Abatoza ba Rayon Sports bakomoka muri Portugal, umutoza mukuru Jorge Paixão n’umwungiriza we Daniel Ferreira Faria basubiye iwabo mu biruhuko, ni mu gihe batazi ahazaza habo muri iyi kipe.
Aba batoza bombi bakaba baraye bahagurutse mu Rwanda mu ijoro ryakeye berekeza iwabo ni nyuma yo gusoza amasezerano yabo y’amezi 6.
Nyuma yo kugenda bivugwa ko aba batoza batazagaruka muri Rayon Sports bitewe n’uko batashimye umusaruro wabo batawishimiye.
Mu mezi atandatu bari bamaze muri Rayon Sports basoje ku mwanya wa 4 n’amanota 48 ni mu gihe APR FC yegukanye yari ifite amanota 66.
Amakuru ISIMBI yamenye ni uko aba batoza bavuye mu Rwanda batazi ahazaza habo muri Rayon Sports kuko ubuyobozi bw’iyi kipe butigeze bubabwira niba bazakomezanya cyangwa niba nta masezerano bazongererwa.
Amakuru avuga ko komite nyobozi ya Rayon Sports itarakora isuzuma ry’uburyo bitwaye maze babone gufata umwanzuro, ni mu gihe andi makuru avuga ko Rayon Sports yaba yaratangiye gutekereza uburyo yashaka umusimbura wabo.
Igikorwa cy’ubugizi bwa nabi cyahitanye abantu babiri, cyabaye ku gicamunsi cyo ku wa Gatandatu tariki 18 Kamena 2022 ahagana saa munani ubwo abagizi ba nabi barasaga ku modoka itwara abagezi ya RITCO, bakica umushoferi ndetse n’umugenzi umwe.
Nyuma y’iki gikorwa cy’ubugizi bwa nabi, Polisi y’u Rwanda yasohoye itangazo ivuga ko abagizi ba nabi bakoze iki gikorwa bakekwa kuba ari abo mu mutwe w’Inyashyamba wa FLN baturutse hakurya y’umupaka.
Uyu mutwe wa FLN wasohoye itangazo witakana ko atari wo wakoze iki gikorwa cy’ubugizi bwa nabi cyahitanye abanyarwanda babiri.
Iri tangazo ryasohowe mu majwi, rigira riti 'Icya, tubabajwe n’ubwo bwicanyi kandi turahakana twivuye inyuma ibivugwa muri iryo tangazo ribeshya ko ari FLN yagabye icyo gitero kuko birazwi neza ko ntaziri mu Rwanda kuva mu mwaka wa 2018.'
Uyu mutwe uvuga ko utarwana n’abaturage ahubwo ko ugaba ibitero ku ngabo z’u Rwanda.
Umuvugizi wa FLN wasomye iri tangazo, akomeza ashinja inzego z’umutekano z’u Rwanda ngo kuba ari zo zakoze kiriya gikorwa ngo kuko ari zo zirinda umuhanda wabereyemo ubu bugizi bwa nabi.
Uyu mutwe uritarutsa ibi bikorwa by’ubugizi bwa nabi bwakorewe bamwe mu Banyarwanda mu gihe bizwi ko wagiye ugaba ibitero mu bihe bitandukanye ndetse bigahitana inzirakarengane zitandukanye.
Amakuru y’iyi nama y’igitaraganya yatumijwe na Perezida wa Kenya Uhuru Kenyatta unayoboye Umuryango wa Afurika y’Iburasirazuba, yamenyekanye kuri iki Cyumweru.
Ni inama yihutirwa yo kwiga ku bibazo by’umutekano mucye bikomeje kugaragara mu Burasirazuba bwa Repubulika Iharanira Demokarasi ya Congo.
Mu gitondo cya kare cyo kuri uyu wa Mbere tariki 20 Kamena 2022, Ibiro by’Umukuru w’Igihugu cy’u Burundi, byatangaje ko Perezdia Evariste Ndayishimiye yitabiriye iyi nama.
Ibiro by’Umukuru w’u Burundi, mu itangazo ryatambutse kuri Twitter, bagize bati 'Agendeye ku butumire bwa mugenzi we Nyakubahwa Uhuru Kenyatta, Perezida Evariste Ndayishimiye yafashe indege imwerecyeza i Nairobi mu nama y’Abakuru b’Ibihugu yiga ku kibazo cy’umutekano mucye biri mu Burasirazuba bwa RDC iba kuri uyu wa 20 Kamena 2022.'
Ubu butumwa buherekejwe n’amafoto agaragaza Perezida Evariste Ndayishimiye agiye guhaguruka ku kubuga cy’Indege, ari gusezera kuri bamwe mu bayobozi mu nzego nkuru z’Igihugu cye.
