Blog

Abakuru b’Ibihugu 35 kugeza ubu ni bo bemeje ko bazitabira inama ihuza abakuru b’ibihugu bigize Umuryango wa Commonwealth (CHOGM) 2022, igomba gutangira kuri (…)

Ubuyobozi bw’ikipe ya Musanze FC bwasangiye n’abakinnyi n’abakozi b’iyi kipe mbere y’uko bajya mu birihuko maze bahabwa ibahasha irimo ubutumwa ku miryango yabo.

Nyuma y’uko shampiyona ya 2021-22 isojwe ku wa Kane tariki ya 16 Kamena 2022 APR FC itwaye igikombe na Musanze FC igasoza ku mwanya wa 6, ubuyobozi bw’iyi kipe bwasangiye n’abakinnyi.

Uyu musangiro wabaye ejo hashize ku wa Gatandatu tariki ya 18 Kamena 2022, akaba kandi hari mu rwego rwo gushimira abakinnyi b’iyi kipe uko bitwaye muri shampiyona no kubasezeraho mbere yo kujya mu biruhuko.

Perezida wa Musanze FC, Tuyishimire Placide [Trump], yashimiye abakinnyi uko bitwaye muri shampiyona abasaba no gukomeza kwitwararika mu biruhuko bagiyemo ndetse bazanakomeze imyitozo ku giti cyabo kugira ngo bazagaruke bari bakiri ku rwego bari bariho.

Uyu muhango wari witabiriwe n’abakozi bose ba Musanze FC, wasojwe buri umwe ashyikirizwa ibahasha irimo amafaranga nk’ubutumwa bwiza Musanze FC ibahaye ibatuma ku miryango yabo.

Mu bihe nk’ibi bya Soldes, abantu benshi bo ku isi yose bafata ingendo muri icyo gihe bajya i Burayi cyane cyane mu Bufaransa guhaha kuri macye, ariko kuri ibu Abanyarwanda ntibagikeneye kwirushya bajyayo kuko Kirabovefrance, Sosiyeti ikomeye y’abafaransa ifite ibyicaro ahantu hanyuranye yashinze agence yayo mu Rwanda bityo kuva umwaka ushize abantu benshi bo mu Rwanda bakaba babasha na bo guhahira mu Bufaransa no kurangurayo batavuye aho bari bikabageraho i Kigali kuri agence ya Kirabovefrance.

Kirabovefrance imaze kwamamara mu guhahira abantu i Burayi dore ko mu gihe gito imaze ikora imaze kugera ku bakiriya barenga 1300 mu mwaka umwe, utabariyemo ibigo bya Leta n’ibyigenga bibatuma iby’amasoko ya Leta n’ibicuruzwa bindi bisanzwe. Imaze kandi gukorana n’abacuruzi hafi 600 barangura ibintu by’umwimerere bakabigeza ku Banyarwanumw

Kirabovefrance, Kompanyi imaze kubaka izina rikomeye n’icyizere mu kugurira Abanyarwanda ibicuruzwa bitandukanye bifuza i Burayi, ubu yiteguye gufasha Abanyarwanda kwigurira ibintu bitandukanye mu Bufaransa, ku giciro gito cyane kandi ari ibicuruzwa by’umwimerere.

Muri iki gihe by’umwihariko, KIRABOVEFRANCE irashaka gufasha Abanyarwanda kudacikanwa n’ayo mahirwe yo kwigurira ibintu bihendutse nk’uko byemezwa na Happy Tuyizere, umunyarwandakazi uba mu Bufaransa uri mu banyamigabane bayihagarariye.

By’umwihariko abatsindiye amasoko atandukanye n’abacuruzi bifuza kurangura, ubu barimo koroherezwa na Kirabovefrance kugirango bafatanye urugamba rwo gufasha Abanyarwanda bagatandukana no guhaha ibitaramba, bityo n’abifuzaga kugura ibintu i Burayi bikabahenda boroherezwe.

