Blog

Uyu mushoramari yibwe miliyoni 15 Frw, gusa ubwo RIB yafataga umusore wayatwaye yasanze asigaranye 14,034,000 Frw.

Ubwo RIB yamwerekaga itangazamakuru kuri uyu wa mbere tariki 1 Kanama 2022, yavuze ko aya mafaranga yibwe ku wa 22 Nyakanga 2022.

RIB ivuga ko uwo mushoramari yasize igikapu gito mu modoka kirimo amafaranga, agarutse asanga umushoferi yayajyanye.

Yahise atanga ikirego kuri RIB, itangira iperereza, uwayibye afatirwa ku mupaka wa Gatuna.

Umuvugizi wa RIB, Dr Murangira B. Thierry, yavuze ko mu birego bakira, amafaranga menshi yagiye yibwa usanga ari ayo abantu babaga bafite mu rugo cyangwa mu modoka, abandi bakabacunga bakayiba.

Ati “Nk'uyunguyu mubonye umaze gusubizwa amafaranga ye, yibwe miliyoni 15 Frw, ariko ubu hagarujwe izirenga miliyoni 14 Frw, nyuma y'aho atanze ikirego. Uwayamwibye yari umushoferi we, aho yabonye sebuja atwaye miliyoni 15 Frw mu gikapu, bayamarana umwanya munini, undi rero afatwa na bya bishuko arayiba, aza gufatwa yamaze kuyaguramo inzu, ndetse n'abayimugurishije bagiye babivuga.”

“Yarakurikiranywe rero arafatwa, yari yagerageje no gushaka gutoroka ariko arafatwa agarurwa mu gihugu, ubungubu agiye gukurikiranwa n'inzego z;ubutabera.”

Dr Murangira avuga ko hari n'izindi miliyoni zisaga 56 Frw zibwe mu minsi ishize, ziragaruzwa.

Icyo gihe ni umucuruzi yibwe $56,000 n'umukozi wo mu rugo, aza kugaruzwa hasigaye miliyoni zisaga 42 Frw.

Uwasubijwe ayo mafaranga yagize ati “Nari maze imyaka irenga irindwi mbana n'abakozi, mbafata nk'aho ari abana tuvukana, mbafata neza bishoboka, ariko baje kubona amafaranga mu rugo, barayatwara. Nahise nihutira kubimenyesha RIB, uyu munsi nkaba nishimye birenze kubona ashoboye kuboneka.”

Ayo mafaranga ngo yari ayafite mu rugo, ariko kubera ingorane z'ingendo mu nama ya CHOGM, aravuga ngo azayabitsa nk'ejo, bayamutwara ubwo.

Dr Murangira yagiriye abantu inama zo “kwirinda gutwara amafaranga mu ntoki”, ahubwo bagakoresha uburyo bw'ikoranabuhanga banki zashyizeho.

Yakomeje ati “Tukaba dusaba ko abantu bakwitabira uburyo bwo guhererekanya amafaranga banki ziba zarashyizeho, amafaranga ava kuri konti imwe ajya kuyindi, no kwirinda kubika amafaranga angana kuriya. Kenshi urasanga barimo kuyibwa n'abakozi babo cyangwa abandi bantu bakoresha mu buryo bumwe cyangwa ubundi.”

Kubika amafaraga mu rugo ngo ni ukuyashyira mu byago, no kongerera ibigeragezo abayabona.

Umushoramari na we yashimiye Urwego rw'ubugenzacyaha uburyo rwabafashije muri ikibazo, ndetse n'uko rufasha abantu barugana, by'umwihariko abanyamahanga.

RIB yihanangirije abishora mu byaha kubireka, kuko inzego za leta ndetse n'ubufatanye bw'abaturage batazabyihanganira, kandi banakwiye kubyirinda kuko bibaviramo gufungwa.