Perezedia Felix Tshisekedi wa Repubulika Iharanira Demokarasi ya Congo, yamaze kugera i Nairobi muri iyi nama yiga ku mutekano mucye uri mu Gihugu cye.
Iyi nama y’Abakuru b’Ibihugu igiye gukurikira iy’abayobozi b’Ingabo zo mu Bihugu bigize Umuryango wa Afurika y’Iburasirazuba yabaye kuri iki Cyumweru tariki 19 Kamena 2022, yaje ikurikira itangazo ryasohowe na Perezida Uhuru Kenyatta ubwo yatangazaga ko yemeje itangizwa ry’itsinda ry’ingabo zihuriweho rizajya kurandura imitwe yitwaje intwaro iri muri Repubulika Iharanira Demokarasi ya Congo.
Izi nama zoze ziri kuba mu gihe Umutwe wa M23 ukomeje guhangana na FARDC, ukomeje kotsa igitutu izi ngabo z’igihugu mu mirwano bahanganyemo ndetse ukaba ukomeje gufata ibice bimwe byo muri DRC.
Abahutu bari barakatiwe igihano cy’urupfu no gufungwa uburundu, ni bo bavugwaho kuba barishe Abatutsi bari bafungiye muri Gereza ya Gikongoro. Byagarutsweho (…)
Ku wa Gatandatu tariki ya 18 Kamena 2022, Ubuyobozi bw’Akarere ka Kayonza bwashyikirije abatishoboye batanu inzu zo kubamo, Utugari twa Karambi na Mbarara (…)
Umuhango wo guhererekanya ububasha na Peter Macharia wari usoje manda ye wabereye i Kigali ku ya 17 Kanama ubwo habaga inama ya 7 ihuza abahagarariye iyi miryango mu bihugu 9 byo mu Burasirazuba bwa Afurika ari byo u Rwanda, u Burundi, Misiri, Eritrea, Ethiopia, Kenya, Somalia, Sudani na Uganda.
Umuyobozi mushya wa GWPEA, Tetero François Xavier yavuze ko agiye kwita mu kureba imbogamizi buri muryango ugize iri huriro ugenda uhura nazo kugira ngo zishakirwe ibisubizo byihuse.
Ati 'Intego y'ibanze ni ukureba uburyo twakomeza kunoza imikoranire yacu mu karere kugira ngo dushakire hamwe ibisubizo ku bibazo by'amazi bitwugarije ahanini biturutse ku mihindagurikire y'ikirere.'
Uyu muyobozi yakomeje agaragaza umusanzu batanga ngo ibi bibazo bikemuke. Yavuze ko icya mbere ari ugusakaza ubumenyi bafite mu bice byinshi bishoboka, bakongera n'imbaraga mu mishinga batangije igamije guhangana n'ibibazo.
Tetero François Xavier, yanavuze ko GWP Rwanda ikoranira hafi n'inzego za Leta zishinzwe kubungabunga umutungo kamere w'amazi.
Ati 'Hari umushinga uzafasha mu buryo bwo guhangana n'ingaruka z'imihindagurikire y'ikirere turi gutegurana n'Ikigo gishinzwe umutungo kamere w'amazi'.
Umuyobozi wa GWPEA ucyuye igihe, Peter Macharia yashimiye abamugiriye icyizere cyo kuyobora iri huriro anashimira ibyagezweho mu gihe cy'imyaka ibiri ishize.
Ati 'Mu gihe cy'imyaka ibiri twateye intambwe igaragara, hari imishinga twatangije mu bihugu bitandukanye ubu iri gukora neza.'
Global Water Partnership (GWP) ni ihuriro mpuzamahanga ryatangiye mu 1996 aho ryagiye ritera inkunga bimwe mu bihugu n'imiryango itegamiye kuri leta gushyira mu bikorwa intego z'iterambere rirambye no gucunga neza umutungo w'amazi.
GWP igizwe n'abafatanyabikorwa barimo imiryango itegamiye kuri leta irenga 3000 mu bihugu birenga 180.
GWP Eastern Africa yatangijwe n'abafatanyabikorwa mu 2003 igamije gufasha kubungabunga umutungo kamere w'amazi mu karere. Ubu ugizwe n'ibihugu icyenda aho ikorana n'abafatanyabikorwa barenga 200 harimo Water Partnership-Rwanda n'abandi baturutse muri ibi bihugu hagamijwe ubufatanye mu gukemura ibibazo biterwa ahanini n'imihindagurikire y'ikirere harimo kugabanuka kw'amazi n'imyuzure.
