Webrwanda Backend

Blog

  • Mico The Best, Bwiza na Chriss Eazy bongerewe… – #rwanda #RwOT

    'People's Concert' ni ibitaramo byatewe inkunga n'Uruganda Nyarwanda rwa Bralirwa rwenga ibinyobwa bisembuye n'ibidasembuye. Ibi bitaramo biratangira kuri uyu wa Gatanu tariki 24 Kamena 2022, guhera saa cyenda. Birabera i Rugende ndetse no kuri Tapis Rouge i Nyamirambo muri Kigali.

    Bralirwa yateye inkunga ibi bitaramo, ifite ku isoko ibinyobwa birimo Primus yanyuze benshi kuva mu 1959 yagera ku isoko, Mützig, Amstel, Turbo King, Legend na Heineken, Fanta Orange, Fanta Cytron, Fanta Fiesta, Sprite, Krest, Tonic, Stoney na Vital'O.

    Ibi bitaramo bizongera kuba ku Cyumweru tariki 26 Kamena 2022. Bizaririmbamo abahanzi barimo, Mico The Best, Bwiza, Chriss Eazy, Senderi Legend, Alyn Sano, Rafiki, Platini, Ariel Wayz, Kenny Sol, Nsabimana Leonard wamamaye nka Ndandambara, Riderman, Bushali, Juno Kizigenza;

    Okkama, Itorero Intayoberana, Esther Niyifasha, Mani Martin, Intore Tuyisenge, Nsengiyumva Francois [Igisupusupu] n’umubyinnyi Jojo Breezy.

    Mico The Best, Bwiza na Chriss Eazy bongerewe ku rutonde rw’abazaririmba muri bitaramo kuri uyu wa Gatanu nyuma y'uko Butera Knowless, Niyo Bosco na Fireman batangaje ko bazabiririmbamo.

    Butera Knowless yagize ati 'Bantu banjye, kubera impamvu ziturutse 'kubateguye' ibi bitaramo, mbabajwe no kubamenyesha ko ntakibonetsemo byombi.'

    Kwinjira ni ubuntu. Ibi bitaramo kandi bizacurangamo Dj Brianne, Dj Ira, Dj Bisoso na Dj Marnaud.

    Bwiza uzwi mu ndirimbo ‘Ready’ ubarizwa muri Kikac Music Label ategerejwe muri ibi bitaramo 

    Chris Eazy ukunzwe muri iki gihe mu ndirimbo ‘Inana’ azaririmba muri ibi bitaramo

    Mico The Best uzwi mu ndirimbo zirimo ‘Igare’ ategerejwe mu bitaramo bya CHOGM

    REBA HANO INDIRIMBO “INANA” YA CHRISS EAZY UTEGEREJWE MU BITARAMO BYA CHOGM

    REBA HANO INDIRIMBO “READY” YA BWIZA UZARIRIMBA MU BITARAMO BYA CHOGM

    REBA HANO INDIRIMBO “IGARE” YA MICO THE BEST YAHAWE IBIHE BYINSHI NK’INDIRIMBO NZIZA YA SUMMER

    Source : https://inyarwanda.com/inkuru/118438/knowless-na-niyo-bosco-bikuye-mu-bazaririmba-mu-bitaramo-bya-chogm-kubera-kutanyurwa-nimit-118438.html

  • Abahanzi 5 bakomeye bo hanze y’u Rwanda baraye i Kigali #rwanda #RwOT

    Abahanzi batumiwe mu gitaramo cya Choplife bamaze kugera mu Rwanda aho biteganyijwe ko bataramira abanyarwanda kuri uyu wa Gatandatu.

    Ni mu gitaramo cyo gususurutsa abanyarwanda ndetse n’abanyamahanga bitabiriye inama ya CHOGM izasozwa ku Cyumweru tariki ya 26 Kamena 2022.

    Kabuhariwe mu kuvangavanga imiziki ukomoka muri Nigeria, Dj Neptune w’imyaka 31 byitezwe ko azanayobora iki gitaramo, ni we wabimburiye abandi aho yahageze saa z’ijoro zo ku wa Gatanu.

    Dj Neptune akaba yaje mu ndege imwe n’umuhanzi akaba n’umwanditsi w’indirimbo waherukaga mu Rwanda 2017 muri ‘My 250 Concert ‘ Tekno Miles, bari kumwe na Fave bose bakomoka muri Nigeria.

