Webrwanda Backend

Blog

  • Kiyovu yongereye amasezerano umukinnyi wavugwaga mu makipe nka Rayon Sports, APR FC…, Juvenal yishongora kubamwifuzaga #rwanda #RwOT

    Kiyovu Sports yamaze kongera amasezerano y’imyaka 2 visi kapiteni wa yo, Serumogo Ali wavugwaga mu makipe atandukanye hano mu Rwanda arimo Rayon Sports na APR FC.

    Uyu mukinnyi ukina ku ruhande rw’iburyo yugarira, yari asoje amasezerano ye muri Kiyovu Sports yafashije kurangiza ku mwanya wa kabiri muri shampiyona.

    Serumogo Ali wagize umwaka mwiza muri shampiyona ya 2021-22 aho byanamuviriyemo guhamagarwa mu ikipe y’igihugu ndetse akabona umwanya ubanzamo, yari imari ishyushye ku isoko ry’abakinnyi mu Rwanda.

    Mu ijoro ryakeye ni bwo Kiyovu Sports yongereye amasezerano uyu mukinnyi aho na perezida wa Kiyovu Sports, Mvukiyehe Juvenal yishongoye kubamwifuzaga.

    Ati “Harya ngo murashaka Serumogo, umukinnyi? Murambabaje.'

    Serumogo Ali Omar yari amaze imyaka 4 muri Kiyovu Sports aho yayinjiyemo muri 2018 avuye muri Sunrise FC.

    Aheruka guhabwa ishimwe nk’umukinnyi umaze gukinira Kiyovu Sports imikino 110.

    Serumogo Ali yongereye amasezerano y’imyaka 2 muri Kiyovu Sports

    Source : http://isimbi.rw/siporo/article/kiyovu-yongereye-amasezerano-umukinnyi-wavugwaga-mu-makipe-nka-rayon-sports-apr-fc-juvenal-yishongora-kubamwifuzaga

  • Amakariso yanditseho Young Grace yatangiye kujya hanze(AMAFOTO) – YEGOB #rwanda #RwOT

    Umuhanzikazi Young Grace yatangaje ko yatangiye gushyira hanze utwenda tw'imbere tw'abagore twanditseho izina rye.Nk'uko yabyeretse abafana be yifashishije umunyamideli Bianca yerekanye ubwoko bw'utu twenda tw'imbere avuga ko buri muntu wese w'igitsinagore agomba gutangira kwambara utu tw3nda tw'imbere yabashyiriye ku isoko.

    Source : https://yegob.rw/amakariso-yanditseho-young-grace-yatangiye-kujya-hanzeamafoto/

  • Kubura internet (bundles) bisigaye bituma bamwe mu rubyiruko bananirwa kurya. – YEGOB #rwanda #RwOT

    Kuri ubu umubare munini wabakoresha Internet (murandasi) kwisi ni urubyiruko Kandi abenshi bakoresha internet kugirango basure imbuga nkoranyambaga kurusha ibindi byose.

    Muri iki gihe biravugwako bamwe mu rubyiruko bavuze uko babona internet bibagiraho ingaruka zigiye zitandukanye gusa kuri ubu turavuga kuri imwe isekeje ndetse inababaje.

    Ku rubuga rwa Twitter hazengurutse ifoto yo mu bwoko bwa screenshot yerekana ikiganiro (chat) hagati yabantu babiri umwe abaza undi niba yariye undi Nawe ati yabuze appeti kubera nta bundles za internet afite.

    Source : https://yegob.rw/kubura-internet-bundles-bisigaye-bituma-bamwe-mu-rubyiruko-bananirwa-kurya/

  • Rwanda: umumotari yahawe urw’amenyo kubera ibyo yanditse kuri moto ye(AMAFOTO) – YEGOB #rwanda #RwOT

    Ku mbuga nkoranyambaga abantu basetse cyane umumotari wagaragaye yanditse kuri moto ye amagambo CHOGM Rwanda ndetse na RBA Hafi yawe.Abantu bamwibasiye bakibona iyi foto irimo kugenda ku mbuga za interneti bavuga ko ibyo yakoze arimo gushaka gutwika abandi bibaza niba ibyo yari yanditse ku kirahuri cya casque ye biratuma abasha kureba.Mu bitekerezo byatanzwe harimo n'abavuze ko yabikoze yanyweye itabi.

     

    Source : https://yegob.rw/rwanda-umumotari-yahawe-urwamenyo-kubera-ibyo-yanditse-kuri-moto-yeamafoto/

  • Umusore w’imyaka 21 aragisha inama nyuma yo gutera inda umugore wa mubyara we wamurihiye ishuri – YEGOB #rwanda #RwOT

    Umuhungu w'imyaka 21 yerekeje ku mbuga nkoranyambaga kugira ngo agishe inama nyuma yo gutera inda umugore wa mubyara we w'imyaka 35 wamufashije akamurihira amashuri.

    Ku bwe, mubyara we yagiye mu mahanga umwaka ushize asiga umugore we gusa uyu musore baza kuryamana.

    Yagaragaje kandi ko uyu mugabo yishyura amafaranga y'ishuri kandi akaba mu rujijo ku cyo gukora kuko kuri ubu umugore wa mubyara we amutwitiye.

