Blog

Umukinnyi w’umunyarwanda ukina mu kibuga hagati asatira izamu, Muhire Kevin bivugwa ko yamaze kwerekeza mu ikipe ya Al- Yarmouk yo mu cyiciro cya kabiri muri Kuwait.

Uyu musore wari usoje amasezerano ye muri Rayon Sports yari anabereye kapiteni, ntabwo byakunze ko yongera amasezerano kubera impande zombi zitabashije kumvikana.

Kevin Muhire akaba yahisemo kwerekeza mu Burengerazuba bwa Asia mu gihugu cya Kuwait muri iyi kipe iheruka kumanuka mu cyiciro cya kabiri.

Iyi kipe kandi ikaba iheruka gutangaza Jorge Paixão wahoze atoza Rayon Sports nk’umutoza wa yo mukuru ufite inshingano zo kuyigarura mu cyiciro cya mbere, binavugwa ko ari na we wafashije Muhire Kevin kubona iyi kipe.

Mu gitondo cyo kuri uyu wa Gatatu tariki ya 3 Kanama 2022, mu Mudugudu wa Gishike mu Kagari ka Kaduha, Umurenge wa Munyaga, haramukiye inkuru y’ibyishimo ariko y’amayobera yuko Murebwayire Christine wari wabitswe ko yitabye Imana, yazutse.

Umunyamakuru wa RADIOTV10 yahise anyarukira muri aka gace, abaturage baho bamusanganiza iyi nkuru nziza.

Aba baturanyi b’uyu mugore, bavuga ko ku wa Mbere tariki 01 Kanama uyu mubyeyi yari yashyinguye umugabo we witabye Imana mu buryo bw’amarabira.

Bavuga ko nyuma y’umunsi umwe na we yaje kwitaba Imana, ndetse inkuru igasakara ko uyu mugore na we yashizemo umwuka, bigatuma hacika igikuba cy’uburyo aba bashakanye bombi basa nk’abapfiriye rimwe kandi bombi bapfuye n’impfu zidasobanutse.

Umwe ati 'Byahise biteza ikibazo gikomeye mu baturage, bati 'ukuntu abantu bahita bapfa mu rugo rumwe, bakava gushyingura bahita bajya gushyingura undi’ ni bwo abantu bahise bagira ikibazo gikomeye ariko ku bw’Imana yongeye guhembuka.'

Undi muturage avuga ko uyu mugore yazutse nyuma y’amasaha atanu bamubitse, ati 'Rwose twari twarize kuko ni umubyeyi wacu n’uwagiye ejo ni umubyeyi wacu.'

Uwabonye uyu mubyeyi yemeza ko yari yashizemo umwuka, ati 'Amenyo yari yafatanye, intoki zinaraye, amaguru yarambije ariko yazutse n’ubu aricaye tuje kumusura ubwa kabiri.'

Uyu mugore wagaragara nk’utaramera neza, yabwiye RADIOTV10 ko ibyo kuba yari yapfuye atabizi ahubwo ko na we yabibwiwe n’abari bamuriho.

Ati 'Nanjye ntabwo mbizi. Nari ndyamye ejo bahambye umusaza [umugabo we] ndaryama n’abari bantabaye twari turyamanye ni bo babashije kumbona, babonye ko ibintu byakomeye bahagamagara musaza wanjye 'bati nimutabare na wa mukecuru na we arapfuye’ ubwo bahita bahamagara abanyamasengesho baransengera. Aho mpembukiye mbona ndi kumwe n’abakristu barimo basenga'

Avuga ko inshuti n’abavandimwe bari bagarutse gutabara, ati 'N’uyu mwana yavuye i Rwamagana aje gushyingura.'

Umunyamabanga Nshingwabikorwa w’Umurenge wa Manyaga, Mukashyaka Chantal avuga ko uyu mukecuru atari yapfuye nkuko bivugwa ahubwo ko yari yagiye muri Coma kubera agahinda ko kuba yarapfushije umugabo we.