Abakiriya bifuza kurangura cyangwa kugura ibikoresho byinshi byo gukoresha mu masoko batsindiye, bahabwa na Kirabovefrance amakuru yose ajyanye n’ibiciro by’ibyo bagura, ibiciro by’ubwikorezi (Transport) ndetse n’imisoro. Iyo banabihisemo banabibasohorera muri gasutamo (douane).

Nk’uko abakiliya ku giti cyabo bafashwa na Kirabovefrance kugura ibintu by’amoko yose, ninako abifuza kurangura boroherezwa kandi ibicuruzwa byose bikaboneka vuba.

Bagurira abantu ibicuruzwa byo mu ngeri zose, kuva ku tuntu tworoheje kugeza no ku mashini nini zikora ibintu bitandukanye, imodoka, ibyo kwambara, ibiribwa by’i Burayi n’ibinyobwa bidasindisha bikoze mu mbuto z’i Burayi, amavuta y’imodoka n’ibindi byose byo mu ngeri zose kugera no ku bikoresho by’ubudozi ku bifuza gutunganya imyambaro ikomeye.

Abatuye mu Rwanda babifashwamo byihariye n’ishami rya Kirabovefrance riherereye mu mujyi wa Kigali. Uretse ibyo kandi, iryo shami riri i Kigali rizajya rinafasha ababyifuza kujya i Burayi banabishingire (Prise en charge) kugirango babone VISA byoroshye kandi mu gihe gito. Abifuza gutembera, kwigira guhaha n’ibindi kimwe n’abifuza kwiga mu Bufaransa n’ahandi bashobora na bo gufashwa.

Ushaka ibisobanuro birambuye no kwibonera amafoto y’ibikorwa bya KiraboveFrance, wabakurikira ku mbuga nkoranyambaga za Facebook na Instagram aho bakoresha @Kirabovefrance

View this post on Instagram

A post shared by Kir@boveFrance (K@F) (@kirabovefrance)

Ikipe y’u Rwanda y’abahungu batarengeje imyaka 18 n’iya Uganda mu bakobwa zegukanye igikombe cy’irushanwa ry’Akarere ka 5 'FIBA U-18 Africa Championship 2022-Zone V Preliminaries', ryaberaga i Kampala muri Uganda kuva taliki 12 kugeza 18 Kamena 2022.

Iri rushanwa ryari ryitabiriwe n’ibihugu 3, ari byo Uganda, u Rwanda na Tanzania mu byiciro byombi, byatumye amakipe akina mu buryo bw’imikino ibanza n’iyo kwishyura, bisobanuye ko buri gihugu cyagiye gihura n’ikindi inshuro 2.

Ikipe y’u Rwanda mu bahungu yegukanye igikombe cy’iri rushanwa, mbere y’uko hakinwa umukino usoza, yitwaye neza itsinda Tanzania mu mukino wa nyuma amanota 84 kuri 43.

Muri uwo mukino wabaye ku wa Gatandatu, taliki 18 Kamena 2022, ikipe y’u Rwanda yihariye uduce twose, aho yatangiye itsinda agace ka mbere ku manota 19-4, aka kabiri kuri 18-16, aka gatatu ku manota 29-15 ndetse n’agace ka nyuma (4), ku manota 18-14.

Ikipe y’u Rwanda yashyizeho agahigo ko gutsinda imikino yose yakinnye uko ari 4, ikaba yahise isoza iyi mikino iri ku mwanya wa mbere n’amanota 8, ikurikirwa na Uganda na Tanzania aho zombi zinganya amanota 5.

Kapiteni w’ikipe y’u Rwanda, Sano Rutatika Dick, akaba ari we wahembwe nk’umukinnyi witwaye neza w’irushanwa mu bahungu.

Ikipe y’u Rwanda yatangiye itsinda Uganda amanota 59-38, mu mukino wabaye taliki 13 Kamena 2022. Yaje gutsinda Tanzania mu mukino wakurikiyeho tariki 15 Kamena 2022, ku manota 73 kuri 57.

Mu mikino yo kwishyura, yongeye gutsinda Uganda amanota 72 kuri 59, wabaye taliki 16 Kamena 2022, ni mu gihe yatsindaga kandi Tanzania mu gusoza ku manota 84 kuri 43.