---

Source : http://igihe.com/amakuru/u-rwanda/article/rib-yasubije-umushinwakazi-miliyoni-zisaga-14-frw-yibwe

Ubwato bwa mbere butwaye ibinyampeke bwahagurutse ku cyambu cya Ukraine hashingiwe ku masezerano y'akataraboneka n'Uburusiya. Ni nyuma y'igihe intambara yarahagaritse byose. Abategetsi ba Turkia na Ukraine bavuze ko ubwo bwato bwavuye ku cyambu cya Odesa kare mu gitondo kuri uyu wa mbere.

Kuva mu kwezi kwa kabiri, Uburusiya bwari bwugarije icyo cyambu cya Ukraine, ariko izo mpande ebyiri zarumvikanye zigera ku masezerano yo kureka ubwato butwaye ibinyampeke bukagenda.

Byitezwe ko ayo masezerano azatuma ibiribwa byongera kuboneka ku Isi, anagabanure igiciro cy'ibinyampeke.

Turkia yavuze ko ubwo bwato buriho idarapo rya Sierra Leone, bwitwa Razoni, bushobora kugera ku cyambu cya Tripoli muri Libani, yongeraho ko hari n'ubundi bwato butegerejwe guhaguruka mu byumweru biri imbere.

Ikigo cyo kugenzura icyo gikorwa gihuriweho n'impande zose, cyashinzwe hisunzwe ayo masezerano i Istanbul, cyavuze ko ubwo bwato butwaye amatoni 26.000 y'ibigori, bikaba byitezwe ko bushyika mu mazi ya Turkia kugira ngo bugenzurwe ku munsi wa kabiri.

Umunyamabanga mukuru wa Onu Antonio Guterres yakiranye akanyamuneza iryo haguruka ry'ubwo bwato anashimagiza Turkia ku ruhare yagize mu ishyirwa mu bikorwa ry'ayo masezerano.

Minisitiri wa Ukraine ufite mu nshingano ibijyanye n' inyubako, Alexander Kubrakov yanditse kuri Facebook ati: 'Uyu munsi Ukraine, turi kumwe n'abo dukorana, twagize iyindi ntambwe mu gukinga inzara ku Isi. Ifungurwa ry'ibyambu rizatuma haboneka miriyari imwe avuye mu guhanahana ibicuruzwa hamwe n'uburyo bwiza mu ishami ry'ubuhinzi mu kwitegura umwaka uza.'

Mu gihe ubwo bwato bwera bwa Ruzoni bugaragara mu mazi y'inyanja y'umukara yuzuyemo amamine byerekana intambwe ishimishije, icyo gikorwa kitezwe kumara igihe kirekire kugira ngo kigirire akamaro ubutunzi bwa Ukraine bubangamiwe cyane no kugira abantu ama miliyoni bageramiwe n'inzara ku isi bacyungukiremo.

Ariko Kubrakov, nkuko BBC dukesha iyi nkuru ibitangaza, yavuze ko ayandi mato 16 ategereje guhaguruka ku byambu byo mu karere ka Odesa mu byumweru biri imbere.

Amasezerano yo mu kwezi gushize, yahagarikiwe na ONU hamwe na Turkia — yafashe amezi abiri kugira ngo agerweho bikaba byitezwe ko amara imisi 120. Ashobora kongerwa igihe mu gihe impande zose zabihurizaho.

intyoza

Source : https://www.intyoza.com/ubwato-bwa-mbere-bwikoreye-ibinyampeke-bwahagurutse-muri-ukraine/

Abongerezakazi baraye batwaye igikombe cya Euro ntibigeze baryama kuko baraye babyina bishimira intsinzi yabo y'amateka bakuye ku badagekazi nyuma yo kubatsinda ibitego 2-1 mu mukino wamaze iminota 120.

Nkuko bitangazwa n'ibinyamakuru by'iwabo,aba bagore baraye ijoro ryose banywa champagne na cocktail ndetse ngo ibi birori byagejeje saa kumi za mu gitondo.