GWP Eastern Africa yatangijwe mu 2003 igamije gufasha mu kubungabunga umutungo kamere w'amazi mu karere
Ubuyobozi bwa GWPEA bugenda busaranganywa mu banyamuryango
Umuyobozi mushya wa GWPEA, Tetero François Xavier yavuze ko bagiye kongera imbaraga mu guhangana n’ibibazo by’amazi bituruka ku ihindagurika ry’ikirere
Umuyobozi wa GWPEA ucyuye igihe, Peter Macharia yashimiye abamugiriye icyizere cyo kuyobora iri huriro anashimira ibyagezweho mu gihe cy'imyaka ibiri ishize
Umushumba wa Diyosezi ya Byumba, Nyiricyubahiro Musenyeri Musengamana Papias, yasabye abiga mu ishuri ryisumbuye ryitiriwe Mutagatifu Berenadeta riherereye mu karere ka Kamonyi, Umurenge wa Gacurabwenge ko bakwiye kwirinda umwarimu wa kabiri ukorera ku mbuga nkoranyambaga. Yabasabye kandi kwirinda inyigisho zitangwa n'abakorera kuri izo mbuga kuko bishobora kubicira ejo habo heza. Yanabasabye kwirinda ubunebwe buterwa n'imyaka y'ubugimbi n'ubwangavu bagezemo.
Ibi, Nyiricyubahiro Musengamana yabigarutseho mu birori mpurirane byo kwizihiza imyaka 40 ishuri ryitiriwe Mutagatifu Berenadeta rya Kamonyi rimaze ribayeho ndetse n'imyaka 25 Musenyeri Musengamana Papias abaye umusaseredoti no kwishimira ibyagezweho mu myaka iri shuri rimaze.
Yagize ati' Banyeshuri bacu beza, bana b'Igihugu cyacu, mugomba kumenya ko umwarimu wa kabiri wo ku mbuga nkoranyambaga (Internet) mutitondeye inyigisho atanga, yabangiriza ubuzima mu kanya nk'ako guhumbya. Mugomba kwirinda ubunebwe, ahubwo mugakoresha amasaha menshi mwiga kubyo mwarimu wo mu ishuri yabahaye kuko hariya mushobora no kuhakura ibishuko byatuma ubwangavu n'ubugimbi bwanyu bwangirika tugahomba abanyagihugu bo gutegura aheza hejo hazaza ku gihugu cyacu kuko imyaka muba mugezemo n'iyo mibi'.
Akomeza ashimira ababyeyi uruhare bagira mu iterambere ry'Ishuri ryitiriwe Mutagatifu Berenadeta ryo ku Kamonyi (ESB/Kamonyi) ndetse akabibutsa ko usibye inyubako biyubakiye yatwaye akayabo ka Miliyoni 180, ariko 'abana bacu dufite inshingano zo gukurikiranira hafi imyigire yabo kuko muzaba mufashije Kiliziya Gatolika gukomeza gutanga umusanzu wayo mu burezi bw'Igihugu cyacu'.
Mpano Pacis wavugiye abanyeshuri biga muri ESB/Kamonyi, yabwiye abitabiriye ibi birori ko iri shuri ribigisha neza, ko bafite abarezi bitangira uburezi ndetse anibutsa ababyeyi ko bafite byinshi byo kwirata kubera uburezi n'uburere bahabwa n'ishuri. Ashimira Kiliziya Gatolika yashinze iri shuri, ayisaba gukomeza ubudatezuka kubigisha neza. Ahamya kandi ko babafasha no kuzamura impano bafite biciye mu mikino itandukanye.
Perezida w'Ababyeyi barerera muri iri shuri, Kayigirwa Viateur yibukije ababyeyi ko kohereza umwana ku ishuri gusa bidahagije, ahubwo ko bakwiye no kuzuza inshingano zabo zo kwishyura amafaranga y'ishuri kuko iyo adatangiwe ku gihe bituma imibereho myiza ishobora guhungabana ndetse hakaba byinshi bipfa kandi ishuri ribikenera kugira ngo rikomeze gukora neza, abana bidagadure ndetse banabashe kwiga neza.
Padiri Majyambere/ Umuyobozi wa ESB Kamonyi.
Umuyobozi w'iri shuri, Majyambere Jean D'Amour yashimiye ababyeyi barerera muri iri shuri abereye umuyobozi ku bufatanye bagira mugufasha ikigo kuzuza unshingano zacyo, ariko akagaya n'abatatira kutuzuza ibyo basabwa nko kwishyurira amafaranga y'ishuri ku gihe.
Akomeza avuga ko mu myaka yabanje ikigo gitangira cyareraga abakobwa gusa, ariko mu mwaka wa 2009 akaba aribwo hajemo abahungu. Ashimira ababyeyi uruhare bagira mu gukurikirana abana babo bahiga, akanavuga ko ikigiye gukurikiraho bagiye kubaka amashuri ageretse azatwara amafaranga asaga miliyoni 120, hakazaba harimo na Laboratwari y'abiga amasomo ya Siyansi kuko ntayo bari bafite. Yemeza kandi ko bashaka gukundisha abana mu ishuri kurusha kubakundisha ku ishuri.