Ku rundi ruhande, ikipe y’igihugu ya Uganda nayo yatwaye igikombe mu bakobwa, nyuma yo kwitwara neza itsinda Tanzania ku manota 63 kuri 43. Uyu mukino wari kamarampaka, kuko wagiye kuba amakipe yombi anganya amanota 5.

Uganda ikaba yasoje iri rushanwa iri ku mwanya wa mbere n’amanota 7, ikurikirwa na Tanzania n’amanota 6 naho u Rwanda ni urwa 3 n’amanota 5.

Nyuma yo gutwara igikombe cy’Akarere ka 5, ikipe y’u Rwanda mu bahungu na Uganda mu bakobwa, zahise zikatisha itike yo kuzahagararira aka karere mu mikino y’igikombe cy’Afurika, 'U-18 Afrobasket', izabera i Antananarivo muri Madagascar kuva taliki 04 kugeza 14 Kanama 2022.

Kubera COVID-19 yari yahagaritse imikino itandukanye, 20 KM de Bugesera nayo yari yagendeyemo aho imyaka ibiri ishize 2021 na 2020 iri rushanwa ritabashije kuba. 

Kuri ubu iri siganwa rigiye kugaruka rikinwa ku nshuro ya 5 kuko 2016 ari bwo ryabaye ku nshuro ya mbere. 20 Km de Bugesera ni isiganwa riranga umuco w’Akarere ka Bugesera kuko uko imyaka yagiye itambuka ariko hagiye hajyamo indi mikino nko gusiganwa ku magare, mu bato n’abakuru, ndetse no kwiruka abantu bishimisha (Run for fun).

Mayor wa Bugesera nawe yari yitabiriye ikiganiro aho yanavuze ko iri rushanwa rifasha Akarere kumenyekana ndetse no guhigura imwe mu mihigo baba barahize

Kuri iyi nshuro 20 KM de Bugesera izaba tariki 3 Nyakanga 2022 ikazabanzirizwa n’umuganda rusange ndetse n’ibindi bikorwa bizaba bitegura umunsi wo Kwibohora uzaba tariki 4 Nyakanga. 

Serge Gasore umwe mu bategura iri siganwa yabwiye itangazamakuru ko imyitego igeze kure ndetse abantu batangiye kwiyandikisha. Yagize ati: “Twavuga ko imyiteguro tuyigeze kure ku mpande zose. Hashize ibyumweru 2 abantu batangiye kwiyandikisha, ariko tumaze kubona abantu basaga 1000 bemeje ko bazitabura iri siganwa.

Hari uburyo buri kuri murandasi, abantu banyuraho biyandikisha, ndetse ubu muri buri mudugudu wa Bugesera turi gushyiraho aho abaturage bazajya biyandikishiriza.”

Gasore Serge asobanurira itangazamakuru aho imyiteguro ya 20 KM de Bugesera igeze

Gasore yakomeje avuga ko hari abantu bo hanze y’u Rwanda nabo basabye kwitabira iri rushanwa. “Hari n’abantu bo hanze y’u Rwanda bari kudusaba kwitabira iri siganwa kandi ntitwabaheza. Gusa kuko ritaraba mpuzamahanga umuntu wo hanze ubishaka ariyandikisha ubundi akazitabira irushanwa ariko akimenya kuri buri kimwe.”

Iri siganwa kandi nta n’umwe ryaheje kuko hazaberamo n’isiganwa ry’abafite ubumuga bagendera mu tugare, bazasiganwa intera ya Kirometero 2.

Muri 20 Km de Bugesera abagore nabo barigaragaza bagasiganwa bakoreresheje amagare asanzwe

Abafite ubumuga nabo ntibahezwaMu bakinnyi bakuru hakoreshwa amagare gakondo

Mu imurika (Launch) ryabereye muri Serena Hotel Kigali, aho abayobozi ba TECNO Rwanda bifatanyije n’abayobozi b’izindi Kompanyi z’ikoranabuhanga zitandukanye ndetse n’ab’umujyi wa Kigali, hatangizwa ku mugaragaro icuruzwa rya Telefone za CAMON 19 Series zifotora bigezweho.