Nyuma y'imyaka 56 nta gikombe mpuzamahanga gitaha mu Bwongereza,aba bakobwa bakinnye umupira mwiza mu irushanwa ryose rya Euro ryabereye iwabo,babyinnye karahava kuva umukino urangiye hafi saa tatu z'ijoro kugeza saa kumi za mugitondo.

Lionesses batsinze Ubudage mu minota 30 y'inyongera babifashijwemo n'umukobwa winjiye mu kibuga asimbuye Chloe Kelly cyane ko iminota 90 yari yarangiye ari igitego 1-1.

Ella Toone yari yafunguye amazamu ku munota wa 62 ariko iki gitego cyishyurwa na Lina Magull ku munota wa 79, ariko igihugu cyakiriye ni cyo cyarangije irushanwa cyishimye cyane.

Source : https://yegob.rw/biravugwa-ko-abongerezakazi-bashobora-kuba-batinganye-nyuma-yo-gutwara-igikombe-cya-euro-amafoto/

Ku mugoroba washize nahawe amakuru n'umukobwa witwa Kellia, uyu akaba ari n'umuhanzikazi uherutse gusohora indirimbo yitwa “Mon Bebe”, asaba ko namuha numero ya Yvan Buravan.

Ibi yabikoze nyuma y'aho nari maze gushyira ubutumwa kuri sitati ya WhatsApp yanjye bwihanganisha Yvan Buravan, ntazuyaje mpita nyimuha bitewe n'uko muzi kandi musobanukiwe neza.

Nyuma yo kumuha numero, Kellia yahise ayihuza n’iyo yari afite asanga birahabanye cyane, maze ahita anyandikira ubutumwa bugira buti: ''Hari umuntu umaze iminsi anyandikira yigize Yvan Buravan”.

Mu kumubaza niba numero zihuye yahise anyoherereza iyo afite nsanga zidahuye na gato ananyereka sitati ze za WhatsApp [z’uwo wigira Yvan Buravan] aho aba ari gushimira abantu bamuhaye amafaranga barimo nk'uwitwa Guillin bigaragara ko yari amaze kuyamwoherereza.

Kuri izo sitati ze hari ahagaragara sitati z'umunyamakuru wa RBA, Lucky Nzeyimana, wari wifurije gukira Yvan Buravan, maze uwo muntu uri kwiyitirira Buravan arazitwaza yerekana ko bari kumwe abikora mu rwego rwo kurya amafaranga ya bandi.

Ubwo Kelia yatangiraga kunyandikira

Nakomeje kugira ikibazo bigera n'aho musaba akampa ubutumwa uwo muntu yoherereje inshuti ze, maze anyoherereza amashusho abivuga arimo n'ifoto ya Yvan Buravan aryamye (Ifoto itaragaragara ahantu na hamwe)

Uwo mukobwa w'inshuti ya Kelia yamubereye ibamba ntiyamwoherereza amafaranga. Uyu wiyise Yvan Buravan yakomeje gusaba uwo mukobwa kumwoherereza amafaranga akagura imbuto, ariko undi akomeza kumubera ibamba bitewe n'uko atiyumvishaga uburyo umuhanzi nka Buravan asaba imbuto.

Uyu mukobwa yakomeje kubwira uwiyise Yvan Buravan ko yamuhamagara akareba niba koko ariwe ubundi akamwoherereza amafaranga ariko uyu wiyise Yvan Buravan yanga ko bavugana.

Afite amakuru menshi ndetse n’amafoto ya Buravan mashya arayafite

Nyuma yo guhabwa ayo makuru yose nanjye natangiye kwikeka ko numero ya Buravan naba mfite atariyo yaba yarahinduye maze abo nyatse bose bakampa iyo nsanganywe mpita nsanga koko uyu ni uwamwiyitiriye.

Nagerageje gushaka amazina ye nifashishije numero ze nsanga zibaruwe kuri Freddy Blaise Mugisha, ako kanya ni nabwo nahise mfata umwanzuro wo gutangaza iyi nkuru.