    Hahise hasesekara umuraperi w’umunyakenya, Khaligraph Jones ndetse n’umunyafurika y’Epfo waherukaga mu Rwanda 2018, Nasty C.

    Iki gitaramo cya ‘Kigali Choplife’ giteganyijwe kuri uyu wa Gatandatu tariki ya 25 Kamena 2022 muri Kigali Arena, aba bahanzi bazafatanya n’abandi b’abanyarwanda barimo Ariel Ways, Okama, Bruce Melodie, Kenny Sol na Afrique ni mu gihe Dj Toxxyk na Dj Ira ari bo bazaba basusurutsa abantu.

    Nasty C ubwo yageraga i Kigali

    Tekno Miles na we yaraye i Kigali

    Umuraperi Khaligraph ukomoka muri Kenya

    Source : http://isimbi.rw/imyidagaduro/article/abahanzi-5-bakomeye-bo-hanze-y-u-rwanda-baraye-i-kigali

  • Biratangaje! Abaperezida 51 ba Afurika banze… – #rwanda #RwOT

    Iyi nkuru ikimenyekana yahise iba gikwira mu binyamakuru hafi ya  byose ku Isi, byandika ku ngingo politiki ndetse n’ibindi. Multipolarista yateruye ivuga ko ibihugu by’u Bufaransa n'u Budage, ari byo byahatiye abayobozi b'umuryango wa Afurika yunze Ubumwe ngo bemere kugirana inama mu buryo bw'ikoranabuhanga hamwe na Perezida wa Ukaraine. Iyi nama yakozwe mu buryo bw'ikoranabuhanga bwa Zoom, abaperezida 51 muri 55 bangana na 93% ba Afurika yunze Ubumwe banze kwitabira, mu rwego rwo kwirinda gufata uruhande babogamira hagati ya Ukraine n’u Burusiya kuri ubu byujuje neza amezi ane ruhinanye muri Ukraine. Leta z’ibihugu byo mu Burengerazuba bw’Isi  zagerageje kwegeranya ibihugu bya Afurika ngo bivuge ijwi rimwe mu kwamagana u Burusiya muri iyi ntambara, gusa igice kinini cy’uyu mugabane wirabura kimye amaso  icyo kifuzo giturutse mu Burengerazuba. 

    Ikinyamakuru  Le Monde cyasobanuye ko gushaka gukorana inama kwa Zelensky n’Umuryango wa Afurika yunze Ubumwe, byari nk’ikimenyetso ko uyu muryango watinze kugaragaza byeruye uruhande ubogamiyeho hagati y’ibihugu byombi biri mu ntambara, ahubwo ugakomeza kwinumira no kugira ibanga uruhande uriho. Igihugu cya Ukraine cyagerageje gutegura iyo nama kuva muri Mata uyu mwaka,  ariko n’ubundi  Afurika yunze Ubumwe yari yagiye ikomeza kuyisubiza inyuma. Iki kinyamakuru gikomeza kivuga ko no muri abo bake bitabiriye iyo nama, ubutumwa mu mashusho yabo bugaragaza icyuho kinini kiri hagati ya Bwana Zelensky n’abayobozi ba Afurika, ku ngingo ijyanye no gufata uruhande babogamiraho. 

    Aba ba perezida mbarwa bitabiriye iyi nama, ku ikubitiro harimo Macky Sall wa Senegal uyoboye Afurika yunze Ubumwe kuri ubu, Alassane Ouattara wa  Côte d’Ivoire, Denis Sassou Nguesso wa Repubulika ya Kongo na  Mohamed al-Menfi uyobora Inama y'Umukuru w'Igihugu ya Libiya kuri ubu itavugwaho rumwe n’amahanga nka Leta yemewe. Muri iyi nama na Zelensky, aba bakuru b'ibihugu bane biyongeyeho  Moussa Faki Mahamat, Umunya-Tchad uyobora Komisiyo ya Afurika yunze Ubumwe  ndetse na bamwe mu ba dipolomate bo mu nzego zo hasi z'ibindi bihugu. Biragaragara ko Umuryango wa Afurika yunze Ubumwe utifuje kugira icyo uvuga kuri iyi nama, kuko haba ku rubuga rwawo no kuri Twitter ntacyo wigeze utangaza ku migendekere yayo cyangwa no kuba yabaye ubwabyo. Gusa Moussa Faki Mahamat yakoze ‘tweet’ imwe ku giti cye, aho yongeye ”gushimangira ko nka Afurika yunze Ubumwe hakenewe ibiganiro byihutirwa kugira ngo amakimbirane arangire, mu rwego rwo kugarura amahoro mu Karere no kugarura umutekano ku Isi'.