    Umuhungu akaba yanditse kuri Facebook, asaba inama:

    Ati: 'Nyamuneka nkeneye inama. Nateye inda umugore wa mubyara wanjye kandi avuga ko adashobora gukuramo inda.Nabanaga nabo nkabafasha kandi mubyara wanjye arimo kwishyura amafaranga yanjye y'ishuri. Ndimo gukorera dipolome. Mubyara wanjye yagize amahirwe yo gutembera hanze nuko yagiye umwaka ushize asiga umugore we. Gahunda ni ukugirango amusange vuba.Nabuze icyo nkora kuko ndibaza uko bizagenda mubyara wanjye namenya amahano twakoze'.

    Source : https://yegob.rw/umusore-wimyaka-21-aragisha-inama-nyuma-yo-gutera-inda-umugore-wa-mubyara-we-wamurihiye-ishuri/

  • Gabon na Togo byemerewe kuba abanyamuryango bashya ba Commonwealth #rwanda #RwOT

    Inama y'Abakuru b'Ibihugu na za Guverinoma zigize Commonwealth, yemeje ko Gabon na Togo, byinjira muri uyu muryango, bituma umubare w'ibihugu biwugize uva kuri 54 uba 56.

    Yabigarutseho mu kiganiro n'abanyamakuru cyakurikiye isozwa ry'iyi nama.

    Cyabaye nyuma y'amasaha arenga atanu abakuru b'ibihugu bari mu mwiherero wafatiwemo imyanzuro igomba gukurikizwa mu gihe cy'imyaka ibiri.

    Cyitabiriwe na Perezida Kagame ugiye kuyobora Commonwealth mu gihe cy'imyaka ibiri; Umunyamabanga Mukuru wa Commonwealth, Patricia Scotland; Perezida wa Sierre Leone, Julius Maada Bio; Perezida wa Guyana, Irfaan Ali na Minisitiri w'Intebe wa Samoa, Fiamē Naomi Mataʻafa.

    Perezida Kagame yashimye abakuru b'ibihugu bitabiriye iyi nama, ndetse na Patricia Scotland wongerewe manda, amwizeza ko azamuba hafi mu myaka ibiri azamara ku buyobozi.

    Umukuru w'Igihugu yavuze ko umwiherero w'abakuru b'ibihugu wanzuye ko ibihugu bibiri, Gabon na Togo, byakiriwe nk'abanyamuryango bashya, ndetse ko uzakomeza gufungurira amarembo abifuza kuwinjiramo.

    Ni ibihugu byombi byari bimaze igihe byarasabye kuba ibinyamuryango. Byombi bisanzwe bikoresha Ururimi rw'Igifaransa ndetse ntibyakolonijwe n'u Bwongereza nk'uko byinshi biri muri uyu muryango bimeze.

    Kimwe cyakolonijwe n'u Bubiligi ikindi gikolonizwa n'u Bufaransa gusa uko imyaka yagiye yicuma byagiye bigira umubare munini w'abantu bavuga Icyongereza.

    Kwinjira muri uyu muryango kwabyo, bikurikiye ibindi bibiri nabyo bitakolonijwe n'u Bwongereza biwubarizwamo, aribyo u Rwanda na Mozambique.

    Mu 2012 Perezida wa Gabon yagiriye uruzinduko mu Rwanda, atangaza ko ateganya guhindura ururimi rw'igihugu cye ku buryo gikoresha Icyongereza.

    Abakuru b'ibihugu kandi bemeje ko inama itaha ya CHOGM izabera muri Samoa.

    IVOMO:IGIHE

    Source : https://umuryango.rw/amakuru/mu-rwanda/article/gabon-na-togo-byemerewe-kuba-abanyamuryango-bashya-ba-commonwealth

  • Kenny Sol yahagurukije Minisitiri Munyangaju Aurore, Sherrie Silver afasha Tekno, Nasty C, Khaligraph, Neptune batanga ibyishimo #rwanda #RwOT

    Mu gitaramo cya ‘Choplife Kigali’, abahanzi baturuka hanze y’u Rwanda n’abakunzwe mu gihugu banyuze abakitabiriye bataha baseta ibirenge, Minisitiri Munyangaju anyurwa n’umuziki wa Kenny Sol.

    Ni igitaramo cyabaye kuri uyu wa Gatandatu tariki ya 25 Kamena 2022 kibera muri Kigali Arena, hari mu rwego rwo gususurutsa abanyarwanda n’abandi bitabiriye Inama y’Abakuru b’Ibihugu na za Guverinoma bihuriye mu Muryango w’Ibihugu bikoresha Ururimi rw’Icyongereza, CHOGM.

    Iyi nama yabereye mu Mujyi wa Kigali ku wa 20-26 Kamena 2022. Yitabiriwe n’abanyacyubahiro baturutse mu bihugu byose 54 by’ibinyamuryango bya Commonwealth.

    Iki gitaramo cyari cyahuje amazina akomeye mu muziki w’Afurika nka Dj Neptune, Tekno Miles, Fave bakomoka muri Nigeria, umuraperi Khaligraph wo muri Kenya ndetse na Nasty C wo muri Afurika y’Epfo.