Ukwezi kugiye kwirenga umuhanzi Yvan Buravan afashwe n'uburwayi ataramenya neza ariko bwamurembeje ndetse bunakomeje kumujujubya kugeza ubwo mu minsi ishize yagiye kubwivuriza muri Kenya.

InyaRwanda iherutse gutangaza amakuru avuga ko uyu muhanzi yari amaze iminsi avurirwa mu Bitaro bya Kaminuza by'i Kigali (CHUK), ariko abaganga babuze indwara. Kuwa Mbere tariki 18 Nyakanga 2022, Buravan yahagurutse ku Kibuga cy'Indege Mpuzamahanga cya Kigali, yerekeza muri Kenya.

Kuva Yvan Buravan yasohora indirimbo 'Big time' ntabwo yigeze agaragara ayimenyekanisha yaba mu bitangazamakuru n'ahandi.

Umukobwa yamubereye ibamba

Aha yifashishije ubutumwa bwa Lucky Nzeyimana amusabisha amafaranga

Yashimiraga uyu nyuma yo kumuha amafaranga

Source : https://inyarwanda.com/inkuru/119580/wanguriye-imbuto-umuntu-utaramenyekana-akomeje-gusahura-abantu-yitwaje-izina-rya-buravan-u-119580.html

Mu bigaragarira amaso Sandra Teta yari yakubiswe bikomeye kugeza aho no kureba bitari bigishobotse ahubwo hatangira kwibazwa impamvu yakubiswe bingana gutya, bamwe bakibaza bati ‘Ese abantu bo bari he’?.

Ubuzima bwa Sandra mu bigaragara amaso ya buri umwe buri mu kangaratete dore  ko kugeza ubu hasohotse andi mafoto ye afite ibikomere ndetse n’inkovu z'inkoni mu mugongo, akaba agaragara ahangayitse!.

Daniella Atim, umugore wa Jose Chameleone, abinyujije kuri konti ye ya instagram yashyize hanze andi mafoto agaragaza iyicarubozo, umuhanzi Weasel ahora akorera Sandra Teta babyaranye amusabira ubutabera.

Si ubwa mbere uyu mugore uba muri Leta Zunze Ubumwe za Amerika, agaragaza iyicarubozo Weasel akunda gukorera abagore, kuko n'umugore wa mbere Weasel yari afite ubwo yamukubitaga, uyu mugore nabwo yahagurutse akabishyira hanze.

Umubiri wose wa Teta wabaye ibikomere

Hari hashize iminsi ibiri Daniella avuze ko agomba kugira icyo avuga aho yagize ati 'Nabibonye, abantu benshi bari kunyoherereza amafoto bambaza icyo mbitekerezaho, nzababwira icyo ntekereza ninsubiza ubwenge ku gihe. Nize gufata ururimi rwanjye mu gihe ndakaye.'

Daniella yabinyujije kuri konti ye yerekanye andi mafoto yafashwe mu Ukuboza 2021, yerekana uko Teta Sandra yari yakorewe iyicarubozo na Weasel.

Sandra Teta ni uko aherutse kugirwa na Weasel

Nyuma y'ayo mafoto yagize ati: 'Aya ni amafoto ya Sandra mu Ukuboza, akeneye ubufasha bwose bushoboka. Akeneye ijwi ryacu kugira ngo yigarurire icyizere, mureke tumujye inyuma tumufashe muri uru rugendo. Bagore mwese nta gihe cyo gufasha mugenzi wanyu kitari iki, bamwe bakunze kuvuga ko bavugira abagore, igihe ni iki.'

Ku rundi ruhande ariko, Sandra Teta aherutse gusangiza abamukurikira ubutumwa bunyomoza abavuga ko yakubiswe na Weasel. Icyo gihe yatangaje ko yategewe mu nzira n’abagizi ba nabi, baramukubita, bamwaka telefone, isakoshi n’amafaranga yari afite. Byateye urujijo benshi, bamwe bakeka ko ari Weasel uri gukoresha telefone ye.