Umuyobozi w'Akarere ka Kamonyi, Dr Nahayo Sylvere witabiriye ibi birori yashimiye amashuri ya Kiliziya Gatolika umuhate bagira mu gutanga uburezi, anabashimira uburyo bazamura akarere mu gutsindisha abana mu bizamini bisoza ibyiciro rusange ndetse n'amashuri yisumbuye kubera umusanzu batanga mu burezi bw'Igihugu.
Iki kigo, gishingwa cyari gifite abanyeshuri 57, mu gihe kugeza ubu gifite abasaga 1500 babarizwa mu byiciro rusange ndetse n'icyiciro cyabarangiza bafite A2. Barateganya gukomeza kwagura iri shuri kuko ababyeyi bitanze asaga Miliyoni 180 bubaka inzu igeretse. Bavuga kandi ko indi bagiye kuzamura itazahungabanya imyigire y'abana ndetse n'ifunguro bahabwa.
Muri iyi myaka 40, iki kigo kimaze gushyira hanze abasaga ibihumbi 6 bari ku isoko ry'umurimo. Bavuga ko bazakomeza kugira uruhare mu iterambere ry'umuturage ndetse no gutanga uburere n'uburezi bufite ireme mu mashami bigisha arimo n'aya Siyansi.
Muri ibi birori, hatanzwe isakaramentu rya Batisimu ku banyeshuri biga muri iri shuri ndetse hanahembwa abana barusha abandi amanota meza.
Minisitiri w'Ubutabera akaba na Minisitiri w'Intebe wungirije w'u Bwongereza, Dominic Raab yatangaje ko Guverinoma yatangiye gutegura umushinga wo kugabanya ububasha urwo rukiko rufite ku Bwongereza, cyane ko icyo gihugu cyikuye mu Muryango w'Ubumwe bw'u Burayi muri 2020 mu nkubiri yiswe 'Brexit'.
Dominic Raab yagarutse kuri gahunda yo kugabanyiriza ububasha urwo rukiko rufite ku Bwongereza, ubwo yasobanuraga ko ibyo rwakoze rwitambika gahunda yo kohereza abimukira mu Rwanda ku munota wa nyuma  'bidakwiriye'.
 Raab yavuze ko iyo gahunda rwabogamiye yashyizweho na Leta mu rwego rwo guhangana n'uruhererekane rw'ubucuruzi bw'abantu rutemewe rwavutse mu nzira abimukira banyuramo, ndetse no guhagarika imfu za hato na hato z'abimukira barohama mu mazi y'ahitwa Channel.
U Bwongereza bwemeye ko urwo rukiko ruhagarika iyo ndege kuko bwemera ububasha bwarwo ku rwego runaka, bikaba binavugwa ko hatagize igikorwa rushobora kongera igihe rwatanze cyo kuba rwasuzumye ibirego by'abimukira kikava ku mezi atatu kikaba gishobora kurenga n'umwaka wose.
Nyamara urwo rukiko rwafashe icyemezo gitunguranye mu gihe inkiko zo mu Bwongereza zose zari zamaze kwemeza ko Igihugu nta tegeko cyirengagije, mu gukora uyu mushinga uzagira uruhare mu kugabanya igihombo cy'amamiliyari y'imisoro y'Abongereza.
Raab yabwiye ikinyamakuru Sky News ati: 'Ntekereza ko kuba inkiko zirenga eshatu z'imbere zaratesheje agaciro ibyo birego, bitari bikwiye ko urukiko rw'i Strasbuorg rwitambika nk'uko rwabigenje ku munota wa nyuma.'
Yavuze ko Leta y'u Bwongereza igomba kubahiriza amasezerano ku burenganzira bwa muntu yatumye urwo rukiko rushingwa, ariko ububasha bwarwo bwo kwivanga mu masezerano y'igihugu n'ikindi ngo ntibikubiye mu byo rushinzwe.
Ihagarikwa ritunguranye ry'urugendo rw'indege yagombaga kuzana ikiciro cya mbere cy'abimukira, ryabaye habura igihe gito cyane ngo iyi ndege yogoge ibicu igana mu rw'Imisozi igihumbi aho yagombaga kuhagera mu gitondo cyo ku wa 15 Kamena 2022 ari ku wa Gatatu. Ku ikubitiro yari ihagurukanye abimukira barindwi mu kiciro kibanza, abandi bakaba bari kuza mu byiciro bikurikiraho nyuma y'igihe runaka.