    Amerika n'Umuryango w'Ubumwe bw’u Burayi bakunze kuvuga ko bakora mu izina ry'umuryango mpuzamahanga, ariko ibintu nk’ibi byerekana ko iyo Washington na Bruxelles bavuga umuryango mpuzamahanga mu by’ukuri baba bashaka kuvuga hafi 15% by'abatuye mu  Burengerazuba bw’Isi n’inshuti zabo z’indahemuka nka Australia, Nouvelle-Zélande, Koreya y’Epfo n’ u Buyapani.

    Raporo y’Ikinyamakuru Multipolarista yo muri Werurwe igaragaza uburyo umubare munini w’abatuye Isi, ari abo mu bihugu bifatwa nk’ibikiri mu nzira y’amajyambere wakomeje kutagira aho ubogamiye kubera mu ntambara yo muri Ukraine. Ibihugu bifite abaturage benshi ku Isi nk’u Bushinwa, u BUhinde, Pakistan, Brazil, Ethiopia, Bangladesh, Mexique Vietnam, byakomeje kutabogamira ku ruhande na rumwe. Gusa ibindi bihugu byinshi byo mu majyepfo y'Isi nka Afurika y’Epfo, Iran, Venezuwela, Cuba, Nicaragua, Koreya ya Ruguru na Eritrea byashinje ku mugaragaro NATO na Amerika kuba ari byo byateje intambara muri Ukraine.

    Source : https://inyarwanda.com/inkuru/118431/biratangaje-abaperezida-51-ba-afurika-banze-kwitabira-inama-batumiwemo-na-voladymir-zelens-118431.html

  • U Rwanda rwahawe kuyobora Commonwealth #rwanda #RwOT

    Afungura ku mugaragaro inama y'abakuru b'ibihugu na za Guverinoma yanitabiriwe n'Igikomangoma Charles, Perezida wa Repuburika Paul Kagame, yasabye ibihugu bigize Commonwealth gukomeza gukorera hamwe mu kurwanya ibibazo byugarije isi birimo ibyorezo n'ihindagurika ry'ikirere n'ingaruka zaryo ku batuye isi.

    Image

    Yagize ati 'Ikitugira abo turi bo mu by'ukuri, ni indangaciro ziri mu mahame ya Commonwealth, umuhate uganisha ku miyoborere myiza, iyubahirizwa ry'amategeko no kwita ku burenganzira bwa muntu.'

    Image

    Umunyamabanga Mukuru wa Commonwealth nawe , Patricia Scotland, yavuze ko icyerekezo cy'Umwamikazi w'u Bwongereza, Elizabeth II, uyobora uyu muryango, ari uko abayobozi bawo bishakamo ibisubizo. Yashimangiye ko uyu muryango ushingiye ku gukorera hamwe, aho nta jwi na rimwe ritambuka ritumviswe cyangwa umunyamuryango usigara inyuma.

    Image

    Minisitiri w'Intebe w'u Bwongereza, Boris Johnson, usoje manda ye nk'Umuyobozi wa Commonwealth aho yasimbuwe na Perezida Kagame, yavuze ko icyorezo cya Covid-19 cyateye Isi ibibazo bikomeye, kimwe n'ibibazo biriho uyu munsi biterwa n'imihindagurikire y'ibihe. Yavuze ko nta gihugu na kimwe cyakumva uburemere bw'ibibazo by'imihindagurikire y'ikirere kurusha ibihugu byo muri Commonwealth. Bityo, ati inshingano z'abayobozi b'ibihugu bya Commonwealth ni ugufasha ibindi guhangana n'ibi bibazo.

    2022 Commonwealth Heads of Government opening ceremony

    Igikomangoma cy'u Bwongereza Charles wahagarariye Umwamikazi ElizabethII mu nama ya CHOGM ibera i Kigali, yashimiye Perezida Kagame n'Abanyarwanda muri rusange kuba barihanganye bagakora ibishoboka byose mu kwitegura CHOGM mu bihe byari bigoye by'icyorezo Covid-19.