Sandra Teta akeneye ubutabera

Umugongo wuzuyemo inkoni

Amaboko yaravunaguritse

Source : https://inyarwanda.com/inkuru/119571/baramuvunaguye-umugore-wa-jose-chameleone-yasohoye-andi-mafoto-yuburyo-miss-sandra-teta-ya-119571.html

Source : https://www.kigalitoday.com/amakuru/mu-mahanga/article/rdc-babiri-bapfuye-barashwe-n-ingabo-za-monusco

Ikigo k'igihugu gishinzwe gukwirakwiza umuriro w'amashanyarazi mu Rwanda (REG), cyatangaje ko akarere ka Nyaruguru ko mu ntara y'amajyepfo kaza ku isonga ku isonga mu kugira amashyanyarazi ku ijanisha rya 99% hakaza n'akarere ka Kicukiro ko mu mujyi wa Kigali na ko kari ku ijanisha rya 99%.

Utundi turere two mu mujyi wa Kigali nka Nyarugenge; iri ku ijanisha rya 96% na ho Gasabo iri kuri 92%. Utundi turere tw'intara nka Bugesera igeze ku ijanisha rya 88%, Burera 69%, Gakenke 54%, Gatsibo 63%, Gicumbi 70%, Gisagara 70%, Huye 68%, Kamonyi 56%, Karongi 76%, Kayonza 76%, Kirehe 81%, Muhanga 66%, Musanze 82% , Ngoma 87%, Ngororero 55%, Nyabihu 62%, Nyagatare 77%, Nyamasheke 71% , Nyamagabe 70%, Nyanza 64%,Rubavu 94%,Ruhango 90%, Rulindo 67%,Rusizi 80% Rutsiro 70% na Rwamagana iri kuri 87%.

REG muri iyi Raporo yayo yo muri 2022, igarukira mu kwezi kwa Kamena yatangaje ko hagendewe ku ibarurishamibare, Kuva mu mwaka w'2010, ingo zagejejwemo umuriro w'amashanyarazi mu Rwanda ziyongereyeho 10%.

Kuri ubu mu Rwanda 73% by'ingo zifite umuriro w'amashanyarazi. Mu Rwanda kandi habarurwa ingo zigera kuri  1,995,371 zifite umuriro  w'amashanyarazi. Ingo zigera kuri 51 zikoresha umuriro w'amashanyarazi usanzwe mu gihe 22% bakoresha umuriro w'amashanyarazi uturuka ku zindi ngufu, zirimo izikomoka ku zuba.

Leta y'u Rwanda ifite intego yo kugeza umuriro w'amashanyarazi ku banyarwanda ku ijanisha rya 100% mu mwaka w'2024.

Yanditswe na Christophe Uwizeyimana

 

 

The post Nyaruguru ku isonga mu Turere dufite amashanyarazi menshi mu Rwanda appeared first on IRIBA NEWS.

Source : https://iribanews.rw/2022/08/01/nyaruguru-ku-isonga-mu-turere-dufite-amashanyarazi-menshi-mu-rwanda/

Guverinoma y'u Rwanda yazamuye umushahara wa mwarimu,  inatera inkunga koperative Umwalimu Sacco igera kuri miliyari eshanu mu rwego rwo guteza imbere imibereho ya mwarimu n'ireme ry'uburezi muri rusange.

Ibi bikaba bikozwe nyuma y'igihe abarimu bataka ko umushahara bahembwa ari iyanga.