    Aba bakaba biyongeraga ku banyarwanda bakunzwe nka Bruce Melodie, Afrique, Ariel Ways, Okkama na Kenny Sol.

    Dj Ira umwe mu bakobwa bamaze kwandika izina mu kuvanga vanga imiziki mu Rwanda, ni we wabanje ku rubyiniro asusurutsa abantu bari muri Kigali Arena nubwo bari bataraba benshi, yaje gukorerwa mu ngata na Dj Toxxyk na we wo mu Rwanda.

    Saa 20h zirengaho iminota mike nibwo umuhanzi wa mbere ari we Nsengimana Rukundo Christian uzwi nka Chriss Eazy yageze ku rubyiniro, uyu muhanzi ukunzwe cyane n’abiganjemo urubyiruko muri iyi minsi, yishimiwe cyane n’abari muri Kigali Arena mu ndirimbo ze zikunzwe nka ‘Amashu’, ‘Fasta’ ndetse n’Inana irimo kubica muri iyi minsi.

    Nyuma ye nibwo hakiriwe Dj Neptune wagombaga no kuyobora iki gitaramo aho buri nyuma ya buri muhanzi yafataga umwanya agasusurutsa abari muri Arena, yasabye abari muri Kigali Arena kumwereka ko bamwishimiye, aho bacanye amatoroshi ya telefoni za bo.

    Yahise aha umwanya Dj Toxxyk ngo asusurutse abitabiriye igitaramo avanga vanga imiziki.

    Saa 21h zibura iminota mike nibwo hakiriwe umuhanzi wa kabiri ari we Okkama, yaririmbye indirimbo zirimo “Puculi” yatangiriyeho. Yayikurikije izindi zirimo 'No”, asoreza ku yakunzwe mu ze yitwa 'Iyallah'.

    Dj Neptune yagarutse ku rubyiniro maze afatanya n’abakunzi b’umuziki we gutanga ibyishimo aho yacuranze indirimbo zitandukanye.

    Uyu mugabo uzwi no mu gutunganya indirimbo wamenyekanye nko; “1,2,3” yakoranye na M.I, Naeto C na Da Grin, “Skoobi Doo” yahuriyemo na General Pype, Lynxxx na Jesse Jagz , “So Nice” yakoranye na Davido na Del B.

    Hari kandi “Baddest” yakoranye na Olamide, BOJ na Stonebwoy, “Marry” yakoranye na Mr Eazi, “Wait” yahuriyemo na Kizz Daniel n’izindi, yishimiye uburyo abanyarwanda bamwakiriye.

    Umuhanzi Nyarwanda ukunzwe cyane muri iyi minsi mu ndirimbo z’urukundo Afrique, ni we wari utahiwe, yishimiwe cyane n’abiganjemo igitsina gore.

    Yamenyekanye mu ndirimbo zirimo 'Agatunda’ yatumye amenyekana cyane, ‘Spy’, ‘Don’t’, 'Rompe’, ‘Robine’.

    Saa 21h30′, FAVE ukomoka muri Nigeria yageze ku rubyiniro. Mu maso ya bamwe yabonekaga nk’aho ari mushya ariko hari abandi bagendanaga na we mu kuririmba indirimbo ze zitandukanye zirimo 'Mr Man', 'Beautiful” na “My baby.”

    Hakurikiyeho Ariel Ways winjiriye ku ndirimbo ye nshya ‘Good Luck’, yakiranywe urugwiro rwinshi, yaririmbye izirimo 'La Vida Loca' na 'Chamber”.

    Umuhanzi Kenny Sol ni we wari utahiwe aho yinjiriye ku ndirimbo ye yakunzwe ‘Haso’, yahagurikije benshi barimo na Minisitiri wa Siporo, Munyangaju Aurore Mimosa na we wafatanyije n’abandi kuyiririmba, Kenny Sol kandi yaririmbye indirimbo ze zirimo na ‘Joli’.

    Hari kakurikiyeho izamu ry’umuraperi Nasty C ukomoka muri Afurika y’Epfo, yageze ku rubyiniro saa 22h zirenga, yakiranywe urugwiro rwinshi cyane, indirimbo zose yaririmbye yafatanyije n’abakunzi be.

    Yishimiwe cyane mu ndirimbo 'Said' yakoranye na Runtown, 'Particula' yahuriyemo n’abarimo Major Lazer, DJ Maphorisa, Ice Prince, Patoranking na Jidenna. Indirimbo enye yaririmbye zose yishimiwe ku rwego rwo hejuru.

    Yakurikiwe n’umuraperi Nyarwanda benshi bita Nyiri Kigali Arena kubera amateka ahakorera, ni Bushali no kuri iyi nshuro ni ko byagenze kuko yakiranywe urugwiro rudasanzwe.

    Yahereye ku ndirimbo yakoranye n’abandi bahanzi 'Kamwe', akurikizaho 'Agasima', 'Kurura' iyi yahamagaye Juno Kizigenza baheruka kuyikorana bafatanya kuyiririmba, 'Umwana w’umwirabura' yasoje aririmba agace gato iyo yise 'Ni Tuebue'.

    Hari hatahiwe umuraperi wo muri Kenya, Khaligraph wakiranywe urusaku rwinshi kubera uburyo yari yishimiwe.

