Blog

Ni uruzinduko CG Marizamunda n'itsinda ayoboye batangiye ku wa Mbere tariki 9 Gicurasi 2022, aho rugamije gutsura umubano no gukomeza kwihutisha ishyirwa mu bikorwa ry'amasezerano RCS yagiranye na ZCS [Zambia Correctional Service].

Ku munsi wa mbere w'uruzinduko, CG Marizamunda yagiranye ibiganiro na Minisitiri w'Umutekano imbere mu gihugu muri Zambia, Jack Mwiimbu.

CG Marizamunda kandi yakiriwe Biro Bikuru bya ZCS biherereye ahitwa Kabwe aho yahuriye akanaganira na mugenzi we, Komiseri Mukuru wa ZCS, CGP Fredrick S.S.Chilukutu.

Muri uru ruzinduko biteganyijwe ko ruzarangwa n'ibikorwa bitandukanye birimo gusura ahatangirwa amahugurwa y'Abacungagereza muri Zambia, gusura gereza zitandukanye no kuganira n'abayobozi bazo.

Umuvugizi wa RCS, SSP Pelly Uwera Gakwaya yabwiye IGIHE ko bazanabona umwanya wo kwigira kuri Zambia by'umwihariko ku buryo bukoreshwa n'icyo gihugu mu kugorora no gusubiza mu buzima busanzwe aba bagonganye n'amategeko bagafungwa.

Ati 'Ni uburyo bushya twifuza gutangira gushyira mu bikorwa hano mu Rwanda aho tuzajya twibanda cyane ku kugorora no gusubiza mu buzima busanzwe aho kuvuga ngo turashyira imbaraga mu guhana no gufunga.'

Mu Ukuboza 2020, inzego za RCS na ZCS zagiranye amasezerano y'imikoranire mu bijyanye no kugorora, kubaka ubumenyi ndetse icyo gihe hashyizweho komisiyo ihuriweho n'impande zombi ikaba ifite inshingano zo gukurikirana ishyirwa mu bikorwa z'ayo masezerano.

Mu ruzinduko uwari umuyobozi wa ZCS, yagiriye mu Rwanda ku wa 26 Mata 2021, nibwo hasinywe amasezerano yo gushyira mu bikorwa ayari yasinywe mu mwaka wabanje.

Ni amasezerano yatangiye gushyirwa mu bikorwa kuko nko mu bijyanye no guhanahana ubumenyi, hari Abacungagereza bo mu Rwanda batanu baherutse gusoza amasomo y'umwuga muri Zambia.

Biteganyijwe ko CG Marizamunda wagiye muri Zambia aherekejwe n'abarimo CP John Bosco Kabanda ushinzwe amahugurwa muri ECS, azasura ahatangirwa amahugurwa muri Zambia hagamijwe kwiga uburyo babikora kugira ngo ubwo buryo bube bwakoreshwa no mu Rwanda.

---

Kuri uyu wa Kabiri tariki 10 Gicurasi 2022, Umugaba mukuru w’Ingabo z’igihugu cya Mali, Maj Gen Oumar Diarra, yegeze mu Rwanda mu ruzinduko rw’iminsi (…)

Icyambu cya Odesa muri Ukraine cyarashweho ibisasu bya misile n’Ingabo z’u Burusiya, hapfa umuntu umwe hakomereka batanu ubwo ibisasu byagwaga mu gace (…)

Umukinnyi mpuzamahanga w’umunyarwanda ukinira ikipe ya KMSK Deinze mu Bubiligi, Djihad Bizimana nyuma y’uko ubukwe bwe na Dalida Simbi busubitswe kubera icyorezo cya Coronavirus, buzaba mu mpera z’iki Cyumweru.

Tariki ya 15 Gicurasi 2021 nibwo imihango ya mbere y’ubu bukwe yabaye, ikaba yarabereye mu Bubiligi mu mujyi wa Anvers aho bose baba.

Dalda Simbi na Djihad Bizimana basezeranye imbere y’idini ya Islam (Kufunga Ndoa) bizwi nka “Nikkah” mu rurimi rw’Icyarabu.

Indi mihango yose y’ubukwe ikaba yari iteganyijwe kubera mu Rwanda tariki ya 27 na 29 Ukuboza 2021 ariko ntiyaba kubera icyorezo cya Coronavirus.

Mu ntangiriro za Werurwe 2021 nibwo Djihad Bizimana yashinze ivi hasi maze asaba Simbi kuzamubera umugore, undi arabyemera amwambika impeta ya fiançailles.

Mu minsi ishize, Djihad Bizimana yabwiye ISIMBI ko uyu mukobwa bamenyanye mbere gato y’uko ajya gukina mu Bubiligi ubu bamaranye imyaka 3.

Ati”umukunzi wanjye tumaranye imyaka irenga 3, twamenyanye mbere gato y’uko nza mu Bubiligi, kandi abantu baba hafi yanjye basanzwe bamuzi, basanzwe bamuzi.”

Ku kijyanye n’icyo yamukundiye, yavuze ko mu rukundo umuntu agenda areba utuntu twinshi kandi akaba ari umusore udakundanye bwa mbere hari byinshi yanyuzemo, Dalida rero akaba yarasanze bahuje byinshi.

Biteganyijwe ko ku wa Kane tariki ya 12 Gicurasi 2022 ari bwo hazaba gusaba no gukwa bizabera muri Kigali ni mu gihe abatumiwe bazakirirwa i Rubavu ku Cyumweru tariki ya 15 Gicurasi 2022.

