cyumweru mu Karere ka Rubavu i Burengerazuba bw’u Rwanda, hazakinwa imikino ya Sitting Volleyball agace ka Kane ndetse kazaba ari ko kanyuma mu mwaka w’imikino 2021-22 kuko hazanatangwa ibikombe ku makipe yahize ayandi mu bagabo n’abagore. Iyi mikino umwaka w’imikino 2021-22 watangiye tariki 28 Ugushyingo 2021, yitabirwa n’amakipe agera kuri 29 harimo amakipe 19 y’abagabo ndetse n’amakipe 10 y’abagore. Uka kuba umwaka ushize, yasize Gisagara ariyo yegukanye igikombe mu bagabo, itsinze Gasabo amaseti 3-2, naho mu bagore Bugesera yegukana igikombe itsinze Gicumbi amaseti 3-0.

Ku cyumweru hazarara hamenyekanye amakipe yegukanye igikombe mu bagabo n’abagore

Urugamba rw’igikombe cya shampiyona ndetse n’icy’Amahoro rugeze hamwe umwana arira nyina ntiyumve, APR FC ihabwa amahirwe yo kubyegukana igiye kwinjira mu cyumweru kiyisaba kwitonda kuko ifitemo imikino yegeranye kandi ikomeye ku buryo irebye nabi yabibura byose.

Hagati y’itariki ya 11 na 19 ikipe ya APR FC ifitemo imikino 3 kandi y’ingenzi aho biyisaba kwitwararika ku buryo yayitwaramo neza, bitabaye ishobora kwisanga ibyo yaruhiye byose muri uyu mwaka bigiye iyireba.

Ifitemo imikino 2 y’igikombe cy’Amahoro ya ½ igomba gukinamo na mukeba wayo w’ibihe byose, Rayon Sports aho umukino ubanza uri tariki ya 11 Gicurasi n’aho uwo kwishyura ukaba tariki ya 19 Gicurasi 2022.

Hagati muri ayo matariki ariko harimo umukino w’umunsi wa 27 wa shampiyona aho igomba gukina na Kiyovu Sports bahanganiye igikombe cya shampiyona, umukino isabwa kudakora ikosa iryo ari ryo ryose kuko iwutsinzwe yaba ifite amahirwe amahirwe mesnhi yo gukatakaza igikombe, kuko irusha Kiyovu Sports inota 1, byaba bivuze ko Kiyovu Sports iyigiye imbere n’amanota 2 igasiara isabwa gutsinda imikino imikino yayo isigaje mu gihe APR FC yaba itegereje kuri muntsindire.

Abasesenguzi mu by’umupira w’amaguru bavuga ko iyi mikino 3 yegeranye gutya ari ihurizo rikomeye kuri APR FC aho biyisaba kwitonda kuko gutsindwa umukino umwe byagira ingaruka ku wundi, gusa mu gihe yaba ihatambutse yaba ifite amahirwe menshi yo kwegukana ibi bikombe byombi.

Nisoza iyi mikino 3 ndetse n’uwo ikinamo na Rutsiro FC uyu munsi, APR FC izaba isigaje imikino 3 ya shampiyona uwa Gorilla FC, AS Kigali na Police FC.

Kiyovu Sports bahanganiye igikombe izakina na Bugesera FC ejo, ikurikizeho APR FC, izaba isigaje Espoir FC, Etoile del’Est na Marines.

APR FC igiye kwinjira mu cyumweru cy’imibare myinshi

Itangazo rimenyesha ubwegure bwa Prof Lyambabaje ryashyizweho umukono na Perezida w'Inama y'Ubutegetsi ya UR, Prof Paul Davenport.

Rimenyesha ko 'Prof Alexandre Lyambabaje yeguye ku mwanya w'Umuyobozi Mukuru wa Kaminuza y'u Rwanda kuva uyu munsi ku wa 6 Gicurasi 2022, kugira ngo atangire ikiruhuko cye cy'izabukuru.''

Rigira riti 'Mu izina rya kaminuza yose, ndashimira Prof Lyambabaje ku musanzu yatanze muri UR mu mezi 14 ashize.''

Prof Lyambabaje yahise asimbuzwa Prof. Nosa Egiebor wagizwe Umuyobozi w'agateganyo wa UR. Ni we ugiye gukora izi nshingano kugeza igihe hazatangarizwa umuyobozi mushya.

Prof Alexandre Lyambabaje yeguye ku mwanya w'Umuyobozi Mukuru wa Kaminuza y'u Rwanda kugira ngo atangire ikiruhuko cy'izabukuru. pic.twitter.com/7dO2AVZwg1

— IGIHE (@IGIHE) May 6, 2022

Uyu mugabo umaze igihe mu burezi bw'u Rwanda yabonye izuba mu 1960, ni ukuvuga ko afite imyaka 62 y'amavuko.