    Yakomeje avuga ku rugendo rwe rwa mbere mu Rwanda, aho yasuye urwibutso rwa Jenoside ndetse agahura n'abarokotse Jenoside yakorewe Abatutsi.  'U Rwanda rwageze kuri byinshi, nk'igicumbi cyo guhanga udushya, igihugu kiri mu bya mbere mu guteza imbere abagore, igicumbi cy'ubukungu butangiza ibidukikije.'

    Umunyamabanga Mukuru wa Commonwealth, Patricia Scotland, yavuze ko icyerekezo cy'Umwamikazi w'u Bwongereza, Elizabeth II, uyobora uyu muryango, ari uko abayobozi bawo bishakamo ibisubizo.

    @[email protected]

     

    The post U Rwanda rwahawe kuyobora Commonwealth appeared first on IRIBA NEWS.

    Source : https://iribanews.rw/2022/06/24/u-rwanda-rwahawe-kuyobora-commonwealth/

  • Umuganga yakuyemo ijisho ritari ryo umurwayi bimuviramo guhuma #rwanda #RwOT

    Muganga yakoze amakosa akomeye akuramo ijisho ritari ryo mu gihe cyo kubaga umurwayi, bimuviramo guhuma. Ibi byabaye nyuma y'akazi gakomeye kakorewe mu bitaro bya Slovakia.

    Uyu murwayi yari agiye kubagwa ijisho rye ryangiritse ariko umuganga yakuyemo by'impanuka ijisho rizima ry'umurwayi, bimuviramo guhuma.

    Nk'uko ikinyamakuru The Mirror kibitangaza ngo umuryango w'uyu murwayi washegeshwe bikomeye n'ibyakozwe n'uyu murwayi.

    Nkuko byatangajwe,ibitaro byahaye uwahohotewe n'umuryango we ubuvuzi bwo mu mutwe n'inkunga yo kwihanganira ayo makuba ateye ubwoba.

    Ibiro ntaramakuru TASR byo muri Slovakia byatangaje ko umuvugizi w'ibitaro bya kaminuza ya Bratislava yemeje ko uyu muganga wabaze uyu murwayi,atakibonana nabo

    Ubuyobozi bushinzwe ubuzima bwa Slovakia bwatangiye iperereza kucyatumye ikosa rikomeye nk'iri ribaho.

    Ibi bije mu gihe cy'imivurungano iri mu rwego rw'ubuzima muri Slovakia,imvururu ziri muri iki gice zitavugwaho rumwe kubera umushahara n'akazi. Slovakia yimukiyemo abaganga benshi, cyane cyane abaturutse muri Repubulika ya Czech na Austria.

    Igitutu kuri abo baganga binjiye mu gihugu cyariyongereye cyane kubera icyorezo cya coronavirus ndetse mu cyumweru gishize ihuriro ry'abakozi rya LOZ ryatangaje ko abaganga bagera ku 3.000 batekereza kubivamo igihe hatabaho impunduka mu mimerere y'akazi kabo. Amakosa mu buvuzi nayo ariganje cyane muri UK.

    Imibare yo muri 2019 yerekanye ko amakosa 621 akomeye ku buryo atagomba kubaho yabaye mu gihe cy'amezi 14.Ayo ahwanye n'abarwayi icyenda buri cyumweru,nkuko ikigo cya PA news agency kibitangaza.

    Imibare yerekanye ko bamwe mu baganga babaze ibice by'umubiri bitari byo,abandi bagasiga ibikoresho bakoresheje mu kubaga mu barwayi (harimo uturindantoki,imikasi n'ibindi) inshuro nyinshi. Umurwayi umwe yaciwe ino ritari ryo, mu gihe undi yakuweho igice kitari cyo.

    Abagabo babiri bakebwe mu buryo butari bwo, mu gihe umugore yabazwe ku ibere ritari ryo, abandi babiri babagwa nabi. Abandi bagore batandatu bakuwemo nyababyeyi bibaviramo kutazongera kubyara.