Ati 'Umugabo we yarapfuye, umugore we ananirwa kubyakira kwa kundi umuntu ashobora kugira shock ajya muri Coma, uyu munsi rero yayivuyemo, ntabwo ari ugupfu.'

Uyu mubyeyi wari wabitswe ko yapfuye, ubu ari kwitabwaho ndetse anaganirizwa n’inshuti n’abavandimwe kuko yagaragazaga ko ataramererwa neza.

Byumvikana ko iri zina ubwaryo ryafatanyaga ibintu bibiri birimo guharanira ukwizana kw'iyi njyana yafatwaga nk'iyibirara, noneho bikaba bibi kuko yayikoraga ari umukobwa kandi umuziki uvugwamo ruswa y'igitsina.

Oda Paccy nyiri iri zina abantu baramukunze akora umuziki karahava kugeza ubwo agarutse mu yindi mishinga irimo na Ladies Empire na n'ubu yaburiwe irengero, kuko yagiye nka za hene n'abahanzi barimo buri umwe aca ukwe.

Abinyujije kuri konti ye ya instagram, Odda Paccy yasangije abakunzi be barenga ibihumbi 170 ifoto yifashe ku itama maze yifashishije n'ikimenyetso cy'umutima, ababaza ingano y'uburyo bamukumbuyemo.

Uyu muhanzikazi umaze imyaka ibiri adakora mu nganzo ngo yake, yasanganyijwe n'ubutumwa burenga 40 bumusaba kuba yabaha indirimbo cyane ko bamukumbuye mu buryo we atakwiyumvisha.

Oda Paccy yabwiye abakunzi be ko abafitiye impano, gusa ntiyahishuye niba ari umuziki cyangwa ari Ladies Empire igarutse mu isura nshya.

Oda Paccy ubundi wajyanye na Ladies Empire ikagenda nka za hene, ubwiru burimo ni ubuhe cyane ko bikunda guhuzwa hagati ye na Ladies Empire?

Mu busanzwe Ladies Empire yari ibayeho neza ikanamurika abahanzi b'impano zitangaje, gusa haza kuza amahari n'intonganya hagati ya Ladies Empire ya Oda Paccy n'abahanzi ndetse na Muyoboke wari umwe muri Ladies Empire. (Aha twavuga nka Alto wari umaze gusinyira TB Music ndetse na Muyoboke).

Mu Ugushyingo 2020, Oda Paccy yanditse ku mbuga nkoranyambaga ze akoresha avuga ko 'yaba Muyoboke Alex na Alto bose bagifite amasezerano muri Ladies Empire'.

Muyoboke ashimangira ko ibyo Oda Paccy yavugaga ari ukuri, kuko icyo gihe yari agifite kontaro ya Ladies Empire. Akavuga ko yatunguwe no kumva mu itangazamakuru Oda Paccy, avuga ko Ladies Empire yagurishijwe.

Uyu mugabo avuga ko akunda umuziki ariko ko yanga agasuzuguro, ari nabyo byatumye ava muri Ladies Empire. Yavuze ko atigeze asinyana amasezerano na Paccy, ahubwo ko yasinyanye amasezerano na La Belle wari uhagarariye umuyobozi wa Ladies Empire.

Avuga ko Paccy muri Ladies Empire yari umuhanzi, atari umukoresha we. Yahishuye ko mu 2013 yasinyishije Oda Paccy nk'umuhanzi we, amufasha gukora indirimbo zigera kuri eshanu harimo 'Umusirimu'.

Yanavuze ko mu 2019 akimara gutandukana n'itsinda rya Charly&Nina, Oda Paccy yamwegereye amusaba ko yamubera umujyanama 'arabyanga'.

Mu mpera za 2019, Oda Paccy ari kumwe n'umugore wavugaga Icyongereza cyinshi bagiye kureba Alex Muyoboke, bamusaba gukorana nawe. Uyu mugore yavugaga ko ari umuyobozi wa Ladies Empire.