    Uyu mugabo w’imyaka 32, yahereye ku ndirimbo yise 'Yego', 'Champagne', 'Sifu bwana' yakoranye na Nyashinski, 'Sawa Sawa' yakoranye na Bruce Melodie wanahise amusanga ku rubyiniro n’izindi.

    Urubyiniro rwahise rusigaranwa na Bruce Melodie, umwe mu bahanzi bakunzwe cyane mu Rwanda bitewe n’imyandikire y’indirimbo ze, yeretswe urukundo rukomeye n’abari muri Kigali Arena.

    Melodie yaririmbye indirimbo zirimo 'Kungola' yakoranye na Sunny, 'Saa Moya', 'Katapila', 'Bado', 'Henzapu' n’izindi, kuva ku ndirimbo ya mbere kugeza ku ya nyuma
    baririmbanaga na we.

    Umuhanzi w’uminsi wari utegerejwe na benshi bari muri Kigali Arena ni Tekno, yahamagawe saa 23:40′, induru yanise ivuzwa muri Arena ibintu bihindura isura.

    Yinjiriye ku ndirimbo ye 'Pana', yafashijwe n’ababyinnyi barimo Sherrie Silver na Higa Sharon umenyerewe mu ruganda rw’imyidagaduro mu Rwanda.

    Tekno Miles yaririmbye indirimbo zitandukanye zirimo 'Go', 'Diana', 'Skeletum' na 'Rara', yavuye ku rubyiniro abantu batabishaka.

    DJ Neptune yatanze ibyishimo

    Yatunguranye yambara umupira wa Visit Rwanda

    Chris Eazy yatanze ibyishimo bikomeye

    Umuhanzikazi Ariel Ways ku rubyiniro

    Umuhanzikazi ukomoka muri Nigeria, Fave

    Kenny Sol na Dj Neptune

    Umuraperi Khaligraph hagati mu bafana

    Nasty C na we ni umuhanzi werekanye akomeye ndetse yanishimiwe cyane

    Tekno yatanze ibyishimo bisesuye ku banyabirori bari muri Kigali Arena

    Source : http://isimbi.rw/imyidagaduro/article/kenny-sol-yahagurukije-minisitiri-munyangaju-aurore-sherrie-silver-afasha-tekno-nasty-c-khaligraph-neptune-batanga-ibyishimo

  • Eric Gisa Rwigema (Junior), Umuhungu wa Gen Major Fred Rwigema ari Kigali mu Rwanda #rwanda #RwOT

    Amezi hafi 10 Perezida Kagame yifuje ko uyu muhungu Eric Gisa Rwigema wa Nyakwigendera, intwari y'Igihugu Gen Major Fred Gisa Rwigema ataha mu Rwanda, akareka kuba hanze yarwo. Yabisabye ku mugaragaro ubwo yatahaga ubukwe bwa Teta Gisa Rwigema bwabaye mu kwezi kwa 11 umwaka ushize wa 2021. Hari amakuru yemeza ko uyu muhungu amaze iminsi ari i Kigali.

    Amakuru y'uko Eric Gisa Rwigema (Junior), Umuhungu wa Gen Major Fred Gisa Rwigema ari mu Rwanda, nta rwego na rumwe rwa Leta y'u Rwanda rurayatangaza nkuko ikinyamakuru intego dukesha iyi nkuru kibivuga.

    Gusa, kuba nta rwego rw'ubutegetsi bw'u Rwanda rurabitangza, ntabwo bisobanuye ko atari ukuri kuko iki kinyamakuru kivuga ko hari amakuru gikesha umwe mu babonanye n'uyu muhungu, ahamya ko ari I Kigali ndetse ahamaze iminsi.

    Uwatanze aya makuru, yemeza ko uyu musore yageze i Kigali mu Rwanda nyuma gato y'urugendo rwa Gen Muhoozi Kainerugaba, umugaba mukuru w'ingabo zirwanira ku butaka za Uganda, akaba n'umuhungu wa Perezida Museveni ubwo aheruka i Kigali.

    Igihugu cya Uganda cyagiye gishyirwa mu majwi cyane n'ubutegetsi bw'u Rwanda ku kugira uruhare mu gutuma Eric Gisa Rwigema (Junior), adataha mu Rwanda.

    Mu bukwe bw'umukobwa wa Gen Major Fred Gisa Rwigema, Teta Gisa Rwigema, akaba na mushiki wa Eric Gisa Rwigema, bwabaye mu kwezi k'Ugushyingo 2021, Perezida Kagame yatumye umubyeyi w'aba bana bombi, gusaba uyu musore gutaha kuko atifuzaga ko aba hanze y'Igihugu se yaharaniye ko kigira amahoro.

    Mu ijambo rya Perezida Kagame wari muri ubu bukwe, yagize ati' Teta ndagutuma, ndibutume Jeannette (umugore wa Rwigema) ndetse ndi butume na nyogokuru. Hano ntabwo nabonye umuhungu wa Gisa, ngira ngo ntabwo yashoboye gutaha ubu bukwe, mu mumbwirire ko yari akwiye kuba ari hano. Akwiye kuba ari mu gihugu se n'abandi twese twaharaniye tukaba twarakibonye. Mu mumpere ubutumwa, sinshaka ko umuhungu wa Fred yaba hanze cyangwa yaba impunzi.'