Itangazo ryarutse muri Minisiteri y'Uburezi rivuga ko :

'Minisiteri y'Uburezi yishimiye kumenyesha Abanyarwanda ko Inama y'Abaminisitiri yateranye ku wa 29 Nyakanga 2022, yaganiriye ku iterambere ry'imibereho y'umwarimu, uburyo bwo gukomeza gushyigikira Ikigega cya Koperative Umwarimu SACCO no guteza imbere ireme ry'uburezi mu mashuri y'uburezi bw'ibanze, tekinike, imyuga n'ubumenyingiro, mu bigo by'amashuri ya Leta n'afatanya na Leta ku bw'amasezerano; bityo ifata ibyemezo bikurikira:

1. Gushyira mu kigega cya Koperative Umwarimu SACCO amafaranga miliyari eshanu y'amanyarwanda (5.000.000.000 FRW) mu rwego rwo kucyongerera ubushobozi bwo kurushaho gutanga inguzanyo ku mwarimu

2. Kongera imishahara y'abarimu ku buryo bukurikira:

i. Umwarimu ukorera kandi agahemberwa ku mpamyabumenyi y'amashuri yisumbuye — A2 (aba barimu bose hamwe ni 68.207) yongerewe 88% by'umushahara utahanwa w'umutangizi cyangwa 50.849 FRW;

Umwarimu ukorera kandi agahemberwa ku mpamyabumenyi y'icyiciro cya mbere cya Kaminuza — A1 (aba barimu bose hamwe ni 12.214) yongerewe 40% by'umushahara utahanwa w'umutangizi cyangwa 54.916 FRW; il. Umwarimu ukorera kandi agahemberwa ku mpamyabumenyi y'icyiciro cya kabiri cya Kaminuza — A0 (aba barimu bose hamwe ni 17.547) yongerewe 40% by'umushahara utahanwa w'umutangizi cyangwa 70.195 FRW.

3. Hongerewe kandi umushahara w'abayobozi b'amashuri, abayobozi bungirije n'abandi bakozi bo mu bigo by'amashuri ya Leta n'afatanya na Leta ku bw'amasezerano.

Ibi byemezo biratangira gushyirwa mu bikorwa mu guhemba umushahara w'ukwezi kwa Kanama 2022.'

[email protected]

 

The post Umushahara wa Mwalimu wazamuwe appeared first on IRIBA NEWS.

Source : https://iribanews.rw/2022/08/01/umushahara-wa-mwalimu-wazamuwe/

Bamwe mu bahinzi bo mu Murenge wa Simbi mu Karere ka Huye bavuga ko bimwe mu bishanga bahingamo bidatunganijwe neza kuko nta miyoboro y'amazi irimo, bakifuza ko byatunganywa bityo mu gihe cy'impeshyi imyaka yabo ntirumbe.

Aba bahinzi bifuza ko inzego zifite ubuhinzi mu nshingano zikwiye gutunganya ibishanga zikabishyiramo imiyoboro y'amazi kuko ari byo byabafasha kuhira imirima yabo mu gihe icy'impeshyi bityo imyaka ntirumbe kubera izuba.

Nteziryayo Jean Damascene, utuye mu Mudugudu w'Igonde mu Kagari ka Nyangazi, yabwiye itangazamakuru umwuga we ari umuhinzi, ariko ngo ajya akomwa mu nkokora n'uko ibishanga bidatunganijwe neza.

Yagize ati 'Mu gihe cy'izuba ntitubasha guhinga nkuko tubyifuza, turasaba ubuyobozi bw'akarere ka badufasha hagashyirirwa imiyoboro y'amazi mu mirima kugira ngo bijye bidufasha no mu gihe cy'ikimpeshyi tubashe kuvomerera imyaka yacu kugirango turusheho kwiteza imbere.'

Ubi kandi bigarukwaho n'umugore nawe utuye mu Murenge wa Simbi, utifuje ko dutangaza amazina ye. Ati 'Ndi umuhinzi w'imboga n'imbuto kimwe n'abagenzi batuye mu kagari ka Nyangazi, ariko tubangamirwa no kuba ibishanga bidakoze neza ku buryo dushobora kubona amazi hafi y'imirima ku buryo twajya duhinga no mu gihe cy'impeshyi.'