Ladies Empire yabanje kuba Girl's Empire. Muyoboke yavuze ko yahuye na Oda Paccy n'uyu mugore mu nshuro zigera kuri eshatu, asaba ko hari ibijya muri kontaro yagombaga gushyiraho umukono byose birubahirizwa.

Muyoboke avuga ko yari ashinzwe iyamamazabikorwa rya Ladies Empire no gushakira amasoko ibikoresho by'iyi studio, ko atari ashinzwe abahanzi kuko byari byahawe Nadia.

Muyoboke avuga ko mu kumenyekanisha studio yahise atangirana n'umushinga w'indirimbo 'Ndaryohewe', yakozwe na Producer X on The Beat.

Yavuze ko ari we watekereje buri kimwe cyose, ku mushinga w'iyi ndirimbo yahurijeho abahanzi 10. Uyu mujyanama w'abahanzi, avuga ko yajyaga anyuzamo akanita no ku bahanzi, akabasha kumenyekanisha ibikorwa byabo.

Ngo igihe cyarageze havuka amakimbirane hagati ya Oda Paccy na wa mugore [Umuyobozi wa Ladies Empire yitaga umufatanyabikorwa], byatumye studio ifungwa Muyoboke ajya mu rungabangabo.

Yavuze ko igihe cyageze studio iza kongera gufungura, asubiyeyo asanga harahindutse handitseho Classic Studio. Ngo Oda Paccy yamubwiye ko bahinduye izina kubera ko hari abantu bajyaga bamubwira ko babyitiriye abagore gusa.

Oda Paccy ngo yabwiye Muyoboke ko abari abafatanyabikorwa bagiranye ibibazo, hashize igihe gito yumva Paccy atangaje ko studio yamaze kugurishwa.

Muyoboke avuga ko kuva icyo gihe atongeye kuvugana na Oda Paccy. Ngo igihe cyarageze Oda Paccy aregwa mu nkiko, Muyoboke aritabazwa nk'umutangabuhamya.

Yavuze ko umuyobozi w'iyi studio yashakaga guhabwa 70% naho 30% igahabwa Oda Paccy. Ibi ngo nibyo bananiwe kumvikana bigera ubwo bitabaza inkiko.

Muyoboke Alex yashimangiye ko nta masezerano afitanye na Oda Paccy, ahubwo ko ayafitanye na Ladies Empire.

Ati 'Njyewe nta kibazo mfitanye na Oda Paccy, ndamwubaha. Ibindi byose ashobora kuzasobanura azabibasobanurire. Icyo ni cyo kibazo cyabayeho hagati ya Ladies Empire na Muyoboke Alex. Ngiye gushaka nashaka uwansinyishije ntabwo ari Paccy.'

Oda Paccy yabaga ategerejweho udushya

Muyoboke yavuze ko agifite kontaro muri Ladies Empire, ariko ko atagikorana nabo. Avuga ko kuva muri Nyakanga 2020 havugwamo umwuka mubi, yateye indi ntambwe atangira gukorana n'abandi.

Nyuma y'izo ntonganya zitandukanye Oda Paccy asa n'uwahise aburirwa irengero, kugeza ubwo haje no kuvugwa inkuru z'uko yafunzwe, yatorotse zose ariko akaza kuzihosha ubwo yagaragaraga mu bikorwa birimo n'ubucuruzi.

Indirimbo Ndaryohewe ni urugero rwiza rwo gusobanura Ladies Empire, gusa ubu abanyempano bayiririmbyemo harimo abatse n’abatikiye.

Minisiteri y’Ubuzima (MINISANTE) yatangaje ko ku wa Gatatu tariki 3 Kanama 2022 mu Rwanda habonetse abanduye Covid-19 bashya 14, bakaba babonetse mu bipimo (…)

Agasaro Kabarebe agaragara ari mu bwato bwiza kandi bigaragara ko buhenze cyane, ari ahantu heza hirengeye ku kazuba karinganiye, ari kumwe n'inshuti ze zitarimo umuhungu n'umwe, mu kwizihiza isabukuru ye y'amavuko y’imyaka 25.