    Perezida Kagame ubwo yasabaga uyu muhungu gutaha, yavuze ko ava aho atuye akaza mu gihugu cy'abaturanyi agasubirayo atageze mu Rwanda, n'ubwo igihugu cy'abaturanyi atakivuze mu buryo bweruye, benshi bahurije ku gihugu cya Uganda cyane ko ari cyo bivugwa ko yageragamo ntagere I Rwanda.

    Uwahaye amakuru ikinyamakuru intego, akaba yemeza ko yabonanye na Eric Gisa Rwigema I Kigali ariko utashatse ko amazina ye atangazwa, yagize ati' Arahari nibyo, ahamaze iminsi n'ubwo ntazi italiki nyakuri yagereyeho i Kigali, yabaga muri Amerika ntacyo yakoraga kizwi birashoboka cyane ko yaguma hano agakorera igihugu cye.'

    Aya makuru yo gutahuka mu Rwanda kwe, aje nyuma gato y'uko mushiki we Teta Gisa Rwigema, agizwe umuyobozi ushinzwe umuryango wa Afurika yunze ubumwe (African union desk) muri minisiteri y'ububanyi n'amahanga.

    Hari ababona ko kuba Eric Gisa Rwigema (Junior) yataha mu Rwanda cyaba ari ikindi gitego ubutegetsi bw'u Rwanda butsinze ababurwanya kuko byigeze kuvugwa kenshi ko yegerewe n'abarwanya ubutegetsi bw'u Rwanda bamusaba kuba yaba umwe muribo ndetse ngo akaba yaranabishishikarijwe na kimwe mu bihugu byari bifitanye ibibazo n'u Rwanda mu minsi ishize, ariko ibyo bibazo bikaba bisa n'ibyavugutiwe umuti kuko birimo guhinduka ibisubizo.

    intyoza

    Source : https://www.intyoza.com/eric-gisa-rwigema-junior-umuhungu-wa-gen-major-fred-rwigema-ari-kigali-mu-rwanda/

  • Umuhungu wa Bucyibaruta ati 'Mama ni Umututsikazi […] Papa nta ruhare yagize muri Jenoside' #rwanda #RwOT

    Fidèle Uwizeye, umwe mu bahungu ba Laurent Bucyibaruta ufite imyaka 48 y'amavuko, yatanze ubuhamya mu rubanza rwa Se, avuga ko yahoranye umutima mwiza agahamya ko nta ruhare yagize muri jenoside kandi ko yakundaga Abatutsi ndetse ngo na Nyina ni Umututsikazi, agasanga ibyo umubyeyi we ashinjwa ari ibinyoma dore ko ngo nawe yahigwaga ashinjwa kuba ikitso.

    Yatangiye avuga ati 'Twavukanaga turi abana umunani, abahungu barindwi n'umukobwa umwe, abahungu babiri biciwe mu ntambara yo muri Zaire. Mbere yo kwerekeza muri Zaire twaraye nk'iminsi ibiri cyangwa itatu i Cyangugu sinibuka neza.'

    Yakomeje ati 'Muri Zaire inkambi twarimo yaratewe muri 1996 tuburana na mukuru wacu wari watwaye abihayimana i Bukavu ntabwo twigeze tumenya ibye n'aho yaguye ariko dukeka ko ari Tingitingi. Twese uko twavukanaga nta muntu wigeze aba umusirikare. Mushiki wacu icyo gihe cya jenoside yabaga i Liege n'umugabo we wari umusirikare. uwo mushiki wacu ntiyigeze asubira mu Rwanda. Uwo nakurikiraga mu nkambi muri Zaire ntitwari kumwe ntabwo nzi uko byamugendekeye.'

    Urukiko: Maman wanyu ni umututsi?

    Uwizeye: yego.

     'Simbizi' yiganje mu bisubizo byatanzwe na Uwizeye

    Urukiko: Famille ye yarishwe?

    Uwizeye: Yego. Hari musaza we wabaga i Bugande, nyuma ya genoside yaje iwacu mu rugo, ahaba iminsi, nyuma asubira iwabo i ibyumba twe twabaga i kibungo.Yaje muri 1990. Babwiraga ko hari ba marume bacu baba i bugande ariko nibwo bwa mbere nari naramubonye, bari barahunze muri 1959. Bahunze kuko bari abatutsi.

    Urukiko: Byamugendekeye bite ubu ari he?

    Uwizeye: Simbizi nta makuru ye namenye nyuma ya genoside.

    Urukiko: Baramu ba papa wawe bajya bavugana?

    Uwizeye: Simbizi.

    Urukiko: Ubu aba he?

    Uwizeye: Nzi ko yagiye iwabo, ariko sinzi uko byagenze, gusa niba akiriho ari mu Rwanda.

    Urukiko: Ntuzi amakuru ye?

    Uwizeye: Oya.

    Urukiko: Maman wawe afite abandi bavukana?

    Uwizeye: Yego ariko babiri barapfuye muri genoside.

    Urukiko: Revelien uramuzi?

    Uwizeye:  Oya.

    Urukiko: Papa wawe yigeze kuvuga musaza wa maman wawe witwa atyo?