    Source : https://umuryango.rw/ubuzima-115/imibereho/article/umuganga-yakuyemo-ijisho-ritari-ryo-umurwayi-bimuviramo-guhuma

  • Perefe Bucyibaruta iyo abishaka hari kurokoka Abatutsi benshi muri Gikongoro – Umutangabuhamya #Rwanda #RwOT via @kigalitoday #rwanda #RwOT

    I Paris mu Bufaransa hakomeje kubera urubanza rw’uwari Perefe wa Gikongoro, Laurent Bucyibaruta, ushinjwa kugira uruhare muri Jenoside yakorewe Abatutsi mu (…)

    Source : https://www.kigalitoday.com/ubutabera/jenoside/article/perefe-bucyibaruta-iyo-abishaka-hari-kurokoka-abatutsi-benshi-muri-gikongoro-umutangabuhamya

  • Mu butumwa busa Knowless na Fireman bagragaje ko hari kibazo cyatumye bikura mu bitaramo bari bategerejwemo, Niyo Bosco yigira mu kindi #rwanda #RwOT

    Uyu munsi n’ejo hateganyijwe ibitaramo byiswe “People’s Concert” bigamije gususurutsa abitabiriye Inama y’Abakuru b’Ibihugu na za Guverinoma Commonwealth izwi nka CHOGM iri kubera mu Rwanda ku nshuro ya mbere.

    Uyu munsi igitaramo cya mbere kikaba kirimo kubera i Nyamirambo ahazwi nko kuri Tapis ni mu gihe ejo iki gitaramo kizabera i Rugende.

    Mu buryo busa n’ubutunguranye, abahanzi babatu mu bari batumiwe muri iki gitaramo ari bo; Knowless, Niyo Bosco na Fireman bikuye muri iki gitaramo.

    M Irene ureberera inyungu za Niyo Bosco yavuze ko batanyuzwe n’imitegurire y’ibi bitaramo.

    Ati ” Bantu mukunda Umuziki wa Niyo Bosco mutwihanganire ntabwo akiri muri ibi bitaramo kuko tutanyuzwe n’imitegurire yabyo ariko kandi agomba gutaramira abantu bamukunda n’abashyitsi baje gusura u Rwanda rwacu!! Mureke duhurire mu Gisimenti iri joro. Nyamirambo na Rugende ntacyigiyeyo.”

    Knowless n’umuraperi Fireman, babinyujije ku mbuga nkoranyambaga za bo bashyizeho ubutumwa busa bagaragaza ko batakije muri ibi bitaramo kubera impamvu zitabaturutseho ahubwo ari abateguye ibi bitaramo.

    Fireman yagize ati “Bantu banjye kubera impamvu zitanturutseho, ziturutse kubateguye ibi bitaramo mbabajwe no kubamenyesha ko ntakibibonetsemo byombi.”

    Knowless we yagize ati ” Bantu banjye, kubera impamvu iturutse ‘ku bateguye’ ibi bitaramo, mbabajwe no kubamenyesha Ko ntakibibonetsemo byombi.”

    Ibi bitaramo byateguwe n’uruganda rw’inzoga rwa Blarirwa, bahise basimbuza aba bahanzi Chris Eazy, Bwiza na Mico The Best.

    Uretse aba bahanzi abandi bateganyijwe muri ibi bitaramo barimo Mani Martin, Platin, Ariel Ways, Ndandambara, Eric Senderi, Jojo Breaz, Intayoberana, Makanyaga n’Ingazo Ngari.

    Abahanzi bari batumiwe muri ibi bitaramo

    Niyo Bosco yakuyemo ake karenge yigira Gisimenti

    Knowless yavuze ko ari impamvu zitamuturutseho

    Fireman na we yatunze agatoki abateguye ibi bitaramo

    Source : http://isimbi.rw/imyidagaduro/article/mu-butumwa-busa-knowless-na-fireman-bagragaje-ko-hari-kibazo-cyatumye-bikura-mu-bitaramo-bari-bategerejwemo-niyo-bosco-yigira-mu-kindi

  • Ibigo bigenzura imiti n’ibiribwa by’u Rwanda na Ghana byasinyanye amasezerano y’ubufatanye #Rwanda #RwOT via @kigalitoday #rwanda #RwOT

    Ikigo cy’Igihugu gishinzwe kugenzura imiti n’ibiribwa (Rwanda FDA), cyasinyanye amasezerano y’ubufatanye n’ikigo cy’igihugu gishinzwe kugenzura imiti n’ibiribwa (…)

    Source : https://www.kigalitoday.com/amakuru/amakuru-mu-rwanda/article/ibigo-bigenzura-imiti-n-ibiribwa-by-u-rwanda-na-ghana-byasinyanye-amasezerano-y-ubufatanye

  • U Rwanda na Ghana byasinyanye amasezerano y'ubufatanye mu gukora inkingo #rwanda #RwOT

    U Rwanda na Ghana byashyize umukono ku masezerano y'ubufatanye hagati y'ibihugu byombi ajyanye no gukora imiti n'inkingo, mu kurushaho kungurana ubumenyi.