Mu mashusho yasangije abamukurikira kuri Instagram kuri uyu munsi usobanuye byinshi mu buzima bwe kuko ari wo yaboneyeho izuba, uyu mukobwa agaragara mu nseko y'ibyishimo bisendereye, asangira na bagenzi be icyo kunywa anerekana ko anyuzwe cyane n'inshuti ze bari kumwe.

Agasaro wari wambaye ikanzu yiganjemo ibara ry'umutuku, yanyuzagamo akirira ibiryo byiza cyane ubona biteye ‘Appétit’ agasangira n'inshuti ze zamufashaga kwishimira imyaka 25 amaze ku Isi.

Ubwato bari barimo bugaragara nk'ubuhenze cyane ugereranyije n'ubwari buparitse muri ayo mazi. Ni ibirori byabereye ahirengeye cyane haniherereye mu rwego rwo kwishima nta mbogamizi.

Biragoye kumenya aho bari baherereye aho ariho, gusa mu bwato bari barimo hari hashinzemo amabendera abiri; irya Leta Zunze Ubumwe za Amerika n’irya Canada ndetse hafi yabo uhabona amazi ari kwisuka mu yandi ubona bishimishije rwose. Icyakora amakuru inyaRwanda yamenye ni uko ari muri Canada muri Ottawa.

Agasaro Kabarebe ashyira imbere cyane inshuti ze z’abakobwa

Mu minsi micye ishize Agasaro Kabarebe yasangije abamukurikira ifoto y'ababyeyi be, yandikaho ko anyuzwe abifuriza isabukuru nziza y'amavuko iba tariki ya 28 Nyakanga, anahishura ko bavukiye rimwe.

Nta makuru menshi azwi kuri Agasaro Kabarebe, gusa ku mbuga nkoranyambaga ze biragaragara ko ari umukobwa usabana, ucisha bugufi ndetse ukunda kwifotoza nk'abandi mu buzima bwe bwa buri munsi.

Uyu mukobwa ugaragara nk'ukunda abantu cyane, iyo ufunguye konti ye ya instagram uhingukira muri 'Bio' habarizwaho Angies Models, bica amarenga ko ariyo yaba abarizwamo. Iyi Angies Models iherereye muri Ottawa, muri Canada.

Agasaro mu byishimo byinshi ni we wafunguye shampanye

Usibye iyi agense kandi uyu mukobwa afite shene ya Youtube yitwa Entrée w RO! aho anyuza ibiganiro bigendanye n'ubuzima bwe bwite (Vlog) birimo icyo yakoreye i Nyanza n'i Huye ubwo yari yasuye ibice bitandukanye.

Ikiganiro cya mbere yashyize kuri konti ye ya Youtube ye, yerekanye ibyiza bitatse u Rwanda birimo gucunda, imbyino gakondo ndetse we na bagenzi be banasuye Ingoro Ndangamurage i Huye bigishwa ukuntu cyera basyaga amasaka.

Babyinnye mu kwinjira mu mwaka mushya wa Agasaro

Ibyishimo byagaragariraga buri umwe

Bafashe umwanye basangira na buri umwe

Ibiryo by’ubwoko bwose byari bihari

Aha Agasaro yari mu byishimo anapfundura Shampanye

Inshuti ze zifatanyije nawe ku munsi usobanuye byinshi mu buzima bwe

Agasaro araseka amasaro agaseseka

Ahantu bari bari hari heza cyane

Agasaro yahishuye ko yujuje imyaka 25 y’amavuko

Iyi nshuti ya Agasaro ni yo yabatwaraga rimwe na rimwe

Agasaro yishimiye bikomeye isabukuru ye y’imyaka 25

Ahantu Gasaro n’inshuti ze bari bari hari habereye ijisho

Aho bari baherereye hari amabendera abiri; irya Amerika n’irya Canada

Agasaro yujuje imyaka 25 y’amavuko

Ni umunyamideri w’umuhanga ariko udakunda kubigaragaza

Kuri Instagram akurikirwa n’ibyamamare birimo Miss Jolly na Miss Meghan

Muri iki gihe ambasade ya Leta zunze ubumwe za Amerika mu Rwanda iyoborwa na Chargé d'Affaires Deb MacLean.