    Uwizeye: Wenda twamwitaga oncle ariko ntazi izina rye.

    Urukiko: Mujya muvuga kuri basaza ba maman wawe bishwe?

    Uwizeye: Oya ntitujya tubivuga ariko jyewe birambabaza cyane mpitamo kutabyumva cyane.

    Urukiko: Basaza ba maman wawe babiri bishwe bari bafite abana?

    Uwizeye: Simbizi na gato

    Urukiko: Mufite aba babyara banyu bishwe bishwe?

    Uwizeye: Yego.

    Urukiko: Bangahe?

    Uwizeye: Simbizi

    Urukiko: Ese waba ufite details z'ahantu hiciwe bene wabo wa maman wawe?

    Uwizeye: Oya niwe wabimenya kuko tariki  6 Mata yari yaragiye gushyingura.

    Urukiko: Gushyingura nde?

    Uwizeye: Simizi

    Urukiko: Wari he wowe?

    Uwizeye: Gikongoro, ni mama wajyanye na mukuru wanjye Modeste

    Urukiko: Kuki ari Modeste wagiye?

    Uwizeye:  Niko ababyeyi babishatse.

    Urukiko: Bashyiguraga he?
    Uwizeye: I Byumba.

    Urukiko: Haberaga imirwano?

    Uwizeye: Ariko ntibari ku mupaka neza. hari kiziguro.

    Urukiko: Waba uzi ko nyuma yagiye i kibungo?

    Uwizeye: Niho uca ujya i byumba. Ni iki cyabaye ageze i byumba?

    Uwizeye: Bukeye batangiye kwica bahungira i rwamagana kuko habaga tante w'umubikira, niho bahungiye, kugera atashye

    Urukiko: Uwo mubikira avukana na maman wawe?

    Uwizeye: Yego.

    Urukiko:Ni iki uzi cyabaye byumba, Rwamagana?

    Uwizeye: Nzi ko babashije kugera i rwamagana bakahihisha, baza gutaha ariko ibyababayeyo simbizi.

    Urukiko: Urwo rugendo rwabagendeyekeye rute?

    Uwizeye:  Baciye indangamuntu zabo kuko zariho tutsi, ariko kuko hari aba gendarmes bari kumwe nabo, ubanza ariyo mpamvu babashije guca kuri bariyeri. Ubanza ari papa wohereje aba gendarme ngo bajye kubareba. Bagiye i rwamagana mu kibikira kugere tariki 19 mata, ariko tariki 11 prefet wa kibungo yajyanye Modeste i Kigali. Prefet wamutwaye yitwa Godfroid.

    Urukiko: Waba uzi uko byagendekeye uwo prefet?

    Uwizeye: Numvise ko yishwe.

    Urukiko: wowe icyo gihe wari he?

    Uwizeye: Nari mu rugo.

    Urukiko: Maman wawe ahageze n'abo bari kumwe, yari ameze ate? Uwizeye: Bari bafite ubwoba ntiyanavugaga, no kurya byari byanze, ariko nyuma ntabwo twabivuzeho cyane twashimishijwe n'uko ahageze. jyewe rwose sinashatse kumenya byinshi.

    Urukiko: Wabonaga yahungabanye?

    Uwizeye: Yego kugera uyu munsi.

    Urukiko: Ubuzima bwakomeje gute na maman wanyu, nyogokuru na nyoko wanyu?

    Uwizeye: Bwagenze neza kuko bo ntibasohokaga, hari ibihuha ko duhishe abatutsi bahoraga bashaka kudutera.

    Urukiko: Papa wawe wigeze wumva avuga ko ari gutanga ubutumwa ko ubwicanyi bwarangiye, abatutsi bashatse bakwigaragazako amahoro yaje?

    Uwizeye:  Yego narabyumvaga abivuga.

    Urukiko: Maman wawe se yarasohokaga icyo gihe cy'amahoro?

    Uwizeye: Oya yagumye mu nzu.

    Urukiko: Katabarwa byagenze bite?

    Uwizeye: Yagumye mu rugo, nyuma asaba ko ajya kureba umuryango we tumugeza ku muryango anyura mu mirima, atubwira kumureka akijyana anyura mu mirima aragenda.

    Urukiko: uribuka ngo hari ryari?

    Uwizeye: Sinibuka neza ariko ni nyuma yo kwica i murambi, ariko ubanza operation turquoise yari yaraje.

    Urukiko: Yarakoraga se?

    Uwizeye: Oya yari acyihishe.

    Urukiko: Kandi papa wawe yari yatanze ubutumwa bw' amahoro yari acyihishe iki katabarwa? (umwuganizi ahise ahaguruka avuga ko iyo message itabuzaga kwica abatutsi.

    Urukiko: Amahoro bivuze iki?

    Umwunganizi: president wihindura ubutumwa…

    Urukiko: Icyo mfashe aha ni uko katabarwa yavuye kwa bucyibaruta nyuma yo kwica murambi?

    Uwizeye: Yego yagumye igihe kinini mu rugo kuko bahageze bucya bica murambi, ahava nyuma y' ibyumweru.

    Perezida: Ibyumweru?

    Uwizeye: Yego kugeza abafaransa baje.