    Aya masezerano yashyiriweho umukono mu Mujyi wa Kigali tariki 24 Kamena 2022.

    Ikorwa ry'inkingo ku mugabane wa Afurika ni andi mahirwe ku bucuruzi n'ishoramari, kuko bitarenze umwaka utaha bizaba byatangiye.

     U Rwanda na Senegal na Ghana ni ibihugu byamaze kwemezwa ko bizubakwamo inganda zikora inkingo za Covid-19 n'izindi ndwara zirimo Malaria, kuko byamaze kugirana amasezerano n'ikigo  BionTech cyo mu Budage.

    Ubwo hasinywaga aya masezerano Umunyamabanga wa Leta muri Minisiteri y'Ubuzima ushinzwe ubuvuzi bw'ibanze, Dr. Mpunga Tharcisse yagaragaje ko aya masezerano azafasha mu mikoranire yo kohererezanya inkingo hanubakwa serivisi z'ubuvuzi zinoze.

    Yagize ati 'Ni ibintu bizubakwa mugihe cy'umwaka tuzatangira dukore inking, ariko isuzumwa ryazo za nyuma rizasuzumirwa mu gihugu cya Ghana. Turi kureba ubufatanye bw'ibihugu bya Afurika kugira ngo twubake ubufatane mu buvuzi bunogeye buri wese.''

    Umuyobozi w'Ikigo cy'Igihugu Gishinzwe kugenzura Ubuziranenge bw'Ibiribwa n'Imiti Ghana FDA, Delese Mimi Darko, yavuze ko gusinya aya masezerano  bigamije gukora imiti n'inkingo byujuje ubuziranenge  mu bihugu byombi binyuze mu bufatanye.

    Yagize ati 'Nkatwe dushinzwe ubuziranenge bw'ibiribwa n'imiti, uko tuzagenda dufatanya nibyo bizadufasha kurushaho gukora ibyujuje ubuziranenge bw'imiti. Igihugu kimwe nikigenda biguru ntege mu gukora imiti itujuje ubuziranenge, bizagira ingaruka ku kindi gihugu. Ni byiza rero ko twese dushyira hamwe tugafatanya,  inkingo n'imiti nibiva mu gihugu kimwe bijya mu kindi, tuzumva ko byose byujuje ubuziranenge binyuze mu bufatanye,  twumve ko twakoze ibihuriweho.''

    Kuri uyu wa Kane tariki 23 Kamena 2022, Perezida wa Repubulika y'u Rwanda Paul Kagame, yashyize ibuye ry'ifatizo ahagiye kubakwa Uruganda rukora inkingo mu Cyanya cyahariwe Inganda kiri i Masoro mu Karere ka Gasabo.

    Mu mpera z'uyu mwaka wa 2022, biteganyijwe ko hazaba hamaze gushyirwaho uruganda rukora inking, hifashishijwe ikoranabuhanga rya mRNA, ruzatangira gukora inkingo nibura nyuma y'amezi 18.

    Afurika yihaye intego y'uko mu myaka 20 izaba yikorera 60% by'inkingo ikenera zose; ivuye kuri 1% by'izo uyu mugabane ukora uyu munsi.

    AGAHOZO  Amiella

    The post U Rwanda na Ghana byasinyanye amasezerano y'ubufatanye mu gukora inkingo appeared first on FLASH RADIO&TV.

    Source : https://flash.rw/2022/06/24/u-rwanda-na-ghana-byasinyanye-amasezerano-yubufatanye-mu-gukora-inkingo/?utm_source=rss&utm_medium=rss&utm_campaign=u-rwanda-na-ghana-byasinyanye-amasezerano-yubufatanye-mu-gukora-inkingo

  • Perezida Kagame yahawe kuyobora Commonwealth, yizeza gusigasira indangagaciro z'uyu muryango #rwanda #RwOT

    Perezida Paul Kagame yijeje ubufatanye no kubahiriza indangagaciro z'Umuryango w'Ibihugu bikoresha ururimi rw'Icyongerereza Commonwealth, mu gihe cy'imyaka 2 u Rwanda rugiye kuyobora uyu muryango.