Mu majyaruguru ashyira uburengerazuba bwa Brazil, habonetse umuntu ukuze cyane kuruta abandi ku Isi, hasigaye ukwezi ngo yuzuze imyaka (…)

Icyakoze abo banyamategeko bemera ko umugenzacyaha cyangwa umushinjacyaha, afite uburenganzira bwo kugenzurira ukekwaho icyaha aho yaba ari hose harimo no mu rugo.

Tariki 5 Gicurasi 2022, nibwo ku rubuga rwa Twitter rw’Urwego rw’Ubugenzacyaha RIB, hashyizweho ubutumwa buvuga ko Bamporiki Edouard wari Umunyamabanga wa Leta muri Minisiteri y’Urubyiruko n’Umuco, akurikiranweho icyaha cya ruswa n’ibyaha bifitanye isano nayo.

Iperereza ku byaha akurikiranweho rikaba rikomeje, mu gihe afungiwe iwe mu rugo.

Umunyamakuru wa Flash dukesha iyi nkuru yabajije abanyamategeko barimo Me. Bayisabe Ernest na Mugenzi we Me. Mudakikwa John, icyo amategeko y’u Rwanda ateganya ku gufungira umuntu mu rugo.

Me. Bayisabe Ernest ati 'Ese gufungirwa iwawe ni he wabibona mu mategeko y’u Rwanda ? Ugenzurirwa wenda iwawe uri hanze ya gereza, ariko mu by’ukuri ntawufungirwa iwe ! Ibyo ni ugusebya amategeko y’u Rwanda.'

Me. Mudakikwa John we ati 'Inzu y’umuntu ku giti cye mu mategeko tugenderaho ntabwo wavuga ko umuntu afungiye mu nzu, kubera ko kugeza ubu inzu y’umuntu ntabwo amategeko ateganya ko ari aho umuntu agomba gufungirwa'

Hari abaturage bafite amakuru y’uko mu magereza yo mu Rwanda havugwamo ubucike kuko umubare w’abafungwa uruta kure ubushobozi bw’ayo magereza ! Umunyamakuru wa Flash ababajije icyo batekereza kukuba ukekwaho icyaha yafungirwa ahandi hatari muri gereza, basubije ko byaterwa n’uburemere bw’icyaha umuntu akurikiranyweho.

Umwe ati 'Cyeretse bagiye bareba ku buremere bw’icyaha, umuntu ibyaha akekwaho ubukomere bwabyo butuma barushaho kugira amakenga, kuko haza n’indi migambi mibi nko ku mucikisha kandi bikabangamira iperereza. Niba umufungiye mu rugo, ntufunze umudamu we, ntufunze n’abana be…bashobora kujya hanze bagatuma ibimenyetso by’iperereza bipfa.'

Undi ati 'Aho kugira ngo bamujyane mu magereza icucitsemo abantu benshi, bamufungiye mu rugo byafasha wenda, kuko barajyamo ari benshi bamwe bagakubitirwamo,inzara ikabica.'

Icyakora abanyamategeko mu Rwanda nabo bemera ko mu magereza yo mu Rwanda hari ubucucike butari bukwiye, kubera umugenzacyaha n’umushinjacyaha basa n’abihutira gufunga ukekwa nyamara hari ibindi bashobora gukurikiza, harimo ingwate yatangwa n’uregwa, kandi n’ihame ari uko umuntu utarakatirwa n’inkiko aba agomba gukurikiranwa adafunze.

Icyakoze Me. Bayisabe Ernest na Mugenzi we Me Mudakikwa John nabo bazirikana ko hari uburemere bw’ibyaha busaba ko ubikurikiranyweho ahabwa umwihariko.

Me Bayisabe ati'Njye nshyigikiye ko umuntu akurikiranywa adafunze, ariko nanone bakareba ko ari inyangamugayo cyangwa hakagira abandi bamwishingira,cyangwa agatanga ingwate. Bibaho rwose hari ingingo ya 82 iteganya uburyo batanga ingwate kandi ku byaha byose batanga ingwate.'

Me Mudakikwa ati'Muri gereza hagomba kujyayo umuntu wakatiwe cyangwa wahamijwe icyaha burundu…icyo twifuza ni uko muri iri tegeko rireba imiburanirishirize y’imanza nshinjabyaha, ubu buryo bw’uko umuntu yakurikiranwa adafunze bushimangirwa n’ingingo ya 70, aho batekereje ko hagomba gushyirwaho uburyo bw’ikoranabuhanga bwo kugenzura umuntu.'

Urwego rw’Ubugenzacyaha mu Rwanda ruherutse kubwira itangazamakuru ko umugenzacyaha afite uburenganzira ahabwa n’itegeko, bwo gutegeka ukekwa ibyo agomba kubahiriza.

Muri Ibyo harimo kutarenga imbago z’urugo rwe.

RIB yavuze ko ingingo ya 67 n’iya 80 zo mu gitabo giteganya imiburanishirize y’imanza nshinjabyaha zibiteganya,

Komisiyo y’Uburenganzira bwa muntu igaragaza ko Gereza 13 zo mu Rwanda zirimo abagororwa bakabakaba ibihumbi 87 ; ubushobozi bwazo ni ubwo kwakira abantu 61.320.

Bivuze ko ubucucike mu magereza buri hejuru ya 120%.

Bamporiki Edouard wari Umunyamabanga wa Leta muri Minisiteri y’Urubyiruko n’Umuco akurikiranweho icyaha cya ruswa n’ibyaha bifitanye isano nayo. Iperereza ku byaha akurikiranweho rikaba rikomeje mu gihe afungiwe iwe mu rugo.

— Rwanda Investigation Bureau (@RIB_Rw) May 5, 2022