Ikifuzo cy'aba bahinzi nuko ibishanga byatunganywa bigashyirwamo imiyobora y'amazi ku buryo mu mpeshyi bajya babasha kuhira imyaka yabo yiganjemo imboga, bityo bagashobora guhaza isoko ryo mu Karere ka Huye, Nyamagabe no mu tundi duce duhana imbibe n'uturere twavuzwe harugu.

Umuyobozi w'akarere ka Huye wungirije ushinzwe iterambere ry'ubukungu  Kamana Andrew avuga ko hari gahunda yo  gukorera inyigo ibishanga byose bitameze neza muri aka karere kugira ngo bitunganywe.

Bimwe mu bishanga bidakoze neza aba bahinzi bavuga harimo igishanga cya Ruhoboba, giherereye mu Kagari ka Kabusanza n'igishanga cya Gasuma giherereye hagati y'Akagari ka Gisakura na  Nyangazi  byose biherereye mu murenge wa Simbi.

Ubuyobozi bwakarere ka Huye kandi butangaza ko kuri ubu hari gahunda ya nkunganire cyane ku bantu bafite aho bashobora gukura amazi, aho umuhinzi ashobora guhabwa imashini imufasha kuvomerera umurima we, akishyura 50%  leta nayo ikamwunganira 50% bitewe ni icyo akeneye.

[email protected]

 

The post Huye: Hari abahinzi basaba Leta ubufasha bwo kuhira imirima yabo mu Mpeshyi appeared first on IRIBA NEWS.

Source : https://iribanews.rw/2022/08/01/huye-hari-abahinzi-basaba-leta-ubufasha-bwo-kuhira-imirima-yabo-mu-mpeshyi/

Ni igikorwa cyabaye mu cyumweru gishize ku ya 30 Nyakanga 2022 mu Ntara ya Muyinga aho abagore bo mu ishyaka rya CNDD-FDD bazwi nk'Abakenyererarugamba bari babukereye mu munsi mukuru wiswe Abakenyererarugamba Day.

Ni ibirori byaranzwe n'akarasisi kadasanzwe, aba bagore biyeretse abategetsi ari nako baririmba indirimbo zo gukunda igihugu.

Mu myambaro idoze mu bitenge birimo amabara y'ishyaka riri ku butegetsi aba bagore bavuze ko 'Biteguye kumaramaza uwasomborotsa u Burundi.'

Bari bambaye kandi imipira iriho ifoto ya Nyakwigendera Petero Nkurunziza wahoze ategeka u Burundi ubu ni 'Imboneza y'amahoro' muri kiriya gihugu.

Muri kariya karasisi hatanzwe ibihembo kubiyerekanye neza, bamwe mu bagore bo mu ishyaka rya CNDD-FDD i Muyinga bahabwa ibihembo by'uko biteje imbere.

Muri ibyo birori kandi hari abatishoboye bahawe ibyo kurya n'ibikoresho by'isuku bitandukanye.

Havugiwe amagambo arimo kudatega amatwi abo mu mashyaka atumva ibintu kimwe nabo kuko ngo 'bagamije kubayobya ngo babambure volant yo kuyobora igihugu.'

Ku mbuga nkoranyambaga hakomeje gucicikana amafoto ya bariya bagore ari nako aherekereshwa amagambo agiye atandukanye.

Abakoresha imbuga nkoranyambaga basamiye hejuru aya mafoto by'umwihariko abo mu ishyaka riri ku butegetsi muri kiriya gihugu 'babavuga imyato karahava.'

Hari aberekanye ko aba bagore bakenyereye urugamba koko gusa bavuga ko hakazwa imyitozo ubutaha bakazambikwa imyambaro ibabereye inafata amabere mu gihe bari kwiyerekana.

Source : https://umuryango.rw/imyidagaduro/article/amafoto-agaragaza-abarundikazi-bari-mu-karasisi-akomeje-kuvugisha-benshi