    Ibi yabigarutseho kuri uyu wa Gatanu tariki 24 Kamena 2022, mu muhango wo gutangiza ku mugaragaro inama ihuza ibihugu byo muri commonwealth izwi nka CHOGM.

    Nyuma y'imyaka ibiri Covid-19 ikoma mu nkokora ibikorwa by'inama ihuza Abakuru b'ibihugu na za Guverinoma z'ibihugu bikoresha ururimi rw'icyongerereza Commonwealth, bwa mbere bahuriye i Kigali mu muhango wo gutangiza iyi nama kumugaragaro.

    U Rwanda nk'igihugu cyigiye kuyobora uyu muryango mu gihe cy'imyaka 2 iri mbere, Perezida wa Repebulika y'u Rwanda Paul Kagame yijeje gushyiraho politiki zisangiwe binyuze mu ndangagaciro z'umuryango wa Commonwealth.

    Ati 'Commonwealth twifuza iri ku ruhembe rwo guhangana n'ibibazo Isi ihura nabyo, aho kubirebesha ijisho rimwe. Imbaraga dufite zikomeye, ni ukurebera ibintu hamwe naho ubundi twasuzugurwa.'

    Umunyamabanga Mukuru wa Commonwealth, Patricia Scotland,  uri gusoza Manda y'imyaka 6, yavuze ko yishimira ibyagezweho muri icyo gihe, asaba abakuru b'ibihugu na za Guverinoma kurushaho gushyira hamwe, bareba cyane ibiragano bizakomoka kuri miliyari 2.5 z'abatuye mu bihugu bigize Commonwealth.

    Ati 'Kubahiriza izi ndangagaciro n'icyo cyerekezo, niryo banga dukoresha ndetse n'impano kubazadukomokaho.'

    Minisitiri w'Intebe w'u Bwongereza Boris Johnson, washyikirije Perezida Kagame inshingano zo kuyobora uyu muryango mu gihe cy'imyaka 2 iri imbere, yagaragaje ko adashidakanya ku bushobozi bwa Perezida Kagame, ngo kuko abona basangiye byinshi ku cyerekezo cya Commonwealth.

    Yagize ati 'Ubwo nsigira inshingano Perezida Paul Kagame inshuti yanjye y'umufatanyabikorwa, ndabizi ko dusangiye icyerekezo cya Commonwealth gishingiye kubyo dushaka gukora bifitiye akamaro abantu bacu.'

    Igikomangoma mu Bwami bw'Ubwongereza Charles, yagaragaje ibyiciro bitandukanye u Rwanda rwagiye rugaragazamo ubudasa biruhesha kuyobora uyu muryango, asaba ko indangagaciro z'umuryango wa Commonwealth zarushaho gushyirwa imbere nk'uruhare rwabo mu guhindura Isi.

    Ati 'Banyakubahwa niba dushaka gusiga iyi si neza kuruta uko twayisanze, kandi ni inshingano tugomba kwishimira. Tugomba gukorera icyerekezo cyacu kandi dushyize hamwe mu bushobozi dufite.'

    Kuva ku mugoroba wo kuri uyu wa 24 Kamena 2022 kugeza kuri uyu wa Gatandatu tariki 25 Kamena 2022, hateganyijwe ibiganiro bibera mu muhezo bihuza abakuru b'Ibihugu na za Guverinoma, bigamije kurebera hamwe inyungu rusange z'ibihugu binyamuryango.

    Muri iyi nama biteganyijwe ko hazakirwa ibihugu bibiri bya Afurika aribyo Gabon ndetse Togo muri uyu muryango.

    Patricia Scotland,  yongeye gutorerwa kuba Umunyamabanga Mukuru wa Commonwealth, umwanya yari amazeho imyaka 6.

    CYUBAHIRO GASABIRA Gad

    The post Perezida Kagame yahawe kuyobora Commonwealth, yizeza gusigasira indangagaciro z'uyu muryango appeared first on FLASH RADIO&TV.

    Source : https://flash.rw/2022/06/24/perezida-kagame-yahawe-kuyobora-commonwealth-yizeza-gusigasira-indangagaciro-zuyu-muryango/?utm_source=rss&utm_medium=rss&utm_campaign=perezida-kagame-yahawe-kuyobora-commonwealth-yizeza-gusigasira-indangagaciro-zuyu-muryango