Ubusanzwe Sitati rusange igenga Abakozi ba Leta mu ngingo yayo ya 101 yateganyije ko Umukozi wa Leta ajya mu kiruhuko cy'izabukuru afite imyaka 65. Icyakora, Umukozi wa Leta wujuje imyaka 60 ashobora gusaba gushyirwa mu kiruhuko cy'izabukuru. Kugira ngo abyemererwe hari ibyo asabwa kuba yujuje birimo kuba amaze imyaka 15 atanga imisanzu mu Rwego rw'Igihugu rw'Ubwiteganyirize.

Umuvugizi wa Kaminuza y'u Rwanda, Kabagambe Ignatius, yabwiye IGIHE ko Prof Lyambabaje yasabye kujya mu kiruhuko cy'izabukuru kubera impamvu ze bwite.

Yagize ati 'Ni byo itangaza ni ukuri. Prof Lyambabaje yeguye ku mirimo ye. Umuntu ashobora guhagarika inshingano iyo afite impamvu bwite. Impamvu byitwa kwegura ni uko kujya mu kiruhuko cy'izabukuru bivugwa iyo imyaka [65] yageze. Yarabisabye ngo ajye mu kiruhuko cy'izabukuru hakiri kare ku mpamvu ze bwite.''

Prof Lyambabaje yagizwe Umuyobozi Mukuru wa Kaminuza Nkuru y'u Rwanda mu ntangiriro za 2021.

Inama y'Abaminisitiri yo ku wa 2 Gashyantare 2021 ni yo yemeje ko Prof Lyambabaje nk'Umuyobozi Mukuru wa UR, yasimbuye Dr Musafiri Papias Malimba wari uwuriho by'agateganyo nyuma yo gukorera mu ngata Phillip Cotton wasoje amasezerano ye.

Prof Lyambabaje yize muri Kaminuza Nkuru y'u Rwanda, Icyiciro cya Gatatu cya Kaminuza (Master's Degree) agisoreza muri Canada. Afite Impamyabumenyi y'Ikirenga mu Mibare [Doctorat] yakuye muri Kaminuza ya Rennes mu Bufaransa.

Yabaye muri Guverinoma y'u Rwanda ku myanya itandukanye, aho nko mu 1999 yagizwe Umunyamabanga uhoraho muri Minisiteri y'Uburezi. Hagati ya 2000 na 2003 yari Minisitiri w'Ubucuruzi, Ubukerarugendo n'Inganda no guteza imbere Ishoramari n'Amakoperative.

Prof Lyambabaje ari mu bagize uruhare mu ishyirwaho rya politiki ijyanye n'ubucuruzi ndetse by'umwihariko n'iy'ubukerarugendo bw'u Rwanda. Yanatanze umusanzu mu bikorwa byo kwihuza kw'Akarere binyuze mu nama zo ku rwego rwa ba minisitiri yitabiriye zirimo iz'Umuryango wa Afurika y'Iburasirazuba na Comesa.

Kuva mu 2014 kugera mu 2015, yari Umushakashatsi muri Kaminuza y'u Rwanda mu Ishami ry'Ubuvuzi n'Ubuzima rusange.

Mu buzima busanzwe, Prof Lyambabaje azwi cyane nk'uwaharaniye iterambere ry'umukino wa Volleyball ndetse yawukinnye nk'uwabigize umwuga mu myaka yo hambere, unamuhesha bourse yo kujya kwiga mu Bufaransa. Yakinnye mu Ikipe y'Igihugu ya Volleyball yasohokeye u Rwanda ahantu henshi hatandukanye ku Isi.

Prof Alexandre Lyambabaje wari Umuyobozi Mukuru wa Kaminuza Nkuru y'u Rwanda yeguye kuri iyi mirimo yerekeza mu kiruhuko cy'izabukuru

Yabutangirije mu Karere ka Nyaruguru kuri uyu wa Gatanu tariki ya 6 Gicurasi 2022 aho yifatanyije n'abayobozi ndetse n'abaturage gutera imboga mu turima tw'igikoni twubatswe.

Yavuze ko iyo gahunda yatangirijwe mu Karere ka Nyaruguru kuko kari mu dufite abana benshi bagwingiye kuko imibare yo mu 2020 yerekana ko bari kuri 39,1% kakaba ku mwanya wa cyenda mu gihugu mu kugira abana benshi bafite icyo kibazo.

Ati 'Kugwingira ku mwana ni ikintu gikomeye cyane kuko kimubuza kuzaba umwe mu Banyarwanda bashoboye bazageza igihugu cyacu aho twifuza.'

Yibukije abaturage ko iyo umwana atitaweho kuva agisamwa kugeza ku minsi igihumbi, nta garuriro ryo kumurinda kugwingira riba rigihari, abasaba kubyitaho.