Eric Kneedler ni umwe mu badipolomate bakuru, amaze igihe ari Chargé d'Affaires w'agategaynyo muri ambasade ya Amerika muri Kenya, guhera muri Mutarama 2021. Yatangiye inshingano muri Kenya mu 2017 nk'umujyanama mu bya politiki.

Mbere yaho yakoze bene izo nshingano muri ambasade y'i Manila muri Philippines, anaba umujyanama wungirije mu bya politiki muri ambasade yo y'i Bangkok muri Thailand.

Uyu mudipolomate ashyizweho mu gihe Umunyamabanga wa Leta Zunze Ubumwe za Amerika ushinzwe Ububanyi n'Amahanga, Antony Blinken, azasura u Rwanda na Repubulika Iharanira Demokarasi ya Congo, hagati ya tariki 7 Kanama na 12 Kanama 2022.

Mu Rwanda no muri RDC, Ibiro bishinzwe Ububanyi n'Amahanga muri Amerika bivuga ko Blinken azaganira n'abayobozi b'ibyo bihugu byombi ku ngingo ijyanye no kubaha ubusugire bwa buri ruhande.

Umunyamabanga wungirije wa Leta Zunze Ubumwe za Amerika ushinzwe Afurika, Molly Phee, aheruka kubwira Abanyamakuru ko mu ruzinduko rwa Blinken i Kigali, azanabonana na Perezida Paul Kagame.

Ati “I Kigali [Blinken] arateganya kugira amahirwe yo guhura na Perezida Kagame ku nshuro ya mbere kuva abaye Umunyamabanga wa Leta ushinzwe Ububanyi n'Amahanga. Bazaganira ku ngingo zitandukanye zijyanye n'ibibazo by'igihugu n'akarere muri rusange. Azanavuga ku ngingo ijyanye n'urubanza rwa Paul Rusesabagina, aho Umunyamabanga wa Leta yakunze kugaragaza ko yafunzwe mu buryo bunyuranyije n'amategeko.”

Amerika ivuga ko aho Blinken azajya, yaba mu Rwanda no muri RDC, azaganira n'abayobozi b'impande zombi ku kamaro ko kwimakaza demokarasi, imiyoborere myiza, ndetse n'amahame yo kurengera uburenganzira bw'ikiremwamuntu.

---

Ahagana saa cyenda z’igicamunsi ni bwo umunyamakuru wa inyaRwanda.com yageze mu mudugudu wa Gishike mu rugo rwa Murebwayire, amaze kuhagera ahasanga abaturage bavuga ko batabaye baje gushyingura nyuma yo kubwirwa inkuru mbi yo kubika Murebwayire babwirwa ko yapfuye. 

Umwe mu bo twahasanze yahamije ko yapfuye ariko yazutse kubera amasengesho. Ati: “Ejo umukecuru twari kumwe twagiye gushyingura umugabo tuvayo ari muzima, twamaze gutaha mu gitondo nka saa kumi n’imwe baratubwira ngo umukecuru nawe yapfuye. Twaje dutabaye tuje gushyingura ariko tugeze hano batubwira ko abanyamasengesho bamusengeye arahembuka arazuka, ubu turashima Imana yakoze igitangaza kubera amasengesho.”

Mushimiyimana Peruth umuturanyi wa Murebwayire avuga mu gitondo babwiwe ko Murebwayire yapfuye ndetse bari biteguye kumushyingura. Aragira ati: “Uyu mubyeyi ejo yashyinguye umugabo we, mu gitondo tugiye kumva baturatubwira ngo arimo gusamba, twagiyeyo dusanga yagagaye amenyo yafatanye mbese tubona byarangiye. Haje abafasha bakoresheje amasengesho arazanzamuka arazuka abantu bari barimo kuza gushyingura bababwira ko yazutse.”