TECNO CAMON 19 yamuritswe i Kigali, nyuma y’iminsi itatu gusa imuritswe ku rwego rw’isi, mu bikorwa byabereye i New York muri Leta Zunze Ubumwe z’America, hagati muri iki Cyumweru.

Ibi kandi byabaye nyuma y’uko muri Mata TECNO CAMON 19 yatsindiye igihembo cya Telefone ikozwe kandi igaragara neza (iF Design Award) kurusha izindi zose zakozwe muri 2022.

CAMON 19 yegukanye IF Design Award

Ibirori byo kumurika TECNO CAMON Series i Kigali, byitabiriwe n’abasaga 120 barimo abayobozi n’abashoramari batandukanye, biyoborwa na Nzeyimana Luckman afatanyije na Abera Martina bombi bakaba basanzwe bakorera Ikigo cy’Igihugu cy’Itangazamakuru, RBA.

Habaye umwanya w’abanyamideri batandukanye batambutse bamurika izi Telefone za CAMON19, banerekana ko ari nziza ku kwifotoza kandi zikaba zibereye gutangwamo impano ku wo umuntu akunda.

Umuhanzi Yvan Buravan na we ntiyatanzwe mu birori, aho yatangajwe nk’umufatanyabikorwa ‘Brand Ambassador’ wa TECNO Mobile Rwanda mu gihe cy’igihembwe. Buravan wahawe umwanya wo kuririmba indirimbo ebyiri, yashishikarije urubyiruko, by’umwihariko abafana be kwitabira Gukoresha TECNO CAMON 19 Series, kuko ari Telephone zifite ikoranabuhanga rigezweho.

Buravan yahawe CAMON 19 nshya anagirwa Brand Ambassador wa Tecno Mobile Rwanda

Hasobanuwe ko Camera y’iyi Telefone ifite umwihariko wo kugira ikoranabuhanga rinoza ifoto rya ‘RGBW camera sensor’ ryagezweho ku bufatanye bwa kompanyi ya TECNO na Samsung.

Aho Camera ifunikiye hari ikirahure aho kuba ‘Plastic’ nk’uko bisanzwe kuzakozwe mbere ya CAMON19, bituma amafoto yayo ya ‘Portrait’ asa ukwayo kandi ikabasha gufotora ahari urumuri rwinshi cyangwa ahari rukeya cyane nko mu ijoro.

Rukundo ushinzwe amahugurwa muri TECNO Mobile Rwanda asobanura ibya CAMON 19

TECNO CAMON series zoroshye gutwara  kandi ziri ku giciro gitoya, zigizwe n’ubwoko butatu bwa CAMON 19, CAMON19 Pro na CAMON 19 Pro 5G yihariye ku ikoranabuhanga rya 5G ritarasakara ku isi.

Dommy Hu uyobora Tecno Rwanda, yabwiye itangazamakuru ko iyi Kompanyi ihora ishishikajwe no kugeza ibyiza ku banyarwanda ndetse no ku batuye isi mu rusange, aho inarenga ibikorwa by’ikoranabunga, igafatanya na Leta mu bikorwa rusange biteza imbere igihugu.

Dommy Hu

Mayor w’umujyi wa Kigali, Bwana Rubingisa Pudence wari umushyitsi muri ibi birori, yashimiye TECNO Rwanda idasiba kugeza ibyiza ku banyarwanda, uko ibihe bigenda bisimburana.

Kompanyi ya TECNO imaze imyaka isaga 12 ikorera mu Rwanda, aho yagize uruhare rukomeye mu kunoza no kuzamura Serivisi n’ibikoresho by’ikoranabunga umunsi ku wundi. Byatangiye TECNO izana Telephone ntoya, zigende zihinduka zigana ku zigezweho, kugeza ubwo izanya na TECNO CAMON 19 Series.

Martina na Lucky bayoboye ibirori

Abanyamideri bahawe umwanya

Mayor Rubingisa Pudence yashimiye TECNO Rwanda

Byari ibyishimo ku bitabiriye ibi birori

AMAFOTO: SANGWA Julien