    Urukiko: Maman wawe we yavuze ko umushoferi yagumye iwanyu iminsi 3 gusa. kuko hari abantu bavugaga ko prefet ahishe abatutsi, ahita abwira umu shoferi ngo ahunge, ajye ahantu hizewe. Wewo uti yahavuye abafaransa baje, maman wawe ati yahamaze iminsi gusa, ukuri kuri he?  Watubwira niba hari abandi bantu bahungiye iwanyu?

    Uwizeye: Hari abazaga kurya bakagenda, abandi bakaza n'imodoka bakagenda, hacaga abantu baza kubaza uko bahunga bakagenda.

    Urukiko: Bari bande?

    Uwizeye: Babaga ari abantu baziranye na papa.

    Urukiko: Ese babaga ari abatutsi, abahutu bahunga FPR?

    Uwizeye: Bari bavanze abahutu n'abatutsi. Iyo bavugaga uko baciye kuri bariyeri numvaga ari abatutsi.

    Urukiko: Hari abahabaga?

    Uwizeye: Nshunguyinka Francois wabaye senateur mu rwanda, nawe yabaye prefet, muri 94 ubanza yari sous prefet, yaciye mu rugo ahunga n'abana be. Nigaga i gitarama muri ecole des langues ariko vacances zabayemo genoside nari gikongoro.

    Urukiko:  Wigaga muwa kangahe?

    Uwizeye: Nigaga muwa gatatu nigaga indimi. Mbere yo kwiga gitarama nigaga CEPR gikongoro.

    Urukiko: Mukamunana Chantal wari umuzi?

    Uwizeye: Oya na papa yaramumbajije ntawe nzi.

    Urukiko: Yatanze ubuhamya hano avuga ko yakubonye kuri bariyeri?

    Uwizeye: Arabeshya sinigeze njya kuri bariyeri, nanjye nari narahigwaga.

    Urukiko:Wahigwaga gute?

    Uwizeye: Bavugaga ko papa ari icyitso, ko ahishe abatutsi.

    Urukiko: Ni bande babivugaga?

    Uwizeye: yaravugwaga hose

    Urukiko: Kuri wowe papa wawe ni muntu ki?

    Uwizeye: Njye navuga ko abantu bose bamuzi ni umuntu utarigeze arangwaho ivangura na gato  yafataga abantu bose kimwe.

    Urukiko: Ese mwamenye ko habaye ibitero nka Murambi?

    Uwizeye: Yego twarabyumvise papa abaza n'abajandarume bamubwira ko hari abajandarume bagabye yo igitero. Njye nahise numva ibyo ari byo kuko nari nzi ko hariyo impunzi.

    Urukiko: Ese wamenye ko hari n'ahandi abantu bagiye bicwa?

    Uwizeye:  Yego nagiye mbyumva ariko mu rugo ntabwo twabivugagaho.

    Urukiko: Iwanyu mwumvaga radio?

    Uwizeye:  Yego twumvaga radio Rwanda ni naho twumviye ko perezida Habyarimana yishwe. twumvaga na radio ya FPR tukumva na radio ya RTLM yo wumvaga yitiranya abatutsi na FPR.

    Urukiko: Ese hari ubwo mwigeze muvugana na papa wanyu kuri ibyo biganiro?

    Uwizeye: Oya ntabwo twigeze tubiganiraho.

    Urukiko: Mumaze guhunga mukagera i Bukavu mwakomeje kuba hamwe?

    Uwizeye: Yego urebye twakomeje kubana ahantu hamwe mu buzima bugoranye cyane no kwambuka umupaka ubwabyo byari bigoranye nyuma ubuzima nabwo bukomeza kugorana. twamaranye nk'imyaka ibiri twese turi mu nkambi imwe uretse uwitwa Modeste wari umuseminari wari waragiye ahandi n'abandi baseminari

    Urukiko: Watubwira uko mama wawe abayeho hano mu Bufaransa?

    Uwizeye: Abayeho nabi cyane, amaze igihe afite ubumuga ibyo bikaza byiyongera ku kuba papa arimo kuregwa ibintu bikomeye bya jenoside atigeze agiramo uruhare, byaramuhungabanyije cyane kuko ntaho bihuriye n'ukuri. Nkanjye ndi ku Gikongoro niyumviye ubwanjye abantu bijujuta bavuga ngo perefe ni we watumye batica abantu bose ngo babarangize. tugeze hanze muri Congo hari n'abagiye bashaka kudutera inshuro nyinshi, ibyo rero ni byo byagiye bihungabanya mama.

    Uwizeye: Ubwo ni ukuvuga ko iyo perefe Bucyibaruta atahaba haba harapfuye abantu benshi kurushaho ku Gikongoro?

    Uwizeye: Yego.

    Urukiko: Hari icyo wongeraho?

    Uwizeye: Icyo nongeraho nuko natwe ubwacu twagizweho ingaruka na jenoside . Ikimbabaza kurushaho nukubona papa aregwa ibintu atigeze akora kandi yarakoze uko ashoboye ahubwo ngo arengere abantu, mbona abantu bamufata nk'uwangaga abatutsi kandi atari byo ahubwo yarabanye na bo igihe cyose .