Bamwe mu baturage bavuga ko bagize ubwoba bamaze kubika ko Murebwayire yapfuye. Umwe baturage avuga ko baketse ko yarozwe akaba ariyo mpamvu batamujyanye kwa muganga bagahuruza abanyamasengesho.

Ati”Uburyo yafashwemo ntabwo butandukanye n’ubwo muzehe yafashwemo agapfa atarwaye kuko yafashwe mu gitondo bamujyanye kwa muganga yapfuye akimara kugerayo. Umukecuru yafashwe nkawe uko byamugendekeye dukeka ko babarogeye hamwe kuko uburyo yafashwemo ni nk’uko umugabo we yafashwe ni yo mpamvu baketse ko ari amarozi n’imyuka mibi”.

Umuhungu wa Murebwayire yavuze ko namubwiye ko nyina arimo gusamba yajya kumureba nyina akamubwira ko amufataho kugira ngo apfe amufashe mu kiganza”.

Murebwayire Christine uvuga ko yazutse yabwiye inyaRwanda ko ibyamubayeho atigeze amenya uko byagenze agashima abamusengeye. Ati”Ubu ndi muzima ariko uko byatangiye ntabwo mbizi uretse ko nabyutse nkisanga ndi kumwe n’abakirisitu bansengeraga nanjye nahise mfata Bibiliya ndaririmba.”

Akomeza avuga ashimira abamusengeye. Ati”Ndashimira abansengeye kuko ubusanzwe ndi umuporodesitanti ariko abansengeye ni abo mu cyumba cy’amasengesho, kuba bansengeye nkazuka ndabishimira Imana.”

Dr Utumatwishima Abudrah Umuyobozi w’ibitaro by’Intara bya Rwamagana aganira na inyaRwanda.com yavuze ko nta muturage ukwiye kwemeza ko umuntu yapfuye bitemejwe na muganga .

Ati”Urupfu rw’umuntu rwemezwa na Muganga wenyine nta muturage ufite ubushishozi bwo kwemeza ko umuntu we yapfuye, niyo mpamvu umuturage n’iyo apfiriye mu rugo bamujyana kwa muganga hagakorwa isuzuma kugira ngo tumenye niba umutima n’ubwonko niba bigikora”.

“Hari ibindi bimenyetso tureba kugira ngo hemezwe ko umuntu yapfuye, niyo mpamvu dusaba abantu kujya bihutira kujya kwa muganga kubera ko ntacyo bashingiraho bavuga ko umuntu yapfuye akazuka”.

Dr. Utumatwishima arakomeza avuga ko Murebwayire bagomba gukurikirana ubuzima bwe kuko umuryango we utagomba kwiringira amasengesho gusa. Aragira “Tugiye gukurikirana tumenye amakuru neza dufatanyije n’inzego z’ibanze agomba kugera ku bitaro tukamupima dukoresheje ibyuma dukoresha kugira ngo tumenye ikibazo ubuzima bwe bwagize”.

Ati “Gusenga byonyine ntibihagije, umubiri w’umuntu ufite uko uteye ku buryo ashobora guta ubwenge bwagaruka bakavuga ko bamusengeye akazuka. Kuba yagize ikibazo cyo guta ubwenge ni ikimenyetso ko ubuzima bwe butameze neza .”

Umugabo wa Murebwayire Christine witwa Nyabyenda Dieudonne wari ufite imyaka 60 yapfuye amarabira kuko yafashwe mu rukerera rwo kuwa Mbere tariki ya mbere Kanama 2022, abaturage baganiriye na inyaRwanda.com bakeka ko yazize amarozi akaba ariyo mpamvu bahuruje abanyamasengesho ngo basengere Murebwayire bavuga ko babahamagaye arimo gusamba.

Batabaye Murebwayire bazi ko yapfuye bageze iwe babwirwa ko yasengewe n’abanyamasengesho arazuka