Ati 'Iyi niyo mpamvu nyamukuru itumye turi hano twubaka imirima y'igikoni nk'imwe mu nzira yo kudufasha kugabanya iri gwingira.'

Prof Bayisenge yavuze ko akarima k'igikoni gahinzemo imboga kunganira izindi gahunda zashyizweho zo gukumira imirire mibi zirimo amarerero y'abana batoya atatu muri buri mudugugudu, igikoni cy'umudugudu n'izindi.

Yavuze ko ubwo bukangurambaga buzamara ukwezi bari kubukora ku bufatanye na Minisiteri y'Ubutegetsi bw'Igihugu n'urubyiruko rw'abakorerabushake rubarizwa muri iyo Minisiteri.

Prof Bayisenge yavuze ko ubusanzwe imboga zizwiho kugira intungamubiri ariko izo mu karima k'igikoni ziba zikiri umwimerere bitandukanye n'izo abantu bagura ku isoko.

Ati 'Iyo ufite umurima w'igikoni urya imboga zikungahaye ku ntungamubiri kuko uzisoroma ako kanya ugahita uziteka, biruta kwa kundi ushobora kujya kuzigura ku isoko n'uwagiye kuzigurisha yarazisoromye nk'ejo cyangwa ejobundi zanambye zimwe muri za ntungamubiri zatakaye.'

Akarima k'igikoni si umuteguro

Umuyobozi w'Akarere ka Nyaruguru, Murwanashyaka Emmanuel, yabwiye abaturage ko akarima k'igikoni kagamije gufasha buri rugo kubona imboga zivangwa n'ibiribwa kugira ngo haboneke indyo yuzuye.

Ati 'Kugira akarima k'igikoni rero si umuteguro no kugira ngo bigaragare ko gahari gusa nko kubahiriza umurongo w'igihugu, ahubwo akarima k'igikoni ni ako gukoresha gahingwamo imboga z'ubwoko butandukanye nk'uko mwabonye twazihinze kugira ngo kunganire gahunda yo kurwanya imirire mibi abana bahura na yo bikaba byabatera no kugwingira.'

Bamwe mu baturage bo mu Karere ka Nyaruguru bavuze ko bagiye kongera imbaraga mu kubaka uturima tw'igikoni no kutwitaho.

Ndiyunguye Stanislas ati 'Akarima k'igikoni kadufasha kutarwaza bwaki ndagafite ariko ubu ngiye kongera kurushaho kukitaho kugira ngo njye mporana imboga.'

Umujyanama w'Ubuzima, Mukamana Béata, yagaragaje ko ibyo kurya biba bihari ariko ikibazo gikunze kuba ari icy'uko bahugira mu mirimo bakabura umwanya wo kwita ku bana bato no kubagaburira by'umwihariko.

Ubu bukangurambaga bwatangijwe byitezwe ko buzagera mu gihugu hose ndetse ko aho bishoboka buri rugo ruzagira akarima k'igikoni.

Ubushakashatsi ku buzima n'imibereho by'abaturage, RDHS (Rwanda Demographic and Health Survey) bwakoze mu 2020 n'Ikigo cy'Igihugu cy'Ibarurishamibare [NISR], bwerekana ko 33% by'abana bari munsi y'imyaka itanu mu Rwanda bafite ikibazo cyo kugwingira. Ni mu gihe gahunda ya guverinoma y'u Rwanda ari uko mu 2024 bazaba ari 19%.

Abayobozi bifatanyije n’abaturage gutera imboga mu mirima y’igikoni

Akarima k’igikoni keramo imboga nziza zujuje intungamubiri

Minisitiri w'Uburinganire n'Iterambere ry'Umuryango, Prof Bayisenge Jeannette, yatangije ku mugaragaro ubukangurambaga bw'ukwezi bwo kubaka mu gihugu hose uturima tw'igikoni

Abana bahawe amata nk’ikimenyetso cyo kwimakaza imirire myiza

Mu Karere ka Nyaruguru niho hatangirijwe ubukangurambaga bw'ukwezi bwo kubaka mu gihugu hose uturima tw'igikoni nka bamwe mu buryo bwo kurwanya imirire mibi itera abana kugwingira

Minisitiri Bayisenge yibukije abaturage ko iyo umwana atitaweho kuva agisamwa kugeza ku minsi igihumbi nta garuriro ryo kumurinda kugwingira riba rigihari, abasaba kubyitaho

[email protected]

Ku mugoroba w’uyu wa Gatanu tariki 06/05/2022, Edouard Bamporiki ufungiwe iwe mu rugo kubera icyaha cya ruswa akurikiranyweho na RIB, yanditse ku rukuta rwe rwa Twitter ati “Nyakubahwa Umukuru w’u Rwanda Paul Kagame, narahemutse. Umutima wanze kumpa amahwemo. Bavandimwe, nshuti zanjye, namwe abankurikira kuri uru rubuga, nakoze icyaha cyo kwakira indonke. Nkaba ntafite irindi jambo navuga usibye kubasaba mwese imbabazi. Ndatakambye”.