    Birababaza cyane kumva bamushinja ubugome atigeze agira, papa ntiyigeze aba umugome hari n'abantu benshi ndetse bagiye baza iwacu bakarya bakagenda bagasubira kwihisha abandi bagiye bahacumbika nta kibazo na kimwe. Iyo papa aba yanga abatutsi ntabwo aba yaragiye abakira ni umuntu wahoranye umutima mwiza.

    Laurent Bucyibaruta w'imyaka 78, yavukiye mu cyahoze ari Komini Musange mu 1944, yabaye Burugumesitiri, aba superefe, aba Perefe wa Kibungo 1985-1992. Yabaye Perefe wa Gikongoro (1992- 1994), yari kandi  n'umuyobozi wa komite ya perefegitura y'urubyiruko rw'Interahamwe.

    Ibyaha bya jenoside ashinjwa bivugwa ko yabikoreye ku Kiliziya ya Mbuga, ku ishuli rya Murambi, Kiliziya ya Cyanika n'iya Kaduha, kuri Gereza ya Gikongoro hamwe na Ecole des filles de Kibeho.

     Yanditswe na Emma-Marie Umurerwa

     

     

    The post Umuhungu wa Bucyibaruta ati 'Mama ni Umututsikazi […] Papa nta ruhare yagize muri Jenoside' appeared first on IRIBA NEWS.

    Source : https://iribanews.rw/2022/06/20/umuhungu-wa-bucyibaruta-ati-mama-ni-umututsikazi-papa-nta-ruhare-yagize-muri-jenoside/

  • RDC ntizitabira Inama y'Abayobozi b'Inteko zo muri OIF izabera i Kigali – #rwanda #RwOT

    Iki cyemezo cyatangajwe na Visi Perezida w'Inteko Ishinga Amategeko muri RDC, Prof. André Mbata, ubwo yari mu bikorwa bitegura iyi nama izwi nka APF, yabereye i Rabat muri Maroc ku wa 23-24 Kamena 2022.

    Ubwo hasozwaga Inama Rusange y'Inteko zishinzwe Amategeko mu Karere ka Afurika, Prof. André Mbata, yavuze ko cyafashwe kubera imyitwarire y'u Rwanda avuga ko ruteza umutekano muke mu Burasirazuba bwa RDC ndetse rugatera inkunga Umutwe wa M23.

    Kuva imirwano hagati ya M23 na FARDC yatangira, u Rwanda rwakunze gushimangira ko nta ruhare na ruto ruyifitemo ndetse ko nta n'ubufasha ruha uyu mutwe.

    Itangazo ry'Inteko Ishinga Amategeko rivuga ko 'Imbere y'Abadepite b'ibihugu bya Afurika bivuga Igifaransa, Prof André Mbata, yagaragaje ko Guverinoma ya RDC yahagaritse amasezerano yose yari ifitanye n'u Rwanda, itazitabira Inama ya 47 ya APF mu Karere ka Afurika iteganyijwe kubera i Kigali ku wa 5-9 Nyakanga 2022.''

    Rikomeza rivuga ko u Rwanda ngo rukomeza kwenderanya kuri RDC no kwigarurira bimwe mu bice byayo binyuze mu mitwe y'iterabwoba nka M23.

    Kuva intambara yakongera kurota hagati ya M23 n'Ingabo za Leta, FARDC, aba barwanyi bamaze gufata uduce dutandukanye turimo n'Umujyi wa Bunagana, uri ku mupaka uhuza iki gihugu na Uganda.

    U Rwanda rugiye kwakira iyi nama nyuma y'uko mu mwaka ushize rwakiriye Inama ya 12 y'Abaperezida b'Inteko z'ibihugu byo muri OIF mu Karere ka Afurika. Yaganiriwemo ingingo zirimo n'uko ubuzima buhagaze mu gihe cy'icyorezo cya Covid-19.

    Inama yitabiriwe n'abantu bagera kuri 90 barimo Abaperezida b'Inteko Zishinga Amategeko, abagize Inteko Zishinga Amategeko n'abandi, yateraniye mu Rwanda ku wa 25-28 Gicurasi 2021.

    Inteko Ishinga Amategeko y'Ibihugu Bikoresha Ururimi rw'Igifaransa (APF) ni ihuriro ngishwanama rya Francophonie rigizwe n'abanyamuryango 90 barimo inteko n'imiryango ikorana na zo isangiye ururimi rw'Igifaransa.

    Igira uruhare mu guteza imbere amahame ya demokarasi, ubutabera n'uburenganzira bwa muntu mu bihugu binyamuryango. Hari kandi ibijyanye no kwimakaza imikoreshereze y'Igifaransa no guteza imbere urunyurane rw'imico itandukanye. Ni n'urubuga rwo guhanahana ibitekerezo, ibyifuzo no guhererekanya amakuru ku bifitiye inyungu abanyamuryango bayo.

    Perezida w’Inteko Ishinga Amategeko ya RDC, Christophe Mboso N’Kodia Pwanga, ntazitabira inama iteganyijwe kubera mu Mujyi wa Kigali

    Source : http://igihe.com/amakuru/u-rwanda/article/rdc-ntizitabira-inama-y-abayobozi-b-inteko-zo-muri-oif-izabera-i-kigali