Kuwa Kane tariki 05/05/2022 ni bwo Bamporiki Edouard yahagaritswe ku mirimo ye y’Umunyamabanga wa Leta muri Minisiteri y’Urubyiruko n’Umuco kubera ibyo agomba kubazwa akurikiranyweho nk’uko byemejewe n’Ibiro bya Minisitiri w’Intebe, Dr Edouard Ngirente. Urwego rw’Igihugu rw’Ubugenzacyaha, RIB, rwatangaje ko Bamporiki “akurikiranyweho icyaha cya ruswa n’ibyaha bifitanye isano nayo” runatangaza ko afungiwe iwe mu rugo.

Bamporiki Edouard yari amaze imyaka hafi itatu ari Umunyamabanga wa Leta muri Minisiteri y’Urubyiruko n’Umuco (MYCULTURE) kuva tariki 04 Ugushyingo 2019. Ni inshingano yagiyeho nyuma y’imyaka isaga 3 yari amaze ari Umuyobozi w’Itorero ry’Igihugu, izi nazo akaba yarazigiyeho nyuma yo kuba Umudepite kuva mu mwaka wa 2013. Uretse kuba yari Umuyobozi ukomeye muri Leta, asanzwe ari n’umukinnyi wa filime n’ikinamico, umusizi ndetse n’umwanditsi w’ibitabo.

Ubutumwa Bamporiki yanditse kuri Twitter ku mugoroba w’uyu wa Gatanu

INKURU WASOMA: Ubwenge buzi ubwenge, Ndi idebe ryawe, Nitudafata ruswa nk’urundi rugamba dushobora gutsindwa: Amagambo 30 y’ubwenge yavuzwe na Bamporiki

Minisitiri Boris Johnson yavuze ko abimukira binjira mu Bwongereza haba abanyura mu mato mato cyagwa amakamyo, bagomba koherezwa mu Rwanda mu minsi ya vuba ku ikubitiro hakazoherezwa abagera ku bihumbi bine.

Nibagera mu Rwanda ibijyanye no kwaka ubuhungiro mu buryo bwemewe n’amatageko ni bwo bazatangira kubikora, gusa yemeje ko iyo gahunda itaburamo imbogamizi zijyanye n’amatageko yewe ko hari n’izatangiye kugaragazwa ariko ko gahunda igomba gukomeza nta kabuza.

Yagize ati: “Nibyo koko  hari za birantega zijyanye n’amategeko n’abanyamategeko bigenga, bagerageza kuremereza iki kibazo. Twari tuzi ko ibyo bizaba kandi ni ikintu cyumvikana cyane. Tugiye gushaka uburyo bwo kureba neza uko bahita boherezwa mu Rwanda”.

 Ibi Minisitiri w’Intebe yabitangaje nyuma y'uko umubare w'abantu binjira mu Bwongereza mu buryo butemewe n’amatageko muri uyu mwaka, umaze kurenga abantu 7.000. Ku wa kabiri w’iki Cyumweru, Umuvugizi wa Minisitiri w’Intebe agaruka kuri iki kibazo yavuze ko ingendo zohereza abimukira mu  Rwanda ari amahirwe y’ingenzi kandi ko ikigamijwe ari ukubungabunga umutekano mu buryo bwemewe n’amategeko kandi ko byatekerejweho neza.                        Minisitiri w’intebe w’Ubwongereza 

Yavuze ariko ko leta y’u Bwongereza yakiriye ibaruwa isaba imbanzirizamushinga y’icyo gikorwa iturutse ku banyamategeko banyuranye, ariko Leta icyo ishyize imbere ari uko ingendo za mbere z’indege  zizanye abo bimukira zizaba zikozwe mu mezi make ari imbere.

Uyu mugambi wanenzwe n'imiryango nterankunga y'impunzi, amadini ndetse n’iharanira uburenganzira bwa muntu itandukanye. Uretse iyo kandi na bamwe mu banyapolitiki imbere mu Bwongereza ntibemeranya n’umugambi wa Minisitiri w’Intebe, wo kohereza abimukira batemewe n’amategeko mu Rwanda. Ubuyobozi bw’u Rwanda bwo buvuga ko iyi ari gahunda yo gushakira ibisubizo ikibazo cy’abimukira ku isi, ukaba umushinga rwatekerejeho neza kandi ko bidahutaza uburenganzira bwa muntu nk’uko abatandukanye bagiye babigarukaho.

Src : ITV News

Umwanditsi: Léonidas MUHIRE